Пул бозори - Iqtisodiyot - Referatlar

Пул бозори

Yuklangan vaqt:

20.09.2019

Ko'chirishlar soni:

0

Hajmi:

68 KB

Ko'chirib olish

Пул бозори Режа: 1. Пул бозори – молия бозорининг таркибий қисми сифатида. 2. Қисқа муддатли хазина мажбуриятлари ёки хазина векселлари. 3. Пул бозорига доир операцияларни ташкил этиш. 4. Ўзбекистон Республикасида пул бозорининг шаклланиши ва уни такомиллаштиришнинг асосий йуналишлари.

Таянч ибора. Пул, эквивалент, пулга талаб, пул таклифи, пул бозори, молия бозори, сармоя, қимматли қоғозлар, вексел, утказма вексел, инвестор, облигация, акция, дивидент. Бозор иқтисодиёти мавжуд экан уни пул бозорсиз тасаввур этиб бўлмай. Маълумки пул бор экан уни қарзга олиш ёки қарзга бериш табиий хол хисобланади, бундан ташқари фойда олиш мақсадида пулни валюта сифатида бошқа давлат пул бирлигига айрибошлаш кенг ривожланган бўлади. Демак, ҳозирги бозор иқтисодиётида қарзга пул олиш одатдаги иқтисодий вокеага айланган. Масалан: фирмалар ускуналар, машина, хом аше, ёкилги сотиб олиш, иш ҳақи тўлаш учун, фермерлар уруглик, угит ва техника сотиб олиш учун, давлат уз сарфини коплаш учун, жисмоний шахслар кушимча даромат олиш учун қарз оладилар ехуд пул сотиб оладилар. Бундан хулоса шуки пулга талаб бор. Айник вақтида бошқа юридик ва жисмоний шахсларда ортикча пул захираси мавжуд бўлади, бундан хулоса пуо таклифи бор. Пулга талаб ва пул таклифи пул бозори мавжудлигининг асоси хисобланади. Агар оддий хулоса қилинса, пул бозори билан кредит муносатлари ўртасида ухшашлик бордай туюлади, аслида ундай эмас, улар ўртасида катта фарқ бор. Агар пул бозорида барча субъёкитларнинг узларига тегишли пул маблағлари иштирок этса, кредит узга мулки бўлган пулни қарзга олиб, ишлатиш борасидаги муносатларни англатади. Пул бозори билан кредитнинг умумийлиги шундаки, уларнинг ҳар иккаласида ҳам пул маблағлари юзасидан бўладиган муносатлар етади, уларнинг фарқи эса пул маблағларини жамлаш ва ишлатиш усулининг ҳар хил бўлиши билан ҳарактерланади. Пул бозорида пул эгасиуз мулки бўлган пул ресурсларини хохлаган вақтда, хеч бир ҳаражатсиз ишлатиши мумкин. Мавзунинг 1-саволи пул бозори-молия бозорининг таркибий қисми сифатида деб аталган. Бунинг сабаби пул бозорисиз тулик маънодаги молия бозорини тасаввур этиб бўлмайди. Чунки

мамлакатнинг молия бозори пул бозори, қимматли қоғозлар бозори ва сармоялар бозоридан ташкил топади. Пул бозори ҳам, қимматли қоғозлар бозори ҳам, самоялар бозори ҳам расмий ва норасмий равишда фаолият кўрсатади. Расмий бозорлар қонун доирасида амал килса, норасмий бозорлар инфиляция жараёнлари давом этиб товар – пул муносабатлари бузилган даврларда қонундан ташқари фаолият кўрсатади. Молия бозори иштирокчилари мулк эгаси сифатида уз бойлигидан узлари билганларича фойдаланишлари мумкин, шу сабабли улар пул юзасидан эркин муносабат асосида битимга келадилар. Молия бозорида пулга қимматбахо қоғозлар – облигация ва акциялар сотиб олинади. Молия бозорида вексель ва сертификат каби хужжатлар ҳам пул сингари муомалада бўлади, улар ҳам олди-сотди қилинади. Молия бозори амалиётда расмий равишда тижорат банклари, суғўрта, инвеститция, молия компанентлари, фоид биржалар, аукционлар орқали фаолият кўрсатади. Молия бозоридаги операциялар махсус воситачилар димрлар, брокер фирмалар орқали амалга оширилади. Молия бозорининг энг аҳамиятли жойи шундаки, у аҳоли қулидаги улик, ҳаракатсиз пулни жонли, даромат келтирувчи пулга айлантради. Бундан шундай хулоса келиб чиқадики, молия бозори миллий ва ҳалқаро хўжалик доирасида пул маблағлари эркин ҳаракатининг махсус шакли хисобланади. Энди бевосита пул бозорининг узига қайталик. Жаҳон пул бозори амлиетидан маълумки қисқа муддатли хазина мажбурятлари ёки хазина веселлари (улар хазина билетлари ҳам аталади) пул бозорининг асосий ҳаракатлантирувчи воситаларидан бири хисобланади. Вексель – немисча айирбош сўзиданолиган бўлиб, муайян миқдордаги қарзга олинган пулни белгиланган муддатда катъий тўлаш мажбурияти юкланган, қонун билан тасдикланганхолатда тулдириб расмийлаштирилган қарздорлик хужжатидир. Уларни ҳар қандай тўлашга лаекатли корхона

чиқариш ҳуқуқига эга. Веселни сотиш, кредит сифатида бериш ва аник олди- сотди битимида тўлов воситаси сифатида ишлатиш мумкин. Векселлар асосан қисқа муддатга (бир йилгача) берилади, унинг оддий ва утказма турлари мавжуд. Хазина векселлари инвесторларни жуда кизиктиради, чунки улар ишончли, ликвидли ва даромадлари кафолатланган. Одатда янги чиқрилган векселлар дастлаб ким ошди савдосида (аукционда) сотилади, буерда сотувчи сифатида молия муассасининг узи, ҳаридорлар сифатида эса махсус диллерлар, банклар ишлаб чиқариш тузилмалари иштирок этади. Хазина векселлари буйича туланадиган фоизлар дисконт (хисобга олиш) шаклида туланади. Масалан: агар хазина билетининг номинал қиймати 100 сўм бўлса, очиқ савдода у 96 сўмлик дисконт нархида сотилади. Аншу арк унинг дароматлилигини белгилайди. Векел буйича даромат қуйидаги формула буйича хисобланади: [(100-нарх):нарх]*[360*100: қайтариш муддати]. Бизнинг мисолимизда, агар катариш муддатигача колган 94 кун бўлса, даромат қуйидагини ташкил қилади: [(100-96):96]*[360*100:94]=16,0 % Хазина векселлари энг қисқа муддатли давлат қоғози бўлганлиги учун, одатда улар буйича фоизлар узоқ муддатли ва ўрта муддатли қоғозларникига нисбатан паст бўлади. Хазина векселлари – давлат учун энг малол келадиган қарз мажбуриятлари хисобланади. Бунга сабаб шуки, қисқа муддат мобайнида уларнинг эгалари кўплаб миқдордаги векселларни қайтаришлари мумкин. Кўпинча, қарз мажбуриятларининг ушбу хили буйича қарздорлик давлат қарзининг асосий қисмини ташкил қилади. Хазина билетларининг такомиллаштирилган тури – жамғарма облигацияларидир. Улар облигация эгаси номига кайд қилинади ва уларни сотиб бўлмайди, шунинг учун уларни “Бозордан ташқари” деб аташади. Уларни фақат айрим шахслар ва баъзи инвестиция фоизлари чекланган миқдорда сотиб олиши мумкин. Уларнинг ёзилган қийматини облигация эгаси истаган пайтида қайтариб олиши мумкин, бу эса уларни юқори ликвидли қилади. Жамғарма облигациялари

бир йилда бир марта чиқарилади, уни иш ҳақидан ушлаб колиш йўли билан ёки нақд пулга ҳарид қилиш мумкин. Хазина векселлари билан бўладиган операцияларни фьючерс битимларисиз тулик таввур этиш мумкин эмас. Фьючерс битимлари буйича операциянинг мақсади фоиз ставкалари ўзгаришидан чайков қилиш ва бу ставкаларнинг ўзгариши билан боғлиқ таваккалдан сакланишдир. Соддарок қилиб айтилса фьючерс битими тузилганида қимматбахо қоғозлар нархи ўзгарса ҳам (маълум муддат ўтганидан кейин) шартномада кўрсатилган бахо буйича туланади. Банк вексели – пул бозорининг навбатдаги воситаси хисобланади. У кенг таркалган бўлиб, келгусида маълум муддатда тўлаш шарти билан товарга ҳақ тўлаш учун фирма ёзиб берадиган чекдан иборат. Бундай векселда “Акцептланган” деган банк белгиси бўлади, бу белги тўлаш буйругини ифодалаб, чек топшириладиган банкка уз-узидан кафолат вазифасини утайди. Бундай вексель фирма билан яхши таниш бўлмаган, лёкин банкка мутлок даражада ишонадиган хорижий мижозларга жуда қул келади. Банкларнинг вексель операциялари қисқа муддатли тижорат кредити билан бевосита боғлиқ. Ҳаридор товар ҳақини узи тулай олмаса, векселларни нақд пулга айлантириш эхтиежи туғилади ва бўлиш вексель операциялари ердамида бажарилади, яъни банк муддати келмаган векселни сотиб олади ёки улар юзасидан пул ссудалари беради. Ссуда берилганида векселлар банк ихтиёрига утади, ссуда қайтариб берилиши билан векселлар эгасига қайтарилади. Векселлар юзасидан берилган ссудалар муддатли (қайтариш муддати кўрсатилган) ва муддатсиз яъни онкол (банк томонидан исталган пайтда қайтариб олинадиган) хилларга бўлинади. Улар одатда 1 ойдан 3 ой муддатгача берилади. Пул бозорининг яна бир унсури – депозит сертификати (банкнинг корздорлиги ҳақидаги хужжат) деб айтилади. ДС – кредит муассасаси бўлган банкнинг омонатчини депозит кредит муассасаларига сақлаш учун жойлаштирилган пул маблағлари ёки қимматли қоғозлар (банк жамғармаси) олиш ҳуқуқини тасдикловчи, пул маблағларини депонентга

утказилганлигини билдирувчи езма гувохномаси хисобланади. ДС нинг икки шакли мавжуд: талаб қилиб олинадиган (сертификатни кўрсатиб маълум сўммани олиш ҳуқуқини берадиган) ва муддатли (муддати тулганидан сўнг туланадиган) сертификатларга бўлинади. ДС ҳам юқори ликвид хисобланади. Агар уларни обрули йирик банклар чиқарган бўлса, улар муомала ва тўлов воситаси сифатида пулнинг ўрнини босади. Аммо бу иқтисодий юксалган, ривожланган мамлакатларда кенг таркалган. Пул бозорини гапирганимизда сармояларбозорининг мазмунига тўхтаб утиш фойдадан хли бўлмайди. Сармоялар бозори мамлакат учун мухим бўлган вазифа – йирик давлат муаммоларини хал қилиш учун сармояларини туплаш ва уларни мақсадли йуналтиришга хизмат қилади. Сармоялар бозорининг асосий молиявий воситалари – карпарциялар ва махаллий хукумат облигациялари, акциялар, кафолат кредити, ўрта ва узоқ муддатли хазина мажбуриятлари, заемлар хисобланади. Сармоялаш – қимматли қоғозлар бозоридаги ва умуман иқтисодиётдаги қуламни ифодалайдиган кўрсатгич. Сармоялар бозорида энг кенг таркалган қимматбахо қоғоз турларидан бири облигациялардир. Облигация – унинг эга пул маблағлари туланганлигини билдирадиган ва унга катъий белгиланган муддатда уз наминал қийматини коплаш мажбуриятини тасдиклайдиган қимматли қоғоз. Облигацияни чиқарган ташкилот (эмитент) пул қарз олувчи ва сотиб олувчи (инвестор) қарз берувчи яъни кредитор сифатида номаен бўлади. Улар оддий ва ютўқли, фоизли ва фоизсиз (мақсадли), эркин муомалада бўладиган ва муомала доираси чекланган бўлиши мумкин. Облигацияларнинг номинал (узига езилган) нархи, қайтариб олиш нархи ва бозор нархи бўлади. Сармоялар бозорининг яна бир унсури – акциялар хисобланади. Акция – акционерлик жамияти чиқарадиган ва унинг эгасига жамият оладиган фойдадан дивидент тариқасида маълум мирдорда даромат олиш ҳуқуқини берадиган қимматбахо қоғоздир.

Акциядан фарқлирок облигациялар фақат қарздорликни билдиради. Акциялар икки хил бўлади: оддий ва имтиезли. Оддий акция шундай акцияки, унга тегадиган дивидент фойдага қараб ҳар хил бўлади, унинг миқдори катъий кафолатланмайди, аммо у эгасига акционер жамият йиғинида овоз бериб, унинг ишини хал этишда иштирок этиш ҳуқуқини беради. Оддий акцияда дивидентни олмай колиш хавф-хатари ҳам мавжуд бўлади. Имтиезли акция шундай акцияки, унга тегадиган даромат катъий фоиз шаклида олдиндан белгиланади ва албатта у берилади, жорий йилда тегмай колган дароматни келажакда олишни кафолатламайди, аммо уз эгасига акционерлар йиғинида бериш ҳуқуқини таъминламайди. Молия бозорида оддий акционерга нибатан имтиезли акциялар ҳардоргир бўлади. Акцияларда кўрсатилган қиймат унинг номинал қиймати бўлади, аммо унинг бозор бахоси ундан паст ёки баланд бўлиши мумкин. Бозор бахоси бозор курси деб аталади.бозор бахоси қимматбахо қоғоз катировкаси деб аталади. Ўзбекистон Республикасида ҳам мустакиллик шарофати билан молия бозори хусусан пул бозори астасекин таркиб топиб, ривожланиб бормокда. Давлат қисқа муддатли облигациялари (ДКМО) муомалага чиқарилиши натижасида сармоялар бозорида энг юқори ликвидли, юз фоиз ишонли молия воситаси пайдо бўлди. ДКМО инвесторлар учун ҳам, оддий фуқаролар учун ҳам анча фойдали хисобланади, сабаби, унинг даромадлари соликка тартилмайди. Республикамизда уч ойлик қисқа муддатли заем облигациялари буйича биринчи савдолар 1996 йил 28 мартда бўлиб утди. Жамғарма облигациялари ва фьючерс битимлари Ўзбекистон қимматли қоғозлар бозорида хали унча ривожланмаган. Банк векселлари Ўзбекистонда анча кенг ривожланган. Республика банклари қимматли қоғозлар эмиссиясининг умумий хажмида улар нофоизга якинни ташкил этади. Ҳозирги кунда республика тижорат банкларининг деярли ярми векселлар чиқариш билан шугулланади.бу векселларнинг

иқтисодиётдаги аҳамияти шундаки, уларнинг ҳар бир сўми Республикани XIX асридаги ўзаро қарзларнинг 6 сўммдан ортигини узди. Агар депозит сертификатларига келсак мазкур молиявий восита Ўзбекистонда эндигина пайдо булмокда, республика тижорат банклари қимматли қоғозла умумий миқдорида улар 2% дан ошмайди (1997 йилга). Ўзбекистонда пул бозори ривожланаетганлигига яна бир мисол 1996 йилдан бошлаб пулларнинг янги энг замонавий хилларидан бири – пластик карточкалар муомалага чиқарилди. Унинг афзаллиги шундаки унинг эгаси биринчидан, карточкани кабул қилувчи банклар ва банк бўлимларида нақд пул олиш, иккинчидан, хизматлар ва товарларга ҳақ тўлашлари мумкин. Шундай қилиб мустакил Ўзбекистон Республикасида ҳам молиявий бозор ва унинг унсурлари ривожланиб бормокда.

Фойдаланилган адабиётлар : 1. И. А. Каримов – Ўзбекистон иқтисодий сиёсатининг устивор йуналишлари Тошкент Ўзбекистон нашриёти 1993 й. 2. И. А. Каримов –Ўзбекистон бозор иқтисодиётига ўтишни ўзига хос йўли. Тошкент Ўзбекистон нашриёти 1993 й. 3. И. А. Каримов –Ўзбекистон иқтисодий ислоҳотларини чуқурлаштириш йўлида Тошкент Ўзбекистон нашриёти 1995 й. 4. В. А. Чжен – “Пул ва молия бозорлари” Тошкент иқтисодиёт ва ҳуқуқ нашриёти 1997 й. 5. В. А. Чжен – “Бозор очиқ иқтисодиёт” Тошкент иқтисодиёт ва ҳуқуқ нашриёти 1997 й. 6. В. А. Чжен – “Бозор қонунлари асослари” Тошкент иқтисодиёт ва ҳуқуқ нашриёти 1997 й. 7. Ё . Абдуллаев, Т. Бобоқулов – Кредит. Тошкент меҳнат нашриёти 1997 й. 8. Ўзбекистон Республикаси – Қонунлар ва фармонлар Тошкент адолат нашриёти 1993 й. 9. Ўзбекистон Республикаси Маразий банки фаолиятига доир меъ ё рий хужжатлар Тошкент 1996 й. 10. Ўзбекистон Республикаси Вазирлар маҳкамасининг банк тизимини такомиллаштириш ва пул кредит муносабатларини барқарорлаштириш чоралари тўғрисидаги 1994 йил 18 март 146 сонли қарори.

O'xshashlar

Пул бозори.

Пул тизими ва пул муомаласи

Пул назарияси

Пул муомаласи конуни инфляция ва пул массаси

Пул ва пул муомаласи ҳақида шарқ таълимоти.