Молиявий натижалар ҳисоби - Iqtisodiyot - Referatlar

Молиявий натижалар ҳисоби

Yuklangan vaqt:

08.10.2023

Ko'chirishlar soni:

0

Hajmi:

210 KB

Ko'chirib olish

Молиявий натижалар ҳисоби Режа: 1. Корхона даромадларининг ҳисоби 2. Корхона харажатларининг ҳисоби 3. Охирги молиявий натижалар кўрсаткичлари ва уларнинг ҳисоби 4. Ҳисобот давр фойдасини ишлатилиши ва корхона соф фойдасини тақсимланишининг ҳисоби

Корхона даромадларининг ҳисоби Корхоналар молиявий-хўжалик фаолиятининг муҳим кўрсаткичи бўлиб даромадлар ҳисобланади. Ушбу кўрсаткичнинг моҳияти, таснифи ва тавсифи республикамизда қабул қилинган қуйидаги меъёрий ҳужжатларда атрофлича очиб берилган: • Ўзбекистон Республикаси Солиқ Кодекси (16-модда); • БҲМС «Молиявий ҳисоботни тузиш ва тақдим этиш учун концептуал асос» • 2-сон БҲМС «Асосий хўжалик фаолиятидан олинган даромадлар» • «Маҳсулот (иш, хизмат)ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом». Ушбу меъёрий хужжатларга мувофиқ даромад деганда, умумий олганда, ҳисобот даврида корхона активларини қўпайиши ёки унинг мажбуриятларини камайиши тушунилади. Корхоналарнинг барча даромадлари Ўзбекистон Республикасининг Солиқ Кодексида 13 та турга бўлинган (16-модда), 2-сон БҲМСда ушбу турдаги даромадлар иккита катта гуруҳга, яъни асосий фаолиятдан олинган даромадлар ва асосий бўлмаган фаолиятдан олинган даромадларга, ажратилган (1- чизмага қаранг). Асосий фаолиятдан олинган даромадлар деганда корхона уставида белгиланган асосий фаолиятдан олинган даромадлар тушунилади. «Маҳсулот (иш, хизмат)ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом» га мувофиқ корхоналарнинг асосий фаолиятдан олинган даромадлари, ўз навбатида, қуйидаги икки гуруҳга ажратилади: • Сотишдан олинган даромадлар - буларга маҳсулот, товарлар, ишлар ва хизматларни сотишдан олинган тушумлар (акциз, ҚҚС ва экспорт бўйича божхона божидан ташқари) киради.

• Асосий фаолиятдан олинган бошқа даромадлар -буларга корхонанинг асосий воситалари ва бошқа активларини сотишдан олинган фойда, ўндирилган жарималар, воз кечилган кредиторлик қарзлари, бепул келиб тушган активлар, инвентаризацияда аниқланган ортиқчалар, ТМБ ларни қайта баҳолашдан олинган даромадлар ва бошқалар киради. Асосий бўлмаган фаолиятдан олинган даромадлар деганда бевосита асосий фаолиятга тааллуқли бўлмаган фаолият турларидан олинган даромадлар тушунилади. Бундай даромадлар Низомга мувофиқ молиявий фаолиятдан олинган даромадларга ва фавқулотдаги даромадларга бўлинади. Молиявий фаолиятдан олинган даромадлар деганда қимматли қоғозлар, валюта операциялари, кредит ва қарзларни беришдан олинган даромадлар тушунилади. Буларга роялти, дивидендлар ва фоизлар, ижобий курс фарқлари кўринишидаги даромадлар ва бошқалар киради. Фавқулотдаги даромадлар деганда юз бериши доимий характерга эга бўлмаган, кутилмаган тасодиф ва ҳодисалардан олинган даромадлар тушунилади. Буларга давлат қонунларини ўзгариши, табиий офатлар, революцион ўзгаришлар натижасида вужудга келган даромадлар киради. Корхона даромадлари бўйича бухгалтерия ҳисобининг асосий вазифалари бўлиб қуйидагилар ҳисобланади: • Даромадларни ҳисоблаш тамойилига мувофиқ улар юз берган вақтдан бошлаб тан олиш ва баҳолаш; • Даромадларни тўғри гуруҳлаш ва тегишли счётларда акс эттириш; • Даромадларни солиқларга муносабатини тўғри белгилаш; • Даромадларни молиявий ҳисоботда тўғри акс эттириш ва бошқалар Сотишдан олинган даромадларнинг ҳисоби. 21-сон БҲМСга мувофиқ сотишдан олинган даромадлар қуйидаги счётларда ҳисобга олинади: • 9010 “Тайёр маҳсулотларни сотишдан олинган даромадлар” - бу пассив ва вақтинчалик счётда корхоналар ўзлари ишлаб чиқарган маҳсулотларини сотишдан олган даромадларини ҳисобга олишда фойдаланадилар.

Счётнинг кредитида олинган даромад йил мабойнида тўпланиб боради, бунда маҳсулотни сотиш усулига қараб турли счётлар дебетланади. Масалан, маҳсулот нақд пулга сотилганда 5010 ―Касса счёти, маҳсулот нақдсиз сотилганда эса 4010 ―Харидорлар ва буюртмачилардан олинадиган счётлар, 4110 ―Махсус ажратилган бўлинмалардан олинадиган счётлар, 4120 ―Шўъба ва қарам хўжалик жамиятларидан олинадиган счётлар ва бошқа дебиторлик қарзларни акс эттирувчи счётлар дебетланади. Йил мабойнида 9010 ― Тайёр маҳсулотларни сотишдан олинган даромадлар счёти фақат кредит сальдосига эга бўлади ва бу сальдо йил бошидан бошлаб олинган даромад суммасини кўрсатади. Йил якунида ушбу счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9020 “Товарларни сотишдан олинган даромадлар” - бу пассив ва вақтинчалик счёт асосан улгуржи ва чакана савдо корхоналарида, шунингдек ўзлари ишлаб чиқарган маҳсулотларини фирма магазинлари орқали сотадиган ишлаб чиқариш корхоналарида ишлатилади. Счётнинг кредитида товарларни сотишдан олинган даромад йил мабойнида тўпланиб боради, бунда товарларни сотиш усулига қараб 5010 ―Касса счёти, 4010 ―Харидорлар ва буюртмачилардан олинадиган счётлар, 4110 ―Махсус ажратилган бўлинмалардан олинадиган счётлар, 4120 ―Шўъба ва қарам хўжалик жамиятларидан олинадиган счётлар ва бошқа дебиторлик қарзларни акс эттирувчи счётлар дебетланади. Йил мабойнида 9020 ― Товарларни сотишдан олинган даромадлар счёти фақат кредит сальдосига эга бўлади ва бу сальдо йил бошидан бошлаб олинган даромад суммасини кўрсатади. Йил якунида ушбу счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9030 “Бажарилган ишлар ва хизматлардан олинган даромадлар” - бу пассив ва вақтинчалик счёт асосан қурилиш ташкилотлари ва хизмат соҳаси корхоналарида, шунингдек асосий фаолиятидан ташқари иш ва хизматлар кўрсатувчи бошқа турдаги корхоналарда ишлатилади. Счётнинг кредитида бажарилган иш ва хизматларни сотишдан олинган даромад йил мабойнида уларга

гувоҳлик берувчи ҳужжатлар асосида тўпланиб боради. Иш ва хизматларни сотиш усулларига қараб 5010 ―Касса счёти, 4010 ―Харидорлар ва буюртмачилардан олинадиган счётлар, 4110 ―Махсус ажратилган бўлинмалардан олинадиган счётлар, 4120 ―Шўъба ва қарам хўжалик жамиятларидан олинадиган счётлар ва бошқа дебиторлик қарзларни акс эттирувчи счётлар дебетланади. Йил мабойнида 9030 ― Бажарилган иш ва хизматларни сотишдан олинган даромадлар счёти фақат кредит сальдосига эга бўлади ва бу сальдо йил бошидан бошлаб олинган даромад суммасини кўрсатади. Йил якунида ушбу счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. Сотилган маҳсулотлар, товарлар, иш ва хизматлар турли сабабларга кўра корхонага қайтарилиши мумкин. Бундай ҳолда қайтарилган маҳсулотлар, товарлар, иш ва хизматларнинг қиймати махсус контрпассив бўлган 9040 ― Сотилган товарларни қайтарилиши счётининг дебетида акс эттирилади, бунда мос равишда 5010 ―Касса,4010 ―Харидорлар ва буюртмачилардан олинадиган счётлар, 4110 ―Махсус ажратилган бўлинмалардан олинадиган счётлар, 4120 ―Шўъба ва қарам хўжалик жамиятларидан олинадиган счётлар ва бошқа дебиторлик қарзларни акс эттирувчи счётлар кредитланади. 9040― Сотилган товарларни қайтарилиши счётининг дебетида тўпланган сумма мос равишда 9010 ―Тайёр маҳсулотларни сотишдан олинган даромадлар, 9020 ―Товарларни сотишдан олинган даромадлар, 9030 ―Бажарилган иш ва хизматлардан олинган даромадлар счётларининг дебетига ўтқазилади ва шу асосда ушбу счёт ёпилади. Қайтарилган маҳсулотлар, товарлар, ишлар ва хизматлар бўйича сотиш таннархи ва сотишдан олинган ҚҚС суммасини акс эттирувчи счётларга ҳам тузатишлар қилинади. Маҳсулотлар, товарлар, иш ва хизматларни сотишда харидорлар ва буюртмачиларга тузилган шартнома шартларига кўра турли миқдорда чегирмалар ҳам берилиши мумкин. Бундай чегирмалар суммаси махсус контрпассив бўлган 9050 ― Харидорлар ва буюртмачиларга берилган чегирмалар счётининг дебетида акс эттирилади, бунда мос равишда 4010 ―Харидорлар ва буюртмачилардан

олинадиган счётлар, 4110 ―Махсус ажратилган бўлинмалардан олинадиган счётлар, 4120 ―Шўъба ва қарам хўжалик жамиятларидан олинадиган счётлар ва бошқа дебиторлик қарзларни акс эттирувчи счётлар кредитланади. 9050 ―Харидорлар ва буюртмачиларга берилган чегирмалар счётининг дебетида тўпланган сумма мос равишда 9010 ―Тайёр маҳсулотларни сотишдан олинган даромадлар, 9020 ―Товарларни сотишдан олинган даромадлар, 9030 ―Бажарилган иш ва хизматлардан олинган даромадлар счётларининг дебетига ўтқазилади ва шу асосда ушбу счёт ёпилади. Маҳсулотлар, товарлар, ишлар ва хизматларни сотишда берилган чегирмалар суммаси сотишдан олинган даромадлар суммасини камайтиради. Корхоналар даромадларининг аналитик ҳисоби маҳсулотлар, товарлар, иш ва хизматларнинг сотиш турлари ва бошқа бошқарув учун зарур сегментлар бўйича олиб борилади. Асосий фаолиятдан олинган қўшимча даромадларнинг ҳисоби. 21-сон БҲМСга мувофиқ асосий фаолиятдан олинган қўшимча даромадлар қуйидаги счётларда ҳисобга олинади: • 9310 “Асосий воситаларнинг чиқимидан олинган фойда” -бу пассив ва вақтинчалик счётда корхоналар ўзларининг асосий воситаларини сотишдан ва бошқа чиқимларидан олган фойдасини ҳисобга олишда фойдаланадилар. Счётнинг кредитида олинган фойда йил мабойнида тўпланиб боради. Ушбу фойда асосий воситаларнинг сотиш (бериш) қийматидан уларнинг қолдиқ қийматини ва сотишдан олинган ҚҚС суммасини айиргандан қолган суммадан иборат бўлади. Масалан, бошланғич қиймати 500000 сўмлик, жамланган эскириш қиймати 300000 сўмлик компьютер 440000 сўмга сотилди дейлик. Сотишдан олинган ҚҚС суммаси ушбу ҳолда 40000 сумни ((440000 - 200000) *20/120), сотишдан олинган фойда суммаси эса - 200000 сумни (440000-200000- 40000) ташкил қилади. Ушбу фойда суммаси дебет 9210 ―Асосий воситаларнинг чиқими счетда ва кредит 9310 ― Асосий воситаларнинг чиқимидан олинган фойдасчётида акс эттирилади. Йил якунида ушбу 9310- счётнинг кредитида

тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9320 “Бошқа активларни чиқимидан олинган фойда” - бу пассив ва вақтинчалик счётда корхоналар ўзларининг турли бошқа активларини, масалан материалларини, хўжалик инвентарларини, номоддий активлари ва бошқа активларини сотишдан ва бошқа чиқимларидан олган фойдасини ҳисобга олишда фойдаланадилар. Счётнинг кредитида олинган фойда йил мабойнида тўпланиб боради. Ушбу фойда бошқа активларнинг сотиш (бериш ) қийматидан уларнинг таннархини (қолдиқ қийматини) ва сотишдан олинган ҚҚС суммасини айиргандан қолган суммадан иборат бўлади. Масалан, таннархи 50000 сўмлик материал 72000 сўмга сотилди дейлик. Сотишдан олинган ҚҚС суммаси ушбу ҳолда 12000 сумни (72000 *20/120), сотишдан олинган фойда суммаси эса - 10000 сумни (72000-50000-12000) ташкил қилади. Номоддий активларни сотишдан (беришдан) олинган фойда худди асосий воситаларни сотишдагидек топилади. Бошқа активларни чиқимидан олинган фойда суммаси дебет 9220 ―Бошқа активларнинг чиқими счетда ва кредит 9320 ―Бошқа активларни чиқимидан олинган фойдасчётида акс эттирилади. Йил якунида 9320- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9330 “ Ўндирилган жарималар, пеня лар ва неустойкалар” - ушбу пассив ва вақтинчалик счётнинг кредитида турли хўжалик шартномалари шартларини бузилиши натижасида, шунингдек кўрсатилган зарарларни қопланиши эвазига олинган даромад (фойда) суммаси акс эттирилади. Бунда мос равишда жаримани келиб тушганлиги, ушланганлиги ёки ҳисобланганлигини акс эттирувчи счётлар дебетланади, масалан 5010 ―Касса, 5110 ―Ҳисоб-китоб счёти, 5210 ―Валюта счёти, 6710 ―Ходимлар билан иш ҳақи бўйича ҳисоб- китоблар, 4860 ―Даъволар бўйича келиб тушадиган счётлар ва бошқа счётлар. Йил якунида 9330- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади . • 9340 “Ўтган йиллар фойдаси” - бу пассив ва вақтинчалик счётнинг

кредитида ҳисобот йилда аниқланган ўтган йилларнинг фойдаси акс эттирилади. Бундай фойда бўлиб, масалан, муддатидан олдин ҳисобдан чиқариб юборилган дебиторлик қарзларнинг тикланган ёки келиб тушган суммаси, ортиқча ҳисоблаб юборилган харажатларни камайтирилиши ва бошқалар ҳисобланади. Бунда мос равишда ўтган йиллар фойдасини тикланганлигини кўрсатувчи счётлар дебетланади, масалан 5010 ―Касса, 5110 ―Ҳисоб-китоб счёти, 5210 ―Валюта счёти, 4000 ―Олинадиган счётлар ва бошқа счётлар. Йил якунида 9340- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9350 “Қисқа муддатли ижарадан олинган даромадлар” - ушбу пассив ва вақтинчалик счётнинг кредитида қисқа муддатли ижарадан олинган даромад суммаси 4820 ―Қисқа муддатли ижара бўйича олинадиган тўловлар счёти билан корреспонденциялашган ҳолда акс эттирилади. Йил якунида 9350- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9360 “Кредиторлик ва депонентлик қарзларни ҳисобдан чиқарилишидан олинган даромадлар” - ушбу пассив ва вақтинчалик счётнинг кредитида муддатида (3 йилдан ошиқ муддатда) ўндириб олинмаган қарзларни корхона фойдасига ўтқазишдан олинган даромадлар мос равишда кредиторлик қарзларни акс эттирувчи счётлар (6010,6110,6710,6720, 6910-6990 ва бошқалар) билан корреспонденцияланган ҳолда акс эттирилади. Йил якунида 9360- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9370 “Хизмат қилувчи хўжаликлардан олинган даромадлар” - ушбу пассив ва вақтинчалик счётнинг кредитида асосий фаолиятга хизмат кўрсатувчи хўжаликлардан (соғлиқни сақлаш бўлинмаси, сарторошхона, кутубхона, болалар боғчаси ва бошқа муассасалари, санаторийлар, ошхона, меҳмонхона, спорт комплекслари ва бошқалар) олинган даромадлар акс эттирилади. Бунда олинган ёки ҳисобланган даромадларни акс эттирувчи счётлар, масалан, 5010 ―Касса, 5110 ―Ҳисоб-китоб счёти, 4890 ―Бошқа дебиторларнинг қарзлари ва бошқа счётлар

дебетланади. Йил якунида 9370- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. • 9380 “ Қайтарилмайдиган молиявий ёрдам” - ушбу пассив ва вақтинчалик счётнинг кредитида турли юридик ва жисмоний шахслардан қайтариб бермаслик шарти билан олинган молиявий ёрдам суммалари акс эттирилади. Бунда олинган ёрдамнинг турини акс эттирувчи счётлар, масалан, 5010 ―Касса, 5110 ―Ҳисоб-китоб счёти, 0100 ―Асосий воситалар счёти, 1000 ―Материаллар счёти ва бошқа счётлар дебетланади. Йил якунида 9380- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади • 9390 “Бошқа операцион даромадлар”- ушбу пассив ва вақтинчалик счётнинг кредитида юқорида келтирилган счётларга олиб борилмаган бошқа операцион даромадлар, масалан инвентаризацияда аниқланган ортиқчалар, турли қоплама суммалар ва бошқалар, акс эттирилади. Бунда мос равишда ТМЗ ва пул маблағларини акс эттирувчи счётлар (0100,1000,2800,2900,5000 ва бошқалар) дебетланади. Йил якунида 9390- счётнинг кредитида тўпланган сумма унинг дебетига ва 9900 ― Охирги молиявий натижа счетининг кредитига ёзилади ва шу асосда у ёпилади. Корхоналарнинг асосий фаолиятдан олинган қўшимча даромадларининг аналитик ҳисоби уларнинг турлари ва бошқа бошқарув учун зарур сегментлари бўйича олиб борилади. Молиявий фаолиятдан олинган даромадларнинг ҳисоби. 21-сон БҲМСга мувофиқ молиявий фаолиятдан олинган даромадлар қуйидаги счётларда ҳисобга олинади: • 9510 ―Роялти кўринишидаги даромадлар • 9520 ―Дивидендлар кўринишидаги даромадлар • 9530 ―Фоизлар кўринишидаги даромадлар • 9540 ―Валюта курслари фарқларидан олинган даромадлар

• 9550 ―Узоқ муддатли ижарадан олинган даромадлар • 9560 ―Қимматли қоғозларни қайта баҳолашдан олинган даромадлар • 9590 ― Молиявий фаолиятдан олинган бошқа даромадлар Ушбу пассив ва вақтинчалик счётларнинг кредитида номлари юқорида зикр этилган даромадларнинг турлари ҳисоблаш тамойилига мувофиқ акс эттирилади. Роялти кўринишидаги даромадлар деганда корхоналарнинг номоддий активларини, масалан компьютерлар учун дастурлар таъминотини, лиценциялар ва бошқаларни ижарага беришдан ва хамкорликда фойдаланишдан олинган даромадлар тушунилади. Ушбу даромадларни ҳисобланиши 4850 ―Олинадиган роялти счётининг дебетида ва 9510 ―Роялти кўринишидаги даромадлар счётининг кредитида акс эттирилади. Йил охирида 9510- счётнинг кредитида тўпланган сумма унинг дебетига ва 9900 ―Охирги молиявий натижа счетининг кредитига ёзилади ва шу асосда у ёпилади. Дивидендлар - бу акцияларга киритилган молиявий инвестициялар учун ҳисобланган даромад. Ушбу даромадни ҳисоблашга асос бўлиб акционерлик жамиятининг дивиденднинг ҳисобланганлиги тўғрисидаги ёзма хабарномаси ҳисобланади. Ушбу хабарномада жами ҳисобланган дивиденд суммаси, ундан ушланган дивиденд солиғи суммаси ва тўланадиган дивиденд суммаси акс эттирилади. Агар хабарномада дивиденд солиғини ушланмаганлиги уқтирилган бўлса, у ҳолда ушбу солиқни дивиденд олган корхона тўлаши лозим. Ҳисобланган дидивенд кўринишидаги даромадлар 4840 ― Олинадиган дивидендлар счётининг дебетида ва 9520 ―Дивиденд кўринишидаги даромадлар счётининг кредитида акс эттирилади. Йил охирида 9520- счётнинг кредитида тўпланган сумма унинг дебетига ва 9900 ―Охирги молиявий натижа счетининг кредитига ёзилади ва шу асосда у ёпилади. Фоизлар кўринишидаги даромадлар деганда бошқа юридик шахсларга берилган қарзлар ва кредитлар учун ҳисобланган фоизлар тушунилади. Ушбу фоизларнинг миқдори тузилган шартномалар асосида ҳисобланади. Фоиз кўринишидаги ҳисобланган даромадлар 4830 ― Олинадиган фоизлар счётининг

дебетида ва 9530 ―Фоизлар кўринишидаги даромадлар счётининг кредитида акс эттирилади. Йил охирида 9530- счётнинг кредитида тўпланган сумма унинг дебетига ва 9900 ―Охирги молиявий натижа счетининг кредитига ёзилади ва шу асосда у ёпилади. Валюта курслари фарқларидан олинган даромадлар деганда корхонанинг валюта счётида сақланаётган чет валютаси ва чет эл валютасидаги дебиторлик қарзлар бўйича ҳисобланган ижобий курс фарқлари тушунилади. Ушбу даромад ҳар ойнинг охирида 5210 ―Мамлакат ичидаги валюта счётлари, 5220 ―Чет элдаги валюта счётлари, 4000 ―Олинадиган счётлар, 4300 ―Таъминотчи ва пудратчиларга берилган бўнаклар ҳисоби счётлари ва бошқа чет эл валютасида ҳисоби юритилган дебиторлик қарзлар счётлари бўйича Ўзбекистон Республикаси Марказий Банки эълон қилган курслар асосида ҳисобланади. Ҳисобланган ижобий курс фарқлари юқорида келтирилган счётларнинг дебетида ва 9540 ―Валюта курслари фарқларидан олинган даромадлар счётининг кредитида акс эттирилади. Йил охирида 9540- счётнинг кредитида тўпланган сумма унинг дебетига ва 9900 ―Охирги молиявий натижа счетининг кредитига ёзилади ва шу асосда у ёпилади. Узоқ муддатли ижарадан олинган даромадлар деганда мулкни бир йилдан кўп муддатга ижарага беришдан олинган даромадлар тушунилади. Ушбу даромаднинг суммаси тузилган лизинг (ижара) шартномаси асосида ҳисобланади. Ҳисобланган даромад суммаси 4830 ―Олинадиган фоизлар, 6230 ―Бошқа муддати узайтирилган даромадлар счётларининг дебетида ва 9550 ―Узоқ муддатли ижарадан олинган даромадлар счётининг кредитида акс эттирилади. Йил охирида 9550- счётнинг кредитида тўпланган сумма унинг дебетига ва 9900 ―Охирги молиявий натижа счетининг кредитига ёзилади ва шу асосда у ёпилади. Қимматли қоғозларни қайта баҳолашдан олинган даромадлар деганда узоқ ва қисқа муддатли инвестициялар қийматини ошириш натижасида вужудга келган даромадлар тушунилади. Бундай даромадлар қайта баҳолаш далолатномалари асосида ҳисобланади. Ҳисобланган даромад суммаси 0600 ―Узоқ муддатли инвестициялар ҳисоби счётлари, 5800 ― Қисқа муддатли

инвестициялар ҳисоби счётлариининг дебетида ва 9560 ―Қимматли қоғозларни қайта баҳолашдан олинган даромадлар счётининг кредитида акс эттирилади. Йил охирида 9560- счётнинг кредитида тўпланган сумма унинг дебетига ва 9900 ―Охирги молиявий натижа счетининг кредитига ёзилади ва шу асосда у ёпилади. Корхоналарнинг молиявий фаолиятидан олинган даромадларнинг аналитик ҳисоби уларнинг турлари ва бошқа бошқарув учун зарур сегментлари бўйича олиб борилади. Фавқулотдаги даромадларнинг ҳисоби. 21-сон БҲМСга мувофиқ фавқулотдаги даромадларнинг ҳисоби 9710―Фавқулотдаги фойда счётининг кредитида ҳисобга олинади. Бунда фавқулотда олинган ёки ҳисобланган фойданинг турини кўрсатувчи счётлар ( 0100, 0400, 0700, 1000, 2900 ва бошқа счётлар) дебетланади. Йил охирида 9710- счётнинг кредитида тўпланган сумма унинг дебетига ва 9900 ―Охирги молиявий натижа счетининг кредитига ёзилади ва шу асосда у ёпилади. 2. Корхона харажатларининг ҳисоби Корхоналар молиявий-хўжалик фаолиятининг муҳим кўрсаткичи бўлиб харажатлар ҳисобланади. Ушбу кўрсаткичнинг моҳияти, таснифи ва тавсифи, тан олиниши, счётлар тизими ва улар бўйича бухгалтерия ёзувлари ушбу бобнинг охирида келтирилган меъёрий ҳужжатларда, шу жумладан, «Маҳсулот (иш, хизмат) ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом» да, атрофлича очиб берилган. Ушбу меъёрий хужжатларга мувофиқ харажат деганда, умумий олганда, ҳисобот даврида корхона активларини камайиши ёки унинг мажбуриятларини кўпайиши тушунилади. Корхоналарнинг барча харажатлари республикамизда қабул қилинган БҲМС лар ва «Маҳсулот (иш, хизмат) ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом» га ва унга киритилган ўзгартиришлар ва қўшимчаларга мувофиқ иккита гуруҳга ва олтита қуйи гуруҳга ажратилган (2-чизмага қаранг). Асосий фаолиятга доир харажатлар деганда корхона уставида белгиланган асосий фаолият билан боғлиқ харажатлар тушунилади. «Маҳсулот (иш, хизмат)

ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом» ва 21-сон БҲМС га мувофиқ корхоналарнинг асосий фаолияти билан боғлиқ харажатларни, ўз навбатида, қуйидаги тўртта қуйи гуруҳга ажратилади: • Сотиш таннархига киритилган харажатлар - буларга сотилган маҳсулотлар, товарлар, ишлар ва хизматларнинг таннархига киритилган харажатлар киради. • Давр харажатлари -буларга маҳсулотларни (товарларни, иш ва хизматларни) сотишга, корхонани маъмурий-бошқарувига ва бошқа операцион фаолиятига доир харажатлар киради. Ушбу харажатлар маълум ҳисобот даврида юз беради, шунинг учун улар ҳисобот даври харажатлари деб ҳам аталади. • Келгуси давр харажатлари - бу корхонанинг келгуси асосий фаолиятига доир, лекинда ҳисобот даврида амалга оширилган харажатлари. Бундай харажатларга олдиндан тўланган ижара ҳақлари, олдиндан тўланган хизмат ҳақлари ва бошқа олдиндан бўнак сифатидаги тўловлар киради. • Муддати узайтирилган харажатлар - буларга корхонанинг келгуси асосий фаолиятига доир, лекинда муддати бир йил ва ундан кўп муддатга узайтирилган харажатлари киради. Асосий бўлмаган фаолиятга доир харажатлар деганда бевосита асосий фаолиятга тааллуқли бўлмаган фаолият турлари билан боғлиқ харажатлар тушунилади. Бундай харажатлар Низомга мувофиқ молиявий фаолиятга доир харажатлар ва фавқулотдаги зарарларга бўлинади. Молиявий фаолиятга доир харажатлар деганда қимматли қоғозларни чиқариш ва жойлаштириш, валюта операциялари, кредит ва қарзларни олиш, узоқ муддатли ижарага доир ва бошқа молиявий фаолиятга тааллуқли харажатлар тушунилади. Буларга фоизлар, салбий курс фарқлари кўринишидаги харажатлар ва бошқалар киради.

Корхона харажатлари 2-чизма. Корхона харажатларининг таснифи Фавқулотдаги харажатлар деганда юз бериши доимий характерга эга бўлмаган, кутилмаган тасодиф ва ҳодисалардан кўрилган зарарлар тушунилади. Буларга давлат қонунларини ўзгариши, табиий офатлар, революцион ўзгаришлар натижасида вужудга келган зарарлар киради. Корхона харажатлари бўйича бухгалтерия ҳисобининг асосий вазифаларига қуйидагилар киради: • харажатларни уларнинг моҳиятини очиб берувчи мезонларига мос равишда ҳисобга олиш; • корхона харажатларини тўғри туркумлаш ва гуруҳларга ажратиш; • корхона харажатларини тўғри, ўз вақтида ва тегишли бошланғич ҳужжатлар билан расмийлаштириш; • корхона харажатлари бўйича ҳисоботлар маълумотлари ва ҳисоб маълумотларини тўлиқ уйғунлигини таъминлаш; • келгуси давр ва муддати узайтирилган харажатларни тўғри ва ўз вақтида сотиш таннархи, давр харажатлари ва моливий фаолиятга доир харажатларга киритиш; • тугалланмаган ишлаб чиқаришга тўғри келадиган харажатларни тўғри ва ўз вақтида ҳисобга олиш, уларни белгиланган муддатларда қайта рўйхатдан ўтказиш (инвентаризация қилиш) ва сотиш таннархига тўғри киритилишини таъминлаш; • сотиш таннархини, давр харажатларини ошиб кетишига сабаб бўлувчи норационал чиқимларни вужудга келиш сабаблари ва айбдорларини топиш, бундай чиқимларга йўл қўймаслик учун маъсул шахслар фаолиятини доимий назорат қилиш; • мавжуд захиралар ва воситаларидан унумли фойдаланиш устидан назорат ўрнатиш; • харажатларни солиқ солиш базаси объекти сифатида тўғри шакллантириш; • харажатларни ҳисоблаш тамойилига мувофиқ улар юз берган вақтдан

бошлаб тан олиш ва тегишли счётларда акс эттириш; • харажатларни молиявий ҳисоботда тўғри акс эттириш ва бошқалар Сотиш таннархининг ҳисоби. 21-сон БҲМС га мувофиқ сотиш таннархининг ҳисоби сотиш турларига қараб қуйидаги счётларда олиб борилади: 9110 “Сотилган тайёр маҳсулотларнинг таннархи”- ушбу актив, вақтинчалик (транзит) счётнинг дебетида йил мабойнида сотилган тайёр маҳсулотларнинг таннархи акс эттирилади. Бунда 2800 ―Тайёр маҳсулотлар ҳисоби счётлари кредитланади. Йил охирида 9110- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. 9120 “Сотилган товарларнинг таннархи”- ушбу актив, вақтинчалик (транзит) счёт асосан ТМБ ларнинг узликсиз ҳисоб усулида ишлайдиган корхоналарда, шу жумладан улгуржи савдо корхоналарида, кенг қўлланилади, унинг дебетида йил мабойнида сотилган товарларнинг таннархи акс эттирилади. Бунда 2900 ―Товарлар ҳисоби счётлари счёти кредитланади. Йил охирида 9120- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. 9130 “Бажарилган ишлар ва хизматларнинг таннархи” - ушбу актив, вақтинчалик (транзит) счёт асосан қурилиш ташкилотларида, хизмат кўрсатувчи корхоналарда, шунингдек турли фаолият турлари билан шуғулланувчи корхоналарда қўлланилади, унинг дебетида йил мабойнида буюрмачиларга топширилган бажарилган иш ва хизматларнинг таннархи акс эттирилади. Бунда 2010 ―Асосий ишлаб чиқариш, 2310 ―Ёрдамчи ишлаб чиқариш, 2710 ― Хизмат кўрсатувчи хўжаликлар счётлари кредитланади. Йил охирида 9130- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. 9140 “Даврий ҳисоб усулида ТМБ ни сотиб олиш” - ушбу актив, вақтинчалик (транзит) счёт асосан ТМБ ларнинг даврий ҳисоб усулида ишлайдиган корхоналарда, шу жумладан чакана савдо ва оммавий овқатланиш корхоналарида, қўлланилади, унинг дебетида йил мабойнида

таъминотчилардан олинган товарларнинг таннархи акс эттирилади. Бунда 6010 ―Таъминотчилар ва пудратчиларга тўланадиган счётлар счёти кредитланади. Йил охирида 9140- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. • 9150 “Даврий ҳисоб усулида ТМБ бўйича тузатишлар”- ушбу актив, вақтинчалик (транзит) счёт асосан ТМБ ларнинг даврий ҳисоб усулида ишлайдиган корхоналарда, шу жумладан чакана савдо ва оммавий овқатланиш корхоналарида, қўлланилади. Даврий ҳисоб усулида ишлаётган корхоналарда сотилган товарлар таннархини топиш учун давр охирида инвентаризация ўтқазилади. Инвентаризация натижасида аниқланган ТМБ ларнинг ҳақиқий ҳолати уларнинг давр бошидаги ҳолати билан таққосланади, натижада ТМБ лар ҳолатидаги ўзгариш суммаси (камайиш ёки кўпайиш) аниқланади. Аниқланган фарқ суммаси счёт бўйича тузатиш суммасини билдиради. Агар тузатиш камайиш томонига қилиниши керак бўлса, ўртадаги фарқ 9150 ―Даврий ҳисоб усулида ТМБ бўйича тузатишлар счётининг дебетига, агар тузатиш кўпайиш томонига қилиниши керак бўлса, у ҳолда ўртадаги фарқ ушбу счётнинг кредитига ёзилади. Бунда ТМБ лар счётлари (1000,1100,2000,2800,2900) мос равишда кредитланади (камайганда) ва дебетланади (кўпайганда). Йил охирида 9150- счётда тўпланган сумма мос равишда 9900 ―Охирги молиявий натижа счетининг дебетига (кўпайганда) ёки кредитига (камайганда) ёпилади. Давр харажатларининг ҳисоби. 21-сон БҲМС га мувофиқ давр харажатлари- нинг ҳисоби қуйидаги счётларда олиб борилади: • 9410 “Сотиш харажатлари”- ушбу актив, вақтинчалик (транзит) счётнинг дебетида йил мабойнида сотишга доир харажатлар (реклама харажатлари, сотиш билан боғлиқ ходимларнинг иш ҳақи, ижтимоий суғуртага ажратмалар, амортизация харажатлари, трансортировка ва бошқа шу каби сотиш билан боғлиқ харажатлар) акс эттирилади. Ушбу счётда акс эттириладиган харажатларнинг аниқ турлари ва таркиби «Маҳсулот (иш, хизмат) ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом»

нинг «Сотиш харажатлари» номли бўлимида тўлиғича келтирилган. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (5110,5010,6710,6520,6990 ва бошқа счётлар) акс эттирилади. Йил охирида 9410- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. • 9420 “Маъмурий-бошқарув харажатлари”- ушбу актив, вақтинчалик (транзит) счётнинг дебетида йил мабойнида бошқарувга доир харажатлар (иш ҳақи, ижтимоий суғуртага ажратмалар, амортизация харажатлари, сафар харажатлари, телефон алоқаси ва бошқа шу каби бошқарув билан боғлиқ харажатлар) акс эттирилади. Ушбу счётда акс эттириладиган харажатларнинг аниқ турлари ва таркиби «Маҳсулот (иш, хизмат) ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом» нинг «Маъмурий -бошқарув харажатлари» номли бўлимида тўлиғича келтирилган. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (0200,0500,1000,5110,5010,6710,6520,6990 ва бошқа счётлар) акс эттирилади. Йил охирида 9420- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. • 9430 “Бошқа операцион харажатлар” - ушбу актив, вақтинчалик (транзит) счётнинг дебетида йил мабойнида сотиш ва бошқарувдан ташқари умум фаолиятга доир давр харажатлари (моддий ёрдам, компенсациялар, мол-мулк, эколгия, ер, сув ва бошқа давр харажатларига олиб бориладиган солиқлар, песия фондига ва йўл фондига мажбурий ажратмалар, мулкни сотишдан ва беришдан кўрилган зарарлар ва бошқа шу каби операцион харажатлар) акс эттирилади. Ушбу счётда акс эттириладиган харажатларнинг аниқ турлари ва таркиби «Маҳсулот (иш, хизмат) ларни ишлаб чиқариш ва

сотиш харажатлари ҳамда молиявий натижаларни шакллантириш тўғрисида Низом» нинг «Бошқа операцион харажатлар» номли бўлимида тўлиғича келтирилган. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (1000,5110,5010, 6400,6710,6520,6990,9210,9220 ва бошқа счётлар) акс эттирилади. Йил охирида 9430- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. • 9440 “Келгусида солиқ базасидан чегириладиган ҳисобот давр харажатлари”- ушбу актив, вақтинчалик (транзит) счётнинг дебетида йил мабойнида корхонани келгуси фаолиятини ривожлантиришга сарфланган давр харажатлари (янги ишлаб чиқаришни ва янги технологияларни ўзлаштиришга, бошқарув тизимини яхшилашга сарфланган ва бошқа шу каби операцион харажатлар) акс эттирилади. Ушбу счётда акс эттириладиган харажатларнинг аниқ турлари ва таркиби «Маҳсулот (иш, хизмат) ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом» нинг «Келгусида солиқ базасидан чегириладиган ҳисобот давр харажатлари» номли 2- иловасида тўлиғича келтирилган. Ушбу турдаги давр харажатлари солиқ қонунчилигига кўра келгуси 10 йил ичида бир маромда солиқ базасидан махсус ҳисоб-китоб асосида чиқариб борилади. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (1000, 5110, 5010, 6010, 6710, 6520, 6990 ва бошқа счётлар) акс эттирилади. Йил охирида 9440- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. Келгусида солиқ базасидан чегириладиган ҳисобот давр харажатларини ўзгариши тўғрисидаги маълумотлар махсус балансдан ташқари 012 ― Келгусида солиқ базасидан чегириладиган ҳисобот давр харажатлари счётида белгиланган муддат ичида акс эттирилиб борилади.

Молиявий фаолият бўйича харажатларнинг ҳисоби. 21-сон БҲМС га мувофиқ корхоналарнинг молиявий фаолиятга доир харажатларининг ҳисоби қуйидаги счётларда олиб борилади: • 9610 “Фоиз кўринишидаги харажатлари”- ушбу актив, вақтинчалик (транзит) счётнинг дебетида йил мабойнида олинган қарзлар ва кредитларга доир ҳисобланган харажатлар, шунингдек узоқ муддатли ижара учун тўловлар акс эттирилади. Харажатларнинг аниқ турлари ушбу счётнинг дебетида ва 6920 ―Ҳисобланган фоизлар счётининг кредитида акс эттирилади. Йил охирида 9610- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. • 9620 “Валюта курс фарқларидан кўрилган зарарлар”- ушбу актив, вақтинчалик (транзит) счётнинг дебетида йил мабойнида баланснинг валюта моддаларини ифодаловчи счётларга доир операциялар бўйича курслар ўртасидаги салбий фарқлардан кўрилган зарарлар акс эттирилади. Харажатларнинг аниқ турлари ушбу счётнинг дебетида ва бу зарарларни ифодаловчи счётларнинг кредитида (4010,4310,5020,5210,5220,6010,6310 ва бошқа счётлар) акс эттирилади. Йил охирида 9620- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. • 9630 “Қимматли қоғозларни чиқариш ва жойлаштириш бўйича харажатлар” - ушбу актив, вақтинчалик (транзит) счётнинг дебетида йил мабойнида акция ва бошқа қимматли қоғозларни чиқариш ва жойлаштириш билан боғлиқ харажатлар акс эттирилади. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (1000,5110,5010, 6710,6520,6990 ва бошқа счётлар) акс эттирилади. Йил охирида 9630- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. • 9690 “Молиявий фаолият бўйича бошқа харажатлар”- ушбу актив, вақтинчалик (транзит) счётнинг дебетида йил мабойнида корхонанинг молиявий фаолиятга доир бошқа харажатлари, масалан молиявий инвестицияларни қайта баҳолашдан кўрилган зарарлар ва бошқа харажатлар акс

эттирилади Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (0600,5800,6990 ва бошқа счётлар) акс эттирилади. Йил охирида 9690- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. Фавқулотдаги зарарларнинг ҳисоби. 21-сон БҲМСга мувофиқ фавқулотдаги зарарларнинг ҳисоби 9720 ―Фавқулотдаги зарарлар счётининг дебетида ҳисобга олинади. Бунда фавқулотдаги ходисалардан кўрилган зарарларни кўрсатувчи счётлар, масалан, 0100, 0400, 0700, 1000, 2900 ва бошқа счётлар кредитланади. Йил охирида 9720- счётнинг дебетида тўпланган сумма унинг кредитига ва 9900 ―Охирги молиявий натижа счетининг дебетига ёзилади ва шу асосда у ёпилади. Келгуси давр харажатларининг ҳисоби. 21-сон БҲМС га мувофиқ корхоналарнинг келгуси давр харажатларининг ҳисоби қуйидаги счётларда олиб борилади: • 3110 “Олдиндан тўланган ижара ҳақлари”- ушбу актив, доимий счётнинг дебетида ҳисобот даврида келгуси даврлар учун олдиндан тўлаб қўйилган ижара ҳақлари акс эттирилади. Бунда тўлов шаклига кўра 5010,5020,5110,5210,5220 счётлар кредитланади. 3110- счётнинг дебетида акс эттирилган ва тўпланган ижара ҳақи суммаси ҳисобот даври ойларида бир маромда ушбу счётнинг кредитига ва корхонанинг харажатлари счётларининг (0800,2010,2310,2510,9410,9420) дебетига ёзилади. Ушбу счётнинг ҳисобот даври охирида қолган қолдиқ суммаси келгуси даврга тааллуқли бўлган ижара тўлови суммасини билдиради. • 3120 “Олдиндан тўланган хизматлар ҳақи”- ушбу актив, доимий счётнинг дебетида йил мабойнида олдиндан тўлови ўтқазиб қўйилган хизматлар ҳақи, масалан, обуна ҳақлари, суғурта ҳақи ва бошқалар, акс эттирилади. Бунда тўлов шаклига кўра 5010,5020,5110,5210,5220 счётлар кредитланади. • 3120- счётнинг дебетида акс эттирилган ва тўпланган хизмат ҳақи

суммаси ҳисобот даври ойларида бир маромда ушбу счётнинг кредитига ва корхонанинг харажатлари счётларининг (0800,2010,2310,2510,9410,9420) дебетига ёзилади. Ушбу счётнинг ҳисобот даври охирида қолган қолдиқ суммаси келгуси даврга тааллуқли бўлган хизмат ҳақи тўловлари суммасини билдиради. • 3190 “Бошқа олдиндан тўланган харажатлар” - ушбу актив, доимий счётнинг дебетида ҳисобот даврида келгусида бажариладиган ва якунланадиган ишлар ва хизматлар учун сарфланган харажатлар акс эттирилади. Харажатларнинг аниқ турлари ушбу счётнинг дебетида ва бу харажатларни ифодаловчи счётларнинг кредитида (1000,2800,5010, 5110,5120,5210,5220,6010, 6710,6520,6990 ва бошқа счётлар) акс эттирилади. Келгусида бажарилиши кўзда тутилган иш, хизматлар учун қилинган олдиндан тўловлар ҳисобот даврига келиб харажат ёки актив сифатида тан олиниши мумкин. Актив сифатида тан олинган олдиндан тўловлар 0400 ―Номоддий активлар ҳисоби счётлари, 2800 ―тайёр маҳсулотлар ҳисоби счётлари ва бошқа активларни акс эттирувчи счётларнинг дебетига ва 3190 -счётнинг кредитига ёзилади. Актив сифатида тан олинмаган олдиндан тўловлар ҳисобот даври харажатларига (0800,2010,2310,2510,9410,9420) олиб борилади. Ушбу счётнинг ҳисобот даври охирида қолган қолдиқ суммаси келгуси даврга тааллуқли бўлган тўловлар суммасини билдиради. Келгуси давр харажатларининг аналитик ҳисоби хар бир счётда харажат моддалари ва харажат объектлари (йўналишлари) бўйича олиб борилади. Муддати узайтирилган харажатларнинг ҳисоби. 21-сон БҲМС га мувофиқ корхоналарнинг муддати узайтирилган харажатлари асосан учта турга ажратилади: • Даромад (фойда) солиғи бўйича муддати узайтирилган харажатлар. Ушбу харажатлар вақтинчалик фарқлар эвазига ҳисобот даврида қўшимча ҳисобланадиган даромад(фойда) солиғини олдиндан ҳисоблаш натижасида юзага келади. Вақтинчалик фарқлар бўйича даромад (фойда) солиғи бир неча йиллар учун ёки келгуси йил учун олдиндан ҳисобланиши мумкин. Бундай солиқ вақтинчалик фарқлар бўйича кечиктирилган даромад (фойда) солиғи деб аталади.

Олдиндан ҳисобланган даромад (фойда) солиғи ҳисобот даврида корхонанинг бюджет олдидаги қарзини ошишига олиб келади. Бир йилдан кўп муддатга олдиндан ҳисобланган даромад (фойда) солиғи 0950 ―Вақтинчалик фарқлар бўйича кечиктирилган даромад(фойда) солиғи счётининг дебетига ва 6410 ―Бюджетга тўловлар бўйича қарзлар счётининг кредитига ёзилади. Бир йилгача муддатга олдиндан ҳисобланган даромад (фойда) солиғи 3210 ― Вақтинчалик фарқлар бўйича кечиктирилган даромад(фойда) солиғи счётининг дебетига ва 6410 ―Бюджетга тўловлар бўйича қарзлар счётининг кредитига ёзилади. Ҳар йилнинг охирида узоқ муддатга кечиктирилган даромад (фойда) солиғининг келгуси жорий йилга тегишли бўлган суммаси 0950- счётдан 3210 ― Вақтинчалик фарқлар бўйича кечиктирилган даромад(фойда) солиғи счётининг дебетига ўтқазилади. Муддати узайтирилган даромад (фойда) солиғи суммаси тўлов муддати етиб келган даврда бюджет олдидаги қарзларни камайтиришга олиб борилади. Бундай камайтириш 6410 ―Бюджетга тўловлар бўйича қарзлар счётининг дебетига ва 3210 ―Вақтинчалик фарқлар бўйича кечиктирилган даромад(фойда) солиғи счётининг кредитига ёзилади. 3210 ― Вақтинчалик фарқлар бўйича кечиктирилган даромад (фойда) солиғи счётининг дебет қолдиқ суммаси келгуси йил бошига бюджет олдидаги қарзни кечиктирилган даромад (фойда) солиғи бўйича камайтирилиши керак бўлган суммасини кўрсатади. • Дисконтлар (чегирмалар) бўйича муддати узайтирилган харажатлар. Бундай харажатлар облигацияларни чиқариб уларни номинал қийматидан паст нархларда сотган корхоналарда вужудга келади. Облигацияларни номинал қийматидан паст нархларда бир йилдан ортиқ ва ундан кам муддатларда қайтириш шарти билан сотган корхоналарда берилган чегирма суммаси мос равишда 0960 ―Дисконтлар (чегирмалар) бўйича узоқ муддатли кечиктирилган харажатлар ва 3220 ―Дисконтлар (чегирмалар) бўйича кечиктирилган харажатлар счётларида акс эттирилади. Бунда мос равишда 7830 ―Узоқ муддатли тўланадиган облигациялар ва 6830 ―Қисқа муддатли тўланадиган облигациялар счётлари кредитланади. Ҳар йилнинг охирида узоқ муддатга кечиктирилган дисконт (чегирмалар)нинг келгуси жорий йилга тегишли бўлган суммаси 0960- счётдан

3220- счётнинг дебетига ўтқазилади. Облигацияларни қайтариш муддати келгач, улар бўйича харидорга берилган дисконт (чегирма) суммаси 3220- счётдан ҳисобот йилнинг молиявий фаолиятига доир харажатларга, яъни 9610 ―Фоизлар кўринишидаги харажатлар счётига, ўтқазилади. 0960 ва 3220- счётларнинг давр охиридаги қолдиғи келгусида молиявий фаолият бўйича харажатларга олиб бориладиган муддати узайтирилган харажатларнинг суммасини ифодалайди. • Бошқа муддати узайтирилган харажатлар. Ушбу харажатларга юқоридаги гупуҳларга кирмай қолган муддати кечиктирилган харажатлар, масалан мавсумий ишлайдиган корхоналарда мавсум олдидан бажарилган ишларга сарфланган тайёргарликга сарфланган харажатлар, киради. Ушбу турдаги харажатларнинг бир йилдан ортиқ муддатга тегишли қисми 0990 ―Бошқа узоқ муддатли узайтирилган харажатлар ва бир йилгача муддатга тегишли қисми 3290 ― Бошқа муддати узайтирилган харажатлар счётларида ҳисобга олинади. Ҳар йилнинг охирида узоқ муддатга кечиктирилган харажатларнинг келгуси жорий йилга тегишли бўлган суммаси 0990- счётдан 3290- счётнинг дебетига ўтқазилади. Исобдан чиқариш даври келгач 3290- счётда акс эттирилган муддати узайтирилган харажатлар жорий йилнинг харажатларини акс эттирувчи счётларга (2010,2310,2510,9410,9420 ва бошқалар) олиб борилади. 0990 ва 3290- счётларнинг дебет қолдиғи келгусида корхонанинг жорий харажатларига олиб бориладиган муддати узайтирилган харажатларининг суммасини кўрсатади. Муддати узайтирилган харажатларнинг аналитик ҳисоби уларнинг турлари, ҳисобот даврлари ва ҳисобдан чиқариш муддатлари бўйича олиб борилади. Охирги молиявий натижаларни ифодаловчи кўрсаткичлар ва уларнинг ҳисоби Ўзбекистон Республикасида корхоналар фаолиятининг охирги молиявий натижаларининг кўрсаткичлари, уларни шаклланиши ва ҳисобга олиниши «Маҳсулот (иш, хизмат) ларни ишлаб чиқариш ва сотиш харажатлари ҳамда

молиявий натижаларни шакллантириш тўғрисида Низом» да, шунингдек охирги йилларда қабул қилинган БҲМС ларда, шу жумладан 1,2,3, 21- сон БҲМС ларда, атрофлича очиб берилган. Ушбу меъерий ҳужжатларга мувофиқ корхоналар фаолиятининг охирги молиявий натижаларини ифодаловчи фойда (зарар) лар қуйидаги кўрсаткичлар билан тавсифланади. 1. Сотишдан олинган фойда ёки зарар (Фс) ёки (Зс) Фс (Зс) = Ст -Тс, мос равишда Фс = агар Ст> Тс, Зс = агар Ст <Тс Бу ерда: Ст - соф тушум, Тс -сотиш таннархи 2. Асосий фаолиятдан олинган фойда ёки зарар (Фаф) ёки (Заф) Фаф (Заф) = Фс (Зс) -Дх + Бод Бу ерда: Дх- давр харажатлари; Бод - асосий фаолиятдан олинган бошқа операцион даромадлар. 3.Умумхўжалик фаолиятидан олинган фойда ёки зарарлар ( Фух) ёки (Зух) Фух (Зух) = Фаф (Заф) + Фмф - Змф Бу ерда: Фмф - молиявий фаолиятдан олинган фойда; Змф - молиявий фаолиятдан кўрилган зарарлар 4.Солиқгача фойда ёки зарарлар (Фст) ёки (Зст) Фст (Зст) = Фух (Зух) + Фф -Фз Бу ерда: Фд -фавқулотдаги фойда; Фз - фавқулотдаги зарарлар 5. Соф фойда ёки соф қопланмаган зарарлар ( Сф) ёки (Сз) Сф (Сз) = Фст (Зст) -Дс - Аж Бу ерда: Дс - даромаддан олинадиган солиқлар (фойда солиғи, инфраструктурани ривожлантириш солиғи, ягона солиқ); Аж - фойдадан бошқа ажратмалар «Маҳсулот (иш, хизмат) ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом» га мувофиқ юқорида келтирилган фойда (зарар)

кўрсаткичларидан ташқари солиқга тортиш мақсадида яна иккита қуйидаги фойда кўрсаткичи ҳисоблаш йўли билан топилади: • Солиқга тортиладиган даромад (Стд) Стд = Фст (Зст) + Стх + Сбх - Счх -Д - Ф Бу ерда: Стх-солиқ солиш базасига қайта қўшиладиган харажатлар; Сбх –ҳисобот даврида солиқ базасидан чегирилмайдиган, лекинда келгусида чегирилиб бориладиган харажатлар; Счх-солиқ базасидан ҳисобот даврида чегириладиган харажатлар; Д -олинган дивидендлар; Ф- олинган фоизлар •Солиқга тортиладиган фойда (Стф)- бу солиқга тортиладиган даромаддан фойда (даромад) солиғини ҳисоблаш учун имтиёз сифатида чегириб ташланадиган харажатларни айиргандан кейин қоладиган фойда суммаси, яъни: Стф = Стд –И Бу ерда: И - имтиёз сифатида солиқга тортиладиган даромаддан чегириладиган харажатлар. Солиқ солиш базасига қайта қўшиладиган харажатлар деганда «Маҳсулот (иш, хизмат) ларни ишлаб чиқариш ва сотиш харажатлари ҳамда молиявий натижаларни шакллантириш тўғрисида Низом»га мувофиқ молиявий натижаларни шакллантиришда солиқгача фойда суммасини камайтиришга олиб борилган, ҳисоботда сотиш таннархи, давр харажатлари ва молиявий фаолият бўйича харажатлар таркибида акс эттирилган харажатлар (масалан, меъёрдан ортиқ ишлаб чиқаришдаги йўқотишлар, меъёрдан ортиқ реклама ва ваколатлик харажатлари, моддий ёрдам ва компенсациялар, уяли алоқа харажатлари, корхонанинг асосий воситалари ва бошқа активларидан кўрилган зарарлар, кўрсатилган хомийлик суммалари ва бошқалар) тушунилади. Бундай харажатларнинг тўлиқ рўйхати Низомнинг 1- иловасида келтирилган. Солиқ қонунчилига асосан корхоналар солиқ солиш базасига қайта қўшиладиган

харажатларни Низомда келтирилган тартибга мувофиқ мустақил ҳисоблашлари, уларнинг суммасини фойда (даромад) солиғи ҳисоб-китобининг алоҳида сатрида (020-сатр) кўрсатишлари лозим. Ҳисобот даврида солиқ базасидан чегирилмайдиган, лекинда келгусида чегирилиб бориладиган харажатлар деганда 9430 ―Келгусида солиқ базасидан чегириладиган хароажатлар счётда акс эттирилган харажатлар тушунилади. Ушбу харажатлар фойда (даромад) солиғи ҳисоб-китобининг алоҳида сатрида (030-сатр) кўрсатилади. Солиқ базасидан чегириладиган харажатлар деганда Низомга келтирилган 2-иловага мувофиқ ўтган ҳисобот йилида солиқ базасидан чегирилмаган, лекинда кейинги ҳисобот давридан бошлаб 10 йил муддат ичида солиқ базасидан чегирилиб бориладиган харажатлар тушунилади. Солиқ қонунчилига асосан корхоналар солиқ базасидан чегириладиган харажатларни Низомда келтирилган тартибга мувофиқ махсус ҳисоб- китоб ёрдамида мустақил ҳисоблашлари ва маълумотнома билан тасдиқлашлари, уларнинг суммасини фойда (даромад) солиғи ҳисоб-китобининг алоҳида сатрида (040-сатр) кўрсатишлари лозим. Олинган дивидендлар ва фоизлар Солиқ қонунчилигига мувофиқ алоҳида 15 фоизлик дивиденд солиғига тортилиши муносабати билан фойда (даромад) солиғини ҳисоблашда чегириб ташланади. Шунинг учун уларнинг суммалари фойда (даромад) солиғи ҳисоб-китобининг алоҳида сатрида (060-сатр) кўрсатилади. Ушбу даромадлардан дивиденд солиғини ўндирилганлиги тўғрисида маълумотлар уларни берган юридик шахсларнинг маълумотномалари билан тасдиқланиши лозим. Фойда (даромад) солиғи бўйича имтиёзлар сифатидаа солиқга тортиладиган даромад суммасидан чегириб ташланадиган харажатлар нинг турлари, имтиёз меъёрлари Солиқ Кодекси ва фойда (даромад) солиғини ҳисоблаш ва тўлаш бўйича Йўриқномада очиб берилган. Корхоналар фаолиятининг охирги молиявий натижалари бўйича бухгалтерия ҳисобининг асосий вазифалари бўлиб қуйидагилар ҳисобланади: • Молиявий натижалар кўрсаткичларини уларнинг моҳиятини очиб берувчи

мезонларига мос равишда ҳисобга олиш; • корхона молиявий натижалари кўрсаткичларини тўғри туркумлаш ва гуруҳларга ажратиш; • корхона молиявий натижалари кўрсаткичларини солиқ объекти сифатида тўғри шакллантириш; • молиявий натижалар кўрсаткичларини ҳисоблаш тамойилига мувофиқ улар юз берган вақтдан бошлаб тан олиш ва тегишли счётларда акс эттириш; • молиявий натижалар кўрсаткичларини молиявий ҳисоботда тўғри акс эттириш ва бошқалар Ҳисобот йилининг солиқгача фойдаси (зарарлари) нинг ҳисоби. 21- сон БҲМС га мувофиқ ҳисобот йилнинг солиқгача фойдаси (зарари)ни топиш барча даромад ва харажатларни 9900 ―Охирги молиявий натижа счётида акс эттириш ва ушбу счётнинг дебет ва кредит оборотлари суммасини таққослаш йўли билан амалга оширилади. Жумладан, даромадларни акс эттирувчи барча счётлар (9010-9030, 9310-9390, 9510-9590, 9710) нинг кредитида тўпланган сумма йил охирида 9900- счётнинг кредитига, харажатларни акс эттирувчи барча счётлар (9110-9130,9410-9430,9610-9690, 9720) нинг дебетида тўпланган сумма йил охирида 9900- счётнинг кредитига, ўтқазилади, яъни: Дебет 9010-9030, 9310-9390, 9510-9590, 9710 Кредит 9900 Дебет 9900 Кредит 9110-9190, 9410-9430, 9610-9690, 9720 Агар, 9900 - счётнинг кредит обороти дебет оборотидан катта бўлса, у ҳисобот йилида корхона солиқгача фойдага, дебет обороти кредит оборотидан катта бўлса, у ҳолда корхона солиқгача зарарга эришган ҳисобланади. Турли фаолият билан шуғулланувчи ва фаолият турлари бўйича турлича солиқ тўловчи корхоналар солиқгача фойда (зарар) ни фаолият турлари бўйича алоҳида-алоҳида ҳисоблашлари лозим. Бунинг учун даромадлар ва харажатлар ҳам фаолият турлари бўйича алоҳида ҳисобга олиб борилган бўлишлиги керак.

Ҳисобот давр фойдасини ишлатилиши ва корхона соф фойдасини тақсимланишининг ҳисоби 21-сон БҲМС га асосан ҳисобот йилнинг фойдасини ишлатилиши 9800 ―Фойдани солиқлар ва тўловлар учун ишлатилиши ҳисоби счётлари да (мос счётларда) акс эттирилади. Ушбу актив счётнинг дебетида йил мабойнида фойда (даромад)дан ўндирилган солиқлар, жумладан фойда (даромад) солиғи, инфраструктурани ривожлантириш солиғи, ягона солиқ, ялпи тушумдан ягона солиқ акс эттирилади. Бунда ушбу солиқлар бўйича бюджет олдидаги қарзларни ифодаловчи 6400 ―Бюджетга тўловлар бўйича қарзлар ҳисоби счётлари (мос равишдаги счётлар) кредитланади. Фойда (даромад) солиғи (Нф) суммаси корхонанинг солиқга тортиладиган фойдаси суммасини (Стф ) солиқ меъёрига (См) кўпайтириб ва 100% га бўлиш билан топилади, яъни: Нф = Стф *См : 100% Инфраструктурани ривожлантириш солиғи (Нинф) суммасини топиш учун солиқгача фойда суммасидан (Сфт) фойда солиғи суммаси (Нф) чегирилади, топилган сумма ушбу солиқ меъёрига (См) кўпайтирилади ва 100% га бўлинади, яъни: Нинф = (Сфт -Нф) *См : 100% Корхона солиқ тўлашнинг ихчамлаштирилган тизимида (ягона солиқ, ялпи тушумдан ягона солиқ) ишлаётган бўлган ҳолларда ушбу солиқларнинг суммаси Солиқ Кодекси ва харакатдаги йўриқномаларга мувофиқ ялпи тушум (ялпи даромад) суммасини ушбу солиқларнинг белгиланган меъёрларига кўпайтириш йўли билан топилади. Йил охирида 9800-счётнинг дебетида тўпланган солиқ тўловларининг суммалари унинг кредитида ва 9900 ―Охирги молиявий натижа счётининг дебетида акс эттирилади ва шу асосда фойданинг ишлатилиши ҳисоби счётлари ёпилади. 9900 ―Охирги молиявий натижа счётига фойдани ишлатилиши ҳисоби счётини, яъни 9800 - счётни, ёпилиши билан корхонанинг ҳисобот йил якуни бўйича соф фойдаси (қопланмаган зарари) ни аниқлаш имкони бўлади. Бунинг учун 9900 -счётнинг дебет ва кредит обороти таққосланади. Ушбу счётнинг

кредит оборотини дебет оборотдан катта бўлиши корхонанинг соф фойдасини, кредит оборотдан дебет оборотини катта бўлиши корхонанинг қопланмаган соф зарарини билдиради. Аниқланган соф фойда суммаси 9900 -счётнинг дебетига ва 8710 «Ҳисобот даврнинг тақсимланмаган фойдаси (қопланмаган зарари)» счётининг кредитига ўтқазилади. Йил якуни бўйича зарар билан чиқилган бўлса, ушбу зарар суммаси 9900- счётнинг кредитига ва 8710 «Ҳисобот даврнинг тақсимланмаган фойдаси (қопланмаган зарари)» счётининг дебетига ўтқазилади. Ушбу ёзув билан 9900 ―Охирги молиявий натижа счёти тўлиғича ёпилади. Ҳисобот йили охирида 8710 «Ҳисобот даврнинг тақсимланмаган фойдаси (қопланмаган зарари)» счётида акс эттирилган соф фойда (қопланмаган зарар) тақсимланиши ёки тақсимланмай қолиши мумкин. Бундай тақсимотни амалга ошириш корхонанинг мулкий ва ташкилий шаклига бевосита боғлиқ ҳисобланади. Ўртоқчилик жамиятларида, масалан, маъсулияти чекланган жамиятларда, қўшма корхоналарда, хусусий корхоналарда, уларнинг устави ва таъсис шартномалари талабларидан келиб чиқган ҳолда ҳисобот йилнинг соф фойдаси (қопланмаган зарари) таъсисчилар йиғилишининг қарорига асосан тақсимланиши ёки тақсимланмасдан корхона ихтиёрида жамланган фойда (қопланмаган зарар) ҳисобига қолдирилиши мумкин. Бу типдаги корхоналарда таъсисчилар йиғилиши қарорига асосан ҳисобот йилнинг соф фойдасини тақсимлаш қуйидаги ёзувлар билан акс эттирилади: • Таъсисчиларга дивиденд (фоиз) кўринишида бўлинган соф фойда суммасига Дебет 8710 «Ҳисобот даврнинг тақсимланмаган фойдаси (қопланмаган зарари)» Кредит 6610 «Тўланадиган дивидендлар» • Корхонанинг резерв капиталига ажратма суммасига

Дебет 8710 «Ҳисобот даврнинг тақсимланмаган фойдаси (қопланмаган зарари)» Кредит 8520 «Резерв капитали» •Ҳисобот йилнинг тақсимланмай қолинган соф фойдаси ўтган йилларнинг жамланган фойдасига қўшилса Дебет 8710 «Ҳисобот даврнинг тақсимланмаган фойдаси (қопланмаган зарари)» Кредит 8720 «Жамланган фойда (қопланмаган зарар)» Агар ўртоқчилик жамияти ҳисобот йили якуни бўйича зарар билан чиқган бўлса, ушбу зарар суммаси 8720 ―Жамланган фойда (қопланмаган зарар счётининг дебетига ўтқазилади, яъни: Дебет 8720 «Жамланган фойда (қопланмаган зарар)» Кредит 8710 «Ҳисобот даврнинг тақсимланмаган фойдаси (қопланмаган зарари)» Шундай қилиб, ўртоқчилик жамиятларида ҳисобот йилнинг охирига 8710 «Ҳисобот даврнинг тақсимланмаган фойдаси (қопланмаган зарари)» счёти тўлиғича ёпилади ва ушбу вақтинчалик (транзит) счёт қолдиқга эга бўлмайди. Акционерлик жамиятларида 8710 «Ҳисобот даврнинг тақсимланмаган фойдаси (қопланмаган зарари)» счётида тўпланган фойда ёки зарар суммасини акционерлар йиғилиши қарорисиз тақсимлаб бўлмайди. Ўзбекистон Республикаси қонунларига мувофиқ акционерларнинг умумий йиғилишлари келгуси йилнинг 1 май ойигача ўтқазилади. Шу сабабли акционерлик жамиятларида 8710 «Ҳисобот даврнинг тақсимланмаган фойдаси (қопланмаган зарари)» счётида тўпланган фойда ёки зарар суммаси келгуси йилга қолдиқ сифатида ўтқазилади, у фақат ҳисобот йили фойдаси (зарари) тақсимлангач ёпилади .

Адабиётлар : 1. Бакиева Х., Ризаев Н. Бухгалтерия хисоби назарияси. Укув кулланма. -Т.: Иктисод-молия, 2008 2. Каримов А., Исломов Ф., Авлокулов А. Бухгалтерия хисоби. Дарслик. -Т.: Шарк, 2004. 3. Пардаев А.Х., Пардаев Б.Х. Бошкарув хисоби. Укув кулланма. - Т.: Г.Еулом номидаги адабиѐт ва санъат нашриѐти, 2008. 4. Сатывалдыева Д.А. Бухгалтерский учет. Учебник. -Т.: IQTISODIYOT . 2015 г. 580 с. 5. Хамдамов Б.К., Исломов Ф.Р., Авлокулов А.З. Молиявий хисобот. Укув кулланма. - Т.: ―ИКТИСОД-МОЛИЯ‖, 2008. 7. Дусмуратов Р. Кишлок хужалигида бухгалтерия хисоби ва статистика асослари. -Т: Фан ва технология‖, 2014. 8. Жураев Н., Абдувохидов Ф., Сотиволдиева Д. Молиявий ва бошкарув хисоби. Дарслик (лотин алифбосида). -Т.: 2012 й. 480 б. 9. Холбеков Р.О. Бухгалтерия хисоби назарияси (лотин алифбосида). -Т.: Чулпон номидаги нашриѐт-матбаа ижодий уйи, 2011 й. 200 б.

O'xshashlar

Капитал, фондлар ва молиявий натижалар ҳисоби

Молиявий натижалар тахлили

Молиявий натижалар хисоби

Молиявий натижалар аудити

Молиявий қўйилмалар ҳисоби