Maxalliy soliqlar va yig’imlar - Iqtisodiyot - Referatlar

Maxalliy soliqlar va yig’imlar

Yuklangan vaqt:

20.09.2019

Ko'chirishlar soni:

0

Hajmi:

68 KB

Ko'chirib olish

Maxalliy soliqlar va yig’imlar Reja: 1. Maxalliy soliqlar va yig'imlar haqida umumiy tushuncha 2. Yuridik shaxslarning mol-mulkiga solinadigan soliq to’lovchilari, soliq solish obyekti va bazasi . 3. Yuridik shaxslarning mol-mulkiga solinadigan soliq stavkalari va soliq bo’yicha imtiyozlar. 4. Yuridik shaxslarning mol-mulkiga solinadigan soliq ni h isoblash va to’lash tartibi.

Tayanch iboralar: Maxalliy soliqlar va yig'imlar , y uridik shaxslar, y uridik shaxslardan undiriladigan mol-mulk solig’i, soliq to’lovchilar, soliq solish obyekti, imtiyoz, soliq stavkasi, soliqni h isoblash tartibi, soliqni to’lov muddati. 1. Mahalliy soliqlar va yig’imlarga quyidagilar kiradi: a) mol-mulk solig’i; b) yer solig’i; v) obodonlashtirish va ijtimoiy infratuzilmani rivojlantirish solig’i; g) jismoniy shaxslardan transport vositalariga benzin, dizelь yoqilg’isi va gaz ishlatganlik uchun olinadigan soliq ; d) ayrim turdagi tovarlar bilan chakana savdo qilish va ayrim turdagi xizmatlarni ko’rsatish huquqi uchun yig’im ; e) yagona yer solig’i . Mahalliy soliqlar va yig’imlar to’lovchisi bo’lib O’zbekiston Respublikasi soliq qonunchiligi hujjatlariga muvofiq, mulkchilik shaklidan qat’i nazar yuridik va jismoniy shaxslar hisoblanadi. Yuridik shaxslarning mol-mulkiga solinadigan soliqni to’lovchilar quyidagilardir: O’zbekiston Respublikasi hududida soliq solinadigan mol-mulkka ega bo’lgan yuridik shaxslar – O’zbekiston Respublikasining rezidentlari; agar O’zbekiston Respublikasining xalqaro shartnomalarida boshqacha qoida nazarda tutilmagan bo’lsa, O’zbekiston Respublikasida faoliyatni doimiy muassasa orqali amalga oshirayotgan va (yoki) O’zbekiston Respublikasi hududida o’z mulkida ko’chmas mulkka ega bo’lgan yuridik shaxslar – O’zbekiston Respublikasining norezidentlaridir. Agar ko’chmas mulk mulkdorining joylashgan yerini aniqlash imkoni bo’lmasa, bu mol-mulk qaysi shaxsning egaligida va (yoki) foydalanishida bo’lsa, shu shaxs soliq to’lovchidir. O’zbekiston Respublikasi norezidentining faoliyati Soliq kodeksining 20-moddasiga muvofiq O’zbekiston Respublikasidagi doimiy muassasa orqali amalga oshiriladigan faoliyat deb e’tirof etiladi.

Quyidagilar yuridik shaxslarning mol-mulkiga solinadigan soliqni to’lovchilar bo’lmaydi: notijorat tashkilotlar. Notijorat tashkilotlar tadbirkorlik faoliyatini amalga oshirgan taqdirda, ushbu bo’limda nazarda tutilgan tartibda yuridik shaxslarning mol-mulkiga solinadigan soliqni to’lovchilardir; agar Soliq kodeksining XX bo’limida boshqacha qoida nazarda tutilgan bo’lmasa, soliq Kodeksiga muvofiq soliq solishning soddalashtirilgan tartibi nazarda tutilgan yuridik shaxslar. Quyidagi mol-mulk soliq solish obyektidir: 1) asosiy vositalar, shu jumladan moliyaviy ijara (lizing) shartnomasi bo’yicha olingan asosiy vositalar; 2) nomoddiy aktivlar; 3) tugallanmagan qurilish obyektlari. Tugallanmagan qurilish obyektlari jumlasiga qurilishi shu obyekt qurilishiga doir loyiha-smeta hujjatlarida belgilangan normativ muddatda nihoyasiga yetkazilmagan obyektlar kiradi; 4) belgilangan muddatda ishga tushirilmagan asbob-uskunalar. Belgilangan muddatda ishga tushirilmagan asbob-uskunalar jumlasiga montaj qilinishi talab etiladigan hamda rekonstruktsiya va (yoki) modernizatsiya qilinayotgan obyektlarda loyiha-smeta hujjatlarida belgilangan muddatlarga muvofiq kapital quyilmalar hisobiga ishga tushiriladigan asbob-uskunalar kiradi. Loyiha-smeta hujjatlarida asbob-uskunalarni ishga tushirish muddatlari bo’lmagan taqdirda, buyurtmachi sifatida ish ko’rayotgan yuridik shaxsning rahbari tomonidan tasdiqlangan muddatlar soliq solish obyektini belgilash uchun qabul qilinadi, lekin bu muddatlar asbob-uskunalar montaj qilishga topshirilgan paytdan e’tiboran bir yildan ko’p bo’lmasligi kerak. O’zbekiston Respublikasida faoliyatni doimiy muassasa orqali amalga oshirayotgan O’zbekiston Respublikasining norezidentlari uchun quyidagilar soliq solish obyektidir:

O’zbekiston Respublikasining norezidentlari buxgalteriya hisobi to’g’risidagi qonun hujjatlariga muvofiq doimiy muassasa faoliyati bilan bog’liq qaysi asosiy vositalar bo’yicha hisob yuritayotgan bo’lsa, o’sha asosiy vositalar; ushbu doimiy muassasa faoliyati bilan bog’liq bo’lmagan, mazkur norezidentlarga mulk huquqi asosida tegishli bo’lgan ko’chmas mulk. O’zbekiston Respublikasida faoliyatni doimiy muassasa orqali amalga oshirmaydigan O’zbekiston Respublikasining norezidentlari uchun O’zbekiston Respublikasi hududida joylashgan, ularga mulk huquqi asosida tegishli bo’lgan ko’chmas mulk soliq solish obyektidir. Ko’chmas mulkka bo’lgan huquqlarni davlat ro’yxatidan o’tkazuvchi organ O’zbekiston Respublikasining norezidenti tomonidan mulk qilib olingan (realizatsiya qilingan) ko’chmas mulk obyekti to’g’risidagi ma’lumotlarni ushbu obyektlar joylashgan yerdagi davlat soliq xizmati organiga ro’yxatdan o’tkazilganidan keyin o’n kun ichida ma’lum qilishi shart. Qonun hujjatlariga muvofiq mulk qilib olingan yer uchastkalari va (yoki) nomoddiy aktivlar tarkibida hisobga olinadigan ulardan foydalanish huquqi soliq solish obyekti sifatida qaralmaydi. Soliq solinadigan baza quyidagilardir: asosiy vositalar va nomoddiy aktivlar bo’yicha – asosiy vositalar va nomoddiy aktivlarning o’rtacha yillik qoldiq qiymati. Asosiy vositalar va nomoddiy aktivlarning qoldiq qiymati ushbu mol-mulkning boshlang’ich (tiklanish) qiymati bilan soliq to’lovchining hisob siyosatida belgilangan usullardan foydalanilgan holda hisoblab chiqilgan amortizatsiya hajmi o’rtasidagi farq sifatida aniqlanadi; normativ (belgilangan) muddatda tugallanmagan qurilish obyektlari va ishga tushirilmagan asbob-uskunalar bo’yicha – tugallanmagan qurilishning va o’rnatilmagan asbob-uskunalarning o’rtacha yillik qiymati. O’zbekiston Respublikasi norezidentlarining Soliq kodeksining 266-moddasi ikkinchi qismining uchinchi xatboshisida va uchinchi qismida

ko’rsatilgan ko’chmas mulk obyektlariga nisbatan ushbu mol-mulkning o’rtacha yillik qiymati soliq solinadigan bazadir. Soliq solish obyektlarining o’rtacha yillik qoldiq qiymati (o’rtacha yillik qiymat) hisobot davridagi har bir oyning oxirgi kunidagi holatga ko’ra soliq solish obyektlarining qoldiq qiymatlarini (o’rtacha yillik qiymatlarini) qo’shishdan olingan summaning o’n ikkidan bir qismi sifatida ortib boruvchi yakun bilan aniqlanadi. O’zbekiston Respublikasi norezidentlarining Soliq kodeksining 266-moddasi ikkinchi qismining uchinchi xatboshisida va uchinchi qismida ko’rsatilgan ko’chmas mulk obyektlari bo’yicha soliq solinadigan baza mazkur obyektlarga bo’lgan mulk huquqini tasdiqlovchi hujjatlarda ko’rsatilgan qiymat asosida aniqlanadi. Yagona soliq to’lovini to’lovchilar bo’lgan yuridik shaxslar bir oydan kam muddatga ijaraga berilgan mol-mulk bo’yicha soliq solinadigan bazani bu mol- mulkning mazkur oyning oxirgi kunidagi holatga ko’ra hisoblab chiqilgan qoldiq qiymatini o’n ikkiga va shu oydagi kalendarь kunlar soniga bo’lishdan olingan, mazkur mol-mulk ijarada turgan kunlar soniga ko’paytirilgan bo’linma sifatida aniqlaydilar. Binoning bir qismi ijaraga berilgan taqdirda, soliq solinadigan baza umumiy maydoni bir kvadrat metrining qoldiq qiymatini ijaraga berilgan maydonning o’lchamiga ko’paytirish orqali aniqlanadi. Yuridik shaxslarning mol-mulkiga solinadigan soliqni to’lovchi tomonidan yuridik shaxslarning mol-mulkiga solinadigan soliqni to’lash nazarda tutilmagan faoliyat turlari amalga oshirilgan taqdirda, soliq solinadigan baza soliq solinadigan va soliq solinmaydigan mol-mulk hisobini alohida-alohida yuritish asosida aniqlanadi. Alohida-alohida hisob yuritish imkoniyati bo’lmagan taqdirda, soliq solinadigan baza faoliyatdan olinadigan sof tushumning umumiy hajmida yuridik shaxslarning mol-mulkiga solinadigan soliqni to’lash nazarda tutilgan sof tushumning solishtirma salmog’idan kelib chiqqan holda aniqlanadi. Yuridik shaxslarning mol-mulkiga 3,5 foiz stavkasi bo’yicha soliq solinadi.

Me’yordagi muddatlarda o’rnatilmagan uskuna uchun mol-mulk solig’i ikki baravar ko’paytirilgan stavka bo’yicha to’lanadi. Eksport mahsuloti ishlab chiqaradigan va uni mustaqil ravishda yoki ixtisoslashgan tashqi savdo birlashmalari va firmalari orqali sotadigan, vazirliklar, idoralar, korporatsiyalar, kontsernlar, uyushmalar va kompaniyalarning tarkibiy bo’linmalari hisoblangan korxonalar uchun quyidagi miqdorlarda sotishning umumiy hajmida o’zi ishlab chiqargan mahsulot (ishlar, xizmatlar)ning erkin almashtiriladigan valyutaga eksportdagi ulushiga bog’liq holda mol-mulk solig’ining tabaqalashtirilgan stavkalari belgilanadi: eksport ulushi 15 foizdan 30 foizgacha bo’lganda belgilangan stavka 30 foizga kamaytiriladi; eksport ulushi 30 foizdan ortiq bo’lganda belgilangan stavka 50 foizga kamaytiriladi. Ko’rsatilgan imtiyoz savdo-vositachi korxonalarga, shuningdek erkin almashtiriladigan valyutaga xom ashyo tovarlari - paxta tolasi, ip gazlama, lint, neftь, neftь mahsulotlari, gaz kondensati, tabiiy gaz, elektr energiyasi, qimmatbaho, rangli va qora metallarni eksport qiladigan ishlab chiqarish korxonalariga tatbiq etilmaydi. Yuridik shaxslarning mol-mulkiga solinadigan soliq hisoblab chiqarilayotganda soliq solinadigan baza quyidagilarning qiymatiga kamaytiriladi: 1) uy-joy-kommunal xo’jaligi obyektlarining. Uy-joy-kommunal xo’jaligi obyektlariga quyidagilar kiradi: uy-joy fondi, vodoprovod tarmoqlari (suv chiqarish inshootlari bilan), kanalizatsiya tarmoqlari (tozalash inshootlari bilan), gaz va issiqlikni taqsimlash tarmoqlari (ulardagi inshootlar bilan), kommunal- maishiy ehtiyojlar uchun qozonxonalar (shu jumladan asbob-uskunalar); 2) madaniyat va san’at, xalq ta’limi, sog’liqni saqlash, jismoniy tarbiya va sport, ijtimoiy ta’minot sohasiga kiradigan ijtimoiy-madaniy soha obyektlarining; 3) yuridik shaxslarning madaniyat muassasalari, maktabgacha va umumta’lim o’quv muassasalari ehtiyojlari uchun foydalaniladigan mol-mulkining;

4) qishloq xo’jaligi (o’simlikshunoslik, chorvachilik, baliqchilik) mahsulotlarini yetishtirish va saqlash uchun foydalaniladigan qishloq xo’jaligi korxonalari balansida bo’lgan mol-mulkning; 5) sug’orish va kollektor-drenaj tarmoqlari obyektlarining; 6) aloqa yo’ldoshlarining; 7) kredit hisobidan olingan asbob-uskunaning, uni foydalanishga topshirilgan paytdan boshlab besh yilga, lekin kreditni uzish uchun belgilanganidan ko’p bo’lmagan muddatga; 8) tabiatni muhofaza qilish va sanitariya-tozalash maqsadlari, yong’in xavfsizligi uchun foydalaniladigan obyektlarning. Obyektlarni tabiatni muhofaza qilish va sanitariya-tozalash maqsadlari uchun foydalaniladigan obyektlarga kiritish tabiatni muhofaza qilish organining ma’lumotnomasi asosida amalga oshiriladi; 9) umumiy foydalanishdagi temir yo’llar va avtomobilь yo’llari, magistralь truboprovodlar, aloqa va elektr uzatish liniyalarining, shuningdek ushbu obyektlarning ajralmas texnologik qismi bo’lgan inshootlarning; 10) konservatsiya qilinishi to’g’risida O’zbekiston Respublikasi Vazirlar Mahkamasining qarori qabul qilingan asosiy ishlab chiqarish fondlarining; 11) lizingga olingan mol-mulkning, lizing shartnomasi amal qiladigan muddatga; 12) soliq to’lovchining balansida bo’lgan hamda tadbirkorlik faoliyatida foydalanilmayotgan, fuqaro muhofazasi va safarbarlik ahamiyatiga molik obyektlarning; 13) shahar va shahar atrofidagi yo’nalishlarda yo’lovchilar tashiydigan shahar yo’lovchilar transporti tashkilotlari transport vositalarining (avtobuslar, tramvaylar, trolleybuslar, metropoliten poezdlari); 14) tuzilgan shartnomalarga muvofiq yuridik shaxsning buyurtmasi bo’yicha ishlar bajarish uchun kasanachilarga bepul foydalanishga berilgan asbob- uskunalarning (foydalanish davriga);

15) telekommunikatsiyalar tarmoqlarida tezkor-qidiruv tadbirlari tizimi texnik vositalarining; 16) ishlab chiqarishga yangi joriy etilgan yangi texnologik jihozlarning, besh yillik muddatga. Yangi texnologik jihozlar olingan (import qilingan) paytdan e’tiboran uch yil ichida realizatsiya qilingan yoki bepul berilgan taqdirda, mazkur imtiyozning amal qilishi mol-mulk solig’ini to’lash majburiyatlari imtiyoz qo’llaniladigan butun davr uchun tiklangan holda, bekor qilinadi. Yuridik shaxslarning mol-mulkiga solinadigan soliqdan quyidagilar ozod qilinadi: 1) sog’liqni saqlash, jismoniy tarbiya hamda ijtimoiy ta’minot, xalq ta’limi, madaniyat va san’at tashkilotlari; 2) uy-joy-kommunal xo’jaligi va boshqa umumfuqaroviy ahamiyatga molik shahar xo’jaligi korxonalari. Uy-joy-kommunal va boshqa umumfuqaroviy ahamiyatga molik shahar xo’jaliklari jumlasiga uy-joy fondini bevosita boshqarish, saqlash hamda undan foydalanishni amalga oshiruvchi tashkilotlar, sanitariya tozalash va yig’ishtirish, obodonlashtirish va ko’kalamzorlashtirish, shaharlar hamda shaharchalarni tashqi yoritish, vodoprovod suv olish inshootlaridan, taqsimlanadigan tarmoqlardan (tozalovchi inshootlari bilan) foydalanish va suvni taqsimlash, kanalizatsiya tarmoqlaridan foydalanish (tozalash inshootlari bilan), gaz taqsimlanadigan tarmoqlardan foydalanish hamda gazni taqsimlash, qozonxona, issiqlik taqsimlanadigan tarmoqlardan foydalanish va kommunal- maishiy ehtiyojlarga hamda aholiga issiqlikni taqsimlashni bevosita amalga oshiruvchi tashkilotlar, xizmat binolarining xo’jalik boshqarmalari, o’t o’chirish komandalari, uy-joy-kommunal xo’jaligining xo’jalik boshqarmalari, uy-joy- kommunal xo’jaligi va shahar xo’jaligining umumfuqaroviy ahamiyatga molik boshqa korxonalari kiradi; 3) nogironlarning jamoat birlashmalari, «Nuroniy» jamg’armasi va «O’zbekiston chernobilchilari» assotsiatsiyasi mulkida bo’lgan, ishlovchilari umumiy sonining kamida 50 foizini nogironlar, 1941 – 1945 yillardagi urush va mehnat fronti faxriylari tashkil etadigan yuridik shaxslar, bundan savdo,

vositachilik, ta’minot-sotish va tayyorlov faoliyati bilan shug’ullanuvchi yuridik shaxslar mustasno. Ushbu imtiyozni olish huquqi belgilanayotganda xodimlarning umumiy soniga shtatda bo’lgan xodimlar kiritiladi; 4) yangi tashkil etilgan korxonalar – davlat ro’yxatidan o’tkazilgan paytdan e’tiboran ikki yil mobaynida. Mazkur imtiyoz tugatilgan (qayta tashkil etilgan) korxonalarning ularga qarashli alohida va tarkibiy bo’linmalarining ishlab chiqarish quvvatlari hamda asosiy fondlari negizida tashkil etilgan korxonalarga, shuningdek korxonalar huzurida tashkil etilgan yuridik shaxslarga nisbatan, agar mazkur yuridik shaxslar ushbu korxonalardan ijaraga olingan asbob-uskunalarda ishlayotgan bo’lsa, qo’llanilmaydi; 5) ixtiyoriy tugatilayotgan tadbirkorlik subyektlarini – yuridik shaxslarni davlat ro’yxatidan o’tkazuvchi organ ixtiyoriy tugatish to’g’risida qabul qilingan qaror haqida xabardor qilingan kundan e’tiboran. Ixtiyoriy tugatish qonun hujjatlarida belgilangan muddatlarda tugallanmagan yoki tugatish tartib-taomili to’xtatilgan va faoliyat qayta tiklangan taqdirda, ushbu imtiyoz qo’llanilmaydi hamda soliq summasi imtiyoz qo’llanilgan butun davr uchun to’liq miqdorda undiriladi. Yuridik shaxslarning mol-mulkiga solinadigan soliqni hisoblab chiqarish soliq to’lovchi – O’zbekiston Respublikasining rezidenti tomonidan Soliq kodeksining 267-moddasi birinchi qismiga muvofiq hisoblab chiqarilgan soliq solinadigan bazadan va belgilangan stavkadan kelib chiqqan holda amalga oshiriladi. Soliq davri mobaynida soliq to’lovchilar har oyda joriy to’lovlarni to’laydilar, mikrofirmalar va kichik korxonalar bundan mustasno. Joriy to’lovlar summasi tegishli yil uchun mol-mulkning o’rtacha yillik qoldiq qiymatidan (o’rtacha yillik qiymatdan) va belgilangan stavkadan kelib chiqqan holda hisoblab chiqarilgan yuridik shaxslarning mol-mulkiga solinadigan soliq yillik summasining o’n ikkidan bir qismi miqdorida belgilanadi. Joriy to’lovlar miqdorini hisoblab chiqarish uchun soliq to’lovchi soliq bo’yicha hisobga olish joyidagi davlat soliq

xizmati organiga belgilangan shakldagi ma’lumotnomani joriy yilning 20 yanvarigacha taqdim etadi. Byudjetga joriy to’lovlarni to’lash har oyning 25-kunidan kechiktirmay amalga oshiriladi. Yuridik shaxslarning mol-mulkiga solinadigan soliqning hisob-kitobi soliq bo’yicha hisobga olish joyidagi davlat soliq xizmati organlariga ortib boruvchi yakun bilan yilning har choragida hisobot davridan keyingi oyning 25-kunidan kechiktirmay, yil yakunlari bo’yicha esa yillik moliyaviy hisobot taqdim etiladigan muddatda taqdim etiladi. To’lanishi lozim bo’lgan, yuridik shaxslarning mol-mulkiga solinadigan soliq summasi hisob-kitoblarni topshirish uchun belgilangan kundan kechiktirmay byudjetga o’tkaziladi. O’zbekiston Respublikasining norezidentlari bo’yicha yuridik shaxslarning mol-mulkiga solinadigan soliqni hisoblab chiqarish soliq solinadigan bazadan va belgilangan stavkadan kelib chiqqan holda quyidagi tartibda davlat soliq xizmati organlari tomonidan amalga oshiriladi: O’zbekiston Respublikasida faoliyatni doimiy muassasa orqali amalga oshirayotgan O’zbekiston Respublikasining norezidenti soliq Kodeksining 79-moddasida nazarda tutilgan tartibda yuridik shaxslarning mol-mulkiga solinadigan soliqni to’lovchi sifatida O’zbekiston Respublikasi davlat soliq xizmati organida hisobda turishi shart. Yuridik shaxslarning mol-mulkiga solinadigan soliqni hisoblab chiqarish uchun O’zbekiston Respublikasining norezidenti hisobot yilidan keyingi yilning 25 yanvarigacha doimiy muassasaning soliq bo’yicha hisobga olish joyidagi davlat soliq xizmati organiga mavjud soliq solinadigan mol- mulk to’g’risidagi ma’lumotnomani taqdim etadi. Taqdim etilgan ma’lumotnoma asosida davlat soliq xizmati organi yuridik shaxslarning mol-mulkiga solinadigan soliq summasi hisob-kitobini o’n kun ichida amalga oshiradi va to’lov xabarnomasini yozadi; O’zbekiston Respublikasi hududida ko’chmas mulkka ega bo’lgan O’zbekiston Respublikasi norezidentlari ko’chmas mulkka bo’lgan huquq davlat

ro’yxatidan o’tkazuvchi organda ro’yxatdan o’tkazilganidan keyin o’ttiz kun ichida mustaqil ravishda yoxud o’zining vakolatli vakili orqali O’zbekiston Respublikasi davlat soliq xizmati organida yuridik shaxslarning mol-mulkiga solinadigan soliq to’lovchi sifatida hisobga turishlari shart. O’zbekiston Respublikasining ko’chmas mulk joylashgan yerdagi davlat soliq xizmati organi O’zbekiston Respublikasining norezidentiga yoki uning vakiliga soliq to’lovchidan yoki ko’chmas mulkka bo’lgan huquqlarni davlat ro’yxatidan o’tkazuvchi organdan olingan ma’lumotlar asosida to’lov xabarnomasi yozadi. Yuridik shaxslarning mol-mulkiga solinadigan soliq O’zbekiston Respublikasining norezidentlari tomonidan yilda bir marta soliq hisoboti davridan keyingi yilning 15 fevralidan kechiktirmasdan to’lanishi kerak.

Foydalanilgan adabiyotlar: 1. O‘zbekiston Respublikasining Soliq Kodeksi. Qonunchilik palatasi tomonidan 2007 yil 23 noyabrda qabul qilingan. Senat tomonidan 2007 yil 30 noyabrda ma’qullangan. 2007 yil 25 dekabrdagi O’zbekiston Respublikasining Qonuni № – 136. 2. O‘zbekiston Respublikasi Prezidentining 2007yil 12 dekabrdagi “O‘zbekiston respublikasining 2008 yilgi asosiy makroiqtisodiy ko‘rsatkichlari prognozi va davlat byudjeti parametrlari to‘grisida”gi 744 – sonli qarori. 3. “Soliq tizimi va munosabatlari”. Z.Xo’jaeva, R.Hakimov, A.Abdullaev. Toshkent – 2007 y. 4. A.Jo’rayev. Yuridik va jismoniy shaxslarni soliqqa tortish. “Oqituvchi ”nashriyiot-matbaa ijodiy uyi Toshkent-2007 y.

O'xshashlar

Soliqlar

Soliqlar va to’lovlar yig’indisini prognozlash

Davlat byudjeti. Soliqlar

Soliqlar va to’lovlar tushumi hisobini yuritish

Soliq to’lovchilar guruhlari bo’yicha soliq tushumlari tahlili