Кичик бизнес тадбиркорлик тузилмаларининг ташкилий тузилиши - Iqtisodiyot - Referatlar

Кичик бизнес тадбиркорлик тузилмаларининг ташкилий тузилиши

Yuklangan vaqt:

20.09.2019

Ko'chirishlar soni:

0

Hajmi:

109 KB

Ko'chirib olish

Кичик бизнес тадбиркорлик тузилмаларининг ташкилий тузилиши Режа: 1. Кичик бизнес корхоналари бошкарувининг ташкилий тузилмалари 2. Корхона бошкарувининг ташкилий тузилмасида булинмаларининг урни ва ахамияти. 3. Тадбиркорлик фирмалари ташкилий тузилмаларининг турлари. 4. Тадбиркорлик тузилмалари аъзоларининг узаро муносабатлари.

1. Кичик бизнес корхоналари бошқарувининг ташкилий тузилмалари Корхонани бошкаришнинг самарали тузилмасини вужудга келтириш бошловчи тадбиркор хал этиши керак бўлган мухим вазифалардан биридир. У ташкилотни самарали ишлаши учун унга кайси ихтисосдаги мутахассислар кандай малакада, кандай шахсий фазилатларга эга бўлган канча одамни бирлаштириши кераклигини аниклаб олиши керак. Корхона катталашиб, унинг фаолият сохалари кенгайиб богиши билан окилона тузилмага бўлган эхтиёж янада ошади. Корхонанинг етуклик, хатто, гуллаб-яшнаган боскичида хам ташкилий тузилма одамнинг хаётий кобилиятини белгиловчи мухим омил бўлиб колади. Корхонанинг ракобат курашига дош бериш, ўз кувватини саклаб туриш ёки ошириб богиши, унинг ўзгариб бораётган шароитларга мослашиш кобилиятига боглик бўлади. Корхона бошкарувининг ташкилий тузилмаси - бу бўлимлар, ишловчилар ўртасидаги махсус ишлаб чикилган алокалар ва муносабатларнинг яхлит тизимини ўз ичига олади ва унинг доирасида ишловчи одамлар олдига кўйилган максадга энг самарали йўл билан эришиш вазифасини бажаради. . Корхона тузилмасида куйидаги элементлар ажратиб кўрсатилади: рахбарлик ва алока (горизонтал ва вертикал) ўринлар (бўлимлар), даражалар (боскичлар). Бўгим (бўлим) — бу ташкилий жихатдан алохида, мустакил бошкарув ташкилотидир. Бўлим (одамлар гурухи) томонидан муайян вазифанинг бажарилиши уни шакллантиришнинг асосий максади хисобланади. Бўлимлар ўртасидаги алокалар горизонтал тусга эга. Рахбарлик (бошкарув) даражасини (боскичини) бошкарув иерархиясида маълум боскични эгаллаган бўлимлар гурухи (ёки битта бўлим) сифатида белгилаш мумкин. Боскичлар ўртасидаги алокалар бу вертикал бўйича алокадир. Улар куйи даражалардан бошлаб юкори даражагача эркин ифодаланган изчил бўйсуниш тусига эга.

Хар кандай, хатто кичик корхонада хам, юкорида баён этилган учта тузилма элементларнинг хаммаси мавжудлигини аниклаш мумкин. Тадбиркор у ташкил этган корхонанинг мулкдори бўлиб, унинг ишига рахбарлик килади. Вертикал бўйича унга унинг ходимлари бўйсунади. Корхонанинг турли вазифаларини (ташкилотчилик, маркетинг, бухгалтерия ва хоказо) бажараётган ходимлари ўртасида горизонтал алокалар ўрнатилади. Улар бевосита бўйсуниш тусида бўлмайди, лекин, кўпинча корхона турли ишлаб чикариш (амалий) операцияларининг изчиллиги ва ўзаро богликлигини белгилайди. Корхонани бошкариш ташкилий тузулмасининг самарадорлигини таъминлаш учун 7.2-чизмада келтирилган коидаларга риоя этиш зарур. Бошкарув бирлиги коидаси бошкарувчи тизим (бошкарув органи, ташкилоти) ва бошкариладиган тизим (ишлаб чикариш)нинг борлигини англатади. Хар кандай кичик фирманинг бошкаруви ва бошкариладиган тизимлари ўртасида тўгри ва тескари алока амалга оширилиши керак. Бошкарувчи тизим бошкарилувчи тизимдан ахборот олади. Бошкарув органи олинган ахборот асосида карорлар кабул килади. Шу тарика бошкарув тўгри ва тескари алока асосида амалга оширилади. Бўйсуниш бирлиги куйидаги маънони англатади: ходимлар гурухи ўзининг устидан кўйилган бир рахбарга бўйсунади: бўйсунувчилар турли рахбарлардан бир-бирига зид, ўзаро богланмаган кўрсатмалар олмасликлари керак. Мувофиклик коидаси барча функционал бўлимлар бажараётган асосий бошкарув вазифалари микдори ва даражаси, ўзаро ахборот алмашув ва меъёрий таъминот бўйича бир-бирига мос бўлиши керак, деган маънони англатади. Махаллий бошкарув ташкилотлари, бу, амалда туман (шахар) хокимияти, ташкилотлар, назорат органлари томонидан бажарилаётган бошкарув вазифаларидир. Махаллий ташкилртлар бошкарув «Махаллий ўз- ўзини бошкариш тўгрисида»ги конунга асосланиб амалга оширадилар.

Алока тизими барча бошкарув органлари ўз вазифаларини бир-бирлари билан мустахкам алокада бажарадилар, деган маънони англатади. Алокани йўкотиш - бошкаришни йўкотиш, деган маънони билдиради. Алокалар турли шаклда: чизикли (вертикал), функционал (горизонтал), тармокди, минтакавий бўлиши мумкин. Йўналтирилганлик коидаси хар бир корхонанинг маълум ташки инфраструктураларга — (банклар, биржалар, молия ташкилотлари, таъминот-сотиш ташкилотларига) мўлжал олиши ва ташки мухитнинг ўзгариб турган шароитларига мослаша олиши кераклигини билдиради. Ишни табакалаштириш корхонада ишларни: ким нима учун жавоб бериши, ким назорат ёки шикоят килиш хукукига эга эканлигани ва хоказоларга караб аник фарклашни билдиради. Буларнинг хаммаси ходимларнинг бошкарув масалаларидаги мустакиллигини оширади. Хаммабоплик коидаси бозор муносабатлари, ракобат шароитларида факат махфий хисобланмаган ахборот билан эркин танишиш имконияти берилиши керак, деган маънони билдиради. Масалан, атроф мухитнинг ифлосланиш даражаси хакидаги, махсулот сифати тўгрисидаги, техника хавфсизлиги тўгрисидаги ахборотлар шулар жумласига киради. Операциялар устидан назорат бажарилаётган ишнинг барча боскичларида назоратнинг техник воситаларидан фойдаланиб ёки фойдаланмай амалга оширилиши мумкин. Режалаштириш - бошкарув жараёнининг дастлабки боскичларидан бири бўлиб, у максадни амалга ошириш, ривожлантиришда йўналишни белгилаш демаклир. Хар кандай фирма ўз фаолиятини пухта ва яхши режалаштириши керак, чунки, фирманинг омон колиши ва фойда кўриши шунга боглик бўлади. Корхона бошкарув тизимини шакллантириш жараёни 3-чизмада кўрсатилган. Боскичлар Мазмуни

Бажарилаётган иш характерини белгилаш Вазифаларини куйиш. Куйилган вазифаларни хал этиш учун зарур булган ишлар хажмини белгилаш. Фойдасиз ишни ва айрим операцияларни такрорлашни истисно этиш. Бошкарув ва назорат тизими элементларининг узаро хамкорлиги жараёнини ишлаб чикиш, карорлар турлари ва уларни кабул килишда у ёки бу менежерни иштироки хусусиятини, менежер умумий ишга кушиши керак булган шахсларнинг карор кабул килаётган бошка шахсларнинг менежерга курсатадиган таъсирини уз ичига олади. Ишни бошкарувинин алохида элементлари ўртасида тақсимлаш Меъёрларни белгилаш ва андозаларни тасдиклаш. Масалан корхонани бошкаришнинг хар кандай даражасининг хар бир рахбари учун аник лавозим мажбуриятларини белгилаш, кабул килиш. Бошкарувнинг илмий услублари доирасидаги техник усуллар. Масалан иш вакти мехнатни ташкил этиш ва бошкарув фаолиятининг бошка омилларини тахлил этиш услубларини тадкик этиш. Корхона доирасида ишлаётган барча шахсларнинг мустахкам хамкорлигини ва аник узаро харакатини ташкил этиш. Бошкарувнинг мантикий гурухларини куриш. Булинмаларни ташкил этиш. Бошкарилаётган иш турига мувофик бошкарув элементларини гурухлаш. Масалан катта обруга эга булган рахбарлар атрофида булинмалар (булимлар) тузиш . 3-чизма. Корхонанинг бошкарув тизимини тузиш жараёни.

2. Корхона бошкарувинивг ташкилий тузилмасида бўлинмаларнинг ўрни ва ахамияти Корхона (фирма) ичида бўлинмаларни таксимлаш коидаларига асосланиш керак. Жумладан, тенг гурухларга бўлиш коидаси ходимлар малака тайёргарлигига эга бўлиб, кўйилган максадга эришиш учун яна муайян микдордаги одамлар зарур бўлган холларда кўлланади. Функционал белги бўйича бўлиш коидаси эса, ишлаб чикариш бўйича цехлар, маркетинг, кадрлар, молия ва хоказо бўлимларни ташкил этишнинг энг оммалашган усулидир. Улар сони ташкилот эхтиёжларига боглик бўлади. Худудий белги бўйича бўлиш коидаси корхона ўз фаолиятини турли туманлар худудида амалга оширганда кўпрок кўлланади. Мазкур худудда корхонанинг барча турдаги операцияларнинг бажарилишини, жумладан, сотиш бўйича ишларни минтакавий бажарувчига топширилиши мумкин. Ишлаб чикарилаётган махсулот асосида таксимлаш коидаси ишлаб чикаридаётган махсулот турини кўпайтириб бораётган, бошка ташкилий тузилмани кўллаш ишни факат мураккаблаштириши мумкин бўлган йирик корхоналарда кенг оммалашган. Истеъмолчилар манфаатларини хисобга олган холда таксимлаш коидаси. Харидор хал килувчи омил бўлган тармокларда унинг манфаатлари ташкилий тузилмага кучли таъсир кўрсатади. Шунинг учун, истеъмолчилар манфаати юкори кўйилган корхоналарда ушбу усул кўлланади. Йирик корхоналарда юкорида кўрсатилган коидаларнинг айримларида ёки хаммасидан фойдаланилади. Санаб ўтилган омилларнинг хаммаси ёки биронтасига мухум ахамият берилиши тегишли усулни танлашга асос бўлади. Бўлинмаларнинг бошкарув тузилмаларини шакллантиришда куйидагиларни хисобга олиш зарур:

Стратификацияни, яъни, агар тадбиркор ўз ишини эндигина бошлаган бўлса, бошкарувнинг кандай даражасини кўллаш максадга мувофик бўлишини аниклаш. Бунда бир ёки, одатда, икки бўйсуниш даражаси мавжуд бўлади. Лекин, иш кенгайиб богиши билан, бошкарув даражалари сони ошиб боради. Маълумки, йирик корхоналарда бошкарув зинапояси 12 тадан 20 тагача боскичдан иборат бўлади. Расмийлаштиришни, яъни, ташкилотдаги рахбарлик услубини ва фаолият жараёнида одамлар орасидаги муносабатлар хусусиятини билиш. Агар бу муносабатлар кўплаб коидалар ва йўрикномалар билан тартибга солинса, ташкилот расмий ташкилот сифатида каралади. Коидалар канчалик кўп, рахбарлик усули канчалик бюрократик бўлса, корхона тузилмаси шунчалик расмий ва тармокли бўлиши керак. Марказлаштириш ёки марказлаштирмасликни, яъни, олий рахбарлик хал килиш керак бўлган масалалар рўйхати бўйича карорларни кабул килиши ва карорларни етказиш иерархиясини билиш. Марказлаштирилган рахбарлик усулини ташкил этишда мухим ва иккинчи даражали масалаларни рахбарнинг (рахбарлар гурухининг) ўзи хал килишга интилади. Ишни рахбар ўз ваколатларининг катта кисмини бошкарувнинг куйи даражасига берадиган ва шу билан ўз ходимлари ижодий салохиятларини ривожлантиришга кўмаклашадиган тарзда ташкил этиш энг илгор ва самарали деб тан олинади. Ташкилий тузилманинг мураккаблик даражасини билиш. Корхонадаги бўлимларнинг тури, микдори ва ўзаро хамкорлиги, рахбар ходимлар, ишчи- хизматчилар сонига ва бошкалар бошкарувнинг мураккаблик даражасини белгилаб беради. Корхонанинг самарали ишлаши учун ходимларнинг вазифалари ва ваколатлари, шунингдек, уларнинг ўзаро муносабатлари тартиби белгиланади. Вазифалар ва ваколатларни белгилаш ва уларни ташкилот доирасида оммалаштиришнинг учта усули мавжуд: ташкилий схемалар, жадваллар тузиш; кўлланма (маълумотлар) ёки йўрикнома ишлаб чикиш; вазифаларни таксимлаш.

Корхонанинг рахбари ва хар бир ходими ўз вазифалари, ваколатларини, бошка ходимлар билан хамкорлик килиш тартибини билиши керак. 3. Тадбиркорлик фирмалари ташкилий тузилмаларининг турлари Ваколатлар, хукуклар, вазифалар ва жавобгарлик нуктаи назаридан кичик бизнес корхоналари бошкарув тузилмаларининг куйидаги ташкилий турлари мавжуд: -чизикли; -чизикли-функционал; -лойихаланадиган ва матрицали; -венчур ва фирма ички инновацияли. Бошкарувни чизикли ташкил этиш бевосита лавозим вазифаларини шу тарика таксимлаш асосида куриладики, бунда, хар бир ходим фирма олдида турган вазифаларни бажаришга энг кўп даражада йўналтирилган бўлади. Чизикли тузилма кўл остидагиларга бевосита таъсир кўрсатишни амалга оширишни ва тадбиркор рахбарда барча бошкарув вазифаларини жамлашни назарда тутади. Барча ваколатлар тўгридан-тўгри (чизикли) белгиланади. Улар юкори бошкарув бўгинидан куйи бошкарув бўгинларига караб ўзгаради. Бошкарувнинг чизикли тузилмаси афзалликлари: -тадбиркор рахбарнинг якка бошчилиги, бунда ходимларнинг иш натижалари учун шахсан жавобгарлиги коидасига катъий риоя этилади; -ходимлар ўз рахбарларидан бир-бирига зид ва ўзаро бўлмаган кўрсатмалар олмайдилар. Тадбиркор ўз харакатлари билан бутун масъулиятни бир ўзи зиммага олади; -карорлар кабул килишнинг оперативлиги; -ахборотни тушуниш ва ундан фойдаланишнинг соддалиги; -зарур интизомнинг мавжудлиги, бошкаришнинг пухталиги, тежамкорлиги ва уларни саклаб туришнинг мумкинлиги. Чизикли тузилманинг камчиликлари:

-мослашувчан эмаслиги, каттиклиги, корхонанинг бундан кейинги ўсишга мос келмаслиги; -бошкарув усулининг бюрократик, танхо хукмронликга асосланган бўлиши мумкинлиги; -тадбиркор ўз ишида, албатта, юкори малакали (профессионал) бўлиши ва барча масалаларни тушуниши, билиши керак, бу эса одамларнинг кўплиги ва улар характери турли хил эканлиги билан гоят катта кийинчиликлар тугдиради. Амалда чизикли тузилма якка тартибда эгалик килишда ва ходимлар сони кам бўлган кичик корхоналарда кўлланилади. Бошкарув тузилмасини чизикли-функционал ташкил этиш ўз ичида хам чизикли, хам функционал бошкарув элементларини мужассамлаштиради, яъни чизикли бошкарув махсус ёрдамчи хизматлар билан мустахкамланади. Мазкур тузилманинг камчиликлари: -чизикли ва функционал ходимлар ўртасидаги келишмовчиликлар; -тадбиркорга функционал ходимлар фаолиятини мувофиклаштириш кийинрок бўлади. Амалда бошкарувнинг мазкур тузилмаларидан кичик бизнесда тадбиркорлик кенгайиб бораётган ва махсулот сотиш хажмлари кўпайиб бораётганда кўлланади. Лойихавий ва матрицали бошкарув тузилмалари. Лойихавий тузилма махсус лойихани ишлаб чикиш ва унга рахбарлик килишда кўлланади. У дастурий-максадли деб хам номланади. Матрицали ёки катакли ташкилий тузилма ана шу тузилманинг такомили хисобланади. Лойихавий тузилма - бу аник вазифани хал этиш учун ташкил этиладиган вактинчалик ташкилотдир. У функционал бўлинма ичида ташкил этилади. Муайян лойихани амалга ошириш учун тўпланган турли сохаларнинг юкори малакали мутахассислари унинг аъзолари хисобланади. Лойиха тугалланганидан кейин гурух таркатиб юборилади. Мутахассисларнинг бир гурухи ўзининг аввалги иш жойига кетади, иккинчи

кисми - янги лойихаловчи гурухга ўтади. Бу тузилманинг ўзига хос хусусияти шундан иборатки, ходимлар бир вактнинг ўзида икки рахбарга - лойиха рахбарига ва бу гурух доирасида ишлаётган бўлим рахбарига бўйсунадилар. Кўпгина тадбиркорлик фирмалари бор эътибор ва куч- гайратни алохида мухим янги технологиялар ва махсулотларни ишлаб чикариш, яъни иновация лойихаларини амалга ошириш максадида мана шундай тузилмаларни ташкил этадилар. Матрицали тузилма лойихавий тузилмаларининг ривожи (такомили) хисобланади. У таксимлашнинг икки тури: вазифалар бўйича ва махсулот бўйича таксимлашнинг уйкунлашувидир. Матрицали тузилмалар 50-60 йилларда АКШнинг унча катта бўлмаган авиасозлик фирмаларида пайдо бўлган. Улар соф лойихавий (одатда киммат турадиган) тузилмадан самарали фойдаланиш учун ишлаб чикилган. «Женерал Электрик», «Шилл Ойл» ва бошка корпорацияларда лойихавий тузилмани функционал тузилмага кўшиш юзасидан тажриба ўтказилади. Шу тарика олинган схема катаклардан иборат бўлган матрица (пантера) шаклига эга бўлиб, тадбиркорлик фирмасида бир вактнинг ўзида тўрт махсулот яратиш ва ишлаб чикариш имконини беради. У гурухнинг хар бирига алохида рахбар жавоб беради. Хизматчиларнинг барча тўртта гурухи махсулотни яратишдан бошлаб уни ишлаб чикариш ва сотишгача занжирдаги вазифаларни бажаради. Матрицали усулнинг афзаллиги: • фирма фаолиятининг ўзгариб бораётган ички ва ташки шароитларига тез муносабат билдириши ва мослашишига имкон беради; • истеъмолчи талаблари ва ресурсларни тежаш зарурати ўртасида самарали мувозанатни йўлга кўйиш имконини беради; • мутахассислар ўртасида бевосита алокаларни кўллаб- кувватлаш, зарур ахборот билан тўгридан-тўгри таъминлаш имконини беради; • бўлим ичида бюрократик тамойилларни заифлаштиради;

• функционал тузилмада кабул килинганига нисбатан хулк-атворнинг янада демократик меъёрлари хисобига мехнатдаги манфаатдорликни кучайтиради ва мехнатга иштиёк ортади. Матрицали тузилманинг камчиликлари: тузилманинг мураккаблиги, рахбарлар ваколатларини аник белгиламаслик натижасида турли низоли вазиятларнинг вужудга келтириши мумкинлиги. Хорижий мамлакатлардаги тадбиркорлик фаолиятини тахлил этиш натижаларининг кўрсатишича, лойихавий ва матрицали тузилмалардан куйидаги шартлар мавжуд бўлганида фойдаланиш максадга мувофикдир: 1. Ишлаб чикилган лойиха ноёб ва долзарб (уни бажаришда эса сусткашлик бўлмаслиги керак). 2.Махсулот тури ёки технология тез-тез алмашишда. 3.Гурухнинг лойиха устида ишлаш вакти чекланган бўлиши керак. Буюмни оммавий ишлаб чикариш бошланиши билан, уни такомиллаштириш юзасидан ишлар оддий функционал бўлимларда олиб борилади. 4.Муаммо гурух аъзоларининг умумий куч-гайратлари хисобига хал этиладиган холларда. Венчур ва инновация тузилмалари. Венчур ва инновация тузилмалари лойихавий (дастурий-максадли) ташкилий тузилмаларининг замонавий кўриниши хисобланади. Бу икки ном муайян даражада синоним хисобланади. Инглизча «venture» сиз «таваккал иш» деган маънони билдиради. Одатда, бизнесда таваккал иш инновациялар, яъни янги технологиялар, товарлар ёки хизматларни ишлаб чикаришдан иборатдир. Бозор иктисодиёти ривожланган барча мамлакатларда кичик бизнесда ана шундай тузилмалар ташкил этилади. Тадкикотларнинг кўрсатишича, бу бозорнинг тез ўзгараётган шароитларига тез муносабат билдиришнинг энг истикболли йўлидир. Куйидагилар ана шундай тузилмаларнинг характерли хусусиятлари хисобланади: • Таваккалчилик бизнеси, яъни, тадбиркор мутлако янги, аввал хеч ким ишлаб чикармаган (инновация) объектини танлайди ва уни ишлаб чикаришга

ўз сармояси ёки карзга олинган молия маблаглари билан таваккал килади. Тадбиркор муваффакиятга эришса, юкори ёки ўта юкори фойда олиши мумкин. • Фан билан боглик венчур фирмасида махсулотни яратиш ва ишлаб чикаришгача етказиш катта фирмаларнинг функционал бўлимларидагидан анча тез (тўртдан уч, кўпинча бешдан уч баравар тез) рўй беради. Буни иккита сабаб билан тушунтириш мумкин: кичик жамоанинг йигинчоклиги ва фаолиятининг бир максадга йўналтирилганлиги, хамда, бундай ташкилотларнинг инновация объектини танлашга ўзига хос ёндашуви билан изохланади. Венчур фирмасида, одатда, тез самара берадиган лойихалар ишлаб чикилади. Хамма нарса максадга мувофиклилик ва пировард махсулотни ишлаб чикаришга бўйсундирилади. • Венчур фирмаси яхлит кичик бизнес бўлганидан бизнес дунёсида катта тезкорликга эга бўлади. У мустакил ташкилот бўлиб, иш схемалари, усулларини тез ўзгартириш имкониятига эга. • Тадбиркор (мулкдор, рахбар, менежер)нинг уддабуронлик, илгор фикрлаши, тиришкоклиги, дадиллиги, таваккалчиликда жўшкинлиги каби фазилатлар гоят мухим бўлиб, «венчур» номига бевосита мос келади. Кичик бизнесда муваффакиятли харакат килаётган венчурларнинг самараси шунчалик юкорики, катта фирмаларнинг рахбарлари кўпинча улардан иттифокчиларни излашади, улар билан инновация лойихаларини бажариш учун шартнома-буюртмалар тузадилар. Иккинчи йўл венчур гурухларининг ижобий тажрибасини ўрганиш ва фирма ичида тегишли инновация бўлинмаларини ташкил этишдир. Инновация (венчур) фирмаси ички бўлинмалари турлари. Тадбиркорликда инновациялар коидасига амал килиш ракобат курашида фирманинг омон колиши ва унинг самарали фаолият кўрсатишининг мухим шарти хисобланади. Йирик тадбиркорлик фирмаларида инновация тузилмалари бир канча омиллар, ишлаб чикарилаётган лоихаларнинг ахамиятини, уларнинг максад-

йўналишлари ва мураккаблиги, шунингдек расмийлаштириш даражасига боглик холда бир неча турга бўлинади. Янги максулотни яратиш бўлими . Бу аслида, лойиха махсулот тузилмасидир. Бўлим фирма учун стратегик ахамиятга эга бўлган янгиликни ишлаб чикиш учун ташкил этилади. Расман, у сохага мос бўлган фукнционал бўлимга тааллукли бўлади. Лекин инновация бўлимидаги ишланмалар мазкур бўлим иш режасига кўшилмайди. Бевосита интеграция . Бу энг мухим ахамиятга эга бўлган махсулотни ишлаб чикиш демаклир. Шу билан бирга, инновация асосий ишлаб чикариш фаолияти билан мустахдам богликликдадир. Ишни муваффакиятли амалга ошириш учун унинг асосида турадиган технология, конструкторлик ва бошка хизматлар хам керак бўлади. Шу тарика янгиликни ишлаб чикиш фирмани бошкаришнинг мавжуд тизимига интеграциялайди. Табиийки, фаолиятнинг янги, ижодий тури пайдо бўлиши ташкилотга жиддий таъсир кўрсатади, унинг аьзолари хулк-атворида у ёки бу ўзгаришларни келтириб чикаради. Агар инновация фирма учун жуда мухим ахамиятга эга бўлса, лекин амалдаги асосий ишлаб чикариш билан мутлако боглик бўлмаса, у холда корхона бошкарувида янги махсулотни яратиш билан шугулланувчи ихтисослаштирилган бўлинма ташкил этилиши ва унинг воситасида бозорга чикиш катта фойда келтириши мумкин. Муваффакиятга эришилса, бундай бўлинма мустакил бўлимга айлантирилади. Янги тузилмаларни анъанавий функционал ва бошка хизматлар билан боглаш учун фирмада кўпинча воситачилик марказлари ташкил этилади. Бу - экспертларнинг мустакил гурухлари бўлиб, улар бир томонидан яратилаётган махсулот хусусиятлари хакида, иккинчи томондан унинг эхтимол тутилган истеъмолчи ёки унинг фойдаланувчиси хакидаги ахборотга эга бўладилар, ишлаб чикарувчи ва истеъмолчи ўртасида алока ўрнатишга ёрдам берадилар. Тадбиркорлик фирмасида шу тарика фаолият сарадорлиги ва ракобат курашида унинг матонатини кафолатлайдиган мувофиклаштирувчи

(мослаштирувчи), венчур ва инновация тузилмаларининг бутун бир тармоги амал килади. 4. Тадбиркорлик тузилмалари аъзоларннинг ўзаро муносабатлари . Тадбиркорлик тузилмаларини ташкил этиш турларининг ранг- баранглига турли мансаб ва лавозимларни эгаллаб турган ташкилот аъзолари ўртасидаги ўзаро муносабатларнинг хар хил турларини ўрнатиш заруратини келтириб чикаради. Ташкилот ички муносабатлари турлари унинг ташкилий таркиби тури билан бир хилдир. У куйидаги вариантларни ўз ичига олади: • чизикли муносабатлар; • функционал муносабатлар; • бошкарув аппарати муносабатлари; • шахслараро норасмий муносабатлар. Чизикли муносабатлар - бу рахбар ва унинг кўл остидагилари ўртасидаги муносабатлар. Масалан, цех бошлиги ва уста; бош бухгалтер ва моддий бойликларни хисобга олиш бўйича бухгалтер ўртасидаги муносабатлар. Ўсиб бораётган корхонада бўйсинишнинг чизикли муносабатлари, энди жамоа тусида бўлиши мумкин, бунда бир даражадаги бир канча бўлим анча юкорирок бошкарув даражасидаги бўлимга бўйсинади. Масалан, бригадирлар цех бошлигига бўйсинади; бош мухандиснинг ўз кўл остида бир неча цех бошлиги бор. Функционал муносабатлар — бу ташкилот доирасида у ёки бу вазифани бажаришга ваколатли бўлган мутахассиснинг бошка аъзолар билан муносабатидир. Одатда бундай ишлаб чикариш миссияси тавсия шаклида .бўлади. Масалан, кадрлар бўлими бошлиги ходимларни ишга кабул килиш, ўкитиш ва ижтимоий жихатдан таъминлаш масалаларида цех бошлиги билан функционал муносабатлар бўлади. Бухгалтер — пул билан таъминлаш, сотиш, реклама масалалари ва бошка масалалар бўйича сотиш бўлими бошлиги билан функционал муносабатларда бўлиши мумкин. Шу

билан бир каторда функционал рахбарнинг ўзи хам ўз чизикли ташкилоти доирасида чизикли муносабатда бўлади (масалан, кадрлар бўлими бошлиги ўз бўлими ходимларига нисбатан чизикли муносабатда бўлади). Функционал муносабатларнинг бошка турига латерал деб номланган муносабатлар хам киради. У инглизча «Lateran» сўзидан олинган бўлиб, «ён томондаги» деган маънони билдиради. Латерал муносабатлар функционал муносабатларнинг бир тури хисобланади. Улар икки тоифада бўлиши мумкин: коллегиал - битта бўлим ходимлари ўртасидаги (хамкасблар ўртасидаги) муносабатлар; параллель - бу ташкилотда бир хил мавкега эга бўлган, лекин турли бўлимлар ва бўлинмаларда ишлаётган хизматчилар (ходимлар) ўртасида ахборот, гоялар, фикрларни айирбошлаш зарурати билан вужудга келадиган муносабатлардир. Бунга бир неча бўлим (хизматлар) рахбарлари ўртасидаги муносабатлар ёркин мисол бўлиб хизмат килади. Яна бир мисол сифатида битта касбдаги, лекин вазият такозоси билан турли бўлинмаларда ишлаётган мутахассислар ўртасидаги иш бўйича муносабатлар ёки улар ходимлари ўртасида ахборот айрибошлаш муносабатларини келтириш мумкин. Бу муносабатларнинг максади ахборотларни оптималлаштиришдан иборатдир. Бирок, шуни айтиш керакки, параллел муносабатлар хар доим хам бенуксон ва ўзаро манфаатли бўлавермайди. Улар доирасида зиддиятли вазиятларнинг вужудга келиш холлари кам эмас (масалан, сирли ахборотнинг ошкор бўлиши, хокимият ракобати). Бошкарув аппарати муносабатлари. Муносабатларнинг бу тури у ёки бу кишиларнинг хукук ва ваколатларини ифодалаганда рўй беради. Бунда лавозим мажбуриятлари тавсиялар, маслахатлар беришдан иборат бўлади. Масалан, корхонада янги ходимларни ишга кабул килиш масалалари билан шугулланадиган махсус гурух тузилиши мумкин. Бунга ходимлар бўлими вакили, бўш жойлар мавжуд бўлган бўлимларнинг рахбарлари ёки рахбар ўринбосарлари киради. Бунда гурух лавозимга номзод билан сухбатлашиш, тест синовидан ўтказишни амалга оширади ва шундан кейин

мазкур кишини ишга кабул килиш (ёки рад жавоб бериш) хакида хулоса - тавсиянома беради. Муносабатларнинг тўртинчи тури шахслараро муносабатлардир. Бундай муносабатлар - жамоа ходимлари ўртасида бошкариб бўлмайдиган равишда — ташкилотда кабул килинган коидалар, кўрсатмалар, одамларнинг хизмат макомидан катъий назар вужудга келади. Бундай муносабатлар ўзаро хуш кўриш ва хуш кўрмаслик, якинлик, дўстлик, хурмат ва бунинг аксига асосланиши мумкин. Бўлимда норасмий пешкадам, мухим мансабга эга бўлмаган, лекин, шундай характер белгиларига эга бўлган одам бўлиши мумкинки, бу белгилар бошка одамларни унинг фикрини тинглашга ёки унинг карорларига бўйсунишга мажбур этади. Хар кандай, хатто, энг кичик корхонада хам расмий тузилма билан бирга норасмий тузилма пайдо бўлади ва ривожланади. Бунда турли шахслараро муносабатларнинг чирмашиб кетиши рўй беради. Норасмий алокаларнинг йигиндиси жамоадаги микроиклимни белгилайдики, бу кўп жихатдан мехнат самарадорлигига таъсир кўрсатади. Агар микроиклим ижобий, дўстона бўлса, демак, бўлим хам катта самара билан ишлайди аксинча бўлса, унинг иш кобилияти кескин пасаяди. Жамоа ичида шахслараро муносабатлар муаммоси билан, кўпинча кичик корхона рахбарининг ўзи шугулланишга тўгри келади. Шундай килиб , кичик бизнес корхоналарни бошкаришнинг самарали тузулмасини вужудга келтириш хал этилиши керак булган энг мухим вазифалардан биридир. Таянч иборалар : Корхона бошкарувининг ташкилий тузилмаси, мутахасислар меъёрларни белгилаш булимларни ташкил килиш, функционал белги худудий белги, расмийлаштириш, стратификация, лойихавий ва матрицали бошкарув, инновация (венчур)фирмаси, чизикли функционал муносабатлар . Назорат учун саволлар:

1. Кичик бизнес корхоналари ташкилий тизилмалари кандай коидаларга риоя этиши зарур. 2. Корхона бошкарувининг ташкилий тузилмасида булинмаларининг урни ва ахамиятини тушунтиринг 3. Тадбиркорлик фирмалари ташкилий тузилмаларининг турларини курсатиб беринг. 4. Тадбиркорлик тузилмалари аъзоларининг узаро муносабатлари кандай.

АДАБИЁТЛАР РУЙХАТИ 1.И.А.Каримов.бизнингбош мақсадимиз-жамиятни демократлаштириш, янгилаш, мамлакатни модернизация ва ислох этишдир. Олий Мажлис Конунчилиги палатаси ва сенатининг кушма мажлиси да 2005 йилда иктисодий ислохотларни оширишнинг энг мухим устивор йуналишлари туғрисида Тошкет оқшоми.31январь 2005 йил 2.Узбекистон Республикаси Президентининг кичик бизнес ва микрафирмалар фаолиятини ривожлантириш ва қуллаб қувватлаш бўйича 2005 йил июнда чоп этилган Указлари 3 .Ўзбекистон Республикасининг Хусусий корхона тугрисида конуни.2004 йил 23январь, Халк сузи 4. Дэн Штайнхофф, Джон Берджес. Основи управления малим бизнесом. Перевод с англ. - М.: БИНОМ, 1997. 5. М.И Болошович. Кичик бизнес .Ватанимиз ва хорижий давлатлар тажрибалари .М,1995. 6. Ўзбекистон Республикасининг Конунлари , -2005. 7. Гуломов С.С. Тадбиркорлик ва кичик бизнес. - Тошкент - 2002. 8.Косимова М.С.,Ходиев Б.Ю. ва бошкалар Кичик бизнесни бошкаришТ.2003 Малый бизнес. Организация, экономика, управление. Под ред. Проф. В.Я.Горфинкеля, проф В.А.Швандара. Учеб. Пособие. 2-е изд., перераб. И доп. – М.: ЮНИТИ-ДАНА, 2003.-430 с.

O'xshashlar

Кичик бизнес ва тадбиркорлик

Сервис соҳасида тадбиркорлик фаолияти ва кичик бизнес

Кичик бизнес ва хусусий тадбиркорлик иқтисодий ривожланиш гаровидир

Кичик бизнес корхоналарида бизнес режа

Тадбиркорлик фаолиятида бизнес режа