Қишлоқ хўжалиги суғуртаси - Iqtisodiyot - Referatlar

Қишлоқ хўжалиги суғуртаси

Yuklangan vaqt:

20.09.2019

Ko'chirishlar soni:

0

Hajmi:

60 KB

Ko'chirib olish

www.arxiv.uz Режа : 1. Қишлоқ х ў жалик корхоналарида суғурта объектлари ва тамойиллари. 2. Қишлоқ х ў жалик хайвонлари ва экинлари суғуртасини амалга ошириш. 3. Қишлоқ х ў жалик экинлари, боғлар ва узумзорлар, нобуд бўлган к ў п йиллик дарахтлар бўйича зарарларни аниқлаш.

www.arxiv.uz Қишлоқ хўжалик корхоналарида суғурта объектлари ва тамойиллари. Қишлоқ хужалиги корхоналарини суғурталаш ишларини хозирги пайтда "Ўзагросуғурта" давлат хиссадорлик суғурта компанияси томонидан амалга оширилади. Компания фаолиятининг асосий йўналиши-кмшлок хужалиги сохасида товар ишлаб чиқарувчиларнинг мулк ва махсулотларини суғурта йўли билан химоя этиш, банклардан олинган кредитларни қайтаришга суғурта кафолатини такдим этиш, қишлоқ хўжалик махсулотларни етиштириш учун бериладиган аванс маблағларини қайтаришни суғуртавий кафолатлаш, щуқуқий ва жисмоний шахсларга хар томонлама суғурта хизматларини кўрсатишдан иборатдир. "Ўзагросуғурта" ташкилотининг вужудга келиши муносабати билан қишлоқ хўжалик корхоналарида ихтиёрий суғурта доираси кенгайди. Хозир бу йўналишдаги суғурта унгга якин суғурта турини ўзида мужассамлаштиради: 1. Экин хосилини суғурталаш. 2. Экинларни қайта экиш суғуртаси. 3. Табиий пичанзорлар, яйловлар ва тут дарахтлар барги хосилини суғурталаш. 4. Боғ ва узумзорларни дул уришдан суғурталаш. 5. Қишлоқ хўжалик хайвонларини суғурталаш. 6. Пилла хосилини суғурталаш. 7. Бинолар, иншоотлар ва бошқа мол-мулклар суғуртаси. 8. Юкларни суғуртаси. Қишлоқ хўжалик корхоналари мол-мулкини суғурталашдаги тамойиллар қуйидагилардан иборат: Биринчидан, суғурталаш унверсал хусусиятга эга бўлиб, бунда барча табиий офатлар натижасида етқазиладиган зарар хисобга олинади; иккинчидан, етқазилган зарар хар бир бригада эмас, балки хўжалик бўйича ёппасига хисобланади; учинчидан,

www.arxiv.uz суғурталаш корхонанинг йиллик фаолияти якунлари билан бевосита боғланган бўлади, кўрсаткичлар хисобланганда бир неча йиллик хосилдорлик эътиборга олинади. 2. Қишлоқ хўжалик хайвонлари ва экинлари суғуртасини амалга ошириш. Қишлоқ хўжалик хайвонлари юкумли касалликлар натижасида нобуд бўлишдан, улатдан, мажбурий суйишдан ихтиёрий суғурта қилинади. Бу суғуртага; а) қорамоллар, қўй-эчқилар, паррандалар 6 ойликдан бошлаб; б) отлар, туялар, эшаклар ва хачирлар-бир ёшдан бошлаб; в) асалари оилалари-кутида; г) чучкалар ва куёнлар 4 ойликдан бошлаб қабул қилиниши мумкин. Асосий чорва моллари сифатида қишлоқ хўжалик корхонасининг балансида турувчи хайвонларнинг суғурта пули уларнинг жорий йил биринчи январдаги қиймати бўйича белгиланади. Суғурта тўловлари ставкалари "Ўзагросуғурта" давлат акциядорлик суғурта компанияси томонидан молларнинг хар бир турига кўра тасдикланган фоизларда белгиланади. Суғурта қилинган хайвонлар нобуд бўлганда суғурта қопламасининг миқдори шартномада кўрсатилганидан ортиқ бўлмаслиги керак. Агар мажбуран суйилган хайвоннинг гўшти истъемол учун яроксиз бўлса, суғурта қопламаси тўла миқдорда тулунади. Хайвонлар териси туман суғурта бўлимига топширилса, тери бахоси қоплама миқдоридан чегириб ташланади.Хўжалик мақсадлари учун суйиладиган хайвонлар учун суғурта қопламалари тўланмайди. Қишлоқ хўжалик экинларининг суғурталаш тадбирлари "Ўзагросуғурта" ДАСК томонидан қишлоқ хўжалик корхоналарнинг ихтиёрлик асосида амалга оширилади.

www.arxiv.uz Қишлоқ хўжалик экинлари қуйидаги табиий ходисалардан яъни жал, хавонинг ута исиб кетиши хамда пасайиб кетиши, бурон, шамол, ер ости сувларининг таъсири, чакмок, яшин тушиши ва бошқалардан суғурта қилинади яъни юқоридаги холатлар суғурта ходисалари деб тан олинади. Экин хосилни суғурталаш суғурта тўловини хисоблашдан бошланади. Бунинг учун хўжаликнинг хисоб-китоб ва бошланғич хужжатлари бўйича:а) жорий йил учун бир гектар экин майдонидан олиниши режалаштирилган хосил. Бунда хосилдорлик миқдори миқдори кейинги уч йил ичида олинган хақикий хосилдорликдан юқори бўлмаслиги керак, б) махсулотни сотиш нархи, в) экин майдонининг хажми. Бунда хар бир экин хосилининг қиймати алохида хисобланади. Агар мазкўр йилда режалаштирилган хосил сунгги уч йилда режалаштирилган хосил сунгги уч йилда хақикий уртача хосилдорликдан ортиқ бўлса, суғурта тўловлари уртача уч йиллик хосилдорлик бўйича хисобланади. Кўрсатилган уч кўрсаткич аниқлангандан кейин суғурта тўловлари "Ўзагросуғурта" давлат акциядорлик суғурта компанияси (ДАСК) томонидан ишлаб чиқарилган ставкалар асосида аниқланади. Бу ставкалар вилоятлар бўйича тармоқлаштирилади. Масалан, Фаргона вилоятида ставка суғурта пули (сўммаси) га нисбатан пахта 8-12 фоиз, шоли 5-15, сабзавот, картошка 10-20, ем-хашак 3- 5, силос экинлари 15-25 фоиз белгиланган. Яъни айтайлик 1000 гектардан олинадиган хосилдорлик бўйича суғурта пули 1 миллион сўм бўлса, шундан 8,0 фоиз миқдорида суғурта тўлови белгиланади. Суғурта тўловининг миқдори 80 минг сўм хисобланади. Суғурта тўлови хар бир экин тури бўйича алохида хисобланиб, уларнинг жами миқдори аниқланади. Шартномада кўрсатилганидек, суғурта тўлови келиб тушган куни суғурта полиси берилади. Полис олинган кундан бошлаб экинлар суғурталанган хисобланади. Суғурта шартномасида суғурта муассасаларининг жавобгарлиги качон бошланиши ва қанча муддат давом этиши кўрсатилган бўлади. Агар

www.arxiv.uz шу даврда суғурта ходисаси содир бўлиб колса суғурта қопламаси тўланади. Суғурта муассасаларининг экинлари учун жавобгарлиги бир йиллик ва кўп йиллик экинлар эқилган кундан бошланади ва қуйидаги муддатларда тугайди: а) пахта, канд лавлаги, картошка, сабзавот, полиз экинлари, хашаки лавлаги экинлари хосили бўйича даладан олиб чиқиб кетилган кундан бошлаб; б) дон ва дуккакли дон экинлари хосили учун янчиш тамом бўлган кундан бошлаб; в) пичан даладан олиб чиқилгандан ва гарамлагандан сунг; г) силосбоп кук озуқа экинлари хосили силос урасига солингандан кейин. Қишлоқ хўжалик экинлари йигиштириб олингунга қадар ўтган вақт давомида хосилнинг зарарланиши ва нобуд бўлиши суғурта ходисаси хисобланса, бу хакда корхона 3 кун ичида суғурта ташкилотига хабар бериши лозим. Қишлоқ хўжалик экинлари учун суғурта тўловлари хисоблашда қабул қилинган бир центнер хосилнинг бахоси билан хисобланган, режалаштирилган ёки охирги 3 йилдаги уртача хосилдорлик қиймати билан хисобот йилида бир гектар майдонда етиштирилган уртача хосилдорлик қиймати орасидаги, қишлоқ хўжалик корхонаси кўрган зарар хисобланади. Масалан, режалаштирилган хосил 40 центнер, хисобот йилида олинган хосил 30 центнер. Бир гектар бўйича кўрилган зарар 10 центнер. 3. Қишлоқ хўжалик экинлари, боғлар ва узумзорлар, нобуд бўлган кўп йиллик дарахтлар бўйича зарарларни аниқлаш. Кўрилган зарар миқдори хужалигидаги шу йил эқилган майдон хажмида хисобидан аниқланади. Бир центнер хосил бахосини натура

www.arxiv.uz хисобидаги ракамга кўпайтирсак зарарнинг пул хисобидаги умумий қиймати келиб чиқади. Агар дон учун эқилган ловия, нухат каби дуккакли дон ва дон экинлари маккажухори ва кунгабокар экин майдонлари зарарланиши натижасида хамма экин майдонидан зарарланиши натижасида хамма экин майдонидан ёки бир қисмидан дон олиш учун эмас, балки пичан, кук озуқа ёки силосбоп махсулот учун фойданилган бўлса, у холда зарар миқдори зарарланган майдондан амалда олинган дон, пичан, озуқа хосили хамда хўжалик хисоботларида кўрсатилган хосил олинган майдонга асосан хисобланади. Очиқ ерда етиштирилган асосий сабзавотлар: карам, бодринг, помидор, сабзи, пиёзларнинг хар бири учун алохида; бошқа сабзовотлар, такрорий сабзовотлар; укроп, кашнич, бакалажон, туруп, редиска, шалгом ва бошқа экинлари гурух бўйича хисобланади. Эқилган озуқабоп экинлар зарарлангандан сунг экин майдонларидан хўжалик яйлов сифатида фойдаланган бўлса, шу майдонлар учун суғурта қопламаси хисобланмайди. Кўп йиллик мевали дарахтлар зарарланганда ёки нобуд бўлганда зарар миқдори данакли, уруғли, резавор, ёнгоксимон дарахтлар ва токзор гурухлари бўйича фақат хосилга кирган майдон учун хисобланади. Кучатчилик билан шугулланувчи хўжаликлар кучатхоналарда казиб олинган нихоллардан ўз эхтиёжи учун фойдаланадиган бўлса, зарар қийматини аниқлашда минг дона нихолнинг нархи хисобот йилидаги етиштириш таннархи бўйича хисобланади. Махсулотни етиштириш таннархи режалаштирилган таннарх бўйича хисобланади. Қишлоқ хўжалик корхонаси зарарланган ёки нобуд бўлган дарахтларнинг зарарланганлигини аниқлаш учун тегишли мутахассислар ва қишлоқ хўжалик корхонаси вақиллари билан биргаликда текширув натижалари асосида дарахтларнинг ахволи хақида далолатнома тузилади.

www.arxiv.uz Қишлоқ хўжалик корхонаси зарарланган ёки нобуд бўлган дарахтларни каллаклаш, қирқиш, кучириш ёки қайта устириш учун ер устки қисмини кесиш ишларини бажариб бўлгандан сунг 15 кун муддат ичида суғурта идораси "Зарар миқдорини хисоблаш варакаси"да зарар миқдорини аниқлайди ва қишлоқ хўжалик корхонасига суғурта қопламаси сифатида тўлайди. Кўп йиллик дарахтларга етқазилган зарар қиймати уларнинг балансдаги қийматидан шу дарахтларнинг эскирганлик фоизини чегириб ташлаб, колдик қийматидан хўжаликда дарахтларнинг хисоби кай тарзда олиб борилишга караб, уларнинг турлари ва гурухлари бўйича хисобланади. Бўлиб ўтган суғурта ходисаси бўйича боғдаги мавжуд дарахтларнинг 70 фоизи зарарланиб, қишлоқ хўжалик корхонаси шу зарарланган боғдаги барча дарахтларни ковлаб ташласа зарар миқдори хамма ковлаб ташланган дарахтлар учун хисобланади. Ишкомли токзорлар ёки мевали боғлар бутунлай бўзилса, дарахтлар ва ишкомларнинг эскирганлик фоизи турлича бўлганлиги сабабли, зарар миқдори алохида-алохида хисобланади. Ишкомлардан кўрилган зарар қийматини хисоблашда уларнинг балансдаги қийматидан фойдаланиш учун ярокли устунлар ва симларнинг қиймати чиқариб ташланади. Мевали кўп йиллик дарахтлар хосили йигиб олингунча нобуд бўлганда суғурта ходисаси бўлиб ўтган йил учун зарар миқдори боғлардан олинадиган хосил учун алохида ва боғдаги нобуд бўлган дарахтлар учун алохида хисобланади. Кўп йиллик дарахтлар нобуд бўлганда уларни қирқиб хўжалик хужжатларига кўра утин сифатида ишлатиш учун кирим қилинган бўлса, кирим қилинган утиннинг қиймати зарар қийматини аниқлашда инобатга олинади. Суғурта ходисаси юз берган вақтда баъзи сабабларга кўра урнида бўлмаган, кирқилган, кўриб колган хамда эскирганлик даражаси юз фоиздан ортиқ бўлган дарахт туплари учун суғурта қопламаси тўланмайди.

www.arxiv.uz Экинлар эқилгандан кейин белгиланган вақт давомида албатта униб чикиши керак. Лекин совук уриши, дул, жала, сел, сувсизлик ёки кам сувлик натижасида экинларнинг униб чикиши сезилмай, қайта экишга қушимча харажатларни талаб этади. Экинлар қайта экишни суғурталаш қиймати қилинган харажатлар ва ёхуд хусусиятларни эътиборга олиб белгиланади, бирок у белгиланган технологик миқдордан ошмаслиги керак. Суғурта тўловлари батамом тўланади. Суғурта ходисаси содир бўлганда хўжалик бу хакда кеча-кундўз давомида суғурта ташкилотига маълум қилади ва текшириш асосида икки кун давомида далолатнома тўзади. Зарарларни хисоблашда қайта эқилган майдон бир гектарга сарфланган харажатлардан келиб чиккан, суғурта шартномасидаги келишилган қийматдан ошмаган холда аниқланади. Зарар миқдори хар бир экин тури бўйича алохида аниқланади. Суғурта қопламаси ун кун ичида тўланади.

www.arxiv.uz Асосий адабиётлар : 1. Ўзбекистон Республикаси Конституцияси Тошкент 1992 й. 2. Ўзбекистон Республикаси «Суғурта фаолияти хақида»ги қонуни Тошкент 2002 й. 3. И.А.Каримов. «Ўзбекистон иқтисодий ислохотларни чуқурлаштириш йўлида» Т-«Ўзбекистон» 1995 йил. 4. И.А.Каримов «Ўзбекистон буюк келажак сари» Т-«Ўзбекистон» 1998 йил. 5. И.А.Каримов «Ўзбекистон бозор муносабатларига ўтишининг ўзига хос йўллари» Т-«Ўзбекистон» 1998 йил. 6. И.А.Каримов «Ўзбекистоннинг ўз истиқлол ва тараққиёт йўли» Т-«Ўзбекистон» 1998 йил. 7. Х.Р.Собиров «Суғурта 100 савол ва жавоб» Т-«Мехнат» 1998 йил. 8. www.ziyonet.uz

O'xshashlar

Қишлоқ хўжалиги корхоналарининг даромадлари

Агросаноат мажмуасининг қишлоқ хўжалиги

Қишлоқ хўжалиги ишлаб чиқаришини режалаштириш

Қишлоқ хўжалиги корхоналарининг мажбуриятларини бошқариш

Қишлоқ хўжалиги корхоналарининг хусусий капиталини бошқариш