logo
  1. Bosh sahifa
  2. Referatlar
  3. Iqtisodiyot
  4. Inventarizatsiya

Inventarizatsiya

Yuklangan vaqt:

23.10.2023

Ko'chirishlar soni:

0

Hajmi:

38.177734375 KB
Ko'chirib olish
Inventarizatsiya Buxgalteriya hisobida uning ma’lumotlari to’g’riligini, korxona aktivlarining haqiqiy holatini, moddiy javobgar shaxslarning o’z funksiyalarini sidqidildan, vijdonan bajarayotganligini, mulkning talon-taroj qilinmaganligini bilish maqsadida „inventarizatsiya" nomini olgan usul ishlatiladi. O’zbekiston Respublikasida buxgalteriya hisobi obyektlarini inventarizatsiya qilish tartibi maxsus 19-son BHMS „Inventarizatsiyani tashkil qilish va o’tkazish" bilan reglamentlashtirilgan. Ushbu standartga muvofiq inventarizatsiyaning quyidagi turlari mavjud: Rejali inventarizatsiya — bu korxonaning moddiy javobgar shaxslarni navbatdagi mehnat ta’tiliga chiqarish rejasiga ko’ra o’tkaziladigan inventarizatsiya. Rejadan tashqari inventarizatsiya — bu ko’zda tutilmagan hollarda, masalan favquloddagi hodisalar yuz berganda (o’g’rilik. toshqin va shu kabi hodisalar sodir bo’lganda) o’tkaziladigan inventarizatsiya. Har bir byudjet tashkilotlarida har yili 1-yanvar holatiga bir moliya yili uchun tashkilot rahbari farmoyishi bilan doimiy inventarizatsiya komissiyasi tuziladi. Inventarizatsiyaning xarakterli xususiyatlari: • Inventarizatsiya to’satdan o’tkaziladi, ya’ni moddiy javobgar shaxs uni o’tkazilishi to ‘g’risida oldindan xabar topmasligi lozim. • Inventarizatsiya rahbarning buyrug’i yoki farmoyishi bilan tasdiqlangan doimiy harakatdagi va ishchi inventarizatsiya komissiyalari tomonidan o’tkaziladi, ushbu komissiyaga moddiy javobgar shaxs albatta kiritiladi. • Inventarizatsiya ma’lum muddatda o’tkaziladi, uning boshlanish va tugash vaqti buyruqda yoki farmoyishda ko’rsatilgan bo’lishi kerak. • Inventarizatsiyani o’tkazish belgilangan tartibda va usullarda amalga oshiriladi. • Inventarizatsiya natijalari maxsus sanoq va taqqoslash dalolatnomalari bilan rasmiylashtiriladi. O’zbekiston Respublikasining BHMSlariga muvofiq korxona aktivlarini rejali inventarizatsiya qilishda quyidagi muddatlar belgilangan: Inventarizatsiya obyekti Inventarizatsiyani o’tkazish muddatlari Qaysi BHMSga muvofiq Asosiy vositalar ikki yilda bir marta yillik hisobot oldidan 5 - son BHMS 19 - son BHMS Kutubxona fondi Besh yilda bir marta 5- son BHMS, 19 - son BHMS Tovar-moddiy boyliklar (yoqilg’i, oziq-ovqatlar, qimmatbaho metallardan tashqari) Yiliga kamida bir marta 4- son BHMS 19 - son BHMS Yoqilg’i, oziq-ovqatlar Har chorakda 4- son BHMS 19 - son BHMS Qimmatbaho metallar Tarmoq yo’riqnomasiga muvofiq belgilangan muddatlarda Maxsus yo’riqnoma Pul mablag’lari, pulli ekvivalentlar va hujjatlar Har oyda bir marta 12- son BHMS, 19 - son BHMS Hisob-kitoblar Bir marta, yillik hisobot oldidan 19 - son BHM S Inventarizatsiya natijasida hisob ma’lumotlaridan chetlanishlar aniqlanishi mumkin. Bunday chetlanishlarga kamomad va ortiqchalarni kiritish mumkin. Aniqlangan kamomadlarning belgilangan me’yorlardan tashqarisi moddiy javobgar shaxslardan qonun doirasida undirilib olinadi. Aniqlangan ortiqchalar korxonaning daromadiga olinadi. Inventarlashning asosiy maqsadi mol-mulkning haqiqatda mavjudligini aniqlash, buxgalteriya hisobi ma’lumotlari realligi, majburiyatlar hisobda to’g’ri aks ettirilganligini tekshirish. Joylashgan yeri va barcha turdagi moliyaviy majburiyatlaridan qat’iy nazar, xo’jalik yurituvchi subyektning barcha mol-mulki inventarlanishi kerak. Mol-mulkni inventarlash uning joylashgan yeri va moddiy javobgar shaxs bo'yicha o’tkaziladi. Korxonalar va tashkilotlarning mol-mulki hamda moliyaviy majburiyatlarini inventarizatsiyalashni o’tkazish va ularning natijalarini rasmiylashtirish tartibi 19-son BHMS da belgilangan. Quyidagi hollarda inventarlash о ’tkazilishi shart: mol-mulk ijaraga berilganda, sotib olinganda, sotilganda, shuningdek, davlat korxonasi o’zgartirilgan (davlat tasarrufidan chiqarilgan) chog'da qonunchilikda nazarda tutilgan hollarda; yillik moliyaviy hisobotni tuzish oldidan, inventarlash hisobot yilining 1 oktyabridan kechiktirmay o’tkaziladigan mol-mulkdan tashqari. 4-son “Tovar- moddiy zaxiralar” deb nomlangan BHMSga binoan tovar-moddiy zaxiralar bir yilda kamida bir marta, 5-Son “Asosiy vositalar” BHMSga muvofiq asosiy vositalar ikki yilda kamida bir marta, kutubxona fondlari esa besh yilda bir marta inventarlanadi. Pul mablag’lari, pul hujjatlari, boyliklar va qat’iy hisobdagi blanklar oyda bir marta, yonilg’i-moylash materiallari, oziq-ovqat mahsulotlari - har chorakda, qimmatbaho metallar - tarmoq yo’riqnomalariga muvofiq inventarlanadi. Ayrim joylar va mavsumiy tusda ishlaydigan korxonalarda ishlab chiqarish zaxiralari eng kam miqdorda qolganda quyidagi hollarda inventarlanadi: - asosiy vositalar va tovar-moddiy boyliklar qayta baholanganda; moddiy javobgar shaxslar almashganda (ishlami qabul qilish - topshirish kunida); - o’g’irlik yoki suiste’mol, shuningdek, boyliklarni ishdan chiqarish faktlari aniqlanganda; - tabiiy ofatlar, yong’inlar, falokatlar yoki g’ayritabiiy sharoitlar yuzaga keltirgan boshqa favqulodda vaziyatlar yuz berganda; - xo’jalik yurituvchi subyekt tugatilganda (qayta tashkil etilganda) tugatish (ajratish) balansini tuzish oldidan va qonunchilikda nazarda tutilgan boshqa hollarda. Umumiy (jamoaviy) moddiy javobgarlik sharoitida inventarlash jamoa rahbari o’zgarganda, jamoadan uning ellik foizdan ortiq a’zolari chiqib ketganda, shuningdek jamoaning bitta yoki bir nechta a’zosi talabi bilan o’tkaziladi. Inventarlashni o’tkazish uchun xo’jalik yurituvchi subyektlarda tarkibida: xo’jalik yurituvchi subyekt rahbari yoki uning o’rinbosari (komissiya raisi); bosh buxgalter; boshqa mutaxassislar (muhandislar, iqtisodchilar, texniklar va hokazolar) bo’lgan doimiy ishlaydigan inventarlash komissiyalari tuziladi. Inventarlash komissiyasi tarkibiga xo’jalik yurituvchi subyektning ichki audit vakillari kiritilishi mumkin. Ishlar hajmi katta bo’lganda mol-mulk va moliyaviy majburiyatlarni inventarlashni bir vaqtda o’tkazish uchun tarkibida: inventarlashni tayinlagan xo’jalik yurituvchi subyekt rahbarining vakili (komissiya raisi); mutaxassislar: tovarshunos, muhandis, texnolog, mexanik, ish yurituvchi, iqtisodchi, buxgalteriya xodimi va boshqalar bo’lgan ishchi inventarlash komissiyalari tuziladi. Komissiya tarkibiga inventarlanayotgan boyliklar, narxlar va birlamchi hisobni yaxshi biladigan tajribali xodimlar kiritilishi kerak. Birgina moddiy javobgar shaxslarda xuddi shu xodimni ketma-ket ikki marta ishchi inventarlash komissiyasining raisi qilib tayinlash taqiqlanadi. Doimiy ishlaydigan va ishchi inventarlash komissiyalarining shaxsiy tarkibini xo’jalik yurituvchi subyekt rahbari tasdiqlaydi (1- ilovaga binoan buyruq, qaror, farmoyish). Inventarlashni o’tkazish chog’ida komissiyaning aqalli bitta a’zosi yo’q bo’lsa, bu hol inventarlash natijalarini haqiqiy emas, deb topish uchun asos bo’lib xizmat qiladi. Doimiy ishlaydigan inventarlash komissiyalari: boyliklar saqlanishini ta’minlashga doir profilaktika ishlarini o’tkazadi, zarurat bo’lganda o’z majlislarida boyliklaming saqlanishi masalalari bo’yicha sex, bo’lim, shu’balar rahbarlarining axborotlarini tinglaydi; inventarlash o’tkazilishini tashkil etadi va ishchi inventarlash komissiyalari a’zolariga yo’l-yo’riq beradi; inventarlash to’g’ri o’tkazilganini nazorat tariqasida tekshiruvlami amalga oshiradi, shuningdek, inventarlashlar orasidagi davrda saqlash va qayta ishlash joylarida tovar-moddiy boyliklarni tanlab inventarlashdan o’tkazadi; inventarlash natijalari to’g’ri chiqarilganini, bazalar, omborlar, omborxonalar, sexlar, qurilish uchastkalari va boshqa saqlash joylarida boyliklarni qayta navlarga ajratish bo’yicha takliflar asosli ekanligini tekshiradi; zarur hollarda (inventarlashni o'tkazish qoidalari jiddiy buzilganligi aniqlangan va boshqa hollarda) xo’jalik yurituvchi subyekt rahbarining topshirig’iga binoan takroriy yalpi inventarlashlami o’tkazadi; boyliklar kamomadi yoki ularni shikastlashga, shuningdek, boshqa buzilishlarga yo’l qo’ygan shaxslardan olingan tushuntirishlarni ko’rib chiqadi va aniqlangan kamomadlar hamda boyliklarni shikastlashdan ko’rilgan talafotlami bir izga solish tartibi to’g’risida taklif beradilar. Ishchi inventarlash komissiyalari : saqlash va ishlab chiqarish joylarida boyliklar va pul mablag’larini inventarlashni amalga oshiradi; xo’jalik yurituvchi subyekt buxgalteriyasi bilan birgalikda inventarlash natijalarini aniqlashda ishtirok etadi va kamomadlar hamda qayta navlarga ajratish chog’idagi ortiqcha chiqishlarni hisobga olish hamda tabiiy yo’qolish me’yorlari doirasida kamomadlami hisobdan o’chirish bo’yicha takliflar ishlab chiqadi; tovar-moddiy boyliklarni qabul qilish, saqlash va berishni tartibga solish, hisobga olishni yaxshilash va ular saqlanishini nazorat qilishni tartibga solish masalalari, shuningdek, me’yordan ortiqcha va ishlatilmaydigan moddiy boyliklarni sotish bo’yicha takliflar kiritadi; quyidagi hollarda: xo’jalik yurituvchi subyekt rahbarining buyrug’iga muvofiq inventarlashni o’z vaqtida o’tkazish va uni o'tkazish tartibiga rioya qilish uchun; hisob-kitoblarda tekshirilayotgan asosiy vositalar, tovar-moddiy boyliklar, pul mablag’lari va vositalaming haqiqatdagi qoldiqlari to’g’risidagi ma’lumotlami ro’yxatga to’liq va aniq qayd etilishi uchun; tovar-moddiy boyliklarning ular narxi belgilanadigan farqlovchi belgilari (turi, navi, rusumi, hajmi, preyskurant bo'yicha tartib raqami, artikuli va h.k.) ro'yxatda to’g’ri ko’rsatilishi uchun; belgilangan tartibga muvofiq inventarlash materiallari to’g’ri va o’z vaqtida rasmiylashtirilishi uchun javob beradi. Inventarlash komissiyalari a’zolari tovarlar, materiallar va boshqa boyliklar kamomadi va ishlatib yuborgani yoki ortiqcha chiqqanini yashirish maqsadida ro’yxatga boyliklarning haqiqatdagi qoldiqlari to’g’risida ataylab noto’g’ri ma’lumotlarni kiritganlik uchun belgilangan tartibga muvofiq javobgarlikka tortiladilar. Mol-mulkning haqiqatdagi mavjudligini tekshirishni boshlashdan oldin inventarlash komissiyasi inventarlash paytidagi eng so’nggi kirim-chiqim hujjatlarini yoki moddiy vositalar va pul mablag’lari harakati to’g’risidagi hisobotlami olishi kerak. Inventarlash komissiyasining raisi hisobotlarga ilova qilingan barcha kirim- chiqim hujjatlariga “inventarlashgacha ...da (sana)” deb ko’rsatgan holda viza qo’yadi, bu esa buxgalteriyaga hisob ma’lumotlari bo’yicha inventarlashni boshlash paytida mol-mulk qoldiqlarini aniqlash uchun asos bo’lib xizmat qilishi kerak. Moddiy javobgar shaxslar inventarlash boshlanishiga qadar mol- mulkka doir barcha kirim-chiqim hujjatlari buxgalteriya yoki komissiyaga topshirilgani va ular javobgarligiga kelib tushgan barcha boyliklar kirim qilingani, chiqib ketganlari esa chiqimga hisobdan o’chirilgani to’g’risida tilxat beradilar. Mol- mulkni sotib olishga hisobot beriladigan summalari yoki uni olish uchun ishonchnomalari bo’lgan shaxslar ham shunday tilxat beradilar. Inventarlashni o’tkazish oldidan ishchi inventarlash komissiyalari a’zolariga buyruq, komissiya raislariga esa plombir topshiriladi (inventarlash komissiyasi ishlaydigan butun ish vaqtida plombir komissiya raisida saqlanadi). Buyruqda inventarlashni o’tkazishga doir ishni boshlash va tugatish muddatlari belgilanadi. Agar mol-mulkni inventarlash bir necha kun mobaynida o’tkazilsa, moddiy boyliklar saqlanayotgan xona inventarlash komissiyasi ketayotganida muhrlanishi kerak. Inventarlash komissiyalafi ishida tanaffus bo’lganda (tushlik vaqti, tunda, boshqa sabablarga ko’ra) ro’y\atlar inventarlash o'tkazilayotgan yopiq xonadagi yashikda (javon, seyfda) saqlanishi shart. Haqiqatdagi qoldiqlarni tekshirish moddiy javobgar shaxslarning (kassirlar, xo’jalik, savdo korxonasi, omborxona, tayyorlov punkti va hokazolar mudirlari) albatta ishtirok etishi bilan amalga oshiriladi. Inventarlash paytida boyliklarning mavjudligi albatta sanash, tarozida tortish, o’lchash yo’li bilan aniqlanadi. Yetkazib beruvchining ochilmagan o’ramida saqlanayotgan materiallar va tovarlar bo’yicha ushbu boyliklar miqdori istisno tariqasida hujjatlar asosida, ushbu boyliklarning bir qismini albatta naturada (tanlab olib) tekshirish bilan aniqlanishi mumkin. Qoplanmagan mahsulotlar og’irligi (yoki hajmi) ni o’lchash va texnik hisob-kitoblar asosida aniqlashga yo’l qo’yiladi; o’lchash dalolatnomalari va hisob-kitoblar ro’yxatga ilova qilinadi. Tarozida tortiladigan ko’p miqdordagi tovarlar inventarlanganda tarozida tortish qaydnomalarini ishchi inventarlash komissiyasining a’zolaridan biri va moddiy javobgar shaxs yuritadi. Ish kuni oxirida (yoki tarozida tortish tugagach) ana shu qaydnomalar ma’lumotlari solishtiriladi va chiqarilgan yakun inventarlash ro’yxatiga qayd etiladi. Tarozida tortish qaydnomalari ro’yxatga ilova qilinadi. Inventarlanadigan boyliklar va obyektlarning nomlari va ularning miqdori ro’yxatlarda nomenklatura bo’yicha va hisobda qabul qilingan o’lchov birliklarida ko’rsatiladi. Ro'yxatlarga ishchi inventarlash komissiyasining barcha a’zolari va moddiy javobgar shaxslar imzo chekadilar. Ro’yxat oxirida moddiy javobgar shaxslar komissiya boyliklami ularning hozirligida tekshirganini, komissiya a’zolariga nisbatan hech qanday da’volar yo’qligi va ro’yxatda sanalgan boyliklar mas’uliyatli saqlashga qabul qilinganini tasdiqlaydigan tilxatga imzo chekadilar. Boyliklarning haqiqatda mavjudligini tekshirish paytida moddiy javobgar shaxslar o’zgargan taqdirda boyliklarni qabul qilgan shaxs inventarlash ro’yxatlariga ularni olganligi, topshirgan shaxslar esa ularni topshirganligi xususida imzo chekadilar. Xo'jalikka tegishli bo'lmagan, biroq unda joylashgan boyliklarga alohida ro’yxatlar tuziladi. Inventarlash paytida inventarlash bo’yicha birlamchi hisob hujjatlarining tasdiqlangan namunaviy shakllari qo’llanilishi kerak. Ish hayvonlari va mahsuldor mollar, parranda va asalari oilalari, ko’p yillik o’simliklar, ko’chatzorlar inventarlanganda qishloq xo’jalik korxonalari uchun tasdiqlangan ro’yxat shakllari qo’llaniladi. Inventarizatsiya o’tkazish va natijasini rasmiylashtirish tartibi Inventarlashni boshlashga qadar quyidagilarni tekshirish zarur: inventar varaqchalari, inventar daftarlari yoki ro’yxatlarining mavjudligi va qanday holatdaligi; texnik pasportlar yoki boshqa texnik hujjatlaming mavjudligi va qanday holatdaligi; xo’jalik yurituvchi subyekt tomonidan ijaraga, saqlashga va vaqtincha foydalanishga topshirilgan yoki qabul qilingan asosiy vositalarga doir hujjatlaming mavjudligi. Hujjatlar yo’q bo’lsa, ularning olinishi yoki rasmiylashtirilishini ta’minlash zarur. Buxgalteriya hisobi registrlari yoki texnik hujjatlarda tafovutlar, yoxud noaniqliklar topilgan taqdirda ularga tegishli tuzatishlar va aniqlashtirishlar kiritilishi kerak. Asosiy vositalarni inventarlashdan o’tkazayotganda komissiya majburiy tartibda obyektlarni naturada ko’zdan kechiradi va inventarlash ro’yxatlariga ularning to’liq nomi, vazifasi, inventar raqamlari va asosiy texnik yoki foydalanish ko’rsatkichlarini qayd etadi. Hisobga qabul qilinmagan obyektlar, shuningdlk, hisob registrlarida ularni tavsiflaydigan ma’lumotlar bo’lmagan yoki noto’g’ri ma’lumotlar ko’rsatilgan obyektlar aniqlangan taqdirda komissiya inventarlash ro’yxatiga ana shu obyektlar bo’yicha yetishmaydigan yoki to’g’ri ma’lumotlarni va texnik ko'rsatkichlami kiritishi kerak, masalan: binolar bo’yicha - ularning vazifasi, ular qurilgan asosiy materiallar, hajmi (tashqi yoki ichki tomondan o'lchab), maydoni (umumiy foydali maydoni), qavatlar soni (yerto’la, yarim yerto’la va hokazolarsiz), qurilgan yili va hokazolar; kanallar bo'yicha - uzunligi, chuqurligi va eni (tubi va yuzasi bo’yicha), sun’iy inshootlar, tubi va yonlarini mahkamlash materiallari, ko’priklar bo’yicha - joylashgan yeri, materiallar turi va asosiy o’lchamlari; yo’llar bo’yicha - yo’l turi (tosh yo’l, profilli yo’l), uzunligi, qoplash materiallari va mashina qatnaydigan eni va hokazolar ko’rsatilishi kerak. Inventarlashda aniqlangan hisobga olinmagan obyektlami baholash joriy qiymat bo’yicha o’tkazilishi, eskirishi esa obyektlarning haqiqiy texnik holati bo’yicha belgilanishi, bunda baholash va eskirish to’g’risidagi ma’lumotlar tegishli dalolatnomalar bilan rasmiylashtirilishi kerak. Inventarlash komissiyasi inventarlash vaqtida aniqlangan hisobga olinmagan obyektlar qachon va kimning farmoyishi bilan barpo etilganini, ularni barpo etish xarajatlari qayerga hisobdan chiqarilganini aniqlashi va buni bayonnomada aks ettirishi shart. Foydalanishga yaroqsiz va tiklab bo’lmaydigan asosiy vositalar inventarlash ro’yxatiga kiritilmaydi. Ana shu obyektlarga inventarlash komissiyasi alohida ro’yxat tuzib, ulami foydalanishga topshirish vaqti va ushbu obyektlami yaroqsiz holga keltirgan sabablar (shikastlanish, toMiq eskirish va hokazolar) ko’rsatiladi. Bunday obyektlami hisobdan chiqarish umumiy belgilangan tartibda amalga oshiriladi. Nomoddiy aktivlarni inventarlaganda quyidagilar tekshirilishi zarur: tashkilotning ulardan foydalanishga doir huquqlarini tasdiqlaydigan hujjatlaming mavjudligi; nomoddiy aktivlar balansda to’g’ri va o’z vaqtida aks ettirilganligi. Kassa inventarlanganda pul mablag’lari va kassada bo’lgan boshqa boyliklarning haqiqatda mavjudligi tekshiriladi. Qat’iy hisobdagi blanklar ham tekshiruvdan o’tkaziladi. Kassada pul mablag’larining haqiqatda mavjudligi hisob-kitob qilinganda pul belgilari, pochta markalari va davlat boji markalari hisobga qabul qilinadi. Hech qanday hujjatlar yoki tilxatlar kassadagi naqd pul qoldig’iga kiritilmaydi. Kassiming kassada mazkur xo’jalik yurituvchi subyektga tegishli bo’lmagan pul mablagMari va boshqa boyliklar borligi to’g’risidagi bayonotlari e’tiborga olinmaydi. Naqd pul mablagMarini inventarlash dalolatnomasida boyliklar qoldigM inventarlash kunida naturada va hisob maMumotlari bo’yicha ko’rsatiladi va inventarlash natijasi belgilanadi. Qat’iy hisobdagi blanklaming haqiqatda mavjudligini tekshirish blank turlari bo’yicha u yoki bu blanklaming boshlang’ich va oxirgi raqamlarini hisobga olgan holda amalga oshiriladi. Mazkur tekshirish natijalari maxsus ro’yxat bilan rasmiylashtiriladi. Banklar bilan ssudalar bo’yicha, byudjet, xaridorlar, mol yetkazib beruvchilar, hisobdor shaxslar, ishchi va xizmatchilar, deponentlar hamda boshqa debitor va kreditorlar bilan hisob-kitoblami inventarlash tegishli hujjatlar bo’yicha qoldiqlarni aniqlash va buxgalteriya hisobi hisobvaraqlarida qayd etilgan summalaming asosliligini sinchiklab tekshirishga asoslanadi. Komissiya debitor va kreditorlar hisobvaraqlari bo’yicha qarzlaming paydo bo’lishi, ularning realligi va shunday bo’lgan taqdirda, da’vo etish muddatlarini o’tkazib yuborishda aybdor shaxslarni aniqlaydi. Solishtirish qaydnomalari inventarlash paytida hisob maMumotlarida tafovutlar aniqlangan boyliklar bo’yicha tuziladi. Solishtirish qaydnomalarida inventarlash natijalari, ya’ni buxgalteriya hisobi maMumotlari bo’yicha ko’rsatkichlar va inventarlash ro’yxatlari (dalolatnomalari) ma’lumotlari o’rtasidagi tafovutlar aks ettiriladi. Ortiqcha va kam chiqqan tovar-moddiy boyliklaming qiymati solishtirish qaydnomalarida ularning buxgalteriya hisobidagf bahosiga muvofiq keltiriladi. Inventarlash natijalarini rasmiylashtirish uchun yagona registrlar qo’llanishi mumkin, ularda inventarlash ro’yxatlari (dalolatnomalari) va solishtirish qaydnomalarining ko’rsatkichlari birlashtiriladi. Korxonaga tegishli bo’lmagan, lekin buxgalteriya hisobida qayd etilgan (mas’uliyatli saqlanishda bo’lgan, ijaraga olingan, qayta ishlash uchun olingan) boyliklarga alohida solishtirish qaydnomalari tuziladi. Solishtirish qaydnomalari hisoblash va boshqa texnika vositalaridan foydalanib, shuningdek, qoMda tuzilishi mumkin. Inventarlash va boshqa tekshirishlar paytida aniqlangan boyliklaming haqiqatda mavjudligi buxgalteriya hisobi ma’lumotlari dan farqlari quyidagicha tartibga solinadi: ortiqcha chiqqan asosiy vositalar, moddiy boyliklar, pul mablag’lari va boshqa mol-mulk kirim qilinishi va tegishlicha xo’jalik yurituvchi subyektning moliyaviy natijalariga yoki byudjet tashkilotini moliyalashni (fondlami) ko’paytirishga qayd etilishi, keyinchalik ortiqcha chiqish sabablari va aybdor shaxslar aniqlanishi kerak; belgilangan me’yorlar doirasida boyliklaming yo’qolishi xo’jalik yurituvchi subyektlar rahbarlarining farmoyishiga ko’ra ishlab chiqarish va muomala chiqimlariga yoki byudjet tashkilotini moliyalashni (fondlami) kamaytirishga hisobdan o’chiriladi. Yo’qolish me’yorlari haqiqatda kamomad aniqlangan taqdirdagina qo’llanishi mumkin. Bunda belgilangan me’yorlar doirasida boyliklaming yo’qolishi boyliklar kamomadi qayta navlarga ajratishdagi ortiqcha mol bilan hisobga olgach belgilanishiga e’tibor beriladi. Agar belgilangan tartibda o’tkazilgan qayta navlarga ajratish bo’yicha hisobga olingandan keyin ham boyliklar kamomadi mavjud bo’lsa, tabiiy yo’qolish me’yorlari kamomad aniqlangan boyliklar nomi bo’yichagina qo’llanishi mumkin. Tasdiqlangan me’yorlar bo’lmagan taqdirda yo’qolish me’yorlariga ortiqcha kamomad sifatida qaraladi; yo’qolish me’yorlaridan ortiqcha boyliklar kamomadi, shuningdek, boyliklar buzilishidan ko’rilgan talafotlar aybdor shaxslarga yuklanadi. Suiiste’molliklar oqibati bo’lgan kamomad va talafotlar aniqlanganda tegishli materiallar kamomad va talafotlar aniqlangandan so’ng 5 kun davomida tergov organlariga berilishi kerak, aniqlangan kamomad va talafotlar summasiga esa fuqarolik da’vosi taqdim etiladi; boyliklarning yo’qolishi va boyliklar buzilishi tufayli talafotlar me’yorlaridan ortiqcha kamomadi, kamomad va buzilishlarning aniq aybdorlari aniqlanmagan hollarda, mahsulot (ishlar, xizmatlar) ishlab chiqarish va sotish xarajatlari tarkibi to’g’risidagi nizomga muvofiq xo’jalik yurituvchi subyektlar tomonidan ishlab chiqarish va muomala chiqimlariga hisobdan chiqarilishi yoki byudjet tashkilotida moliyalashni (fondlami) kamaytirishda qayd etilishi mumkin. Bunda boyliklarning yo’qolishi va boyliklar buzilishi tufayli talafotlar me’yorlaridan ortiqcha kamomadni hisobdan o’chirishni rasmiylashtirish uchun taqdim etiladigan hujjatlarda ana shunday kamomad va talafotlarning oldini olish bo'yicha qabul qilingan choralar ko’rsatilishi kerak. Boyliklar buzilishi fakti to’g’risidagi xulosalar texnik nazorat boMimi yoki sifat bo’yicha tegishli inspeksiyalardan olinishi kerak. Tabiiy yo’qolish me’yorlaridan ortiqcha boyliklar kamomadi va buzilishini hisobdan o'chirishni rasmiylashtirish uchun taqdim etiladigan hujjatlarda tergov yoki sud organlarining aybdor shaxslar yo’qligini tasdiqlaydigan yoki aybdor shaxslardan zarar undirilishi rad ctilgan qarorlari yoki texnik nazorat bo’limi yoki tegishli ixtisoslashtirilgan tashkilotlardan (sifat bo’yicha inspeksiyalar va hokazolardan) olingan boyliklar buzilishi fakti to’g’risida xulosa bo’lishi kerak. Inventarizatsiyalash paytida inventarizatsiyalash bo’yicha boshlang’ich hisob hujjatlarining tasdiqlangan namunaviy shakllari qo'llanadi. Ularni 19-son BHMSdan olish mumkin. 1-jadval Kamomad (o’g’irlik) yoki materiallar buzilishi sodir bo’lganda ularni hisobdan chiqarish (aybdorlar aniqlanganda) T/r Muomalalar mazmuni Debet Kred it 1 Materiallarning haqiqiy qiymatini hisobdan chiqarish 5910 1000 2 Aybdor shaxslardan undirilishi lozim bo’lgan materiallarning bozor qiymati aks ettiriladi 4730 5910 3 Aybdor shaxslardan undirilishi lozim bo’ l gan yetishmayotgan materiallarning bozor bahosi va haqiqiy qiymati o'rtasidagi farq aks ettiriladi (bozor qiymati haqiqiy qiymati dan yuqori) 4730” 9320 4 Aybdor shaxslardan undirilishi lozim bo’ l gan yetishmayotgan materiallarning bozor bahosi va haqiqiy qiymati o'rtasidagi farq aks ettiriladi (bozor qiymati haqiqiy qiymatidan past) 9430 5910 Kamomad (o’g’irlik) yoki materiallar buzilishi sodir bo’lganda ularni hisobdan chiqarish (aybdorlar aniqlanmaganda) 1 Materiallarning haqiqiy qiymatini hisobdan chiqarish 5910 1000 2 Yetishmayotgan materiallarni hisobdan chiqarishdan ko'rilgan zarar aks ettiriladi 9430 5910 2-jadval Inventarlash natijalariga ko’ra kamomadi aniqlangan asosiy vositalarni hisobdan chiqarish T/r Muomalalar mazmuni Debet Kredit 1 Asosiy vositalaming boshlang'ich (tiklash) qiymatini hisobdan 9210-“Asosiy vositala rn ing chiqib ketishi” 0100-“Asosiy vositalar” 2 Hisoblangan eskirishni hisobdan chiqarish 0200-“Asosiy vositala rn ing eskirishi” 9210-“Asosiy vositala rn ing chiqib ketishi”3 Asosiy vositalarni hisobdan chiqarishda qayta baholash saldosi hisobdan chiqariladi 8510-“Mulkni qayta baholash bo’yicha tuzatishlar” 9210-“Asosiy vositalaming chiqib ketishi” 4 Kam chiqqan asosiy vositalar obyektining chiqib ketishidan ko'rilgan zarar 5910-“ Kamomadlar va qiymatliklarning buzilishidan yo’qotishlar” 9210-“Asosiy vositala rn ing chiqib ketishi” 5 Daromadni aks ettirish (undiriladigan summa asosiy vositaning chiqib ketishidan ko'rilgan zarar summasidan yuqori) - aybdorlar aniqlangan holda 4730-“Moddiy zarari qoplash bo'yicha xodimlaming qarzi” - aybdor yoki moddiy javobgar shaxsdan undirilishi lozim bo'lgan kam chiqqan asosiy vositaning bozor qiymatiga 5910-“ Kamomadlar va qiymatliklarning buzilishidan yo’qotishlar” - kam chiqqan asosiy vositaning chiqib ketishidan ko'rilgan zarar summasiga, 9310-“Asosiy vositalaming chiqib ketishidan foyda” - aybdor shaxs yoki moddiy javobgar shaxsdan undirilishi lozim bo’lgan kam 6 Zara rn i aks ettirish (kam chiqqan asosiy vositaning bozor qiymati asosiy vositaning chiqib ketishidan ko'rilgan zarar summasidan past) - aybdorlar aniqlangan holda 4730-“Moddiy zara r i ni qoplash bo’yicha xodimlaming qarzi” - aybdor yoki moddiy javobgar shaxsdan undirilishi lozim bo’lgan kam chiqqan asosiy vositaning bozor qiymatiga; 9430-“Boshqa operatsion xarajatlar” - aybdor yoki moddiy javobgar shaxsdan 5910-“ Kamomadlar va qiymatliklarning buzilishidan yo'qotishlar” kam chiqqan asosiy vositaning chiqib ketishidan ko’rilgan zarar summasiga 7 Kam chiqqan asosiy vositaning chiqib ketishidan ko’rilgan zarami aks ettirish - aybdor shaxs 9430-“Boshqa operatsion xarajatlar” 5910-“ Kamomadlar va qiymatliklarning buzilishidan yo'qotishlar” Inventarizatsiyalash xatlovlari va inventarizatsiyalash dalolatnomalari barcha inventarizatsiyalanadigan mol-mulkka kamida 2 nusxada tuziladi. Agar inventarizatsiyalash ma’lumotlari bilan buxgalteriya hisobi ma’lumotlari o’rtasida nomuvofiqlik aniqlansa, komissiya solishtirma qaydnoma tuzadi. Ortiqcha va kamomad narsalaming summalari ushbu qaydnomada buxgalteriya hisobida baholanishiga muvofiq ko'rsatiladi. Hisobot yilida o’tkazilgan inventarizatsiyalashlar natijalari “Inventarizatsiyalashda aniqlangan natijalar qaydnomasi” da umumlashtiriladi. Inventarizatsiyani tashkil etish va o’tkazish O’zbekiston Respublikasi Moliya Vazirligi tomonidan 1999-yil 19-oktabrda qabul qilingan EG/17-19-2075- son qarori bilan tartibga solinadi.

O'xshashlar

Ishlab chiqarish zaxiralarini inventarizatsiya qilish
Tovar-moddiy zaxiralar auditi
Tovar-moddiy zaxiralari harakati bilan
Moliyaviy qo’yilmalar (investitsiyalar) auditi
Moliyaviy xisobotning mazmuni va shakllari.