Инновацион менежментнинг методологияси - Iqtisodiyot - Referatlar

Инновацион менежментнинг методологияси

Yuklangan vaqt:

01.05.2023

Ko'chirishlar soni:

0

Hajmi:

106.5 KB

Ko'chirib olish

Инновацион менежментнинг методологияси Режа: 1. Давлат инновацион сиёсатининг мақсади ва вазифалари 2. Корхона (фирма)да инновацион сиёсатни бошқариш 3. Бозор иқтисодиёти шароитида инновацион жараённи ривожлантиришнинг ўзига хос хусусиятлари

Давлат инновацион сиёсатининг мақсади ва вазифалари Давлат инновацион сиёсати – бу давлат иқтисодий сиёсатининг ажралмас қисми ҳисобланиб, давлатнинг инновацион сиёсатига муносабати мақсади, йўналиши ҳокимият органлари фаолияти шаклларини аниқлайди ва уларнинг илмий-техник ютуқлари натижасини татбиқ етилишини ифодалайди. Мустақиллик йилларида Республикамизда илмий-техника тараққиёти комплекс консепсиясини ишлаб чиқишга алоҳида еътибор қаратилган. Унинг мазмуни: - илмий тадқиқотларни қўллаб қувватлашга қаратилиши; - илмий-техник тараққиёт йўналишларини тартибга солиниши; - маҳаллий ишлаб чиқаришни ҳимоялаш ва унинг рақобатбардошлигини оширишга қаратилганлиги; - илмий-техник тараққиётни рағбатлантириш тизимини такомиллаштиришга еътибор берилиши; - лицензия ва патент ҳуқуқи; - тартибга солишни қўллаб-қувватлаш (ҳуқуқий, молиявий техник ва ҳоказо); - инновацион фаолият натижаларини баҳолашнинг мезонларини ишлаб чиқиш ва уни баҳолашнинг мавжудлиги; -илмий-техник тараққиётни бошқариш методларини доимий такомиллаштирилиб борилиши; - Ўзбекистон илмий-техник тараққиётини таъминлаш ва мустаҳкамлаш каби вазифаларни ҳал этиш билан белгиланади. Юқоридаги вазифаларни ҳал этишда инновацион сиёсатининг устувор йўналишлари етиб қуйидагилар белгиланган: - мамлакат иқтисодиётида кескин бурилишини таъминлайдиган янги техника ва технологияларни яратиш ва уни амалиётга жорий қилиш;

- йирик тармоқ илмий-техник лойиҳалари устида иш олиб бориш (корхоналар имкониятлари доирасида бажариб бўлмайдиган манбаларни жамлашувини таъминлаш); - ижтимоий мақсадларни амалга оширишда, илмий-техник тадбирлардан кенг фойдаланишга еришиш; - илмий-техник ишларни давлат ташқи иқтисодий сиёсати, ҳалқаро меҳнат тақсимоти мақсадларига қаратиш зарур. Бундай янги инвестицион сиёсатнинг амалга оширилиши материалларни тежаш борасида янги сифат даражасига, меҳнат унумдорлигини ўсишига, фонд қайтимининг ортишига, материал сиғими, енергия сиғими, маҳсулот капитал сиғимининг камайишига, аҳолини янги турмуш маданиятини шакллантиришга, давлатни техник ва технологик қолоқлигидан чиқаришга, илмийтехник тараққиётда юксак натижаларга еришишга олиб келади. Инновацион фаолият соҳасидаги сиёсатнинг асосий моҳияти: - мақсадни аниқ белгиланиши; бошқарув органлари, амалга ошириш функсияси; - ахборот тизими; - тартибга солиш механизми ва қўллаб-қувватлаш. Инновацион сиёсатнинг тартибга солиш елементлари: - илмий-техника тараққиёти ва Тажриба Конструкторлик Ишлари (ИТТТКИ)ни тўғридан тўғри рағбатлантириш; - ИТТТКИни иқтисодиёт тармоқ (соҳа)ларида ёндашма рағбатлантириш; - инновацион фаолиятга ҳар хил турдаги имтиёзларни бериш; - инновацион муҳит ва инфратузилмани шакллантириш кабилардан иборатдир. Республикамизда инновацион фаолиятни амалга оширишда улкан ишлар амалга оширилмоқда. Унинг яққол кўриниши сифатида Давлат томонидан кенг қўллаб қувватланаётганлигини келтириш мумкин. Бу қуйидаги кўринишларда намоён бўлмоқда:

- инвестиция дастури ва лойиҳаларни молиялаштириш; - Илмий Техника Тараққиёти ва Тажриба Конструкторлик Ишлари (ИТТТКИ)ни молиялаштириш; - чет ел патент ва таъминотлари асосида ишлаб чиқаришни молиялаштириш; - инновацион фаолиятни информацион базасини шакллантиришни молиялаштириш; - инновацион фаолиятни Давлат буджети ҳисобидан қўллаб- қувватлаш; тараққиётнинг устувор йўналишларини аниқлаш; - ҳудудлар илмий ва техник дастурларини шакллантириш ва амалиётга татбиқ этиш; - маҳаллий буджет ҳисобидан илмий ва илмий-техник фаолиятни молиялаштиришга кенг имкониятлар яратиб бериш; - Ўзбекистон Республикаси субъектлари орасидаги инновацион фаолият, илмий ва илмий-техник тараққиётга ҳайрихоҳлик қилиш; - Давлат илмий-техник муассасалари бошқарувини такомиллаштириш; - интеллектуал мулк ҳуқуқларини муҳофаза қилиш; - стандартлаш ва сертификатлашнинг ягона тизимини шакллантириш; - илмий-техник ходимларни Давлат томонидан аттестация қилиш тартибини ўрнатиш. Давлат инновацион сиёсатининг асосий мақсади: - инновацион фаолият юзасидан иқтисодий ҳуқуқий ва ташкилий шароит яратиш; - ишлаб чиқарилаётган маҳсулотлар рақобатбардошлигини ва ишлаб чиқариш самарадорлигини ошириш; - инновацион фаолиятни жадаллашувига ҳайрихоҳлик қилиш. Шу жумладан, инновацион соҳада тадбиркорликни ривожлантириш;

- инновацион фаолиятни Давлат томонидан қўллаб-қувватлаш, инновацион фаолиятига йўналтирилган Давлат ресурслари самарадорлигини ошириш; маҳаллий маҳсулотларни четга чиқарилиши зарурий тадбирларини ишлаб чиқиш ва уларга кўмаклашиш кабилардан иборат бўлиб, қуйидаги тамойиллар асосида шаклланади: - ижтимоий ишлаб чиқариш самарадорлиги, маҳсулот рақобатбардошлигини ортишида, аҳоли турмуш маданияти ва екологик хавфсизликни яхшиланишида инновацион фаолиятга устувор вазифа сифатида қараш; - инновацион фаолиятни Давлат томонидан тартибга солинишини таъминлаш; - иқтисодиётда кескин таркибий ўзгаришларни амалга ошириш мақсадида, инновацияни кенг ҳажмда бир жойга жамлаш; - инновацион соҳада бозор иқтисоди муносабатларини ривожланишига шароитлар яратиш; - инновацион фаолиятни амалга оширишда қулай инвестиция муҳитини яратиш; - инновацион фаолият биланга шуғулланувчи субъектлар, интеллектуал мулк манфаатлари ва ҳуқуқларини Давлат томонидан ҳимоялаш; - инновацион фаолият орқали Давлатни мудофаа ва махсус эҳтиёжлари хавфсизлигини таъминлаш. Инновацияни ўзлаштирилиши бозорга, аввало, бу бир тадбир кўринишида кириб келади. Маркетинг сиёсати билан боғлиқ ҳар қандай янги маҳсулот икки нуқтайи назардан қаралади: 1 аҳамияти ва унда техник янгиликларнинг мавжудлиги; 2 янги маҳсулотнинг бозорга таъсири. Аввало, маҳсулот ўзида кўплаб техник янгиликларни ифода етиб, анъанавий эҳтиёжларни таъминлайдиган бозорда янгилик бўлиши мумкин. Бу йерда баҳо сезиларли даражада ўзгармайди. Маҳсулотнинг бозорга

янгилиги қўшимча илмий-техник қарорларсиз (ташқи кўриниши, ўлчамлари, шакли ва ранги ўзгариши ҳисобига) ҳам бўлиши мумкин. Ҳар қандай янгидан юзага келаётган ғоя маълум бир тажрибанинг натижаси ҳисобланади. Биринчидан, янги эҳтиёжни пайдо бўлиши янги маҳсулот ишлаб чиқариш ғояси ёки янги технологик жараённи қўлланиши билан боғлиқ бўлади. Иккинчидан, усулни пайдо бўлиши, унинг таъсирида маълум бир зарурий эҳтиёжни таъминланишига олиб келади. Инновацион имкониятли фойдаланувчига таъсир етувчи асосий омил бу янгиликни очилишигача бўлган даврнинг иложи борича қисқа бўлишидир. Янгиликни яширин эҳтиёжини тўрт даражаси мавжуд. Қайсики бу даражалар илмий-техник сиёсатни шакллантиришда керак бўлади: 1. Ииновация пайдо бўлгунга қадар юзага келган эҳтиёж. 2. Янгиликни кашф етилгандан сўнг пайдо бўлган эҳтиёж. 3. Кашфиёт очилгандан сўнг узоқ вақт пайдо бўлмаган эҳтиёж. 4. Негатив эҳтиёж ёки воз кечилган эҳтиёж. Дэмак, барча инновацион корхона томонидан ишлаб чиқарилаётган тадбирлар мижоз(истеъмолчи) корхоналарнинг тадбирлари билан мувофиқлаштириб борилиши лозим. Корхона (фирма)да инновацион сиёсатни бошқариш Инновацион бошқариш – бу корхона инновацион фаолиятини турли томонларини ўзгартириш мақсадида янги турдаги қурилма, жараёнларни жорий этиш ва бошқаришдир. Илғор корхоналар тажрибаси шуни кўрсатадики, инновацияни бошқариш ҳаётий зарурият ҳисобланиб, у ишлаб чиқаришда юқори самаранинг калитидир. Инновацияни шартли равишда икки даражага бўлиш мумкин:

Биринчи, илк бор ишлаб чиқаришга татбиқ етилаётган янгилик, кашфиёт, ғоя ҳисобланиб, улар ташаббусларни татбиқ этиш евазига бирламчи устунликка ега бўлади. Иккинчидан, қайта татбиқ етилаётган кашфиёт, ноу-хау, ғоя ва янгилик бўлиб, улар жаҳонда янгилик ҳисобланмайди. Биринчи даражали инновация барча корхоналарда татбиқ етилмасада, лекин иккинчи даражали инновациялар рақобатда сақланиб қолишни хоҳлаган барча корхоналарга татбиқ етилиши мақсадга мувофиқ бўлади. Шу боисдан ҳам барча корхона ва ташкилотларда инновацияни бошқариш муаммолари долзарб ҳисобланади. Ушбу муаммолар корхона ичида ўз- ўзидан юзага келмаганлиги сабабли у, ўз навбатида, корхоналарда инновацияни бошқариш тизимини шаклантирилишини талаб қилади. Инқироз ҳолатларида юзага келадиган муаммолар даврий равишда янгиланиб туриши мумкин. Фақат инноватор – корхоналардагина доимо истиқболли фаолият бўлиши мумкин, чунки улар ташқи ва ички муҳитнинг ҳар қандай ўзгаришларга тез мослаша олади. Ески усул билан ишлаётган корхоналар фаолиятида доимий равишда ўзгаришларга ўрин йўқ. Инқироз, жумладан, тез ўзгарувчан ҳар қандай шароит зудлик билан тадбирларни амалга оширишни, яъни янги оператив схэмаларни ишлаб чиқишни тақозо этади. Шу сабабли инқироз даврида инновацияга талабни ортиши ҳам бежиз эмас. Бозор иқтисодиётига ўтиш даврида ишлаб чиқаришга инновацияни жорий қилиш мослашувчанликни ошишини таъминлайди. Янги ташкил етилаётган, кўп илм талаб қилувчи корхоналар, одатдагилардан фарқ қилиб, улар ИТ (илмий–тадқиқот) ва ТКИ (тажриба конструкторлик ишлари) босқичидан тортиб, янги турдаги маҳсулотларини ишлаб чиқаришга татбиқ етилгунгача бўлган тўла сиклга еътиборни қаратишлари керак. Шунинг учун улар ўз фаолиятида истиқболли тадқиқот гуруҳларини ташкил етиб, охирги босқичда сотиш ва сотишдан кейинги хизматларни фаол ривожлантиришни кўзда тутадилар.

Инновацияга йетарли еътибор бермаслик, нафақат сотиш ҳажмини пасайиб кэтиши, балки ҳозирги глобал тангликни келгусида чуқурлашувига ҳам олиб келади. Замонавий ишлаб чиқариш корхонани инновацияга, янги техника ва технологияни амалиётга жорий этишга, янги маҳсулот ва хизматлардан фойдаланишга ундайди. Ҳозирги кунда корхоналарда инновацияни бошқаришнинг қуйидаги муаммолари мавжуд: - инновация учун ҳаражатларнинг йэтишмаслиги; - амалдаги фан ва техника тараққиётининг сифат ўлчамларини ўрнатилган ҳалқаро даражадан ортда қолишини кузатилиши; - илмий-техник гуруҳларда ходимлар сонини кескин камайиши, мавжуд моддий техника таъминоти, иқтисодий ишлаб чиқариш ва ижтимоий ташкилий тузилишда мавжуд боғлиқликни йўқлиги; - ўз даврида инновацион жараёнлар муддати давомийлигининг юқорилиги; - иновациянинг тарқалишини чекланганлиги; - умумий ҳажмда инновация улушининг ўта пастлиги; - инновацияга қизиқишнинг йўқлиги; - охирги 10 йил ичида ишлаб чиқаришни техник қайта қуроллантириш ва модернизациялаш дастурида инвестиция ҳаракатини амалда тўла тўхтатилганлиги. Юқори даражада ривожланган давлатларда яхши йўлга қўйилган бозор механизми мавжуд бўлиб, у ишлаб чиқаришни йириклашувига, сотишни монополлашувига нисбатан курашиш, мослашувчан амортизация сиёсатини амалга ошириш, фан-техника тараққиёти ютуқларини тез англай олувчи кичик корхоналарни рағбатлантириш ва бошқаларга кенг имконият яратади. Инновацион жараён – бу корхона илмий-техника ва ишлаб чиқариш фаолиятидаги динамик ўсувчи жараёндир. Бу йерда инноватор, биринчи навбатда, янгилик ва ажралиб туришни меъзон қилиб олади.

Корхоналарда инновацияларни қуйидаги етапларга бўлиш мумкин: • инновация мақсадини шакллантириш; • мавжуд ҳолат таҳлили; • алоҳида турдаги инновацияларни мақсадга мувофиқлиги юзасидан қарор қабул қилиш; • инновацион лойиҳани ишлаб чиқиш; • инновацион лойиҳани муҳокама қилиш ва тасдиқлаш; • инновация обйектини тайёрлаш; • инновацияни амалиётга татбиқ этиш; • инновация самарадорлигини баҳолаш. Инновацияни амалиётга татбиқ этишни бошқаришнинг таъсирчан воситаси унинг бир босқичдан иккинчи босқичга ўтишни назорат қилиш ҳисобланади. Татбиқ этишнинг муваффақияти лойиҳани босқичлардан тўсиқсиз ўтишидир. Корхонанинг инновацион сиёсати – бу устувор инновацион лойиҳа ва дастурларни қўллаб-қувватлаш механизми, корхона ва унинг илмий-техник бўлимларига раҳбарлик, инновацион дастур ва лойиҳаларнинг устувор йўналишларини аниқлаш механизми ва стратегиясини ишлаб чиқиш жараёнлари мажмуидир. Корхоналарда инновация жараёни ва илмий – техник сиёсатни татбиқ этиш ва амалга оширишнинг икки хил ёндашуви мавжуд. Биринчидан, жараённи ҳаракатлантирувчи кучи инноватор фирма ҳисобланади, у биринчи бўлиб ўз корхонасида инновацияни жорий этади. Уларнинг ҳаракати вақтинча юқори фойда олиш билан рағбатлантирилади. Иккинчидан, инновацияни жорий этиш жараёни ва келгусида тарқалиши бошланғич таъминотга, 7 унча катта бўлмаган сегментга боғлиқ бўлиб, унинг асосида минимал даражада фойда олинади. Бу сиёсатнинг келажакдаги мақсади, маркетинг сиёсати билан биргаликда фойдани ошириш ва бозорни йетарли қисмига егалик қилишдир.

Ҳозирги кунда амалиётда инновацияни бошқаришда илмий- техник сиёсатни ишлаб чиқишнинг 4 та функсионал соҳаси ажратиб кўрсатилади. 1. Тадқиқот ва ишлаб чиқариш. 2. Давлат андозалари талаблари доирасида сертификатлаш ва сифатни бошқариш. 3. Ишлаб чиқариш базасини янгилашни ташкил этиш. 4. Бозорга инновацияни жорий этиш. Илмий – техник сиёсатнинг тадқиқот ва ишлаб чиқариш бўлимида қуйидагилар ажратиб кўрсатилади. - қидирув ва фундаментал тадқиқот; - амалий тадқиқот; - техник ишлаб чиқариш; - илк бор инновацияни жорий этиш; - инновацияни тарқатиш. Ишлаб чиқаришнинг базасини янгилашни ташкил этиш – молиялаштириш буюртмаси асосида техник қайта қуроллантиришнинг ўзига хос режасини ишлаб чиқиш ва инновацион лойиҳаларни қопланишини назорат қилувчи бизнес режалар кўринишида амалга оширилади. Инновацияни ўзлаштирилиши бозорга бир тадбир кўринишида кириб келади. Маркетинг сиёсати ҳолати билан боғлиқ ҳар қандай янги маҳсулот икки нуқтайи назардан қаралади: 1. Аҳамияти ва унда техник янгиликларнинг мавжудлиги; 2. Янги маҳсулотнинг бозорга таъсири. Маҳсулот ўзида кўплаб техник янгиликларни ифода етиб, қайсики анъанавий эҳтиёжларни таъминлайдиган бозорда янгилик бўлиши мумкин. Бу йерда баҳо сезиларли даражада ўзгармайди. Маҳсулотнинг бозорга янгилиги қўшимча илмий-техник қарорларсиз ташқи кўриниши, ўлчамлари, шакли ва ранги ўзгариши ҳисобига ҳам бўлиши мумкин. Ҳар қандай янгидан юзага келаётган ғоя тажрибанинг натижаси ҳисобланади:

1. Янги эҳтиёжнинг пайдо бўлиши; Масалан: янги маҳсулот ишлаб чиқариш ғояси ёки янги технологик жараённи қўлланиши билан боғлиқ. 2. Усулнинг пайдо бўлиши, унинг таъсирида машҳур (таниқли) зарур эҳтиёжни таъминланишга олиб келади. 3. Инновацион имкониятли фойдаланувчига таъсир етувчи асосий омил бу янгиликни очилишигача бўлган даврнинг иложи борича қисқа бўлишидир. 4. Янгиликни яширин эҳтиёжини тўрт даражаси мавжуд. Қайсики бу даражада илмий-техник сиёсатни шакллантиришда керак бўлади? 5. Инновация пайдо бўлгунга қадар юзага келган эҳтиёж; 6. Янгиликни қашф етилгандан сўнг пайдо бўлган эҳтиёж; 7. Қайсики кашфиёт очилгандан сўнг узоқ вақт пайдо бўлмаган эҳтиёж; 8. Негатив эҳтиёж ёки воз кечилган эҳтиёж; Дэмак, барча инновацион корхона томонидан ишлаб чиқарилаётган тадбирлар мижоз (истеъмолчи) корхоналарнинг тадбирлари билан мувофиқлаштириб борилиши лозим. Бозор иқтисодиёти шароитида инновацион жараённи ривожлантиришнинг ўзига хос хусусиятлари Бугунги иқтисодиётни модернизациялаш шароитида инновацион менежментни ўрганиш биринчи даражали аҳамият касб этади. Хўжалик юритишнинг бозор механизмлари консепсияси кўплаб инновацион қийинчиликлар асосида шаклланади. Бозор шароитида инновацион фирмани шакллантириш ўта мураккаб вазиятларда амалга оширилади.

Инновацион менежментнинг имконият(салоҳият)ларидан самарали фойдаланиш, бу корхона илмий-техник жамоасининг ишлаб чиқаришда фаол қатнашишига бевосита боғлиқдир. Ходимлар фаолиятини бошқариш менежердан юқори малакани, бошқарувнинг кўплаб усуллардан кенг фойдаланишни талаб этади. Инновацион менежментни фан сифатида шаклланиши ижтимоий- иқтисодий тараққиётда ижобий силжишларга олиб келади. Илмий – техник тараққиётга ёндашиш тубдан ўзгаради ва инсонларнинг илмий фаоллиги ортади. Сўнгги пайтларда инновацион менежмент ижтимоий муаммоларни ҳал этишнинг бош омилларидан бирига айланди. Шу боисдан республикамизда инновацион менежментга қизиқиш янада кучайиб бормоқда. Инновацион жараённи ривожланиш шартлари иккита асосий омил таъсирида шаклланади: - янгиликларни яратувчилар фаолиятига бозорнинг таъсири; - юқори технология билан боғлиқ бўлган инновацион жараёнларни Давлат томонидан тартибга солиб турилиши. Ҳозирги кунда инновацион фаолият мақсад ва вазифаларини белгиловчи кўплаб Давлат дастурлари ишлаб чиқилган: Инновацион фаолиятни ривожланиши учун норматив шартларни белгиловчи 3 та босқич мавжуд бўлиб: Биринчи босқич: структуравий ўзгариш (силжиш)лар билан боғлиқ. Бу йерда Давлатнинг асосий вазифаси янги самарали ишлаб чиқаришни қўллаб- қувватлаш, аҳолининг ижтимоий аҳволини турғунлаштириш, асосий тизимни ҳаётийлигини сақлаш, янги самарали ишлаб чиқаришни ташкил этишдан; Иккинчи босқич: иқтисодий юксалиш – мамлакатда ишлаб чиқаришни ўсиш суръатларини ошириш босқичи. Бу йерда иқтисодий самара берувчи инновацион лойиҳаларни амалга ошириш.

Учинчи босқич: такомиллашган янги ишланмалар, уларни амалга оширишдаги манфаат дастаклари експертиза натижалари асосида кўрсатилганлиги билан ажралиб туради. Ҳозирда инновацион фаолиятни ривожланишининг қуйидаги учта асосий тенденцияси ҳукмронлик қилиб, улар инновацион жараённи ривожланишига кучли таъсир этади ва бир – бири билан доимо узвий алоқада бўлади: - янги технологияни ривожлантириш; - талаб ва таклифни глобаллашуви; - ҳаридорлар хатти - ҳаракатларининг ўзгариши. Ўзбекистонда илмий-техника тараққиётининг устувор йўналишлари сифатида аввало информацион технология ва електроника, ишлаб чиқариш технологиясини модернизация қилиш, кимё маҳсулотларини ишлаб чиқариш, ёқилғи-енергетика комплексини ривожлантириш, екология ва табиатдан фойдаланишни тартибга солишни ўз ичига олади. Инновацион жараённинг бош қоидаси “Технологияни ривожлантириш – иқтисодий ўсишни ҳаракатлантирувчи кучи”. Шу боисдан бугунги кунда инновацион фаолият қуйидагиларни ҳисобга олмоғи лозим: - янги технология якка ҳолда келмайди у бошқалар билан бевосита боғлиқдир; - ҳар бир бутун бир қатор бир-бирини тўлдирувчи базис технология билан боғлиқ; - ҳар бир базис технология бир қатор таянч технологияларни негизи ҳисобланади; - базис технология – янги саноат тармоқлари асоси; - таянч технологиялардан тармоқни модернизация қилишда фойдаланилади.

Ўз иш фаолиятида янги инновацион технологиялардан фойдаланишни мақсад қилган тадбиркор бу «олтин» қоидага сўзсиз амал қилиши лозим, акс ҳолда, салбий ҳолат юзага келиши муқаррар. Инновацион корхоналар таркибий тузилишини такомиллаштириш тажрибаси инновацион жараёнларни қуйидаги босқичларга бўлинишини исботлади: - ҳар бир татбиқ етилган инновация ўзининг афзалликлари билан ажралиб туриши; - атроф - муҳитдан муҳофазаланган инновация мавжуд эмас; - битта инновация келгусида кўплаб инновацияларни юзага келтиради; - инновация корхоналарнинг ўз-ўзини ташкил этиши ва актив ривожланишининг зарурий елементи ҳисобланади; - ҳар қандай инновация катта интеллектуал салоҳият ва кучни талаб этади. - талабга ега инновация, маъмурий жорий этишга нисбатан тез амалиётга татбиқ етилади; - инновациянинг муваффақиятли ҳаражати учун янги ғоя зарур; - инновацияни татбиқ этишни иқтисодий самара даражаси, таваккалчилик даражаси билан боғлиқ; - инновацияда тартиб қанчалик юқори бўлса, инновацион жараённи бошқаришга ҳам талаб шунчалик юқоридир; - инновацияни муваффақиятли татбиқ этишга бир қатор омиллар (яъни янгиликка интилувчи инсон, таклиф, ғоя кашфиёт ва ҳоказолар) зарур.

Адабиётлар : 1. Ўзбекистон Республикасининг Фуқаролик кодекси, Ўзбекистон Республикаси Олий Мажлиси томонидан тасдиқланган. 1995 - йил 21 - декабр № 163-1 ва 1996-йил 29-август №256-1 [кўчирма] –Т.: «Иқтисодиѐт ва ҳуқуқ дунѐси» 1999- йил. 2. Ўзбекистон Республикаси «Ихтиролар моделлар ва саноат намуналари ҳақида»ги Қонуни 1994-йил 6- май, – Тошкент.: «Иқтисодиѐт ва ҳуқуқ дунѐси» 1999 йил. 3. Ўзбекистон Республикасининг «Маъсулиятлар ва хизматларни сертификатлаш тўғрисида»ги Қонуни 1993-йил 28-декабр №1006- хи,Тошкент.: «Иқтисодиѐт ва ҳуқуқ дунѐси» 1999-йил. 4. Ўзбекистон Республикасининг «Стандартлаштириш тўғрисида»ги Қонуни 1993-йил 28-декабр №1002-хи,-Тошкент.: «Иқтисодиѐт ва ҳуқуқ дунѐси» 1999-йил. 5. И.А.Каримов. Истиқлол имкониятлари ва ислоҳотлар самаралари. Халқ сўзи. 2009-йил. 6. Ўзбекистон Республикаси Президентининг фармойиши “Баркамол авлод йили” давлат дастурини ишлаб чиқиш ва амалга ошириш бўйича ташкилий чора тадбирлар тўғрисида. Тошкент 2009йил 9-декабр. 7. А.Абдуллаев, Қ.Муфтайдинов, Х.Айбешов “Кичик бизнесни бошқариш” дарслик. Тошкент Молия 2003й.

O'xshashlar

Инновацион менежментнинг асосий тушунчалари, мақсадлари ва вазифалари

Менежментнинг технологиялари

Менежментнинг ташкилий тузилиши

Менежментнинг ташкилий структуралари.

Менежментнинг ташкилий структуралари.