Бухгалтерия хисобининг регистрлари ва шакллари - Iqtisodiyot - Referatlar

Бухгалтерия хисобининг регистрлари ва шакллари

Yuklangan vaqt:

08.10.2023

Ko'chirishlar soni:

0

Hajmi:

335 KB

Ko'chirib olish

Бухгалтерия хисобининг регистрлари ва шакллари Режа: 1. Ҳисоб регистрлари тушунчаси 2. Ҳисоб регистрларининг таснифи ва тавсифи 3. Ҳисоб регистрларини юритиш ва тўлғазиш тартиби; 4. Ҳисоб регистрларидаги хатоликлар ва уларни тузатиш усуллари. 5. Бухгалтерия ҳисоби шакллари.

ҲИСОБ РЕГИСТРЛАРИ ТУШУНЧАСИ Корхонада ҳисоб маълумотларини йиғиш, қайд этиш ва жамлаш ҳисоб сиёсатида акс эттирилган регистрлар ёрдамида амалга оширилади. Ҳисоб регистрлари - бу бухгалтерия ҳисоби маълумотларини қайд этиш, гуруҳлаш ва жамлашда ишлатиладиган ахборот ташувчилардир. Юқоридаги таърифдан кўриниб турибдики, ҳисоб регистрлари қуйидаги вазифаларни бажаради: 1. Юз берган хўжалик операциялари, уларни тасдиқловчи ҳужжатларни қайд этиш (регистрация қилиш); 2. Бошланғич маълумотларни активлар, хусусий капитал, мажбуриятлар, даромад, харажат, фойда ва зарарлар счётлари кесимларида қайд этиш, гуруҳлаш ва жамлаш; 3. Оралиқ маълумотларни активлар, хусусий капитал, мажбуриятлар, даромад, харажат, фойда ва зарарлар счётлари кесимларида қайд этиш, гуруҳлаш ва жамлаш; 4. Йиғма маълумотларни активлар, хусусий капитал, мажбуриятлар, даромад, харажат, фойда ва зарарлар счётлари кесимларида қайд этиш, гуруҳлаш ва жамлаш. ҲИСОБ РЕГИСТРЛАРИНИНГ ТАСНИФИ ВА ТАВСИФИ Амалиётда бухгалтерия ҳисоби маълумотларини қайд этиш, гуруҳлаш ва жамлашда қўлланилаётган ахборот ташувчиларни номи, шакли, мақсади, юритилиш тартиби ва бошқа жиҳатларига қараб ҳар хил турларга ажратиш мумкин. Номланишига кўра ҳисоб регистрлари қуйидагиларга бўлинади: 1. Китоблар 2. Журнал-ордерлар 3. Қайдномалар 4. Мемориал-ордерлар 5. Карточкалар

6. Машинограммалар 1.Китоблар - булар хўжалик операцияларини қайд этиш учун мўлжалланган ҳисоб варақаларини ўз ичига олган, муқоваланган ва тикилган ҳисоб регистрлари. Уларга мисол этиб Касса китобини, Бош китобни, иш ҳақи ҳақи китобини, асосий воситалар ҳисоби китобини, келиб тушган юкларни қайд этиш китобини ва бошқаларни келтириш мумкин. Ушбу ҳисоб регистрларининг афсаллиги шундаки, улар у ёки бу маълумотларни бир неча ҳисобот даври учун ўзида мужассамлаштиради, бу маълумотларни йўқолиб кетмаслигига, яхши сақланишига имкон беради. Шу билан бирга улар фақат қўлда юритишга мўлжалланган, замонавий компьютерларнинг имконларидан бу китобларни айнан шу кўринишида учун фойдаланиб бўлмайди. Бухгалтерия ҳисобида қўлланиладиган китоблар ичида муҳим ролни Бош китоб ўйнайди. Ушбу китоб ҳисобот йилининг бошида очилади, унда ҳар бир счетга алоҳида варақ ажратилади. Китобга ёзувлар ойма-ой уларга ажратилган қаторларда кўрсатилади. Бош китобда счетларнинг дебет томони ёзувлари барча корреспонденцияланадиган кредит счетлар бўйича акс эттирилади, кредит томони ёзувлари жамланган ҳолда кўрсатилади. 2.Журнал-ордерлар - бу маълумотларни счетларнинг кредити бўйича гуруҳланган ҳолда қайд этишга мўлжалланган регистрлар. Айнан журнал- ордерлар Бош китобнинг кредитида жамланган ҳолда кўрсатилган маълумотларни барча корреспонденцияланадиган дебет счетлар бўйича акс эттиради, яъни журнал- ордерлар Бош китобнинг тўлдирувчиси, давоми ҳисобланади. Ўзбекистон Республикасида бухгалтерия ҳисоби счетлари бўйича турли журнал - ордерларни юритиш кўзда тутилган, масалан 50 «Касса» счёти бўйича №1, 51 «Ҳисоб-китоб счети» бўйича № 2, 60 «Таъминотчилар ва пудратчилар билан ҳисоб-китоблар» счети бўйича № 6, шунингдек бошқа счетлар бўйича бошқа журнал-ордерлар юритилади. Журнал-ордерлар бухгалтерия ҳисобини журнал- ордер шаклининг асосини ташкил этади.

3.Қайдномалар -бу счетларнинг дебети бўйича аналитик ҳисобни олиб боришга мўлжалланган регистрлар. Қайдномалар ҳам турли счётлар бўйича ҳар хил шакл ва мазмунда юритилади. 4.Мемориал-ордерлар - бу маълумотларни бир вақтнинг ўзида счетларнинг ҳам дебети, ҳам кредити бўйича гуруҳланган ҳолда қайд этишга мўлжалланган регистрлар. Ушбу регистрлар бухгалтерия ҳисобини мемориал-ордер шаклининг асосини ташкил этади. 5.Карточкалар - булар хўжалик операцияларини қайд этиш учун мўлжалланган ва алоҳида ҳисоб варақалари сифатида қалин қоғозга ёки картон қоғозга типографик усулда маълум шаклда тайёрланган регистрлар. Уларга мисол этиб омбор ҳисоби карточкасини, ходимнинг шахсий счети карточкасини, автомобиллар иши ҳисоби карточкасини ва бошқаларни келтириш мумкин. 6.Машинограммалар - булар замонавий компьютерларда тегишли алгоритмлар ва дастурлар асосида шаклланган аналитик ва синтетик ҳисоб, шунингдек молиявий ҳисобот регистрлари. Машинограммалар бухгалтерияҳисобининг компьютерлаштирилган шаклини асосини ташкил этади. Мақсадига кўра бухгалтерия ҳисобида қўлланиладиган барча ҳисоб регистрлари қуйидагиларга бўлинади: Аналитик ҳисоб регистрлари - бу счётлар бўйича юритиладиган қайд этиш китоб ва журналлари, журнал-ордерлар. 1. Синтетик ҳисоб регистрлари - бу йиғма журнал-ордерлар ва бош китоб. 2. Йиғма ҳисоб регистрлари - бу молиявий ҳисобот шакллари. ҲИСОБ РЕГИСТРЛАРИНИ ЮРИТИШ ВА ТЎЛҒАЗИШ ТАРТИБИ Ҳисоб регистрларини юритиш ва тўлғазиш ўз тартибига эга. Бу тартиблар қуйидагилардан иборат. Дастлаб, аналитик ҳисоб регистрлари - қайд этиш китоб ва журналлари, журнал-ордерлар юритилади. Улар ҳар ойда очилади ва ёпилади.

Кейин синтетик ҳисоб регистрлари - Бош китоб юритилади. Бош китоб маълумотлари ҳар ойда оборот ведомости тузишга асос бўлади. Оборот ведомости асосида жамлама регистрлари - йиғма ҳисобот шакллари тўлғазилади. ҲИСОБ РЕГИСТРЛАРИДАГИ ХАТОЛИКЛАР ВА УЛАРНИ ТУЗАТИШ УСУЛЛАРИ Бухгалтерия ҳисоби регистрларида турли сабабларга кўра ҳар хил хатоликларга йўл қуйилиши мумкин. Бу хатоликлар ёзувлардаги грамматик, орфографик, ҳисоб-китоблар қилишдаги арифметик ва бошқа хатоликлардан иборат бўлади. Юқоридаги хатоликларни тузатишда бухгалтерия ҳисобида қуйидаги усуллар қўлланилади: (1) корректура усули; (2) сторно ёки ―қизил ёзув‖ усули; (3) қўшимча ёзув (ўтказма) усули Корректура усули Ушбу усулда ёзувлардаги грамматик, орфографик, ҳисоб-китоблар қилишдаги арифметик ва бошқа хатоликлар устидан бир чизиқ тортилади. Шундан сўнг усти, ёни қисмига тўғри ёзув қилинади. Ёзувни тўғриланганлиги «Тузатишга ишонилсин» ёзи билан тасдиқланиб, имзоланади. Бу усулдан ҳисоб регистрлари маълумотлари жамланмагунча фойдаланилади. Мисол: счётда 1800000 сўмлик операция 1500000 сўм бўлиб ўтган.

Ушбу усул регистрларда сумма ортиғи билан кўрсатилганда ва улар жами маълумотлардан жой олганда қўлланилади. Бу хатоликлар кейинги ҳисобот даврларида тўғриланади. Бунинг учун суммаси берилган ёзув (ўтказма) қайтарилади, фақат фарқ сумма қизил ёзув билан ёки минус ишораси билан кўрсатилади. Қизил ёзув умумий суммадан айиришни билдиради. Тузатиш махсус маълумотномаси билан расмийлаштирилади ва тасдиқланади.

Ушбу усул регистрларда сумма камқилиб кўрсатилганда ва улар жами маълумотлардан жой олганда қўлланилади. Бу хатоликлар кейинги ҳисобот даврларида тўғриланади. Бунинг учун суммаси берилган ёзув (ўтказма) қайтарилади, фақат фарқ суммага. Қўшимча ёзув умумий сумма устига қўшилади. Тузатиш махсус маълумотномаси билан расмийлаштирилади ва тасдиқланади. Мисол: счётда 1800000 сўмлик операция 1500000 сўм бўлиб ўтган.

БУХГАЛТЕРИЯ ҲИСОБИ ШАКЛЛАРИ ВА УЛАРДА ҲИСОБНИ ЮРИТИШ ТЕХНИКАСИ ТЎҒРИСИДА ТУШУНЧА Ҳисоб шакли - бу бухгалтерия ҳисоби маълумотларини қайд этиш, гуруҳлаш ва йиғишда қўлланиладиган регистрларнинг тизимли мажмуаси. Бухгалтерия ҳисоби амалиётида унинг журнал - ордер, мемориал- ордер, китоб-журнал, бош журнал, компьютерлаштирилган, ихчамлаштирилган шакллари мавжуд ва улар иқтисодиётнинг турли тармоқ ва соҳаларида қўлланилиб келинмоқда. Бухгалтерия ҳисоби цикли қайси ҳисоб шаклидан қатъий назар ўз ичига қуйидаги муолажаларни (процедураларни) олади: 1. Счётларни очиш. 2.Юз берган операцияларни ҳужжатлаштириш ва қайд этиш. 3.Юз берган операцияларни счётларга ўтказиш (яъни счётларга ёзиш). 4.Счётларни ёпиш. 5.Дастлабки балансни тузиш (синов балансини тузиш). 6.Тузатиш ёзувларини киритиш (зарур ҳолларда) 7.Тузатиш ёзувларини эътиборга олган ҳолда тузатилган синов балансини тузиш.

8. «Фойда ва зарарлар тўғрисида ҳисобот‖ ни тузиш. 9. Якуний балансни тузиш. БУХГАЛТЕРИЯ ҲИСОБИНИ МЕМОРИАЛ-ОРДЕР ШАКЛДА ЮРИТИШ Бухгалтерия ҳисобининг ушбу шакли негизида, кўриниб турибдики, мемориал-ордерлар ётади. Мемориал- ордерлар бухгалтерия ҳисобининг ҳар бир счёти бўйича қуйидаги шаклда юритилади:

Мемориал-ордерларга ёзувлар касса китоби, бошқа аналитик ҳисоб регистрлари ва бошланғич ҳужжатлар асосида ўтказилади. Мемориал- ордерларнинг йиғма маълумотлари Бош китобга ўтказилади. Бош китоб маълумотлари асосида молиявий ҳисоботнинг тегишли шакллари тўлғазилади. БУХГАЛТЕРИЯ ҲИСОБИНИ ЖУРНАЛ-ОРДЕР ШАКЛДА ЮРИТИШ Бухгалтерия ҳисобининг ушбу шакли негизида, кўриниб турибдики, журнал-ордерлар ҳамда ёрдамчи ва ишлов қайдномалари ётади. Бухгалтерия ҳисобининг журнал-ордер шаклида ҳар бир счёт ёки бир нечта счётлар бўйича алоҳида журнал- ордерлар юритилади. Барча счётларнинг дебети бўйича ёрдамчи ва ишлов қайдномалари, кредит томони бўйича эса «Журнал- ордер»лар тузилади. Бухгалтерия ҳисобини журнал-ордер шаклида қўлланиладиган журнал-ордерлар ҳамда қайдномалар рўйхати қуйидаги жадвалларда келтирилган.

Бухгалтерия ҳисоби журнал-ордер шаклида қўлланиладиган журнал-ордерлар Шакл т/ р Қайси счётларнинг кредити бўйича 1 5000 «Кассадаги пул маблағларини ҳисобга олувчи счётлар» 2 5100 «Ҳисоб-китоб счётидаги пул маблағларини ҳисобга олувчи счётлар» 5200 «Чет Эл валютасидаги пул маблағларини ҳисобга олувчи счётлар» 3 5500 «Банкдаги махсус счётлардаги пул маблағларини ҳисобга олувчи счётлар» 4 6800 «Қисқа муддатли кредитлар ва қарзларни ҳисобга олувчи счётлар» 7800 «Узоқ муддатли кредитлар ва қарзларни ҳисобга олувчи счётлар» 6 6000 «Мол етказиб берувчи ва пудратчиларга тўланадиган счётлар» 7 6970 «Ҳисобдор шахсларга бўлган қарзлар» 8 6100 «Ажратилган бўлинмалар, шўъба ва қарам хўжалик жамиятларига тўланадиган счётлар» 6300 «Олинган бўнакларни ҳисобга олувчи счётлар» 6400 «Бюджетга тўловлар бўйича қарзлар (турлари бўйича) 6600 «Таъсисчиларга бўлган қарзни ҳисобга олувчи қарзлар» 6900 «Турли кредиторларга бўлган қарзларни ҳисобга олувчи счётлар» 10 1000 «Материалларни ҳисобга олувчи счётлар» 2000 «Асосий ишлаб чиқаришни ҳисобга олувчи счётлар» 2300 «Ёрдамчи ишлаб чиқаришни ҳисобга олувчи счётлар» 2500 «Умумишлаб чиқариш харажатларини ҳисобга олувчи счётлар» 2600 «Ишлаб чиқаришдаги яроқсизликларни ҳисобга олувчи счётлар» 2700 «Хизмат кўрсатувчи хўжаликларни ҳисобга олувчи счётлар» 3100 «Келгуси давр харажатларини ҳисобга олувчи счётлар» 3200 «Кечиктирилган харажатларни ҳисобга олувчи счётлар» 6500 «Суғурта ва мақсадли давлат жамғармаларига тўловлар бўйича

қарзни ҳисобга олувчи счётлар» 6700 «Меҳнат ҳақи бўйича ходим билан ҳисоблашишларни ҳисобга олувчи Счётлар» 11 9030 «Ишлар бажаришдан ва хизматлар кўрсатишдан даромадлар 9200 «Асосий воситалар ва бошқа активларнинг чиқиб кетишини ҳисобга олувчи счётлар» 9300 «Асосий фаолиятнинг бошқа даромадларини ҳисобга олувчи счётлар» 9410 «Сотиш харажатлари» 9420 «Бошқарув харажатлари» 9430 «Бошқа операцион харажатлар» 12 8300 «Устав капиталини ҳисобга олувчи счётлар» 8400 «Қўшилган капитални ҳисобга олувчи счётлар» 8500 «Резерв капиталини ҳисобга олувчи счётлар» 8700 «Тақсимланмаган фойда (қопланмаган зарар)ни ҳисобга олувчи счётлар 8800 «Мақсадли тушумларни ҳисобга олувчи счётлар» 8900 «Келгуси харажатлар ва тўловлар резервларини ҳисобга олувчи счётлар» 13 0100 «Асосий воситаларни ҳисобга олувчи счётлар» 0200 «Асосий воситалар эскиришини ҳисобга олувчи счётлар» 0400 «Номоддий активларни ҳисобга олувчи счётлар» 0500 «Номоддий активларни эскиришини ҳисобга олувчи счётлар» 15 6200 «Кечиктирилган мажбуриятлар (даромадлар)ни ҳисобга олувчи счётлар» 9800 «Солиқлар ва йиғимларни тўлаш учун фойдани ишлатилишини ҳисобга олувчи счётлар» 9900 «Якуний молиявий натижани ҳисобга олувчи счётлар» 16 0700 «Ўрнатилмаган асбоб-ускуналарни ҳисобга олувчи счётлар» 0810 «Капитал қуйилмаларни ҳисобга олувчи счётлар»

Бухгалтерия ҳисоби журнал-ордер шаклида қўлланиладиган ёрдамчи ва ишлов қайдномалари Журнал-ордерлар ва қайдномаларнинг шакли намуна тарзида 5010 «Касса» счёти бўйича юритиладиган 1-журнал-ордер ва 1-қайднома мисолида қуйида келтирилган.

Журнал-ордер шаклида тегишли журнал-ордерларга ёзувлар касса китоби, бошқа аналитик ҳисоб регистрлари ва бошланғич ҳужжатлар асосида ўтказилади. Қайдномалар ва журнал-ордерларнинг йиғма маълумотлари Бош китобга ўтказилади. Бунда Бош китобда счётнинг дебетидаги ёзувлар счётлар корреспонденцияси кесимида, кредитида эса умумий суммада ойма-ой кўрсатилади. Ушбу шаклда ҳам Бош китоб маълумотлари асосида молиявий ҳисоботнинг тегишли шакллари тўлғазилади. БУХГАЛТЕРИЯ ҲИСОБИНИ ИХЧАМЛАШТИРИЛГАН ШАКЛЛДА ЮРИТИШ

Бухгалтерия ҳисобининг ушбу шакли негизида, кўриниб турибдики, хўжалик операцияларини қайд этиш журнали ёки журналлари ётади. Республикамизнинг 20-сон БҲМС «Кичик тадбиркорлик субъектлари томонидан ҳисобни юритиш ва ҳисоботни тузишнинг ихчамлаштирилган тартиби»га мувофиқ ушбу шаклда бухгалтерия ҳисобини юритишда қўлланиладиган регистрлар белгиланган. Бухгалтерия ҳисобининг ихчамлаштирилган шаклида ҳисобот даври давомида юз берган барча операциялар махсус «Хўжалик операцияларини қайд этиш журнали»да қайд этилади. Ушбу журнал барча счётлар бўйича қуйидаги кўринишда юритилади. Хўжалик операцияларини қайд этиш журнали № Ҳужжат Операция мазмуни Счётлар корреспонденцияси Сум ма № Сана Дебет Креди т Жами сумма Ихчамлаштирилган шаклда хўжалик операцияларини қайд этиш китобида акс эттирилган ёзувлар асосида Бош китоб юритилади, охиргиси асосида эса молиявий ҳисоботнинг тегишли шакллари тўлғазилади.

БУХГАЛТЕРИЯ ҲИСОБИНИ КОМПЬЮТЕРЛИ ШАКЛДА ЮРИТИШ Бухгалтерия ҳисобининг ушбу шакли негизида, кўриниб турибдики, компьютер хотирасида ягона маълумотлар базасини яратиш ётади. Ушбу маълумотлар базаси бухгалтерлар томонидан юз берган операцияларга гувоҳлик берувчи бошланғич ҳужжатлар маълумотларини компьютерга киритиш орқали шакллантирилади. Ягона маълумотлар базаси асосида бухгалтерия ҳисобининг барча счётлари бўйича синтетик ва аналитик ҳисоб регистрлари машинограммалар кўринишида босмадан чиқади. Компьютерга киритилган дастурга асосан синтетик ва аналитик ҳисоб регистрлари журнал-ордерлар ёки мемориал- ордерлар кўринишларида ҳамда Бош китоб ва молиявий ҳисоботнинг тасдиқланган шаклларида олинади. Ҳозирги пайтда республикамизда бухгалтерия ҳисобининг компьютерлаштирилган шакли «1 СБухгалтери», «АКА», «БЭМ» дастурлари асосида қўлланиб келинмоқда.

Адабиётлар : 1. Бакиева Х., Ризаев Н. Бухгалтерия хисоби назарияси. Укув кулланма. -Т.: Иктисод-молия, 2008 2. Каримов А., Исломов Ф., Авлокулов А. Бухгалтерия хисоби. Дарслик. -Т.: Шарк, 2004. 3. Пардаев А.Х., Пардаев Б.Х. Бошкарув хисоби. Укув кулланма. - Т.: Г.Еулом номидаги адабиѐт ва санъат нашриѐти, 2008. 4. Сатывалдыева Д.А. Бухгалтерский учет. Учебник. -Т.: IQTISODIYOT . 2015 г. 580 с. 5. Хамдамов Б.К., Исломов Ф.Р., Авлокулов А.З. Молиявий хисобот. Укув кулланма. - Т.: ―ИКТИСОД-МОЛИЯ‖, 2008. 7. Дусмуратов Р. Кишлок хужалигида бухгалтерия хисоби ва статистика асослари. -Т: Фан ва технология‖, 2014. 8. Жураев Н., Абдувохидов Ф., Сотиволдиева Д. Молиявий ва бошкарув хисоби. Дарслик (лотин алифбосида). -Т.: 2012 й. 480 б. 9. Холбеков Р.О. Бухгалтерия хисоби назарияси (лотин алифбосида). -Т.: Чулпон номидаги нашриѐт-матбаа ижодий уйи, 2011 й. 200 б.

O'xshashlar

Бухгалтерия хисобининг регистрлари ва шакллари

Автотранспорт корхонаси бухгалтерия хисобининг предмети ва усуллари

Узбекистон Республикасида бюджет хисоби ва хисоботини ташкил килиш

Бюджет муассасаларида бухгалтерия хисобини ташкил килиш ва унинг вазифалари

Хисоботнинг мохияти, ахамияти даврий ва йиллик хисобот