Асосий воситалар ва номоддий активлар хисоби аудити - Iqtisodiyot - Referatlar

Асосий воситалар ва номоддий активлар хисоби аудити

Yuklangan vaqt:

20.09.2019

Ko'chirishlar soni:

0

Hajmi:

164 KB

Ko'chirib olish

Асосий воситалар ва номоддий активлар хисоби Режа: 1. Асосий воситаларни мохияти турлари ва бахоланиши. 2. Асосий воситаларни эскириши, емирилиши, амортизацияси тушунчаси ва хисоби. 3. Асосий воситаларни келиши ва чикиб кетиши хисоби 4. Номоддий активларни туркумлаш ва бахолаш 5. Илмий текшириш ва тажриба конструкторлик ишлари буйича харажатларни хисобга олиш

1. Асосий воситаларни мохияти турлари ва бахоланиши. Узок муддатли активларга асосий воситалар ва номоддий активлар, шунингдек узок муддатли молиявий куйилмалар ва капитал куйилмалар киради. Асосий воситалар ва номоддий активлар деб бир йилдан купрок фойдали хизмат килиш муддатига эга булган ишлаб чикариш, маъмурий максадлар учун фойдаланиладиган ва кайта сотиш учун мулжалланмаган активларга айтилади. Моддий активлар (асосий воситалар ) — жисмоний, табиий куринишга эга булган ва узок муддат фойдаланиладиган активлар булиб, уларга ер , бинолар , иншоотлар , ва табиий ресурслар киради. Моддий активлар уч гурухга булинади: 1. Амортизация килинишига тегишли булганлар активлар: масалан бинолар, иншоотлар, ускуналар, мебель, курилмалар. 2. Емирилишга тегишли булган активлар: фойдали казилмалар, урмон бойликлари. 3. Емирилишига тегишли булмаган ёки амортизацияга тегишли булмаган активлар булиб ЕР хисобланади. Ер (БХХС мувофик) амортизацияланмайди. Шунингдек унинг киймати камаймайди ва ишлаб чикариш фаолияти давомида емирилмайди. Ерни келгусида кийматини ошириш учун килинган харажатлар Ер счётига олиб борилади. Ер майдонида амалга оширилган курилиш ишлари харажатлари мос холда бино ёки иншоот счётларида акс эттирилади. Ерни ободонлаштириш - ерни кийматини оширмасдан турли харажатларни амалга оширишни ифодалайди. Ерни ободонлаштиришга килинган харажатлар Ер счётига эмас, Ерни ободонлаштириш счётига олиб борилади. Келгусида бу харажатлар амортизация килинади. Бундай харажатларга мисол сифатида ер майдонини тусиклар билан тусиш, машина тухташ жойларини барпо этиш ва хоказоларни киритиш мумкин. Номоддий активлар куйидаги активлар сифатида аникланади: 1. Компания фаолиятида фаол катнашади. Инвестиция сифатида ёки кайта сотиш максадида сакланилмайди. 2. Режа буйича жорий хисобот даври тугашидан сунг манфаат келтиришим керак. 3. Хамма вакт хам моддий асосга эга эмас. Узок муддати активлар фойдали хизмат килиш муддати давомида даврий амортизация килинади. Асосий воситалар ва номоддий активлар хисобида иккита масала мавжуд: 1. Жорий хисобот даврида улар кийматининг кандай кисмини хисобдан чикаришни аниклаш. 2. Балансда курсатилган кийматни копланишини хисоблаш. Бу масалани ечиш учун 4 та масалага жавоб бериш керак:  Асосий воситаларнинг бошлангич кийматини кандай аниклаш керак

 Асосий воситаларнинг бир кисмини харажатларга кандай олиб бориш керак  Асосий воситаларни таъмирлаш, техник хизмат курсатиш ва улардан фойдаланиш билан боглик харажатлар хисобини кандай олиб бориш керак.  Хисобда асосий воситалар ва номоддий активларнинг чикиб кетишиникандай ифодалаш керак. Бухгалтерия хисобида асосий воситалар турли бахоларда бахоланади. Бунинг сабаби, уларни хисобда тугри акс эттиришдир. Асосий воситалар корхонада бир неча йил давомида фойдаланилганлиги учун уларни бахолаш долзарб масаладир. Бухгалтерия хисобининг халкаро стандартлари (БХХС)га мувофик асосий воситалар киймати деганда куйидаги тушунча тушунилади: Асосий воситаларни сотиб олиш, куриш, ишлаб чикариш еки холатини яхшилаш билан боглик тугридан-тугри харажатларни жумладан, ундан максадли фойдаланиш учун зарур булган урнатиш билан боглик булган харажатларни уз ичига олади. Хисобда асосий воситалар куйидаги бахоларда бахоланади. 1. Бошлангич киймат — бу асосий воситаларни яратиш ( куриш ва кайта куриш) еки сотиб олиш буйича хакикий амалга оширилган харажатлар киймати булиб, жумладан туланган ва кайта копланмайдиган соликлар ва йигимлар, шунингдек ташиб келтириш ва монтаж килиш, урнатиш ва фойдаланишга топшириш буйича харажатлар ва активни тайёрланиши буйича фойдаланиш учун ишчи холатга келтириш билан бевосита боглик булган бошка харажатларни уз ичига олади. Асосий воситаларнинг бошлангич киймати инфляция суъратини хисобга олган холда маълум даврда кайта бахоланади. ( Узбекистон Республикасида хукумат карорига мувофик асосий воситалар киймати оширилади). Кайта бахолаш натижасидан кейинги асосий воситалар киймати кайта тиклаш киймати деб аталади. 2. Жорий киймат — бу маълум санада амал килаётган бозор бахолари буйича асосий воситаларнинг киймати еки узаро манфаатдорлик томонлар уртасида активларни алмаштириш мумкин булган суммадир. 3. Колдик киймат — асосий воситаларнинг бошлангич киймати еки жорий кийматидан тупланган амортизация суммасини айирмасидан кейинги хисоботда акс эттириладиган кийматдир. 4. Тугатиш киймати — бу асосий воситаларнинг фойдали хизмат килиш муддати охирида асосий воситаларни тугатишда пайдо буладиган кийматдан тахмин килинаётган чикиб кетиш харажатларларини айиргандан кейинги тахмий кийматдир. 2.Асосий воситаларни эскириши, емирилиши, амортизацияси тушунчаси ва хисоби. Бухгалтерия хисоб тамойилларига кура асосий воситаларга уларнинг фойдали муддати давомида эскириш хисобланиши таказо этилади. Бу жараён

хисобот даврлари буйича бир текисда таксимланиш оркали амалга оширилиб, хисобда амортизация деб номланади. Активларнинг хизмат муддатларининг чекланганлигига иккита асосий сабаб мавжуд: 1. Активлар жисмоний эскиришга тегишли. 2. Активлар маънавий эскиришга тегишли. Амортизация мидорини хисоблашга таъсир этувчи омиллар: 1. Бошлангич киймати 2. Колдик киймати 3. Амортизация килинаётган киймати 4. Тахмин килинаётган фойдаланиш муддати Амортизацияни хисоблаш усуллари 1. Кийматни бир текисда хисобдан чикариш усули 2. Бажарилган ишлар хажмига пропорционал равишда амортизацияни хисоблаш усули (ишлаб чикариш усули) 3. Тезлаштирилган хисобдан чикариш усули :  Сонлар йигиндиси буйича кийматни хисобдан чикариш усули  Колдикни камайтириш усули Кийматни бир текисда хисобдан чикариш усули Бу усулга мувофик объектнинг амортизацияланадиган киймати унинг хизмат килиш муддати даври мобайнида бир текисда хисобдан чикарилади. Ушбу усул амортизация хизмат муддатининг узок давом этишига богликлигига асосланади. Харажатлар бир давр учун амортизацион чегирмалар суммаси амортизацияланадиган киймати (объектнинг бошлангич кийматидан унинг тугатиш кийматини айирмаси) объектни эксплуатация килишнинг хисобот даври сонига булиш оркали хисобланади. Масалан : юк машинасининг бошлангич киймати 10 000 сум , унинг беш йил муддатли эксплуатацияси охиридаги колдик киймати 1 000 с. Бу холда хар йиллик амортизация суммаси амортизацияланадиган кийматнинг 20 % ни ташкил килади еки тугри чизикли хисобдан чикариш усулига биноан 1 800с ни ташкил этади. Бу хисоблар куйидагича бажарилади : Бошлангич киймат — Колдик киймат 10 000 — 1 000 -------------------------------------------------- = ------------------------= 1 800 Хизмат килиш муддати 5 Б) Бажарилган ишлар хажмига пропорционал равишда амортизацияни хисоблаш усули (ишлаб чикариш усули ) Бу усулда амортизация (эскириш) факат эксплуатация натижасидир ва уни хисоблаш жараенида вакт даврлари рол уйнамайди деган фикрга асосланади. Фараз килайлик, юкорида суз юритилган юк машинаси , маълум микдорда операциялар бажара оладиган булсин, унинг юриш хажми

90 000 км. хисобланган. Амортизация харажатлари хар бир километрлик учун куйидагича аникланади : Бошлангич киймат — Колдик киймат 10 000 — 1 000 --------------------------------------------------= ----------------------= 0.1 хар км Тахмин килинаётган ишлар сони 90 000 Агарда фараз килсак, эксплуатациянинг биринчи йилда юк машинаси 20 000 км. юрган булсин , иккинчи йил — 30 000 км. , учинчи йил —- 10 000 км. , туртинчи йил — 20 000 км. ва бешинчи йил — 10 000 км. , унда амортизация хисоби жадвали куйидаги куринишда булади : Бошлан- гич киймат Юриши км. Йиллик амортиза- ция суммаси Жамгари лган амор- тизация Баланс киймати Харид санаси 10 000 — — — 10 000 1-йил охири 10 000 20 000 20 000 2 000 8 000 2-йил охири 10 000 30 000 30 000 5 000 5 000 3-йил охири 10 000 10 000 10 000 6 000 4 000 4-йил охири 10 000 20 000 20 000 8 000 2 000 5-йил охири 10 000 10 000 10 000 9 000 1 000 Бу усулга мувофик харажатлар бир объектни тахмин килинаётган фойдали хизмат муддатини аниклашда кулланиладиган иш еки фойдаланиш бирлиги маълум активларга мос келиши керак. В) Тезлаштирилган хисобдан чикариш усули :  Сонлар йигиндиси буйича кийматни хисобдан чикариш усули Бу усул кандайдир объектни хизмат килиш йиллари суммаси оркали аникланади ва бу сумма хисоблаш коэффициентида махраж булиб хизмат килади. Бу коэффициентнинг суъратида объектнинг хизмат муддати охиригача колган йиллар сони туради.( тескари тартибда ). Масалан, юк машинасининг тахмин килинаётган фойдали хизмат муддати 5 йил . Фойдаланиш йиллари суммаси — 15 йил(кумулятив сон): 1+2+3+4+5+=15 Сунгра , хар бир касрни 9 000 га (10 000 — 1 000 ) тенг булган амортизацияланадиган кийматга купайтириш йули оркали хар йиллик амортизация суммаси аникланади : 5/15, 4/15, 3/15, 2/15, 1/15 Бу холда амортизация чегирмалари суммаси куйидаги куринишда булади : Бошлангич Йиллик Жамланган Баланс

киймат амортизация суммаси амортизаци я киймат и Харид санаси 10 000 — — 10 000 1-йил охири 10 000 (5/15х9 000)=3 000 3 000 7 000 2-йил охири 10 000 (4/15х9 000)=2 400 5 400 4 600 3-йил охири 10 000 (3/15х9 000)=1 800 7 200 2 800 4-йил охири 10 000 (2/15х9 000)=1 200 8 400 1 600 5-йил охири 10 000 (1/15х9 000)= 600 9 000 1 000 Жадвалдан куриниб турибдики, энг катта амортизация суммаси 1 йилда хисобланади. кейин йилма-йил камаяди. Жамланган амортизация оз-оздан ортиб боради, баланс киймати колдик кийматга етиб бормагунча хар йили амортизация суммасига камайиб боради.  Камайиб борувчи колдик усули Бу усул сонлар йигиндиси усули тамойилларига асосланган. Бу усулда хар кардай катъий ставка кулланилиши мумкин булса хам ,аммо купинча тугри чизикли усулда фойдаланган нормал ставкага нисбатан икки карра купайтирилган меъёр кулланилади. Бу жараён иккиланган амортизацияда камайиб борувчи колдик усули деб аталади Олдинги мисолда юк машинасининг фойдали хизмат муддати 5 йилга тенг эди. Тугри чизикли амортизациялаш усулида хар йилги меъёр мос равишда 20% ( 100% /5) ни ташкил килади. Камайиб борувчи колдик усулида хисобдан чикаришнинг иккиланган меъёрида амортизация меъёри 40% (20% х2) га тенг булади. Кайдкилинган ушбу 40% хар йил охирида баланс кийматига купайтирилади. Амортизацияни хисоблашда тахмин килинаётган колдик киймати, охириги йилдагисидан ташкари хисобга олинмайди.Бу усулни ифодаловчи жадвал пастда келтирилган : Бошлангич киймат Йиллик амортизация суммаси Жамланган амортизаци я Баланс киймати Харид санаси 10 000 — 10 000 1-йил охири 10 000 (40%х10 000)=4 000 4 000 6 000 2-йил охири 10 000 (40%х6 000)=2 400 6 400 3 600 3-йил охири 10 000 (40%х3 600)=1 440 7 800 2 160 4-йил охири 10 000 (40%х2 160)= 864 8 704 1 296 5-йил охири 10 000 1 296 — 1 000= 296 9 000 1 000 3.Асосий воситаларни келиши ва чикиб кетиши хисоби

Бинолар, иншоотлар, ускуналар, машиналарнинг сотиб олиш кийматига ташиб келиш, монтаж килиш, урнатиш, ва фойдаланишга топшириш билан боглик булган харажатлар киради. Асосий воситаларни сотиб олиш ва фойдаланиши билан боглик булган харажатлар ёки даромад олиш билан боглик булган харажатлар шаклида хисобга олинади. Хисобот даври тугагандан кейин хам капитал куйилмалар манфаат келтириши кутилади. Шунинг учун, бундай харажатлар капиталлаштирилади, улар активларни сотиб олиш деб тавсифланади. Хисобда активнинг мос келадиган счётининг дебети буйича хисобга олинади. Активнинг капиталлаштирилган киймати жорий ва келгуси даврлар учун амортизация харажатлари деб тан олинади ва хисобдан шу йул оркали чикарилади. Сотиб олингандан кейин активни фойдаланишга топширишдан олдин активни таёрлашга килинган барча харажатлар активнинг кийматига кушилади. Ускуналар урнатиш ва реконструкция килиш харажатлари, бинони модернизация килиш ва таркибий узгартиришлар ва яъни сотиб олинган ёки фойдаланилаётган активлар билан тугридан - тугри боглик шунга ухшаш харажатлар активнинг бошлангич кийматининг кисми сифатида капиталлаштирилади. Модернизация вактидаги устама харажатлар, жумладан сугурта тулови, соликлар, назорат идораларига туловлар, шунингдек олдин фойдаланишда булган активни таъмирлаш билан тугридан - тугри боглик булган ёрдамчи харажатлар хам капиталлаштирилади. Бу харажатлар активнинг кийматини оширади ва компания учун узок муддатли манфаатларга олиб келади. Активнинг умумий кутилаётган фойдалилигини оширмайдиган харажатлар капитализация килинмайди. Олинган активни таъмирлаш билан боглик булган шунга ухшаш харажатлар капитализация килинмайди. Масалан, асосий воситаларни урнатишда пайдо булган шикастланишларни таъмирлаш харажатлари капитализация килинмайди. Асосий воситалар бир неча йуллар билан сотиб олинади: 1. Пул маблаглари эвазига. 2. Сотиб олувчи корхона капиталининг акцияларга алмашиши оркали. 3. Бошка субъектлардан хадя сифатида. 4. Кредит хисобига. 5. Курилиш йули билан. 6. Бошка активларга алмашиш билан. Ерни сотиб олишда, купинча унинг кийматидан ортикча булган кушимча харажатлар пайдо булади. Бу харажатлар Ер счёдида ернинг киймати каби ифодаланади. Бир неча активни бир вактнинг узида умумий суммага сотиб олиш. Амалиётда паушал усул ёки саватли усул деб номланган бир неча активни бир вактда умумий суммага сотиб олиш усули мавжуд. Бундай холлларда хар бир активнинг дастлабки бахосини аниклаш асосий муаммо булиб хисобланади. Чунки аникланган киймат активни эскириши учун асос

булиб хисобланади. Саватли усулда сотиб олинган активларнинг хар бирини киймати аникланиши ва мос счётга олиб борилиши керак. Масалан ерни бахолаш буйича харажатлар факат ер счётига олиб борилиши керак. Колган суммалар белгиланган холда бошка активларга таксимланади. Асосий воситаларни сотиб олингандан кейин уни саклаб туриш учун харажатлар килинади. Бу харажатлар 4 асосий категорияларга булинади : 1. Ишчи холатида саклаб туриш ва жорий таъмирлаш 2. Яхшилаш 3. Кушимчалар киритиш 4. Кайта куриш ва бошкариш Саклаб туриш ва жорий таъмирлашларнинг харажатларини хисоблашда 2 усулдан фойдаланилади : — пайдо булиши буйича хисобга олиш усули — бу буйича харажатларни уларга зарурат пайдо булганда хисобга олишни ва харажатларни бутун давр давомида таксимлашни назарда тутади. — таксимлаш усули — бу усулдан фойдаланиб жорий таъмирлаш систематик характерга эга булган ва хажм буйича учун ахамиятли булганда тавсия килинади. Бу усулдан фойдаланилганда жорий йилда кутилаётган таъмирлаш учун тахмин килинаётган харажатларнинг умумий хажми бахолари сунгра вакт ёки ишлаб чикариш хажми асосида вазиятдан келиб чиккан холда таксчимланади. Асос булиб вакт хизмат килган холда харажатлар бир оралик давр учун таъмирлаш ва саклаб туриш суммаси аникланади. Тахмин килинаётган сумма учун асосий воситалар хисобварагида контур хисобвараги очилади. Жорий таъмирлаш ва саклаб туришнинг хакикий харажатлари контур хисобварагида акс эттирилади.

КЕЙИНГИ КАПИТАЛ КУЙИЛМАЛАР. Асосий воситаларларга килинган капитал куйилмалар активнинг баланс кийматига кушилади, качонки капитал куйилмалар активнинг холатини бошлангич бахоланган норматив курсаткичларидан юкорирок даражада яхшилаб келгусида иктисодий манфаатни ошишига олиб келадиган эхтимоли мавжуд булса. Яхшиланиши натижасида иктисодий манфаатдорликни ошишига олиб келувчи мисоллар булиб, куйидагилар хизмат килади : 1. Активнинг фойдали фаолияти муддатини узайтириш билан бирга кувватини ошириш максадида реконсрукция килиш 2. Ускунада ишлаб чикарилган махсулотнинг сифатини яхшилаш максадида, ушбу ишлаб чикариш ускунасининг кисмларининг сифатини ошириш 3. асосий фаолиятнинг дастлаб бахоланган харажатлари камайтиришга олиб келадиган янги ишлаб чикариш жараёнларини куллаш Бошка барча капитал куйилмалар, улар амалга оширилган даврда харажатлар сифатида тан олиниши керак. Мисол учун: Асосий воситаларни таъмирлаш еки техник хизмат курсатиш, корхона кутаётган дастлабки бахоланган меъёрий курсаткичлар бошлангич даражасидаги иктисодий манфаатларни ушлаб туриш еки кайта тиклаш учун амалга оширилади. Капитал харажатлар еки капитал куйилмалар деб — асосий воситаларни ва бошка узок муддатда фойдаланиладиган активларни сотиб олиш ва яратиш билан боглик булган харажатларга айтилади. Ускуналарни таъмирлаш еки хизмат курсатиш ёкилги сотиб олиш харажатлари, яъни корхона фаолияти учун зарур булган барча харажатлар капитал харажатларга еки чикимга киритилади, чунки улар ушбу хисобот даврида даромад олиш учун килинган харажатларни ифодалайди. Капитал куйилмалар — бу баланснинг активлар кисмида акс эттирилган харажатлардир ва бухгалтерия нуктаи назаридан харажатлар хисобланмайди. Харажатлар эса — бу чиким деб тан олинади ва таннархга олиб борилади. Асосий воситаларни, табиий ресурсларни, номоддий активларни сотиб олишдан ташкари капитал куйилмалар уз ичига асосий воситаларнинг усиши ва яхшиланишини олади. Асосий воситаларнинг ошиши деб — ишлаб чикариш кувватларининг жисмоний кенгайиши хисобланади. агарда бинога янги канот курилса ва бир неча йилдан сунг, бу харажатлардан даромад олиш кутилса, бу канотларни куришга кетган харажатлар “бино” хисобварак дебетида акс эттирилади. Одатдаги харажатларга жорий таъмирлаш, хизмат курсатиш, мойлаш, тозалаш, караб туриш туловлари яъни ускунани ишчи холатида ушлаб туриш учун зарур булган харажатлар киради. Асосий воситалар куйидагича усуларда чиким килинади: 1. Тугатиш 2. Сотиш 3. Алмаштириш 4. Кайтармаслик шарти билан бериш

5. Пай бадали куринишида бериш Хисобдан чикариш керак булган активнинг холатига объектнинг бошлангич киймати ва унинг хизмат муддатида хисобланган амортизация мос булган бухгалтерия хисобварагида хисобдан чикарилади. Объектнинг баланс киймати ва унинг сотилишидан тушган тушумнинг фарки молиявий натижалар тугрисидаги хисоботда фойда ва зарар моддасида ифодаланади. Мисол :Агар асосий воситанинг бошлангич киймати 6500* ,эскириши 46508 булса, учун сотилаётганда уртадаги фарк суммасига пул келиб тушганда куйидагича бухгалтерия ёзуви ёзилади: Дт пул маблаги 1850 Дт жамланган амортизация 4650 Кт ускуна 6500 Агар асосий восита 1000 га сотилган булса, учун холда курилган зарарга куйидагича бухгалтерия ёзуви берилади : Дт Пул маблаги 1000 Дт Жамланган амортизация 4650 Кт хисобдан чикаришдан зарар 850 Кт ускуна 6500 Агар асосий восита 2000 га сотилган булса, учун холда куйидагича бухгалтерия ёзуви берилади : Дт Пул маблаглари 2 000 Дт Жамланган амортизация 4650 Кт Хисобдан чикарилгандан олинган фойда 150 Кт ускуна 6500 4.Номоддий активларни туркумлаш ва бахолаш Номоддий активлар — хужалик юритувчи субъект томонидан фойдаланиш учун сакланадиган, узок муддатли давр давомида фойдаланиш учун сотиб олинадиган ва оддий фаолият давомида сотиш учун мулжалланмаган активлврдир. Номоддий активлар жисмоний куринишга эга булмаган асосий воситалар сифатида белгиланади. Уларнинг киймати эгасига узок муддатли хукук ва устунликлар беришда намоён булади. Номоддий активларнинг туркумланиши куйидагичадир. Энг куп таркалган номоддий активлар булиб, лицензиялар, патентлар, муаллифлик хукуклари, компьютер дастурий таъминоти, мижозларнинг руйхати, иимпорт квоталари, ноу-хаулар, франшизалар, савдо маркалари, ташкилий харажатлар ва муддати узайтирилган харажатлар ва гудвиллар хисобланади Номоддий активларнинг куйида тавсифи келтирилган: ПАТЕНТ — хукукий тан олинган ва руйхатдан утказилган мутлок хукук. Патент хукуки узининг эгасига патентга таалукли булган буюмни, жараённи ёки фаолиятни фойдаланиш, ишлаб чикариш, сотиш ва назорат килиш хукукини беради. Бунда четдан бошка шахслар бевосита аралаша олмайди.

САНОАТ ДИЗАЙНИНИ РУЙХАТДАН УТКАЗИШ — Бу ишлаб чикарилган буюмнинг шакли, намунаси ёки безакларига нисбатан берилган патентга ухшашдир. Саноат дизайнини руйхатдан утказишда ташки куриниш химоя воситасининг вазифасини бажарса, патент хизмат курсатишни химоя кила олади. Масалан, компания терминалининг янги дизайни дизайнни руйхатдан утказиш билан химояланади. Компьютер эса патент билан химояланади. МУАЛЛИФЛИК ХУКУКИ — бу муаллифларга адабиёт, мусика, тасвирий санъат ва бошка яратилган асарлар учун конун йули билан берилган химоя шаклидир. Муалифлик хукуки эгаларига бериладиган хукуклар — уз ишларини чоп эттириш, кайта босиш, ва купайтириш, сотиш ва нусхаларини таксимлаш ва уз асарларини ижро этиш хамда ёздириш хукукларини беради. САВДО МАРКАСИ ВА САВДО НАМУНАЛАРИ. Савдо маркалари (Масалан : нестле , адидас) ёки савдо намуналари (кока- кола) компаниялар томонидан махсулот ёки хизмат учун берилган номлар ёки идентификацияни аникловчи бошка размлар улар эгалик килишни асосли равишда олиб бориш учун руйхатдан утказилиши мумкин . Руйхатдан утзилган савдо маркалари ва савдо намуналари учун ноаник даврларга муддатни узайтириш йули билан енгилланиши мумкин. Бу холда номлар рамзлар ёки махсулот идентификациясини белгиловчи бошка рамзлар юридик хисобланади. ФРАНШИЗАЛАР — маълум бир формула, технология ёки ташки куринишини куллаш буйича узига хос хукук. Франшизалар (масалан : кабель телевиденияси компанияси) одатда хукумат органлари томонидан давлат мулкидан фойдаланиш хукукига эгалик килиш ёки коммунал хизмат курсатиш (электромонташ ) учун ва хужалик субъектлари томонидан конкрет бир ишлар ва конкрет хизматлардан фойдаланиш хукуки билан эгалик килиш учун такдим килинади. Франшиза тугрисидаги хар бир контракт франшизанинг амалда булиш даврини, шунингдек франчайзор (фойдаланиш хукукига имкон берувчи субъект) нинг хамда франчайзи (бу имтиёзни олувчи субъект )нинг хукук ва мажбуриятлари конкрет белгилаб берилади. ТАШКИЛИЙ ХАРАЖАТЛАР - бу фаолиятни ташкил килишга кетган харажатлардир. Ташкилий харажатларнинг базилари тугридан-тугри капитализацияланади. Бундай харажатларга мисол тарикасида хукукий масалалар буйича, бухгалтерия буйича, канцелярия товарлари учун килинган харажатларни келтириш мумкин. Ташкилий харажатларни капитализация килишнинг сабаби, улар келгусида даромад келтиради. Барча харажатларни биринчи йилда хисобдан чикариш харажатлар ва даромадларнинг мувофиклик тамойилига путр етказади. Шунинг учун ташкилий харажатлар одатда эркин танлаб олинган киска давр ичида амортизация килинади. ГУДВИЛ - ноаник номоддий актив. У энг куп таркалган ва мухим номоддий актив хисобланади. Гудвил компаниянинг ижобий характеристкаларидан келиб чикадиган киймат булиб, компаниянинг аник активларидан кутилаётган даромадларнинг кушимча равишда купайтиришга хизмат килади. Компаниянинг узи томонидан юзага келтирилган гудвил

актив сифатида акс эттирилмайди. Чунки бу компания сотиб олинаётганда сотиб олиш бахоси ва компания активларининг хакикий бахоси уртасидаги фарк сифатида юзага чикади. Гудвил асосан компаниянинг оддий курсаткичларидан юкори булган молиявий курсаткичларининг тахмин килинаётган кийматини акс эттиради. Бу тахминлар компания еки унинг операцион мухитига алокадор булган номоддий ижобий тавсифлар еки омиллар бундай даромадлар олишига ишонч тугдиради. Улар компаниялар учун уртачадан юкори булади. Аъло даражадаги рахбар жамоаси, сотиш жараёнини аъло даражада ташкил килиниши, ута самарали реклама, ишлаб чикишдаги махфий жараён, мутлак даражада яхши мехнат муносабатлари юкори ишонч рейтинги, ходимларни тайёрлашнинг илгор дастури ва хоказолар. Хисобга олиш максадида гудвилнинг куйидагилар фарки сифатида караш мумкин : 1. Компаниянинг сотиб олинган хакикий бахоси 2. Идентификацияланадиган соф активларнинг бозордаги бахоси Салбий гудвил - сотиб олинган соф активларнинг хакконий киймати компаниянинг харид кийматидан юкори булса пайдо буладиган фарк сифатида номоён булади. Бу сотиб олаётган компания учун кулай хариддир. Бундай холларда моддий активлар кийматлари шу даражага камайтирилиши лозимки, бунда салбий гудвилга урин колмаслиги керак. Номоддий активларни сотиб олиниши бухгалтерия хисобида худди асосий воситаларни сотиб олишни акс эттиришдек курсатилади. Сотиб олишда номоддий активларнинг узига хос хусусиятлари эътиборга олинади. Номоддий активларни сотиб олишда унинг кийматини аниклаш асосий муаммо булиб хисобланади. Бу киймат таркибига номоддий активни сотиб олиш, келтириш, шунингдек урнатиш харажатлари асосида шакллантирилади. Номоддий активларни хисобда куйидагича бахоланади. 1. Харид килиш усули. Номоддий активларни сотиб олиш асосий воситаларни сотиб олишдан фарк килмайди. Хисобда харид усули асосий воситалардагидек акс эттирилади. 2. Идентификацияланиш. Айрим номоддий активлар фирманинг бошка активларига караганда алохида идентификацияланиши мумкин. Масалан, патентлар, савдо маркалари ва франшизалар. Бирок айрим номоддий активларни алохида идентификацияланиши мумкин эмас, аксинча уларнинг киймати фирманинг бошка активлари билан узаро алокадорлиги туфайли ошади. Масалан, гудвил мижозлар ишончи ёки ходимлар малакасининг даражасидан келиб чикиб асосланиши мумкин. 3. Бахолаш. Бахолаш тамойилига асосан номоддий активлар сотиб олиш вактида сотиб олиш кийматида акс эттирилиши керак. Сотиб олиш киймати активларни сотиб олиш жараёнида амалга ошириладиган барча харажатларни уз ичига олади. Жумладан, сотиб олиш бахоси, патент буйича харажатлар, хукукий харажатлар ва сотиб олиш билан боглик булган бошка харажатлар.

Сотиб олиш киймати — жами туловлар умумий суммасининг ёки олинган активларнинг жорий бозор кийматидир (кайси бирини аникрок хисоблаш мумкин булса). Базида номоддий активлар тула ёки кисман бартер асосида пул ишлатилмасдан харид килинган булиши мумкин. Бунда номоддий активнинг жами киймати пул воситасида туланган сумма ва пулсиз туловнинг жорий бозор нархидан иборат булади. Агар бу нархларни аник белгилаш имкони булмаса, сотиб олинган номоддий активлар бозор нархлари асосида аникланади. Агар номоддий активлар хужалик юритувчи субъект томонидан юзага келтирилаётган ва унга кетаётган харажатни хисоблаш мумкин булса, унда номоддий активлар хакикий таннархи буйича акс эттирилади. Номоддий активларнинг кийматини аниклаш мумкин булмаса, у алохида тарзда актив сифатида курсатилмайди. Номоддий активларнинг бухгалтерия хисоби ер, бино, жихозлар каби моддий активларга кулланиладиган айнан бир хил тамойил ва жараёнларни уз ичига олади. Бу тамойиллар куйидагилардан иборат:  -харид килиб олишда таннарх тамойилини куллаш;  -фойдаланиш даврида мувофиклик тамойилини куллаш;  -хисобдан чикарилаётганда даромадни эътироф этиш. Номоддий активлар харид килиб олинишида таннарх тамойилини кулланилиши хисобда уларнинг таннархини тугри аниклаш имконини беради. Шунингдек, танрхнинг таркибига асоссиз харажатларни киритилишини олдини олади. Номоддий активнинг фойдаланиш муддати давомида у буйича килинаётган харажатлар ва олинаётган даромадлар уз вактида мувофиклик тамойилига асосан хисобга олиниши керак. Номоддий активни хисобдан чикарилаётганда у буйича олинаётган фойда ёки зарар эътироф этилиши керак. Олинадиган фойда ёки зарар хисобдан чикариш натижасида келиб тушган пул маблаги билан номоддий активнинг баланс киймати уртасидаги фаркдан иборат. Номоддий активларга амортизация хисоблаш тартиби. Номоддий активларнинг киймати активнинг амал килиш муддати ёки активнинг тахмин килинаётган хизмати давомида мунтазам равишда хисобдан чикариб борилиши керак. Бу жараён номоддий активларнинг амортизацияси деб аталади. Номоддий активнинг тахмин килинаётган хизмат килиш муддати ноаник булса, унга амортизация 5 йил давомида хисобланади. Хизмат килиш муддатининг узгариши номоддий активлар хисобига таъсир килади. Агар хизмат муддати узайтирилган булса, амортизация килинмай колган киймат колган давр давомида амортизация килинади. Гудвил амортизацияси узиниг хусусиятига эга. Гудвилни аста-секинлик билан емирилишини хисобга олган холда, фойдали хизмат курсатиш муддати

давомида ундан иктисодий самара олиш даврида амортизация килиниши лозим. Амортизация даромадлар ва харажатларни окилона тарзда мос тушишига олиб келади деб хисобланади. Афсуски, гудвилнинг хизмат килиш муддатини хисоблаш анча мушкул холатдир. Шунинг учун гудвилни 5 йил муддат ичида амортизация килиш тавсия этилади. 5.Илмий текшириш ва тажриба конструкторлик ишлари буйича харажатларни хисобга олиш Илмий текшириш ишлари- бу янги илмий ёки техник билимлар олиш максадида режалаштирилган изланишлардир. Бу турдаги изланишлар муайян максад ёки фойдаланишга йуналтирилади. Тажриба конструкторлик ишлари- бу илмий тадкикот изланишлари натижалари ёки бошка билимларни ёки янги ёхуд такомиллаштирилган материаллар, асбоблар, махсулотлар, жараёнлар, тизимлар ва хизматларни режалаштириш хамда жорий килишдир. Ишланмалар уз ичига тадкикот махсулотларини ишлаб чикиш ва текширишни, шунингдек тариба корхоналаридан фойдаланишни одади. У бозорни тахлил килиш ва бозорда товарларни текширишни хам уз ичига олади. Илмий текшириш ишланмалари буйича сарфлар улар юзага келган хисобот даврида харажат деб тан олинади ва улар активлар таркибига киритилмаслиги лозим. Тажриба конструкторлик ишланмалари буйича харажатлар актив деб тан олиниши учун куйидаги мезонларга жавоб бериши керак: *махсулот ёки жараён катъий белгиланган ва харажатлар аникланиши мумкин булмаган такдирда. *махсулот ёки жараённинг техник асосланиши аникланган холатда. *корхона маъмурияти махсулот ва жараёнларни ишлаб чикариш хамда бозорда сотиш ёки улардан фойдаланиш максадларини номоён килганда *махсулот ёки жараён учун мулжалланган келгуси сотиш бозори ёхуд ички фойдаланиш аник белгиланган булса. *Лойихани тугатиш учун мувофик ресурслар мавжуд булган такдирда. Агар тажриба конструкторлик ишланмалари буйича харажатлар актив деб тан олиниши учун юкоридаги мезонлардан бирига жавоб бермаса ва келгусида иктисодий самара олиниши кутилмаётган булса, бу харажатлар хисобот даврида харажат деб тан олинади.

Компьютер дастурий таъминотида харажатларни хисобга олиш. Компьютер дастурларини такомиллаштириш билан боглик булган харажатлар хисоби тармокнинг кенгайиб бориши ва амалиётда ишлаб чикарилган янги хисоб жараёнларини пайдо булиши билан ута мухим ахамият касб этади. Компьютер дастурлари ва уларни такомиллаштиришга килинган инвестициялар компьютер дастурий таъминоти билан шугулланувчи корхоналарда бош активлар сифатида курилади. Компьютер дастурий таъминотига харажатларни капитализациялаштириш, сотиш еки кенг фойдаланиш учун ижарага беришга мулжалланган компьютернинг дастурий таъминотини ривожлантириш, илмий тадкикотлар ва ишланмалар харажатларнинг салмокли кисмини ташкил этади. Хисобга олишда асосий масала булиб, дастурий таъминот пакетларини такомиллаштиришда амалга оширилган кандай харажатлар хисобдан чикарилиши ва кандайлари капитализациялаштирилиши кераклигига ахамият берилади. АСОСИЙ КОИДАЛАР: 1. Сотиш еки ижарага бериш учун мулжалланган компьютер дастурий таъминотини ишлаб чикаришга кетган барча харажатлар, илмий тадкикотлар ва ишланмалар харажатлари хисобланади хамда хисобдан чикарилиши лозим. 2. Техник иктисодий асослашни утказиш учун ишлаб чикарилган махсулотнинг асл нусхаларини ишлаб чикаришга кетган харажатлар сармоялаштирилиши зарур. Бу харажатларга кодлаш ва техник иктисодий асослашни утказиш учун текширув киради. ИЛМИЙ ТЕКШИРИШ ИШЛАРИНИНГ АМОРТИЗАЦИЯСИ Илмий текшириш ишлари буйича харажатлар актив деб тан олинганда, уларнинг суммаси бир тартибда амортизация килиб борилиши лозим. Амортизация техология ёки махсулотни сотишга ёки фойдаланишга тайёр булган вактдан бошланиб хизмат килиш муддати ёки тан олинган вактдан бошлаб 5 йил ичида хисоблаб борилади. Дастурий таъминотига сармоялаштирилган харажатлар амортизацияси: Стандарт компьютернинг дастурий таъминотига капитализациялаштирилган харажатларнинг амортизациясини хисобга олишни батафсил таърифлаб беради. Амортизациянинг йиллик суммаси дастурий таъминотини фойдали амал килиш муддати давомида бир маромдаги амортизацияни хисоблаш усулини куллаш билан аникланади. Табиий ресурслар шунингдек емириладиган активлар хам деб аталади. Бу дегани харажатлар жисмоний йул билан казилма жараёнида олиб борилади. Емириладиган активлар жумласига урмонзорлар, нефть, табиий газ ва бошка олтин, кумуш, мис ва минерал казилма турлари киритилиши мумкин. Бу табиий бойликларни хисобга олиш кийин. Бунга куйидаги 2 та муаммони келтириш кифоя. 1. Табиий ресурслар кийматини аниклаш Агар улар ишлаб чикарилган булса, (сотиб олишдан фаркли равишда)

2. Молиявий натижалар тугрисидаги хисоботда кийматини хисобдан чикариш (амортизация) Табиий ресурслар кийматини аниклаш биринчи галда табиий ресурслар кийматини акс эттириши учун номоддий активга кандай конкрет харажатлар сармояланиши кераклигини аниклаш масаласини хал килишни талаб килади. Хисобот даври давомида ишлатиладиган табиий ресурслар киймати емирилиши деб аталади. Емирилиш ахволни аник курсатади. Бу атама ресурслар фойдаланганлигини билдиради. Емирилиш базаси - бу номоддий активлар сифатида сармояланган пул суммаси демакдир. У табиий ресурсларни казиб олиш давомида амортизация килинади. Сармояланган кийматининг бу суммаси табиий ресурсларни казиб олиш даврининг охиригача унинг урни копланмайди. Колдик киймат активнинг базасини аниклашга таъсир килади. Колдик киймат ижобий еки салбий булиши мумкин. Ижобий колдик киймати активнинг емирилиш базасини аниклаш сармояланган кийматдан чикариб ташланади. Салбий колдик киймати куйида курсатиб утилган : Салбий колдик киймати шундай вактда кулланиладики, качонки компания табиий ресурслардан фойдаланиш хукукини олса ва табиий ресурслар ер остидан олингандан сунг кушимча харажат килинган булсин. Масалан , фараз килайлик, компания жамоат майдонидаги урмон бойликларини кесиб олиш хукукини сотиб олди. Урмонни кесиб олиш хукуки 10 млн. туради. Барча дарахтларни кесгандан сунг контракт буйича компаниядан 10 000 таъминоти дарахт нихолини утказиш талаб килинади. Янги дарахтларни утказиш киймати 2 млн. сумга бахоланган. Келгусидаги 2 млн.сум емирилишни хисоблаш учун салбий колдик киймати хисобланади. Агар компания урмоннинг 500 млн. кв.км.ни кесиш ва урмонни ёгоч материалларига ишлатишни режалаштирса , унда материал бирлигига тугри келадиган емирилиш хисоб - китоби куйидагича булади: Емирилиш базаси Емирилиш бирл. меъёри = --------------------------------------------------------= Кидириб топилган казилманинг смета киймати 12 000 000 = ---------------- = 0,024 сум/ кв.м 500 000 000 Емирилаётган активни ишланмага тайёрлашдаги хар кандай чиким емирилиш базасига кушилади. Комапания биринчи йили 100000000 кв.м. , иккинчи йили 250000000 кв.м., 150000000кв.м. урмонни кесиб олди. Унда куйидаги бухгалтерия хисоби ёзувлари берилади. Дарахтларни кесиб олиш хукукини сотиб олинишига: Д-т Ер ва табиий ресурслардан фойдаланиш хукуки 10000000 К-т Пул маблаглари 10000000 1 йилдаги емирилиш учун:

Д-т Асосий ишлаб чикариш 2400000 К-т Жамланган емирилиш 2400000 2 йил учун емирилиш учун: Д-т Асосий ишлаб чикариш 6000000 К-т Жамланган емирилиш 6000000 3 йил учун емирилиш учун: Д-т Асосий ишлаб чикариш 3600000 К-т Жамланган емирилиш 3600000 Уч йилдан сунг номоддий активнинг баланс киймати куйидагича хисобланади: Ер ва табиий ресурслардан фойдаланиш хукуки 10000000 Минус Жамланган емирилиш -12000000 Соф баланс киймати -2000000 Компания нихолларни утказиш харажатларини тулаганда куйидаги ёзув амалга оширилади: Д-т Жамланган емирилиш 2000000 К-т Пул маблаглари 2000000 Ер ва табиий ресурслардан фойдаланиш хукукининг соф баланс киймати нолга тенг булди.

Фан буйича асосий ва кушимча адабиётлар руйхати. 1. Узбекистон Республикаси "Бухгалтерия хисоби" тугрисидаги Конун, Тошкент 1996 й. 2. 2.Узбекистон Республикаси "Аудиторлик фаолияти хакида"ги Конун, Тошкент, "Адолат" 2000 й. 3. «Махсулот таннархига киритиладиган харажатлар таркиби ва молиявий натижаларнинг шаклланиши тартиби хакида»ги Низом, Тошкент, 1998 й. 4. Каримов А.А, ва бош=алар. Бухгалтерия щисоби: Олий ы=ув юрти талабалари учун дарслик / Муаллифлар: А.А. Каримов, Ф.Р. Исломов, А.З. Авло=улов.-Т.: «Шар=», 2004.-592 б. 5. Дж.К.Ван Хорн “Основы управления финансами”, Москва,Финанси и статистика,2000. 6. Международные стандарты бухгалтерского учета. I том. - Ташкент, 2000. 7. Международные стандарты бухгалтерского учета. II том. - Ташкент, 2000. 8. Молиявий щисоб. Ы=ув =ылланмаси. Султонова Д., Тулаходжаева М., Мыминова С., Мыйдинов Э., Тухсанов Х. - Ызбекистон Республикаси бизнес фанлар ы=итувчилари ассоциацияси, Тошкент, 2004 йил. 9. Мюллер Г., Гернон Х., Миик Г. “Учет: международная перспектива.”- Москва, Финанси и статистика, 1992 г. 10. Сидней Грей, Бэльард Нидлз, Финансовый учет: глобальный подход. Том 1, 11. Сидней Грей, Бэльард Нидлз, Финансовый учет: глобальный подход. Том 2, 12. Нидлз Б., Андерсон Х. Колдуэлл Д. “Принципы бухгалтерского учета”, Москва, Финанси и статистика ,2002 г.

13. www.ziyonet.uz

O'xshashlar

Асосий воситалар ва номоддий активлар хисоби аудити

Асосий воситалар ва номоддий активлар аудити

Асосий воситалар ва номоддий активлар хисоби

Номоддий активлар щисоби

Асосий воситалар ва номоддий активларни ҳисобга олиш