Триггерли схемаларнинг схемотехникаси. Асинхрон rs триггер. Бир тактли ва икки тактли синхрон rs триггер - Informatika va AT - Referatlar

Триггерли схемаларнинг схемотехникаси. Асинхрон rs триггер. Бир тактли ва икки тактли синхрон rs триггер

Yuklangan vaqt:

20.09.2019

Ko'chirishlar soni:

0

Hajmi:

151 KB

Ko'chirib olish

Триггерли схемаларнинг схемотехникаси. Асинхрон rs триггер. Бир тактли ва икки тактли синхрон rs триггер Режа: 1. ЭҲМларнинг сонли элементлари ва триггерларнинг турлари 2. Асинхрон RS триггер 3. Асинхрон RS триггерларнинг вақт диаграммаси 4. Синхрон триггерлар ва уларни қўллаш мақсадлари 5. Бир тактли сихрон RS -триггер 6. Икки тактли синхрон RS -триггер

1. ЭҲМларнинг сонли элементлари ва триггерларнинг турлари ЭҲМларнинг сонли элементлари деб, мантиқий функцияларни бажарувчи, ахборотларни хотирасида сақловчи ва сигналларни кучайтирувчи ва қайта ишловчи қурилмаларга айтилади. Сонли автоматларда функция қиймати ўзгарувчиларнинг жорий тактдаги қийматига боғлиқ бўлмай, балки олдинги тактдаги қийматларига ҳам боғлиқдир. Демак, сонли автоматлар бир ва ундан ортиқ тактдаги сигналларни ўзида сақлаши керак. ЭҲМларда бу вазифаларни асосан триггерлар бажаради. Триггер - иккита тенг кучли, алтернатив турғун ҳолатга эга бўлган (0 ёки 1) ва ахборотни ёзиш, сақлаш ва узатиш учун хизмат қиладиган қурилмадир. Бошланғич сигналлар таъсирида триггер бир турғун ҳолатдан иккинчисига ўтиши мумкин. Одатда триггер иккита чиқиш йўлига эга: биринчиси тўғри чиқиш йўли дейилади ва Q билан белгиланади. Иккинчи чиқиш йўли тескари чиқиш йўли дейилади ва Q билан белгиланади. Триггернинг кириш йўлларининг сони унинг бажариладиган функциясига боғлиқ. Ахборотларни ёзиш бўйича триггерлар 2 га бўлинади:  асинхрон триггерлар;  синхрон триггерлар. Асинхрон триггерларда ахборотнинг ўзгариши учун исталган пайтда кириш сигналларининг берилиши билан ўзгаради. Синхрон триггерларнинг чиқиш йўлида сигналларнинг ўзгариши учун унинг кириш йўлига қўшимча синхросигнал (бошкариш сигнали) бериш керак. Акс ҳолда бундай триггерларда ахборотларни ёзиб бўлмайди.

ЭҲМ қурилмаларида турли функционал имкониятларга эга бўлган триггерлар қўлланилади. Лекин барча схемаларнинг асосини асинхрон RS триггер ташкил этади. 2. Асинхрон RS триггер Асинхрон RS триггер иккита мантиқий элементлар асосида қурилиши мумкин: ”ЁКИ-ЙЎҚ” ҳамда “ВА–ЙЎҚ”. Элементлар қайта алоқа занжирлари орқали ўзаро уланади. “ЁКИ – ЙЎҚ” элементлар асосида қурилган асинхрон R S триггернинг функционал схемаси ва график белгиланиши хамда унинг вакт диаграммаси қуйидаги кўринишга эга: Бундай триггер иккита кириш йўлига ( S ва R ) ҳамда иккита чиқиш йўлига ( Q ва Q ) эга. Бу ерда R-reset -олиб ташлаш (сброс) ва S-Set - ўрнатиш маъноларини англатади. Энди асинхрон RS триггернинг ишлаш принципини аналитик тахлил этамиз: 1) S =1 ва R =0 бўлганда триггерга «1» ёзилади ( Q =1) 2) S =0 ва R =1 бўлганда триггерга «0» ёзилади ( Q =0) 3) S=0 ва R=0 бўлганда триггер ўз ҳолатини сақлайди Ушбу холат ахборотни сақлаш режими хисобланади. 4) S=1 ва R=1 сигналларини бир вактда бериш таъқиқланади, чунки бундай кириш сигналларида триггер ўз турғун ҳолатини йўқотади. Демак асинхрон RS триггернинг ўтиш жадвалини қуйидагича ифодалаш мумкин: Ўтиш жадвали S R Qt+1 Изоҳ 0 0 Qt Саклаш

0 1 0 0 - ни ўрнатиш 1 0 1 1 - ни ўрнатиш 1 1 - мумкин эмас 3. Асинхрон RS триггернинг вақт диаграммаси Ушбу триггернинг ишлаш принципидан келиб чиққан ҳолда юқорида келтирилган унинг вақт диаграммасини таҳлил этамиз: Фараз қилайлик бошланғич вақтда триггернинг ҳолати Q=1 бўлсин. Унинг ҳолати бошқа бўлиши ҳам мумкин, лекин биз таҳлилни ушбу ҳолатидан ҳам бошлашимиз мумкин: 0- такт. Кириш сигналлари R =S=0. триггер бу вақтда Q=1 га тенг эди. Бу сигналларда триггер ўз ҳолатини сақлайди. 1- такт. Киришда S =1 ва R =0. триггер «1» ҳолатга ўтади. Лекин Q =1 бўлгани учун у ўз ҳолатида қолади 2-такт. S =0 ва R =0. Ахборотни сақлаш режими. Q =1 га тенг. 3-такт. S =0 ва R =1 триггер «0» ҳолатга ўтади. Бунда Q ва Q ўз ҳолатларини тескарисига ўзгартиради. 4-такт. S = R =0. Ахборотни сақлаш режими 5-такт. S =0 ва R =1 триггерга «0» ни ёзиш режими. Триггер «0» ҳолатга бўлгани учун у ўз ҳолатини ўзгартирмайди. 6-такт. S = R =0. Ахборот сақлаш режими 7-такт. S =1 ва R =0. Триггер «1» ҳолатга ўтади. Чиқиш йўлида Q=1 ва Q =0 сигналлари пайдо бўлади. 4. Синхрон триггерлар ва уларни қўллаш мақсадлари Мантиқий элементларнинг ёки қурилмаларнинг кириш йўлларига сигналлар доим ҳам бир вақтнинг ўзида етиб келмайди. Чунки унгача

сигналлар бир неча элементлардан ўтиб келиши, шунингдек сигналларни бир хил ушламайдиган элементлар орқали ўтиб келади. Бундай ҳодиса сигналлар пойгаси дейилади. Сигналлар пойгаси натижасида мантиқий элементлар ва қурилмаларнинг янги сигналлари қийматлари, эски сигналлар қийматлари билан кўшилиб кетиши натижасида мантиқий элемент ёки қурилманинг нотўғри ишлашига олиб келиши мумкин. Бундай салбий ҳодисаларни олдини олиш учун элементларнинг кириш йўлига информацион сигналлардан ташқари қўшимча синхрон (тактли ёки бошқарувчи) сигнал бериш мумкин. Чунки синхрон сигнал берилганга қадар элементларнинг кириш йўлига информацион сигналлар етиб келади. Синхрон сигнал эга уларни ёзиш учун рухсат берувчи бошқарувчи сигнал вазифасини бажаради. 5. Бир тактли сихрон RS -триггер Бир тактли синхрон RS триггер R ва S информацион кириш йўлларидан ташқари қўшимча С синхрон кириш йўлга эга (с-clock-асосий синхронизация маъносини англатади). Қуйида «ВА-ЙЎҚ» мантиқий элементлардан ташкил топган синхрон RS триггернинг вақт диаграммаси, функционал ҳамда принцициал схемалари келтирилган. Бир тактли синхрон RS триггер қуйидаги принцип асосида ишлайди: Агар C t =0 бўлса триггер ўз ҳолатини сақлайди. Агар C t =1 бўлса яъни

триггерларнинг кириш йўлига синхросигнал (бошқарувчи сигнал) берилса, у асинхрон RS триггерга ўхшаб ишлайди. Синхрон RS триггер қуйидаги ўтиш жадвали асосида ишлайди: Ўтиш жадвали С S R Qt+1 Изоҳ 0 * * Qt Сақлаш 1 0 0 Qt Сақлаш 1 0 1 0 0-ни ўрнатиш 1 1 0 1 1-ни ўрнатиш 1 1 1  Тақиқланг ан 6. Икки тактли синхрон RS триггер Бир тактли триггерларнинг ишончли ишлаши учун унга информацияни ёзишдан олдин унинг таркибидаги иккилик код бошқа триггерга узатилган бўлиши керак. Бунинг учун бир-бирига синхронника бўйича қарама-қарши бўлган иккита синхрон RS триггердан иборат бўлган икки тактли синхрон RS триггер қўлланилади. Икки тактли синхрон RS триггернинг функционал схемаси қуйидаги кўринишга эга:

Q Q & & & & & & & & & S C RСхема иккита бир тактли RS триггерлардан ташкил топган. Триггернинг кириш йўлига С=1 сигнал берилганда информация, яъний иккилик код (0 ёки 1) биринчи триггерга ёзилади. Иккинчи триггер эса ўз ҳолатини ўзгартирмайди. С=0 бўлганда биринчи триггер информацияни сақлаш режимига ўтади. Иккинчи триггер эса биринчи триггернинг қийматини қабул қилади. Чунки, С=0 сигнал пастки инвертордан ўтиб, С=1 қийматга эга бўлади ва иккинчи триггерга биринчи триггернинг қийматини қабул қилишга рухсат беради.

Фойдаланилган адабиётлар 1. С.К.Ғаниев. Электрон ҳисоблаш машиналари ва системалари.Тошкент. Ўқитувчи. 1990 й. 2. К.А.Нешумова. Электронные вычислительные машины и системы. Москва. Высшая школа. 1989 г. 3. В.А.Соловьев. Схемотехника ЭВМ. Москва Высшая школа. 1990 г. 4. www.Informica.ru 5. www . educentral . ru

O'xshashlar

D, T ва JK Триггерлар. Уларнинг схемалари ва ишлаш принциплари

Ҳисоблагичлар. Уларнинг схемалари ва ишлаш принциплари

Xотирали рақамли автоматларни синтезлаш

Микропроцессорни пайдо бўлиш сабаблари

Эҳм-ларнинг типик узеллари. Регистрлар. Уларнинг функционал Схемалари ва ишлаш принциплари.