Axborot xavfsizligi insidentlarini tergov etish. Axborot xavfsizligi insidentlari dallilarini saqlash - Informatika va AT - Referatlar

Axborot xavfsizligi insidentlarini tergov etish. Axborot xavfsizligi insidentlari dallilarini saqlash

Yuklangan vaqt:

04.03.2024

Ko'chirishlar soni:

0

Hajmi:

98.5 KB

Ko'chirib olish

Axborot xavfsizligi insidentlarini tergov etish. Axborot xavfsizligi insidentlari dallilarini saqlash Reja: 1. Axborot xavfsizligi insidenti tergovi tushunchasi va sodir etganlik uchun javobgarliklar 2. Axborot xavfsizligi insidentlarini tergov qilish jarayonidagi qarshiliklar 3. Insident sodir bo‘lgan joyni ko‘zdan kechirish va dallilarini to‘plash hamda saqlash

Axborot xavfsizligi insidenti tergovi tushunchasi va sodir etganlik uchun javobgarliklar Hozirgi kunda kompyuter texnologiyalarining tarqalishi odatiy holga aylanib, bugun biror-bir korxona yoki tashkilot faoliyatini kompyuter vositalarisiz tasavvur qilish qiyin. Ular yangi va yangi faoliyat doiralariga joriy qilinmoqda, ular zimmasiga yanada ahamiyati, jiddiyroq bo‘lgan masalalar yuklatilmoqda. Ammo dunyo miqyosida tobora kengayib borayotgan ilmiy-texnikaviy rivojlanish jarayonlari bilan bir qatorda, ilgari mavjud bo‘lmagan jinoyatlarning turlari, shakllari va ko‘rinishlari yuzaga kelmoqda, ya’ni axborot texnologiyalari sohasi bilan bog‘liq jinoyatlar vujudga kelib, ularning soni ham, turi ham ortib bormoqda. Ushbu holat, o‘z navbatida, qonun chiqaruvchidan kechiktirib bo‘lmaydigan choralar ko‘rishni talab qildi. Binobarin, bu borada mamlakatimizda ko‘pgina ishlar bajarildi va axborot tizimlari sohasidagi jinoyatchilikning oldini olish va unga qarshi kurash faoliyatini tartibga soluvchi bir qator normativ-huquqiy hujjatlar qabul qilindi. O‘zbekiston Respublikasining «Axborot olish kafolatlari va erkinligi to‘g‘risida» gi, «Axborot erkinligi prinsiplari va kafolatlari to‘g‘risida»gi, «Axborotlashtirish to‘g‘risida»gi qonunlari, Vazirlar Mahkamasining «Elektron raqamli imzodan foydalanish sohasida normativ-huquqiy bazani takomillashtirish to‘g‘risida»gi qarori 5 va boshqalar shular jumlasidandir. O‘zbekiston Respublikasining 2007 yil 25 dekabrdagi qonuni bilan ilk bor milliy jinoyat qonunchiligimiz, ya’ni Jinoyat kodeksi Maxsus qismi XX-bobida axborot texnologiyalari sohasidagi ijtimoiy xavfli qilmishlar uchun jinoiy javobgarlikni nazarda tutuvchi jinoiy-huquqiy normalar kiritildi. Jinoiy jazo nazarda tutilgan normalarga : • axborotlashtirish qoidalarini buzish (2781-m); • kompyuter axborotidan qonunga xilof ravishda (ruxsatsiz) foydalanish (2782-m); kompyuter tizimidan qonunga xilof ravishda (ruxsatsiz) foydalanish uchun maxsus vositalarni o‘tkazish maqsadini ko‘zlab tayyorlash yoxud o‘tkazish va tarqatish (2783-m); • kompyuter axborotini modifikatsiyalashtirish (278 4 -м); • kompyuter sabotaji (2785-m); zarar keltiruvchi dasturlarni yaratish, ishlatish yoki

tarqatish (278 6 - м ) kiradi. Shunday qilib, axborot texnologiyalari sohasidagi munosabatlar jinoiy-huquqiy himoyaga ega bo‘lib, buning oqibatida yopiq (konfidensial) axborotlar jinoyatning yangi obyekti sifatida shakllandi. Ushbu jinoyatlarni o‘ziga xosligini inobatga olgan holda tergov qilish metodikasini ishlab chiqish - bugungi kunda dolzarb muammolardan biri bo‘lib turibdi. Jinoyat protsessida ko‘zdan kechirish tergov harakati eng muhim va jinoyat bo‘yicha eng ko‘p axborot to‘play olish imkonini beradigan tergov harakatlaridan biri hisoblanadi. Bundan tashqari, tergov harakatiga axborot texnologiyalari sohasidagi mutaxassisni jalb qilish imkoni bo‘lmaganida insident joyida tergovchining alohida e’tibor berishi lozim bo‘lgan holatlar va tergov-tezkor guruhi rahbari sifatida amalga oshirishi lozim bo‘lgan vazifalari yoritilgan . Axborot xavfsizligi insidentlarini tergov qilish jarayonidagi qarshiliklar Axborot xavfsizligi insidentlarini tergov qilish darajasida buzg‘unchi tomonidan qarshiliklarga uchrash mumkin. Bunday harakat bir tomonlama yo‘naltirilgan yoki umumiy bo‘lishi mumkin rasm. Kompyuter kriminalistikasi Umumiy qarshi harakatlar. Umumiy qarshi xarakatlar kimgadir yoki nimagadir yo‘naltirilmagan bo‘lib ko‘pchilik hollarda ikki xil vazifani bajaruvchi resurslardan foydalaniladi (misol, fayl tizimi shifrlashini yaratuvchi dasturlar yoki tarmoq trafigini

shifrlovchi dasturlar). Ushbu qarshi harakatning asosiy maqsadi ma’lumotlarni shifrlash, yo‘q qilish yoki yashirish yo‘llari bilan kriminalistik tadqiqotlardan himoya qilishdir. Yo‘naltirilgan qarshi harakat yoki kriminalistik harakatni aldash, ushbu harakatning asosiy yo‘nalishlaridan biri hisoblanadi. Ushbu turning asosiy maqsadi: kriminalistik izlanishlardan ma’lumotlarni saqlash, kriminalistik usullar ishonchsizligini ko‘rsatishdir. Ushbu harakatning boshqa turida kriminalistik tekshiruv olib borayotgan tashkilot tarmog‘iga ruxsatsiz kirib ma’lumotlarga o‘zgartirish kiritishdan iborat hisoblanadi (buning uchun dasturlar va qurilmalarning zaif qismlaridan foydalaniladi). Eng ko‘p tarqalgan usullardan biri bu umumiy qarshilik harakatlari hisoblanadi. Maqsadga yo‘naltirilgan qarshi harakatlar kam o‘rganilgan bo‘lim hisoblanadi. Qarshilik harakatlarining umumiy usullari. Eng ko‘p tarqalgan qarshilik harakatlaridan biri bu- ma’lumotlarni himoyalash bu-shifralash, stenografik yashirish, qayta yozish yoki o‘chirib tashlash hisoblanadi. Shu bilan birga hozirgi kunda kriminalistik izlanishlarda mumkin bo‘lgan ma’lumotlarni yo‘q qilishga qaratilgan usullar ham ko‘pdir. Bunday dasturlar operativ xotirada ishlaydi. Bunday usullar va dasturlar ko‘p hollarda shaxsiy ma’lumotlarni konfidensial(maxfiy) saqlash uchun yoki so‘z erkinligini saqlab qolish uchun ishlatiladi. Yuqorida sanab o‘tilgan usullar qo‘llanilishi kiberjinoyatni ochish uchun katta to‘siq hisoblanadi, ammo bir qancha kriminalistik usullar mavjudki ular shunday himoyalangan ma’lumotlarni topish va ochish uchun mo‘jallangan hisoblanadi. Insidentlarni tergovga qarshi maqsadga yo‘naltirilgan usullar. Maqsadga yo‘naltirilgan usullar kriminalistik qiymatga ega bo‘lgan ma’lumotlarni aniqlash va ularni yo‘q qilishdan iborat hisoblanadi. Kriminalistik tergovni aniqlash esa bir qancha usullardan foydalangan holda amalga oshirilishi mumkin: tarmoq vositalarini ishlash alomatlarini qidirish maqsadida tarmoq trafigini tahlili, ishlayotgan dasturlar tahlili va h.k. Bir tomonlama yo‘naltirilgan harakatlar. Ma’lumotlarni yo‘q qilish, yashirish yoki o‘zgartirib qo‘yish mantiqiy bombalardan yoki kriminalistik dasturlarga qarshi

eksploitlardan foydalanishlar orqali amalga oshiriladi (bunday vositalar dastur xatoliklaridan foydalanishi mumkin). Yo‘naltirilgan qarshilik ko‘rsatish asosan kriminalistikaning quyidagi zaif joylariga hujum qilishi mumkin : 1. Usul. 2. Vosita. 3. Harakat. Usul - kompyuter ma’lumotlarini o‘rganib chiqish uchun umumiy usullar. Masalan: kriminalistik operatsion tizim yuklanishi, u o‘z navbatida nusxalashdan himoyalanmagan tarzda ishga tushiriladi, keyinchalik kerakli fayllardan nusxa olish uchun ham ishlatiladi . Vosita – dastur yoki qurilma hisoblanib, kriminalistik izlanishlarning ma’lum darajasida foydalaniladi. Misol: Kriminalistik Live CD grml. Harakat - ma’lum bir darajadagi maqsadga yo‘naltirilgan harakatlar ketma ketligidir. Masalan: fayllarni nusxalash uchun dastur ishga tushirilishi (natija: diskda mavjud bo‘lgan fayllar nusxalanishi) fayllarni indekslash uchun dasturni ishga tushirish (natija kerakli faylni kalit so‘zlar yordamida tezdo topib olish). Yuqorida keltirilgan zaif nuqtalarga qarshi quyidagi harakatlarni keltirishimiz mumkin: 1. Karshi harakat qurilmada maxsus fayllar yaratish orqali: 2. kriminalistik izlanish aniqlansa darxol faylni almashtirib qo‘yish. 3. Dasturiy vositalar yordamida qarshilik ko‘rsatish. 4. Kriminalistik izlanish olib borilgani haqida fakt ma’lum bo‘lgach kriminalistik ishlayotgan dasturlar turlarini aniqlash . Apparat (yorliqlar). Ko‘pchilik kriminalistik harakatlarga qarshi qo‘llash mumkin bo‘lgan usullardan biri apparat yorliqlar hisoblanadi. Malasan, kriminalistik izlanishlar olib borilishi aniqlangandan so‘ng faylga o‘zgartirishlar kiritish yoki yo‘q qilish bu apparat ichiga kiritilgan yorliq hisoblanadi. Bunday uslub bilan Live CD yoki dasturiy modullardan qutilish uchun foydalanish mumkin. Boshqa misol esa ma’lumotlarni apparatli yo‘q qilish hisoblanadi. Bunda kutilmagan tarzda ma’lumot saqlash qurilmasini

ochishga urinishdir. Bunday holatlarda batareya ishga tushadi va uzoq vaqt davomida kuchli tok bilan ta’sir o‘tkazadi. Dasturiy (yorliqlar). Yaqin kunlargacha dasturiy yorliqlar faqatgina ba’zi hollarda o‘zini yaxshi ko‘rsata olar edi. Masalan Live CD dickka yozishdan himoyalanmagan holda kompyuterni ishga tushirishi mumkin. Xozirgi kunda esa ular ma’lum bir kriminalistik izlanishlarga ham qarshi tura oladigan dasturiy vosita sifatida foydalanilmoqda . Insident sodir bo‘lgan joyni ko‘zdan kechirish va dallilarini to‘plash hamda saqlash Axborot texnologiyalari sohasidagi jinoyatlar bo‘yicha o‘tkaziladigan insident sodir bo‘lgan joyni ko‘zdan kechirish tergov harakati eng muhim va jinoyat bo‘yicha eng ko‘p axborot to‘plash imkonini beradigan tergov harakatlaridan biri hisoblanadi. Ushbu tergov harakati bir qator muhim sharoitlarni, jumladan : • o‘rganilayotgan insidentni asosiy xususiyati, unda jinoyat tarkibi mavjudligi; • jinoyatning sodir etilgan joyi va vaqti; jinoyatda ishtirok etganlarning harakatlari nimadan iborat bo‘lganligi; • maqsadlar va motivlar; insident sodir bo‘lgan joyda qanday predmetlar yoki narsalar qoldirib ketilganligi; • jinoyat sodir etgan shaxslar qanday qilib insident sodir bo‘lgan joyga kirib chiqqanligi, u yerda qancha vaqt bo‘lganligi; • tajovuz predmetiga yetib borish va u bilan noqonuniy harakatlar sodir etish uchun qanday texnika vositalari va hujjatlardan foydalanilganligi; • real voqealarni yashirish uchun qanday harakatlar amalga oshirilganligi; • salbiy oqibatlar va ularning izlari yuzaga kelishini qayerdan izlash lozimligi; • salbiy natijalarni yuzaga kelishiga nima sabab bo‘lganligi va boshqalarni aniqlash imkonini beradi . Shuni ta’kidlash joizki, «insident sodir bo‘lgan joy» va «jinoyat joyi» bir xil bo‘lmasligi mumkin. Jinoiy harakat bir joyda, masofadan kompyuter tarmoqlari orqali sodir qilingan bo‘lishi mumkin, uning oqibatlari esa boshqa joyda yuzaga keladi.

Aniq tergov vaziyatga qarab tergov-tezkor guruhi tarkibiga quyidagi xodimlar kiradi: - - axborot sohasidagi jinoyatlarni tergov qilishga ixtisoslashgan tergovchi (tergov-tezkor guruhi rahbari); - axborot texnologiyalari sohasidagi jinoyatlarga qarshi kurash bo‘limi xodimi; - jinoyat sodir bo‘lgan hududga biriktirilgan tezkor xodim; - ushbu turdagi jinoyatlarning izlarini topish, tadqiq qilish, qayd etish va olish sohasidagi ma’lum bilimga ega bo‘lgan kriminalist-mutaxassis; - tergov harakati jarayonida ko‘zdan kechirilishi lozim bo‘lgan hisoblash texnika vositasi bo‘yicha mutaxassis; - jinoyat izlari topilganda o‘tkazilgan texnologik jarayon haqida yetarli bilimlarga ega bo‘lgan mutaxassis; - jinoyat ta’siriga duch kelgan raqamli axborot (uning raqamli axborot tashuvchisi yoki hisoblash texnika vositasi) uchun moddiy javobgar shaxs; - arizachi yoki jabrlanuvchi . Yuqorida ko‘rsatilgan tergov-tezkor guruhi a’zolari tergovchiga atrof muhitni o‘rganish va qayd etish; dalillarni topish, qayd etish, olish va saqlash; insident sodir bo‘lgan joyda kerakli dalillarni dastlabki tadqiq etish; kelgusi tadqiqotlar uchun kerak bo‘ladigan obyektlarni ajratib olish; jinoyat sodir bo‘lishiga imkon bergan sharoitlarni aniqlash; bayonnomada o‘ziga xos bo‘lgan izlarni yoritib berish; tergov harakati jarayonida texnik vositalarni ishlatish; reja, chizmalar va sxemalar tuzish; jinoyatchilarni, guvohlarni va jabrlanuvchini qidirishda samarali yo‘nalish tanlash va hokazolarda yordam ko‘rsatadi. Mazkur tergov harakati oldindan tayyorlanib, batafsil rejalashtirgan bo‘lishi kerak. Dastlab quyidagi ishlarni amalga oshirish maqsadga muvofiq: vujudga kelgan tergov vaziyatidan kelib chiqqan holda tergov harakatida ishtirok etuvchi shaxslarni aniqlash; har bir tergov-tezkor guruhi a’zosiga maqsadlar va harakatlar ketma-ketligini aniq va ravon belgilab berish;

tegishli mutaxassislarni jalb qilish va ularga kerak bo‘ladigan texnik vositalarni olib kelishlarini uqtirish (tergovchi va ekspert-kriminalistning ixtiyorida bo‘lgan texnik vositalardan tashqari); tergov harakatini boshlashdan oldin ishtirokchilarga ularning huquq va majburiyatlarini, qo‘yilgan maqsadni, shuningdek insident sodir bo‘lgan joyda harakatlanishda va maxsu s moddalar bilan ishlashda ehtiyot choralarini tushuntirib o‘tish; - xolislarni tanlab olish, yo‘riqnoma o‘tkazish hamda huquq va majburiyatlarini tushuntirish. Xolislarni tanlashda kompyuter axboroti sohasida yetarli (o‘rtacha shaxsiy kompyuter foydalanuvchining bilimidan past bo‘lmagan) bilimlarga ega bo‘lgan shaxslarni jalb qilish maqsadga muvofiqdir. Tergov-tezkor guruhi insident sodir bo‘lgan joyga yetib kelganidan so‘ng tergovchi tomonidan quyidagi ishlar amalga oshirilishi lozim: 1. Insident sodir bo‘lgan joyga ishga aloqasi bo‘lmagan shaxslarni kirishini va obyektning qo‘riqlanishini ta’minlash. Bundan shartli ravishda quyidagilar qo‘riqlanishi lozim: a) insident sodir bo‘lgan joy hududi; b) jinoyat izlari aniqlangan hisoblash texnika vositasi o‘rnatilgan joy; s) texnologik jarayonni boshqaradigan va oxirgi operatsiyalar to‘g‘risida ma’lumotlarni saqlaydigan lokal tarmoq serveri; d) elektr tok manbaini o‘chirish nuqtalari (agar texnika vositalari yoqilgan holatda bo‘lgan taqdirda). Ushbu vaziyatda quyidagilar e’tiborga olinishi kerak: hisoblash texnika vositasining klaviaturasida ishlash, uni elektr tok manbaidan o‘chirish (yoki yoqish), lokal tarmoq serveri bilan va periferik vositalar bilan aloqani uzish (yoki ulash) - kompyuter axborotining, raqamli axborot tashuvchilarning va qog‘ozli hujjatlarning o‘zgarishi yoki o‘chirilishiga olib kelishi mumkin. Shuning uchun tergov harakati boshlanishida hisoblash texnika vositasi yoki boshqa elektron vosita yoqilgan (o‘chirilgan) holatda bo‘lsa, u tegishli mutaxassis tomonidan ko‘zdan kechirish tamom bo‘lgunga qadar o‘z holatida qolishi lozim . 2. Yuz bergan voqeaning asl mazmuni, insident sodir bo‘lgan joyda mavjud

bo‘lgan jihozlarning o‘zgarishi, har bir shaxsning tergov-tezkor guruhi kelgunga qadar bo‘lgan harakatlariga aniqlik kiritish maqsadida jabrlanuvchi (arizachi), moddiy javobgar shaxs va guvohlarni so‘roq qilish (insident sodir bo‘lgan joyni batafsil ko‘zdan kechirish jarayonida aniqlanadigan savollar oydinlashtiriladi); 3. Tergov-tezkor guruhi insident sodir bo‘lgan joyga yetib kelganda yuzaga kelgan vaziyatni bayonnomada qayd etish, oriyentirli yoki obzorli foto yoki videoyozuvni amalga oshirish ; 4. Insident sodir bo‘lgan joyga chiqqan tergov-tezkor guruhi a’zolariga topshiriqlar berish. Xususan : а ) hududiy tezkor vakilga - insident sodir bo‘lgan joyni chizmasini tuzish, ushbu chizmada insident sodir bo‘lgan joyni ko‘zdan kechirish jarayonida aniqlangan barcha izlar o‘z aksini topishi lozimligini tushuntirish. Chizma tuzishda hisoblash texnika vositalari bir-biriga va periferik vositalarga ulanganlik holati, kompyuter axborotiga kirish huquqini chegaralovchi qo‘riqlash tizimlari, turli xil video kuzatuv qo‘riqlash tizimi elementlari va boshqa holatlarni aniqlashda amaliy yordam ko‘rsatish uchun tergov harakatiga jalb qilingan mutaxassis biriktirilishi maqsadga muvofiq. Bundan tashqari, hududiy tezkor vakilga bir qator taktik operatsiyalarni o‘tkazish to‘g‘risida topshiriq berish (jinoyatni issiq izidan ochish, ushlangan shaxsning shaxsiy tintuvi, arizachi va guvohlarning so‘rovi va hokazo ); b) ekspert-kriminalistga jinoyat izlarini aniqlash bo‘yicha vazifalar yuklash; c) tergov harakati jarayonida ko‘zdan kechirilishi lozim bo‘lgan hisoblash texnika vositasi bo‘yicha mutaxassisga hisoblash texnika vositasining turini, ishlatilish maqsadi, aloqaga chiqish imkoniyatlarini aniqlash, shuningdek ushbu vositaning xotirasida mavjud bo‘lgan elektron hujjatlarni va ishga ahamiyatli bo‘lgan boshqa kompyuter axborotlarini olishda va bayonnomada qayd etilishida tergovchiga amaliy yordam ko‘rsatish kabi vazifalar yuklatiladi . Axborot sohasidagi jinoyatlar bo‘yicha insident sodir bo‘lgan joyni ko‘zdan kechirishni o‘tkazishda “markazdan chetga” (ekssentrik) taktik usulini qo‘llash maqsadga muvofiqdir.

Ushbu jarayonda, insident sodir bo‘lgan joyning turiga qarab, “markaz” bo‘lib jinoyat sodir etilishi mumkin bo‘lgan hisoblash texnika vositasi o‘rnatilgan joy yoki jinoyat sodir etilishi uchun tayyorlangan vosita ishlab chiqarilgan ish joyi bo‘lishi mumkin. Tergov harakati natijasida tuziladigan insident sodir bo‘lgan joyni ko‘zdan kechirish bayonnomasida quyidagilarga e’tibor berish lozim: 1. ko‘zdan kechirilayotgan obyektning nomlanishi va vazifalariga; 2. ko‘zdan kechirilayotgan obyektning hududiy joylashishi, unga kirish yo‘llari, uning atrofidagi inshoatlar va ulargacha bo‘lgan masofaga; 3. obyektning qo‘riqlash tizimi mavjudligiga, mavjud bo‘lsa, uning joylashishi va tashqi ko‘rinishiga, shuningdek kompyuter axboroti chiqib ketishiga qarshi qaratilgan maxsus himoyalovchi signal vositalariga; 4. jinoyat sodir etilishi mumkin bo‘lgan hisoblash texnika vositasining inshoatdagi eshik, oyna, boshqa hisoblash texnika vositalari, video kuzatuv uskunalari (mavjud bo‘lgan taqdirda) va boshqalarga nisbatan joylashishi; 5. tergov qiziqish uyg‘otgan hisoblash texnika vositasidan tashqari, xonada mavjud boshqa hisoblash texnika vositalari va elektr uskunalarga; 6. jinoyat sodir etilgan hisoblash texnika vositasining aloqa kanallari yoki boshqa hisoblash texnika vositalari bilan ulanadigan texnik vositalari mavjudligiga; 7. jinoyat sodir etilishi mumkin bo‘lgan hisoblash texnika vositasining boshqa xonalardagi hisoblash texnika vositalari bilan ulanadigan texnik vositalari mavjudligiga (mavjud bo‘lgan taqdirda insident sodir bo‘lgan joyni ko‘zdan kechirish chegaralari ancha kengayishi mumkin); 8. obyektda, unga kelish-ketish yo‘llarida jinoyatchi qoldirgan izlarga; 9. ko‘zdan kechirilayotgan hisoblash texnika vositasining hujjatlari mavjudligiga. Yuqoridagilardan shuni xulosa qilish mumkinki, axborot texnologiyalari sohasidagi jinoyatlar bo‘yicha insident sodir bo‘lgan joyni ko‘zdan kechirish tergov harakatidan tashqari kompleks tezkor-qidiruv va tekshiruv tadbirlari o‘tkaziladi, bu esa kechiktirib bo‘lmaydigan boshqa tergov harakatlari o‘tkazilishiga olib kelishi mumkin, jumladan: tintuv, olib qo‘yish, hujjat va

predmetlarni ko‘zdan kechirish, ushlab turish, so‘roq qilish, tanib olish uchun ko‘rsatish va boshqalar.

Adabiyotlar : 1. BS 25999-1:2006 Бизнес узлуксизлигини бошқариш – 1- қисм : Амалиёт қоидалари 2. BS ISO / IEC 27001:2005 Информацион технологиялар. Хавфсизликни таъминлаш усуллари. Ахборот хавфсизлигининг бошқариш тизимлари. Талаблар 3. Joe Fichera and Steven Bolt. «Network Intrusion Analysis: Methodologies, Tools, and Techniques for Incident Analysis and Response». 2012. 4. Серия «Вопросы управления информационной безопасностью». Часть 2: Управление рисками информационной безопасности: Учебное пособие для вузов / Н.Г. Милославская, М.Ю. Сенаторов, А.И. Толстой. – М.: Горячая линия–Телеком, 2012. 5. Серия «Вопросы управления информационной безопасностью». Часть 3: Управление инцидентами информационной безопасности и непрерывность бизнеса: Учебное пособие для вузов / Н.Г. Милославская, М.Ю. Сенаторов, А.И. Толстой. – М.: Горячая линия–Телеком, 2012.

O'xshashlar

Axborot xavfsizligi insidentlarini boshqarish siyosati. Axborot xavfsizligi insidentlarini boshqarish jarayoni

Axborot xavfsizligi insidentlarini boshqarish dasturlari

Axborot xavfsizligi insidentlarini boshqarish tizimi

Axborot xavfsizligi insidentlarini boshqarishda normativ bazalar

Axborot xavfsizligi insidentlarini nazorat etuvchi vositalarning tahlili