Узбекистон Республикаси Конституциявий хукук фани - Huquqshunoslik - Referatlar

Узбекистон Республикаси Конституциявий хукук фани

Yuklangan vaqt:

20.09.2019

Ko'chirishlar soni:

0

Hajmi:

156.5 KB

Ko'chirib olish

Узбекистон Республикаси Конституциявий хукук фани Режа: 1. Конституциявий хукук фани хакида тушунча 2. Узбекистон Республикасчи Конституцияси – мустакиллик комуси 3. Конституция тушунчаси 4. Конституциянинг пайдо бўлиш тарихи ва жахон конституциялари 5. Конституциянинг асосий белгилари 6. Конституциянинг вазифаси 7. Конституциянинг юридик функцияси 8. Конституция квалификацияси ва турлари 9. Конституция хукукининг тизими 10. Конституциявий хукук фанининг юридик фанлар тизимидаги ўрни. 11. Конституциянинг ривожланиш боскичлари

Конституциявий хукук фани хакида тушунча Ҳукукий тартибга солинадиган ижтимоий муносабатларнинг хилма - хиллиги кўплаб хукукий нормаларнинг мавжуд бўлиши ва амал килинишини такозо этади. Уларни ўрганиш билан турли сохадаги юридик фанлар шуғулланади, уларнинг хар бири маълум ижтимоий муносабатларни тартибга соладиган хукукий нормаларнинг алохида гурухини ўрганади. Конституциявий хукук фани хукукшуносликнинг мухим тармоғи бўлиб, унинг асосий вазифаси конституциявий хукук сохасини ўрганишдан иборат. Конституциявий хукук фани хукукнинг шу тармоғига хос ривожланиш конуниятларини, унинг хусусиятлари, белгилари, нормалари ва институт билан муносабатини ўрганади. Конституциявий хукук - муайян бир давлатнинг хукукий нормалар тизими бўлиб, уша давлатда фукароларнинг жамият ва давлат олдидаги хукукий холатини, жамият бошкаруви асосларини, давлат органлари ва жамоат бирлашмаларининг мамлакатдаги хукукий макомини белгилаб беради. Конституциявий хукук фани конституциявий хукук институтларининг Узбекистон Республикаси мустакиллигини ривожланитиришдаги, ижтимоий кафолатланган бозор иктисодиётига ўтишдаги амалий вазифаларни, хукукнинг бу тармоғига кирадиган хукукий нормалар ва институларнинг фаолият самарадорлигини оширишга доир муаммоларни тадкик этади. Бу фан конституциявий хукукнинг хукукий нормаларини ва институтларинигина ўрганиб колмасдан, ушбу конституциявий хукук нормаларини тартибга соладиган ижтимоий муносабатларнинг, яъни конституциявий хукук мохиятини ва хусусиятини ўрганади. Маълумки юридик фаннинг хар бир сохаси жамиятнинг маълум бир давлат - хукукий тузилишини ўрганади. Конституциявий хукук фанининг вазифаси Узбекистон Республикасининг мустакиллигини хамда фукароларнинг хукук ва эркинликларини таъминлаш, давлатчиликни ривожлантириш, адолатли ташки сиёсат олиб бориш, Узбекистонни дунёда буюк давлат даражасига кўтариш, республикада хукукий демократик давлат барпо этиш,

адолатли жамият куриш, конституциявий хукук нормалари ва хукукий институтларни такомиллаштиришга доир муаммоларни тадкик этиш, жамиятда юзага келадиган хукук ий муносабатларни ўрганиш ва бунинг натижасида республика конунларини ривожлантириш учун зарур таклифларни тайёрлашдан иборат . Узбекистон Республикасида сиёсий, ижтимоий, маданий вазифаларни амалга ошириш билан боғлик ижтимоий муносабатларни ривожланитиришга, давлат мустакиллигини хукукий таъминлашга, хукук ва эркинликларни амалга оширишга фаол таъсир кўрсатиш конституциявий конунчилик ва конституциявий хукук фанининг мухим вазифасидир 1 . Фаннинг вазифаларига, шунингдек, конституциявий хукукнинг асосий манбаи бўлган конституцияни, конституция тўғрисидаги таълимотларни, Узбекистон конституциявий ривожланишининг асосий боскичларини, уларнинг асосий мазмуни ва хусусиятларини ўрганиш киради. Узбекистон Республикаси Канституцияси – мустакиллик комуси «Мустакиллик халкимизнинг тарихий ютуғидир. Юз йиллар мобайнида озодликни орзу килган Узбекистон, чинакам мустакилликни Қўлга киритиб гуллаб яшнаши ва фаровонликка эришиши, тараккий этган демократик давлатлар катори халкаро хамжамиятда муносиб ўринни эгаллаши – биз кўзлаган олий максаддир» 2 . Мустакиллик бу: - тенглик сари кўйилган биринчи кадам. Чунки тенглик бўлмаган жойда ким кимгадир тобе бўлади. Мутелик бор жойда хукмронлик, ўзгалар хисобига яшаш каби иллатлар пайдо бўлади. - Мустакиллик – ўзаро хурмат, бир-бирини тан олиш, бир- бирини кадрлаш асосида мамлакат фукаролари ўзаро муносабатида хам, давлатлар ўртасида хам ана шу умуминсоний кадриятларга таяниш, умуминсоний мезонлар асосида яшаш демакдир. - Мустакиллик – жамиятдан ажралмаган холда дунё муаммолари ва ўз такдири билан боғлик бўлган истикбол хакида 1 К аранг : У . Тожихонов . У збекистон Республикасининг Конституцияси амалда . - Т ., 1996. - 29- бет . 2 И.А.Каримов. Конституциянинг 2 йиллиги муносабати билан сызлаган нут=идан.

ўйлаш. - Мустакиллик – эркин дунёкараш, эркин тафаккурга суяниб ишлаш салохиятидир. - Мустакиллик – мустамлакачиликнинг хар кандай шаклини такозо этадиган тўсиклар ва зўравонликларни инкор этади. Мустакиллик – жахон тараккиётининг илғор тажрибалари асосида ўз равнакининг ўзига хос тамойилларини ишлаб чикиш билан бирга ягона замин, ягона макон такдирини белгилашда ўзаро хамкорликнинг янги, сифат жихатидан юкори бўлган, умуминсоний мос келадиган андозаси асосида яшаш демакдир. Узбекистонда давлат мустакиллиги эълон килинганлиги Узбекистон Республикаси Конституциясини ишлаб чикиш ва кабул килишни такозо этган иккинчи омил бўлди. Узбекистон худудида илгари амал килиб келган барча конституциялар (Туркистон АССРнинг 1918 ва 1920 йиллардаги Конституциялари, Узбекистон ССРнинг 1927,1937,1978 йиллардаги Констутциялари) ўз халки ва худудини эркин ва демократик асосда бошкарадиган мустакил, эгалик давлат конституциялари эмас эди. Республика ўз давлат мустакиллигини кўлга киритгач табиий равишда, шу давлат мустакиллигини Конституция асосида мустахкамлаб кўйиш муаммоси бутун бўй басти ва кучи билан кўндаланг бўлди. Конституцияда янги давлатнинг табиати, унинг ички ва ташки сиёсати тамойиллари, инсон хукукларига, давлат суверенлигига, демократиянинг ва ижтимоий адолатнинг олий максадларига содиклиги мустахкамланиб кўйилмоғи лозим эди. Конституция Узбек давлатчилиги ривожланиш тарихида тажрибани хисобга олиши, халкаро хукукнинг умум эътироф этилган нормалари устуворлигига таяниши, фукаролар учун муносиб хаётни таъминлашга асос бўлиши, баркарор маданий бозор иктисодига асосланган демократик хукукий давлат, фукаролик жамияти бунёд этиши керак эди. Республиканинг янги Конституциясини ишлаб чикиш зарурлиги тўғрисидаги ғоя XII чакирик Олий Кенгашнинг 1990 йил мартида бўлиб ўтган биринчи сессиясидаёк янграган эди. Конституция устида олиб бориладиган иш принцип жихатидан мутлако янги, мохияти эътибори билан мустакил давлатнинг дастлабки конституцияси устида ишлашга айланиб кетишини камдан-кам киши хаёлига келтирган эди.

Олий Кенгашнинг 1990 йил июнь ойида бўлиб ўтган иккинчи сессияси Республика Президенти И.А.Каримов раислигида 64 кишидан иборат Конституция комиссиясини ташкил этди. Комиссия таркибига вилоятлар ва Коракалпоғистон Республикаси рахбарлари, давлат ва жамоат арбоблари, олимлар ва халк хўжалиги мутахассислари кирди. Олий Кенгашнинг 10-сессиясида Конституция комиссияси кисман янгиланди. Конституция комиссияси Раисининг топшириғи бўйича 1991 йилнинг бошида Конституция концепсияси устида иш бошланди. Республика фанлар академияси фалсафа ва хукук институтининг концепцияси сиёсатшунослик ва бошкарув институти концепцияси хамда президент девони юридик бўлими тайёрлаган концепция. Ички гурух мажлисида учинчи концепция асос учун кабул килинди. Қолган икки гурух концепциясининг диккатга сазовор ғоялари билан бойитилиб, умумлаштирилган пухта ягона ғоявий асос шаклига келтирилди. Конституция комиссияси 1991 йил апрелда бевосита Конституция лойихаси устида ишлай бошлади. 12 апрелда И.А.Каримовнинг бошчилигида Конституция комиссиясининг биринчи мажлиси бўлиб ўтди. Конституция лойихасини ишлаб чикишга тайёргарлик сохасидаги бутун ишни марказлаштириб туриш максадида Конституция комиссияси аъзолари хамда таникли олимлар ва мутахассислар катнашган 32 кишидан иборат ишчи гурухи тузилди. Конституция комиссиясининг раиси аввал бошиданок ишчи гурухи олдига аник вазифа кўйди: жахон тажрибаси ўрганилсин, бошка мамлакатларнинг инсон хукуклари борасида, демократия ва конунчилик сохасида кўлга киритилган ютуклари хисобга олинсин, миллион-миллион кишилар дилига якин хамда уларга тушунарли бўлган сиёсий ва юридик хужжат яратилсин. Конституция комиссияси раиси комиссия ишининг дастлабки кунларидан то Конституция кабул килингунга кадар Узбекистон Республикаси Конституциясининг лойихасини тайёрлаш ишига бевосита рахбарлик килиб турди. Лойиханинг 158та моддадан иборат дастлабки варианти 1991 йил октябрь-ноябргача тайёрлаб бўлинди. Лойиханинг иккинчи ишчи варианти 149та моддадан иборат бўлди. Республика Президенти матнни кўриб чикди. Шу тарика

Конституция комиссиясининг нигохидан ўтгач, лойиха лўнда ва ифодали бўла борди. Учинчи вариант 137та моддани ташкил килди. Конституция матнидаги сўзлару харфлар янгича куч, вазн ва маъно касб этди. Матбуотда эълон килиш олдидан лойиха яна бир бор диккат билан ўрганиб чикилди. У энди 127та моддага келтирилган эди. Конституция комиссиясининг карори билан лойиха 1992 йил 26 сентябрда умумхалк мухокамаси учун матбуотда эълон килинди. Мухокама жараёнида, масалан, «Инсон ва фукароларнинг асосий хукуклари, эркинликлари ва бурчлари» деган бўлим бўйича 1978 таклиф ва мулохаза тушган, 25-модда бўйича 165 таклифдан 22 таси, 28-модда бўйича 105 таклифдан 16 таси, 40-модда бўйича 140 таклифдан 13 таси инобатга олинган. Мухокама давомида унинг асосий бўлимлари, боблари, моддалари ва коидалари умумхалк синовига дош бера олди. Конституция комиссиясига келган фикрлар, таклифлар ва мулохазаларни хисобга олган холда мухокамани давом эттириш учун Узбекистон Республикаси Конституциясининг лойихаси 1992 йил 21 ноябрда яна бир бор матбуотда эълон килинди. Республика Олий Кенгаши мухокамасига кўйилган Узбекистон Республикаси Конституцияси лойихасига хаммаси бўлиб 80 га якин ўзгариш, кўшимча ва аникликлар киритилдики, уларнинг айримлари принципал мухим ахамиятга эга бўлади. 1992 йил 8 декабрда Узбекистон Республикаси Олий Кенгашининг XI сессиясида кабул килинган Конституция янги мустакил демократик суверен Узбекистон давлатининг биринчи Конституцияси бўлди. Конституция тушунчаси Конституция сўзининг луғавий маъноси - Cohstitutio – лотинча сўз бўлиб, «ўрнатиш», «тузиш», «низом», «белгилаш» деган маъноларини билдиради. Қадимги Римда конституция император акти хисобланган ва конун кучига эга бўлган. «Конституция» атамаси ўзининг узок тарихига эгадир. Масалан, кадим замонларда «Конституция» сўзи, сиёсий тузум маъносини билдирган. XVII асрда Францияда бу сўз билан рентани, рента шартномасини ифодалашган. Сўнг яна унинг кадимги юнонча

маъносига кайтишган ва бу атама билан хукук томонидан белгилаб бериладиган давлат тузилишини ифодалай бошлаганлар. Буюк француз инкилоби арафасида «конституция» атамаси билан «давлатнинг холати»ни акс эттира бошлаганлар. Конституция асосий конун хисобланиб ўз ичига давлатнинг ижтимоий, сиёсий тузуми конунларнинг асосий йўналишларини аник тизимда бегилайди. «Конституция – нафакат бугунги куннинг комуси, балки у эртанги кунимиз, кураётган жамиятимиз истикболини аниклаб берувчи хужжат, фарзандларимиз йўлини ёритиб турувчи маёкдир». Табиийки, хар кандай давлатнинг юзи, обрў-эътибори унинг конституцияси хисобланади. Зотан конституция давлатни давлат, миллатни миллат сифатида дунёга танитадиган комусдир, деган Президентимиз. Конституция фукаро, жамият ва давлат хокимияти ўртасида ўзига хос ижтимоий шартнома макомига эга. Конституциянинг пайдо бўлиш тарихи ва жахон конституциялари «Конституция» атамаси ўзининг узок тарихига эга. Масалан, кадимги даврларда конституция сўзи сиёсий тузумни билдирган. Юнонча маъносига кўра эса, хукук билан белгиланадиган давлат тузилишини ифодалаган. XIV- XV асрларда эса марказий халкларида давлатнинг холатига хал килувчи таъсир ўтказган Амир Темурнинг тузуклари Шариат билан бир каторда амал килган Шарк маданиятига хос алохида шаклдаги конституциявий хужжат бўлган. Ҳукукшунос олимлар А.Саидов ва У.Тожихоновлар конституцияларни 2 гурухга бўлади: 1) бугунги кундаги конституциялардан кескин фарк киладиган шароитларда кабул килинган конституциялар. Буларга 1787 йилги АҚШ. 1831 йилги Бельгия, 1874 йилги Швейцария конституциялари мисол бўла олади; 1) XX асрнинг иккинчи ярмида кабул килинган Янги авлод конституциялари. 20- йиллар бошида Шарк мамлакатлари (Туркия, Эрон, Миср, Афғонистон) давлат мустакиллигининг шаклланиш жараёни

Европанинг конституциявий шакллари, барча эътироф этган хукукий кадриятлар хамда фукаролик хукукий меъёрлари ривожланган мажмуага анъанавий мусулмон хукукини уйғунлаштиришга харакат килган конституциявий курилиш типини вудужга келтирди. Ундан кейин конституциявий курилишда аралаш яъни Британия-француз ёндашуви вужудга келди. Шунингдек, Африканинг Сахройи Кабирдаги давлатлар, хамда Марказий ва Шаркий Европа мамлакатларида конституциявий ислохотлар даврини вужудга келтирдилар. Бугунги кунда жуда кўп давлатларда хар томонлама ривожланган конституциялар вудужга келди ва келмокда. Жахон давлатларининг конституцияларини ИИВ Академияси томонидан тузилган ва чоп этилаётган «Конституции Мира» номли тўпламидан фойдаланиб ўрганиш мумкин. 1-6-томларида 45 та давлатнинг конституциялари берилган. Бу давлатларнинг конституциялари ўрганиб чикилса, у давлатлар хакида тўлик маълумотларга эга бўлиш мумкин. Масалан , Австрия Конституцияси - Федерал Конституциявий конун деб аталади. (1920й, 10 ноябрда кабул килинган). Давлат бошлиғи - федерал Президент. Давлат бошкаруви - республика. Давлат тузилиши - федератив. Сиёсий тартиби - демократик. Қонун чикарувчи хокимияти - Парламент (миллий палата 183 та депутат ва федерал палата 63 та депутатдан иборат). Ижро этувчи хокимияти - федерал Президент ва федерал хукумат. Сиёсий партиялари: «Австралия Халк партияси»; «Австралия Озодлик партияси»; «Австралия социал-демократик партияси»; «Мукобил яшил». Озарбайжон Коституцияси (1995й, 12 ноябрда кабул килинган, 1995й 27 ноябрда кучга кирган). Давлат бошлиғи - Президент. Давлат бошкаруви - республика. Давлат тузилиши - унитар. Сиёсий тартиби - демократик. Қонун чикарувчи хокимияти - Миллий Мажлис. Ижро этувчи хокимияти - Министрлар Кабинети. Сиёсий партиялари: «Озарбайжон Халк фронти»; «Миллий

Мустакил партияси»; «Озарбайжон социал демократик партияси»; «Мусават»; «Ишонч йўли партияси»; «Озарбайжон Халк партияси»; «Озарбайжон дехкон партияси». Конституция – олий юридик кучга эга бўлган, ваколат берилган, органлар томонидан берилган тартибда, ёхуд халк референдуми оркали кабул килинган, энг баркарор ва мухим ижтимоий муносабатларни тартибга солувчи давлатнинг асосий конуни. Конституция куйидаги ижтимоий муносабатларни тартибга солади: 1. Инсон хукуклари ва эркинликлари; 2. Давлат тузилиши; 3. Давлат хокимиятининг ташкил топиши (структураси, давлат органларининг шаклланиш тартиби ва улар орасида ваколатларнинг таксимланиши); 4. Миллий хусусиятларга каратилган конституциявий назоратни талаб этувчи мухим ижтимоий муносабатлар ва маълум давлатнинг анъаналари. Конституция асосий белгилари, асосий вазифалари ва юридик хусусиятлари оркали тўликрок тавсифланади. Конституциянинг асосий белгилари Конституция белгилари конституциянинг юридик хужжат сифатида жамият билан алокасини ва унинг умумтаъсирчанлигида намоён бўлади. Қуйидагилар конституциянинг асосий белгиларидир: 1. Таъсис этиш характери; 2. Миллийлиги; 3. Амалийлиги; 4. Баркарорлиги; Конституциянинг таъсис этиш характери шундаки, у бутун ижтимоий муносабатларни эмас, балки мухимрок ва амалда кўпрок учрайдиган муносабатларни тартибга солади, шу билан бирга умумлаштирувчи характерга эга. Конституция кичик хажмда ва нормалар микдори кам бўлиб, у давлат ва жамият курилишининг энг асосийларини камраб олиши керак. Конституцияда ёритилмаган бошка ижтимоий муносабатлар

конституцияга асосланиб чикарилган конунлар ва бошка хукукий хужжатларда тартибга солинади. Конституциянинг миллийлиги: Биринчидан, у халкнинг рухияти ва интилишларига жавоб берувчи ижтимоий муносабатларни мустахкамлайди; Иккинчидан, халк манфаатидан келиб чикиш ва бевосита ёки ўз вакиллари оркали халк томонидан кабул килиниши; Конституциянинг амалийлиги жамият хаётида доим акс этиши тушунилади. Акс холда конституция формал бир хужжатга айланадики, жамиятда хеч кандай обрў эътиборга эга бўлмайди, шунга кўра унга амал килинмайди хам. Конституция узок муддатга мўлжалланган хужжат бўлганлиги сабабли, баркарорлик унинг мухим жихатидир. У маълум муддатда амалдаги тартибга кўра катъийликни таъминлаб бериши керак, уни тез ва хозиржавоблик билан ўзгартириш мумкин эмас. Лекин конституцияни бир марта тузиб ва ўзгартиришга мойил бўлмайдиган умрбод хужжат сифатида кабул килинишига йўл кўйилмаслик керак. Маълумки, хаёт тобора ривожланиб, жамият ўзгариб боради. Агар конституцияга мос келувчи ўзгартиришлар киритилмас экан, у жамият тараккиётидан колиб кетиб, ўз фаоллигини йўкотади. Масалан, хозир СССРнинг 1936 йилдаги конституциясида социализм тўла ғалаба козонди, ер, сув давлат мулки, хусусий мулкнинг йўклиги деган тушунчалар бугунги кунга мутлак ёд назария. Белгия ўзининг 1831 йилдаги конституциясини «умрбод» конституцияга айлантирмокчи бўлди, лекин бунинг уддасидан чика олмади. Бунга сабаб мулкий муаммонинг келиб чикиши ва федерацияга бўлган эхтиёж 1831 йилдаги конституцияни амалда бўлишига тўскинлик килди. Шунга кўра 1994 йилда бутунлай янгидан конституция кабул килинди. Европа конституциялари ичида энг кадимийси бўлган 1874 йилдаги Швейцария конституцияси ўз даврининг энг замонавий ва барча талабларга жавоб берадиган конституция хисобланган, хозирги кунда эса анархизм ғоясидек туюлади. Ҳаттоки, ўзгартиришлар билан АҚШнинг 1787 йилги хукукий меъёрий конституциясига кўпрок ўхшаб кетади. Шунинг учун конституцияларнинг баркарорлиги ва вакти- вакти билан бўладиган ўзгартиришларнинг меъёрини саклаш керак.

Конституция вазифалари Конституция вазифалари бу унинг кабул килинишининг турли кўринишлари, жамият ва давлат хаётида акс этиши ва таъсиридир. Конституциянинг вазифалари куйидагилардан иборат: 1. Таъсис этувчи; 2. Ташкилий; 3. Ташки сиёсий; 4. Маънавий; 5. Юридик; Таъсис этувчи функция, Конституциянинг амалдаги ижтимоий тартибларни тасдиклаш ёки конституциянинг ёрдамисиз мустахкамлана олмайдиган, жамиятда етилган янги ижтимоий муносабатларни ривожланиши учун замин яратишда намоён бўлади. Конституциянинг бу функцияси тўликлигича хам сиёсий сохада (масалан, янги бошкарув шаклини, яъни монархия ўрнига республика жорий килиш ва бошкалар), хам давлатнинг алохида институтларида (1 палаталик парламент ўрнига 2 палаталикка ўтиш, янги мансабларни жорий этиш, масалан, Россияда 1993 йилда алохида ўрин эгалланган) амалда бўлиши мумкин. Конституциянинг ташкилий функцияси, жамиятдаги умуммажбурий жараёнларни мустахкамлашда намоён бўлади. Конституция жамиятнинг бутун хаётини аник йўналишга солади, унга аниклик киритади ва бошкарув мохиятига эга. бўлади Конституциянинг ташки сиёсий функцияси, куйидагиларда намоён бўлади: Биринчидан, конституция ташки сиёсат йўналишини шакллантиради; Иккинчидан, хорижий мамлакатларнинг жамияти ва давлати хакида маълумотлар манбаи бўлиб хизмат килади. Маънавий функцияда, конституция асосий дунёкарашни шакллантириш омили эканлиги билан ифодаланади. Масалан, дунёдаги 1-конституциялар (АҚШ, Польша, Франция)да инсон хукук ва эркинликлари, давлатнинг демократик тузуми мустахкамланган. Социалистик давлатларнинг конституциялари

жамиятда социалистик кадриятларни шакллантиришга интилади. Замонавий ислом конституциялари эса ўз фукароларига исломий дунёкараш кадриятларини уктиради. Конституциянинг юридик функцияси Коституцияларга хос куйидаги функциялар мавжуд:  Биринчидан-жамиятдаги бутун тартибот ишларининг асоси бўлиб колади;  Иккинчидан-бевосита хукук ва мажбуриятларни ўрнатади;  Учинчидан - колган барча меъёрий хукукий актларнинг пойдевори бўлиб хизмат килади. Конституциянинг юридик хусусиятлари, у давлатнинг асосий конуни эканлигига ишора килади. Қуйидаги хусусиятлардан асосийларини ажратиб олиш мумкин:  Давлатнинг асосий конуни;  Олий юридик кучга эга;  Амалдаги конунчиликнинг асоси;  Унинг кабул килиниши ва ўзгартирилишининг алохида тартиби. Конституция бу референдум, халк ёки олий конун чикарувчи ва давлат вакиллик органлари томонидан кабул килинадиган умуммажбурий хукукий меъёрий акт (конун)дир. Бу акт жамият ва давлат хаётининг асосий масалаларини мустахкамлайди. Доимий ва кўп кўлланилишга мўлжалланган бўлиб, давлатнинг обрў-эътибори (авторитети) ва мажбурлов кучига суянади. Одатда конституция ягона меъёрий хукукий хужжат бўлиб, у ўзининг мазмун-мохияти ва ролига кўра давлатнинг асосий конуни хисобланади. Бу асосий конун олий юридик кучга эга бўлганлиги сабабли, бошка конунчилик хужжатлари унинг меъёрларига зид бўлиши мумкин эмас ва унинг юридик устунлиги хам айнан шунда. Дунё амалиётида конституцион конунлар деган тушунча мавжуд. Ушбу конунлар конституция каби жамият ва давлат хаётидаги мухим масалаларни тартибга солувчи ва конституциянинг ўзига хос давомчисидир.

Биз конституцияни амалдаги конунчилик асоси дея оламиз, чунки унинг шароитида барча мамлакатларнинг конунчилик тизими ривожланади ва ундан «униб чикади». Янги конституциянинг кабул килиниши, конунчилик тизимини янгиланиб боришига олиб келади. Конституциянинг бошка конунчилик хужжатларига нисбатан баркарор ва олий юридик кучга эга бўлиши учун унинг кабул килиниш жараёнини оддий конунларнинг кабул килиниш жараёнидан мураккаброк тартибда бўлиши керак. Конституциянинг кабул килинишининг куйидаги усуллари мавжуд:  Парламент томонидан;  Халк ёхуд референдум томонидан;  Махсус таъсис мажлиси томонидан;  Такдим этиш оркали. Парламент томонидан кабул килиш бу энг кўп, кенг таркалган ва табиий усулдир. Одатда парламент аъзоларининг 2,3 кисми катнашгандагина ваколатли хисобланади (айрим холларда 2,4, 3,5). Кўпинча конституцияни кабул килишда иккита воутм усули ишлатилади (двойной вотум). Бу - Конституция ёки унга ўзгартиришларни икки овозда кабул килинишини билдиради. Уни содда ва мураккаб икки вотум усулига ажратилади: Содда икки вотум-бу, бир сессия таркибида ёки бир конун таъсис этувчи парламент таркибида икки овоз беришни амалга оширишдир. Масалан, Украинанинг 1996 йилдаги конституцияси ўзгартиришлар киритиш учун бир сессия таркибида мутлок кўпчилик овози билан кабул килиниб, кейинчалик колган сессиялар давомида ваколатли овоз (2-3 овоз) билан тасдикланади. Мураккаб икки вотум бу биринчи берилган овозни парламентнинг бир таркиби, кейингиларини эса бошка таркиб амалга ошириши тушунилади. Юкоридаги тартиб Швейцарияда мавжуд. Бир катор мамлакатларда (Белгия, Голландия, Испания) конституциясининг кабул килиниши ёки унга катъий ўзгартиришлар киритиш учун парламент алохида сайланади, кейин янги тартибда конституцияни кабул килади. Маълумки, АҚШ, ГФР тартибига биноан, конституция (унга ўзгартиришлар) нафакат давлатнинг парламенти томонидан, балки федерация субъектларининг парламентлари

томонидан хам кабул килинади (ратификация йўли билан). Иккинчи кенг таркалган усул – бу референдумда кабул килинишидир. Айрим мамлакатлар мавжудки (масалан, Руминия), уларда хар икки усул хам кўлланилади: конституция биринчи парламент томонидан кабул килиниб, сўнг референдумда тасдикланади. Махсус таъсис мажлис бу конституцияни кабул килувчи учун алохида органдир. Одатда унда эндигина ташкил топган мамлакатларнинг янги конституцияси (АҚШ нинг 1787 йилдаги конституцияси, ГФР нинг 1949 йилдаги конституцияси) ёки ўз жамият курилишини ва давлат бошкарувини тубдан алмаштирган мамлакатларнинг (Италия, 1947 й) конституциясини кабул килади. Такдим этиш усули бу якка хукмдор ёки бошка давлат бошлиғи томонидан конституциянинг инъом этилишидир. Конституция классификацияси ва турлари Турли асосларга кўра конституция куйидагиларга бўлинади:  Кодекслаштирилган ва кодекслаштирилмаган;  Тирик ва ўлик;  Ҳукукий (юридик) ва далилий;  Ҳакикий ва сохта;  Эгилувчан ва катъий. Замонавий кўпгина конституциялар кодекслаштирилган шаклда кабул килинади. Бу дегани конституция, коидага биноан ягона, тизимлаштирилган ва мантикий мохиятга эга бўлган хужжат эканлигидан далолат беради. Лекин дунёда кодекслаштирилмаган конституцияларни кабул килган давлатлар хам учраб туради. Буюк Британия, Швеция ва Исроил каби мамлакатларда конституция ягона хужжатни ташкил этмайди, у бир нечта конституцион характерга эга бўлган масалаларни бошкарувчи мухим конунлар мажмуидир. Англосаксон хукукий тизими мавжуд бўлган мамлакатларда «тирик» ва «ўлик» конституциялар ажралиб туради. Бу маънода АҚШ конституциясини айтишимиз мумкин. АҚШнинг 1787 йилдаги конституцияси (яъни 200 йил олдин кабул килинган) ўлик хисобланади, чунки у жуда эскирган, архаик ва юзаки каралган

конституция бўлиб, факат асосийларнинг асосийсини тартибга солади. Агар уни (Олий суд) судъялар томонидан шархланмаганда, у билан яшаш жуда кийин бўлар эди. Унлаб конституция мазмунини тушунтириб берувчи Олий суд карорлари айнан тирик конституция сарасига киради. Конституцияни шархлаш хукукига эга бўлган англосаксон мамлакатларининг судлари ўз карорлари билан шу давлатнинг тирик конституциясини жорий килади. Конституциялар хукукий ва далилий бўлиши мумкин. « Ҳукукий конституция » бу, коғоздаги конституциядир. Лекин « Далилий конституция» эса, коғоздаги конституцияга мос тушмаслиги мумкин бўлган хаётдаги конституциядир. Масалан авторитар ва тоталитар давлатнинг конституцияларида инсон хукуклари ва эркинликлари нормаларда мустахкамланган, лекин амалдаги ўрнига келсак, хокимиятлар томонидан назорат килинмайди ва шу хукукларни химоя килувчи алохида механизм хам ишлаб чикилмаган. Бошка мисол: Гитлер Германияси ўз фаолиятини олиб бориш давомида «демократик» Веймар конституциясининг кўпгина жихатларига амал килинмаган. Ҳукукий ва далилий конституциялар мазмуни хакикий ва сохта конституциялар мазмунига жуда якин. Ҳакикий конституция хаётга татбик килинган ва унга мувофик ижтимоий муносабатларда ўз аксини топади. Сохта конституциялар хакикат билан бирлаша олмайди ва амалиётда ўз аксини топмайди. Шундай килиб, агар замонавий АҚШ учун тоталитар социалистик конституция кабул килинса, унда бу конституция сохта бўлади, чунки АҚШнинг ижтимоий муносабатлари ўзгачадир, ундан тубдан фарк килади. Агар Хитой олдинги буржуа конституциясини кабул килса, худди юкоридаги холат кайтарилади. Конституцияга ўзгартириш киритиш имкониятига кўра эгилувчан ва катъий конституцияларга бўлинади. Эгилувчан конституция – бу унинг матнига ўзгартириш киритиш осон бўлган туридир. Кўп холларда эгилувчан конституцияларда ўзгартиришлар хозиржавоблик билан амалга оширилади. Масалан, Буюк Британия конституциясига шундай конституция сифатида мурожаат этиши мумкин. Парламент акт чикаради дегунча, конституцияга ўзгартиришлар киритилиб бўлинади. РСФСРнинг 1978 йилдаги

конституциянинг 1989-1993 йил нашр этилганини хам эгилувчан конституция дея оламиз, чунки унга ўнлаб ўзгартиришлар ва тузатишлар киритилган. Узгартиришлар киритиш бир мунча мураккаб бўлган конституцияларни мураккаб конституция деб айтсак бўлади. Конституцияларни катъий турига айлантириш учун бир неча усуллар мавжуд. Бунинг учун куйидагилар киритилади: Узгартиришлар киритишда ваколатли овоз микдорини (2|3, 3|5, 3|4); Икки вотум усулини (1 таъсис мажлиси ёки 1 сессия давомида 2 овоз бериш йўли билан амалга оширилади, агар мураккаб бўлса, у холда факат парламентнинг турли аъзолари томонидан кабул килинади); Парламентнинг янги таркиби асосида конституцияни кабул килиш учун алохида парламентнинг кайта сайловини; Узгартиришларни референдумда тасдиклаш учун; Узгартиришларни федерация субъектларининг конун чикарувчи органлари томонидан ратификация килишни. Ута катъий конституция деб, ўзгартиришлар киритишнинг хеч иложи бўлмаган конституцияга айтилади. Конституциявий хукук фанини тизими Ҳар бир фан ўзининг тизимига эга бўлиб, ўзи ўрганадиган предметнинг мазмуни ва унинг тузилиш тартибини камраб олади. Конституциявий хукук фанининг тизими, асосан, ўзи ўрганадиган хукук тармоғининг тизимига ва унинг олдига кўйилган вазифаларга мос келади ва куйидаги бўлимларни ўз ичига олади: 1. Фанинг умумий масалалари. Уларга хукук тармоғи сифатида конституциявий хукукнинг тушунчаси, предмети, бу хукук тармок нормаларининг мохияти ва хусусиятлари; конституциявий-хукукий муносабатлар ва уларнинг турлари; конституциявий хукукнинг Республикамиз хукукий тизимидаги ўрни каби масалалар киради. 2. Узбекистон Республикасида конституциявий ривожланишнинг асосий боскичлари. Бу бўлим конституциявий хукукнинг бош манбаи ва давлатнинг асосий конуни бўлган Узбекистон Республикаси Конституциясининг жамиятдаги ўрни ва хусусиятларини, конституциявий хукук

нормаларини амалга ошириш механизми ва шаклларини, Узбекистонда конституциявий ривожланишнинг асосий боскичларини ўз ичига олади. 3. Узбекистон Республикаси конституциявий тузумининг асосий принциплари бўлимида республикамизнинг давлат мустакиллиги, халк хокимиятчилиги, Конституция ва конунларнинг устунлиги тамойиллари, Узбекистон ташки сиёсатининг конституциявий асослари ўрганилади. 4. Инсон ва фукароларнинг асосий хукуклари, эркинликлари ва бурчлари. Бу бўлимда шахс хукукий холатининг асослари, Узбекистон Республикасининг фукаролиги, инсон ва фукароларнинг асосий хукуклари ва эркинликлари, бурчлари, уларни амалга ошириш кафолатлари ўрганилади. 5. Жамият ва шахс муносабатларининг асослари. Бу бўлимда Узбекистон Республикаси конституциявий тузумининг иктисодий негизлари, жамиятдаги мулкий муносабатлар, фукаролик жамиятнинг конституциявий асослари, жамоат бирлашмалари, оиланинг жамиятдаги роли, оммавий ахборот воситаларининг жамият сиёсий тизимида тутган ўрни ўрганилади. 6. Узбекистон Республикасининг маъмурий-худудий ва давлат тузилиши. Бу бўлимда Узбекистоннинг миллий-давлат тузилиши, маъмурий-худудий бўлиниши, Коракалпоғистон Республикасининг конституциявий макоми ўрганилади. 7. Узбекистон Республикасининг давлат хокимияти органлари тизими . Бу бўлимда давлат хокимиятининг бўлиниш тамойиллари, давлат хокимияти органларининг тизими ва турлари, улар фаолиятини ташкил этиш тамойиллари ва шакллари; Узбекистон Республикаси Олий Мажлиси, унинг ваколати ва фаолиятининг шакллари; Узбекистон Республикаси Президентининг макоми, ваколатлари, давлатни ва хўжаликни бошкариш органлари, махаллий хокимият органларининг тизими, суд хокимияти ва прокуратура органлари тизими ўрганилади. Ҳозирги конституциявий хукук фанининг тизими ана шулардан иборат. Албатта, конституциявий хукук фанининг тизими ўзгармасдан колмайди, конституциявий хукук институтларининг ривожланиши билан бу фан тизими хам ўзгариб бораверади.

Масалан, Республикамизда икки палаталик парламент ташкил топиши, Президентнинг конституциявий сайлаш муддати етти йилга чўзилиши билан Узбекистон Республикаси Конституцясининг айрим моддаларига ўзгартиришлар киритилади. Конституциявий хукук фани хукукшунослик фанлари ичида марказий ўринни эгаллайди. Чунки конституциявий хукук фани республикамиз конституциявий тузумининг асосий тамойилларини, ижтимоий тузумнинг конституциявий асосларини, инсон ва фукароларнинг хукуклари, эркинликлари ва бурчларини, Узбекистон республикасининг давлат тузилиши ва давлат тизимларини белгилайдиган энг мухим хукукий институтларни ўрганади. Бу хукукий фан бошка юридик умумназарий, тарихий тармок фанлари билан узвий боғликдир. Конституция бу доимий юридик хужжат (гох 1та, гох бир нечта). Ҳужжат сифатида ички мантик ва алохида тузилишга эга. Конституциянинг асосий тузилиш элементлари:  Мукаддима;  Асосий кисм;  Якуний ва илова кисмларидан иборат. Мукаддима - конституциянинг киска ва тантанали кириш кисми. Одатда мукаддима халк ёки конституцияни кабул килаётган орган номидан овоза килинади. У халкнинг тарихий кадамига ишора килиб, конституция номидан унинг максадлари эълон килинади. Мукаддима - конституциянинг кенг таркалган, лекин мажбурий тусга эга бўлмаган кисми. Конституциясининг мукаддима кисми умуман бўлмаган мамлакатлар хам мавжуд (масалан, Италия). Айрим тоталитар ва авторитар мамлакатларнинг конституциясида мукаддима кисми алохида ўрин эгаллайди. Уларнинг мукаддимаси киска декларация эмас, балки давлатнинг хаёти тўғрисидаги тўлик маълумот, у социалистик жамиятнинг янги максадлари, революция ютуклари, революционерлар кураши ва унинг оғир тарихи хакида маълумот беради. Ахён-ахёнда бундай мукаддималар ўтиб кетган Мао Цзедунг, Хо Ши Мин каби (Хитой, Въетнам) хозир хаёт бўлган Куба бошлиғи Ф.Кастро каби тарихда чукур из колдирган юртбошиларнинг хаётини ўзида мужассамлаштирган. Демократик давлатларда эса кимнингдир жамият олдида хизматлари кўп бўлишига карамай, унинг исмини ёки номини киритиш умуман кабул килинмаган.

Қоидага кўра, мукаддима меъёрий характерга эга эмас (хеч кандай юридик меъёрлари йўк). Франция бундан мустасно, биринчидан, конституциясининг 1-моддаси (конституциянинг киска шаклдаги энг мухим моддаси) мукаддима таркибида; иккинчидан, 1958 йилдаги конституциянинг кисми сифатида, айрим инсон хукукларини тартибга солувчи 1946 йилдаги конституциянинг мукаддимаси хам кабул килинади. Асосий кисм конституциянинг матни хисобланади. Одатда у ракамланган бўлимларга бўлинади (бўлим, боб, модда). Ҳар бир бўлим алохида ижтимоий муносабатларни тартибга солади (масалан, инсон хукуклари, давлат курилиши), моддалар эса, аник меъёрларни ўз ичига олади. Замонавий конституцияларда одатда, аввал конституцион тузум асосларини тартибга солиш, сўнг давлат органларининг давлат тизимидаги жойлашувини акс эттиради. Замонавий даврдаги ўртача конституциялар 100-150-моддани кабул килади. Жуда мантикий конституциялар мавжуд: масалан Монголия конституцияси эса 70 та моддадан иборат. Ута батафсил ва тўлик (шиширилган) конституциялар мавжуд. Булар жумласига Ҳиндистон конституцияси (750 та модда атрофида), Бразилия конституцияси (315 та моддага якин), Португалия конституцияси (300 та моддалар атрофида), Мексика конституцияси (100 та модда, лекин уларнинг хар бири 5-10 моддани ташкил этади) киради. Замонавий нуктаи назардан, юкоридаги холат тўғри деб топилмайди, чунки конституция киска, лўнда ва мантикий бўлиши зарур. У чалкашишга йўл кўядиган, тушунарсиз «шиширилган» эмас, балки энг асосийларнигина ўзида мужассам этиши зарур. Конституциянинг ривожланиш боскичлари Турли вактларда турли конституциялар кабул килинган. Ҳар бир конституция ўзида ўта аник ва тарихий давр асарлари (излари)ни ўзида мужассам эттиради ва у ўша даврдаги ижтимоий муносабатларни ва маълум даврдаги хамда маълум давлатдаги энг катта конституцион мустахкамликка эга бўлган эхтиёжни тартибга солган. Конституция ва унинг ўрганадиган масалаларининг кабул

килиниши учун маълум факторлар таъсир этади. Улардан энг асосийлари: 1. Жамиятда синфий табакаланиш кучининг таксимланиши; 2. Ҳокимиятнинг у ёки бу жамият катламига тегишлилиги; 3. Амалдаги шахсий муносабатлар, ишлаб чикариш кучларининг ва ишлаб чикариш муносабатларининг ривожланиш даражаси; 4. Конституция тайёргарлиги ва кабул килиниш жараёнида оммавий фикрлар; 5. Халк менталитети; 6. Жамиятдаги маданият даражаси; 7. Халк ва давлатнинг тарихий ўтмиши; 8. Конституциянинг бошка давлатларга таъсири; 9. Боскинчилик кучларининг хорижий мамалакатларга таъсири (кам холларда). 200 йилдан ортик даврдан бери кодекслаштирилган конституция ўзининг замонавий тушунчасида ишлатилмокда. Шу давр мобайнида конституция кабул килинишининг 6 та энг катта боскичларини босиб ўтди: 1-боскич: ХУ III аср охири – 1 – жахон уруши (1914-1918 йиллар); 2-боскич: Биринчи ва иккинчи жахон урушлари орасидаги давр (1918-1945 й); 3-боскич: 1945-1960 йиллар; 4-боскич: 1960-1975 йиллар; 5-боскич: 1975-1990 йиллар; 6-боскич: 1990 йилдан бошланади. 1-боскич энг узун давр хисобланади яъни 130 йил давом этган. У биринчи конституциянинг кабул килиниши билан бошланади (1787 йил-АҚШ, 1791 йил-Польша, 1791 йил-Франция). 130 йил давомида биринчи конституцияни намуна килиб олган холда бутун дунёдаги ривожланаётган мамлакатларда ва Европада конституциялар кабул килина бошлаган. (1831 йил Бельгия конституцияси, 1874 йил Швейцария конституцияси, 1887 йил Голландия конституцияси, 1889 йил Япония конституцияси, 1871 йил Германия конституцияси, 1848 йил Италия конституцияси, 1911 йил Португалия конституцияси ва бошкалар). ХУ III аср охири – 1914-1918 йилда кабул килинган барча конституциялар бир-бирига шакли ва матни жихатидан ўхшаб

кетади. Улар куйидагилар: 1. Жуда мантикий ва кискалиги; 2. Эскирган тилда ёзилганлиги; 3. Юридик технологиянинг юкори эмаслиги (сўзлар орасида ораликлар кўплиги ва ноаник, тушунарсиз нормаларнинг мавжудлиги); 4. Кўпинча таъсис мажлиси ёки бошка кам вакиллик йиғилишларида кабул килинган ёхуд якка хукмдор томонидан инъом этилган; 5. Революция ёки бошка фавкулодда холатларда кабул килинган; 6. Асосий эътибор давлат хокимиятининг ташкил топиш масалаларига каратилган; 7. Ҳукук ва эркинликлар конституция матнининг озгина кисмигагина аталган, шунда хам энг асосий хукуклар мустахкамланган; 8. Сиёсий хукукларга кўпрок ахамият берилган; 9. Аксариятида хусусий мулк дахлсиз эканлиги эътироф этилган; 10. Республика ўрнатилган бўлсагина, якка хукмдор ваколатлари чекланган; 11. Ҳокимият бўлиниш тамойиллари мустахкамланган; 12. Халкнинг сайлов вакиллик органлари - парламентларни таъсис этилган (кўпинча 1-парламентлар хакикий бўлмаган ва кам салохиятга эга бўлган, цензура (таъкик)га асосланган, кўпбоскичли сайлов танланган). Конституциялар аксарияти буржуазия демократияси ва капитализм хамда бошка максадларга эришиш йўлида мутлокчиликка карши курашиш максадида кабул килинган. Конституциянинг 2-боскичи (1918-1948й) 1-жахон уруши натижасида дунёда улкан ўзгаришлар содир бўлди: Бриничи англотилликлар (Буюк Британия ва АҚШ) немистилликлар (Германия, Австрия-Венгрия)га каттик зарба берадилар. Улар дунёда ва Европада Европанинг шахсий тартибини ўрнатиб бериб, дунё харитасини ўз фойдалари хисобига андозалаб олдилар (1919 йилдаги Версал шартномаси, мандат тизими, Миллатлар лигаси ва бошкалар); Иккинчидан , уруш натижасида дунёдаги йирик империялар кулади – Германия, Австрия-Венгрия, Россия, Туркия;

Учинчидан, Европа харитасида янги давлатлар сони ошди (улар Версал давлатлар деб номланган): Латвия, Литва, Эстония, Веймар Германияси, унча катта бўлмаган Австрия Республикаси, Венгрия, Чехославакия, Югославия, Польша, Финляндия; Тўртинчидан, аксарият мамлакатларда империализмга карши миллий ва социалистик инкилоблар бўлиб ўтди (Россия, Германия, Австрия-Венгрия, Мексика ва бошкалар); Бешинчидан, маънавий кадриятлар ўзгарди (Конституция, парламентаризм ва инсон хукукларига бўлган хурмат янада ошди). 1918 йилда кабул килинган янги конституциялар олдинги конституциялардан тубдан фарк килади: 1. Олдингиларига нисбатан саводлирок ва махорат билан ёзилган; 2. Уз тартибининг предметини кенгайтириш ва хажмини катталаштириш; 3. Инсон хукуклари ва эркинликларига ахамият кўпрок берилган (1919 йилдаги Веймар Конституцияси, 1920 йилдаги Австрия ва Чехославакия Конституциялари); 4. Конституция рухига кўра демократияга таянган; 5. Биринчилари ижтимоий хукук ва меъёрларни мустахкамлашни бошладилар (1919 йилдаги Веймар конституцияси, хусусий мулк бутун жамиятга наф келтириш мажбуриятига ишора килган); 6. Парламентализмни кенгайтирдилар (сайлов хукуки хамма учун тенг бўлади ва цензурага чек кўйилди); 7. Австриянинг 1920 йилдаги конституцияси 1-марта Конституциявий судни ташкил этди. 2-жахон уруши натижасида жорий этилган дунёдаги янги вазият, конституция кабул килинишининг 3 тўлкинининг пайдо бўлишига туртки бўлди. Кўрсаткич 2 йўналиш бўйича конституцияларнинг кабул килинишининг 3-авлоди : Биринчидан, янги конституциялар янги мамлакатларда кабул килинди ва ғолиб мамлакатларда улар янгиланди; Иккинчидан, дунё микёсида миллий демократик ва социалистик конституциялар таркала бошлади. Айникса, янги конституциялар олдинги агрессив мағлуб мамлакатларда кабул килинди – Италия конституцияси (1947), Япония конституцияси (1947), ФРГ Асосий Қонуни (1949). Бу

конституциялар:  боскинчи кучлар яъни ғолиб мамлакатлар томонидан айтиб турилиб ишлаб чикилган ва мағлуб мамлакатларнинг характерини тубдан ўзгартириш максадлари бўлган;  Давлатларнинг асосини кайтадан ташкил килиб бердилар (ФРГ ўзининг “Асосий Қонуни” билан бир вактда пайдо бўлган давлатга айтилди; Италия монархия тузумидан республика тузумига ўтказилди; Япония дуалистик монархиядан парламентар монархияга айланди);  Инсон хукуклари ва эркинликлари кенг сохаси мустахкамланди;  Италия ўз даври учун инкилобий холатда ўз фукароларининг ижтимоий-иктисодий ва мехнат хукукларини шакллантириб берди;  Урушдан воз кечишни мустахкамлади, Япония эса умуман мудофаа кучларидан воз кечди;  Демократия, парламент ва кўппартиявийлик жорий этилди;  Фашизм кораланди. Фашизм ва милитаризмни келажакда пайдо бўлмаслиги учун бир катор чоралар кўрилди. Франция ўзининг 1946 йилдаги конституциясини демократлаштириб олди. Собик Совет мафкураси таъсиридаги давлатларнинг конституцион тузуми тубдан ўзгарди: ГДР, Польша, Чехославакия, Венгрия, Болгария, Руминия. Юкоридаги барча мамлакатларда махаллий компартияларга эркинлик берувчи, ўзлаштирилган хусусий мулкни конунийлаштирувчи миллий демократик конституциялар кабул килина бошланди (яъни вактинчалик миллий буржуазия ва социалистик кучларни муросага келтирувчи “вактинчалик муросали” конституция эди, лекин коммунистлар хокимият тепасига келиши учун ва хусусий муносабатларни ўзгартириш учун хукукий асосни яратдилар). “Вактинчалик муросага келтирувчи” миллий-демократик конституциялардан фойдаланган холда, коммунистлар барча кўрсатилган мамлакатлар хокимиятидан келдилар (1947-1948 й) ва улар миллий буржуазиянинг хусусий мулкини мусодара килиб, жамият таркибидаги синфларни ўзгартириб юборди. Шундан сўнг, совет блокида 7 та мамлакатларда коммунистик партия хокимиятига тегишли бўлган, социалистик давлатларнинг

иктисодий курилиши сифатида мустахкамланган “социалистик конституцияларлари” кабул килинди. Юкорида эслаб ўтилган социалистик конституциялар, 1936 йилдаги СССР конституциясига синалганлиги асосида кабул килинган. Худди шу даврда, Осиё мамлакатлари бўлмиш, Ветнам, Хитой, Ҳиндистон, Индонезия ва бошка мамлакатларнинг миллий- демократик, миллий-озодлик ва социалистик конституциялари кабул килинган. 4-боскич конституциялари 50-йиллар охири 60-йиллар бошидаги колонизм тизими барбод бўлишига олиб келувчи конституциялардан эди. Африка мамлакатлари ўзининг миллий конституцияларни кабул килган. Улардан айримлари озод мамлакатлар томонидан мустакил ишлаб чикилди. Кўпинча улар олдинги метрополиялар томонидан ишлаб чикилар эди (Буюк Британия, Франция) ёки улар томонидан инъом килинар эди. Колонизм тизимининг барбод бўлиши натижасида Франциянинг 1958 йилдаги “генерал деголев” конституциясини кабул килишига туртки бўлди. 5-боскич конституциялари Европа-Греция, Португалия (1974) ва Испания (1975)даги фашистик режим кулашининг тарафдори бўлган. Бу мамлакатларда демократик сиёсий режим ва янги конституцион курилиш, парламентаризм, инсон хукуклари ва эркинликларини мустахкамловчи янги, демократик конституциялар кабул килинди (Грецияда – 1975 й, Португалияда – 1976й, Испанияда – 1978 й). Янги конституциялар Португалиянинг 1976 йилдаги конституциясини намуна килиб олган холда, унинг колониясидан 1974-1975 йилларда чикиб кетган мамлакатларда кабул килинди. 70-80-йилларнинг 2-ярмида шунингдек, колониялардан охирги бўлиб ажралиб чиккан мамлакатларда конституциялар кабул килинди (масалан, Жанубий Родезия) шунингдек, инкилоб ёки давлат тузумини ўзгартирган мамлакатларда (Эрон) рўй берди. 6-боскич хозирча охирги боскич, ундаги конституциялар Собик СССРнинг ва социализмнинг кулаши натижасида пайдо бўлди. 20 дан ортик мамлакатлар ўз жамият курилишини тубдан ўзгартирдилар. Шунга кўра, дунё харитасида 20га якин давлатлар пайдо бўлди (15 та СССР худудида, 5 та Югославия худудида). Аксариятида кейинчалик батафсил кўриб чикишга мойил бўлган янги конституциялар кабул килинди .

Адабиётлар: 1. И.А.Каримов. «Узбекистоннинг ўз истиклол ва тараккиёт йўли». – Т., «Узбекистон», 1992. 2. И.А.Каримов. «Узбекистон - келажаги буюк давлат». - Т., «Узбекистон», 1992. 3. И.А.Каримов. «Буюк келажагимизнинг хукукий кафолати». - Т., «Узбекистон», 1993. И.А.Каримов. «Биздан озод 4. www.ziyonet.uz

O'xshashlar

Конституциявий хукук фани ҳақида тушунча

Узбекистон Республикаси Президентининг конституциявий-хукукий макоми

Конституциявий хукук асослари

Узбекистон Республикаси конун чикариш хокимиятининг конституциявий асослари.zip

Узбекистон Республикаси вазирлар махкамасининг конституциявий-хукукий макоми