Суд ҳокимияти - Huquqshunoslik - Referatlar

Суд ҳокимияти

Yuklangan vaqt:

20.09.2019

Ko'chirishlar soni:

0

Hajmi:

36.5 KB

Ko'chirib olish

Суд ҳокимияти Режа: 1.Суд ҳокимияти тизими , суд ҳокимияти фаолияти 2. Ўзбекистон Республикаси Конституциявий суди

Суд ҳокимияти тизими . Ўзбекистон Республикасида: Ўзбекистон Республикаси Конституциявий суди ; Ўзбекистон Республикаси Олий суди; Ўзбекистон Республикаси Олий хўжалик суди; фуқаролик ва жиноят ишлари бўйича Қорақалпоғистон Республикаси олий судлари; фуқаролик ва жиноят ишлари бўйича, вилоят ва Тошкент шаҳар судлари; фуқаролик ишлари бўйича туманлараро судлар; жиноят ишлари бўйича туман (шаҳар) судлари; ҳарбий судлар; Қорақалпоғистон Республикаси хўжалик суд; вилоят ва Тошкент шаҳар хўжалик судлари фаолият кўрсатадилар Фавқулодда судлар тузишга йўл қўйилмайди. Суд ҳокимияти органларининг хусусиятлари шундаки, улар конституцияга асосан, қонун чиқарувчи, ижро этувчи ҳокимиятлардан, сиёсий партиялардан, бошқа жамоат бирлашмаларидан мустақил ҳолда иш юритади. Лекин бу давлат ҳокимияти тизимига кирган ҳар бир ҳокимият амалий иш юритишда қарама - қарши иш олиб бориши мумкин, деган маънони билдирмайди. Уларнинг бири иккинчисидан ажралган ҳолда иш юритмайдилар. Давлат ҳокимиятининг тизимининг бундай бўлиниши, ҳокимиятни ўта марказлаштиришдан, уни ягона юқори мансаб эгаси қўлида бўлишдан сақлайди, битта ҳокимиятнинг ўзбошимчалик билан иш юритишига йўл қўймайди.

Ўзбекистон Республикаси Конституциясининг 106-моддасида ва Судлар тўғрисидаги қонуннинг 2-моддасида кўрсатилганидек суд ўз фаолиятини мустақиллик, судяларнинг мустақиллиги ва фақат қонунга бўйсуниш принциплари асосида амалга оширилади. Судьяларни одил судловини амалга ошириш борасидаги фаолиятига бирон-бир тарзда аралашишга йўл қўйилмайди ва бундай аралашиш қонунга мувофиқ жавобгарликка сабаб бўлади. Ўзбекистон Республикаси судлар фаолияти. Ўзбекистон Республикаси Конституциявий суд қонун чиқарувчи ва ижро этувчи ҳокимиятларнинг ҳужжатлари Констуцияга қанчалик мослигига доир ишларни кўради. Ўзбекистон Республикаси «Конституциявий суд тўғрисида»ги қонуни 1995 йил 30 августда қабул қилинган. Конституциявий суд Ўзбекистон Республикасида Конституциявий назоратнинг олий органи ҳисобланади. Конституциявий суд Қорақалпоғистон Республикасининг Конституциясига, Қорақалпоғистон Республикаси қонунлари Ўзбекистон Республикасининг Конституциясига ҳамда қонунларига мувофиқлиги тўғрисида хулоса беради. Конституциявий суд Ўзбекистон Республикаси Конституцияси ва қонунларининг нормаларига шарҳ беради. Конституциявий суд ва унинг судьялари ўз фаолиятларида мустақилдирлар ва фақат Ўзбекистон Республикаси Конституциясига бўйсунадилар. Конституциявий суд ҳар бир кўраётган масалалари юзасидан ҳал қилувчи қарорлар қабул қилади. Бу қарорларнинг амалий мақсадларга мувофиқлигини кўзлаб иш тутади.

Ўзбекистон Республикаси Олий суди - фуқаролик, жиноий ва маъмурий судлов ишларини юргизиш борасида суд ҳокимиятининг олий органи ҳисобланади. Мулкчиликнинг турли шаклларига асосланган корхоналар, муассасалар, ташкилотлар ўртасидаги, шунингдек, тадбиркорлик ўртасидаги, иқтисодий соҳасида ва уни бошқариш жараёнида вужудга келадиган хўжалик низоларини ҳал этиш Олий хўжалик суди ва хўжалик судлари томонидан уларнинг ваколатлари доирасида амалга оширилади. Судьялар мустақил иш олиб боради. Улар ўз фаолиятида фақат қонун ва виждонларига бўйсунадилар. Судьяларниниг ишига хеч кимнинг аралашиши ҳаққи йўқ. Судьяларининг даҳилсизлиги қонун билан ҳимояланади ва кафолатланади. Судьялар сенатор, депутат бўлиши мумкин эмас. Улар сиёсий партияларга аъзоси бўлиши, сиёсий ҳаракатларда иштирок этиши, шунигдек илмий ва педагогик фаолиятдан ташқари ҳақ тўланадиган бошқа бирон-бир фаолият турлари билан шуғулланиши мумкин эмас. Ҳамма судларда ишлар очиқ кўрилади. Суд ишларини юритиш ўзбек , қорақалпоқ тилларида ёки муайян жойдаги кўпчилик аҳоли сўзлашадиган тилда олиб борилади. Тилини билмайдиган шахслар, таржимон билан таъминланади.

Адабиётлар 1. Ўзбекистон Республикаси Конституцияси. - Т., «Ўзбекистон», 2 007 . 2. И.А.Каримов. Юксак маънавият-енгилмас куч. Т., Маънавият, 2008. 3. И.А.Каримов. «Ўзбекистон - келажаги буюк давлат». Т., «Ўзбекистон», 1992. 4. И.А.Каримов. «Ўзбекистоннинг ўз истиқлол ва тараққиёт йўли». Т., «Ўзбекистон», 1992. 5. И.А.Каримов. «Ўзбекистон XXI аср бўсағасида: хавфсизликка таҳдид, барқарорлик шартлари ва тараққиёт кафолатлари». Т., «Ўзбекистон», 1997. 6. И.А.Каримов. «Ўзбекистон XXI асрга интилмоқда». Халқ сўзи 1999 й. 15 апрель.

O'xshashlar

Конституциявий суд

Суд хокимияти

Суд нотиқлиги санъати

Суд бухгалтерия экспертизаси

Узбекистонда суд хокимияти