Патент тушунчаси, унинг эгаси, ундаги мутлоқ ҳуқуқ ҳақида тушунча - Huquqshunoslik - Referatlar

Патент тушунчаси, унинг эгаси, ундаги мутлоқ ҳуқуқ ҳақида тушунча

Yuklangan vaqt:

25.04.2023

Ko'chirishlar soni:

0

Hajmi:

49.5 KB

Ko'chirib olish

Патент тушунчаси, унинг эгаси, ундаги мутлоқ ҳуқуқ ҳақида тушунча Режа: 1. Патент тушунчаси , унинг эгаси , ундаги мутлоқ ҳуқуқ ҳақида 2. Патент эгаси мутлақ ҳуқуқининг бузилиши сифатида эътироф этилмайдиган ҳаракатлар . 3. Патент эгаси мутлақ ҳуқуқининг бузилиши

Интеллектуал мулкни муҳофаза килувчи куйдаги ҳужжатлар мавжут: 1 - Панет; 2 - Товар белгисига гувохнома; 3 - Товар келиб чиққан жой номларига гувохнома; 4 - Электрон ҳисоблаш машиналари учун яратилган дастурлар ва маълумотлар базаларига гувохнома; 5 – Топологияни руйхатдан утказиш хакида гувохнома. Патент бу – патент эгасининг ихтиро, саноат намунаси, фойдали модел, селекция ютуқларига эгалик қилиш, улардан фойдаланиш ва уларни тасарруф этишга бўлган мутлақ ҳуқуқини тасдиқловчи ҳужжатдир. Товар белгисига гувохнома – бу эгасини гувохномада курсатилган товарларга нистабан товар белгисига бўлган мутлақ эгалик ҳуқуқини тасдиқловчи ҳужжатдир. Товар келиб чиққан жой номларига гувохнома - бу эгасини гувохномада курсатилган товарларга нистабан товар келиб чиққан жой номларини куллаш ҳуқуқини тасдиқловчи ҳужжатдир. Электрон ҳисоблаш машиналари учун яратилган дастурлар ва маълумотлар базаларига гувохнома – бу руйхатга олинган дастурлар ёки маълумотлар базаларига мутлақ ҳуқуқини тасдиқловчи ҳужжатдир Топологияни руйхатдан утказиш хакида гувохнома – бу эгасини топологияни куллаш учун мутлақ ҳуқуқини тасдиқловчи ҳужжатдир Ижодий меҳнати билан саноат мулки объектини яратган жисмоний шахс шу объектнинг муаллифи деб эътироф этилади. Патент эгасининг саноат мулки объектидан фойдаланиш ҳуқуқи. Агар саноат мулки объектидан ўз ҳоҳишича фойдаланиш бошқа патент эгаларининг ҳуқуқларини, шу жумладан бошқа шахсларнинг мазкур объектдан фойдаланишини тақиқлаб қўйиш ҳуқуқини бузмаса, бундай фойдаланиш патент эгасига тегишлидир, шу зайлда фойдаланиш ушбу

Қонунга мувофиқ патент эгасининг ҳуқуқини бузиш деб ҳисобланмайдиган ҳоллар бундан мустасно. Бир неча паент эгасига қарашли бўлган саноат мулки объектидан фойдаланиш борасидаги ўзаро муносабатлар улар ўртасидаги келишувга биноан белгиланади. Бундай келишув бўлмаган тақдирда, ҳар бир патент эгаси муҳофаза қилинаётган саноат мулки объектидан ўз ҳоҳишича фойдаланиши мумкин, лекин қолган патент эгаларининг розилигисиз объектга мутлақ лицензия беришга ёки патентни ўзга шахсга топширишга ҳақли эмас. Патент эгаси патент билан тасдиқланган саноат мулки объектига бўлган ҳуқуқи патентдан ўзганинг фойдасига воз кечиш тўғрисидаги шартнома бўйича ёки саноат мулки объектидан фойдаланиш ҳуқуқини лицензия шартномаси бўйича ҳар қандай юридик ёхуд жисмоний шахсга (шахсларга) топшириши мумкин. Патентдан ўганинг фойдасига воз кечиш тўғрисидаги шартнома ва лицензия шартномаси Патент идорасида рўйхатдан ўтказилиши керак. Патент эгаси фойдаланилаётган саноат мулки объектлари патентланганлигини кўрсатувчи огоҳлантириш тамғасидан фойдаланиши мумкин. Патент эгалари патент рўйхатга олинган санадан бошлаб уч йил мобайнида саноат мулки объектидан фойдаланмаса ёки етарли даражада фойдаланмаса, ушбу муҳофаза этилаётган саноат мулки объектидан фойдаланишни ҳоҳловчи ва фойдаланишга тайёр ҳар қандай шахс, патент эгаси лицензия шартномаси тузишдан бош тортган тақдирда, ўзига мажбурий номутлақ лицензия беришни сўраб сулга илтимоснома билан мурожаа қилиши мумкин.

Патент эгаси мутлақ ҳуқуқининг бузилиши сифатида эътироф этилмайдиган ҳаракатлар. Қуйидаги ҳолларда патент эгаси мутлақ ҳуқуқининг бузилиши сифатида эътироф этилмайди: - Ўзбекистон Республикасида муҳофаза қилинаётган саноат мулки объектларидан таркиб топган қурилмаларни Саноат мулки муҳофаза қилиш бўйича Париж конвенцияси иштирокчиси бўлган бошқа давлатнинг транспорт воситасида мазкур восита вақтинча ёки тасодифан Ўзбекистон Республикаси ҳудудида турган вақтда, башарти бу қурилмалардан фақат мазкур воситанинг эҳтиёжлари учун фойдаланиладиган бўлса, қўллаш; - патент билан муҳофаза қилинаётган саноат мулки объектларидан таркиб топган воситалар устида илмий-тадқиқот ёки тажриба ўтказиш; - патентлар билан муҳофаза қилинаётгана саноат мулки объектларидан таркиб топган воситаларни табиий офатлар, ҳалокатлар, эпидемиялар ва бошқа фавқулодда ҳолатлар қўллаш; - патентлар билан муҳофаза қилинаётгана саноат мулки объектларидан таркиб топган воситаларни, агар бу воситалар фуқаролик муомаласига қонуний йўл билан киритилган бўлса, қўллаш; - патентлар билан муҳофаза қилинаётгана саноат мулки объектларидан таркиб топган воситаларни даромад олмай шахсий мақсадларда қўллаш; - дорихоналарда шифокор рецепти бўйича дориларни бир маротабалик тайёрлаш. Патент эгаси мутлақ ҳуқуқининг бузилиши. Патент билан муҳофаза қилинаётган саноат мулки объектларидан ушбу Қонуннинг 11 ва 32моддаларида назарда тутилган қоидаларга хилоф равишда фойдаланаётган ҳар қандай шахс патент эгасининг мутлақ ҳуқуқини бузувчи ҳисобланади.

Патентланган саноат мулки объектидан фойдаланган ҳолда буюмларни рухсатсиз тайёрлаш, қўллаш, ипорт қилиш, сотишга таклиф этиш, сотиш, фуқаролик муомаласига бошқа йўсинда киритиш ёки шу муқсадда сақлаб туриш, шунингдек ихтиро патенти билан муҳофаза қилинаётган усулни қўллаш ёхуд ихтиро патенти билан муҳофаза қилинаётган усулда бевосита тайёрланган буюмларни фуқаролик муомаласига киритиш ёки шу мақсадда сақлаб туриш патент эгаси мутлақ ҳуқуқининг бузилиши деб эътироф этилади. Саноат мулки объетидан патент эгасининг мутлақ ҳуқуқини бузган ҳолда фойдаланаётган шахслар патент эгасининг талабига кўра: - патент эгасининг мутлақ ҳуқуқини бузувчи ҳаракатларни тўхтатишлари; - патент эгасига етказилган зарарнинг ўрнини қонун ҳужжатларига мувофиқ қоплашлари шарт. Саноат мулкига патент бериш ҳақидаги талабнома ва экспертизадан ўтказиш патентлаш ва унинг амал қилиши, фойдаланиши бўйича бажариладиган ишлар, кейинги маърузаларда унинг таркибий қисмлари бўйича келтирилган.

Адабиётлар: 1.Ўзбекистон Республикасининг Конституцияси. Т.: Ўзбекистон, 2014. 2.Ўзбекистон Республикасининг Фуқаролик кодекси. Т.: Адолат, 2014. 3. Муаллифлар жамоаси. Фуқаролик ҳуқуқи. Дарслик. Т.: 2008. 4. Ўзбекистон Республикаси фуқарлик кодекси шарҳ: Профессионал шарҳлар. Т 2. / Ўзбекистон Республикаси Адлия вазирлиги. – Тошкент: Baktria press, 2013, - 768 б.

O'xshashlar

Халқаро ҳуқуқ тушунчаси ва унинг моҳияти

Ҳуқуқ нормаси тушунчаси

Ҳуқуқ тизими ва тушунчаси

Интеллектуал мулк ҳуқуқий асослари ҳисобланган Ўзбекистон Республикаси Қонунлари

Интеллектуал саноат ва носаноат мулки