Мулкий хусусиятга эга бўлмаган низолар бўйича ижро ҳужжатларини ижро этиш - Huquqshunoslik - Referatlar

Мулкий хусусиятга эга бўлмаган низолар бўйича ижро ҳужжатларини ижро этиш

Yuklangan vaqt:

28.10.2023

Ko'chirishlar soni:

0

Hajmi:

28.8779296875 KB

Ko'chirib olish

Мулкий хусусиятга эга бўлмаган низолар бўйича ижро ҳужжатларини ижро этиш Режа: 1. Қарздорга муайян ҳаракатларни амалга ошириш ёки уларни амалга оширишдан ўзини тийиш мажбуриятини юкловчи ижро ҳужжатларини ижро этишнинг умумий шартлари. 2. Ишга тиклаш,қарздорни кўчириш, иморатни бузиб ташлаш,ер участкасини олиб қўйиш ва ўтказиш. 3.Ундирувчини кўчириб киритиш тўғрисидаги ижро ҳужжатини ижро этиш тўғрисида талабаларда тасаввурни ҳосил қилиш ва кўникмаларни шакллантириш

1. Маърузанинг асосий масалалари: Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 71 - моддаси 1 қисмига мувофиқ суд ижрочиси қарздорга муайян ҳаракатларни амалга ошириш ёки уларни амалга оширишдан ўзини тийиш мажбуриятини юкловчи ижро ҳужжати бўйича ижро иши юритишни қўзғатаётганда уларни ихтиёрий равишда ижро этиш учун унга беш кунлик муддат белгилайди. Бунда икки ҳолатни назарда тутиш керак: биринчидан, суд ижрочиси мулкий хусусиятларга эга бўлмаган ижро ҳужжатлари бўйича ижро иши юритишни қўзғатиш тўғрисида қарор чиқаришда ижро ҳужжатининг ўзида уни ижро этиш муддатлари кўрсатилмаган ҳоллардагина уни ихтиёрий равишда ижро этиш учун беш кунлик муддат белгилайди; иккинчидан, мулкий хусусиятларга эга бўлмаган ижро ҳужжатлари бўйича ижро иши юритишни қўзғатиш тўғрисидаги қарорда қарздорга ижро ҳужжати талаблари ихтиёрий ижро этиш учун белгиланган муддатда ижро этилмаган тақдирда қарздордан ижро йиғими (жисмоний шахслардан – энг кам иш ҳақининг беш баробари, юридик шахслардан эса – энг кам иш ҳақининг ўн баробари миқдорида) ундирилиши тушунтирилиши керак. Ишга тикланганда иш берувчига ходимга етказилган зарарни қоплаш мажбурияти юклатилади. Зарарни қоплаш: - мажбурий прогул вақти учун ҳақ тўлаш шартлигидан (Меҳнат кодексининг 275-моддаси); - меҳнат шартномаси бекор қилинганлиги ёки ходим бошқа ишга ўтказилганлиги устидан шикоят қилиш билан боғлиқ қўшимча харажатлар (мутахассислардан маслаҳатолиш, иш юритиш учун кетган харажатлар ва бошқалар) учун компенсация тўлашдан; - маънавий зарар учун компенсация тўлашдан иборатдир. Маънавий зарар учун тўланадиган компенсациянинг миқдори иш берувчининг хатти-ҳаракатига

берилган баҳони ҳисобга олиб, суд томонидан белгиланади, лекин бу миқдор ходимнинг ойлик иш ҳақидан кам бўлиши мумкин эмас. Қарздорни кўчириш тўғрисидаги ижро ҳужжатини ижро этиш бир қатор хусусиятларга эга. “Суд ҳужжатлари ва бошқа органлар ҳужжатларини ижро этиш тўғрисида”ги Қонунда белгиланган умумий қоидаларга кўра суд ижрочиси қарздорни кўчириш тўғрисидаги ижро ҳужжати юзасидан ижро иши юритишни қўзғатиш тўғрисида қарор чиқаради ва қарорда ижро ҳужжати талабларини ихтиёрий равишда бажариш учун ижро иш юритиш қўзғатилган кундан бошлаб кўпи билан 5 кун муддат белгилайди ҳамда қарздорни ижро ҳужжати талабларини ихтиёрий бажармаганлик учун жавобгарлик ҳақида огоҳлантиради. Кўчириш тўғрисидаги ижро ҳужжати талаблари қарздор томонидан суд ижрочиси белгиланган муддатда, яъни 5 кун ичида узрсиз сабаблар билан бажарилмаган тақдирда суд ижрочиси қарздорга “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 82 - моддасига мувофиқ, Ўзбекистон Республикасининг Маъмурий жавобгарлик тўғрисидаги Кодексининг 198-1 – моддасига асосан жарима солади . Шундан сўнг суд ижрочиси қарздорни кўчириш тўғрисидаги ижро ҳужжатини мажбурий ижро этиш куни ва вақтини белгилайди ҳамда бу ҳақида қарздорга хабар беради. Кўчириш тўғрисидаги ижро ҳужжатини ижро этишда қарздорнинг иштироки мажбурий бўлмаганлиги туфайли, кўчириш вақти ҳақида хабардор қилинган қарздорнинг келмаслиги ижро ҳужжатини ижро этишлик учун тўсиқ бўла олмайди. Бундай ҳолларда қарздорни кўчириш тўғрисидаги ижро ҳужжатини ижро этиш ундирувчи томонидан ижрони таъминлаш учун киритилган бўнак маблағлари ҳисобига амалга оширилади ва ижро ҳаражатлари қарздордан ундириб олинади. Кўчириш ижро ҳужжатида кўрсатилган хонани кўчирилувчидан, унинг мол-мулкидан, уй ҳайвонларидан бўшатишдан ва кўчирилувчининг бўшатилган хонадан фойдаланишини ман қилишдан иборат бўлади.

Агарда суд томонидан берилган ижро ҳужжатида кўчирилаётган қарздорни уй жой билан таъминлаш мажбурияти юкланган шахс кўрсатилган бўлса, ижро ҳужжати бўйича қарздорни кўчириш у уй жой билан таъминланганидан сўнг амалга оширилади. Жисмоний шахслар Ер кодекси ва бошқа қонун ҳужжатларига мувофиқ мерос қилиб қолдириладиган умрбод эгалик қилиш, доимий фойдаланиш, муддатли (вақтинча) фойдаланиш, ижарага олиш ва мулк ҳуқуқи асосида ер участкаларига эга бўлишлари мумкин. Юридик ва жисмоний шахсларнинг ер участкаларига бўлган мулк ҳуқуқи савдо ва хизмат кўрсатиш соҳаси объектлари улар жойлашган ер участкалари билан бирга хусусийлаштирилганда қонун ҳужжатларида белгиланган тартибда вужудга келади. Ўзбекистон Республикаси Ер кодексининг 37-моддасига кўраер участкаси ёки унинг бир қисми давлат ва жамоат эҳтиёжлари учун ер эгасининг розилиги билан ёки ердан фойдаланувчи ва ижарачи билан келишилган ҳолда тегишинча туман, шаҳар, вилоят ҳокимининг қарорига ёхуд Ўзбекистон Республикаси Вазирлар Маҳкамасининг қарорига биноан олиб қўйилади. Ер эгаси, ердан фойдаланувчи ва ижарачи ер участкасини олиб қўйиш ҳақидаги тегишинча туман, шаҳар, вилоят ҳокимининг қарорига ёки Ўзбекистон Республикаси Вазирлар Маҳкамасининг қарорига рози бўлмаган тақдирда, бу қарорлар устидан судга шикоят қилиниши мумкин. 3.Семинар саволлари: 1. Ундирувни қарздорнинг иш ҳақи ва унга тенглаштирилган тўловларга қаратиш. 2. Ундирув қаратилиши мумкин бўлмаган суммалар 3. Ундирувни жазони ўтаётган қарздорнинг иш ҳақига қаратиш 4. Алиментлар ва алимент мажбуриятлари бўйича қарзларни ундириш тартиби

5. Қарздорга муайян ҳаракатларни амалга ошириш ёки уларни амалга оширишдан ўзини тийиш мажбуриятини юкловчи ижро ҳужжатларини ижро этишнинг умумийшартлари 6. Ишга тиклаш тўғрисидаги ижро ҳужжатини ижро этиш 7. Қарздорни кўчириш тўғрисидаги ижро ҳужжатини ижро этиш 8. Иморатни бузиб ташлаш тўғрисидаги ижро ҳужжатини ижро этиш 9. Ер участкасини олиб қўйиш ва ўтказиш тўғрисидаги ижро ҳужжатини ижро этиш 10. Ундирувчини кўчириб киритиш тўғрисидаги ижро ҳужжатини ижро этиш 3.Мустақил тайёрланиш учун масалалар: Вазифа №1 Суд ижрочиси Алиев ижро ҳаракатларини амалга ошириш вақтида ундирувни қарздорнинг “Нексия” русумли автоуловига нисбатан қаратиб, бу мулкка нисбатан банд қўйди. Гаровга олувчи Ҳасанов (“Нексия ” автоуловини гаровга олган шахс) суд ижрочиси Алиев ҳаракатларига эътироз билдириб, қарздор Боқиевнинг бошқа мол-мулкига нисбатан банд қўйишини илтимос қилди. Қайси пайтда ундирув қарздорнинг гаровга қўйилган мол-мулкига қаратилиши мумкин? Вазифа №2 “Интерагро” ОАЖ фойдасига Тошкент шаҳар хўжалик судининг ҳал қилув қарори билан “Протон” ОАЖдан 10 миллион сўм ундириш белгиланган. “Интерагро” ОАЖ қарздор жойлашган ҳудудидаги суд ижрочисига мурожаат қилиб, суд қарорини мажбурий ижро этиб беришини сўради. Суд ижрочисининг кейинги ҳаракатларини айтиб беринг.

Вазифа №3 Тадбиркор Иномовнинг фойдасига хўжалик судининг ҳал қилув қарорига асосан берилган ижро ҳужжати бўйича “Сайхун” ОАЖдан 6000000 сўм ундириш учун Иномов ОАЖ “Сайхун”нинг жойлашган ҳудудидаги суд ижрочисига мурожаат қилиб, суд қарорини мажбурий ижро этиб беришини сўради. Суд ижрочиси ижрога топшириш муддати ўтганлиги учун ижро ишини қўзғатишни рад этди. Суд ижрочисининг фаолияти қонунийми? Вазифа №4 Учтепа туман суд ижрочилари бўлими суд ижрочиси Валиев, Тошкент шаҳар хўжалик судининг 2011 йил 13 мартдаги 12-1001/06-сонли қарздор “Саёҳат” корхонасидан ундирувчи “Тестил-ором МЧЖ фойдасига 2550000 сўм ундириш тўғрисидаги ижро ҳужжати юзасидан ижро иши қўзғатди. Ижрони таъминлаш жараёнида қарздорнинг ”Ипотекабанк”да ҳисоб рақами мавжудлигини аниқланди. Суд ижрочисининг кейинги ҳаракатларини айтиб беринг. Вазифа №5 Суд ижрочиси жиноят ишлари бўйича Чилонзор туман судининг қарздор Валиевадан ундирувчи Юлдашев фойдасига 1500000 сўм миқдордаги жаримани ундириш ҳақидаги берган ижро хужжати бўйича ижро иши кўзғатди. Ижро хужжати талабини бажариш учун 5 кун муддат берди, Муддат ўтиши билан суд ижрочиси мажбурий ижрони таъминлаш учун ундирувни қарздор Валиеванинг бола туғилганлик муносабати билан оладиган нафақа суммаларига нисбатан қаратди. Суд ижрочисининг ҳаракатлари қонунийми? Ундирув қандай суммаларга қаратилиши мумкин эмас?

Вазифа № 6 Фуқароликишлари бўйича Учтепа туманлараро судининг қарздор Асқаровдан ундирувчи Болтаев фойдасига 450000 сўм миқдордаги қарзни ундириш ҳақидаги берган ижро хужжати бўйича суд ижрочиси ижро иши кўзғатди. Ихтиёрий ижро учун беш кун муддат берди, муддат ўтиши билан суд ижрочиси мажбурий ижрони таъминлаш учун ундирувни қарздор Асқаровнинг хизмат сафарига юборилганлиги муносабати билан тўланадиган суммаларига нисбатан қаратди. Суд ижрочисининг ҳаракатлари қонунийми? Вазифа №7 Суд ижрочиси қарздорАлиевдан ундирувчи Исмаилов фойдасига 850000 сўм ундириш ҳақидаги берган ижро ҳужжати бўйича ижро иши қўзғатди. Ижро ҳаракатларини ихтиёрий амалга ошириш учун 5 кун муддат бериб, ўз вақтида тўламаслик оқибатларини тушунтирди. Белгиланган муддат ўтиши билан суд ижрочиси мажбурий ижрони таъминлаш учун ундирувни қарздорнинг ва унинг карамоғидагиларнинг кийим–кечак ва уйжиҳозига нисбатан қаратди. Суд ижрочисининг ҳаракатлари қонунийми? Вазифа №8 Ундирувчи Ботировнинг фойдасига фуқаролик ишлари бўйича Учтепа туманлараро судининг қарздор Юлдашевдан 12000000 сўм қарзни ундириб бериш тўғрисидаги ижро хужжати юзасидан суд ижрочиси ижро иши қўзғатди. Мазкур иш юзасидан қарздор Юлдашевга тегишли 2003 йилда ишлаб чиқарилган Нексия русумли созҳолатдаги автомашина хатланиб, 15500000 сўмга баҳоланиб, биржа орқали ким ошди савдосига қўйилди, лекин қайта ўтган ким ошди савдосида ҳам мол-мулк реализация қилинмади. Масаланинг ечимини топинг.

7.Мустақил ўқиш учун адабиётлар 1. Ижро иши юритишга оид норматив-ҳуқуқий ҳужжатлар ва ички буйруқлар тўплами. Т., Адолат, 2010, 464 -бет. 2. М.Қ. Ўразалиев. Ижро иши юритиш. Ўқув қўлланма. Т., ТДЮИ, 2011,369- бет. 3. Д. Ҳабибуллаев. Суд қарорлари ижроси муаммо ва ечим. “Ҳуқуқ ва бурч”. Т., 2009, № 10, 36-38-бет. 4. М.Ҳ. Рустамбоев , У.А.Тухташева . Суд ва ҳуқуқни муҳофаза қилувчи органлар.Дарслик. Т., ILM ZIYO, 2011, 304- бет. 5. Б.Юсупов. Суд ҳужжатини ижро этмаганлик учун жиноий жавобгарлик муаммолари. Юрид.фан.номз.илм.даражасини олиш учун ёзилган дисс.автореф. Т., 2011, 26-бет. 6. Б.Юсупов. Суд ҳужжатини ижро этмаганлик учун жиноий жавобгарлик муаммолари.Монография. Т.,2011,173-бет.

Адабиётлар 1. Ижро иши юритишга оид норматив-ҳуқуқий ҳужжатлар ва ички буйруқлар тўплами. Т., Адолат. 2010, 464 -бет. 2. М.Қ. Ўразалиев. Ижро иши юритиш. Ўқув қўлланма. Т., ТДЮИ, 2011,369- бет. 3. Д. Ҳабибуллаев. Суд қарорлари ижроси муаммо ва ечим. “Ҳуқуқвабурч”. Т., 2009, № 10, 36-38-бет. 4. М.Ҳ. Рустамбоев , У.А.Тухташева . Суд ва ҳуқуқни муҳофаза қилувчи органлар.Дарслик. Т., ILM ZIYO, 2011, 304- бет. 5. Б.Юсупов. Суд ҳужжатини ижро этмаганлик учун жиноий жавобгарлик муаммолари. Юрид.фан.номз.илм.даражасини олиш учун ёзилган дисс.автореф. Т., 2011, 26-бет. 6. Б.Юсупов. Суд ҳужжатини ижро этмаганлик учун жиноий жавобгарлик муаммолари.Монография. Т.,2011,173-бет.

O'xshashlar

Қарздорнинг иш ҳақи ва унга тенглаштирилган тўловларга нисбатан ундирув. Мулкий хусусиятга эга бўлмаган низолар бўйича ижро ҳужжатларини ижро этиш

Суд ҳужжатларини ижро этиш

Ижро иши юритиш устидан назорат бўйича ишларни ташкил этиш

Жазони ижро этиш муассасаларида режим

Жазони ижро этиш муассасаларида режим