Маҳкумлар ҳуқуқий ҳолати ( Махкумлар хукукий холати - Huquqshunoslik - Referatlar

Маҳкумлар ҳуқуқий ҳолати ( Махкумлар хукукий холати

Yuklangan vaqt:

20.09.2019

Ko'chirishlar soni:

0

Hajmi:

51 KB

Ko'chirib olish

Маҳкумлар ҳуқуқий ҳолати РЕЖА: 1. Маҳкумларнинг ҳуқуқий ҳолатининг асослари 2. Маҳкумларнинг асосий ҳуқуқлари 3. Маҳкумларнинг юридик ёрдам ҳуқуқини таъминлаш 4. Маҳкумларни шахсий хавфсизлик ҳуқуқи ва виждон эркинлигини та ъ минлаш 5. Маҳкумларни асосий мажбуриятлари

Маҳкумлар ҳуқуқий ҳолати тушунчаси ва унинг аҳамияти. Маҳкумлар ҳуқуқий ҳолати билан фуқаролар ҳуқуқий ҳолатлари ўртасидаги фарқ. Шахснинг маҳкумлик ҳолатига эга бўлиш асослари. Маҳкумларнинг умумий ва махсус ҳуқуқий ҳолатлари ва уларнинг аҳамияти. Маҳкумлар ҳуқуқий ҳолатидан келиб чиқадиган ҳуқуқ ва мажбуриятлар, уларнинг Ўзбекистон Республикаси фукароларига ёки фукаролиги бўлмаган шахсларга, ёхуд ажнабий шахсларга таъсири. Маҳкумлар ҳуқуқий ҳолати белгиланишининг аҳамияти. Маҳкумларнинг асосий ҳуқуқлари. Маҳкумларнинг жазони ижро этишдан келиб чиқадиган маиший ҳуқуқлари. Маҳкумларнинг маъмуриятга, мансабдор шахс ва давлат органларига мурожаат қилиш ҳуқуқлари. Маҳкумларнинг меҳнат қилиш ва таъминот олиш ҳуқуқлари. Маҳкумларнинг соғлиқларини муҳофаза қилиш ва тиббий ёрдам олиш ҳуқуқлари, маҳкумларнинг ҳуқуқий ёрдам олиш ҳуқуқлари. Маҳкумларнинг шахсий хавфсизлик ҳуқуқлари. Маҳкумларнинг виждон эркинлиги ҳуқуқлари ва уни таъминлаш. Маҳкумларнинг асосий мажбуриялари ва уларни амалга ошириш чоралари. Маҳкумлар Жиноят кодекси ва бошқа қонунларда белгиланган истисно ва чеклашлар инобатга олган ҳолда Ўзбекистон Республикаси фуқароси учун назарда тутилган ҳуқуқлар ва эркинликларга эга бўладилар. Маҳкумлар ажнабий фуқаролар ва фуқаролиги бўлмаган шахслар шунингдек, Ўзбекистон Республикасининг халқаро шартномаларида белгиланган ҳуқуқлар, эркинликларга эга бўлишлари ва мажбуриятларни бажаришлари мумкин. Маҳкумларни ҳуқуқлари ва мажбуриятлари муайян жазо турини ижро этиш тартиби ва шартларидан келиб чиққан ҳолда белгиланади. Маҳкумлар қуйидаги ҳуқуқларга эга: Жазони ўташ тартиби ва шартлари тўғрисида ўз ҳуқуқлари ва мажбуриятлари ҳақида ахборот олиш; Жазони ижро этувчи муассаса ёки орган маъмуриятига бошқа давлат органлари ва жамоат бирлашмаларига ўз она тилида ёки бошқа тилда таклиф, ариза ва шикоятлар билан мурожаат этиш; Ўз таклиф ва шикоятларига мурожаат этилган тилда жавоб олиш. Мурожаат этилган тилда жавоб беришнинг иложи бўлмаган тақдирда жавоб Ўзбекистон Республикасининг Давлат тилида берилади. Жавобни қамоқ жазосига, интизомий қисмга

жўнатиш ва озодликдан махрум этишга ҳукм қилинган шахс мурожаат этган тилда таржима қилиб бериш жазони ижро этувчи муассаса ёки орган томонидан таъминланади; Тушунтириш бериш ҳамда ёзишмалар олиб бориш, зарур ҳолларда таржимоннинг хизматидан фойдаланиш; Ўқув, бадиий ёки бошқа хил ахборот материалларидан фойдаланиш; Соғлиғини сақлаш, шу жумладан, тиббий хулосага кўра амбулатория-поликника ва стационар шароитда тиббий ёрдам олиш; Ижтимоий таъминот, шу жумладан, қонун ҳужжатларига мувофиқ пенсиялар олиш. Маҳкум ажнабий фуқаролар, шунингдек, ўз давлатларини дипломати, ваколатхоналари ва консуллик муассасалари билан Ўзбекистон Республикасида дипломатия ва консуллик муассасалари бўлмаган мамлакатларнинг фуқаролари эса, уларнинг манфаатларини ҳимоя қилишни ўз зиммасиза олган давлатни дипломатия ваколатхоналари билан алоқа қилиб туриш ҳуқуқига эга. Маҳкумларни ҳуқуқларини рўёбга чиқариш тартиби жиноят-ижроия кодекси ва бошқа қонун ҳужжатлари билан белгиланади. Маҳкумлар адвокатлардан малакали юридик ёрдам олиш ҳуқуқига эга. Юридик ёрдам олиш учун адвокатлар билан учрашув маҳкумларнинг аризасига кўра берилади. Маҳкумларнинг адвокатлар билан учрашувлари ЖИК да белгилаб қўйилган учрашувлар хисобига кирмайди. Бундай учрашувлар муддати ва миқдори чекланмайди. Маҳкумларнинг адвокатлар билан учрашуви тартиби қонун хужжатлари билан белгиланади. Маҳкумлар шахсий хавфсизлик ҳуқуқига эга. қамоқ жазосига , интизомий қисмга жўнатиш ёки озодликдан маҳрум этишга ҳукм қилинган шахснинг хавфсизлигига таҳдиди юзага келган тақдирда у ўз шахсий хавфсизлигини таминлаш хақида илтимос билан жазони ижро этувчи муассаса ёки органнинг хар қандай мансабдор шахсига мурожаат этишга хақли. Маҳкум мурожаат этган мансабдор шахс, дархол унинг хавфсизлигини таъминлаш чораларини қўришга мажбур. Жазони ижро этувчи муассаса ёки орган бошлиғи маҳкумнинг шахсий хавфсизлигига бўлган тахдидини бартараф этиш юзасидан зарур чораларни қўради. Маҳкумларнинг виждон эркинлигини таъминлаш . Виждон эркинлиги кафолатланади. Улар хар қандай динга эoтиқот қилишга ёки ҳеч қандай динга эoтиқод қилмасликка хақли. қамоқ ёки озодликдан махрум қилиш тариқасидаги жазони ўтаётган шахслар ҳузурига, уларнинг илтимосига кўра белгиланган тартибда рўхатдан ўтган диний бирлашмаларнинг руҳонийлари таклиф этилади. Маҳкумларга диний расм-русумларни

адо этишга ибодат учун керакли нарсалардан ва диний адабиётлардан фойдаланишга рухсат этилади. Ўлим жазосига ҳукм қилинган шахсларга ҳукм ижро этилиши олдидан руҳонийларни таклиф этиб, бундай кезларда диний такомил тақозо этадиган расм- русумларни адо этиш имконияти берилади. Диний расм-русумларни адо этиш иҳтиёрий бўлиб, бу нарса жазони ижро этувчи муассасанинг ички тартиб қоидаларини бузмаслиги шунингдек, бошқа шахсларнинг ҳуқуқлари ва қонуний манфаатларини камситилмаслиги лозим. Маҳкумларни асосий мажбуриятлари: Жазони ўташ тартиби ва шартларига риоя этишга; Жазони ижро этувчи муассаса ёки орган маъмуриятини қонунга асосланган талабларини бажаришга мажбурдирлар. Маҳкумларнинг ўз зиммаларига юклатилган бажармаслиги қонунда белгиланган жавобгарликка сабаб ва асос бўлади.

АДАБИЁТЛАР 1. Жиноят-ижроия ҳуқуқи. Дарслик. Муаллифлар жамоаси. Масъул муҳаррир-ю.ф.н., доц. Б.Ж.Ахроров. –Т.: Ўқитувчи, 2002. – 208б. 2. Жиноят-ижроия кодексига шарҳлар. Рустамбоев М.Ҳ., Ахраров Б.Ж. ва бошқалар. Маъсул муҳаррир: ю.ф.д., проф. М.Ҳ.Рустамбоев. – Т.: ТДЮИ, 2007. – 574 б. 3. Комментарий к Исправительно-трудовому кодексу Республики Узбекистан. –Т.: Узбекистан, 1997.- 345с. 4. Абдухалиқов М.А., Пайзуллаев Қ., Абдуқодиров Ш.Ё. Жиноят -ижроия ҳуқуқи (альбом схемалар). –Т.: ТДЮИ, 2005. – 142 б. 5. Курс уголовного права Республики Узбекистан Том-1 общая часть учение о преступлении . учебник. М.Х. Рустамбоев . - Т.:ТДЮИ, 2009.- 526 ст. 6. Курс уголовного права Республики Узбекистан Том-2 общая часть учение о наказании . учебник. М.Х. Рустамбоев . - Т.:ТДЮИ, 2009.-394 ст.

O'xshashlar

Давлат бошлиғининг ҳуқуқий холати ( Давлат бошлигининг хукукий холати

Жиноят-ижроия ҳуқуқига биноан маҳкумлар ҳуқуқий ҳолати

Дехкон хужаликларининг хукукий холати

хукумат ваколатлари ( хукукий холати )

Юридик хизматнинг хукукий ҳолати