Углеродли материаллар (техникавий углерод, кокс), уларнинг синфланиши, маркалари - Geologiya - Referatlar

Углеродли материаллар (техникавий углерод, кокс), уларнинг синфланиши, маркалари

Yuklangan vaqt:

20.09.2019

Ko'chirishlar soni:

0

Hajmi:

54 KB

Ko'chirib olish

Углеродли материаллар (техникавий углерод, кокс), уларнинг синфланиши, маркалари Режа: 1. Нефтни қайта ишлашда олинадиган углеродли материаллар (техникавий углерод, кокс). 2. Нефтдан олинадиган битумлар.

1. Техникавий углерод юқоридисперсли маҳсулот бўлиб, қора ранглидир ва уни қоракуя (сажа) ҳам деб аталади. Қоракуя углеводородларни 1200 – 2000°С температурада парчаланиши натижасида ҳосил бўлади. Унинг асосий элементлари – углерод (90-99%), водород (0,3-0,5%) ва кислород (0,1-7%) бўлиб, уларнинг миқдори хом ашё таркибига ва ишлаб чиқариш технологиясига боғлиқдир. Қоракуяда шунингдек, 1,5% гача олтингугурт ва 0,5% гача кул ҳам мавжуд бўлиши мумкин. Қоракуя заррачаларининг ўлчами бир неча юздан минг ангстремгача бўлади. Майда заррачали қоракуялардан йирик агрегат ҳолдагилари шакллантирилади. Қоракуяни печларда ва термик усулларда олиш мумкин. Унда кристалл фазанинг миқдори 50-70% га тенг бўлади. Буларни ичида 90% қоракуя печ усулида олинади. Бунда нефт хом ашёсини буғланиши ва ёниши, газ ҳолатга ўтиши ва термик парчаланиши ҳисобидан ҳосил моддаларни газ ҳолдаги маҳсулотлар билан ўзаро бирикиши натижасида қоракуя ҳосил бўлади. Қолган усуллар билан 40-70% гача қоракуя олиш мумкин. Қоракуяни (сажани) олиш учун асосий хом ашё бўлиб, суюқ ҳолдаги нефт маҳсулотлари, табиий ва йўловчи газлар углеводородлари ҳисобланади. Бунда суюқ нефт маҳсулоти таркибида ароматик углеводородлар кўп бўлиши ва жуда қисқа (тор) температуралар оралиғидаги қайнаш температурасига эга бўлиши керак. Бундаги хом ашё таркибига ишқор ва ишқорий-ер металлари, унинг тузлари, оксидлари ёки элементорганик бирикмаларни қўшиш билан қоракуянинг хоссасини модификациялаш мумкин. Қоракуя юқори даражада реакцияга киришиш қобилиятига эга, шу сабабли у зудлик билан оксидланади. Қоракуянинг асосий кўрсаткичларига – заррачаларини ўлчами (дисперслиги), солиштирма юзаси, адсорбциялаш хусусияти, учувчан олтингугурт ва куллари миқдори, сувли суспензиясини рН.

Қоракуянинг бу хоссалари хом ашёнинг таркиби ва ишлаб чиқариш технологиясига қараб аниқланади. Масалан, таркибида ароматик халқаларнинг сони ва углероднинг миқдорини ортиши билан қоракуяни сифати ва чиқиши ошади. Унинг дисперслиги температурага боғлиқ бўлиб, температура ортиши натижасида қоракуяни чиқиши камаяди. Резина ишлаб чиқариш учун – ДГ-100, ТМ-70, ТМ-50, ТГМ-33, ТГМ-30, ТМ-15, ТеГ-10, ПМ-75 каби маркадаги қоракуялар ишлаб чиқарилади. Бунда биринчи белги ишлаб чиқаришни билдиради, яъни “Д” – диффузион усул, Т – турбулент тарзда ҳаракатланувчи оловда, П – печда, Те – термик парчалаш билан олинган қоракуяни билдиради. Кейинги ҳарф эса хом ашёни белгилаб беради, яъни Г – газ, М – мой, ГМ – газ ва мой аралашмаси. Ҳарфлардан кейинги сонлар қоракуяни ўрта солиштирма юзасини (м 2 /г) белгилаб боради (м 2 /г). Қоракуя маркасида сонлардан кейин “В” – юқори (высокий), П – паст (низкий), ҳарф йўқ бўлса – нормал структурали эканлигини билдирувчи белгилар бўлиши мумкин. Шиша ва резина – техник буюмлар ишлаб чиқаришда каучукларни мустаҳкамлигини ошириш учун қоракуя ишлатилади. Бундан ташқари ундан полиграфия ва лок-бўёқ саноатида пигмент сифатида, портловчи моддалар олишда, нусҳа кўчирувчи қоғозлар, музика диски, пластинкаларини, қалам, изоляция метариаллари ишлаб чиқаришда ишлатилади. Нефтдан кокс ҳам олинади. Кокс қора рангли ғоваксимон қаттиқ маҳсулот бўлиб, у қаттиқ нефт углеводородларини (карбоидлар) ва смола-асфалтен моддаларини зичланиши ҳисобидан ҳосил бўлади. Нефт кокси асосан кубларда ва аста-секинлик билан нефт қолдиқлари бўлиши – гудронни, крекинг-қолдиқни, пиролиз смолаларини, эксрактларни иситилмайдиган камераларда кокслаш натижасида олинади. Кокс таркибида 90-97% углерод, 2-8% водород, қолган қисми олтингугурт, N, О 2 ва кулдан иборат бўлиши мумкин. Айрим ҳолларда унинг таркибида металлар ҳам учраб ( V , Ni ва бошқалар) туради.

Коксни бир нечта турлари ишлаб чиқарилади. Булардан кубларда даврий равишда кокслаш билан КНКЭ – крекинг-электродли нефт кокси (кокс нефтяной крекинг-электродный), КНПЭ – пиролиз-электродли нефт кокси (кокс нефтяной пиролиз-электродный), КНПС – махсус пиролизли, КЗ-8, КЗ- 0, КЗ-6, КЗ-25 – секин-аста кокслашда олинган кокслар. Бунда сонлар кокснинг ўлчамларини (мм) билдиради. Кокс халқ хўжалигининг турли соҳаларида, айниқса, рангли металлургияда (Аl-ни олишда) кўп ишлатилади. Масалан, 1 тонна Аl олиш учун 500 кг нефт кокси керак бўлади. Коксдан кимё саноатида углерод олтингугуртини (СS 2 ), Nа 2 S, СаС 2 , SiС ларни ишлаб чиқаришда реагент сифатида фойдаланилади. Нефт коксини олишда хом ашё таркибида Н:С нисбати 1,8:1 га тенг бўлиши керак. Шу сабабли кокс олишда гудрон, крекинглаш қолдиғи ва каталитик крекингни оғир газойли, пиролиз смоласи кабилар асосий хом ашёдир. Кокс 400-600°Сда ҳаво кирмайдиган жиҳозларда оғир нефт фракцияларини 15-30 соат кокслаш натижасида олинади. Товар ҳолдаги кокс маҳсулоти таркибида олтингугуртнинг миқдори 1,5% дан ошмаслиги лозим. Коксни намлиги уни ташиш вақтида 8% дан ортиқ бўлмаслиги керак. Шу билан бирга кокс сифатини мустаҳкамлик, таранглик (упрогост), ейилувчанлик каби механик хоссалари билан ҳам фарқлаш мумкиндир. 2. Нефт битумлари суюқ, ярим қаттиқ ёки қаттиқ ҳолда бўлади. Улар асосан гудрон, крекинглаш жараёни қолдиғи, концентратлар ва нефтни қайта ишлашда чиқувчи айрим оғир углеводородли қўшимча маҳсулотлар асосида олинади. Нефт битумлари сув ўтказмайдиган ва боғловчилик хусусиятларга эга бўлганлиги сабабли йўл қурилишида, гидротехник иншоотларини барпо қилишда, лак ва пластик каби материаллар ишлаб чиқаришда ҳамда коррозиядан сақловчи қопламалар олишда фойдаланилади. Шунинг учун

мана шу мақсадлардан келиб чиққан ҳолда нефт битумлари – йўл қурилиш, қурилиш ва махсус турдаги хилларга бўлинади. Нефт битумларини элементли таркиби қуйидагича: 80-85% углерод; 8- 11,5% водород; 0,2-4% кислород; 0,5-7% олтингугурт; 0,2-0,5% азот ва жуда кичик миқдорда металлар (Ni, V, Ғе, Nа) мавжуд. Бу элементлар ўзаро аралашиб мураккаб коллоид система ҳосил қилади ва бундай система асфалтенлар, юқори молекулали смола ва ёғлардан ташкил топган бўлади. Унинг таркибидаги асфалтенлар битумларни қаттиқлигини ва юмшаш температурасини юқори бўлишини, смолалар эса боғлаш (цементлаш) ва эластикликни, ёғлар эса смолаларни эритувчиси ва асфалтенларни шишини таъминлайди. Нефт битумлари учун адгезияланиш хоссаси (ёпишиши) катта аҳамиятга эга. Адгезияланиш хоссаси битумнинг кимёвий таркибига боғлиқ. Масалан, парафинлар миқдори ошиб борса, адгезияланиш камаяди. Шунинг учун битум таркибида парафиналр миқдори 5% дан ошмаслиги лозим. Асфалтенларни молекуляр оғирлиги ортиши билан адгезияланиш яхшиланади. Турли битумлар учун қўйиладиган талаблар қуйидаги жадвалда берилган. Нефт битумлари номи (тури) Юмшаш температураси, °С дан пастда 25°С даги чўзтлувчанлик, см дан кам эмас Йўл қурилишида ишлатиладиган: БНД – 40/60 БНД – 60/90 БНД – 90/130 52 48 45 50 60 70

Қурилиш битумлари: БН – 50/50 БН – 70/30 БН – 90/10 Махсус битумлар (рубракслар) А Б 50 70 90 125 – 135 135 – 150 40 3 1 - - Нефт битумларини асосан уч хил усулда олинади. Буларга: - сув буғи ёки инерт газлар иштирокида вакуумда нефтни қайта ишлаш қолдиқларини концентрлаш; - гудрон, яримгудрон, юқори молекулали нефт экстрактларини, крекинглаш қолдиқларини ҳаво кислороди ёрдамида оксидлаш; - нефтни қайта ишлашни турли қолдиқларини юқори температурада қайновчи дистилляторлар ва оксидланган битумлар билан компаундирлаш (аралаштириш) киради. Ҳозирги кунда битумлар асосан гудронларни оксидлаш билан ишлаб чиқарилаяпти. Битум олишга мўлжалланган нефтни қайта ишлашдан олдин уни яхшилаб тузсизлантирилади. Таркибида ароматик углеводородлари бор парафинли нефт қолдиқлари оксидланганда асфалтенларни миқдори ортиши билан битум анча юмшоқ бўлиб қолади. S ва унинг бирикмалари мавжуд бўлса, битумни сифати ошади. Битум олишда оксидланиш жараёнининг асосий параметрлари – t, ҳаво ни сарфи ва босимдир. Оксидланиш температураси юқори бўлса, жараён

шунча тез боради. Бироқ юқори температураларда карбен ва карбоидларни ҳосил бўлиши ортади. Оксидланиш одатда 250 – 290°Сда олиб борилади. Хом ашёга ҳаво қанча кўп берилса, оксидланиш вақти шунча камаяди. Лекин ҳаддан ташқари ортиқча ҳаво ҳам берилмайди. Амалда ҳаво сарфи 50 – 400 м 3 /т ни ташкил этади (хом ашёни таркибига қараб). Оксидланиш жараёнида босимни ортиши билан битумлар сифати ошиши мумкин. Жараён босими одатда 0,3 – 0,8 МПа га тенг бўлиши керак. Битум олишдаги технологик жараён кўрсаткичлари қуйидагича: Температура, °С - печдан чиқаётган хом ашёники – 180-250; - оксидлаш колоннасида - 290°С дан юқори эмас; - совутгичдан чиқаётган битумники – 170-200; - цистернача (ташиш идиши) битумни қуйиш – 170-180. Оксидлаш колоннасидаги босим – 0,3-0,8 МПа, ҳаво сарфи, м 3 /т битум ҳисобига – 50-400, жараён иссиқлик эффекти, кЖ/кг битум ҳисобига – 1660- 502, оксидлаш жараёнида чиқувчи газлар таркиби –даги маҳсулотдаги О 2 миқдори, % – 3 – 11. Оксидланиш жараёнида оксидлаш колоннаси энг асосий жиҳоз бўлиб ҳисобланади. Унинг d=3400 мм ва баландлиги Н=21500 мм га тенгдир. Агарда стандарт талабларига жавоб бермайдиган битумлар олинса (оксидланиш натижасида) у ҳолда керакли битум тури компеундирлаш орқали тайёрланади. Назорат учун таянч сўз ва иборалар: Углеродли материаллар, кокс, қоракуя, битум, майда заррача, ғовак, дисперслик, суспензия, рН, резина ишлаб чиқариш, каучук, лак-бўёқ, полиграфия, диск, пластинка, изоляция, пиролиз, электрод, алюминий

олишда, таранглик, механик хоссалар, адгезия, турлари, уч хил усулда олинади, оксидлаш колоннаси, компаундирлаш.

Фойдаланилган асосий дарсликлар ва ўқув қўлланмалар 1. Про скуряков Б.А., Дробкина А.Е. «Химия нефти и газа». – М.: Химия, 1995г. 2. Уильям Л. Леффлер. «Переработка нефти» – М.: ЗАО «Олимп-бизнес» 1999 г. 3. Нестеренко Л.Л., Бирюкова Ю.В., Лебедев В.А. «Основы химии и физики горючих ископаемых». Учебное пособие. – Киев: Высшая школа, 1987. – 359стр. 4. Гуревич И.Л. «Технология переработки нефти и газа», ч. I. – М.: Химия, 1972г. 5. Смидович Е.В.. «Технология переработки нефти и газа», ч.п. М.: Химия, 1980г. – 382 стр. 6. Черножуков Н.И. «Технология переработки нефти и газа», ч.ш. – М.: Химия, 1978г. – 423стр. 7. «Химическая технология переработки твердых горючих ископаемых». / Под ред. Г.Н. Макарова, Г.Д. Харламповича). – М.: Химия, 1986г. – 496стр. 8. Белянин Б.В., Эрих В.Н. «Технический анализ нефтепродуктов и газа». Л., Химия, 1975г. 9. Гуреев А.А., Фукс И.Г., Лашхи В.Л. «Химмотология». – М.: Химия, 1986г.

O'xshashlar

Мойлаш материаллари ва махсус суюқликлар. Уларни синфланиши, маркалари, қўшимчалари

Кокслаш асослари. Кокс ишлаб чиқариш усуллари

Товар ёқилғилар ва мойловчи материаллар. Ёқилғилар. уларга қуйиладиган талаблар, уларнинг хоссаларии

Нефтни қайта ишлашдаги гидрогенизацион жараёнлар

Донадор материаллар қатлами гидродинамикаси