Qishloq xo’jaligi ishlab chiqarishida iqlim, suv va boshqa resurslarning ahamiyati - Geografiya - Referatlar

Qishloq xo’jaligi ishlab chiqarishida iqlim, suv va boshqa resurslarning ahamiyati

Yuklangan vaqt:

20.09.2019

Ko'chirishlar soni:

0

Hajmi:

48 KB

Ko'chirib olish

Qishloq xo`jaligi ishlab chiqarishida iqlim, suv va boshqa resurslarning ahamiyati Reja: 1. Qishloq xo`jaligini o`rganishning iqtisodiy geografik asoslari. 2. Qishloq xo`jaligining o`ziga xos rivojlanish va hududiy tashkil etish shakllari. 3. Qishloq xo`jalik tarmoqlarini joylashtirishda tabiiy omillarning ahamiyati.

Qishloq xo`jaligi jamiyat rivojlanishi, ijtimoiy mehnat taqsimotining dastlabki shakllaridandir. Shuning uchun bo`lsa kerak yer yuzidagi eng qadimiy madaniyat o`choqlari Nil daryosining quyi qismi, Mesopotamiya, Hind-Gang past tekisligi, Xuanxe vodiysi, Movarounnahr va boshqalar sug`orma dehqonchilik bilan bog`liq bo`lgan. Xo`jalikning bu turi esa o`z navbatida jamiyat taraqqiyoti, aniq fanlar rivojiga katta ta`sir ko`rsatgan. Avvallari dehqonchilik mashg`uloti bevosita quruq iqlimli mintaqalardagi daryolar va ularning faoliyati asosida olib borilgan. Bunga Nil daryosi yaqqol misol bo`la oladi. Gerodot ”Misr-Nil daryosining tuhfasi, sovg`asi” deb aytgan. Chindan ham yer sharidagi eng uzun bo`lgan bu daryo o`zining bor kuchini, tabiiy qudratini o`zining serhosil allyuvial yotqiziqlari bilan vujudga keltirgan deltasida namoyon qilgan. Bu esa dehqonchilikni rivojlantirishga qulay imkoniyatlar yaratgan. Xuddi shunga muvofiq biz “Xorazm Amu yoki Oks daryosining sovg`asi, natijasidir”, deb ta`riflashimiz mumkin. Bu qadimiy o`lkada dastlabki sug`orish inshootlarining joriy etilishi, aniq fanlarning rivojlanish boisi ham shunda. Qishloq xo`jaligini o`rganish iqtisodiy geografiyaning to`ng`ich yo`nalishidir. Shu bois ko`pgina mamlakatlarda, jumladan, O`zbekistonda ham iqtisodiy geografiyaga oid tadqiqotlar tarixi qishloq xo`jaligini o`rganishdan boshlanadi. Iqtisodiyotning sohasi- qishloq xo`jaligi o`ziga xos rivojlanish va hududiy tashkil etish xususiyatlariga ega. Ular quyidagilar: 1. Qishloq xo`jaligi ishlab chiqarish jarayonining mavsumiyligi, uning rivojlanish va joylanishiga, eng avvalo, tabiiy-agroiqlimiy, tuproq sharoitlarining kuchli ta`sir etishi; 2. Qishloq xo`jaligi iqtisodiy samaradorligining sanoatga nisbatan ancha pastligi, mehnat va ishlab chiqarish resurslaridan foydalanishning uncha unumli emasligi; 3. Mazkur tarmoqning hududiy tashkil etish shakli xaritada areal ko`rinishda bo`lib, unda yer asosiy ishlab chiqarish vositasi bo`lib xizmat qilishi;

4. Sanoat ishlab chiqarishida uning tarmoqlari hududiy jihatdan tashkil qilinsa, qishloq xo`jaligida yerning o`zi turli tarmoqlar uchun tashkil etiladi; 5. Geografiyaning tadqiqot ob`yektlari orasida qishloq xo`jaligini kartaga tushirish, kartalashtirish imkoniyatlari juda keng. Binobarin, ushbu soha kartada sanoat yoki shaharlar singari yaqqol ko`zga tashlanmasada, ularga ko`ra geografiyroq va hududiyroqdir; 6. Qishloq xo`jaligida rayonlashtirish ko`proq hududni rayonlashtirish bilan bog`liq bo`lib, u mamlakat maydonining deyarli barcha qismlarini qamrab oladi. Shu bilan birga rayonlashtirish faqat hudud va qishloq xo`jaligining u yoki bu sohasiga ixtisoslashuvigagina emas, balki urug`chilik va meva navlarini o`rinlashtirishga nisbatan ham amalga oshiriladi. Ya`ni ular joyning tuproq, iqlim, yer-suv va boshqa sharoitlarini hisobga olib keladi, o`stiriladi. 7. Agrar sohada ishlab chiqarishning ijtimoiy tashkil etilishidagi shakllar, ayniqsa, hududiy mujassamlashuv va kombinatlash nisbatan kam rivojlangan; 8. Mulkchilikning turli shakllari ko`p ukladli iqtisodiyot qishloq xo`jaligida kengroq tarqalgan, bu sohani xususiylashtirish va davlat tasarrufidan chiqarish imkoniyatlari ham o`ziga xos. Yuqorida keltirilgan qishloq xo`jaligining rivojlanishi va joylashtirilishidagi xususiyatlar uni iqtisodiy geografik jihatdan o`rganishning asosiy tomonlarini belgilab beradi. Xo`jalikning barcha tarmoqlari, shuningdek, aholining joylashuvida tabiiy sharoitning roli katta. Bu borada ayniqsa, yer, suv, harorat, tuproq kabilar muhim ahaniyat kasb etadi. Yerning ishlab chiqarishni joylashtirishdagi o`rni uning maydini, katta-kichikligi, geomorfologik xususiyatlari bilan tavsiflanadi. Yer jamiyat rivojlanishining eng birlamchi omilidir. Ksenofont “yer insonni sog`lom, to`q va adolatli qiladi”, deb yozgan edi. Ingliz iqtisodiyoti va statistikasining asoschilaridan biri U.Petti fikricha, mehnat boylikning otasi, yer esa uning onasidir. Agar yer ko`pgina xo`jalik tarmoqlari-sanoat, transport va

boshqalar uchun oddiy sharoit sifatida xizmat qilsa, u qishloq xo`jaligida bebaho boylik, muhim resurs hisoblanadi. Suv mo`l bo`lgan hududlarda, odatda, sholi, sabzavot kabilar yetishtiriladi. Paxta ham ancha suvtalabdir. Qizig`i shundaki, yer maydoni bor joyda , suv yetishmaydi va aksincha suv ko`p tog`li hududlarda sug`orma dehqonchilikni rivojlantirish mushkul. Demak, qishloq xo`jaligi va ayniqsa uning serdaromad tarmog`i dehqonchlik uchun uch asosiy omil: yer, suv, harorat zarur. Albatta bu mazmunda yer faqat oddiy ekin maydoni mazmunidagina emas, balki uning tuproq qatlami bilan ahamiyatlidir. Binobarin, agroiqlimiy resurslarni harorat, suv va tuproq birligida ko`rish yanada to`g`riroq bo`ladi. Ekiladigan ekin turlari, ularning tarqalish areallari, o`sish va rivojlanish jarayonida ekinlarda to`planadigan va inson uchun qimmatli bo`lgan o`simlik moddalari, chunonchi g`alla ekinlarida, lavlagi ildiz mevalarida, kungaboqar urug`larida oqsil, kraxmal, yog`lar, to`qimalar, qand va boshqa ko`pgina moddalarning to`planish darajasi iqlim sharoitiga bog`liq. Iqlim resurslari- qishloq xo`jaligi ishlab chiqarishining zonalligi va uning xususiyatlarini belgilab beradigan omildir. O`simliklarning tabiiy muhitiga- issiqlik, namlik va ularning vegetatsiya davriga kelish rejimiga tuproqda bo`lgan minerallarning ta`siri katta. Tuproq juda ko`p xususiyatlarini o`zida mujassamlashtirgan tabiiy jism bo`lib shulardan eng muhimi unumdorlik, hosil yetihtirish qobiliyatidir. Tuproq unumdorligi deganda o`simliklarning butun o`sish davri davomida talab etadigan miqdorda suv va oziq moddalar bilan uzluksiz ta`minlash orqali qishloq xo`jalik ekinlaridan yuqori hosil yetishtirish mumkin. Shunga ko`ra tuproqning asosiy xususiyatlarini saqlagan holda o`simliklarning yaxshi o`sishi va rivojlanishi uchun barcha zarur sharoitlarni yaratib berish dehqonchilikda eng muhim tadbirlardan biridir. Tuproq unumdorligi asosan ikki turga tabiiy va sun`iy unumdorlikka bo`linadi. Tabiiy unumdorlik tuproqning tabiatda hosil bo`lish jarayoni mahsuli bo`lib u nisbatan yuqori va past bo`lishi mumkin. Sun`iy unumdorlik esa inson faoliyati tufayli vujudga keladi. Tuproqning sun`iy unumdorligini oshirish uchun

har qaysi zonaning o`ziga xos xususiyatlarini hisobga olib, agrotexnika, agroximiya va aglomelioratsiya tadbirlari sxemasi qo`llaniladi. O`zbekiston Respublikasining yer boyligi ancha katta. Maydoni 448,9 ming kv. km. Uning iqlim sharoitlari ham qulay- ba`zi qishloq xo`jalik mahsulotlarini bir yilda 2-3 marta hosilini olish mumkin. Biroq, qishloq xo`jaligida mavjud yerlardan unumli foydalanish uchun irrigatsiya va melioratsiya, agro infratuzilma tizimini rivojlantirish, ekologik muammolarni hal qilib berish talab etiladi.

Adabiyotlar 1. I.A.Karimov “O`zbekiston XXI asrga intilmoqda” T., “O`zbekiston” 1999 y 2. I.A.Karimov “O`zbekiston XXI asr bo`sag`asida: xavfsizlikka tahdid, barqarorlik shartlari va taraqqiyot kafolatlari” –T., “O`zbekiston” 1997 y. 3. G.R.Asanov., M.Nabixonov., I.Safarov “O`zbekistonning iqtisodiy va ijtimoiy jo`g`rofiyasi” T 1994 y. 4. E.Nabiyev., A.Qayumov “O`zbekistonning iqtisodiy salohiyati” T 2000 y. 5. A.S.Soliyev., L.Qarshiboyeva “Iqtisodiy geografiyaning nazariy va amaliy masalalari” –T 1999 y. 6. A.S.Soliyev va boshqalar “Mintaqaviy iqtisodiyot” T., 2003 y. 7. N.To`qliyev “O`zbekiston Respublikasi iqtisodiyoti” –T 1998 y. 8. M.R.Pl о t к in. «Osnovi promishlennogo proizvodstva». M. Izd. «Visshaya shkola»-1977. 9. SH.Isr а il о v. «S а n оа tning eng muhim t а rm о ql а ri t ех n о l о giyasi а s о sl а ri». T. «O`qituvchi»-1978. 10. V.P.M ак s ако vs к iy. «G ео gr а fiya mir а ». M. Izd. «Pr о sv е sh е ni е »-1990. 11. B.Mirtursun о v. «S а n оа t, qishl о q х o`j а ligi v а tr а nsp о rt а s о sl а ri» T.-2001, T.-200I (M а `ruz а m а tni), T. -2002. 12 . S.G о nch а r о v, S.Ni ко l ае v. «S о vr е m е nn а ya bum а g а » J. «Yuniy t ех ni к » M.-I978. 13. I.V.M а t о sh ко . «Jizn е nniy е r е sursi z е mli». Mins к . Izd. «Ur о j а y»-1990. 14. N.V. А lis е v. « Х imiya i g ео gr а fiya». M. Izd. «Zn а ni е »-1970....S 15. V.V. К uli ко v. «J а d а ll а shtirish str а t е giyasi» T. 1990. 16. Х .V ахо b о v. «Iqtis о diy g ео gr а fiya а s о sl а ri». T. «O`qituvchi»-2001.

O'xshashlar

Dunyo qishloq xo’jaligi

Inson va tabiat o’zaro ta’siri haqida yondashuvlar va mintaqaviy tadqiqotlar

Dunyo qishloq xo’jaligi va atrof-muhit muhofazasi

Texnika ekinlari va boshqa qishloq xo’jalik ekinlari

Agrogeografik tadqiqotlar