Осиё - шаклланиш тарихи, рельфи, фойдали казилмалари - Geografiya - Referatlar

Осиё - шаклланиш тарихи, рельфи, фойдали казилмалари

Yuklangan vaqt:

20.09.2019

Ko'chirishlar soni:

0

Hajmi:

76 KB

Ko'chirib olish

www.arxiv.uz Осиё: шаклланиш тарихи, рельефи, ф ойдали қазилмалари Р е ж а : 1. Географик ўрни. 2. Геологик тузилиши ва фойдали қазилмалари. 3. Рельефи ва фойдали қазилмалари.

www.arxiv.uz Евросиё материгининг тахминан 54 млн. кв. км. бўлган умумий майдонидан 43 млн. кв.км.га яқини Осиёга туғри келади. Осиё асосан мўътадил ва субтропик географик кенгликларда жойлашган Европадан фарқ қилиб, субарктика, мўътадил ва субтропик географик кенгликларда ҳам, тропик ва экваториал географик кенгликларда ҳам катта майдонларни ишғол қилган. Осиё 53° шимолий кенглик билан 12° жанубий кенглик оралиғида жойлашган. Осиё ғарбдан шарқка томон ҳам жуда катта масофага чўзилган субтропик кенгликдадир. Майдоннинг катталиги, унинг марказий қисмларининг океанлардан анча узоқлиги, атмосфера циркуляцияси ва орография хусусиятлари билан биргаликда Осиёнинг ички районларида континентал иқлим ҳамда курғоқчил ландшафтларнинг хукмронлик қилишига сабаб бўлган. Осиёнинг қурғоқчил районлари материкнинг ички континентал қисмида жойлашган. Осиё табиати яқин геологик ўтмишда бу қитъага ўша вақтда туташиб турган материклар: шимоли-шарқда Шимолий Америка, жануби-шарқда Австралия, жануби-ғарбда Африка билан жуда боғлиқ ҳолда таркиб топган. Бу материклар билан Осиё ўртасида алоқалар бўлганлигини уларнинг бир- бирларига яқин қисмларида ер бағрининг, рельеф ва органик дунёнинг ўхшашлиги исбот этади. Осиё Европага қараганда ғоят яхлит ва бир бутундир. Осиёнинг жанубида унинг катта ярим ороллари Арабистон, Хиндистон, Хиндихитой ярим ороллари жойлашган, бўлиб улар бир-бирларидан очиқ денгиз ва қўлтиқлар орқали ажралиб туради. Арабистон ва Хиндистон ярим ороллари яхлит бўлиб, уларнинг қирғоқлари Африка қирғоқларига ўхшаб кам ўйилган. Осиёнинг шарқ томони қирғоқ чизиқлари ва қирғоқлари тузилишига кўра тамомила бошқача. Бу ердаги қирғоқларнинг кўпчилик қисмида узун ёй шаклидаги ороллар занжири чўзилган бўлиб, ёйларнинг уч қисмлари материкка яқинлашиб келади, ўрта қисмлари эса материкдан 800-1000 км

www.arxiv.uz гача ва ундан ҳам кўпрок узоқлашган. Бу ёй шаклидаги ороллар занжирининг асосийлари Курил-Камчатка, Сахалин-Япон, Рюкю-Корея, Калимантан- Лусон-Тайвань ва Зонд ороллари занжирларидир. Осиёни ўраб олган океан ва денгизларнинг сув массаси қитъа табиатига катта таъсир кўрсатади. Лекин бу таъсир ҳамма жойда бир хил эмас. Қуруқлик ғоят кенг эканлиги, унинг исиши ва совишида мавсумий тафовут кескин рўй бериши сабабли Осиёнинг бутун жануби-шарқий ҳамда қисман жанубий чеккалари атмосферанинг муссон циркуляцияси таьсиридадир. Осиёнинг ички районларига нам денгиз ҳаво массаларининг қириб келишини улар йўлида тўсиқ бўлиб турган тоғ тизмалари чеклаб қўйган. Осиёнинг баъзи катта-катта районлари шу вақтга қадар суст ўзлаштирилган ва кам текширилган. Унинг бошқа жойларини одам жуда қадимдан ўзлаштирган ва бу ерларда ахоли зич яшайди. Осиё айрим қисмларининг табиатини ўрганаётганда шу нарсани назарда тутмоқ керакки, ахоли зич жойлашган районларда табиат ўзининг дастлабки қиёфасини йўқотган. 2. Геологик тузилиши. Осиё ер юзасининг тўртдан уч қисмидан ортиқроғини турли баландликдаги ва шаклдаги тоғ тизмалари ҳамда тоғликлар, ясси тоғлик ва платолар ишғол қилган; улар Осиёнинг марказий қисмларини ҳам, деярли бутун чеккаларини ҳам эгаллаб олган. Тоғли ўлкалар орасида Тибет, Эрон ва Кичик Осиё тоғликлари, Марказий Осиёнинг шимолий қисмидаги ҳамда Хиндистон ярим оролида- ги ясси тоғлик ва тоғликлар айниқса катта майдонларни ишғол қилади. Ана шу ясси тоғлик ва тоғликларни чекка тоғлар улкан ёйлар шаклида ўраб олган. Бу чекка тоғлар баъзи ерларда бир-бирларидан ажралиб, иккита тоғ камарини ҳосил қилади, баъзи жойлар эса улар яна ягона тоғ тугунига тўпланади. Бу тоғлар камари орасидаги энг баланд тоғ тизмалари кичик Осиё тоғлигининг шимолидаги Понтия энг баланд тоғликлар ва тоғ тизмалари камари Олд Осиё, Тибет орқали ўтиб, Хиндихитойгача чўзилган.

www.arxiv.uz Қайд қилиб ўтилган тоғ камаридан ташқарида нисбатан унча баланд бўлмаган (400 м дан 500-1000 м гача) емирилган тоғлик ўлкалар жойлашган. Шу билан бирга бу ерларда тоғ тизмалари маълум бир томонга йўналмаган. Арабистон ва Хиндистон ярим оролларида ўртача баландликдаги ва паст платолар ҳамда ясси тоғликлар кўпчиликни ташкил этади. Осиёнинг ғарбий Сибирь ва Турон текисликларидан бошқа текисликлари катта эмас. Текисликлар Осиёнинг ички районларида ҳам, чеккаларида ҳам бор. Осиёнинг пастак текисликлари унинг чеккаларида жойлашган. Текисликлар тоғлар билан ўралган бўлиб, улар тоғларда емирилган маҳсулотлар, асосан аллювиал жинслар билан тез тўлиб боради. Шу сабабли пастак текисликлар майдони айниқса денгиз томонга, яъни дельта қисмлари томонга ўсиб боради. Чеккадаги пастак текисликларга Месопотамия, Хинд-Ганг, Иравади, Меконг, Шимолий Хитой ва Сунляо пасттекисликларини мисол қилиб кўрсатиш мумкин. Гипсометрик ва тектоник карталар бир-бирларига таққосланса, Осиёдаги йирик рельеф шаклларининг асосий тектоник бўлакларга мос келишини осонгина пайқаш мумкин. Вахоланки, хозирги рельефнинг кўпгина хусусиятлари тектоник структураларнинг ёши ва тарихи билангина боғлиқ бўлмай, яқин ўтган геологик давр ҳамда хозирги замониннг экзоген жараёнлари билан ҳам боғлиқдир. Осиё, аниқроги Евросиё қадимий ядро, яъни кембрийдан аввал пайдо бўлган Шимолий Америка платформасига тобора ёш бурмали областларнинг мунтазам равишда қўшилиб туриши йўли билан таркиб топган. Шимолий Америкадан фарқ қилиб, бир канча ана шундай қадимий ядролар: Сибирь, Хитой Шарқий Европа платформаларига эга бўлган. Бу платформалар оралиғида босқичма-босқич аста-секин ривожланиб борган палеозой ҳамда мезозой даврларининг бурмаланган зоналари ана шу платформалар киёфасига тобора мослашиб борди. Марказий Осиёнинг гумбазсимон ва палахсасимон харакатлар заифрок рўй берган тоғли районлардаги хозирги рельеф ўртача баландликдаги ва

www.arxiv.uz паст тоғлардан иборат. Неотектоник харакатлар тўртламчи даврдан олдин таркиб топган рельефнинг ёшаришигагина олиб келди. Бурмаланган негиз кам ўзгаради. Бундай тоғлар Монголия Халк Республикаси территорияси учун хосдир. Шундай қилиб, неотек-тоник харакатлар турли хил натижаларга олиб келди: материкнинг марказий қисмида баланд тоғлар ва чуқур чўкмалар вужудга келди, чекка районларнинг тектоник тузилиши ҳамда рельефи эса нисбатан кам ўзгарди. Тоғларда сув эрозиясининг роли яна ҳам катта бўлган. Сув эрозияси ён бағирлардаги дастлабки ўнқир-чўнқирликларни кенгайтирган ҳамда чуқурланган. Эрозия натижасида ўйилган жойларнинг чуқурлиги Марказий Осиёнинг чекка тоғларида уч-тўрт минг метрга етади ва ундан ҳам ортади. Бунга вертикал кўтарилишлар, яъни тектоник харакатлар натижасида эрозия базасининг ўзгаришини сабаб қилиб кўрсатиш мумкин. Фойдали қазилмалари . Осиёнинг бир канча районлари хозирча кам текширилган. Бироқ Осиёнинг темир, марганец, хром, молибден, вольфрам, қалай, висмут, маргимуш, сурьма, алюминий, мис, қўрғошин, рух, олтин, никель, кобальт, симоб, титан, ванадий шунингдек уран ҳамда торий рудаларига бойлиги хозирнинг ўзидаёк маълумдир. Металл рудаларининг асосий запаслари қадимий платформаларда ҳамда массив кристалл ёки метаморфик жинслар ер юзасига чиқиб ётган тоғлик ўлкаларда жойлашган. Ёқилги-энергетика қазилмалари одатда тоғ олди ва тоғ оралиғидаги чўкинди жинслар қоплами, платформалар синеклизалари ҳамда чўккан турғун массивлар билан боғлиқдир. Рудали фойдали қазилмалар даставвал қадимий маданиятга эга бўлган мамлакатлар - Хиндистон билан Хитой топилган ва ишлатила бошлаган. Хиндистон платформасининг архей-протерозой жинслари темир рудаларига бой. Олд Осиё тоғликларида ва Жануби-Шарқий Осиёда ҳам кўпгина кўмир конлари бор. Шарқий Осиёнинг ороллари ёйида кўмир кам учрайди.

www.arxiv.uz Месопотамия тоғ олди букилмасида нефть жуда кўп. Нефть конлари Эрон тоғ олди зонасидаги бурмаланган структураларда ва Арабистон платформасининг шарқий қисмида ҳам бор. Ўрта Шарқнинг нефтли области нефть запаси жихатидан капиталистик дунёдаги энг бой райондир. Рельефи - Ер пўстининг геосинклиналларида ҳам, платформаларида ҳам ғоят актив рўй берган мезозой-кайнозой тектоник харакалари Осиёнинг структура планини жуда ўзгартири юборади ва платформага қадимда ҳамда янгидан қўшилган қуруқликлар рельефидаги фарқларни анча камайтиради. Тектоник харакатлар рельефнинг йирик эндоген мега шаклларини вужудга келтириш билан бирга рельеф ҳосил килувчи экзоген жараёнларнинг йўналишини ҳам олдиндан белгилаб берди, чунки бу харакатлар Осиёнинг ички районлари билан чекка океан бўйи районларга иқлимининг континенталлигида ҳамда оқим шароитларида кескин фарқларни вужудга келтирди. Хорижий Осиёда геологик тузилишига ва ҳам эндоген, ҳам экзоген жараёнлар натижасида таркиб топган рельеф шаклларига қараб ўн битта йирик морфоструктурали районни ажратиб курсатиш мумкин. Арабистон ва Хиндистон ярим оролларининг рельефи кристалл ва метаморфик замин устида ётувчи пенепленларнинг кенг тарқалганлиги билан ажралиб туради. Ярим оролларнинг ички қисмларини ёш дислокациялар бузиб туради. Айниқса улар ярим оролларнинг ғарбий чеккаларида кучли ривожланган. Арабистон ярим оролининг ғарбий қисмларида баландлик амплитудаси катта. Бу ерда -748 метрли Ўлик денгиздан баландлиги 3000 метргача бўлган тоғ массивлари мавжуд. Арабистон ва Хиндистон ярим ороллари шимолда хамда шимолий шарқда тоғ тизмаларига паралел холда чўзилган Месопотамия ва Хинд Ганг пасттекисликлари билан чегараланади. Бу пасттекисликлар аллювиал жинслар билан тўлган тоғ олди чуқур букулмаларини ишғол қилган. Ҳималайолди букилмасининг шарқий қисмида аллювиал ётқизиқларнинг қалинлиги 8-9 кмга етади. Ҳинд-Ганг пасттекистлигида, унинг шарқий

www.arxiv.uz қисмидаги горст (ирғитма) баландлик – Шиллонг платосини ҳамда Деҳли яқинидаги Аравалли системаси ва бошқа жойларни ҳисобга олмаганда, туб жинслар ҳеч бир жойда ер юзасига чиқмайди; шу сабали рельеф ниҳоятда текисдир. Олд Осиё ва Тибет тоғликларнинг рельефи Тетиснинг ягона Альп- Химолай геосинклиналь зонасида территориянинг кўп босқичли ривожланиши натижасида вужудга келган. Альп босқичи тоғ тизмалари ёйлари қадимий ядролар-тоғликларнинг ўрта қисмларини кенг тухумсимон шаклда ўраб олган. Кичик Осиё тоғлигини Понтия ва Тавр тоғлари; Эрон тоғлигининг Загрос, Макрон, Туркман-Хуросон ва Ҳиндикуш тоғлари; Тибет тоғлигини Ҳималай, Қорақум, Сичуань Альпи тоғлари ва бошқаларўраб туради. Энг баланд тоғ тизмалари ва тоғликлар жумласига баландлиги 5000 м га етадиган Хундикуш тоғлари ва айниқса Помир киради. Помирнинг айрим чўллари баландлиги 7000 м дан ошади. Тоғликларнинг ғарбдан шарққа томон баландлаша борувчи морфометрик хусусияти ўзига диққатни жалб этади. Кичик Осиё тоғлигининг ўртача баландлиги 600-800 м га, чеккадаги тоғларнинг баландлиги эса 1500- 2000 м га тенг (жанубда Тавр ва шимолда Понтия тоғлари); Эрон тоғлиги 800-1000 м, чеккадаги тоғлар (Эльбрус, Загрос, Ҳундикуш ва бошқалар) 2500 м га яқин, Тибет тоғлиги 4500-4600 м, чеккадаги тоғлар (Ҳималай, Куньлунь) 5000-6000 м га яқин баланликка эга. Осиёнинг улкан тоғлар минтақада унинг энг баланд тоғ тизмалари- Хиндиқуш, Қорақурм, Ҳималай ва Бирманинг ғарбий қисмидаги тоғлар жойлашган марказий қисми алохида ажралиб туради. Узунлиги 2,4 минг км га яқин, кенглиги 300-500 км гача бўлган тоғ ёйидан иборта Ҳималай тоғлари айниқса диққатга сазовордир. Ҳималай тоғларининг кўпгина чўққилари 7000-8000 м га етади ва ундан ҳам ошади, баландлиги 8848 м га етадиган Жомолунгма (Чомолунгма) тоғи Ер шаридаги энг юксак чўққидир.

www.arxiv.uz Ҳималай тоғлари ер пўстининг гумбазсимон характердаги ёш ҳаракатлари натижасида анна шундай баланд кўтарилган. Энг юқори кўтарилган жойлар Ҳималай тоғларининг асосий тизмалари жойлашган Катта Ҳималай тоғларига тўғри келади. Бу тизмадан жанубдаги тоғ тизмалари бунчалик кучли кўтарилмаган чекка минтақада жойлашгандир. Рельефнинг жанубда тоғ олди зонасидаги паст Сивалик тоғ тизмасидан баландроқ Кичик Ҳималай, сўнгра эса Катта Ҳималай тоғ тизмаларигача ўзига хос зинапоясимон» баландлашиб бориши чекка қисмларининг камроқ кўтарилганлиги билан боғлиқдир. Марказий Осиёда Тибетдан шимол томонда атрофии тоғлар билан ўралган баланд текисликлар кенг тарқалган. Такламакон, Алашань чўллари, Гоби чала чўл ва даштлари билан эгалланган бу текисликлар хамда Ордос платосининг рельефи ёки юзаси ниҳоятда текис қум чўлларидан, ёки паст тоғлардан, ё бўлмаса, паст тоғликлардан иборат. Буларнинг шарқий қисми Катта Хинган, Хангай, Хэнтэй ва бошқа тоғ тизималари билан ўралган. Бу ердаги энг юксак тоғ тизималарининг баландлиги денгиз сатхидан хисобланганда атига 2500-2700 м га етади, ўртача баландлиги кўпинча 1500- 1800 м га тенг (2000 м гача боради) Шарқий чеккадаги тоғларнинг унчалик баланд эмаслиги сабаб шуки, улар геологик тузилиши жихатдан қадимий тоғлардир ҳамда Осийнинг бу қисмида ер пўстининг ёш интенсив харакатлари рўй бермаган. Бунинг аксинча, текисликлар ғарб томонидан баланд тоғтизималари билан ўралган. Бу тоғ тизмалари орасида Куньлунь билан Тяншань айниқса баландир. Текисликни ғарбдан ўраб турган тоғ тизималари, худи Марказий Осиёнинг ўзи каби, гнрцен структурасига эга. Тяншань, Куньлунь ва уларга туташиб турган Наньшань, Қуриқтоғ ҳамда бошқа тоғ тизималари текисликларини ғарб, жануби – ғарб томомнларидан ўрганиб қолмай, уларни алоҳида ясси котловинлар – Тарим, Жунғорий, Цайдам котловиналарига бўлиб юборган. Бу котловиналарнинг қадимий бурмали зимини қўшни тоғ тизималарининг денудация

www.arxiv.uz маҳсулотлари тагида кўмилиб қолган. Котоловиналарнинг хозирги рельефи худи анна шу ғовак жинслар қатламига боғлиқдир. Шимоли – Шарқий Хитойдаги ва Шарқий Хитойдаги пастак текисликлар, хусусан Сунляо, Шимолий Хитой паст текисликлари, Ҳиндихитойннг Меконг ва Менам дарёлари этакларидаги текисликларнинг абсолют баландиги 200 м гача етади. Пасттекисликлар юзасининг ясси характерини баьзи жойлардаги паст тоғликлар ва унча баланд бўлмаган сертепа қирлар бузиб туради. Бу паст тоғлик ва қирларнинг бурмали замини кембрий давридан аввал ёки палеозойда вужудга келган. Ғарбий Бирмадаги тоғлар – Паткай, Аракан – Йома (Ракхайнг), Пегу - Йома тоғ тизиалари, шунингдек Иравади паст текислиги ишғол қилган тоғ оралиғи тектоник букилмаси айниқса ёшдир. Юқорида қайд этилган тоғ тизималарида асосий бурмаланиш Кайназойда рўй берган. Улар Ҳималай тоғларидан анча паст бўлиб, асосан ўртача баландликдаги тоғлардир. Фақат Сарматий тоғнинг баландилиги 3826 м га тенг. Альп минтақасидан шарқда Хиндихитой марказий районларининг бир мунча қадимий (полеозой ва мезозой) структураларининг янада кенгроқ минтақаси жойлашган бўлиб, у Малакка ярим ороли билан тугайди. Бунга Хиндихитойнинг мирказий қисмида жойлашган Шань карст тоғлиги ва у билан қўни бўлган Юньнань тоғлиги киради. Юньнань тоғлиги Жанубий- Ғарбий Хитой таркибидга киради. Бу тоғликларда кенг тарқалган охак тошлар краст, рельефли шаклларининг кенг тарқалишига сабаб бўлган. Жануброқда марказий Кордильера тоғлари деб аталувчи ўртача баландликдаги тоғлик ўлка жойлашган. Бу ўлкада бўйлама водий ва сойлар кўп, тоғларнинг баландлиги 2850 м дан ошмайди, ўлканинг жанубий қисмлари яқинда рўй берган чўкиш натижасида денгиз тагида қолиб кетган. Япония оролларидаги ўқ тоғ тизмаларининг баландлиги 2000 м дан ошади, Фудзияма тоғида эса 3776 м га етади, Филиппин оролларида 2000- 2900 м дир. Малайя Архипелаггия рельефи энг мураккабдир. Унинг геологик тузилишида ёш бурмали структуралари хам, платформа структуралари ҳам

www.arxiv.uz иштрок этган. Бу ерда баланд вулкан комуслари занжири билан бурмали – палахсали массив тоғ тизмалари бирга учрайди. Бурмаланган – палахсали массив тоғ тизмалари Калимантан (Борнео) оролларини шимолий ярмини ҳосил қилади. Жанибуй-шарқий Осиёни ороллари ёйларидаги баланд тоғ тепаси – Канабалу (4101 м) анна шу ерда жойлашган.

www.arxiv.uz Ф ойдаланишга тавсия этиладиган адабиётлар 1. Ермаков Ю.Г. и др. Физическая география материков и океанов. М: Вқсшая школа, 1988. 2. Рябчиков А.М. Физическая география материков и океанов. М: Вқсшая школа, 1988. 3. Физическая география мирового океана. М: Издательство Московского Университета, 1988. 4. Рябчиков А.М. Дунё қитъалари табиий географияси, Тошкент, 1968. 5. Власова Т.М. Физическая география материков и океанов. Том I - II , М: Просвеўение, 1976. 6. Власова Т.М. Материклар ва океанлар табиий географияси. I - II том.Тошкент, 1985. 7. Леонтьев О.К. Физическая география мирового океана. М: 1982. 8. Энциклопедицеский словарь географических терминов. М: 1968. 9. www.ziyonet.uz

O'xshashlar

Европанинг шаклланиш тарихи. Рельефи. Фойдали казилмалари

Австралия шаклланиш тарихи релъефи ва фойдали казилмалари

АФРИКА. Шаклланиш тарихи. Релъефи ва фойдали казилмалари

Шимолий Америка. Шаклланиш тарихи, релъефи ва фойдали казилмалари

Жанубий Америка. Шаклланиш тарихи. Релъефи ва фойдали казилмалари