Landshaftlar tasnifi - Geografiya - Referatlar

Landshaftlar tasnifi

Yuklangan vaqt:

20.09.2019

Ko'chirishlar soni:

0

Hajmi:

47.5 KB

Ko'chirib olish

Landshaftlar tasnifi Reja: 1. Tasniflash haqida tushuncha 2. Landshaftlar tasnifining asosiy tamoyillari 3. Landshaftlar tasnifining asosiy birliklari

Fanda tasniflash, tartib berish, turlashtirish, taksonomiya kabi bir biriga yaqin tushunchalar mavjud. Bulardan tasniflash va tartib berish tushunchalari bir- biriga anchagina yaqin bo`lib, rang-barang va turli-tuman narsa va hodisalarni ma`lum bir tartib bilan, har birining pog`onama-pog`ona mavqeiga yoki ko`lamini saqlagan holda guruhlarga ajratish yoki birlashtirish degan ma`noni anglatadi. O`z o`rganish obyektini tasnif qilmagan yoki tasnif qilishga urinmagan bironta fan bo`lmasa kerak. Sababi biron fanni fan sifatida tanilishi uchun ham uning o`z obyektining tasnifi ishlab chiqilgan bo`lishi kerak. «Fan — bu eng avval tasniflashdir», tasniflash jarayoniga borib yetmagan ilmiy izlanishlarni hali «qiyomiga yetmagan» deb baholash mumkin. O`rganish obyektini tasniflashning ham ilmiy, ham amaliy ahamiyati kattadir. Uning ilmiy ahamiyati shundan iboratki, obyekt tasnif qilinganda uning kelib chiqishi, tuzilishi, rivojlanishi kabi barcha xususiyatlari o`rganilishi va u xaqdagi barcha ma`lumotlar batafsil tahlil qilinishi kerak. Yer yuzasida muayyan landshaftlar xaddan tashqari ko`p bo`lganligi uchun ularning har birini alohida-alohida ta`riflab o`tiriishing iloji bo`lmay qoladi. Shuning uchun landshaftlarni ma`lum maqsadlarda ( masalan, qishloq ho`jaligi, shahar kurilishi va h.k.) guruhlab ta`riflashga va shunga xos holda bir turdagi tadbirlarni rejalashtirishga to`g`ri keladi. Bu landshaftlar tasnif qilishning amaliy ahamiyatiga ega ekanligini ko`rsatadi. Fanning o`rganish obyekti qanchalik serqirra, xilma-xil va murakkab bo`lsa, uni tasniflash ham shunchalik murakkab bo`ladi. Har qanday tasnifni amalga oshirishda obyekt haqida to`la aniq tushunchaga ega bo`lish kerak. Obyektni obyektiv turlicha talqin qilish va tushunish turlicha tasnif tarixlarining tuzilishiga sabab bo`ladi. Landshaftshunoslik fani ham boshqa tabiiy fanlar qatori juda ko`p va xilma - xil, ammo o`ziga xos xususiyatlariga ega bo`lgan aniq obyektlar landshaftlarni tasnif qiladi. Landshaftshunoslik uchun puxta ishlangan ilmiy va mantiqiy talablarga to`liq javob beradigan tasniflar jadvalini tuzib olish juda katta ahamiyatga ega. Chunki yer yuzida ko`plab uchraydigan xilma xil

landshaftlarni bir-biriga o`xshash yoki bir-biridan farq qiladigan tomonlarini aniqlab, har birining o`z mavqeini saqlagan holda ma`lum bir tartibga tushirib olinmasa, ularni to`g`ri tadqiq qilish hatto landshaft xaritasini tuzib olish ham mumkin bo`lmay qoladi. Keyingi 15-20 yil ichida geograflar tomonidan bajarilayotgan ko`plab ishlar uchun jumladan, halk ho`jalgini rivojlantirish aholining yashashi va sog`ligi nuqtai - nazaridan landshaftlarnn baholash, geografik bashorat qilish va tabiat muxofazasini ko`zlab bajarilayotgan ishlar uchun ham katta katta rayonlar, davlatlar, hatto tabiiy geografik o`lkalar miqyosida barcha land-shaftlar haqida batafsil ma`lumotlarga yoki boshqacharok qilib aytganda landshaftlar kadastriga ega bo`lish ahamiyatlidir. Mamlakatimiz landshaft-larning aniq va puxta tasnif jadvalini ishlab chiqish landshaftshunoslik-ning eng yirik masalalaridan biridir. Landshaftlarni tasniflash bilan ko`pchilik geograflar shug`ullangan. Ulardan ayniqsa N. A. Gvozdetskiy (1961 ), A .G. Isachenko ( 1961, 1975), V. A. Nikolayev ( 1973, 1979) kabilarni tajribalari e`tiborga loyiq. Bu olimlar tavsiya etgan tasnlflar ichida B. A. Nikolayev (1979) bajargan tasnif o`ziing mukamalligi bilan ajralib turadi. Bu tasnifning yaratilishi asosida landshaftshunos olim V. A. Nikolayevning ko`p yillar davomida Qozog`iston dashtlarida landshaftlarni xaritaga tushirish borasida olib borgan izlanishlari yotadi. Quyida keltiriladigan fikrlarning ko`pchiligi V.A. Nikolayev ilgari surgan g`oyalar ta`sirida yuzaga keladi. Bu fikrlardan eng asosiysi landshaft haqidagi tushunchaning o`ziga xos talqini bo`ldi. V.A. Nikolayev(1979)ning fikricha landshaftni faqat regional birlik (A.G. Isachenko, 1961) yoki faqat tipologik birlik (N. A.Gvozdetskiy, 1961) si-fatida qabul qilish birday bir tomonlamalikka olib keladi. Ammo biz land-shaftni tipologik birlik deb qabul kilar ekanmiz, uni asosida har bir o`ziga xos geografik individ turadi. Lekin bir vaqtning o`zida u qaysidir tipolo-gik landshaftlar majmuasining bir qismidir. Haqiqatdan ham yer yuzida ikkita har tomonlama bir xil bo`lgan landshaftni topib bo`lmaydi. Ammo qaysidir xususiyatlari bilan bir biriga o`xshashlik tomonlari bo`lgan land-shaftlarni uchratish va tasnif qilish

mumkin. Landshaftlar tasnifini ishlab chiqishda turlicha tomoyillarga amal qilingan bo`lishi mumkin. Masalan, ta-rixiy evolyutsion tamoyili, genetik tamoyil, morfologik tamoyil va h. k. Shu tamoyillardan birvarakayiga bir nechtasini qabul qilgan ma`qul. Shulardan faqat bittasigina amal qilib tuzilgan tasnif doimiy ham aniq va puxta bo`lavermaydi. Shu bilan birga landshaftlarning o`zini ma`lum bir tamoyilga asoslanmay birma bir sanab o`tishning o`zi ham ilmiy tasnifdan uzoqdir. Hozirgacha qo`llanib kelayotgan tamoyillarning eng asosiylaridan biri tarixiy evalyutsion tamoyildir. Bunda landshaftlarni invariant tushunchasi nuqtai nazaridan qarashga to`g`ri keladi. Ushbu tamoyilga amal qilinganda bir tasnif jadvalini o`zida geografik tizimlardagi juda ko`p va turli tuman moddiy borliqni qamrab olish mumkin bo`ladi. Qo`l ostimizda malum miqdorda poleogeografik ma`lumotlar mavjud bo`lgan taqdirda bu tamoyildan foydalanish juda yaxshi natijalar berishi mumkin, ya`ni landshaftlarning tashkil topishi va rivojlanishidagi ichki va tashqi aloqadorlikni tasnif jadvalida aks ettirish mumkin bo`ladi. Landshaftlar tasnifida tarixiy yondoshish albatta landshaftlarning kelib chiqishi (genezisi) ni tahlil qilish bilan bog`liqdir. Landshaftlarning kelib chiqish va rivojlanish tarixi ularning ichki tarkibining o`ziga xosligini keltirib chiqaradi. Shuning uchun landshaftlarning tasniflashda faydalanilayotgan tarixiy genetik tamoyil landshaftlarning ichki tuzilishiii tahlil qilish bilan bevosita bog`liq bo`lib qoladi. Landshaftlar tasnifida landshaftlar ichki tuzilishini tahlil qilish qoidasi asosida bir butunlik uning qismlaridan hamda qismlari orasidagi o`zaro ta`sir va aloqadorliklarni tahlili yotadi. Biz landshaftlarni ko`p yarusli geotizimlar deb qabul qilgan edik. Bu bilan biz har bir landshaft malum komponentlar majmuasidan iboratgina bo`lib qolmasdan, balki o`zidan kichikroq bo`lgan mujjassamalardan tuzilganligini ham e`tirof etgan bo`lamiz. Shunday ekan landshaftlarning ichki tuzilishi haqida gap borganda faqat komponentlar orasidagina emas, balki kichik yoki oddiy mujassamalar orasidagi o`zaro aloqadorliklar ham tushiniladi. M. A. Glazovskaya (1961) tomonidai tavsiya

etilgan geokimyoviy landshaftlar tasnifi ham ana shu tamoyil asosida tuzilgandir. Landshaftlar ochiq geotizimlar bo`lganligi sababli ular o`z yon atrofida- gilardagi landshaftlar bilan ham modda va energiya almashinishi ko`rinishida aloqador bo`lib turadi. Agar biz tasnif tuzishda landshaftlarni o`z ichki tuzilishiga ega ma`lum bir tizimdir degan qoidaga amal qiladigan bo`lsak, landshaftlarning ichki aloqadorliklaridan tashqari ularning atrof muhit bilan va qo`shni landshaftlar bilan bo`ladigan aloqadorlikni ham hisobga olish kerak bo`ladi. Odatda landshaftlarning ichki tuzilishini tahlili asosida tasnifning kichik taksonomik birliklarni aniqlab olish mumkin bo`ladi. Katta taksono-mik birliklarnn aniqlayotganda esa ko`proq landshaftlarning o`zaro aloqador-liklariga va yondoshib kelish xususiyatlariga ko`proq asoslanishga to`g`ri kela-di. Landshaftlar tasnifini tuzganda u puxta va tabiiy bo`lishi uchun tarixiy genetik tuzilishi tamoyillariga amal qilgan ma`qul ko`rinadi. Har qanday ilmiy tasniflash avvalo tasnif qilinayotgan obyektga yoki hodisaga tegishli bo`lgan malum belgilarni tanlab olishni taqoza qiladi. Landshaftlarning ayrim guruhlarga tipologik birlashtirilishi yoki aksincha tabaqalanishi turli tuman shart sharoitlarga bog`liq. Masalan landshaftlar-ning ichki xususiyatlariga, qo`shni landshftlarning yondoshib kelishiga, land-shaft tashkil qiluvchi omillar va hodisalarning majmuasiga ularning rivoj-lanish xususiyatlariga va hokazolariga bog`liqdir. Shuning uchun har qanday tasnifdagi birliklarning mavqeini aniqlashda faqat birgina asos qilib olish qiyin bo`lib, hatto bunday belgini izlab o`tirishning o`zi mantiqan noto`g`ri bular edi. Buning sababi shundaki, aniqlanadigan va tasniflanadigan turli tuman birliklarni o`z kuchi va qiymati turlicha bo`lgan omillar asosidagina umumlashtirish mumkin bo`ladi. Umuman olganda asosiy belgilarni tanlab olish, tasniflash jarayonining eng muhim va ma`suliyatli bosqichlaridan biri hisoblanadi. Landshftlar tasnifining asosiy birliklari. Landshaftlar tasnifida va boshqa ko`pgina tabiiy fanlar tasnifidagidek sinf, tur, turkum, xil kabi tushunchalar ishlatiladi. Bunday tushunchalarni birma bir

izoxlab berishdan oldin bir ikki taniqli geograf olimlar ishlab chiqqan tasnif ko`rinishlarini misol tariqasida keltirib o`tmoqchimiz. Dastlabki ana shunday ishlardan biri N. A. Gvozdetskiy (1961) tegishli-dir. U tavsiya etgan landshaftlar tasnifi: sinf - tur - kichik tur - guruh - xil ko`rinishida bo`lib, anchagina ixcham tasniflardan biridir. A. G. Isachenko (1961) tavsiya etgan landshaftlar tasnifi: tur - kichik tur - sinf - kichik sinf - xil - kichik xil -variant ko`rinishiga ega. Bu ikki tasnif bir - biridan ozmi - ko`pmi farq qiladi. Jumladan, eng katta birlik sifatida N. A.Gvozdetskiy sinfni qabul qilar ekan u eng avvalo tog`larning va tekisliklarning landshaftlarini ikki sinfga bo`lib tashlashni tavsiya etsa, A. G. Isachenko dastavval landshaft turlarni aniqlab olishni so`ngra sinflarga bo`lishni ma`qul ko`radi. Landshaft turlarini aniqlab olishda eng asosiy mezon sifatida landshaftlarning gidrotermik rejimi, ya`ni namlik, issiqlik taksimlanishidagi dunyo miqyosidagi farqlarni olishni tavsiya etadi. A. G. Isachenko fikricha, landshaftlarning bir-biriga o`xshash-ligi yoki bir-biridan farqi juda ko`p sabablar bilan belgilanadi va ularning ichidan eng asosiysini aniqlab ola bilish tasnif tarixidagi eng katta bir-likni tanlashga asos bo`ladi. Hozirgi vaqtda eng mukammal ishlangan landshaftlar tasnifining muallifi V.A. Nikolayev (1978-1979) ekanligi ko`pchilik geograflar tomonidan e`tirof etilmokda. U tavsiya etgan ko`p pag`onali tasnif bo`lim-qism-sinf-kichik sinf- guruh- tur-kichik tur-toifa- kichik toifa-xil-variant ko`rinishida bo`lib yer yuzasidagi barcha landshaftlarni bir tartibda o`rganishga yaxshi ilmiy asos bo`la oladi. Shunday qilib landshaftlar tasnifida ishlatiladigan eng yirik birlik landshaftlar bo`limi hisoblanadi. Bo`lim darajasiga kiruvchi landshaftlar asosan yerning geografik qobig`ini tashkil qiluvchi turli geosferalarning bir- biri bilan tutashib turishi va o`zaro ta`sir turiga qarab aniqlanadi. Bu haqida taniqli tabiiy geograf F.N. Milkov (1970) “landshaftlar bo`limi landshaftshunoslikdagi eng yuksak tipologik birliklar” degan fikrni bildiradi. Bu birlik F.N. Milkov aytganidek, litosfera, atmosfera, gidrosferalarning o`zaro ta`sir xususiyatlariga va shunga bog`liq holda o`zaro modda va energiya almashinish shakli hamda

jadalligiga o`xshash bo`lgan landshaftlarni birlashtiradi. Landshaftlar bo`limiga misol sifatida quruqlik landshaftlari, suv landshaftlari, suv osti landshaftlarini kiritish mumkin. Quyida biz faqat quruqlik landshaftlariga tegishli bo`lgan masalalar haqidagiga so`z yuritamiz. Landshaftlar bo`limi ichida dastavval landshaftlar qismini ajratamiz. Landshaftlar qismi birligi landshaftlarni eng asosiy energetika bazasi-namlik va issiqlik balansidagi farqlar va o`xshashliklarga qarab birlashtirishga imkoniyat beradi. Bunday o`xshashlik yoki farqlar joylarning mikroiqlimiy xususiyatlari bilan belgilanadi. Bu xususiyatlar bilan o`z navbatida, joyning gidrologik rejimi, hukmron bo`lgan o`simlik turi va biologik modda aylanishi kabilar chambarchas bog`liqdir. Bu yerda gap ko`proq iqlim mintaqalari haqida boryapti, YA`ni bitta iqlim mintaqasida rivojlangan landshaftlarning hammasi xoh u tog` landshaftlari, xoh tekislik landshaftlari bo`lsin, bitta qismga taaluqli hisoblanadi. Masalan Qora dengizdan Turkmaniston janubigacha bo`lgan hududda arktik, subarktik, boreal, subtropik landshaftlar qismini ajratish mumkin. Bizga malumki, yuqorida sanab o`tilgan mintaqalar tabiati g`arbdan sharqqa tomon, ya`ni Atlantika okeanidan uzoqlashgan sari kontinental ortib borgan sari o`zgarib boradi. Shuni e`tiborga olsak, landshaftlar qismi o`z navbatida landshaftlarning kichik qismiga bo`linib ketishi mumkin. Landshaftlar tasnifidagi navbatdagi birlik - landshaftlar sinfidir. Bu birlik yuqorida misol keltirilgan barcha tasnif tarxlarida (N.A. Gvozdetskiy, A.G. Isachenko) ishtirok etadi. Bu tasniflash tajribalarining deyarli, ya`ni landshaftlarning morfotektonik xususiyati asos qilib olinadi va asosan ikkita landshaftlar sinfi ajratiladi. Tog`lar landshaftlari sinfi va tekisliklar landshaftlari sinfi. Bu ikki sinf orasidagi eng asosiy farq ularda tabiiy zonalarni ikki xil ko`rinishda (tekislikda) kengliklar bo`ylab, tog`larda esa pastdan yuqoriga bo`lishidir. Tog` landshaftlarining ham tekislik landshaftlarining tabaqalanishida yana bir gipsometrik omil, ya`ni landshaftlarni pog`onalar hosil qilib joylashish

xususiyati borligini e`tiborga olsak, unda landshaft sinflarining ichida landshaft kichik sinflarini ajratish mumkin bo`ladi. Masalan tekislik landshaftlari pastkam, past va baland tekislik landshaftlar kichik sinflariga, tog` landshaftlari esa past tog`lar, o`rtacha balandlikdagi tog`lar, baland tog`lar landshaftlari kichik sinflariga bo`linib ketadi. Navbatdagi tasnif birligi- landshaftlar birligidir. Bu birlikni aniqlab olishda asosiy belgi sifatida landshaftlarning suv va geokimyoviy tarkibi, ya`ni landshaftlarning atmosfera yog`inlari hisobiga, grunt suvlari hisobiga yoki yana bir boshqa suvlar hisobiga namlanish nisbati asos qilib olinadi. Ana shu belgilarga qarab tekislik landshaftlari ichida elyuvial, ellyuvial gidromorf (yarim gidromorf) landshaftlar guruhini ajratish mumkii. Landshaftlar guruhi birligini ajratishning ayniqsa tekislik land-shaftlar uchun ahamiyati e`tiborga loyiqdir. Buning sababi o`tmishda va hozir-gi vaqtda landshaftlarning ichki tuzilishi hamda ularning rivojlanishi yo`-nalishi qay tarzda bo`lganligi ko`p jihatdan ularning suv, geokimyoviy tarki-bining o`ziga xos xususiyatlari bilan bog`liqligidadir. Shuning uchun land-shaftlar taraqqiyoti kelajakda qanday bo`lishini bashorat (prognoz) qilish uchun ham landshaftlar guruhini aniqlab olish katta amaliy ahamiyat kasb etadi. Landshaftlar guruhi o`z navbatida landshaft turlariga bo`linib ketadi. Bu tasnif birligi deyarli barcha tasnif tarxlarda uchraydi. Uning izoxi ham mazmun jihatidan bir-biriga yaqin. Faqat A.G. Isachenko tuzgan tasnif tarxidagi tur birligi o`zining hajmi va mazmuni jihatidan V. A. Nikolayev tarxidagi landshaft qismlariga mos keladi. Landshaft turlarini aniqlashda tuproq va bioiqlim belgilariga asosla-nishga to`g`ri keladi, jumladan tuproq turlari o`simlik formatsiyalari sinfi va x. k.. N.A.Gvozdetskiy, V.A.Nikolayevlarning tasnif tarxlarida landshaft turlari haqida gap borganda, asosan landshaftlarning zonal turlari nazarda tutiladi. Masalan, tundra landshaftlari bir turga kirsa, dasht landashatlari boshqa turga, cho`l landshaftlari esa yana bir boshqa turga kiradi. Landshaftlarning bunday zonal turlarga bo`linib ketishi asosan elyuvial

landshaftlar guruhiga xosdir. Lekin tabiatda obyektiv mavjud bo`lgan botqoqlik landshaftlari, o`tloq landshaftlari, sho`rxok landshaftlari kabi boshqa guruhga kiruvchi introzonol landshaftlarni alohida tur sifatida ajratish lozim bo`ladi. Bunday bo`lishi mumkinligini N.A. Gvozdetskiy (1961) MA. Glazovskaya (1964), F. I. Milkov(1967) lar ham e`tirof etadi. Landshaftlar tasnifining keyingi birligi kichik tur bo`lib, zonachalarga xos belgilarga asoslanib aniqlanadi. Masalan Turkiston tekisliklaridagi cho`l landshaftlari ikkita turga. yani shimoliy cho`l landshaftlari va janubiy cho`l landshaftlariga bo`linib ketadi. Landshaft turlari yoki kichik turlari o`z navbatida landshaft toifalariga bo`linadi. Qaysi landshaft qaysi toifaga mos eganligini aniqlashda ayrim landshaftshunoslar (N.A.Gvozdetskiy, V.A.Nikolayev) geomorfologik belgilar-ga asoslaniishsa, ayrimlari (Yurenkov, 1982) esa ma`lum landshaft turlari ichidagi provinsial xususiyatlarga ko`proq e`tibor berishadi. Gemorfologik omil asos qilib olingan sharoitda esa e`tiborni ko`proq relyefning genetik turlarini o`rganishga qaratish kerak bo`ladi. Landshaft toifalari ichida kichik toifa birligini ajratishga to`g`ri kelib qolgan hollarda asosiy belgi sifatida landshaft tashkil qiluvchi jinslarning litologik tuzilishi olinadi. Eng kichik tasnif birligi landshaft xillaridir. Bu birlik genezisi va ichki tuzilishi bir xil bo`lgan individual landshaftlarning majmuasini aks ettiruvchi birlikdir. Landshaft xillarining bir-biridan farqlantiruvchi asosiy belgisi landshaftdagi xukmron urochishelarning o`xshashligidir. A. G. Isachenko (1961) ham landshaft xillarini aniqlashda landshaftlarning mor-fologik tuzilishi eng asosiy belgi ekanligini e`tirof etadi. Bitta xilga mansub bo`lgan landshaftlarning albatta, aynan va har tomonlama bir-biriga o`xshash deb bo`lmaydi. Ko`pincha bir xilga mansub landshaftlarda xukmron urochishelar umumiyligi bo`lgan taqdirda ham xukmron bo`lmagan urochishelar va fatsiyalar tarkibi yoki egallagan maydoni jihatidan turlicha bo`lishi mumkin. Ana shunday hollarda landshaft xillari ichida yana bir

tasnif birligi landshaftlarning kichik xili yoki morfologik ko`rinishini ajratishga to`g`ri keladi. Amudaryo va Sirdaryo oralig`ida joylashgan yerlar tabiiy sharoiti jihatidan o`ziga xosdir. Bu yerlarda biz qumliklarning hozirgi va kadimgi allyuvial, allyuvial - delta tekisliklarni, Sharqiy Orol bo`yidagi hozirgi dengiz ostidan chiqqan tekisliklarni, Markaziy Kizilqum past tog`lari va ularga tutashib ketgan prolyuvial tekisliklarni uchratamiz. Ularning har biri o`ziga xos tabiatga ega bo`lib, kelib chiqishi, yoshi turlichadir va turli ekzogen jarayonlar hamda ular bilan bog`liq bo`lgan turli relyef bilan ta`riflanadi. Bu o`z navbatida bu yerlarda turli landshaftlarning shakllanishiga olib kelgan. Bu hudud tabiatiga xos bo`lgan eng dastlabki narsa hududning shimoldan janubga qancha masofaga chuzilganligi va tabiiy sharoitining kengliklar bo`ylab zonalar hosil qilishidir. Bu yerda ikki iqlim zonasini, ya`ni mo`tadil va subtropik zonalarni ajratish mumkin. Ular orasidagi chegara janubi-g`arbda shimoli-sharqqa tomon taxminan, Janadaryo quruq o`zani yo`nalishida o`tib, ikkita landshaft qismini ajratib olishni taqoza etadi. Chegaradan shimoldan qurg`ochil hududlar - subtropik landshaftlar qismi joylashgandir. Ikkala landshaftlar qismidagi asosiy iqlimiy farqlar L.N.Babushkin (1964) tomonidan yetarli darajada izoxlab berilgan. Bundagi eng asosiy farqlar atmosfera sirkulyatsiyasida, yog`in- sochinning fasllar bo`ylab turlicha nisbatda tushishida va termik resurslarning turlicha taqsimlanishidir. Janubdagi landshaftlar qismi ikkita landshaft sinfiga, ya`ni tekislik va tog` landshaftlari sinfiga bo`linadi. Maydon jihatidan tekislik land-shaftlari hukmrondir. Tog` landshaftlari esa kenglik zonasi ichida orol tariqasida uchraydi. Tekislik landshaftlari o`z navbatida akkumulyativ tekislik landshaftlari, denudatsion baland tekislik landshaftlari kabi kichik sinflarga bo`linadi. Keyingi tasnif birligi - landshaft guruhi bo`lib, landshaftlarning namlanish xususiyatiga qarab, yer osti suvlarining harakatchanligiga, harakat-chan kimyoviy unsurlarniig chiqib ketishi yoki to`yinishi ustunligiga qarab avtomorf landshaftlar, yarimgidromorf landshaftlar guruhlari ajratilgan. Landshaftlarning

bunday xususiyatlarini aniqlab olish qurg`oqchil hudud-larda landshaftlar rivojlanishining umumiy yo`nalishlarini bo`lib olish uchun juda muhimdir. Landshaftning avtomorf yoki gidromorf bo`lishi uning ma`lum vaqt| davomidagi holatini aks ettiradi va landshaft taraqqiyotini bashorat qilishda ahamiyatlidir.

O'xshashlar

Landshaftlar geografiyasining rivojlanish tarixi

Landshaftlar geokimyosi va geofizikasi

Buzilgan landshaftlar tushunchasi haqida

Landshaftlar dinamikasi va rivojlanish qonuniyatlari

Antropogen landshaftlar va uning tiplari haqida tushuncha