Бозор иктисодиёти ва иктисодий география - Geografiya - Referatlar

Бозор иктисодиёти ва иктисодий география

Yuklangan vaqt:

20.09.2019

Ko'chirishlar soni:

0

Hajmi:

49.5 KB

Ko'chirib olish

www.arxiv.uz Бозор иқтисодиёти ва иқтисодий география Режа: 1. Бозор иқтисодиётининг асосий моҳияти 2. Бозор иқтисодиётининг худудий жиҳатлари 3. Иқтисодий ва иқтисодий географик самарадорлик 4. Янги шароитда ишлаб чиқариш кучларини жойлаштириш

www.arxiv.uz Бозор муносабатларига ўтиш фақатгина моддий, яъни ишлаб чиқариш соҳасида эмас, балки ижтимоий ҳаётда, жумладан, фан ва илмий тадқиқот жараёнида ҳам юз беради. Бунда энг аввало тафаккур, илмий дунёқарашда анъанавий назарий услуб, тамойил ва ёндашувлар янги шароитга, талаб ва эҳтиёжга мувофиқ равишда ўзгаради. Шу нуқтаи назардан ўтиш даври ижтимоий жабҳаларда иқтисодий муносабаталарга нисбатан ўзгача кечиши мумкин. Янги шароитдаги ўзгаришлар иқтисодий географиянинг ривожланишига жуда катта таъсир кўрсатади. Чунки, ушбу фан бевосита иқтисодий муносабатларни, ишлаб чиқариш кучларининг ҳудудий жиҳатларини таҳлил ва ташҳис этади. Бинобарин, бозор иқтисодиёти тармоқ доирасидан ташқари ҳудуд тизимида ҳам содир бўлади, корхоналарнинг эркин муносабати ёки тармоқлар рақобати айни пайтда соғлом рақобат, соғлом рақобат муҳитини назарда тутади. Зеро, ҳар қандай рақобат заминида тенгсизлик, номувофиқлик ётадики, бу хусусиятлар айни чоғда ҳудудлар таркибида ҳам намоён бўлади. Ҳудудий меҳнат тақсимотидаги бундай ўзгаришлар, турдош ва турли тармоқларга ихтисослашган районларнинг ўзаро рақобатда («мусобақада») ривожланиши ўзининг моҳияти ва мазмунига кўра иқтисодий географик жараённи англатади. Шунингдек, ягона иқтисодий макон, эркин иқтисодий минтақалар, ўсиш қутб ва марказлари, саноат парклари ва технополислар бевосита иқтисодий маънога эга. Алоҳида таъкидлаш лозимки, бозор муносабатлари шароитида иқтисодий география ўзининг туб моҳиятига эришади. Сабаби- бундай шароит ҳамма вақт иқтисодий фикрлашни, самарадорликни тақозо этади ва ишлаб чиқаришни ҳудудий ташкил этиш ҳам ҳудди шундай мақсадни кўзлайди. Демак, бозор иқтисодиёти- ҳудуд иқтисодиёти, маълум макон доирасида эришиладиган иқтисодиёт ҳамдир. Шу мазмунда қараганда, «иқтисодий» география иқтисод географияси (масалан, саноат ёки қишлоқ хўжалиги географияси) ёхуд геоиқтисодиёт ҳам эмас. Иқтисод географияси бу энг аввало корхона ёки тармоқларнинг

www.arxiv.uz ҳудудий тарқалишидаги иқтисод бўлса, иқтисодий география унга кўра анча мураккаброқ тушунча ҳисобланади. Иқтисод географияси учун ниманинг қаерда жойлашиши муҳим бўлса, иқтисодий географияда ниманинг қаерда ва қандай ҳудудий ташкил этилганлиги, яъни сифат кўрсаткичлари устувор аҳамиятга эгадир. Бу ўринда айтиш лозимки, ушбу фан яқин вақтга қадар асосан биринчи мазмунда талқин қилинди ва ўрганилди, иккинчи йўналишнинг ривожланиши эса ҳозирги кундаги долзарб масаладир. Иқтисодий география икки карра иккининг тўрт эмас, беш бўлишини кўзлайди ва бундай иқтисодга ишлаб чиқариш корхоналарини тўғри ҳудудий ташкил этиш натижасида эришилади. Шунинг учун у, энг аввало, ҳудудий мажмуа ёки тизимлар доирасида юзага келиши мумкин. Чунки, бундай шароитда турли хўжалик корхоналарининг ўзаро уйғунлашуви, ҳудудий мувофиқлиги вужудга келади ва бу «қўшимча» иқтисоднинг шаклланишига олиб келади. «Штандорт» ёки ишлаб чиқаришни жойлаштириш ғоясининг яратувчиси немис олими А.Вебер ҳам авваламбор ана шундай иқтисодийликни назарда тутган эди. «Агламерацион омил» ва самарадорлик, транспорт ҳаражатларини мумкин қадар камайтириш, ягона инфраструктура тизими асосида иқтисодий тежамкорлик ва фойдани орттириш ишлаб чиқаришни ҳудудий ташкил этиш туфайли амалга оширилади. Бунинг учун турли кўламдаги ҳудудий ишлаб чиқариш мажмуалари шакллантирилади ва ривожлантирилади. Бундай мажмуалар эса энг аввало ҳақиқий иқтисодий географиянинг тадқиқот объектига киради. Геоиқтисод, яъни географик иқтисод масаласига келсак, у ҳозирги айтилган маънога бироз яқинроқ туради. Бундан ташқари, уни регионал ёки ҳудуд, аниқроғи минтақа иқтисодиёти мазмунида ҳам эътироф қилиш мумкин. У ҳолда бу маълум бир регион ёки минтақадаги хўжалик мажмуасининг иқтисодиёти шаклида қабул қилинади.Умуман олганда эса

www.arxiv.uz геоиқтисод худди сиёсий иқтисод ёки тармоқ иқтисодиёти – «иқтисодий иқтисод» тушунчаларига ўхшаш иборадир. Яна шуни эътиборга олиш лозимки, мустақил мамлакатимизнинг бозор муносабатларига ўтиши айни пайтда анъанавий иқтисодий ва социал география фанининг жаҳон андозаларига мос равишда ижтимоий география мақомини олишига тўғри келмоқда. Албатта, бу ерда ҳам ижтимоий география жамият географияси бўлмай, у мазмун ва мақсадига кўра мураккаброқ ва мукаммалроқ тушунчадир. Ижтимоий география авваламбор жамиятни ёки кишилар ҳаёт фаолиятини ҳудудий ташкил этиш муаммолари билан шуғулланади. Ташкил этиш эса ҳамма вақт етук ва мукаммал тизимлар ғоясига мувофиқ бошқаришни назарда тутади ва бу масала ҳам бозор иқтисодиёти шароитида ўзгача амалга оширилади. Сабаби-мулкчиликнинг турли шаклларини мавжудлиги, унинг давлат тасарруфидан чиқарилиши, ўз навбатида, бу соҳадаги давлатнинг анъанавий функциясини ўзгартиради. Эндиги шароитда давлат ишлаб чиқаришни ривожлантириш ва ҳудудий ташкил этиш муаммоларини бевосита эмас билвосита, яъни солиқ, нарх-наво, молия-кредит ва минтақавий сиёсати доирасида амалга ошириб ёки тартибга солиб боради. Иқтисодий географиянинг ана шунга ўхшаш назарий ва амалий муаммоларини тадқиқ қилиш ҳозирги кундаги муҳим масалалардан ҳисобланади. Бу бош мақсадга эришиш учун тадқиқотчи маълум илмий ўрганиш восита ёки усулларни яхши билиши ва улардан амалда фойдалана олиш керак. Ўқув ва илмий-тадқиқот методлари турлича. Бироқ, уларнинг самарадорлиги, муваффақияти энг аввало алоҳида усулларни ўз ўрнида ва бир-бири билан алоқадорликда қўллашдир. Иқтисодий географияда айниқса, статистика ва картография методларидан фойдаланиш катта аҳамиятга эга.

www.arxiv.uz Адабиётлар 1.Бабурин В.Л., Мазуров Ю.Л, Географические основы управления. М, 2000 2.Голубчик М.М., Евдокимов С.П., Максимов, Г.И., История географии- (Смоленск, 1998) 3.Григорьев А.Г. География в современном мире.-М, Просвеҳение, 1999. 4.Каримов И. Ўзбекистон ХХ I аср бўсағасида: хавфсизликка таҳдид, барқарорлик шароитлари ва тараққиёт кафолатлари. –Т:Ўзбекистон, 1997. 5.Машбиц Я.Г. Основы страноведения.-М: Просведение, 1999. 6.Максаковский В.П. Историческая география мира.-М., 1999.

O'xshashlar

Урта ва олий мактабларда иктисодий география

Узбекистон иктисодий-ижтимоий география курси укитишнинг методикаси. Дуне давлатлари ижтимоий-иктисодий географиясини укитиш методикаси

География укитишнинг турлари. Дарс-география укитишнинг асосий формалари

Тарихий география курсига кириш

География фани буйича умумий урта талим такомиллаштирилган ДТС нинг максади ва уеи жорий этиш