Юқори ҳароратли қуёш қурилмалари - Fizika - Referatlar

Юқори ҳароратли қуёш қурилмалари

Yuklangan vaqt:

20.09.2019

Ko'chirishlar soni:

0

Hajmi:

264.5 KB

Ko'chirib olish

Юқори ҳароратли қуёш қурилмалари Режа: 1. Қуёш энергиясини тўплаш йўллари. 2. Қуёш ошхоналари. 3. Қуёш печлари.

Паст температура ҳосил қиладиган қурилмалар тузилишининг соддалиги, арзонлиги туфайли улардан фойдаланиб келинмоқда. Аммо бундай қурилмалар ёрдамида юқори температураларни ҳосил қилиб бўлмаслиги бу турдаги қуёш қурилмаларининг қўлланиш соҳаларини анча чегаралаб қўяди. Қуёш энергиясидан фойдаланиб сув қайнатиш, буғ ҳосил қилиш, баъзи овқатларни пишириш, қийин эрийдиган қаттиқ моддаларни эритиш, пайвандлаш, электр токини ҳосил қилиш учун тўғри қуёш радиациясини тўплаб ёки жамлаш керак. Қуёш нур энергиясини тўплаш учун қулланиладиган қурилмаларни тўпловчилар ёки жамлагичлар деб юритилади. Тўғри қуёш радиацияси оқимини А) линзалар ёрдамида, Б) қайтаргичлар ёрдамида тўплаш мумкин. Мактаб физика курсидан маълумки, икки томони қавариқ линзалар ўзига тушган параллел нурлар дастасини бир нуқтада –фокусда тўплайди. Линзаларни катта ва кичик ўлчамларда тайёрлаш мумкин. Линзалар жуда тоза шишадан тайёрлангани ва эгри сирти жуда яхшилаб силлиқлангани учун уларни тайёрлаш қимматга тушади. Шунинг учун линзалардан жамлагичлар ясаш ҳозирги вақтда унча кенг тарқалмаган. Шу вақтгача барча мамлакатларда тўғри қуёш радиациясини тўплаш учун қайтаргичлар туридаги жамлагичлардан фойдаланилмоқда. Маълумки, узига тушган нурлар оқимини қайтарувчи сирт оқ – ялтироқ бўлиши керак. Шу мақсадда кейинги йилларда ойна кўзгудан ва ялтиратилган алюминийнинг қайтариш коэффициенти тахминан 0,8; ялтиратилган алюмийнинг қайтариш коэффициенти 0,75 атрофида бўлади. Кейинги йилларда қайтариш коэффициенти 0,9 гача етадиган устини алюминий билан қоплаган полиэтилен терафталат плёнкаси ҳам жамлагичлар ясашда тобора кўп қўлланилмоқда. Талаб қилинган концентрацияга қараб қайтарувчи сиртлар 1. Параболоид,

2. Параболо – цилиндрик, 3. Фацет, 4. Конуссимон шаклда бўлиши мумкин. Энди биз қайтарувчи жамлагичларнинг тўплаш даражаси тушунчаси билан танишайлик. Парабола эгри чизиғининг ўз симметрия ўқига нисбатан айланишидан ҳосил бўлган сирт параболоид сирт бўлади. Агар параболоид шаклдаги кўзгуга параллел нурлар дастаси тушса, унинг юзидан қайтгач параболоид фокусида тўпланади (расм – 1). Шунинг учун фокусидаги нуқтанинг температураси атрофдаги нуқталарнинг температурасидан анча юқори бўлади. Расм. Энди қуёш нурланишининг Ер юзига тушишини қараб чиқамиз. Ерга тушувчи қуёш нурлари ўзаро идеал параллел йўналган эмас. Қуёш Ердан анча узоқ ва диаметри Ерникидан 109 марта катта бўлгандан унинг бурчак диаметри 32’ га тенг. Шунинг учун ҳам қуёш нурлари параболоид қайтаргич юзининг исталган нуқтасига қуёшнинг турли нуқтасидан энг кўпи билан j 0 = 32’ бурчак остида тушади. Агар қайтарувчи юзи идеал параболоид бўлганида эди, у вақтда параболоид юзига тушиш ва қайтиш бурчаклари ўзоро тенг бўлар эди. Аммо амалда параболоид сирти идеал параболоид бўлмайди. Шунинг учун қайтиш бурчаги j ҳар доим j 0 дан катта бўлади. Натижада параболоиддан қайтган нурлар дастаси параболоид фокусидан симметрия ўкига тик равишда ўтувчи текислик-фокал текисликдаги фокус нуқтада аниқ кесишмасдан, балки фокус

нуқтага нисбатан диаметри d бўлган ёруғ доғни ҳосил қилади (расм-2). Параболоид кўзгунинг диаметрини D ҳарфи билан белгилайлик. расм. Параболоид кайтаргичдан куеш нурларининг кайтиши Энергиянинг ўртача геометрик тўпланиши (концентрацияси) деб концентратор кесим юзи p D 2 /4 нинг ёруғ доғ юзи p d 2 /4 га нисбатига айтилади. Агар ўртача геометрик концентрацияни n ҳарфи билан белгиласак, у ҳолда ушбуни ёза оламиз:, ) ( 4 4 2 2 2 R R d D n dD     p p (1) бунда R – кўзгу моддасининг қайтариш коэффициенти. (1) формулани n нинг максимал қийматини топишга қўллайлик. 2 – расмдан: ;2 sin 2 j  F d ,2 sin 2   F D бунда  -параболоиднинг икки четини фокус нуқта билан туташтирган чизиқ. Юқоридагидан 2 2 sin sin j   d D ёки j  sin sin  d D деб ёза оламиз. Бу формуладан кўринадики, j кичиклашиши ва sin  оша бориши билан фокал доғнинг диаметри ҳам шунчалик кичрая боради.  =90 0 бўлганда максимал концентрация бўлишлигини пайқаш қийин эмас, идеал ҳолда j = j 0 = 32’ га тенг бўлади: 100 01,0 1 ' 32 sin 90 sin 0    d D деб ёза оламиз. Демак, (1) формулани шиша параболоид учун қуйидагича ёзиш мумкин ( R =0,8 га тенглигини эътиборга олган ҳолда): . 8000 8,0 ) 100( ) ( 2 2      R n dD Шундай қилиб, идеал параболоид туридаги қайтаргичларнинг максимал концентрацияси 8000 га тенг бўлади.

Амалда фацет концентраторлар ҳам кўп тарқалган. Бундай концентраторлар кичкина ясси кўзгулар тўпламидан иборат бўлиб, уларни шундай жойлаштириладики, натижада уларнинг юзидан қайтган нурлар фокусда тўпланади. Нурларни фокусда тўплаш учун ясси кўзгучалар- фацетларни тутқичлари бор айлана шаклида эгилган ромга ёки ясси ромга ўрнатилади ( 3 (а,б) -расм) а) б) Фацет конденсаторларининг афзалликлари, уларнинг фокал текисликда бир хил даражада ёритилган ёруғ доғ ҳосил қилиши ва кўзгуларнинг сонини ўзгартириш билан концентрация даражасини бошқариш мумкинлигидир. Конус шаклидаги концентраторлар гелиотехникада кам қўлланилади.

Параболоид шаклидаги кўзгули ва алюминийли концентраторларни тайёрлаш технологияси мураккаб ва иқтисодий жиҳатдан қимматга тушади. Шунинг учун ҳам концентраторларнинг тан нархини пасайтириш соҳасида кенг кўламда илмий-тадқиқот ишлари олиб борилмоқда. Бу соҳада Ғ. Ё. Умаров раҳбарлигида ЎзР ФА Физика-техника институтида олиб борилаётган тадқиқотлар самарали натижалар бермоқда. Бу институтда концентраторларнинг қайтарувчи сиртини алюминий қатлам билан қопланган полиэтилен терафталат плёнкадан тайёрлаш ўзлаштирилди. Бу институтнинг гелиофизика бўлимидан диаметри 5 м дан 10 м гача етадиган плёнкали концентраторлар тайёрланди. Концентраторли қуёш қурилмалари қуёшнинг кўринма ҳаракати бўйича буриб борадиган механизмга эга бўлиши лозим. Шундай қилингандагина қуёш нурлари концентратор сиртига кун давомида максимал равишда тушади. Концентраторли қуёш қурилмалари сувни 80-90 0 С дан юқори температураларгача иситиш талаб қилинган барча ҳолларда қўлланилади. Юқори температурали қуёш қурилмаларига қуёш ошхоналари, қайнатгичлари, буғ генераторлари, қуёш печлари ва бошқалар киради. Биз қуёш ошхоналарини кўриб чиқамиз. Қуёш ошхонаси кичик ўлчамли концентратор 1 ва исиқлик ютгич 2 дан иборат ( расм) Расм. Қуёш ошхонасининг тузилиш схемаси. Биринчи қуёш ошхонасини 1927 йилда В. Бухман ясаган эди.

В. Бухман ясаган қуёш ошхонаси кичик ясси кўзгулар жойлаштирилган мослама билан унинг фокусига ўрнатилган ва учала томонидан иссиқликдан изоляцияланган камерадан иборат. Камера кузгулардан уч қават ойна билан изоляцияланган бўлиб, ундан фацетлардан қайтувчи қуёш нурлари дастаси ўтади. Бутун қурилмани қуёшнинг кўринма ҳаракати бўйича осонгина ориентациялаш мумкин ва тахминан 20-30 минутда бир марта бураб кўрилади. ( 2-расм) расм. В.Н. Бухманнинг қуёш ошхонаси (1927 йилда қурилган). В. Бухман худди шундай схемада кўп сонли ясси фацетлардан иборат даволаш рефлекторини ҳам қурган эди. Тажрибаларда бу қурилма фацетларидан қайтувчи ёруғлик дасталарини узлукли равишда, яъни импульсли режимда таъсир қилдирилганида кўпроқ биологик эффект бериши аниқланди. Даволаш рефлекторларини қўллаш бўйича олиб борилган тажрибалар, улар билан кўпгина касалликларни даволашнинг (шу жумладан одатдаги усулларда даволаб бўлмайдиган) юқори эффективлигини кўрсатди. Импульсли режимдаги қуёш ёруғлиги ҳозирги вақтда баъзи тери касалликларини даволашда мувоффақият билан қўлланмоқда. 1952 йилда Б. Гарф томонидан ясалган қуёш ошхонаси МСК – 1 нинг ташқи кўриниши 3-расмда кўрсатилган.

Расм. Унинг юзи 1 м 2 га тенг. МСК – 1 нинг параболоид кўзгуси ялтиратилган алюминий секторлардан иборат. МСК – 1 қуёш ошхонаси сув қайнатиш ва овқат пишириш учун мўлжалланган. Бу қуёш ошхонасида иссиқлик ютгичнинг туби орқали иситилиб, уни кўзгудан қайтган нурлар билан ёритилади. МСК-1 қуёш ошхонасида овқат пиширишда, овқат тайёрланадиган идишни параболоид фокусига жойлаштирилади ва концентратордан қайтиб тушадиган нур энергияси ёрдамида иситилади. Қуввати бўйича бу ошхона 350-400 вт қувватли электр плиткасига тенглашиб, бир соатда 5 л сувни қайнатади. МСК – 1 қуёш ошхонасида 3-4 кишига етадиган овқатни пишириш мумкин. Бу қурилма ўз тан нархини 1,5-2 йилда қоплайди. Бундай ошхоналар йилига 1000 квт.соат электр энергияни тежаш имконини беради. Ўзбекистон Фанлар академиясининг Физика-техника институти олимлари ҳам қуёш ошхонасининг оргинал конструкциясини ишлаб чиқдилар. Бу институтда тайёрланган қуёш ошхонаси параболоид қайтаргичнинг диаметри 1,5 м , қайтаргичнинг ишчи сирти 1,77 м 2 , қурилманинг фойдали иш коэффициенти 40 % ва қуввати эса 600 вт га тенг. Бу қуёш ошхонасининг афзаллиги шундаки, уни осонгина йиғиб, осонгина қуриш мумкин. Шунинг учун ундан чўпонлар, геологлар ва бошқалар ўзлари

билан олиб юриб фойдалана оладилар. Агар шундай қуёш ошхоналарини кўплаб ишлаб чиқарилса, анча миқдордаги ёнилғини тежаш мумкинлигини пайқаш қийин эмас. Ҳозирги замон техникасининг ривожланиши юқори ва ўта юқори температуралар олиш воситаларини талаб қилади. Юқори ва ўта юқори температураларни олиш учун ишлатиладиган концентраторли қуёш қурилмаларини қуёш печлари деб аталади. Юқори температураларни ҳосил қилувчи қурилмалар сифатида қуёш печлари синаб кўрилганида, уларнинг қатор ҳолларда бошқа турдаги қурилмаларга қараганда амалда қўллашга кўпроқ мос келишлиги аниқланди. Инсон ўтмиш замонлардан буён қуёш энергиясини ўзлаштириш учун интилиб келган. Масалан, буюк мутафаккир Архимед сферик кўзгунинг фокус масофаси кўзгу эгрилик радиусининг ярмига тенглигини исботлаган ва бундай кўзгулар ёрдамида қуёш энергиясини тўплашга интилган. Ўрта Осиё олимлари ҳам ўрта асрнинг бошларидаёқ линзаларнинг қуёш нурларини тўплаш қобилиятига эгалигини аниқлаганлар. Абу Райҳон Беруний ва унинг замондоши Абу Али ибн Сино линза ва кўзгуларнинг фокусловчи хоссасини тўғри тушунганлар. Ибн Сино ўзининг «Донишнома» асарида қуёш нурларининг иссиқлик таъсири ва линзанинг оптик хоссаси тўғрисида қуйидагиларни ёзган: «Лупа ёрдамида куйдириш шунинг учун ҳосил бўладики, унда ҳамма томондаги нурни йиғувчи бир нуқта бор. Бу нуқта кучли ёруғланади ва қизийди»* Ибн Сино ёндиргич кўзгуларнинг лупага ўхшаш хоссалари борлигини тасдиқлайди. XVI асрдаёқ қуёш печлари билан кўпгина тажрибалар ўтказилганлиги маълум. Қуёш печлари ёрдамида юқори температуралар олинган эди (расм-1).

Расм. Юзи 90 м 2 бўлган параболоид кўзгунинг кўриниши 1695 йилда Флоренцияда Аверани ва Торджионилар катта линза ёрдамида олмосни буғлантирганлар. 1741 йилда атоқли рус олими М. В. Ломоносов «Катоптрико – диоптрик ёндиргич асбоби» деган асарида 8 та линза ва 8 та кўзгудан иборат юқори температурали қуёш печини таклиф этган эди. 1890 йилда проф. В.К. Церасский концентрланган қуёш нурлари ёрдамида қарийиб барча металларни ва металлоидларни эритган. Замонавий қуёш печи биринчи марта 1921 йилда Германияда Штраубел томонидан қурилган. Юқори температуралар олиш масалаларини ҳал этишда қуёш печларининг қўллашнинг мақсадга мувофиқлиги В. Конн (ГФР) ишларида ишлади ва айниқса проф. Ф. Тромб ҳамда М. Фоэкс (Франция) ишларида кўрсатилган. Ф. Тромб лабораториясида қуввати 1,5-3 квт бўлган бир қанча қуёш печлари ҳам бор. Улар диаметрлари 2-3 м га тенг прожектор типидаги параболоид кўзгулардан ташкил топган. Бунда асосий печнинг фокал доғи соҳасида иссиқликнинг қуввати 50 квт га етади. Параболоид шаклидаги кўзгунинг сирти эса 90 м 2 га тенг (1-расм). Бу параболоид кўзгу орқа томонига кумуш суркалган юпқа шиша кўзгулардан иборат бўлиб, уларнинг сони 2500 та. Бу кўзгулардан ҳосил бўладиган йиғма сирт деярли параболоид шаклида бўлади. У қўзғалмас ва ботиқ томони шимолга қаратилган. Кўзгунинг рўпарасида юзи 135 м 2 га тенг ясси ориентирловчи-гелиостат

жойлашган. Гелиостатни мойли дамкрат ёрдамида харакатга келтирилади. Қуёш печининг асосий вазифаси–ўзига тушувчи қуёш энергиясини кичик юзга йиғишдан иборат. Шунинг учун ҳам қуёш печининг асосий қисми текширилувчи объектга қуёш нурларини тўплаб туширувчи оптик системадан иборат. Қуёш печини қуришда асосан кўзгулардан фойдаланилади. Шунинг учун ҳам биз бу кўзгули қуёш печларининг оптик системаларинигина қараб чиқамиз. Қуёш печларини қуришдаги энг содда оптик системанинг схемаси 2(а)-расмда тасвирланган; унда қиздириладиган модда бевосита параболоид фокусида жойлаштирилган тигелга солинади. Бу схеманинг камчилиги шундан иборатки, унда текширилувчи модда солинган тигелни қуёшнинг кўринма ҳаракати бўйича буриб боришлигидадир. Шунинг учун бундай схемадаги қўёш печлари билан ишлаш ноқулай. 2(б)-расмда ботиқ юзи шимолга қаратилган параболоид қузғалмас қилиб ўрнатилган ҳол тасвирланган (унинг оптик ўқи горизонтал). Бу схемада вертикал ва горизонтал ўқ атрофида айлана оладиган ясси кўзгу – гелиостат қуёш нурларини параболоид ўқига параллел қилиб қайтаради. Бу схемадаги қуёш печида ишлашда гелиостат қуёшнинг горизонтдан баландлиги катта бўлмаганда параболоиднинг сояси гелиостатга тушмайдиган масофада ўрнатилади. Бу оптик системанинг юзи печ қувватига пропорционал равишда ортади ва бир неча квадрат метрдан бир неча юз квадрат метрга етади. Ҳозирги вақтда юқори температурали қуёш печлари бир қанча мамлакатларда (Жазоир, Япония, Франция, АҚШ, ГФР, Узбекистон ва бошқаларда) бор. Параболоид кўзгу жуда катта ўлчамга эга бўлиши керак бўлган ҳолларда гелиостатни умумий механизм билан бошқариладиган унчалик катта бўлмаган бир неча кўзгулар тўпламидан иборат қилиб олинади. Бундай ҳол 2(в)-расмда тасвирланган. Худди шундай схемадан Францияда қурилаётган қуввати 1000 квт бўлган қуёш печидан фойдаланилган.

Франциянинг жанубида Пиреней тоғ тизмасининг шарқий қисмидаги Одейода қурилган қуввати 1000 квт бўлган қуёш печи, ҳозирги вақтда дунёдаги энг катта қуёш печидир. Бу қуёш печида гелиостатнинг ўзи юқорида айтганимиздек, кўп сонли кўзгулар системасидан иборат. Турли хил қуёш печларида ўтказилган тажрибалар кўрсатадики, қуёш печининг фокусида жойлаштирилган иссиқлик ютгичнинг температураси 3000 0 К, баъзи печларда эса 3700 0 К га етади.

Қуёш печининг асосий қўлланиши, қийин эрийдиган моддаларни эритишдан ва юқори температуралардан фойдаланиб тадқиқот ишлари олиб боришдан иборат. Қуёш печларида текширилаётган модда вакуумда ёки ихтиёрий бирор мухитда ёки термик ишланиши мумкин. Масалан, Мон-Луидаги (Франция) асосий қуёш печида бир кунда 60 кг га яқин қийин эрийдиган материаллар (цирконий оксид, кальций цирконат, хром, доломит, алюминий оксид) эритилади. Яна бир мисол келтирайлик. Одейо (Франция) даги энг катта қуёш печи 12 мм қалинликдаги пўлат пластинкани 4 мин 40 сек да ярим метрча узунликда эритиб беради. Кичикроқ қуёш печларида, масалан, Тошкентда қурилган ГУ-2 печида (диаметри 2м га тенг параболоид кўзгу) пўлат, алюминий ва уларнинг қотишмаларини эритиш ва пайвандлашга оид тажрибалар ўтказилган. Ереван шаҳрида қурилган диаметри 2 м бўлган прожектор типидаги қуёш печида (гелиостатнинг ўлчами 2,5 х 3 м 2 ) кварц ҳамда домна, мартен ва электр ёйи печларида ишлатиладиган иссиққа чидамли материаллар эритилган. Бу моддаларнинг эриш температураси 2000-2600 0 С. Бу температурани қуёш печида осонгина ҳосил қилиш мумкин. Одатдаги эритиш печларида, масалан, электр печларида анча юқори температурани ҳосил қилиш мумкин. Аммо қуёш печлари уларга қараганда афзалликларга эга: қуёш печларида иссиқликнинг объектга таъсири нуқтавий ҳарактерга эга. Фокал доғ марказидан озгина узоқлашиш билан объектнинг температураси тез пасаяди. Бу жуда катта аҳамиятга эга. Чунки бу ҳолда эритилаётган (ёки текширилаётган) материал бошқа моддалар билан кераксиз реакцияларга киришмайди. Шунингдек, қуёш печлари ўта тоза материалларни тайёрлашда ишлатилмоқда. Масалан, металларни унинг сифатини бузувчи аралашмалардан тозаланади. Маълумки, космик кемалар тайёрлашда иссиққа жуда ҳам чидамли материаллар керак, айни шу мақсадда юқори температурага чидайдиган материалларни синаб кўришда ҳам қуёш печининг роли каттадир. Олимлар қувватли қуёш печларида атом электр станцияларида ишлатиладиган

материалларни ҳам синаб кўрмоқдалар. Уз Р ФА нинг Физика-техника институтида куёш энергиясини концентратор оркали йигиш хисобига юкори харорат хосил килиш ва ундан юкори хароратларга чидамли тоза материаллар олишда 1976 йилдан бери илмий-тадкикот ишлари олиб борилмокда. Юкори харорат хосил килувчи куёш печи Физика-техника институти олимларининг илмий-тадкикот ишлари натижалари асосида 1993 йилдан бошлаб Тошкент шахрининг якинида жойлашган Паркент туманининг тог бегрида курилган, унинг тузилиши ва ишлаш принципи расм-3 а,б да келтирилган.

Тошкент вилоятининг географик кенглиги – 41 0 20 1 куёш печи дарё сатхидан 1050 м баландликда курилган, Куёш нурларини печга кайтариб йуналтириб берувчи гелиостатнинг умумий сони 62 та булиб тог ён багрига шахмат тартибида жойлаштирилган. Бу гелиостатлар куёш нурларини кун давомида автоматик равишда куёшнинг куринма харакати асосида куёш нурларини печга йуналтириб беради. Гелиостатларни умумий тузилиши 7,5 х 6,5 м текис юзаларга калинлиги 6 мм ли шиша кузгулар урнатилган умумий фацетлар сони 12090 та куёш нурини кайтарувчи юзаларнинг умумий майдони 3022,5 м 2 . Куёш печининг фокусининг диаметри 1,2 м Физика- техника институти олимлари томонидан хозиргача куёш печи ёрдами билан 160 тадан ортик моддаларни синтез килишган, ундан ташкари керамика моддаларини олиш, уларни электроника ва химоя саноатида ишлатилиши тугрисида тавсиялар тайёрлаб беришган. Паркентда курилган куёш печи ун йилдан бери ишлатилиб келинмокда, бу куёш печидан фан ва техниканинг долзарб муаммоларини хал килишда фойдаланиб келинмокда.

Ф ойдаланилган адаби ё тлар : 1. Г.Я.Умаров, Р.Т.Раббимов и др. Использование низко- потенциаль ных солне ч ных установок. Изд-во «Фан» АнУзССР, 1976 2. П.Л.Михайлов. «Гелиотехника в школе» Изд-во «Укитувчи», Т. 1977 3. Бринкворт. «Солнечная энергия для человека» Изд-во «Энергия» 1985. 4. Б.Андерсон. Солнечная энергия М. Стройиздат, 1982 5. Х.Аргинбоев Гелиотехника ўқув қўлланма. Ўқитувчи Т., 1974 6. Вейенберг В.Б. Оптика в устоновках для использования Сольнечной Энергии М. Оборонгиз. 1959. 7. Изроэль Г.Б. Энергетика и ее будушее М. Энергия 1969. 8. Баум В.А. Использование Солнечной энергия. Сб.науч.трудов. № 1 М.1957

O'xshashlar

Паст ҳароратли Қуёш қурилмалари

Кучайтиргич қурилмалари схемотехникаси

Қуёш энергиясининг манбаи. Қуёш активлиги. Қуёш-ер муаммоси сайёралар физикаси ер типидаги сайёралар

Қуёш қурилмаларида қуёш энергияси ҳисобига юз бераётган физик процессларни назарий ўрганиш

Қуёш энергиясидан қишлоқ хўжалигида фойдаланиш