Мажбурият ва мажбурият хукуки - Falsafa - Referatlar

Мажбурият ва мажбурият хукуки

Yuklangan vaqt:

19.09.2022

Ko'chirishlar soni:

0

Hajmi:

96.5 KB

Ko'chirib olish

Мажбурият ва мажбурият хукуки Режа: 1. Мажбурият ва мажбурият хукуки. 2. Мажбуриятнинг вужудга келиш асослари. 3. Мажбурият субъектлари.

Мажбурият ва мажбурият хукуки Фукаролик хукукида мажбурият деб шундай фукаролик хукукий муносабатга айтиладики, унга асосан шахс (карздор) бошка шахс (кредитор) фойдасига муайян харакатни амалга оширишга, чунончи: мол-мулк топшириш, ишни бажариш, хизматлар курсатиш, пул тулаш ва хоказо, ёки муайян харакатдан узини саклашга мажбур булади, кредитор эса - карздордан узининг мажбуриятларини бажаришни талаб килиш хукукига эга булади (ФКнинг 234-моддаси). Юкорида берилган таърифга кура мажбурият кенг маънода хукук субъектлари хисобланган шахслар (ташкилотлар ва фукаролар) уртасида буладиган фукаролик хукуки характеридаги муносабатларни билдиради. Мажбурият тушунчаси хукукнинг бошка сохаларда хам, чунончи, маъмурий хукук, оила хукуки, мехнат хукуки сохаларида хам берилади. "Мажбурият" атамаси бошка маъноларда хам ишлатилади, масалан, мажбурият деб факат муайян бир харакатни килишга, чунончи: ижара хакини тулашга, сотиб олинган нарсанинг кийматини тулашга каратилган бурчга хам айтилади. Мажбурият субъектлари ва объектлари унинг мухим элементлари хисобланади. Мажбурият субъектлари муайян хукукларга эга булган ва зиммасига мажбурият олган шахслардир. Хар бир мажбуриятда, албатта, икки тараф иштирок этади. Муайян бир харакатнинг, килиниши ёки муайян харакатни килишдан сакланишни талаб этишга хакли булган тараф - кредитор деб аталади. Муайян харакатни килишга ёки харакат килишдан сакланишга мажбур булган тараф эса карздор деб аталади. Мажбуриятда иштирок этувчи кредиторнинг хукуки нисбий хукук булади, чунки кредитор факат маълум шахс ёки шахсларга (бир карздор ёки бир неча карздорларга) нисбатан талаб куйиш хукукига эга.

Мажбуриятда кредиторнинг талаб килиш хукуки ва шунга яраша карздорнинг бурчи нимага карата белгиланган булса, шунинг узи мажбурият объекти хисобланади. Жумладан, хукук ва бурчлар бирон-бир ашёни олишга, топширишга, муайян пул суммасини тулашга, бирон-бир ишнинг бажарилишига каратилган хукукий харакатлардан иборат булиши мумкин. Мажбурият хукуки деб мулк топшириш, ишларни бажариш, хизмат курсатиш ёки пул тулаш билан боглик булган ижтимоий муносабатларни тартибга соладиган фукаролик хукукий нормалар йигиндисига айтилади. Мажбурият хукуки жамиятимизда мулкий муносабатларнинг энг мухим ва кенг сохасини узининг фукаролик хукукий характеридаги коидалари билан тартибга солади. У ташкилотлар билан фукаролар уртасидаги муносабатларни хам, чунончи: фукароларга хилма-хил товарлар, озик-овкат махсулотларини сотишда, уларга хар турдаги хизматлар курсатиш, турар жойлар бериш ва бошка холларда вужудга келадиган муносабатларни хам тартибга солади. У ташкилотлар билан фукаролар уртасидаги муносабатларни хам, чунончи: фукароларга хилма-хил товарлар, озик-овкат махсулотларини сотишда, уларга хар турдаги хизматлар курсатиш, турар жойлар бериш ва бошка холларда вужудга келадиган муносабатларни хам тартибга солади. Жамиятдаги мажбуриятга оид хукукий муносабатлар фукаролар ва ташкилотларнинг хилма-хил эхтиёжларини кондириш, таъминлаш максадларида урнатилади. Мажбуриятлар тугрисидаги нормалар мулкнинг бир шахсдан иккинчи шахсга утишини, ишлаб чикариш ва маиший хизмат курсатиш корхоналари оркали хилма-хил хизматлар курсатилишини тартибга солади. Мажбуриятлар воситасида мулк ва мулкий хукуклар курикланиши таъминланади, фукаронинг соглигига зарар етказилганда, фукаро улдирилганида курилган зарарлар копланади ва хоказо. Мажбурият хукуки фукаролар билан фукаролар уртасидаги муносабатларни хам, жумладан, бозорларда озик-овкат махсулотларини олишда, уй-жой сотиб олиш ва бошка холларда буладиган узаро

муносабатларни хам тартибга солади. У ташкилотлар ва фукароларга етказилган мулкий зарарнинг туланишини, шунингдек конун ёки шартномалар билан белгиланган асослар булмай туриб олинган нарсаларнинг кайтарилишини таъминлайдиган хукукларни хам уз ичига олади. Мажбурият хукукининг тизими икки асосий булимдан: мажбуриятлар тугрисидаги умумий коидалар ва мажбуриятларнинг айрим турларига оид махсус коидалардан иборат. Мажбурият тугрисидаги умумий коидаларда (ФКнинг 234-252- моддаларида) мажбуриятларнинг келиб чикиши ва бажарилиши, мажбуриятларнинг бажарилишини таъминлаш, талаб килиш хукукини бировга утказиш ва карзни кучириш, мажбуриятни бузганлик учун жавобгарлик ва нихоят мажбуриятларнинг бекор килиниши асослари белгиланади. Мажбуриятларнинг алохида турларига багишланган ФК нормалари мажбурият хукуки томонидан тартибга солинадиган ижтимоий муносабатлар нихоятда куп ва хилма-хил булишлиги туфайли Кодекс салмокли уринни эгаллайди. Мажбурият хукукининг мазкур махсус кисми нормалари мазмуни ва хажми буйича тенг булмаган икки туркумга: шартномали мажбуриятлар институтларига ва шартномасиз (шартномадан ташкари) мажбуриятлар институтларига булинган. Шартномали мажбуриятга оид хукукий институтлар жумласига: олиш- сотиш, махсулот етказиб бериш, карз, контрактация, пудрат, мулк ижараси, турар жой ижараси, юк ва йуловчилар ташиш. комисия шартномалари ва бошка бирмунча шартномалар асосида буладиган муносабатларни тартибга соладиган хукукий нормалар тааллуклидир. Шартномалардан ташкари мажбуриятларга оид хукукий институтларни асосан куйидагилар: зарар етказишдан келиб чикадиган мажбуриятлар, мулкни асоссиз олиш ёки асоссиз тежашдан ва шу каби бошка асослардан келиб чикадиган мажбуриятлар ташкил этади.

Мажбурият мазмуни деганда кредиторнинг карздор томонидан муайян харакатлар килинишини (ёхуд килинмаслигини) талаб этишга булган хукуки ва карздорнинг шунга яраша булган бурчи тушунилади. Карздор томонидан килиниши лозим булган харакатлар хар хил: ашёни эгаси (кредиторга) топшириш, ашёларни фойдаланиш учун топшириш, маълум сумма пулни тулаш, биронта ишни килиш ёки хизмат курсатиш, карздор томонидан биронта битимнинг тузилишини таъминлаш, бировга етказилган зарарни тулаш, асоссиз олинган ёки асоссиз тежалган мулкни кайтариш ва хоказолар тугрисида булиши мумкин. Юкорида курсатилган мажбурият объектларидан куринишича, мажбуриятнинг мазмуни асосан мулкий характердаги хукук ва бурчлардан иборат булса-да, хукук субъектлари узаро мулкий характерда булмаган мажбуриятларни хам белгилашлари мумкин. Масалан, маълум асар муаллифларидан бири узаро келишув буйича муайян вакт ичида асарнинг бир кисмини тузатиб, кайта ишлаб келиш тугрисида уз зиммасига мажбурият олиши мумкин ва хоказо. Хулоса килиб айтганда, мажбуриятларнинг мазмунида конунга хилоф булмаган хар кандай мулкий ва мулкий характерда булмаган харакатларни килишни талаб этишга каратилган хукуклар ва бу харакатларни килиш юзасидан олинган мажбуриятлар булиши мумкин. Мажбуриятларнинг турли тоифаларининг бир-бирларига нисбатан белгиланган хукук ва мажбуриятлари уларнинг характерига караб фарк килинади. Улар мазмуни, объектлари ва субъектларига караб куйидаги турларга булинади: 1. Ижобий мазмунли мажбуриятлар ва салбий мазмунли мажбуриятлар. Агар мажбурият юзасидан карздор муайян бир харакатни килишга бурчли булиб, кредитор айнан шу харакатнинг килинишини талаб килишга хакли булса - бундай мажбурият ижобий мазмунли мажбурият, деб аталади. Хукукий муносабатнинг купчилигида ижобий мазмунли мажбуриятлар ётади. Масалан, олиш-сотиш, мулкни ижарага бериш, маиший хизмат

курсатиш сохасида олинадиган мажбуриятлар - ижобий мазмунли мажбуриятлардир. Агар мажбурият буйича карздор муайян харакатни килишдан сакланишга бурчли, кредитор харакат килишдан сакланишни талаб этиш хукукига эга булса - бундай мажбурият салбий мазмунли мажбурият деб аталади. Масалан, нашриёт шартномаси буйича муаллиф шартнома кучда булган даврда уз асарини бошка нашриётга топширишдан сакланиш мажбуриятини олса, нашриёт муаллифнинг бошка нашриёт билан шартнома тузишдан сакланишини талабэтиш хукукини олади. Бир томонлама ва икки томонлама мажбуриятлар. Агар мажбуриятда катнашувчиларнинг бирида факат талаб килиш хукуки (ёки хукуклари), иккинчи томонда эса, факат мажбурият (мажбуриятлар) булса, бундай мажбуриятларга бир томонлама мажбурият деб айтилади. Бунга мисол килиб карз шартномасини курсатиш мумкин. Карз шартномаси буйича карз берган шахс карзнинг кайтарилишини талаб килиш хукукига эга булса, карздор зиммасига олган карзини кайтаришга бурчлидир. Агар хукукий муносабатда катнашувчиларнинг хар кайсиси хам хукук, хам мажбуриятга (катор хукуклар ва мажбуриятларга) эга булса, бундай мажбурият икки томонлама мажбуриятларга олиб-сотиш, ижара, пудрат каби шартномаларни мисол килиб курсатиш мумкин. Масалан, олиш-сотиш муносабатида сотувчида сотилган нарсани топшириш мажбурияти булса, олувчида сотиб олинган нарсанинг кийматига яраша хак тулаш мажбурияти булади. Аксарият мажбуриятлар икки томонлама булиб курилади. Муайян харакатни бажаришга каратилган ва альтернатив мажбурият. Агар хукукий муносабат буйича кредитор карздордан муайян бир харакат килинишини, масалан, маълум ишнинг бажарилишини, бирон бир ашёнинг топширилишини ёки маълум сумма пул туланишини талаб килиш хукукига эга булса. бундай мажбурият муайян харакатни бажаришга каратилган мажбурият деб аталади. Агар хукукий муносабатда кредиторнинг талаби буйича карздор бир неча харакатлардан бирини бажаришга мажбур булса,

бундай мажбурият альтернатив мажбурият саналади. Альтернатив мажбурият буйича хукукий муносабатда бир неча харакат курсатилган булса хам, мажбуриятнинг мазмунини карздорнинг факат биргина мажбурияти ва кредиторнинг шу мажбуриятнинг бажарилишини талаб килишга булган хукуки ташкил этади. Хукукий муносабатда назарда тутилган харакатлардан бирининг бажарилиши билан мажбурият ижро этилган хисобланади. Альтернатив (мукобил) мажбуриятнинг бажарилиши тугрисидаги коида ФКнинг 250-моддасида берилади. Мазкур моддада курсатилишича, агар карздор икки ёки бир неча харакатлардан бирини бажаришга мажбур булса, конун, шартнома ёки мажбуриятнинг мохиятидан бошкача тартиб англашилмаса, танлаш хукуки карздор ихтиёрида булади. Фукаролик кодексининг бир канча моддаларида кандай мажбуриятнинг бажарилиши лозимлигини танлаш хукуки кредиторга берилганлиги курсатилади. Чунончи: уларда сотилган ашёнинг сифати лозим даражада булмаганда, сотиб олувчи уз хохиши билан ана шу ашёни бошка сифатли ашёга алмаштиришни ёки харид бахосини тегишли даражада камайтиришни ёхуд сотувчининг шу ашёдаги камчиликларни хак олмай тузатиб беришини. ёки шу камчиликни тузатиш учун олувчининг килган харажатларини тулашини ё булмаса шартномани бекор килиб, узига келган зарарнинг туланишини талаб килишга хакли булади, деб курсатилади. Бу коида буйича карздор сифатида сотувчи томонидан бажарилиши лозим булган харакатлардан бирини танлаш хукуки кредиторга, яъни сотиб олувчига берилади. Шахсий характерга эга булган ва мажбуриятларга ва шахсий характерга эга булмаган мажбуриятлар. Баъзи мажбуриятлар хукукий муносабатда катнашувчиларнинг хар кайсиси ёки бирининг шахси билан катъий боглик булиши мумкин. Масалан, топширик шартномаси буйича вужудга келадиган мажбурият вакилининг (топширикни бажарувчининг) ишончли шахс булишига караб белгиланади. Бундай шахсий характерга эга булган мажбуриятларнинг бажарилишини, агар конун ёки шартномада бошкача хол белгиланган булмаса, бошка шахсга утказилишига йул

куймайди, кредитор хам бошка шахс билан алмашиши мумкин эмас. Бундай мажбурият карздор ва кредиторнинг вафот этиши билан бекор булади. Аксарият хукукий муносабатларда мажбуриятнинг ким томонидан бажарилиши ахамиятга эга булмайди. Масалан, карз шартномаси буйича мажбуриятнинг фукаро Г. томонидан хам ёки унинг учун фукаро Б.томонидан хам бажарилиши мумкин. Бундай шахсий характерга эга булмаган мажбуриятлар буйича кредитор хам, карздор хам бошка шахс билан алмашишига йул куйилади. Бундай мажбуриятлар буйича кредитор ёки карздорнинг вафот этиши мажбуриятнинг бекор килиниши учун асос булмайди. Мажбурият хукукидаги санкция масаласига келсак, фукаролик хукуки нормаларига мувофик кулланиладиган мажбурлаш чоралари купинча хукук бузилишида, мажбуриятларни бажармаслик ёки тегишли даражада бажармаслик учун кулланилади. Санкция фукаролик хукукий муносабатида иштирок этаётган тарафлар уз зиммаларидаги мажбуриятларини бажармаганларида ёки лозим даражада бажармаганларида хукук нормаларига мувофик кулланиладиган мажбурлаш чорасидир. Бузилган мажбуриятлар юзасидан кулланиладиган санкциялар хар хил. Мажбурий чора сифатида кулланиладиган санкциялар умумий характерга эга булиши хамда махсус, яъни аник бир хукукий муносабатдан юзага келган харакатларга нисбатан кулланиладиган булиши мумкин. Умумий характердаги санкциялар мажбуриятнинг бажарилишини кечиктириш, бирор ашёни топшириш мажбуриятини бажармаслик учун кулланилади. Махсус санкцияларга мисол килиб сотилган ашёларнинг сифати тегишли даражада булмаслиги учун сотувчининг жавобгарлигини курсатиши мумкин. Санкция мажбуриятларда иштирок этувчи ва уз зиммаларидаги мажбуриятларни бажармаган тараф - кредитор ва карздорга нисбатан куллнилади.

Мажбуриятларни бузганлик учун кулланиладиган санкциялар куйидаги гурухларга булиниши мумкин: 1. Ихтиёрий бажарилмаган бурчни ижро эттиришга каратилган санкция. Масалан, олинган карз пулни ихтиёрий равишда туламаганлигида уни мажбуран ундириш мумкин булади. 2. Шартномада курсатилган мажбурият бажарилмаганда уни бир томонлама бекор килиш хукукини беришга каратилган санкция. Масалан, ижарага олувчи уз мажбуриятини бажармаганда ижарага берувчининг талаби билан шартнома муддатидан аввал бекор килиниши мумкин. 3. Мажбуриятнинг ижро этилиши тартибини узгартиришдан иборат булган санкция. Масалан, махсулот олувчи ташкилот аввал махсулотлари учун хак тулашни кечиктирганидан махсулот етказувчи у билан акцепт шакли буйича хисоб-китоб килмай, балки харидор ташкилотга нокулай булган аккредитив шакли буйича хисоблашиш тартибига утиши мумкин. 4. тузук тараф зиммасида булган мажбуриятлар хажмини камайтиришга каратилган санкциялар. Бунга мисол килиб харидор узига шартнома шартларига номувофик сифатдаги ашё топширилганида, унинг нархини тегишинча камайтиришни талаб кила олишлигини курсатиш мумкин. 5. Нотузук тарафнинг зиммасида булган мажбуриятлар хажмини оширишга каратилган санкциялар. Бундай санкция кулланилишида мажбурият бузган нотузук тараф узи учун нокулай булган баъзи вазифаларни, кушимча мажбуриятларни бажаришга мажбур килинади. Масалан, сифатли нарса урнига сифатсиз ашё топширган сотувчи бу ашёнинг нуксонларини тузатиш учун ёки камчиликларини йукотиш учун харидор томонидан килинган харажатларни тулашга мажбур килиши мумкин. 6. Мулкий жавобгарлик чоралари сифатида куриладиган санкциялар. Бу тугрида куйида баён этилади.

Мажбуриятнинг вужудга келиш асослари. Фукаролик хукуклари ва бурчларини келтириб чикарадиган холатлар мажбуриятга оид хукукий муносабатларни хам вужудга келтирадиган асослар булиб, ФКнинг 8-моддасига курсатилган. ФКнинг 234-моддасида айтилишича, мажбуриятлар шартномадан, зиён етказилиши натижасида хамда Фукаролик кодексига курсатилган бошка асослардан келиб чикади. Фукаролик хукук ва бурчларининг вужудга келиш асослари (юридик фактлар) ФКнинг 8-моддасида курсатилган. Маълумки, ФКнинг деярли барча нормалари шартномалардан келиб чикадиган мажбуриятларни тартибга солишга каратилган. Бу хукукий нормалар воситасида тартибга солинадиган мажбуриятлар жумласига мулки бошка шахснинг эгалигига топшириш (олиш, сотиш, айрибошлаш, хадя шартномалари)дан келиб чикадиган, мулкни оператив бошкариш хукукини утказиш (махсулот етказиб бериш шартномаси)дан фойдаланиш хукукини утказиш (мулк ижараси ва турар жой ижараси, мулкдан бепул фойдаланиш тугрисидаги шартномалар)дан, бирор ишни бажариш ёки хизмат курсатиш (пудрат, юк ташиш, топширик, комиссия, омонот, экспедиция шартномалари)дан ва бошка шартномалардан келиб чикадиган мажбуриятлар киради. Хозирги бозор шароитларида турли тадбиркорлик субъектлари уртасида тузиладиган шартномалардан келиб чикадиган мажбуриятлар алохида ахамиятга эгадир. Давлат органларининг конунда фукаролик хукуки ва мажбуриятлари вужудга келишининг асоси сифатида назарда тутилган хужжатлари хам мажбуриятларни келтириб чикариши мумкин. Бундай хужжатлар турли куринишларда - давлат буюртмаси ёки маъмурий хужжатлар шаклида булиши мумкин. Фукароларга турар жойлардан фойдаланиш хукукини берадиган ордер хам маъмурий далолатнома сифатида уй бошкармаси билан ордер олган

фукаро уртасида турар жой ижараси шартномасини тузишга ва шу билан бирга муайян мажбуриятларни вужудга келтиришга асос булади. Фукаролик хукукий мажбурият судлар томонидан чикарилган хужжатлар (хал килувчи карорлари, ажримлар, хукмлар) асосида хам вужудга келиши мумкин. Конун йул куйган асосларда мол-мулкнинг мулк сифатида олиниши натижасида хам (масалан, эгалик хукукини вужудга келтирувчи муддат хосил булганлиги сабабли) мажбурият келиб чикиши мумкин. Бир томонлама битимлар хам фукаролик хукукий мажбуриятларни келтириб чикарувчи юридик фактлар жумласига киради. Бундай битимга мувофик шахснинг эрки иккинчи бир шахсга хукук ва мажбурият келтириб чикаради. Бир томонлама битимларга мисол килиб васиятни курсатиш мумкин. Васият буйича мулк олиш хукуки ва мархумнинг карзларини тулаш мажбурияти вужудга келиши мумкин. Яратилган ихтиро ва фойдали модель, буюмларнинг саноат намуналари, фан, адабиёт, санъат асарлари конун талабларига жавоб бериши керак. Тегишли конунлардаги нормаларга мувофик бу яратилган нарсалар уни яратган шахс билан тегишли давлат ташкилотлари уртасида мажбуриятларнинг келиб чикишига асос булади. ФКнинг 234-моддасида курсатилганидек, фукарога ёки ташкилотга зиён етказиш хам мажбуриятнинг келиб чикишига асос булади. Зиён етказган шахсда жабрланган шахсга нисбатан унга етказилган зиён учун муайян мажбуриятлар вужудга келади. Бундай мажбуриятлар шартлашилмаган мажбуриятлар деб аталади. Мажбуриятлар конунларда белгиланганидек, етарли асослар булмасдан туриб, бошка бировнинг мулкини олиш ёки бошка шахс мулкини асоссиз тежашдан хам келиб чикади. Агар асоссиз олинган мулкни асли холида кайтариш имконияти булмаса, унинг асоссиз олинган пайтда белгиланган киймати бараварида хак тулаш мажбурияти вужудга келади.

Бошка шахсларнинг ишларини топшириксиз юргизганлик сабабли келиб чикадиган мажбуриятлар тугрисидаги коидалар хам конунларда мажуд. Конунларда курсатилишича, бошка шахс манфаатларини кузлаб топширик олмай харакат килган шахс, шу муносабат билан килган зарар харажатларнинг туланишини талаб килишга хакли. Агар манфаатдор шахс топширик олмай харакат килган шахснинг ишини маъкулласа, бундай холларда ФКнинг топширик шартномаси тугрисидаги коидалари кулланилади ва мажбуриятларнинг келиб чикишига асос булади. Фукаролик хукукий мажбуриятлари танлов эълон килишдан хам келиб чикиши мумкин. Мукофат тулашни ошкора ваъда килиш (танлов эълон килиш)дан келиб чикадиган мажбуриятларда муайян ишни яхширок ижро этганлик учун давлат, кооператив ёки жамоат ташкилоти томонидан махсус хак мукофот туланишини ошкора ваъда килиш - бу ташкилотни ишни танлов шартларига мувофик мукофотга сазовор булган шахсга ваъда килинган хакни тулашга мажбур килади. Мажбуриятга оид хукукий муносабатлар ходисалардан хам келиб чикади. Бунга мисол килиб табиий ходисалар, масалан, ёнгин ёки зилзила натижасида ижарага топширилган мулкнинг зарарланиши туфайли сугурта органига келиб чикадиган мажбуриятларни курсатиш мумкин. Мажбуриятлар конунда курсатилган холларда бошка асослардан хам келиб чикиши мумкин. Мажбурият субъектлари. Мажбуриятларда катнашувчи тарафлар. Улушли ва шерик мажбуриятлар Юкорида айтилганидек, мажбуриятда катнашувчи тарафларнинг бири кредитор, иккинчиси карздор деб аталади.

Мажбуриятда карздор ва кредитор булиб иштирок этувчилар, фукаролик хукуклари ва мажбуриятларга эга була оладиган шахслар булишлари керак. Мажбуриятга оид муносабатларда кередитор ва карздор сифатида фукаролар ва юридик шахс хисобланган ташкилотлар, шунингдек, баъзи холларда Узбекистон Республикаси хам мажбурият субъекти булиб иштирок этиши мумкин. Фукаролик хукукида аксарият мажбуриятларжа (шартномаларда) катнашувчи шахслар бир вактнинг узида кредитор, хам карздор булиб хисобланади. Масалан, олиш-сотиш шартномасида сотувчи сотилган нарсани топшириш юзасидан карздор, нарсанинг кийматини талаб килиб олиш юзасидан кредитор хисобланади ва аксинча сотиб олувчи нарсани талаб килиб олиш юзасидан - кредитор, нарсанинг кийматини тулаш юзасидан карздор хисобланади. Бинобарин, мажбуриятда иштирок этаётган тарафларда, яъни кредитор ва карздорда хам талаб килиш хукуки, хам мажбурият булса, бундай мажбуриятлар (мураккаб мажбуриятлар) икки томонлама шартнома деб хам аталади. Мажбуриятда катнашувчи шахсларнинг купчилик булиши Одатда, хар бир мажбуриятда икки тараф - кредитор ва карздор булади. Аммо баъзи холларда мажбуриятда кредитор ёки карздор тарафида ёхуд хар икки тарафда хар бир неча шахслар иштирок этиши мумкин. Бундай мажбуриятлар куп шахсли мажбуриятлар, деб аталади. Масалан, бир мулк икки шахс томонидан сотиб олинганида - сотувчи хузурида нарсанинг кийматини тулаш юзасидан карздор томонидан икки шахс булади. Улушли мажбуриятга мисол килиб икки фукаро томонидан улушларга булиниб курилган уй-жойнинг сотилишида сотувчилардан хар бири уз улушига нисбатан тегишли хакни талаб килиш юзасидан кредитор булишини курсатиш мумкин. Шериклик мажбурияти буйича бошкалар учун мажбуриятни бажарган карздор регресс (кайтарма) даъво хукукига эга булса, кушимча мажбуриятни учинчи шахсга нисбатан бажарган карздор, агар конун ёки шартномаларда

бошкача хол белгиланмаган булса, шу бажарилган нарсани кайтариб олиш хукукига эга булмайди. Масалан, она-оналар, фарзандликка олганлар, васийлар, хомийлар, вояга етмаган болаларнинг харакати натижасида етказилган зарарни учинчи шахсга тулаганларида мазкур хакни кайтариб олиш хукукига эга эмаслар. Кушимча мажбурият конун ёки шартномаларда курсатилган такдирдагина вужудга келади. Чунончи, конунда айтилишича, ун турт ёшдан ун саккиз ёшгача зиён учун болаларнинг ота-оналари, васий ва хомийлари кушимча жавобгардирлар. Кушимча мажбуриятга яна бир мисол килиб, тугридан-тугри шартномада курсатилган булса, бошка шахс мажбуриятининг тамоман ёки кисман бажарилиши учун унинг кредитори олдида жавобгарликни уз зиммасига олган кафилнинг кушимча жавобгарлигини курсатиш мумкин. Аммо бу холда мажбуриятни бажарган кафил регресс (кайтарма) даъво килиш хукукига эга булади. Мажбуриятдаги шахсларнинг узгариши: Баъзи холларда талаб килиш хукукини утказиш шартнома буйича хам йул куйилмайди. Масалан, умрбод асраш шарти билан уй-жойни топширган шахс узининг талаб килиш хукукини бошка шахсга утказа утказа олмайди. ФКнинг 318-моддасида курсатилишича, кредиторнинг мажбурият буйича хукуклари бошка шахсга куйидаги холларда утади: 1) кредитор хукукларидаги универсал ворислик натижасида: 2) кредитор хукукларини бошка шахсга утказиш тугрисидаги суднинг карорига мувофик; 3) карздорнинг мажбурияти ушбу мажбурият буйича карздор булмаган кафил ёки гаровга куювчи томонидан бажарилиши окибатида; 4) сугурта холати бошланиши учун жавобгар булмаган карздорга нисбатан кредитор хукукларининг сугурта килувчига суброгацияси (утиши) натижасида; 5) конунда назарда тутилган бошка холларда. Регресс (кайтарма) мажбурият:

Регресс (кайтарма) мажбурият деб - бир тараф иккинчи тараф учун учинчи шахс бажарган мажбуриятни кайтариш тугрисида талаб кила олиш хукукига айтилади. Регресс (кайтарма) талабда бошка мажбурият сингари икки тараф иштирок этади. Бу конунда маълум булишича, масалан, карз шартномасига асосан карздорлардан бири карзни тула хажмда туласа, карз мажбурияти бекор булади. Лекин бошка карздорлар учун карзни тулаган карздор шериклари учун бажарганларни колган карздорлардан ундириш учун кайтарма талаб кила олади. Агар мажбуриятни тула хажмда бажарган карздор бу тугрида бошка шерик карздорларни огохлантирмаса, шерик карздорлар мажбуриятни бажарган булса, зарар курган карздор колган карздорларга нисбатан кайтарма даъво кузгата олмайди. У факат кредиторга нисбатангина унинг асоссиз олганини кайтариш тугрисида даъво кила олади. Кайтарма талаб учинчи шахсга нисбатан килинган харажатнинг умумий микдоридан ошмаслиги керак.

Адабиётлар: 1. Зокиров И.Б. Фукаролик хукуки. Дарслик. 1 кисм. Т., 1996 йил. 2. Зокиров И.Б. Узбекистон Республикасининг фукаролик хукуки. Дарслик. 2 кисм. Т.,1999 йил. 3. Рахмонкулов Х.Р. Узбекистон Республикаси Фукаролик Кодексининг1 ва 2- кисмларига умумий тавсиф ва шархлар, 2 жилд. Т., 1997-1999 й. 4. Абдусаломов М. Узбекистон Республикаси Фукаролик хукуки. Дарслик. 2 кисм. Т., 1999 йил. 5. Фукаролик хукуки. Дарслик. Т., ТДЮИ. "Адолат", 1999 йил. 6. Эгамбердиев Э. Фукаролик процессуал хукукий муносабатлар. Т., "Адолат" 2000 йил. 7. Рахмонкулов Р.Х. Хусусий мулк ва унинг дахлсизлиги. Т.,2000 йил.

O'xshashlar

Битимлар

Исломнинг одоб-ахлок талимоти

Исломнинг одоб-ахлок таълимоти

Фуқаролик ҳуқуқи субъектлари ва объектлари

Ахлокшуносликнинг асосий мезоний тушунчалари, ахлокий тамойиллар ва меъёрлар