Tuproqlarni muhofaza qilish va ulardan oqilona foydalanish

Yuklangan vaqt:

20.09.2019

Ko'chirishlar soni:

0

Hajmi:

64 KB

Ko'chirib olish

www.arxiv.uz Reja: 1. Tuproq havosi. 2. Tuproq eritmasi 3. Tuproqning mineral qismi. 4. Tuproqning organik qismi.

www.arxiv.uz Tuproqda o’zaro chambarchas bog’langan qattiq, suyuq va gazsimon fazalar farqlanadi. Tuproq havosi. Tuproq mikroorganizmlari tomonidan kislorodning o’zlashtirilishi, organik moddalarning parchalanishi va ildiz tizimining nafas olishi natijasida karbonat angidrid (CO 2 ) hosil bo’ladi. Shu sababdan atmosfera havosida karbonat angidrid miqdori 0,03% bo’lgani holda, tuproq havosida bir foiz atrofida, ba’zan 2-3% ga yetadi. Tuproqdagi karbonat angidrid miqdori atmosfera va tuproqdagi havo almashinuvi (aeratsiya) jadalligiga monand o’zgaradi. Hosil bo’ladigan karbonat angidridning bir qismi esa tuproqdagi namlik ta’sirida erib, karbonat kislotaga aylanadi. Atmosferaga uchib chiqadigan CO 2 o’simliklar tomonidan o’zlashtirilib, hosil miqdorini oshirishga xizmat qilsa, karbonat kislota tuproq eritmasining nordonligini oshiradi: CO 2 +H 2 O=H 2 CO 3 → H + + HCO 3 Tuproqda karbonat angidrid miqdorining ko’payishi ijobiy, ham salbiy oqibatlatga olib kelishi mumkin. Yaxshi tomoni shundaki, hosil bo;ladigan karnonat kislota tuproqdagi mineral birikmalar (fosfatlar, kalsiy karbonat va b.)ning eruvchanligini oshoradi va ularni o’simliklar oson o’zlashtiradigan shaklga o’tkazadi. Ikkinchi tomondan, tuproqda namlik ko’p, aeratsiya sust bo’lsa, karbonat angidrid miqdorining ortishi va kislorodning yetishmasligi oqibatida o’simlik va mikroorganizmlarning me’yorida rivojlanishi buziladi. Kislorod tanqisligida ildizning o’sishi va nafas olishi susayadi, o’simlik tomonidan oziq moddalarning o’zlashtirilishi sekinlashadi. Tuproqda anaerob-qaytarilish jarayoni kuchayadi. Tuproq eritmasi – tuproqning eng harakatchan va faol qismi bo’lib, unda o’simliklarning oziqlanishi uchun bevosita xizmat qiladigan turli-tuman jarayonlar sodir bo’ladi. Tuproq eritmasida HCO - , OH - , Cl - , NO - , H 2 Po - kabi anionlar, H + , Na + , K + , NH + 4 , Ca 2+ , Mg 2+ , Al 3+ , Fe 3+ kabi kationlar va suvda eruvchan organik moddalar mavjud.

www.arxiv.uz Unda kislorod karbonat angidrid, ammiak kabi gazlar ham erigan bo’ladi. Tuproq eritmasi konsentratsiyasining ortishi asosan minerallarning nurashi va parchalanishi, mikroorganizmlashishi, mahalliy va mineral o’g’itlarni qo’llash asosida sodir bo’ladi O’simliklarning oziqlanishi uchun tuproq eritmasida K + , Ca 2+ , NH + 4 , NO 2+ , SO 2+ 4 , H 2 PO - 4 kabi ionlarning bo’lishi va doimiy ravishda to’ldirib turilishi muhimdir. Tuproq eritmasidagi tuzlar miqdori % ning yuzdan bir ulushidan bir necha % gacha o’zgaradi. Odatda tuproq eritmasidagi tuzlar miqdori 0,05% atrofida bo’lib, konsentratsiyaning 2% dan oshib ketishi o’simliklarga salbiy ta’sir ko’rsatadi. Tuproq eritmasining konsentratsiyasi o’g’it qo’llash, tuproq manligining kamayishi, organik moddalarning minerallashishi natijasida oshadigan bo’lsa, o’simliklarning oziqlanishi, oson eriydigan moddalarning tuproqni quyi qatlamlariga yuvilishi yoki erimaydigan shaklga o’tirishi natijasida kamayadi. Tuproqning qattiq fazasi. Tuproqning qattiq fazasi o’simliklar uchun asosiy zahira moddalarni tutadi. Tuproq qattiq fazasining 90-99% ini mineral moddalar, faqat bir necha % ini organik moddalar tashkil qiladi. A.P. Vinogradov ma]lumotiga ko’ra tuproq qattiq fazasining deyarli yarmini kislorod, uchdan bir iqsmini kremniy, 10% dan ko’prog’ini alyuminiy va temir tashkil qiladi. Mazkur elementlar tuproqning mineral qismida, turli mineral birikmalar tarkibida uchraydi. Uglerod, vodorod, fosfor, oltingugurt tuproqning ham mineral va organik qismi tarkibida uchrasa, azot faqat organik moddalar tarkibiga kiradi. Tuproqning mineral qismi. Tuproqning mineral qismi turli minerallarning juda mayda zarrachalaridan iborat. Hosil bo’lishiga ko’ra birlamchi va ikkilamchi tuproq minerallarni farqlanadi. Birlamchi minerallarga kvars, dala shatlari, slyudalar, shox aldamasi va piroksinlar kiradi. Ular tog’ jinslarning yemirilishi va nurashi natijasida tuproq hosil qiluvchi ona jins tarkibiga o’tadi Bu minerallar tuproqlarda asosan qum (0,05-1,0 mm), chang (0,001-0,5mm), qisman il (0,001 mm) dan kichik va kolloid (0,25 mkm dan kichik) zarrachalar holida uchraydi. Kimyoviy jarayonlar (gidratlanish, gidroliz, oksidlanish) va turli tuman organizmlarning hayot faoliyati natijasida birlamchi minerallardan bir

www.arxiv.uz yarim oksidlar (R 2 O 3 ) va kremnezem gidratlar, turli tuzlar, kaolinit, montmorillionit, gidroslyuda kabi ikkilamchi minerallar hosil bo’ladi. Kimyoviy tarkibiga ko’ra bu minerallar kremniy kislorodli birikmalar (slikatlar)ga va alyuminiy-kremniy-kislorodli (alyuminiy silikatlar) ga bo’linadi tuproqlarda kvars (SiO 2 ) keng tarqalgan. Deyarli barcha tuproqlarga kvarsning miqdori 60% dan ko’proq, qumli tuproqlarda esa 90% gacha yetadi. U barqaror va mustahkam birikma bo’lib, inertligi sababli tuproqdagi kimyoviy jarayonlarda ishtirok etmaydi. Alyuminiy –kremniy-kislorodli birikmalar birlamchi va ikkilamchi minerallar shaklida uchrashi mumkin. Birlamchi alyuminiy slikatlardan dala shpatlari, ortoklaz, anortit, al’bit keng tarqalgan. Slyudalar biotit va flagopit ko’proq uchraydi. Shox aldamlari va piroksinlar uncha keng tarqalmagan. Dala shpatalat va slyudalarning asta-sekin parchalanishidan o’simliklar uchun zarur bo’lgan K, Ca, Mg, Fe va boshqa oziq elementlar yuzaga keladi. Ikkilamchi minerallar o’zaro o’xshash xuxusiyatlariga ko’ra montmorillonit, kaolinit vagidroslyudasimon guruhlarga bo’linadi. Montmorillonit guruhlarga montmorillonit, beydellit va boshqa minerallar kirib, yuqori darajada dispersligi, bo’kishi, qovushqoqligi va ishlamasligi bilan ajralib turadi. Kaolinit guruhi minerallariga kaolinit va galluzitlar kiradi. Bu guruh minerallariga disperslanish, bo’kish va ilashimlilikning kamligi kabi xususiyatlar xosdir. Gidroslyudalar dala shpatlari va slyudalarda hosil bo’lib, deyarli barcha tuproq tiplarida uchraydi va ulardan gidromuskovit va gidrobiotitlar keng tarqalgan. Ikkilamchi alyuminiy-slikatli minerallar kristall panjarasining tuzilishi, disperslik darajasi va shu kabi boshqa belgilar bilan o’zaro farqlansada, ayrim umumiy belgilarga ham egadir. Tuproqlarda ular kattaligi bir necha mikrometrdan mikrometrning yuzdan bir ulushicha bo’lgan zarrachalar holida uchraydi. Dispersligi yuqori bo’lgan bu minerallar katta yuza va kuchli singdirish qobiliyatiga ega.

$www.arxiv.uz Tuproqlarda Ca, Mg, K hamda Na larning karbonat, sul’fat, nitrat, xlorid va fosfatlari ham uchraydi. Bu tuzlarning aksariyati (ayniqsa K va Na tuzlari) suvda oson eriydi, shu bois ularning tuproqdagi miqdori juda kam. Qiyin eriydigan tuzlar (Ca va Mg karbonatlari hamda kalsiy sulfat)ning miqdori tuproq qattiq fazasining asosiy qismini tashkil qiladi. Tuproq mineral qismining turli mexanikaviy fraksiyalari nafaqat zarrachalarning katta-kichikligi, balki mineralogik va kimyoviy tarkibi bilan ham farqlanadi. Ma’lumki, gumus va uning tarkibidagi azotning asosiy qismi tuproqning yuqori disperslikka ega bo’lgan yuza qatlamlarida to’planadi. Shu bois tuproqning ilsimon va kolloid fraksiyalari o’simliklar oziqlanishida muhim ahamiyat kasb etadi. Bundan tashqari ayni fraksiyalar ancha faol bo’lib, tuproqdagi adsorbsiya jarayonlarini va shunga bog’liq ravishda singdirish qobiliyatini ham belgilaydi. Tuproqning mexanikaviy tarkibi va xossalari o’rtasida uzviy mubosabat mavjud. Temir, kalsiy, magniy, kaliy kabi elementlarning miqdori tuproqning mexanikaviy tarkibi bilan bog’liq. Og’ir mexanikaviy tarkibli tuproqlar qumli va qumli tuproqlarga nisbatan oziq moddalarga ancha boydir. Tuproqning organik qismi. Organik moddalar tupqorning muhim tarkibiy qismi hisoblanadi. Organik moddalar, shu jumladan gumus miqdori har xil tuproq tiplarining haydalma qatlamida turlichadir. Jadvaldan tuproqlar tarkibidagi gumus miqdori ayrim tuproq tiplarida 10% va undan ham ko’proqni tashkil etgani holda ayrim tuproqlardagi 1-2% atrofida bo’lishi ko’rininb turibdi. Turli tuproq tiplari tarkibidagi gumus miqdori Tuproq tipi Haydalma qatlamdagi gumus miqdori, % 0-20 sm 0-100 sm Qatlamdagi gumus zahirasi, t\ga Chimli podzol 2-4 53 80-120 Sur tusli podzollashgan 4-6 109 150-300$ $www.arxiv.uz o’rmon tuproqlari Qora tuproqlar 4-12 137-192 300-800 Kashtan tuproqlar 3-4 99 200-250 Bo’z tuproqlar 1-2 37 50 Qizil tuproqlar 5-7 153 150-300 Tuproqning organik qismi turli-tuman organik moddalar majmuidan ibirat. Ular ikkita guruhga ajratiladi: - o’simlik va hayvon qoldiqlaridan hosil bo’lgan, lekin gumusga aylanmagan organik moddalar; - gumus. Gumusga aylanmagan organik moddalar deganda, tuproqda chirib ulgurmagan yoki chala chirigan o’simlik qoldiqlari hamda unda hayot kechiradigan hayvon va mikroorganizmlarning qoldiqlari tushuniladi. I.B. Tyurinning aniqlashicha, bir ga maydondagi tuproqqa yil davomida 5-8 m o’simlik qoldiqlari tushib, shundan 1-10% I tuproq haydalma qatlamining organik moddasiga aylanadi. Tuproqning 0-20 sm li qatlamda mavjud bo’lgan 0,7-2,7 m\ ga ma’lumotlarga ko’ra 5-8 m\ga bakteriyalarning atigi 1-2% I organik moddaga aylanadi. Organik moddalar o’simliklar oziqlanishida asosiy manba hisoblanadi. Tuproqdagi azot zahirasi to’laligicha, fosfor va oltingugurt qisman, kaliy, kalsiy, magniy va boshqa elementlar kamroq miqdorda organik moddalarning tarkibida jamlangan bo’ladi. Organik moddalar adsorbsiya jarayonida faol ishtirok etadi, tuproqning nam sig’imi suv va havo o’tkazuvchanligi, isssiqlik rejimi va strukturasiga ijobiy ta’sir ko’rsatadi. Foydalanilgan adabiyotlar:$

www.arxiv.uz 1. I.A.Karimov. Tarixiy xotirasiz kelajak yo’q. T., “Sharq”, 1998. 2. I.A.Karimov. O’zbekiston buyuk kelajak sari. T., “O’zbekiston”, 1998. 3. I.A.Karimov. O’zbekiston XXI asrga intilmoqda. T., “O’zbekiston”, 1999. 4. Jabborov N. Kimyo va atrof muhit. T., “O’qituvchi”1992. 5. Barotov P. Tabiatni muhofaza qilish. T., “O’qituvchi”1991. 6. Shodimetov Yu. Ijtimoiy ekologiyaga kirish. I, II qism, T., “O’qituvchi”1994. 7. Otaboyev Sh. Nabiyev M. Inson va biosfera. T., “O’qituvchi”1995. 8. Tursunov X.T. Ekologiya asoslari va tabiatni muhofaza qilish. “Saodat RIA”, 9. To’xtayev A.S. Ekologiya. T., “O’qituvchi”1998. 10. Qodirov E.B. va boshqalar. Tabiiy muhitni muhofazalashning ekologik asoslari. T., “O’zbekiston”, 1999. 11. Ergashev A., Ergashev T. Ekologiya, biosfera va tabiatni muhofaza qilish. T., “Yangi asr avlodi”, 2005. 12. Xolmurodov J. Ekologiya va qonun. T., “Adolat”. 2000. 13. www.ziyonet.uz

O'xshashlar

Suv resurslarini muhofaza qilish va oqilona foydalanish.

Tuproq resurslarini muhofaza qilish va undan oqilona foydalanish

Tuproq resurslarini muhofaza qilish va undan oqilona foydalanish.

Suv resurslarini muhofaza qilish va ulardan samarali foydalanish

Mineral va energetik resurslar va ulardan oqilona foydalanish