Aтrof-muhitni xalqaro-huquqiy muhofaza qilish - Ekologiya - Referatlar

Aтrof-muhitni xalqaro-huquqiy muhofaza qilish

Yuklangan vaqt:

20.09.2019

Ko'chirishlar soni:

0

Hajmi:

126 KB

Ko'chirib olish

www.arxiv.uz Reja: 1. Atrof-muhitni xalqaro-huquqiy muhofaza qilish tushunchasi. 2. Atrof-muhitni xalqaro-huquqiy muhofaza qilish prinsiplari va manbalari 3. Atrof-muhitni muhofaza qilishning xalqaro-huquqiy ob’yektlari. 4. Xalqaro ekologik tashkilotlar. 5. Xalqaro ekologik javobgarlik. 3

www.arxiv.uz Т abiatni muhofaza qilish to‘g‘risidagi qonunning 4-moddasidagi ekologik prinsiplardan biri « Т abiatni muhofaza qilish sohasida milliy, mintaqalararo va xalqaro manfaatlarni uyg‘unlashtirish»dir. Chunki tabiatda sodir bo‘layotgan jarayonlar va hodisalar, jamiyatdagidan farqli, na ma’muriy va na tabiiy chegarani biladi. Qirg‘izistonda Sirdaryo irmoqlarining radioaktiv moddalar bilan ifloslanishi, so‘zsiz, O‘zbekiston va Qozo g‘iston respublikalarida atrof-muhitga o‘zining salbiy ta’sirini o‘tkazmay qolmaydi. Chernobil yoki Orol dengizi ekologik fojialari nafaqat Sharqiy Yevropa yoki Markaziy Osiyo, balki butun Yer kurrasidagi insonlarning «yashash huquqi»ning zaruriy elementlaridan biri bo‘lgan ekologik xavfsiz muhit holatiga salbiy ta’sir etmoqda. Shuning uchun ham Prezident I. A. Karimov BM Т ning 48, 50, 55-sessiyalarida so‘zlagan ma’ruzalarida Orol muammosini xalqaro miqyosda hal qilishni taklif etdi va uning salbiy oqibatlarini nafaqat O‘zbekiston, balki butun dunyo hamjamiyati uchun tahdid solayotgan dolzarb global masala qilib ko‘rsatdi. Atrof-muhitni xalqaro muhofaza qilish deb insonlarning ekologik xavfsiz muhiti va davlatlarning barqaror me’yorda rivojlanishini ta’min lovchi xalqaro huquq prinsiplari, normalari va munosabatlari yig‘indisiga aytiladi. Atrof-muhitni xalqaro miqyosda muhofaza qilish XIX asrning boshla rida yuzaga keldi. Avvaliga bu masala ikki davlat o‘rtasidagi tabiiy ob’yekt lardan teng huquqli foydalanish ko‘rinishida namoyon bo‘lgan. Bunday ekologik munosabatlar ikki davlat o‘rtasida tuzilgan umumiy shartnomalar tarkibidan joy olgan. 1913-yil 17—19-noyabrda Shveytsariyaning Bern shahrida bo‘lib o‘tgan xalqaro konferensiya ekologik muammolarni xalqaro huquqning maxsus masalalari toifasi darajasiga ko‘tardi. Insoniyat tarixida ekologik muammolar XX asr ning o‘rtalarigacha faqatgina mahalliy yoki milliy masalalar doirasidan o‘rin olgan edi. 1970-yillargacha davlat va jamiyat xavfsizligiga yoki ularning barqaror rivojlanishi va inson huquqlariga global ta’sir qiluvchi muam molar turkumiga faqatgina harbiy va siyosiy masalalar kiritilgan, xolos. XX asrning uchinchi choragida, ya’ni Ikkinchi jahon urushi yakunlanishi va BM Т ning tuzilishi xalqaro xavfsizlikka tahdid solayotgan 4

www.arxiv.uz masalalar jumlasiga ekologik muammolarni ham kiritdi. Shu asrning 50—60- yillarida «sovuq urush» oqibatida Yer kurrasidagi insonlar hayotiga tajovuz solayotgan uch muammo — yadro to‘qnashuvi, yoppasiga tarqaluvchi kasalliklar va uchinchi o‘rinda ekologik muammolar qo‘yilgan bo‘lsa, 70-yillarga kelib ekologik muammo va ularni hal qilish masalasi yetakchi o‘rinni egallab oldi. Xalqaro miqyosda ekologik xavfsizlikni ta’minlash — atrof-muhit sifatini tirik organizmlar uchun yetarli darajada ushlab turadigan, qayta tiklaydigan va oshirib boradigan xalqaro munosabatlarni shakllantirishni taqozo qiladi. Ekologik xavfsizlikni ta’minlash uchun esa, albatta, butun dunyo mamlakatlari va xalqlarining bir me’yorda rivojlanishi, ekologik siyosat tizimida davlatlarning integratsiyalanishini talab qiladi. Bu borada BM Т , davlatlararo va nodavlat tashkilotlarining egallagan o‘rni va ularning ekologik masalalarining yechimini topishdagi ahamiyati kundan-kunga ortib bormoqda. Hozirgi zamon xalqaro ekologik hamkorlik uch yo‘nalishda amalga oshirilmoqda: 1) atrof-muhitni muhofaza qilishning davlatlararo va millatlararo hamkorligi hamda ulardagi ijobiy tajribalarni keng tar g‘ib qilish; 2) mintaqada (regionda) yoki cheklangan zonalarda tabiatni muhofaza qilishning ilmiy asoslangan chora-tadbirlarini ishlab chiqish va ularni amaliy tatbiq qilish; 3) global ekologik muammolarning yechimini topishda xalqaro hamjamiyatning universal yo‘llarini ishlatish. 2. Atrof-muhitni xalqaro-huquqiy muhofaza qilish prinsiplari va manbalari. Biz yuqorida ta’kidlaganimizdek, har bir huquq sohasi jamiyatdagi muayyan munosabatlarni tartibga solishda aniq qoida-prinsiplarga yondashadi. Milliy qonunchilikni ishlab chiqish va shakllantirishda bu prinsiplar har bir millat yoki davlatning ijtimoiy, iqtisodiy, siyosiy, ma’rifiy-madaniy, milliy holati va 5

www.arxiv.uz an’analariga asoslangan tarzda belgilansa, xalqaro huquqda esa ikki va undan oshiq millat, xalq yoki davlatlarning umumiy manfaatlariga, inson huquqlariga yondashadi. Xalqaro prinsiplar — xalqaro hamjamiyat tomonidan e’tirof etilgan xalqaro huquq sub’yektlarining boshqaruv qoidalari. Xalqaro ekologik prinsiplar — xalqaro hamkorlik ishtirokchilarining, ya’ni sub’yektlarining, atrof tabiiy muhitni muhofaza qilish va xalqaro Ekologiya huquqi ob’yektlaridan foydalanish borasidagi munosabat qoidalari . Bu qoidalar xalqaro huquq normalari zaminida yotishi va o‘zaro munosabatlarni huquqiy me’yorlash va huquqiy mexanizmni ishlab chiqishda yo‘nalish beruvchi ko‘rsatma tarzida xizmat qilishi kerak. BM Т Nizomining 2-moddasida ko‘rsatib o‘tilgan va uning hamma a’zolari uchun majburiy hisoblangan xalqaro munosabat prinsiplari xalqaro ekologik prinsiplarning asosi hisoblanadi. Xalqaro ekologik prin siplar Stokgolm, Rio-de- Janeyro, Yoxannesburg konferensiyalarining deklaratsiyalarida, Yevropada xavfsizlikni ta’minlashning yakuniy Xelsinki hujjatida va Umumjahon tabiat Xartiyasida va shu kabi xalqaro huquq manbalarida o‘z aksini topgan. Xalqaro ekologik-huquqiy prinsiplarning asosiylari quyidagilardan iborat: 1. Tabiiy resurslarga davlat suverenitetligi . Bu prinsip BMT Bosh Assambleyasining 1962-yil 14-dekabr «Tabiiy resurslarga nisbatan ajralmas suverenitet», so‘ngra, Stokgolm (1972) konferensiyasining deklaratsiya larida o‘z ifodasinu topgan. Mazkur prinsipga binoan har bir xalqaro huquq sub’yekti xalqaro munosabatlarda o‘z tabiiy boyliklaridan foydalanish va ularni muhofaza qilishni milliy qonunchilik asosida olib borish huquqiga ega, ya’ni har bir mustaqil davlat uchun o‘z tabiiy boyliklarini nafaqat egallash, foydalanish, balki tasarruf qilish huquqidan to‘la foydalanish imkoniyati ochib berildi. 2. Davlatlar o ‘ z yuridiksiyasidan tashqaridagi atrof-muhitga zarar yetkazmaslik . Bu prinsip XX asrning 60-yillarida oddiy bir xalqaro huquq me’yori sifatida ishlatilgan bo‘lsa, 1972-yil Stokgolm konferensiyasida xalqaro ekologik 6

www.arxiv.uz hamkorlikning asosiy qoidalari toifasiga kirgazildi. BM Т ning Nizomiga binoan har bir davlat yoki xalqaro huquq sub’yekti o‘z hududi yoki nazorat doirasidagi harakatlari o‘zga hudud yoki davlat nazorat doirasida turgan hududlarga zarar yetkazmasligi kerak va bu uchun ular javobgardirlar. Bunga misol qilib Т ojikistondagi alyumin zavodining shimoliy Surxondaryoga keltirayotgan zararini olsak bo‘ladi. Ifloslanish normasi ruxsat etiladigan me’yordan 7,2 barobar ko‘pdir. 3. Insonlarning ekologik huquqining afzalligi. Bu prinsip bevosita inson huquqlaridan biridir. Chunki Yer yuzidagi barcha insonlar, ularning irqiy, milliy, diniy, ijtimoiy kelib chiqishidan qat’i nazar yashash huquqiga egadirlar. Yashash huquqi esa inson huquqlarining birlamchi omilidir. BM Т Nizomining uchinchi xat boshi 1-moddasiga binoan xalq aro hamkorlikni davlatlar «inson huquqlari va erkinliklarini hurmat qilishlari va ularni rag‘batlantirishni rivojlantirishlari» asosida olib borishlari kerak 1 . 4. Hamma bosqichda ekologik nazoratlash prinsipi yuqorida sanab o‘tilgan xalqaro-huquqiy qoidalarni amaliy tatbig‘ini kuzatib borish va kafolatlovchi institutlar tizimini yaratishni talab qiladi. Agarda xalqaro ekologik hamkorlik me’yorlarining amaliy tatbig‘i uning qatnashchilari yoki uchinchi bir vakolatli idoralar tomonidan nazorat qilinmasa, har qanday xalqaro hujjat deklarativ ko‘rinishda namoyon bo‘ladi va ular qog‘ozda qolib ketadi. Bunday xalqaro nazorat institutini universal tarzda BM Т ning EKOSOS, YUNEP, YUNESKO, Т MXI, JSS Т , XDK, MAGA Т E kabi umumiy yoki maxsus masalalar bo‘yicha tuzilgan tashkilotlar yoki regional tarzdagi — OBSE, ADA, AB Т , AD Т , ASEAN kabi tashkilotlar tomonidan olib borilishi maqsadga muvofiq bo‘ladi. Bizning fikrimizcha, Markaziy Osiyo mintaqasida maxsus vakolatli davlatlararo ekologik tashkilotni tuzish (masalan, « Т urkiston — bizning uyimiz», « Т urk ekonazorat», « Т urkistonda ekologik xavfsizlik») va uning qoshida ishtirokchi davlatlardan nazorat, tergov va sud organlarini barpo etish zamon talabidir. 5. Ekologik axborot almashuvi erkinligi prinsipi xalqaro hamkorlik qatnashchilaridan o‘z milliy chegaralarida yuz berayotgan atrof tabiiy muhitning 7

www.arxiv.uz salbiy o‘zgarishlari haqida vaqtida axborot berib borishni nazarda tutadi. Chunki ekologik jarayonlar ma’muriy chegarani «tan olmaydi» va ular qo‘shni mamlakatning ekologik xavfsizlik darajasiga salbiy ta’sir etishi mumkinligini e’tirof etadi. O‘z paytida va tezkor olingan axborot ekologik xavfning oldini olishi va uni birgalikda yoki xalqaro hamjamiyat yordamida bartaraf qilish imkonini beradi. 6. O ‘ zaro ekologik konsultatsiyalash prinsipi bundan oldingi axborotlash prinsipining davomi. Konsultatsiyalash yoki maslahatlashish prin sipi yuzaga kelgan ekologik inqiroz holatining keng yoyi lishining oldini olish va uni bartaraf qilishning xalqaro strategik maqsad va taktik vazifalarini aniqlab olish, unga qarshi kurashishning chora-tadbirlar ko‘lami va yo‘llarini aniqlashtirishga imkon beradi. 7. Ekologik inqirozli holatda davlatlarning o ‘ zaro yordam ko ‘ rsatish prinsipi davlatlarning o‘zaro gumanitar yordam ko‘rsatish va oqibatda o‘z milliy xavfsizligini ta’minlashga qaratilgan harakatlar toifasiga kiradi. Markaziy Osiyoda vujudga kelgan «Orol muammosi»ni hal qilishda 100 dan ziyod davlat yoki nodavlat tashkilotlarning ishtirok etishi va keyingi 10 yil mobaynida ularning yuz millionlab AQSH dollari miqdorida bizlarga moddiy yordam ko‘rsatishlari bunday olijanob prinsipni amalda qo‘l lanilayotganiga dalil bo‘la oladi. 8. Huquqiy-ekologik nizolarni tinchlik bilan hal qilish prinsipi xalqaro huquq sub’yektlari orasida ushbu nizolar orqali atrof tabiiy muhitga yanada ko‘proq zarar yetkazuvchi «sovuq urush»larning yoki harbiy to‘qnashuvlarning oldini olishga qaratilgandir. Zamon talabi — har qanday salbiy jarayonlarni diplomatik vositalar orqa li hal qilish va davlatlarning butun kuchini har qanday urushlarga emas, balki insonlarga xavf solayotgan ekologik inqirozlarga sarf qilishlarini da’vat qilishidir. 9. Ekologik muammolarni barqaror rivojlanish orqali hal qilish. Bu prinsip Rio—92 Konferensiyasining deklaratsiyasida o‘z aksini topgan bo‘lib, u davlatlar va regionlar miqyosida ijtimoiy-iqtisodiy, huquqiy muammolarni ekologik muammolar bilan bir paytning o‘zida kompleks yechishni talab etadi. 8

www.arxiv.uz Atrof-muhitni xalqaro-huquqiy muhofaza qilish manbalari — moddiy nuqtai nazardan butun dunyo hamjamiyati a’zolarining atrof-muhitni muhofaza qilish va tabiiy resurslardan samarali foydalanishdagi xohish va irodalari aks etgan xalqaro huquqiy hujjatlar. Rasman esa atrof tabiiy muhitni xalqaro-huquqiy muhofaza qilish manbai deb xalqaro ekologik munosabatlarni tartibga solishga qaratilgan huquqiy- me’yoriy hujjatlar yig‘indisiga aytiladi. Xalqaro huquqiy hujjatlarga shartnoma, kelishuv, konvensiya, re zolyutsiya, xartiya, deklaratsiya, qaror (protokol)lar kiradi. Ayrim hollarda xalqaro-huquqiy hujjatlarga davlatlarning ichki qonunlarini ham kiritadilar, qachonki milliy qonunlar xalqaro huquq me’yorlariga nisbatan atrof-muhit muhofazasini ko‘proq ta’minlab bera oladigan bo‘lsa. Nima bo‘lganda ham milliy qonunchilik, bizning fikrimizcha, to‘lig‘icha xalqaro-huquqiy manba bo‘la olmaydi. Faqatgina ma’lum bir xalqaro huquq sub’yekti bo‘lmish davlatlar hududida ekologik talablarga ko‘proq javob beradigan normalar qo‘llanishi mantiqan to‘g‘ri deb topilgandir. Atrof tabiiy muhitni xalqaro-huquqiy muhofaza qilishda markaziy o‘rinni rezolyutsiyalar egallaydi. Chunki BM Т Bosh Assambleyasi rezolyutsiyalarida davlatlarning xalqaro hamkorlikdagi ekologiyaga oid asosiy normalari va harakat qoidalari aks etgan. «Rezolyutsiya» lotin tilida «hal qilish», ya’ni ma’lum bir yig‘in (s’yezd, komitet, konferensiya, simpozium...)larning xulosalovchi yoki hal qiluvchi qarorlari. Xalqaro-ekologik munosabatlarda ko‘pincha «xartiya» so‘zi ishlatiladi. Xartiya grekchada «qog‘oz», ya’ni qog‘ozga bitilgan ommaviy va siyosiy hujjat ma’nosida ishlatiladi. 1982-yil 28-oktabrda BM Т Bosh As sambleyasi 37- sessiyasida qabul qilingan «Umumjahon tabiatni muhofaza qilish xartiyasi»da xalqaro ekologik huquqning 24 prinsipi qabul qilingan va unga binoan BM Т ga a’zo mamlakatlar o‘zining milliy ekologik qonunlarini ularga moslashtirishlari talab etiladi. Xalqaro huquqda amaldagi milliy qonunchilikni xalqaro huquq talablariga moslashtirish «implementatsiya» deyiladi. BM Т ning mustaqil sub’yekti bo‘lmish 9

www.arxiv.uz O‘zbekiston Respublikasi xalqaro hamjamiyatga dadil qadamlar bilan kirib borar ekan, huquq sohasida uning oldida 3 katta vazifa turadi: 1) mamlakatda demokratik boshqaruvni barpo etish va barqaror rivojlanishni ta’minlab beruvchi huquqiy-me’yoriy hujjatlar qabul qilish; 2) milliy qonunchilikni xalqaro prinsiplarga moslashtirish; 3) qonun me’yorlarini hayotga tatbiq qilish mexanizmini yaratish. 1990-yil 21-noyabr «Yangi Yevropa uchun Parij xartiyasi»da (1993-yil 27- noyabrdan O‘zbekiston ham qo‘shilgan) va 2000-yil Yer xartiya sida ekologik xavfsiz muhitni ta’minlash har bir ishtirokchi mamlakatning burchi ekanligi alohida ta’kidlangan. Shartnoma — siyosiy ahamiyat kasb etuvchi va boshqa siyosiy, iqtisodiy, ma’rifiy-madaniy masalalar qatori atrof-muhit muhofazasiga oid xalqaro me’yorlarni o‘zida aks ettiruvchi hujjat. Shartnomalar XX asrning ikkinchi yarmida keng tarqalgan xalqaro huquq manbai bo‘lib, ular umumiy, regional va ikki tomonlama tuzilishi mumkin. Dunyoda 300 dan ziyod ekologik munosabatlarni o‘zida qamrab olgan xalqaro shartnomalar mavjud. Ularning ichida eng salohiyatlilari umumiy turdagi «Yevropa xavfsizligini ta’minlashning yakuniy shartnomasi» (1975-yil), «Atmosfera, kosmik fazo va suvda yadro qurollarini sinashni to‘xtatish to‘g‘risida» (1963-yil), «Yadro qurolini tarqatmaslik to‘g‘risida» (1968-yil) kabi xalqaro shartnomalardir. Ikki tomonlama O‘zbekiston—Qozog‘iston, O‘zbekiston— Т ojikiston, O‘zbekiston—Qirg‘iziston, O‘zbekiston — Т urkmaniston respublikalari o‘rtasida tuzilgan shartnomalarda atrof-muhitni birgalikda muhofaza qilish (jumladan, suv resurslaridan oqilona foydalanish)ga qaratilgan chora-tadbirlarni ishlab chiqish va amalga oshirish kabi xalqaro huquqiy me’yorlar belgilanib olingan. Shartnoma muayyan yo‘nalishdagi xalqaro munosabatlarni tartibga solishga qaratilgan bo‘lsa, u «konvensiya» deb ataladi. Konvensiya — lotin tilida «shartnoma», «shart», «kelishuv» degan ma’noni anglatadi. Konvensiya ikki va undan ortiq xalqaro tabiiy ob’yektlarni muhofazalash yoki ulardan birgalikda 10

www.arxiv.uz foydalanishni nazarda tutsa kompleks-ekologik, ma’lum bir turdagi xalqaro tabiiy ob’yektdan foydalanishni nazarda tutsa resurs-ekologik konvensiya deb ataladi. Kompleks-ekologik konvensiyalarga BM Т ning YUNESKO xalqaro tashkiloti tomonidan 1972 va 1973-yillarda qabul qilingan «Butunjahon madaniy va tabiiy merosni muhofaza qilish» va «Yo‘qolish xavfida turgan yovvoyi turdagi fauna va flora turlarini savdo qilish» konvensiyalari kiradi. Resurs-ekologik konvensiyalarga 1979-yili Bonnda qabul qilingan «Ko‘chib yuruvchi yovvoyi hayvonlarni muhofaza qilish», 1985-yili Venada qabul qilingan «Ozon qatlamini himoya qilish» kabi ekologik shartnomalar kiradi. O‘zbekiston Respublikasi xalqaro hamjamiyatning mustaqil sub’yekti sifatida 10 dan ziyod ekologik konvensiyalarga qo‘shilgan, jumladan: 1993-yil 14-mayda «Iqlimga ta’sir etishni chegaralash»; 1995-yil 13-oktabrda «Sahrolanishga qarshi kurash»; 1995-yil 15-iyunda «Afrika — Osiyo qit’alarida ko‘chib yuruvchi qushlarni muhofaza qilish»; 1996-yil 7-mayda «Biologik xilma-xillik»; 1996-yil 7-mayda «Xavfli chiqitlarni tashish va ularni yo‘qotish». Qabul qilingan konvensiyalarni amaliy tatbiq qilish uchun bir qator qonunlar, davlat dasturlari, loyihalar ishlab chiqilgan va ularning huqu qiy mexanizmi yaratilmoqda. Atrof-muhitni muhofaza qilish masalasida mustaqil Respublikamiz diplomatik munosabatlarda ko‘proq ikki va ko‘p tomonlama keli - shuvlarni qo‘llamoqda. 1996-yil 8-mayda O‘zbekiston Respublikasi bilan Т urkiya Respublikasi va 1997-yil 11-dekabrda Xitoy Xalq Respublikasi o‘rtasida tabiatni muhofaza qilishga doir kelishuvlarga imzo chekilgan. Xalqaro ekologik-huquqiy munosabatlarni tartibga solishda deklara t siya (lotin tilida — e’lon qilish, tushuntirish), ya’ni ma’lum bir tashkilot, davlat yoki partiyalarning asosiy prinsip va me’yorlarini tantanali ravishda e’lon qilish ham o‘ziga xos ahamiyat kasb etadi. Ularga misol qilib, 1986-yil 4-oktabrda BM Т ning «Rivojlanish huquqi to‘g‘risida», 1969-yil 11-dekabr — «Ijtimoiy rivojlanish va 11

www.arxiv.uz taraqqiyot», 1975-yil 10-noyabr — «Ilmiy-texnik rivojlanishdan tinchlik va inson farovonligi yo‘lida foydalanish», «Stokgolm — 72», «Rio — 92», «Yoxannesburg — 02» kabi deklaratsiyalarni keltirish mumkin. Atrof-muhitni muhofaza qilishga doir xalqaro munosabatlarni tartibga solishda memorandium (lotin tilida — nimani tushuntirmoq kerak) — diplomatik mulohazalar predmeti bo‘lgan masalalarni aks ettiruvchi hujjat, qaydnoma — asosiy shartnomaga qo‘shimcha qilinadigan hujjatlarning ham juda katta ekologik ahamiyati bor. 3. Atrof-muhitni muhofaza qilishning xalqaro-huquqiy ob’yektlari. Atrof-muhitni muhofaza qilishning xalqaro-huquqiy ob’yekti — xalqaro huquq sub’yektlarining ekologik munosabatlar predmeti bo‘lgan tabiiy ob’yektlar, ya’ni o‘zining xususiyati, joylanishi va ahamiyati nuqtai nazaridan biron-bir davlat yuridiksiyasiga kirmaydigan yoxud nazoratida bo‘lmaydigan va shuning uchun ham ikki va undan ortiq mamlakatlar yoki xalqaro huquq sub’yektlari mulki bo‘lgan tabiiy unsurlar. Misol tariqasida Amudaryo va Sirdaryolarni ko‘rsatish mumkin. Ular o‘z tabiiy xususiyatlariga va ahamiyatiga ko‘ra Ekologiya huquqining ob’yektidir. Lekin ikki azim daryolardan foydalanish va ularni muhofaza qilish faqatgina O‘zbekiston Respublikasi tomonidan amalga oshirilmaydi. Chunki bu daryolar Qirg‘iziston, Т ojikiston, Afg‘oniston respublikalaridan boshlanadi va qo‘shni Qozog‘iston, Т urkmanis ton respublikalaridan oqib o‘tadi. Mazkur daryolarning yuqori qismidagi suvlarni ifloslantirish yoki suv rejimini o‘zgartirish, albatta, ular oqib o‘tadigan pastdagi davlatlarga salbiy ta’sir ko‘rsatadi. Shuning uchun ham bunday ob’yektlardan foydalanish va ularni muhofaza qilish xalqaro huquq manbalari orqali amalga oshiriladi. Xalqaro ekologik-huquqiy ob’yektlarning ikki turi: xalqaro-huquqiy muhofazalash va xalqaro-huquqiy tabiiy resurslar mavjud. 12

www.arxiv.uz Xalqaro-huquqiy muhofaza qilish ob’yektiga havo basseyni, fazo, dunyo okeani, Antarktika, ko‘chib yuruvchi hayvonlar va qushlar kiradi. Xalqaro- huquqiy tabiiy resurslarga implementatsiya qilingan milliy qonunlar asosida muhofaza qilinadigan va ulardan foydalanadigan tabiiy ob’yektlar kiradi. Ularga ikki va undan ortiq mamlakatlar hududlarida joylashgan daryolar, ko‘llar, dengizlar hamda Xal qaro Qizil kitobga kiritilgan noyob va yo‘q bo‘lib ketayotgan o‘simlik va hayvonot dunyosi turlarini misol qilib keltirish mumkin. Havo basseyniga Yerning atmosfera qatlami kiradi. Garchand uning muhofazasi milliy qonunlar bilan ham tartibga solinsa-da, lekin atmosfera qatlamidagi iqlim resurslari doimo sirkulyatsiya (aylanma harakat)da bo‘l gani uchun ham bu qatlamdagi barcha jarayonlar hech qanday ma’muriy chegaraga bo‘ysunmaydi va xalqaro huquq asosida tartibga solinadi. Havo basseynining xalqaro muhofazasi asosan to‘rt yo‘nalishda amalga oshiriladi: 1) iqlim va ob-havoga salbiy ta’sirning oldini olish; 2) atmosfera havosini ifloslantirishni davlatlararo tarqalishining oldini olish va bartaraf qilish; 3) ozon qatlamini yemirilishdan muhofazalash; 4) atmosfera havosini nazoratlash va tozalash borasidagi xal qaro hamkorlikni rivojlantirish. Fazo — havo basseynidan farqli, biron-bir davlat yuridiksiyasiga kirmaydigan xalqaro huquq ob’yekti hisoblanadi. Bu o‘rinda 1963-yil BM Т Bosh Assambleyasining «Kosmik kenglikdan foydalanishda davlatlar faoliyatining huquqiy prinsiplari Deklaratsiyasi» va 1967-yildagi «Fazo kengligi, Oy va boshqa osmon jinslaridan foydalanish va ularni tadqiq qilishda davlatlar faoliyatining prinsiplari to‘g‘risida»gi kelishuvlarni misol qilib olsak bo‘ladi. Bu xalqaro me’yoriy hujjatlarga muvofiq fazo umuminsoniyat boyligi hisoblanadi, undan foydalanish faqatgina tinchlik yo‘lida amalga oshiriladi hamda fazoni ifloslantirish va unga salbiy ta’sir ko‘rsatishga yo‘l qo‘yilmaydi. Ammo hozirgi kunda fazoni «zabt etgan» mamlakatlar undan militaristik yo‘lda foydalanishni 13

www.arxiv.uz to‘xtatayotganlari yo‘q. Fazoda minglab harbiy-shpion fazo kemalari uchib yuribdi. Kosmosda 3,5 mln dan oshiq turli ko‘rinishdagi fazoviy chiqitlar mavjud va ular erkin harakatdadir. Dunyo okeanlari Yer sharining 2/3 qismini band etgan holda, butun suvlarning 97%ini o‘zida mujassamlashtirgan. Ular nafaqat arzon va qulay transport yo‘li, balki oziq-ovqat maskani va Yerdagi hayotni ushlab turuvchi yetakchi omil hamdir. Chunki atmosfera havosidagi 70—80% kislorod okeanlardagi fitoplanktonlarning fotosintez jarayonlarida qatnashuvi orqali yuzaga keladi. Dunyo okeani suvning ekologik tizimdagi katta aylanishi jarayonida faol qatnashadi va u «tozalovchi filtr» bo‘lib xizmat qiladi. Dunyo okeanlaridan foydalanish muayyan davlatning yuridik siyasiga kirmaydi va shuning uchun ham uning muhofazasi xalqaro-huquqiy me’yorlarning amaliy samaradorligiga to‘g‘ridan-to‘g‘ri bog‘liq bo‘ladi. Dunyo okeanlarini huquqiy muhofazalash shu kunda quyidagi to‘rt yo‘nalishda olib borilmoqda: 1) kimyoviy va radioaktiv moddalardan, neft va neft mahsulotlaridan okeanlar ifloslanishining oldini olish; 2) harbiy maqsadlarda okeanlardan foydalanishni to‘xtatish; 3) okean faunasi va florasini saqlab qolish, qayta tiklash va takroriy ishlab chiqarish; 4) okean resurslaridan o‘ta samaradorlik bilan foydalanish. 1963-yilda qabul qilingan «Atom qurolini sinovdan o‘tkazishni uch sferada taqiqlash to‘g‘risida»gi shartnomaga binoan hech bir davlat okeanda o‘z qurollarini sinashi mumkin emas. 1954, 1962, 1969, 1971, 1972-yillarda qabul qilingan dunyo okeanini muhofaza qilishga qaratilgan bir qator konvensiya va qaydnomalarga binoan kemalardan inson va umuman jonli mavjudotga ta’sir qiluvchi neft va boshqa mahsulotlarni oqizish va tashlash qat’iyan man qilinadi, ularga yetkazilgan moddiy va ma’naviy zarar uchun esa javobgarlik belgilangan. Keltirilgan zararni iqtisodiy qoplash maqsadida xalqaro normalarga muvofiq har bir kema va kompaniyalar sug‘urtalanishi va moliyaviy hujjatga ega bo‘lishlari kerak. 14

www.arxiv.uz 1990-yildan boshlab AQSH dengiz portlariga faqatgina ikki qavatli korpusga ega bo‘lgan neft tankerlarining kirishiga ruxsat beriladi. Chunki dengiz va okeanlarning ifloslanishida neft tankerlarining «xizmati» juda kattadir. Masalan, 1973-yili talafotga uchragan «Amoko Kazus» supertankeridan 220 ming tonna, 1989-yili Ispaniya supertankeridan 217 ming tonna neft okeanga oqizilgan. 1989- yil Alyaska qirg‘oqlarida dengiz riflariga urilgan «Ekosan Valdiz» kemasidan oqizilgan neftni tozalash uchun 2 mlrd Amerika dollari sarf qilingan. 1967-yilda Liberiya tankeri falokati Ang liya va Fransiya davlatlarining 180 kilometrlik masofada qirg‘oq bo‘yini ifloslantirgan. Okeanlar uchun yana bir katta xavf tug‘dirayotgan ifloslanish omili — radioaktiv chiqitlarni okeanlarga tashlash va joylashtirish. Atom floti va atom sanoati yo‘lga qo‘yilgan mamlakatlar tomonidan yiliga minglab tonna miqdorida o‘ta xavfli bo‘lgan radioaktiv chiqitlar dunyo okeanlariga tashlanmoqda. Antarktika — hech qaysi bir davlat yuridiksiyasiga kirmaydigan va xalqaro- huquqiy me’yorlar bilan tartibga solib turiladigan Yer kurrasidagi eng sovuq, oltinchi qit’a . Bu qit’ani muhofaza qilish va undan foydalanish «Antarktika to‘g‘risidagi shartnomaga ko‘ra» (1959-yil) olib boriladi. Shartnomaga binoan Antarktikadan ilmiy maqsadlarda erkin foydalaniladi va harbiy yo‘nalishdagi har qanday harakatlar bu qit’ada man qilinadi. Undagi dengiz va quruqlik hayvonlaridan foydalanish va ular muhofazasiga doir maxsus «Antarktika havzasidagi hayvonot dunyosini muhofaza qilish to‘g‘risida»gi konvensiyaga muvofiq amalga oshiriladi. BM Т ning YUNEP tashkiloti Antarktikadagi ekologik munosabatlarni tartibga solishni kuzatib boradi. Xalqaro Qizil kitob 1972-yili noyabr oyida bo‘lib o‘tgan BM Т , YUNESKO tashkilotining konferensiyasida qabul qilingan «Umumjahon madaniy va tabiiy merosini muhofaza qilish to‘g‘risida»gi konvensiyaga muvofiq tuzildi. Unda Yer kurrasida noyob va yo‘qolish xavfi ostida turgan o‘simlik va hayvonot dunyosi turlarining biologiyasi, tarqalishi, yo‘qolib ketish sabablari va muhofaza qilish choralari ko‘rsatib o‘tilgan. 15

www.arxiv.uz Xalqaro tabiatni qo‘riqlash ittifoqi Qizil kitob uchun ma’lumotlarni 1949- yildan boshlab to‘pladi va uni 1966-yili «Red Data Book» nomi bilan ingliz tilida chop etdi. U doimo to‘ldirib boriladi va ingliz tilida chop etiladi. XX asrning 80- yillari boshiga kelib sut emizuvchilarning 236, qushlarning 485, sudralib yuruvchilarning 141, baliqlarning 194 turlari xalqaro Qizil kitobga kiritildi. Hozirgi kunda ularning soni 2 baravargacha ko‘paygan. Xalqaro Qizil kitobga kiritilgan flora va fauna dunyosi turlari qaysi bir mamlakat hududida yashashidan qat’i nazar ularning xalqaro muhofaza qilinishi va xalqaro tashkilotlar tomonidan nazorat ostida bo‘lishi shart. Ko‘chib yuruvchi hayvonlar va qushlarning vaqtinchalik yashash makoni bo‘lgan botqoq, ko‘l, daryo yoki land shaftlar alohida muhofaza qili nadigan tabiiy ob’yektlar toifasiga kirgizilishini xalqaro huquqiy normalar talab qiladi. YUNESKOning «Kishilar va biosfera» xalqaro dasturiga muvofiq O‘zbekistonda yangi ko‘rinishdagi Chotqol biosfera qo‘riqxonasi tashkil etildi. Bo ‘ linadigan tabiiy resurslarga doimo yoki vaqtinchalik ikki va undan ortiq mamlakatlar hududlarida joylashgan dengiz (Boltiq, Oxota, Xitoy), daryo (Dunay, Sirdaryo, Amudaryo) va ko‘llar (Buyuk ko‘llar, Kaspiy, Orol) kiradi. Bo‘linadigan tabiiy resurslarni huquqiy tartibga solish asosan undan manfaatdor mamlakatlar o‘rtasidagi tuzilgan shartnomalarga tayangan holda amalga oshiriladi. Ushbu me’yoriy hujjatlarda, odatda, ulardan foydalanish, ularni muhofaza qilish, ularga oid nizolarni hal qilish, to‘lovlar, takroriy ishlab chiqarish masalalari aks etadi. Boshqaruv organi sifatida turli shakldagi ekologik komissiya yoki komitetlar tuziladi. Masalan, Orol ko‘li va uning havzasi bo‘yicha Markaziy Osiyo davlat larining «Orolni qutqarish» doimiy komissiyasi ishlab turibdi. 1995- yil BM Т ning Orol havzasiga bag‘ishlangan maxsus xalqaro konferensiyasida «Nukus deklaratsiyasi», 1997-yil 28-fevralida Markaziy Osiyo davlatlari rahbarlarining Almati uchrashuvida «Almati deklarasiyasi» qabul qilindi va «Orol dengizini qutqarish» xalqaro jamg‘armasi tashkil etildi. Markaziy Osiyo davlatlari (O‘zbekiston, Qozog‘iston, Т ojikiston, Т urkmaniston respublikalari)ning jamg‘armaga yillik badallari mamlakat byudjetining 0,3% i miqdorida belgilandi. 16

www.arxiv.uz Orol dengizi suvini to‘yintirib turuvchi ikki daryo — Amudaryo va Sirdaryolar ham xalqaro huquq ob’yekti hisoblanadi. Ulardan foydala nishni tartibga solishni «Basseynlar bo‘yicha komissiyalar» ko‘rib chiqadilar va har yili, sharoitga qarab, xalqaro huquq sub’yektlarining foydalanishi bo‘yicha aniq bir me’yoriy hujjatlarni qabul qiladilar. 4. Xalqaro ekologik tashkilotlar. Umuminsoniyat qadriyatlaridan biri bo‘lmish Yer kurrasidagi atrof tabiiy muhitni muhofaza qilish va xalqaro tabiiy resurslardan samarali foydalanishni o‘z oldiga maqsad qilib qo‘ygan ekologik tashkilotlar, muassasalar va idoralar o‘zlarining faoliyat doira siga ko‘ra universal va regional (mintaqaviy) turlarga ajratiladilar. Universal xalqaro Ekologik tashkilotlar — faoliyat doirasiga ko‘ra turli toifadagi, siyosiy-ijtimoiy va iqtisodiy rivojlanish yo‘nalishidagi hamda dunyo ning barcha mintaqalaridagi davlatlarning ekologik munosabatlarini tartibga solishga qaratilgan xalq a ro tashkilotlari. Ularga BMТ va uning ixtisoslashgan muassasalari kiradi . Birlashgan Millatlar Тashkiloti (BMТ) 1945-yilning 25-oktabridan buyon faoliyat yurgizib kelayotgan eng nufuzli xalqaro davlatlararo tashkilot bo‘lib, u o‘z oldiga davlatlar o‘rtasida tinchlik va xavfsizlikni saqlash, mustahkamlash va o‘zaro hamkorlikni rivojlantirish maqsadini qo‘yadi. Atrof-muhitni muhofaza qilish masalasi BMТ Nizomidan kelib chiqqan holda amalga oshiriladi. Bosh Assambleya — BMТning eng oliy toifadagi organlaridan bo‘lib, u xalqaro masalalarga doir hamma dolzarb masalalarni kun tartibiga kirgizadi. Keyingi 20—30 yil mobaynida Bosh Assambleya ning kun tartibiga ko‘pincha ekologik masalalar ham kirgiziladigan bo‘lib qoldi. Bosh Assam bleya atrof-muhit muhofazasiga doir muammolar yuzasidan unga a’zo dav latlar va Xavfsizlik Kengashiga tegishli tavsiyalar berishga haqlidir. Shu ning uchun ham Bosh 17

www.arxiv.uz Assambleya sessiyalarida yirik jamoat, davlat va si yo siy arboblarning ma’ruzasi tinglanadi va unga muvofiq xulosalar qilinadi. O‘zbekiston Respublikasi Prezidenti I. Karimov BM Т Bosh Assam bleyasining 48, 50, 55-sessiyalarida so‘zlagan nutqlarida jahon hamja miyatining diqqat- e’tiborini Orol dengizining qurib borayotgan ligiga va uning oqibatida kelib chiqayotgan ekologik inqi rozli holatga qaratdi. 1995-yil 18—20-sentabrda Т oshkentda ushbu tashabbusga muvofiq BM Т rahbar ligida Orol muammolariga bag‘ishlangan xalqaro konferensiya o‘tkazildi. BM Т ning ekologik tadbirlari uning asosiy organlari yoki yordamchi idoralari orqali amalga oshiriladi. Bosh Assambleya qoshidagi BM Т ning Iqtisodiy va ijtimoiy kengashi (EKOSOS) muayyan turdagi aniq vazifalarni bajaradi. Ular toifasiga ekologik masalalar ham kiradi. Ekologik masalalar uning rahbarligi ostidagi qo‘mita va komissiyalar vazifasiga yuklatilgan. Т abiiy boyliklar qo‘mitasi ekologik vazifalarni bajarishda alohida o‘rin tutadi. EKOSOS o‘zining qo‘mita va komissiyalar faoliyati natijalarini umumlashtirib Bosh Assambleyaga tavsiyanomalar beradi va konvensiyalar tayyorlaydi, o‘z vakolat doirasida xalqaro ekologik konferensiyalar chaqiradi, ixtisoslashtirilgan tashkilotlar bilan birgalikda ekologik bitimlar tuzadi. Aniq bir turdagi ekologik masalalarni BM Т ning ixtisoslashtirilgan tashkilotlari olib boradi. Ixtisoslashtirilgan tashkilotlar BM Т Nizomining 57- moddasiga muvofiq davlatlar o‘rtasida tuzilgan bitimlar orqali tashkil etiladi va o‘zlarining ta’sis hujjatlariga binoan bevosita yoki bilvosita ekologik masalalar bilan 63-moddasida ko‘rsatilgan qoidalarga asoslangan holda faoliyat olib boradi. BM Т qoshida faoliyat ko‘rsatayotgan 16 dan ziyod ixtisoslashgan tashkilotdan quyidagilari atrof tabiiy muhit muhofazasiga doir masalalar bilan bevosita shug‘ullanadi. BM Т ning atrof-muhit bo ‘ yicha dasturi ( YUNEP) 1972-yil 15-dekabrda tashkil topgan. YUNEP ning uchta bo‘limi — boshqa ruvchilar Kengashi, atrof- muhit muhofazasini muvofiqlashtiruvchi Kengash va atrof-muhit Jamg‘armasi mavjud. Hal qiluvchi masalalar boshqaruvchilar Kengashi tomonidan ko‘rib 18

www.arxiv.uz chiqiladi va amalga oshiriladi. Uning kun tartibiga sakkiz yo‘nalishdagi masalalarni hal qilish qo‘yilgan: - atrof-muhit sanitariyasi, aholi punktlarida kishilar salomatligi; - yer va suv muhofazasi, cho‘llanishning oldini olish; - okeanlarni muhofaza qilish; - tabiat, yovvoyi hayvonlar va genetik resurslar muhofazasi; - energetik muammolar; - ekologik o‘quv va tegishli mutaxassislarni tayyorlash; - tabiiy resurslar savdosi, iqtisodi va texnologiyalari; - xalqaro va milliy qonunchilikni kodifikatsiyalash va unifikatsiyalash. YUNEP va ayrim rivojlangan mamlakatlar ko‘magida O‘zbekiston Respublikasida Biologik xilma-xillikni saqlashning milliy strategiyasi va harakatlar rejasi va 10 dan ziyod milliy ekologik qonunlar ishlab chiqildi. O‘zbekistonda ekologik axborot tizimi — YUNEP/GRID — ARENDAL (Norvegiya) loyihasi tayyorlandi. O‘zining ekologik funksiyalari bilan YUNEP ga yaqin bo‘lgan BM Т tashkilotlaridan biri (YUNESKO) — madaniyat, fan va maorif masalalari bo ‘ yicha xalqaro tashkilot . YUNESKO 1948-yil tashkil topgan va o‘z Nizomiga muvofiq u atrof tabiiy muhit muhofazasiga doir quyidagi masalalarni hal qilishda faoliyat yurgizadi: - 100 dan ortiq mamlakatlar ishtirok etadigan xalqaro ekologik dasturlarga rahbarlik qiladi . Shular qatorida O‘zbekiston Respublikasida faoliyat yurgizib kelayotgan «Inson va biosfera» (MAB), Т abiat muhofazasiga doir xalqaro maorif dasturi, Xal qaro gidrologik dastur (1995- yildan buyon YUNESKO va Germaniya fan va texnologiyalar vazirligi loyihasiga binoan Orol dengizi atrofidagi yer usti va osti suvlarini baholash va modellashtirish ishlari olib borilmoqda) va hokazo; - tabiiy ob’yektlar muhofazasini hisobga oladi va tashkil etadi . Shunga asosan Yer kurrasining turli burchaklarida biosfera qo‘riqxonalari tashkil etilgan. Biosfera qo‘riqxonalarini tashkil etish, ularda atrof-muhitga inson 19

www.arxiv.uz faoliyatining ta’sir qilish darajasining monitoringini olib borish YUNESKOning universal dasturi asosida amalga oshiriladi. O‘zbekiston hududida 1995-yildan buyon Chotqol tog‘-o‘rmon biosfera qo‘riqxonasi xalqaro yagona biosfe ra qo‘riqxonalar tizimida ishtirok etib kelmoqda. Ammo uning faoliyati YUNESKO dasturining 3 tabaqali tegralash bo‘yicha qo‘riqxona ishini tashkil qilish talabiga hanuzgacha javob bermaydi. Bios fera qo‘riqxonasi hududi — qo‘riqxona, bufer (himoya) va yadro tegralariga ajratilmagan. Qo‘riqxonadagi bunday tashkiliy ishlarni amalga oshirish ma’lum darajada moliyaviy qo‘llab-quvvatlashni taqozo qiladi. Jahon sog ‘ liqni saqlash tashkiloti (JSS Т ) eng birinchilar qatori (1946-yil)da tuzilgan BM Т ning tashkiloti bo‘lib, u atrof-muhitning salbiy o‘zgarishi natijasida inson salomatligi holati, uni saqlash va mustah kamlashga o‘z faoliyatini qaratadi. JSS Т quyi dagi ekologik vazifalarni amalga oshiradi: - atrof tabiiy muhitning sanitar-epidemiologik monitoringini olib borish; - atrof-muhit holatiga qarab kishilarda kasalliklarning kelib chiqishi va tarqalishi bo‘yicha ma’lumotlar to‘plash hamda ularni umumlashtirish; - atrof-muhitning sanitar-gigiyenik ekspertizasini olib borish va uning sifatiga baho berish; - shaharlarda inson salomatligi masalalarini tadqiq qilish; - rekreatsion tabiiy mintaqalar va ularda aholining hordiq chiqarish chora-tadbirlarini olib borish. Oziq-ovqat va qishloq xo ‘ jaligi tashkiloti (FAO) 1945-yilda tuzilgan bo‘lib, uning qarorgohi Rim shahrida. FAOning ekologik faoliyati xalqaro tabiiy resurslardan oqilona va samarali foydalanish orqali Yer yuzida ortib borayotgan aholini oziq-ovqatga bo‘lgan talabini qondirish. FAOning sa’y-harakati orqali «Dunyo tuproq kartasi» tuzilgan. «Umumjahon tuproq kartasi» qabul qilingan, aholini joylashtirish, oziq-ovqat muammolari, sahrolanishga qarshi kurash, suv resurslarini tejash va ulardan oqilona foydalanish mavzusidagi bir qator xalqaro anjumanlar o‘tkazilmoqda. 20

www.arxiv.uz Hukumatlararo dengiz kengashi tashkiloti (HDK) 1948-yilda tuzilgan bo‘lib, uning qarorgohi London shahrida. HDK dunyo okeani va dengizlarda suv transportidan foydalanishning ekologik xavf sizlik darajasini ta’minlab berishda faol ishtirok etmoqda hamda ularning ifloslanishiga qarshi kurash bo‘yicha bir qator konvensiyalar ishlab chiqqan. Bu tashkilot o‘z tarkibiga 100 dan ziyod mamlakatlarni birlashtirib, dengiz suvlari muhofazasiga doir asosiy xalqaro prinsiplarni o‘rnatadi va uning siyosatini olib boradi. Jahon meteorologik tashkiloti (JM Т ) 1947-yilda tuzilgan bo‘lib, uning qarorgohi Jeneva shahrida. JM Т ning maqsadi insonlarning xo‘jalik faoliyatini planetamiz iqlimiga ta’sir ko‘rsatish darajasini tadqiq qiladi va ularga oid materiallar to‘playdi. U atrof-muhitning global monitoring tizimi (AMGM Т ) bo‘yicha JM Т , JSS Т , FAO, YUNESKO tashkilotlari bilan hamkorlikda faoliyat yurgizadi. Bu tizimni YUNEP tashkiloti muvofiqlashtirib turadi. AMGM Т harakatdagi 5 dasturni muvofiqlashtirib turadi: - atmosfera havosi holatining monitoringi; - ifloslantiruvchi moddalarni uzoq masofalarga ko‘chirish; - inson salomatligi; - dunyo okeanlari; - quruqlikdagi resurslarni tiklash. O‘zbekiston Respublikasi AMGM Т dasturi bo‘yicha tuzilgan «Iqlimning o‘zgarishi to‘g‘risida»gi konvensiyaga 1993-yildan boshlab a’zo. Hozirgi kunda ushbu Konvensiyani 59 mamlakat ratifikatsiya qilgan. 1996-yil 12—14-noyabrda Т oshkent shahrida o‘tkazilgan ushbu Konvensiya bo‘yicha seminar yig‘ilishida quyidagi masalalar ko‘rib chiqildi: — iqlimning o‘zgarishi to‘g‘risidagi Konvensiya bilan Markaziy Osiyo davlatlari va nodavlat tashkilotlarini tanishtirish; — Konvensiyaga qo‘shilmagan mamlakatlarni jalb qilish; — Markaziy Osiyo davlatlariga BM Т , xususan, YUNEP ning yordam ko‘rsatish yo‘llarini aniqlash; 21

www.arxiv.uz — O‘zboshgidromet va boshqa respublikalar gidrometeorologik xizmatlaridan arid (quruq) iqlim sharoitlarida iqlimga sanoat ta’sirini aniqlash metodikalarini takomillashtirish. BM Т ning Т abiiy ofatlarni bartaraf etishga yordam ko ‘ rsatish bo ‘ yicha byurosi (YUNDRO) turli davlatlar va tashkilotlarga tabiiy ofat natijasida yuzaga kelgan ekologik inqiroz holatida yordam ko‘rsatishni tash killashtiradi va olib boradi. Byuro Yer yuzida sodir bo‘layotgan tabiiy ofatlar bo‘yicha ma’lumotlar bankiga va har bir salbiy ekologik jara yonning oldini olishning aniq tadbirlarini qo‘llash tavsiyanomalariga ega. 1948-yilda tashkil topgan Т abiat va tabiiy resurslarni muhofazalash ning xalqaro ittifoqi ( Т MXI) nodavlat tashkiloti bo‘lib, u 100 dan ziyod davlat va 500 dan ziyod nodavlat tashkilotlarni a’zo qilib olgan. Т MXIning asosiy vazifasi unga a’zo bo‘lib kirgan mamlakatlar va ularda faoliyat yurgizayotgan tashkilot, birlashma, uyushma va fuqarolarning ekologiya sohasida hamkorligini yanada rivojlantirishdir. Т MXI tashkiloti quyidagi masalalar bo‘yicha faoliyat yurgizadi: - tabiiy o‘simlik va hayvonot dunyosi hamda ekotizmlarni saqlab qolish; - noyob va yo‘qolib borayotgan o‘simlik va hayvonot dunyosi turlarini hamda tabiiy yodgorliklarni saqlab qolish; - qo‘riqxona, rezervatsiya, milliy bog‘larni tashkil qilish; - ekologik o‘quvni tashkillashtirish. Т MXI tashabbusi bilan Yer yuzasida noyob, yo‘q bo‘lib ketayotgan yo ki yo‘qolish xavfida bo‘lgan o‘simlik va hayvon turlari bo‘yicha «Xal qaro Qizil kitob» tuzilgan va unga doimo qo‘shimchalar kiritilib boriladi. « Т abiatni muhofaza qilishning Butunjahon strategiyasi» dasturi ishlab chiqilgan va bunga asosan O‘zbekistonda «Biologik xilma-xillikni saq lab qolishning milliy strategiyasi va harakatlar rejasi» ishlab chiqilgan. Atom energiyasi bo ‘ yicha xalqaro agentlik (MAGA Т E) — 1957-yilda tashkil etilgan davlatlararo tashkilotdir. Agentlikning Nizomiga binoan, uning maqsadi 22

www.arxiv.uz atom energiyasidan tinch maqsadlarda foydalanishga erishishga ko‘maklashish va uni nazorat qilish. MAGA Т E 34 ta mamlakat nomidan qatnashadigan boshqaruvchilar Kengashi orqali quyidagi ekologik masalalarni ko‘rib chiqadi: - atom elektrostansiyalarni qurish va ishlatish qoidalarini ishlab chiqish; - ishlab chiqarish yoki loyihadagi atom elektrostansiyalarning ekologik xavfsizligini ekspertiza qilish; - atom qurilmalari va materiallarini atrof-muhitga ta’sirini baholash; - radiatsion xavfsizlik me’yorlarini belgilash; - turli atom qurollarini sinash, unga tayyorlash yoki laboratoriya sinovlarini o‘tkazish bo‘yicha monitoringni olib borish. MAGA Т E talabiga itoat etmaslik BM Т Bosh Assambleyasi Xavfsizlik Kengashi qaroriga binoan Iroq va Eronga nisbatan qo‘llanilgan yoki qo‘llanilayotgan siyosiy va iqtisodiy sanksiyalar orqali qarshi kurash chorasini tatbiq etishi mumkin. Atrof-muhitni xalqaro-huquqiy muhofaza qilishda mintaqaviy (regional) tashkilotlarning ahamiyati juda katta. Chunki ular har bir mintaqaning aniq ekologik holatini, millatlarning azaliy yaqinligini, ekologik inqirozlarning bir- biriga juda tezlik bilan ta’sir qilishini hamda ularning diniy, ma’rifiy va madaniy yaqinligini inobatga oladi. Regional tashkilotlarga Yevropada xavfsizlik va hamkorlik tashkiloti (OBSE), Arab davlatlari ligasi (ADL), Afrika birligi tashkiloti (AB Т ), Amerika davlatlari tashkiloti (AD Т ), Janubi- Sharqiy Osiyo davlatlari assotsiatsiyasi (ASEAN), Davlatlararo ekologik Kengash (DEK), Orol dengizi havzasi muammolari bo‘yicha Kengash va shu kabi mintaqaviy tashkilotlar kiradi. OBSE ga barcha Yevropa mamlakatlari, AQSH, Kanada va MDH davlatlari a’zodirlar. Ushbu nufuzli regional tashkilot 1972—1975-yillarda Xelsinki shahrida bo‘lib o‘tgan uch bosqichli uchrashuvlar va muzo karalar natijasida 1975-yil 1- avgustdan faoliyat yurgiza boshlagan. OBSEning maqsadlaridan biri unga a’zo mamlakatlar doirasidagi hududlarda ekologik xavfsizlikni ta’minlash va bu sohada ular o‘rtasidagi hamkorlikni chuqurlashtirish. Xelsinkida imzolangan Yakuniy 23

www.arxiv.uz hujjatga muvofiq har qanday global masalalar bo‘yicha uning qoidalarini bajarishni nazoratlash va muhokama qilish maqsadida uchrashuvlar o‘tkazilib turiladi. 1995-yil 10—14-noyabrda Т oshkent — Urgench shaharlarida OBSE ning atrof-muhitni tiklash bo‘yicha seminari bo‘lib o‘tdi. Seminarda BM Т ning YUNEP, PROON, JSS Т , MAGA Т E, MDH, Jahon banki hamda OBSEga a’zo 20 ta mamlakat, jumladan, O‘zbekiston ham qat nashdi. Seminar qarorida Markaziy Osiyo respublikalarida inson huquqlarining asosiy ko‘rsatkichlaridan biri bo‘lgan ekologik xavfsizlikni to‘laqonli ta’minlash uchun zarur bo‘lgan tadbirlar belgilanib olindi. Arab davlatlari ligasi (ADL ) 1945-yilda tashkil qilingan bo‘lib, 21 ta arab mamlakatlari va Falastin Ozodlik tashkilotining tabiiy resurslaridan (ayniqsa neftdan) kelishgan holda foydalanish va sog‘liqni saqlashning ekologik masalalarini ko‘rib chiqadi. Afrika birligi tashkiloti (AB Т ) 1963-yilda Addis-Abebada bo‘lib o‘tgan konferensiyada tashkil etilgan. Ushbu regional tashkilot 50 dan ziyod Afrika qit’asidagi mamlakatlarni ijtimoiy, iqtisodiy, ma’rifiy, madaniy, harbiy masalalarda birlashtirib turadi. AB Т da ekologik muammolardan hayvonot va o‘simlik dunyosining xilma-xilligini saqlab qolish bo‘yicha milliy bog‘lar tashkillashtirish va ularni muhofaza qilishning yagona rejasi ishlab chiqilgan. Amerika davlatlari tashkiloti (AD Т ) 1947-yili Rio-de-Janeyroda tashkil topgan bo‘lib, unga 27ta Lotin Amerikasi davlatlari va AQSH a’zo. AD Т tarkibida atrof-muhit muhofazasiga doir ixtisoslashgan tash kilot mavjud bo‘lib, uning asosiy maqsadi Amerika qit’asidagi biologik xilma-xillikni saqlashdir. Davlatlararo ekologik kengash (DEK) 1992-yil 8-fevralda mustaqil davlatlar hamdo‘stligi (MDH) rahbarlarining Moskvada bo‘lib o‘tgan kengashida tasdiqlangan. O‘zbekiston uning to‘la huquqli a’zosi sifatida sobiq Ittifoq mamlakatlari bilan atrof-muhitni muhofaza qilishni kelishib olgan. DEK muvofiqlashtirilgan sa’y-harakatlarini ko‘zlab faoliyat yurgizadi. 24

www.arxiv.uz DEK ga a’zo 10 davlat rahbarlari tomonidan imzolangan Kelishuvga muvofiq (1-modda) uning a’zolari o‘z hududlari uchun atrof-muhitni muhofaza qilish dasturlarini ishlab chiqadilar va shu asosda huquqiy, iqtisodiy, ijtimoiy, moliyaviy zamin yaratadilar hamda o‘zaro hamkorlik qiladilar. 1993-yil mart oyida Qozog‘istonning Qizilo‘rda shahrida bo‘lib o‘tgan Markaziy Osiyodagi besh davlatning Oliy darajadagi uchrashuvida Orol dengizi muammolari bo ‘ yicha Davlatlararo Kengash va uning Ijroiya qo‘mitasi hamda Orolni qutqarish Xalqaro fondi tashkil etildi. 1994-yil Nukus, 1995-yil Т ashhovuz va 1997-yil Almati shahrida BM Т ning ishtirokida bo‘lib o‘tgan uchrashuvlarda Nukus va Almati deklaratsiyalari qabul qilindi. Ushbu uchrashuvlarda Markaziy Osiyo davlatlari va xalqaro tashkilotlarning Orol dengizi havzasini barqaror rivojlantirish rejalari ishlab chiqildi. Kengashning taklifi va BM Т ning homiyligida 1998-yilni atrof-muhitni muhofaza qilish yili deb e’lon qilindi. O‘zbekiston Respublikasi Prezidenti I. Karimovning taklifiga binoan Markaziy Osiyo mintaqasi — ekologik va yadroviy xavfsizlik mintaqasi deb e’lon qilindi va bu region yadro qurolidan xoli tegra hisoblaniladigan bo‘ldi. 5. Xalqaro ekologik javobgarlik. Xalqaro huquq sub’yektlarining ekologik javobgarligi zararli yoki xilof harakatlari, ularning o‘z iqtisodiy, ijtimoiy, harbiy, texnologik, rekratsion va shu kabi xo‘jalik faoliyatlari natijasida kelib chiqadigan atrof-muhit muhofazasiga zid bo‘lgan harakat yoki harakatsizliklaridir. Xalqaro ekologik-huquqiy javobgarlik — xalqaro ekologik ob’yekt lardan universal, regional va ikki davlat o‘rtasida belgilangan xalqaro-huquqiy me’yorlardan oshirib foydalanish yoki ularni buzish orqali atrof-muhitga yetkazilgan zararni qoplash orqali kelib chiqadigan va xalqaro huquq sub’yektlariga qo‘llaniladigan noqulay moddiy va siyosiy sharoitlarning majburiy kechinmasi yoki ularning yuridik jazoga tortilishi. Yuridik javobgarlikning noqulay moddiy kechinmasi yoki moddiy javobgarligi deganda biz ekologik ziyon ko‘rgan davlatlarga yoki davlatlar yuridiksiyasida 25

www.arxiv.uz bo‘lmagan ekologik ob’yektlarga (xalqaro ekologik tashkilotlar orqali) yetkazilgan zararni moliyaviy (reparatsiya), natural holda (restutitsiya) yoki almashtirish (substitutsiya) orqali qoplashni tushunamiz. Xalqaro ekologik-huquqiy javobgarlikning moddiy qoplanishining «restoratsiya» usulini, ya’ni muayyan tabiiy ob’yektni yoki moddiy ob’yektni huquqbuzar sub’yekt tomonidan to‘liq tiklab berish sank siyasini qo‘llash ham mumkin. Masalan, tuproq unumdorligini tiklash, suvni tozalab berish yoki eroziya oqibatida buzilgan binoni xalqaro huquq sub’yekti tomonidan tiklab berilishi. Milliy ekologik javobgarlikdan xalqaro ekologik javobgarlikning aso siy farqi ularda qo‘llaniladigan sanksiyalardadir. Xalqaro huquq sub’yektlarini ozodlikdan mahrum qilish, kam ish haqi to‘lanadigan vazifaga tushirib qo‘yish, mol-mulkini musodara qilish, ma’muriy jazoga tortish imkoniyati bo‘lmaganligi uchun ham jazo sanksiya larining o‘zgacha turlarini qo‘llashni taqozo qiladi. Xalqaro ekologik-huquqiy javobgarlikda aybdorlarga nisbatan noqulay siyosiy kechinmalar ni qo‘llash sanksiyasi ham mavjud. Jazo turi xalqaro tashkilotlar yoki ularning sudlov organlarining qarorlariga muvofiq amalga oshiriladi. Aybdor deb topilgan xalqaro sub’yekt xalqaro tashkilotlar safidan chiqariladi yoki ularga nisbatan turli ko‘rinishdagi yoki shakldagi iqtisodiy, siyosiy, ijtimoiy, madaniy, har biy, ekologik «boykot» e’lon qilinadi. Bunga yaqqol misol qilib BM Т ning Iroq Respublikasiga nisbatan bir necha yil mobaynida qo‘llanilgan iqtisodiy «boykot»ini olsak bo‘ladi. 2000-yil fevral oyida Rossiya Federatsiyasiga qarashli «Volga-Don» mazut tashuvchi daryo kemasi Bosfor bo‘g‘ozida Iroq xom ashyosini olib ketayotganda ush landi va yoqilg‘i konfiskatsiya qilindi hamda kema qarashli kompaniyaga katta jarima solindi. Iroq Respublikasi urushni targ‘ib qilish va yadro qurolini yaratish orqali tabiatga va inson hayotiga tajovuz qilayotgan harakatlari uchun u xalqaro Gaaga sudi qarori bilan siyosiy sanksiyaga tortildi. Ammo yurisprudensiyada qo‘llaniladigan asosiy prinsiplardan biri «Huquqbuzarliklar uchun jazoning muqarrarligi» xalqaro-eko logik javobgarlikda hanuzgacha to‘lig‘icha qo‘llanilmayapti, desak to‘g‘ri bo‘ladi. 26

www.arxiv.uz Eng nufuzli xalqaro sudlov organi — BM Т ning xalqaro Gaaga sudi 1945-yil BM Т bilan bir vaqtda faoliyat yurgiza boshladi. Sudya lar Bosh Assambleya tomonidan 5 yil muddatga saylanadilar. BM Т Nizomining 99-moddasiga binoan Gaaga sudi Xavfsizlik Kengashiga, xalqaro ekologik masalalar, jumladan, ekologik xavfsizlikni saqlashga doir har qanday masalalarni ko‘rib chiqish uchun takliflar kiritish huquqiga ega. Xalqaro ekspertlarning ma’lumotlariga ko‘ra Yer kurrasida davlatlar yoki transkontinental kompaniyalar tomonidan sodir etilayotgan ekologik huquqbuzarliklarning bor-yo‘g‘i 7—8 foizi xalqaro sudlov organlari tomonidan ko‘rib chiqilmoqda. Vaholanki, ularning hammasi ham yetarlicha javobgarlikka tortilmayaptilar, natijada atrof-muhitga yetkazilayotgan zararni qoplash uzoq muddatga cho‘zilib ketmoqda. Gaaga sudidan tashqari bir qancha regional va subregional toifadagi xalqaro sudlar mavjud. Ular 200 dan ziyod ikki va ko‘p tomonlama imzolangan shartnoma va kelishuvlar bo‘yicha xalqaro ekologik javobgarlik sanksiyalarini qo‘llashlari mumkin. Bunda davlatlar o‘z larining milliy qonun me’yorlarini yoki xalqaro tashkilotlarning Ni zom larini «ro‘kach» qilib ko‘rsatishlari aslo inobatga olinmasligi kerak. Chunki, xalqaro ekologiya huquqi prinsipiga binoan atrof- muhitni muhofaza qilishda xalqaro huquqiy-me’yoriy normalar milliy normalarga nisbatan ustuvorlikka egadir. Undan tashqari, xalqaro shartnoma va kelishuvlarda ekologik-huquqiy javobgarlik ko‘pincha inobatga olin maydi, agar olingan bo‘lsa ham davlatlarning u yoki bu tabiiy ob’yektlari muhofazasiga qaratilgan, xolos. Shuning uchun ham xalqaro ekologik-huquqiy javobgarlik me’yorlari birlamchi me’yorlar toifasiga kiritilmaydi va huquqbuzarlarni yuridik javobgarlikka tortish uchun yetarli asos bo‘la olmaydi. 27

O'xshashlar

Atrof-muhitni muhofaza qilish xarajatlari

Geoekologiya va atrof muhitni muhofaza qilish

Geografik muhitni radioaktiv moddalardan muhofaza qilish.

Yerlarni muhofaza qilish va ulardan foydalanishning huquqiy holati

Atrof-muhitni muhofaza qilshga sarflanayotgan vositalarning tarkibi