ХIХ аср охири ва ХХ аср бошларида Ўрта Осиёда ҳарбий ишлар тарихидан - CHQBT - Referatlar

ХIХ аср охири ва ХХ аср бошларида Ўрта Осиёда ҳарбий ишлар тарихидан

Yuklangan vaqt:

20.09.2019

Ko'chirishlar soni:

0

Hajmi:

70.5 KB

Ko'chirib olish

Х I Х аср охири ва ХХ аср бошларида Ўрта Осиёда ҳарбий ишлар тарихидан Режа: 1.Россиянинг Ўрта Осиёга ҳарбий экспедиция уюштириши. 2.Хива хонлигининг босиб олиниши. 3.Бухоро Амирлигига қарши олиб борилган ҳарбий тажовузлар. 4.Россия – Бухоро шартномаси. 5.Бухоро империясининг Қўқон хонлигига қилган ҳарбий тажовузлари.

Россиянинг Ўрта Осиёга ҳарбий экспедиция уюштириши. Россиёнинг Ўрта Осиё халқларига қизиқишлари ва интилишлари ХУ111 асрнинг бошида, Император Петр 1 давриданоқ бошланган бўлиб, бу даврда Хива хонлигига қарши уюштирилган ҳарбий экспедициялар катта мағлубиятга учраган эди. Х1Х асрнинг 40-йилларида уюштирилган иккинчи ҳарбий экспедиция ҳам мағлубиятга учрагач, Россия империяси Ўрта Осиёга қарши юришлар олиб бориш учун жуда катта тайёргарлик қилишга киришди. Х1Х асрнинг 50-60 йилларидан бошланган Россия ҳарбий юришлари энг аввало, Қўқон хонлигига ва кейин эса Бухоро амирлиги ҳамда Хива хонликларига қарши қаратилди. Ўрта Осиёда ҳарбий жиҳатдан ўз замонасига нисбатан анча ортда қолган кучлар билан тўқнашган босқинчилар қўли бу сафар баланд келди. Гарчи, хонликлардаги ҳарбий қўшинлар сони етарли даражада ва ҳаттоки, босқинчиларникидан бир неча бор кўп бўлишига қарамай, улардаги ҳарбий техника даражаси Россияникидан анча орқада эди. Бироқ халқнинг ўз эркин ва Ватан озодлиги учун фидойилиги ниҳоятда юксак даражада бўлиб, душманга қарши курашда ҳарбий лашкарлардан ташқари жуда катта миқдорда халқ лашкари-ватан мудофаачиларнинг энг оддий совуқ қуроллар билан мудофаага киришганлиги туфайли ҳарбий тўқнашувлар ниҳоятда кескин бўлди. Айнан шу муҳим омил ҳарбий жиҳатдан анча устун босқинчиларнинг кетма-кет зарбаларини бир неча бор қайтаришга сабаб бўлди. Афсуски, ўша даврда хонликларда тахт тепасида турган ниҳоятда ўқувсиз, шижоатсиз хонлир бу омиллардан тўғри ва ўринли фойдалана олмадилар. Айниқса, Хива хони ва Бухоро амири мамлакат тақдирини эмас балки мумкин қадар ўз манфаати ва жонини ўйлаб, катта куч билан бостириб келаётган душман олдида бирлашиш ўрнига, вазиятдан ўз манфаатлари йўлида фойдаланишга уриндилар, ички низоларга, апрокандаликка йўл қўйдилар, душман ҳужумларидан саросимага тушиб қолдилар ва дастлабки муваффақиятсизларданоқ сулҳ тузишга рози бўлдилар. Натижада 1873 йилда Россия империяси уюштирган босқинчилик юришларида Хива хонлиги босиб олинди. Россия билан Хива хонлиги

ўртасида тузилган сулҳ шартномасига мувофиқ Хива хонлиги ўз сиёсий мустақиллигидан маҳрум бўлди, яъни хонликдаги ички бошқарув хон қўлида бўлса-да, ташқи алоқалар, (ташқи савдо ва сиёсий алоқалар) бутунлай Россия тасаруффига ўтказилади. Хонликнинг Россия томонидан босиб олинган ерларида ташкил этилган Амударё бўлими бошлиғи эса хоннинг ички сиёсатини тўлиқ назорат остига олади. Бу бўлим Туркистон генерал- губернаторлиги таркибида тузилган бўлиб, бевосита генерал-губернаторга бўйсунади. Ҳатто хонлик чегаралари ҳам Амударё бўлимидаги ҳарбий кучлар ёрдамида қўриқланади. Чунки Хива забт этилгач, бунга қадар хонликда мавжуд бўлган қўшин тарқатиб юборилади. Тахминан 2000 кишилик навкарлар миршаблик хизмати учун сақлаб қолинади. Хон Туркистон генерал-губернаторлиги орқали Россия ҳарбий вазирлигидан кўп илтмослар билан ўз навкарлари учун рус берданкалари олишга муваффақ бўлган. Аслида чор ҳукумати Хива хонлигини қурол билан таъминлаш, қуролли кучларни кучайтиришдан манфаатдор эмас эди. Бу навкарлар хонликда сарой қўриқчиси вазифасини бажарганлиги учунгина уларга қурол берилган. Қолган навкарлар хизматга ўз отлари ва қуроллари билан келган. Уларнинг қуроллари жуда эски бўлган. Навкарлар солиқдан озод этилган бўлиб, хизматга ўз оти ва емиши билан келган, фақатгина сарой хизматидаги 400 нафар навкарга хон томонидан маош тайинланган. Навкарлар ўнликка, юзликка бўлинган ва ўнбоши, юзбоши томонидан бошқарилган. Демак, Хива хонлигида ҳарбий уқувсиз, замонавий ҳарбий техникага эга бўлмаган оз сонли қўшин ички тартибни сақлаб туриш учунгина сақланиб қолган бўлиб, асосан маҳаллий аҳолини итоатда сақлаш, солиқларни тўплаш, соқчилик ишларидагина хизмат қилган. Мустамлакачилар ўз манфаатларини ўз қўшинлари билан ҳимоя қилар, хонликда ҳарбий куч сақлашни ман этган эдилар, чунки бу кучлар энг аввало ўзларига қарши бош кўтаришини яхши билардилар. Бухоро амирлигига қарши Россия империясининг 1866-1868 йилларда олиб борган тажовузлари натижасида амирликнинг Хўжанд, Жиззах,

Ўратепа, Каттақўрғон, Самарқанд каби шаҳарлари босқинчилар томонидан босиб олинади. 1868 йилда Россия-Бухоро давлатлари орасида имзоланган сулҳ шартномасига кўра Бухоро амирлиги мустақил ташқи алоқалар олиб бориш ҳуққидан маҳрум этилиб, Россияга тобе мамлкатга айлантирилди. 1873 йилда бу шартнома янгиланиб, Россия ва унинг фуқароларининг амирликдаги ҳуқуқлари янада кенгайтирилиб, янги имтиёзлар берилди. Бухоро амири ҳам гарчи ички бошқарувни ўз қўлида сақлаб қолса-да, сиёсий мустақиллигидан маҳрум бўлди ва йил сайин бошқа ҳуқуқларни ҳам йўқотиб борди. Хива хонлигига нисбатан Бухоро амирлигида қўшин миқдори кўпроқ бўлиб, Д.Н.Логофетнинг 1911 йилда берган маълумотига кўра у 11.000дан ортиқроқ бўлган. Бухоро амирлиги ҳаётини ўз даврида диққат билан ўрганган бу муаллифнинг кўрсатишича, бу ерда ҳам қўшин амир ва бекларни шахсий қўриқчиси, миршаблик хизматларига кенг жалб этилган ва амирликнинг турли шаҳар ва қалъаларга тарқалиб кетган. Қўшин таркибида отлиқ гвардия, отлиқ артиллерия, пиёдалар ва уларнинг артиллерияси, жами: 200 нафар офицер, 11.000 нафар аскар, яъни сарбозлар бўлган. Қўшин бошлиғи тўпчибоши бўлиб айни пайтда артиллерия бошлиғи ва таъминот мудири ҳам ўзи бўлган. Унинг унвони дотҳо, яъни генерал бўлган. Пиёдалар “Бегдан” милтиғи, найза маҳаллий қуролланган. Отлиқ юзликлар милтиқ, қилич, ханжар билан қуролланган. Бухоро амирининг ўзи ҳарбий малака, тажриба ва билимга эга бўлмаса- да, унвонларга ишқибоз бўлиб, бу борада мустамлакачилар сийловидан четда қолмаган. Амир Император генерал-адмирали унвонида бўлиб, Терск казак қўшинлари ҳисобида турган, Россия армияси кавалерияси генерали бўлган, унинг ўғли эса Россия армияси полковниги даражасига эга бўлиб адъютант-флигель унвонига эга бўлган, отаси каби Терск казак қўшнлари ҳисобида турган. Бу ҳол Бухоро амирининг Россия омператорига итоати ва тобелигининг яна бир яққол кўриниши бўлиб, амирнинг император хизматидаги бир амалдорлигини таъкидлаб турарди. Бироқ, амирни ҳарбий унвонлар билан сийлаган император Бухоро қўшини ҳақида қайғуриш у ёқда

турсин, аксинча уни мумкин қадар қисқартиришни мунтазам равишда талаб қилиб келарди. Бу талабни қўшинга эҳтиёж йўқлиги, ҳарбий, мудофаа вазифаларини рус қўшинлари бажариши билан изоҳларди. Амирнинг илтимос билан қўшинларга ҳарбий таълим бериш учун юборилган рус офицерлари эса сарбозларга фақатгина рус ҳарбий низомини ўргатиш билан кифояланганлар холос. Сарбозлар ҳарбий марш, милтиқ ишлатиш қоидаларини ўрганиб турганлар, отиш машқлари ҳар бир кишига 1 йилда бир марта бўш ёки пуч патронлар билан машқ қилдирганлар. Қўшиндаги офицерлар ҳарбий таълимга эга бўлмаган. Қўшин сафларини ихтиёрийлик асосида тўлдириш қабул қилинган бўлсада, аслида бирон гуноҳ қилиб қўйган жиноятчилари мажбуран хизматга жўнатилган. Қўшиндаги хизмат умрбод, яъни чекланмаган муддатли бўлган. Қўшин таъминоти ёмонлиги туфайли қуйи даражадагилар хизматдан бўш кунларида майда ҳунармандчилик, савдо билан шуғулланишган. Қўшин сафларида қариялар кўп бўлган. Ўша давр адабиётлари ва манбаларида амир ўз қўшини таъминотига ҳар йили 1 миллион сўм сарфлагани қайд этилади. Юқорида қайд этилган маълумотлар амирликдаги қўшин худди амирлик бошқаруви каби хҳжакўрсинга сақланиб қолгани ва бирор ҳарбий ёки мудофаа вазифасини бажармаганлигини, миршаблик ва соқчилик билангина чекланганлигини кўрсатади. Чунончи, Бухор амирлигининг Афғонистон билан чегарасини 1880 йиллар охиридаёқ Россия чегара қўшинлари эгаллаган эди. Помирда ҳам рус қўшинлари турарди. Бундай муносабат ва сиёсат натижасида ХХ аср бошига келиб Бухоро амирлиги қўшинлари турарди. Бундай муносабат ва сиёсат натижасида ХХ аср бошига келиб Бухоро амирлиги қўшинлари мутолақо яроқсиз ҳолга тушиб қолди. Ваҳоланки, чор истилосидан бир неча йил кейин 1881 йилда амирлик қўшини ҳақида берилган маълумотларда ҳарбий хизмат халқ учун жуда шарафли бўлганлиги, қўиш хазина ҳисобидан қурол, кийим- бош, патронлар билан таъминланганлиги, янги хизматга келганлар 3 ой тайёргарлик ўтганлиги, қўшиннинг ўз туғи, байроқлари бўлганлиги, кумуш ва тилла тангаларда ҳар

ойда ва яна бир йиллик алоҳида маош билан таъминланганлиги, бундан ташқари яна буғдой берилганлиги, кавалерия, мунтазам кавалерия, гвардия, пиёда каби хизмат турлари, турли ўточар тўплар бўлганлиги, амир хазинадан ҳар йили қўшин учун 2 миллион 197 минг 980 сўм сарфлагани қайд этилган. ХХ аср бошига келиб мустамлакачилик кишинларининг тобора қаттиқроқ тортилиши амирликдаги ҳарбий қўшинни юқорида кўрсатиб ўтилган ночор аҳволга тушиб қолишига олиб келди. Бу ҳол энг аввало мустақил давлатчиликнинг барҳам топиши ва ўзга давлатга тобелик, қарамлик билан изоҳланар эди. Россия империяси Бухоро амирлигини ўз таркибидаги ҳудудидий бирликка айлантириш режасини аллақачон тузиб қўйган бўлиб, бу масала метрополияда расмий доираларда тез-тез муҳокама этилиб турилар, бунинг учун тайёргарлик кўриш мақсади режалаштирилган эди. Амирликдаги ҳарбий кучлар бу режаларга қарши жиддий хавф бўлиши шубҳасиз эди, шу туфайли ҳам уларни ночорликда сақлаш ва имкон қадар қисқартириш учун айни муддао эди. Россия империясининг Х1Х асрнинг 60-йилларида Қўқон хонлиги ҳудудида олиб борган ҳарбий тажовузи даврида босиб олинган ерларда 1867 йилда Туркистон генерал-губернаторлиги тузилди ва унда тамомила рус давлат бошқаруви жорий этилди. Мустамлакачиларнинг ҳарбий сиёсий бошқарувига асосланган бу тизимда суд, қонунчилик, полиция ва табиийки, ҳарбий кучлар ҳам бутунлай мустамлакачилар қўлида бўлиб, уларнинг тўла ҳукмронлигини таъминлашга хизмат қиларди. Ўлкада сақланаётган ҳарбий қисмлар нафақат чегарани, балки ички тартибни сақлаш, миршаблик хизмати, жазо отрядлари (айниқса қўзғалонлар пайтида Вазифасини бажарар ва маҳаллий аҳолига нисбатан ўта шафқатсиз, таҳқирловчи муносабатда бўларди. Тарихда Головачев, Скобелев отрядлари каби ўта шафқатсизлиги билан ном қолдирган жазо отрядлари маҳаллий аҳолини итоатда сақлаш учун энг ваҳшиёна оммавий қирғин усулларини қўллардилар. 1898 йил Андижон қўзғалонини бостириш чоғида ва айниқса 1916 йилда ўлкада ҳарбий ҳолат жорий қилиб, қўзғалончилар ҳарбий вазият

қонунлари билан жазоланадилар, улар устидан олиб борилган суд жараёнлари ҳам ҳарбий дала судлари асосида ташкил этилади. Демак, мустамлака Туркистонда ҳарбий қўшин айни пайтда жазо отрядлари сифатида ҳам иш олиб борган. Бу даврда миллий ҳарбий кучлар ҳақида сўз ҳам бўлиши мумкин эмас эди. Бу ҳудудда илгари мавжуд бўлган Қўқон хонлиги қўшинлари тажовуз пайтидаёқ қириб юборилганди. Хуллса, Россия империяси мустамлакачилиги даврида миллий ҳарбий қўшин босқинчилари ғалабаси ва ҳукмронлиги туфайли таназзулга юз тутди. Бухоро амирлиги ва Хива хонлигидаги чекланган доирадаги навкарлар, ҳудди шу хонликлар бошқаруви каби номигина сақланиб қолган бўлиб, юқорида таъкидлаганидек, миршаблик, солиқ ундириш, хонга итоатни таъминлашга хизмат қилган холос. Россияда 1917 йилда содир бўлган феврал инқилоби натижасида чор ҳукумати, яъни подшо Николай 11 тахтдан ағдарилгач, унинг ўрнига келган Муваққат ҳукумат Ўрта Осиёда Россия империяси хукумати давридаги муносабатлар ўз кучида қолишини маълум қилиб, аввалги мустамлакачилик сиёсатига содиқлигини намоён этди. Туркистон маркази Тошкентда совет ҳокимияти 1917 йил 1 ноябрда ўрнатилди. Большевиклар хокимиятни худди Россиядаги каби, Туркистонда халқларнинг эмас, балки Россияда ҳокимиятни далвта тўнтариши орқали қўлга киритган бир гуруҳ большевикларнинг ҳукумати эканлигининг яққол далили эди. 1917 йил 28 ноябрда Туркистондаги большевиклар ҳукумати ўлкада қуролли кучлар тузиш ҳақида қарор қабул қилади. Қизил гвардия деб аталувчи бу қуролли кучлар синфийлик асосида, яъни пролетар ишчилардан тузилиши лозим эди. Туркистондаги ишчилар эса асосан темир йўлларда ишловчи рус ишчилардан иборат эди. Яъни янги ҳукумат ўз қуролли кучларини ҳам маҳаллий халқдан эмас, четдан келган, озчиликни темир йўл ишчиларнинг ҳаммаси ҳам бу қўшинга киришга шошилмадилар. Ўлкада сиёсий, иқтисодий бошбошдоқлик, зиддиятлар, вайроналик ҳукм сурар, бундай шароитда жамиятнинг бошқа турли тоифалари қатори ишчи-хизматчилар ҳам жадаллик

билан ривожланаётган воқеаларнинг туб моҳиятини чуқур англаб етишга улгурмасдилар. Шундай шароитда большевиклар вилоятларда ўз ҳукмронлигини ўрнатиш, совет ҳокимиятни бир тўда гуруҳ билан қўлга олган большевиклар собиқ ҳарбий асирлар, кўчада дайдиб юрган бекорчилардан, яъни жамиятнинг энг қолоқ, ҳаётда касб-корга эга бўлмаган, маслаги ва манзили ноаниқ, фақатгина кундалик қорин ғамида юрган ишончсиз вакиллари ҳисобига тузила бошланди. Ҳатто, улар орасида большевикларнинг баландпарвоз шиорлари остида ҳаракат қилиб, ҳозирги ЎзР МДА да сақланаётган ҳужжатларда, маҳаллий аҳоли шикоятларида ва ҳаттоки расмий ёзишмалар ва йиғилишлар баённомаларида қизил аскарлар маҳаллий аҳоли орасида талончилик олиб бораётганлиги, маиший ва аҳлоқий бузуқлик, ичкиликбозликка берилиб кетганлиги, улар орасида фоҳишабозлик авжига чиққанлигини қайд этилган ҳужжатлар кўп учрайди. Қизил армия зўравонликка чор ҳуқумати қўшинларидан қолишмай, тинч аҳолининг сўнгги кўрпа тўшаги-ю, бир бурда нонигача тортиб олаётганлги, бу эса аҳолининг совет ҳокимиятидан норозилигини кучайтириб юбораётганлигини ҳукумат раҳбарлари ҳам қайд этадилар. Бундай қўшинлардан большевиклар ҳукумати истаган мақсадда фойдаланди. Туркистон халқлари иродасини акс эттирган илк демократик хукумат-Туркистон Муҳториятининг қонга ботирилиши ва унга хайрихоҳлик билдирган Қўқон аҳолисидан ваҳшийларча ўч олиб, шаҳарни вайрон этишда ҳам большевиклар шундай кучлардан фойдаландилар. Совет хокимяити Қўқонда тузилган бу ҳукуматни тугатиш учун армияга Дашноқцутюн арман партияси аъзолари-дашноқларни ёлади. Уларни қуроллантириб, шаҳар аҳолисини жазолашни топширди. Совет ҳукумати буйруғи билан бўлган бу талон-тарож ва ўч олиш акцияси бутун Туркистонни ларзага солди. Қўқон уч кун ўт ичида қолди. Қарийиб ўн минг киши ҳалок бўлди. Совет хокимяитининг юзага келтирди. Бу қаршилик ҳаракати қисқа муддатда нафақат водийни, балки бутун Туркистонни қамраб олди. Зеро, большевикларнинг ўлкадаги сиёсати маҳаллий халқнинг сиёсати ва миллий ҳуқуқларини чеклаш билангина чекланиб қолмаган эди. Совет

хокимиятининг хусусий мулкни национализация ва конфискация (яъни мусодара) қилиш сиёсати нафақат йирик ер-мулк эгалари, балки ўртача хўжалик эгаларини ҳам хонавайрон қилди. Зўрлик билан амалга оширилган бу чоралар халқни моддий жиҳатдан хонавайрон қилган бўлса, масжид ва мадрасаларнинг отхоналарга айлантирилиши, дин ва диндорларга қарши кураш халқни норозилиги кун сайин кучайиб борди. Бундай шароитда большевиклар ўз ҳукмронлигини таъминлаш учун ҳарбий кучларни кучайтиришга киришди. 1918 йил ёзида мунтазам оммавий қўшин тузишга киришилди. Мажбурий ҳарбий хизмат эълон қилинди. Большевиклар нафақат Туркистонда, балки унинг атрофида, хусусан Бухоро, Хива, Оренбург ҳудудларида ҳам кучли қаршиликка дуч келдилар. Туркистон Республикаси большевикларга қарши кучлар қуршовида қолди. Ички фронтда совет ҳокимиятига қарши Мадаминбек ва бошқа қўрбошилар сардорлигида маҳаллий кучларнинг жанги авжга чиқади. Шундай шароитда қизил армияга чақирув бошланиб, унинг сафларига энг аввало барча коммунистлардан ташқари собиқ чор хукумати армияси офицерлари ҳам жалб этилади. Ўша давр манбаларида қайд этилишича қизил армия таркибида руслар, украинлар, белоруслар кўп эди. Уларнинг аксарияти учун большевиклар ғояси пуч шиорлар бўлганлиги қизил аскарлар томонидан маҳаллий миллат вакилларига қурол сотишдек тез-тез учраб турадиган ҳолатларда, айниқса намоён бўларди. Армиядаги бундай кайфият унинг муваффақиятини таъминлай олмади, у фақатгина мудофаа позициясида бўлиб турди. Советларга қарши курашаётган маҳаллий кучлар кичик-кичик тўда бўлиб, уларга ҳужум қилиб, зарба бериб турардилар. Совет ҳокимияти “босмачилар” деб қораланган бу кучларнинг тинч рус аҳолисига эмас, балки айнан қизил армияга ҳужум қилиши уларнинг мақсадини аниқ кўрсатиб турса-да, большевиклар уларни “қароқчиликда” айблардилар. Бу кучларнинг тобора оммавий тус олиб, халқ томонидан қўллаб-қувватланаётгани ҳақида ўша давр ҳарбий матбуотида жуда кўп фикр билдирилади. Колчак, Деникин, Юденич ва Врангель каби кучли мухолифатни 1920 йилгача енгишга

муваффақ бўлган совет ҳокимияти Туркистонда ўзига қарши курашаётган кучларни 1920 йилдан кейин ҳам тугата олмаётганидан ҳайратга тушган қизил армия қўмондонлиги унинг сабабларини излаб, қизил армияда ватанпарварлик туйғулари етишмаётганлигидадир, деган хулосага келганлиги ҳақида ўша давр ҳарбий матбуотида хабар қилинади. Совет ҳокимиятининг маҳаллий мухолифатга қарши курашида террор, қирғин усуллари кенг қўлланилар, бунда марказдан юборилган Туркистон фронти қўмондони М.В.Фрунзенинг роли катта эди. 1918-1919 йилларда большевиклар олиб борган террор маҳаллий мухолифатни янада кучайтириб юборгач, совет ҳокимияти маҳаллий коммунистлар ҳамда Ўлка мусулмонлар бюроси тазийқида ўз сиёсатини бир оз юмшатишга, уларга умумий авф эълон қилиб, халққа ён беришга ваъда қилганди. Бироқ, Туркистон совет ҳокимиятига қарши кучлар халқасида қолганида, яъни 1919 йил баҳори ва ёзидаги шароитда қабул қилинган бу қарорлар халққа ёйилиб, Россияга йўл очилиши, ўлкага марказнинг ваколатли комиссияси Турккомиссия келиши билан бекор қилиниб, террор ва зўрлик авжга чиқди. Ҳаттоки, М.В.Фрунзе совет ҳокимиятига қарши кучларнинг оила аъзолари ва қариндошларини гаровга олиш усулларини жорий этди. Қизил армия қўмондонлиги “босмачилар” деб қораланган бу кучларга қарши махсус кураш тактикасини ишлаб чиққанлиги уларнинг “мол-мулкини талайдиган қароқчи” эмас, аниқ мақсадли, жиддий сиёсий рақиб, мунтазам ҳарбий мухолифат, Туркистонда совет ҳокимиятига қарши катта қаршилик кучи бўлганлигидан далолат берарди. Дарҳақиқат, советларга қарши озодлик жанглари тобора мунтазам, ташкилий тус олиб борарди. Бу миллий кучлар фронтнинг ўз қўмондони , таркиби тузилмалари, ўнлаб қўрбошилари ва уларнинг қароргоҳи бўлган. Уларнинг қурултойларида харакат режалари белгиланарди. Бироқ моддий ва ҳарбий таъминот мунтазам ҳамда аниқ эмас эди. Улар баҳор, ёзда авжга миниб, қишда сусаярди. Улар партизанлик усулида тўсатдан ҳужум қилиш тактикасини қўллардилар. Бу фронтда кичик 250-500 кишилик гуруҳлар билан бирга, бир неча минг аскарлардан иборат катта гуруҳлар ҳам бўлган.

Хорижий манбаларда уларнинг сони 150.000-200.000 кишига етганлиги, совет манбаларида ҳам фақат Фарғона водийсининг ўзида 70 мингтача қўшин бўлганлиги қайд этилади. Ниҳоятда оғир таъқиб, қувғин, озиқ-овқат етишмовчилиги шароитида бу фронтда ҳам кучли интизомни таъминлаш имкони бўлмаганлиги сабаб улар орасида баъзан талончилар учраб турарди. Доимий қувғинда, баъзан тоғу-тошларда, уй-жойсиз, ярим оч, ярим яланғоч кишиларнинг баъзан тинч аҳолининг мол-ҳоли, ем-хашак ва отини олиб кетилишини улар “шароит тақозоси” деб кўрсатсалар-да, тўғрида-тўғри талончилик ҳолларини сира оқлаб бўлмас эди. Урушлар, инқирозли аҳвол, анархия шароитида бундай холатлар авж олиши ҳар бир мамлакат тарихида учраб туради. Туркистон халқларининг миллий ҳаракати, совет хокимиятининг талончилигига, адолатсизлигига қарши қаратилган миллий қўзғалон деб, тез- тез эътироф этиб туриларди. Айнан шундай талончилик қизил армия таркибида оммавий ва мунтазам тус олган бўлса-да, улар хас-пўшланарди, ора-чора учраб турган маҳаллий талончилар ҳужуми эса бўртирилиб, асоссиз равишда умумлаштириларди, бунинг заминида сиёсий мақсадлар ётарди, албатта. 1920 йил 10 майда меҳнат ва мудофаа совети Туркфронт қўмондони М.Фрунзе буйруғи асосида қизил армияга рус бўлмаган миллатларни чақириш ҳақида қарор қабул қилади, бироқ маҳаллий аҳоли қизил қўшини эмас, маҳаллий фронт сафларини тўлдириб борарди. Уруш, оғир иқтисодий қийинчиликлар шароитида совет ҳукумати армияни иссиқ кийим-бош, оёқ кийими ва бошқа зарурий эҳтиёж буюмлари билан таъминлашни халқ ҳисобидан амалга оширишга ҳаракат қилади. 1922 йил 20 мартда Туркистонда қизил армияга ёрдам ҳафтаси эълон қилинади, ундан кейин ёрдам ойи уюштирилади. Натижада халқдан 3 минг аршин мовут, 8000 жуфт оёқ кийим ва бошқа турли буюмлар, 27000 уст-бош ундирилади. Бундай ҳолат доимий равишда такрорланиб турилган. Армиядаги носоғлом муҳит, сиёсий беқарорлик кайфияти ҳукм сурар, ҳарбий

тайёргарлик етишмас, аскарлар аксарияти тасодифий кишилардан иборат эди. Бу ҳол армияни узоққа бормаслигини кўрсатиб турарди, шунинг учун ҳукумат армияда сиёсий-ғоявий тарғиботга зўр берди, армияга 1922 йилда кўплаб коммунистлар сафарбар этилди. Большевиклар ҳукумати нафақат Туркистонда, балки хонликларда ҳам маҳаллий халқлар билан ҳисоблашмади. Гарчи, Бухоро амирлигини мустақиллиги тан олинса-да, амалда совет ҳокимияти “инқилобни экспорт қилиш” сиёсатни олиб борди. Айниқса, 1918 йил мартда Туркистондаги совет ҳукумати раҳбарларидан бири Халқ комиссарлар Советнинг раиси Ф.И.Колесов бошчилигида Бухоро амирлигига уюштирилган ҳарбий ҳужумдан сўнг амир қуролли кучларга алоҳида эътибор қаратди. Ўша давр замондоши Муҳаммад Али Балжувонийнинг ёзишича, амир қўшин сонини қисқа фурсатда 50.000 кишига етказган. Шулардан 20.000 киши асосан ҳокимлик, бекликлар, шаҳарлар муҳофазаси билан банд бўлганлар. Амир Ашхобод чўлларига 50 нафар аскар юбориб, Англиядан европача пулемёт ва милтиқлар сотиб олиб келтиради. Бундан ташқари амир биринчи Жаҳон урушида асирликка олиниб келиб қолган бир гуруҳ австриялик аскарларга ойлик тўлаб, тўп, милтиқ, ўқ ишлаб чиқарадиган фабрикани ишга туширади. Натижада қисқа фурсатда амирлик қўшинидаги тўплар сони 600 тага етади, анча-мунча европача снарядлар тайёрланади. Афғонистон билан ўзаро алоқалар йўлга қўйилгач, у ердан Бухорога олтита фил ва 200 та аскар юборади. Амирнинг тайёргарлиги жиддий бўлишига қарамай, большевикларнинг 1920 йилдаги ҳаво ва қуруқлик орқали уюштирган шиддатли ҳужумларида ғалаба қозона олмади. Бухоро амирлиги қизил армия томонидан ишғол қилинди. Бунга қадар Хива хонлиги ҳам ағдарилиб, у ерда ҳам большевиклар ғалаба қозонган эди. Бироқ ҳали Туркистондаги ўзига қарши фронтни тугата олмаган қизил армия Бухоро ва Хоразм Халқ Совет Республикаларида ҳам кучли мухолифатга дуч келди. Ҳар уч республикадаги маҳаллий кучлар билан курашлар 1924 йилнинг охиригача шиддат билан давом этади.1924

йилда ўтказилган миллий-ҳудудий чегараланиш бу курашларни енгишда жуда қўл келди.

Фойдаланилган адабиётлар: 1.Каримов И. Миллий армиямиз мустақиллигимизнинг, тинч ва осойишта ҳаётимизнинг мустаҳкам кафолатидир. Тошкент 2003 й. 2.Каримов И. Армия-давлат таянчи ва тинчлик кафолати. Тошкент 2005 й. 3.Разин Е.А. История военного искусства. Т-1-3. Москва 1955-1961 гг. 4.Дельбрюк. История военного искусства. Т-3. Москва 1983 г. 5.Военного дело древного и средневекового населения северной и центральной Азии. (Сб науч трудов) Новосибирск 1990 г. 6.Абулғозий Шажарайи турк. Тошкент 1999 й. 7.Дадабоев Х. Амир Темурнинг ҳарбий маҳорати. Тошкент 1996 й.

O'xshashlar

Ўрта Осиёда қурол яроғлар эволюцияси

Бухоро хонлигида ҳарбий бошқарув ва қўшин тузилиши

Хива Хонлигида ҳарбий бошқарув ва қўшин тузилиши

Амир Темур ва темурийлар даврида ҳарбий санъат ривожи

Чақириққача тайёргарлик бўйича кириш дарсларининг ўтилиши услуби