Экстракторлар Адсорберлар, микробли синтез маҳсулотининг концентрланиши ва тозаланиши - Biotexnologiya - Referatlar

Экстракторлар Адсорберлар, микробли синтез маҳсулотининг концентрланиши ва тозаланиши

Yuklangan vaqt:

20.09.2019

Ko'chirishlar soni:

0

Hajmi:

795.5 KB

Ko'chirib olish

Экстракторлар Адсорберлар, микробли синтез маҳсулотининг концентрланиши ва тозаланиши Режа: 1. Экстракторлар. Умумий маълумотлар. Экстракторларнинг тузилиши. 2. Адсорберлар. Умумий маълумотлар. Адсорберларнинг тузилиши ва ишлаш принципи. 3. Микробли синтез маҳсулотларини концентрлаш ва тозалаш учун мўлжалланган мембранали аппаратлар .

1. Экстрагирлаш – бу танловчи экстрагентлар ёрдамида қаттиқ ёки суюқ моддалар аралашмаларини ажратиш жараёни. Микробиологик ишлаб чиқаришда экстрагирлаш орқали ферментлар замбуруғ ва бактерияларнинг юзаки культуралиридан сув ёки туз эритмалари билан, микроблиёғ эса ачитқи биомассасидан учувчан эритувчилар билан ажратиб олинади. Ўсимлик хомашёсидан гидролизаторларни олиш жараёни полисахаридларнинг гидролиздан кейин моносахаридларни кислота эритмаси билан қаттиқ фазадан экстрагирлашга ҳам боғлиқ. Экстрагирлаш орқали фермент препаратлари олинганда, балласт моддалардан 70-75% га халос бўлишга ҳамда ферментнинг қуруқ моддаларга нисбатан миқдорини тахминан 3 мартага оширишга эришилади.Микробли ёғ ва углеводородларни экстрагирлашда қолдиқ углеводородларнинг регламентланган миқдорига эга бўлган оқсил – витаминли концентратлар ва техник микробли ёғ олинади. Қаттиқ фазадан эктрагирлаш жараёнининг моҳияти молекуляр диффузия орқали заррачалар ичидан ташқи юзасига ҳамда конвектив диффузия орқали чегаравий қатламдан эктрагент ичига ўтказишдан иборат. Экстрагирлаш жараёни Фикнинг I қонунига бўйсунади, ва экстрагирланган моддаларнинг миқдорини қуйидаги тенгламадан аниқлаш мумкин:  c C KF Q   Q – экстрагирланган моддалар миқдори, кг; К – диффузия коэффициенти, м 2 /сек.; F – ишлов бериладиган заррачаларнинг умумий юзаси, м 2 ; С – экстрагир ланаётган моддаларнинг заррачадаги ўртача концентрацияси, кг/м 3 ;

с – экстрагирланаётган моддаларнинг заррача сиртқи қатламидаги ўртача концентрацияси, кг/м 3 ; τ – экстрагирлаш давомийлиги, сек. - заррача қалинлиги, м. Ферментлар ёки микробли ёғ экстракциясида қарши оқим принципи бўйича кетма-кет узлуксиз тортиб чиқаришнинг илғор усулидан фойдаланилади. Ушбу усулда бошланғич экстрагент энг кўп ишлов берилган материалга, экстрагирланаётган модданинг юқори миқдорига эга экстрагент эса эндигина юкланган материалга етказилади. Кетма-кет тортиб чиқариш усулидан фермент саноатида Роберт типидаги узлуксиз ишлайдиган диффузион қурилмаларда фойдаланилади. Одатда батареяда 8 та унификация қилинган диффузорлар жойлашади. Диффузиянинг умумий вақти 6 с, диффузорни ишлашга тайёрлаш давомийлиги, культурани юклаб тушириш ва юклашни ҳисобга олган ҳолда, таҳминан 30-45 мин. ни ташкил қилади. 1 т қуруқ культурадан таркибида 15% гача қуруқ моддаларни ва тахминан 0,1% ферментларни тутган 2,3-3,5 т экстракт олинади. Экстракция жараёнларининг автоматизациясига эга, узлуксиз ишлайдиган юқори унумли аппаратларга шнекли, ротацион-камерали ва бошқалар киради. 1-расмда (Бортников, 212 б., 6.15 расм) ЭТШВ-600 типидаги узлуксиз ишлайдиган вертикал шнекли экстрактор берилган. Экстракторнинг қаттиқ фаза бўйича унумдорлиги 300 кг/с ни ташкил қилади. Экстрактор юклаш колоннаси, горизонтал шнек ва вертикал экстракцион колоннадан иборат. Экстрактор колонналарининг қопқоқларидан шнек валларининг чиқиш жойларида эритувчи ёки мицелланинг оқиб чиқишини олдини оладиган сальниклар ўрнатилган. Бошланғич материал юкланиш колоннасига

юклатилади ҳамда вертикал ва горизонтал шнеклар билан экстракцион колоннасига узатилади ва у ерда юклаб тушириладиган 1-расм. ЭТШВ-600 типдаги шнекли экстрактор: 1,8 – юритмалар; 2,7 – муфталар; 3,11 – конвейерлар; 4,9, 10 – шнеклар; 5 – юкловчи колоннанинг корпуси; 6, 14 – подшипниклар устунлари; 12 – экстракцион колоннанинг корпуси; 13 – сальниклар.

қурилмага томон юқорига кўтарилади. Экстрагент экстракцион колоннанинг юқори қисмига узатилади ва у бўйлаб пастга ҳаракатланади. Горизонтал шнек ва юкланиш колоннасидан ўтиб, экстрагент экстрагирланган моддалар билан бирга экстрактдан турли қисм орқали чиқарилади. Узлуксиз ишлайдиган шнекли колоннали экстракторнинг ишлов берилаётган материал бўйича унумдорлиги (кг/с):  Sn D K Q ю 4 60 2  , бунда: К ю – 0,7-0,6 – юкланиш колоннаси сиқилган бурамининг тўлдирилиш коэффициенти; D – шнек диаметри, м; S – юкланиш колоннаси қабул қилувчи биринчи ўрамининг қадами, м; n - шнек айланишининг частотаси, мин. -1 ; ρ – экстрагирланаётган материалнинг зичлиги, кг/м 3 . Микробиологик саноатда ачитқиларни нефть парафинларидан экстракцион тозалаш учун Англия «Роуздаунс» фирмасининг биомасса бўйича 115 т/сут. унумдорликка мўлжалланган, узлуксиз ишлайдиган қурилмаси қўлланилади. Қурилма ўз ичига роторли экстрактор (2-расм), биомассани экстракцияга тайёрлаш ва эритувчи регенерацияси учун қурилмани олади. Роторли экстракторнинг асосий тугунларидан бири бўлиб вертикал ўқ атрофида айланадиган ячейкалар ҳисобланади. Эритувчи буғларининг оқиб кетишини олдини олиш мақсадида шнекли конвейерда пробка типидаги зичланиш ҳосил қилинади. Юқоридан ячейкаларга насос

билан тақсимловчи қурилмалар орқали узлуксиз равишда экстрагент узатилиб, у материал қатламидан ўтгандан кейин турли туб қисми орқали қабул қилувчи идишларга оқизиб юборилади. Хомашёнинг устида доимий ҳолда экстрагент қатлами жойлашади. Ячейкалар устида бир нечта қабул қилувчи идиш бўлади. Шу туфайли ҳар бир идишда экстрагирланаётган моддаларнинг ҳар хил концентрациясига эга бўлган эритувчи йиғилади. Экстрактив моддаларга эга бўлмаган эритувчи ячейкаларга материал юклаю туширилгандан кейин узатилади. Бу ячейкалардан саралаб олинган экстрагент кейинги ячейкаларга узатилади ва ҳ.к. Эндигина юкланган материалга экстрагирланаётган моддаларнинг энг кўп миқдорига эга бўлган эритувчи узатилади. Шу туфайли экстракторда қарши оқим ҳосил бўлади. 2-расм. «Роуздаунс» фирмасининг узлуксиз ишлайдиган роторли экстрактор:

1 – юклатиш конвейери; 2 – роторнинг вали; 3 – сўрувчи қурилма; 4 – кўриш ойнаси; 5 – очиладиган тагнинг тушириш механизми; 6 – чиқариш конвейери; 7 – очиладиган таг; 8 – насос; 9 – ўзи тозаланадиган элак;10 - мисцелла тарқатгич. Ячейкалардаги суюқлик унинг насослар билан пастдаги идишлардан узлуксиз олиниши ва юқоридан ячейкаларга берилиши туфайли узлуксиз равишда циркуляция қилади. Бу турғун зоналарнинг ҳосил бўлишини истисно қилади ва мицеллани майда заррачалардан тозалашга имкон беради. Бойитилган мицелла техник биоёғни олиш ҳамда эритувчининг регенерацияси учун буғланишдан берилади. Экстрагирланган материал ячейка туб қисмининг туширилишида юклатиб олшинади ва ундан эритувчининг олиб ташланиши учун десольваторга йўналтирилади. 2. Адсорбция деганда, қаттиқ бирикма – адсорбент билан суюқлик ёки газдан компонентларнинг ютилиш жараёни тушунилади. Адсорбция усули микробиологик саноатда чегараланган ҳолда қўлланилади ва, асосан, юқори тозаланган ва иммобилланган ферментларнинг кристаллик аминокислоталарини олишда ишлатилади. Ферментларни аралашмадан ажратиб олишда ва иммобилланган ферментларни олишда адсорбентлар сифатида органик сорбентлар – крахмал, целлюлоза, синтетик ва силикагель ва бошқалар қўлланилади. Культурал суюқликдан аминокислоталарни ажратиб олишда синтетик органик ионитлардан фойдаланилади. Юқори тозаликка эга суюқ парафинларни ишлаб чиқаришда синтетик молекуляр элаклар ишлатилади. Адсорбциядан кейин, мақсадга мувофиқ маҳсулотларни олиш ва адсорбент регенерацияси мақсадида, ютилган компонентлар кўп ҳолларда адсорбентлардан кислота,

туз ва ишқор эритмалари, органик эритувчилар ва буғ билан чиқариб ташланади. Адсорбцияланган компонентларнинг чиқариб ташланиши жараёни десорбция деб аталади. Адсорбция жараёнлари ҳаракатсиз ёки ҳаракатланадиган адсорбент қатлами билан даврий ёки узлуксиз равишда ишлайдиган апппаратларда кечади. Қайнаётган қатламга эга адсорбентлар перспектив бўлиб ҳисобланади. Микробиологик ишлаб чиқаришда асосан адсорбентнинг ҳаракатсиз қатламига эга даврий равишда ишлайдиган адсорберлар қўлланилади. 3-расмда культурал суюқликдан аминокислоталарни ажратиб олиш учун мўлжалланган вертикал адсорбер (ионалмашинувчи) тузилиши берилган. Колонна ичида турли қисм мавжуд бўлиб, у етказилаётган суюқ фазанинг бир текисда тақсимланиши ва колоннадан адсорбентнинг олиб кетилишини олдини олиш учун хизмат қилади. Адсорбентни юклаш ва юклатиб тушириш, ҳамда адсорберни текшириш ва таъмирлаш учун люклар хизмат қилади. Суюқ фазани узатиш ва олиб кетиш учун колоннанинг юқори ва пастки қисмларида штуцерлар мавжуд бўлади.

3-расм. Ионалмаштиргич: 1 – корпус; 2 – қапқоқ; 3 – перфорланган тарелкали плита. Адсорбернинг иши қуйидагидан иборат: Биомассадан ажратиб олингандан кейин культурал суюқлик колоннага етказилади, аминокислота ионит қаватидан ўтганда смола томонидан адсорбцияланади, бирга келадиган қўшимчалар эса, колоннадан ишлов берилган культурал суюқлик билан бирга чиқариб юборилади. Смола аминокислота билан тўйинганидан сўнг культурал суюқликнинг етказилиши тўхтатилади ва смола сув билан ювилади. Шундан сўнг бир вақтда смоланинг регенерацияси билан бирга аминокислота аммиакнинг сувли эритмаси билан десорбцияланади. Сув билан ювилганидан кейин

адсорбентни қайта ишлатиш мумкин бўлади. Олинган аминокислота эритмаси кейинги ишловга етказилади. 3. Фермент, антибиотик, витамин, аминокилоталар ва микробли синтез бошқа масулотларининг юқори тозаланган препаратларини олиш буғлатиш, экстракция, чўктириш, ион алмашиниш ва бошқа усуллар ёрдамида уларни қўшимчалардан тозалаш ҳамда концентрлаш билан боғлиқ. Бунда температура таъсирида ва суюқ фазанинг физик-кимёвий ўзгаришлари натижасида охирги олинадиган масулотларнинг биологик активлиги ва препаратларнинг сифати пасаяди. Аралашмаларни ажратишнинг мембранали усуллари охирги олинадиган масулотларни кичик йўқотишлар билан юқори эффективликда ва минимал сарфланишлар билан тозалаш ва концентрациялашга имкон беради. Аралашмаларни ажратишнинг мембранали усулларига тескари осмос, ультрафильтрация, диализ,электродиализ киради. Ферментларни ишлаб чиқаришда ультрафильтрация усулиининг қўлланилиши чуқурликдаги культуранинг культурал суюқлигидан ёки юзаки культуранинг фильтратидан ферментлар билан бирга келадиган паст молекуляр компонентларнинг юқори миқдорини ажратиб олишга имкон беради. Бунда ферментлар 50-100 мартага қуюқлашади ва таркибида 45% гача қуруқ моддаларни тутган сироп ҳосил бўлади. Молекулаларининг ўлчамлари эритувчи молекулалари билан бир хил бўлган электролитлар, ўртани ва паст молекуляр органик моддалар эритмаларини ажратиш билан боғлиқ бўлган жараёнлар тескари осмос деб аталади. Тескари осмос усулининг принципи 4-расмда берилган

4-расм. Тескари осмос жараёнининг схемаси: а - осмос; б – мувозанат; в,г – тескари осмос; 1 – яримўтказгич мембрана Агар у орқали фақат сув молекулалари диффузияланадиган ва эриган паст молекуляр моддалар ўтмайдиган ярим ўтказувчи мембрана билан иккига ажратилган идишнинг бир томонига тоза сув, иккинчисига эса эритма (4а- расм) жойлаштирилса, унда идишнинг икала қисмига бир хим босим таъсир этганда, сув мембрана орқали эритмага диффузияланади. Ушбу осмос ҳодисаси (эритувчининг мембрана орқали эритмага ихтиёрий равишда ўтиш) Н эритма суюқлик устунининг маълум босимида (4б-расм) тўхтайди, бу босим осмотик деб аталади. Эритма устида осмотик босимдан юқори бўлган Р босим ҳосил қилинганда, эритувчи мембрана орқали тескари йўналишда ўтади (4в-расм) ва бу ҳодиса тескари осмос деб аталади. Тескари осмос усулининг қўлланилиши эриган компонентларни концентрлашга имкон беради (4г-расм). Эриган моддалар концентрациясининг ошиши билан осмотик босим кўтарилади ва паст молекуляр моддалар учун бир неча ўнлаб мегапаскальдан иборат бўлиши мумкин. Шунинг учун тескари осмос 5 МПа дан юқори бўлган босимларда ўтказадиган мембраналар ишлатилади. Ультрафильтрация – молекулалари диаметри эритувчи молекулалари диаметридан 10 дан кўп марта каттароқ бўлган эриган моддалар ва коллоид заррачаларни ажратиш жараенидир. Ультрафильтрацияда сув ва паст

молекуляр моддаларни ўтказувчи мембраналар ишлатилади. Ушбу усул юқори молекуляр бирикмалар, масалан ферментларни тозалаш ва концентрлашда энг самарали бўлиб ҳисобланади. Юқори молекуляр бирикмаларнинг эритмалари паст осмотик босимга эга, шунинг учун ультрафильтрация жарайнлари 0,6 МПа дан паст босимларда кечади.

O'xshashlar

Жараёнларнинг асосий турлари ва уларнинг қонуниятлари. Биотехнологиянинг ҳозирги даврдаги аҳамияти

Суюқ муҳитларни сақлаш учун сиғимли қурилма

Атроф-муҳитни муҳофаза қилишда ўсимлик ва микроорганизмларнинг роли

Биотехнологиянинг объектлари. Микроорганизмлар ва улар ёрдамида фойдали моддаларни олиниши

Биотехнологиянинг ривожланаётган янги сохалари