Микроорганизмларда моддалар алмашинуви - Biologiya - Referatlar

Микроорганизмларда моддалар алмашинуви

Yuklangan vaqt:

20.09.2019

Ko'chirishlar soni:

0

Hajmi:

56.5 KB

Ko'chirib olish

Микроорганизмларда моддалар алмашинуви Режа: 1. Катаболизм ва биосинтез тушунчаси. 2. Микроорганизмларни озиқ моддаларга бўлган талаби. 3. Микроорганизмларни озиқланиш типлари 4. Микроорганизмларни нафас олиши 5. Микроорганизмларда модда алмашинувида ферментларнинг роли 6. Ферментлар классификацияси 7. Микроорганизмлар ҳужайраларида энергия йигилиши 8. Хулосалар

Катабализм ва биосинтез тушунчаси. Микроорганизмлар ҳужайраси ичига кирган озуқа моддалар турли-туман химиявий реакциялар қатнашадилар. Бу жараёнларни умумий битта сўз билан метоболизм яъни моддалар алмашинуви деймиз. Метоболизм ҳаётий муҳим икки жараёндан катаболизм ва биосинтездан иборат. (Олдинлари диссимиляция, ассимиляция дейилган). Катаболизм – озуқа моддалари углеводлар, ёглар, оқсиллар оксидланиш натижасида парчаланиш ва энергия ажралиб чиқиши жараёнларидир. Микроорганизмларда катаболик жараёнлар икки йўл билан аэроб нафас олиш ва бижгиш билан бўлади. Аэроб нафас олишда озуқа моддаларининг тўлиқ парчаланиши (карбонат ангидрид ва сувгача) ва кўп миқдорда энергия ҳосил бўлади ва энергияга бой моддалар (этил спирти, сут кислота, мой кислота ва бошқа ҳаётий зарур кислоталар) ҳосил бўлади. Ажралиб чиқаётган энергия АТФ молекуласида йигилади. Биосинтез – ҳужайрада НК, оқсил полисахаридлар каби макромолекулярлар моддаларнинг ҳосил бўлиш жараёнидир. Бу жараён энергия ўзлаштириш билан содир бўлади. Энергия АТФ шаклида ўзлаштирилади. АТФ эса фотосинтез, хемосинтез, нафас олиш, бижгиш жараёнларида ҳосил бўлади. Бу икки жараён бир вақтда содир бўлади. Кўпчилик оралиқ махсулотлар катаболизмда ҳам биосинтезда ҳам иштирок этадилар. Микроорганизмларни озуқа моддаларга бўлган талаби. Бу талабни микроорганизмлар ҳужайраси таркибидаги элементлардан ва шу микроорганизмлар фаолияти давомида иштирок этадиган жараёнлардан келиб чиққан ҳолда баҳолаш мақсадга мувофиқдир. Микроб ҳужайрасининг асосий қисми (80-90% умумий массадан) сувдир. қуруқ моддаси умумий огирликда углерод –50%; кислород –20%; азот – 14%; водород – 8%; фосфор – 3%; магний – 0,5%; темир – 0,2%; бошқа элементлар – 0,3% ни ташкил этади.

Углерод ҳамма органик бирикмалар таркибига киради. Кўпчилик микроорганизмлар углеродни органик бирикмалар таркибидан, қисман оксидланган (СНОН, СН 2 ОН, СОН) шакллардагисидан ўзлаштирадилар. Фотосинтезловчи ва хемосинтезловчи микроорганизмлар эса углеродни СО 2 ҳолатда ўзлаштирадилар. Ҳужайрада углерод оксидланиб –СО ва –СООН ҳолатга ўтиб, кейин СО 2 ҳосил қилса, қайтарилган углерод –СН 2 ва СН ҳолатларда аминокислоталар ва ёг кислоталари ҳосил бўлишига сарфланади. Азот микроблар учун аминогруппа ҳосил қилиши пурин, примидин асослар, аминокислоталар, НК ва бошқа ҳаётий зарур моддалар синтези учун зарурдир. Олтингугурт ҳам азотга каби оқсиллар синтези учун зарур, ҳужайранинг асосий элементидир. Фосфор жуда ҳаётий бирикмалар, АК фосфолипидлар, коферментлар, АТФ, АДФ таркибига киради. Бу моддаларсиз микроблар ҳаёти йўқ. Калий микроорганизмларга углевод алмашинувида аҳамиятли. Магний бактериохлорофилл таркибидаги асосий металл, кальций баъзи бактериялар (азотобактерия, клостридиум пастеурианит каби) ўсиши учун зарурдир. Темир алмашинмайдиган озуқа элемент бўлиб, у нафас олиш ферментлари таркибига киради. Шунингдек юқоридагилардан ташқари микроорганизмлар учун микроэлементлар ҳам зарурдир. Микроорганизмларнинг озикланиш типлари. Микроорганизмларнинг озиқланиши энергия ва углерод мансабига қараб автотраф ва гетератроф озиқланишига ажратиш мумкин. Автореф озиқланиш ҳам фоторедукция (чала фотосинтез) ва хемосинтез йўллари билан содир бўлади. Фоторедукция энергия манбаи қуёш нури, углерод манбаи карбонат ангидрид гази, водород манбаи N 2 S NH 3 ва баъзи ҳолларда сув блиши мумкин. Масалан: олтингугурт бактериялари, қизил (пурпур) олтингугурт бактериялари, яшил олтингугурт бактериялари шу йўл билан ўзлари органик модда ҳосил қилиб озиқланадилар. Хемосинтезда ҳам ўзлари органик модда ҳосил қиладилар. Бу жараёнда углерод манбаи карбонат ангидрид, водород

манбаи таркибида водород тутувчи Н 2 S NH 3 га ўхшаш моддалар, энергия манбаи химиявий реакциялардан ажралиб чиққан энергиядир. Гетеротроф – озиқланишда углерод, водород, энергия манбаларининг ҳаммаси органик модда ҳисобланади. Бу ҳолдаги озиқланиш симбиоз, паразитизм ва сапрофит йўллари билан содир бўлади. Микроорганизмлар нафас олиши. Нафас олиш оксидланиш - қайтариш жараёни бўлиб, бунда АТФ синтези содир бўлади. Агар нафас олиш кислородли муҳитда борса ва электронлар охирги акцептори кислород бўлса бундай нафас олиш аэроб нафас олишдир. Кўпилик микроорганизмларда электронларнинг охирги акцептори кислород бўлмасдан нитратлар, сульфатлар, карбонатлар каби анорганик моддалар бўлади. Бундай микроорганизмларда оксидланиш - қайтариш кислородсиз муҳитда ҳам содир бўлавермайди, бу ходиса анаэроб нафас олишдир. Аэроб нафас олишда биринчи фазасида тикарбон кислоталари цикли (Кербс цикли) содир бўлади, иккинчи фазасида водороднинг кислород томондан оксидланиши ва АТФ синтези содир бўлади ва охирги махсулот СО 2 сув бўлади. (биохимияда тўлиқ ўрганилади) Анаэроб нафас олишда кўпчилик микроорганизмлар органик ёки анорганик моддалар оксидланишда молекуляр кислроддан эмас оксидланган моддаларга богланган кислороддан фойдаланилмоқда. Чунки улар юқорида айтганимиздек электроннинг охирги акцептори сифатида анорганик бирикмалардан фойдаланадилар. Шунинг натижасида моддаларнинг тўлиқ оксидланишини таъминлайдилар ва керакли миқдорда энергия ҳосил қила оладилар. Анаэроб нафас олишни нитратлар ҳисобига содир этадиган микроорганизмлар факультатив анаэроблардир. Демак, нафас олишга қараб микробларни аэроб, анаэроб, факультатив анаэробларга ажратиш мумкин экан. Микроорганизмларда моддалар алмашинувида ферментларнинг роли. Алмашинувининг (озиқланиш, нафас олиш ва х.зо) ҳамма

кўринишларида химиявий реакциялар содир бўлади. Булар эса биокатализаторсиз амалга ошмайди. Ферментлар минглаб реакцияларни катализаторсиз амалга ошмайди. Ферментлар минглаб реакцияларни катализлайдилар, ва молекуляр массаси 10000 дан бир қанча миллионгача етган оқсил моддалардан ташкил топадилар. Ферментлар классификацияси. Уларни Халқаро биохимиклар иттифоқи ферментлар комиссияси томонидан 6та асосий синфга ажратган. 1. Оксидоредуктазалар (оксидланиш-қайтарилиш реакцияларни катализловчи ферментлар) 2. Трансферазалар (бир бирикмадан иккинчисига алоҳида радикаллар, молекуланинг бир қисмини ёки яхлит атомлар гуруҳини ўтказишни катализловчи ферментлар). 3. Гидролазалар (сув иштрокида оқсил ёг, углеводлар каби мураккаб моддаларнинг парчаланишини катализловчи ферментлар. 4. Лиазалар (субстратда қўш бог ҳосил қилиб маълум химиявий группаларни ажралишини ёки қўш боққа бирикишини катализловчи ферментлар). 6. Лигазалар (оддий органик бирикмалардан мураккаб бирикмалар синтезини катализловчи ферментлар). Ферментларни жуда кўп хусусиятлари мавжуддир. Бундай хусусиятларига спецификлиги, термолабиллиги, рН муҳитга муносабати ва х.з.лар киради. Бу хоссаларини биохимияда тўлиқ ўрганилади. Микроорганизмлар ҳужайраларини кичик бўлишига қарамасдан, улар хилма хил ферментларни синтезлай оладилар. Одатда ферментлар микроблар ҳужайраси ичидаги реакцияларини катализлайдилар ва ҳужайра ичида бўладилар. Бундай ферментларни эндоферментлар дейилади. Баъзи ферментлар микроблар ҳужайрасидан ташқи муҳитга чиқадилар, бундай ферментлар экзоферментлар дейилади.

Микроорганизмлар ҳужайрасида энергия йигилиши. Микроорганизмлар ҳужайрасида энергия йигилиши ҳам бошқа тирик организмлардагидек макроэргик богларда мужассамланган. Макроэргик богларнинг гидролитик парчаланиши билан энергия ажралиб чиқади ва бошқа босинтетик жараёнларга сарфланади. Энергияни йигувчи ва ўтказувчи модда сифатида ҳужайрадаги аденазинтрифосфат (АТФ), аденозиндифосфат (АДФ), цитозинтрифосфат (ЦТФ), уридинтрифосфат (УТФ), гуанизинтрифосфат (ГТФ), креатинфосфат, ацетилфосфат ва х.к.моддаларни келтириш мумкин. АТФ ёки бошқа макроэргик богларни мақловчи моддаларнинг охирги фосфати ажралишида 3,4-10 4 – 5,0-10 4 Дж энергия ажралади. Одатдаги химиявий боглар ажралишида эса 1,3-10 4 Дж энергия ажралади. Шунинг учун ҳам юқоридаги моддаларни макроэргик богларни сакловчилар деймиз. Шу моддалар ҳисобига ҳужайрада энергия тўпланади, сарфланади ва биохимиявий жараёнлар боришда жуда катта рол ўйнайди. Микроорганизларнинг озиқланиши . Кўпчилак микроорганизмларнинг бир ҳужайрали бўлиши улар озиқланишинннг характерли хусусиятини ҳам белгилайди. Озиқ моддаларнинг улар организмига кириши ва ҳаёт фаолияти маҳсулотларининг ажралиб чиқиши танасининг бутун юзаси орқали содир бўлиши мумкин, шунинг учун мазкур процесс жуда тез боради, бу эса ташқи муҳит билан ҳужайра ўртасидаги моддалар алмашинувининг тез боришини таъминлайди. Бу алмашинув иккита асосий процессдан: 1) ташқи муҳитдан ўсиш учун зарур бўлган озиқ моддаларни олиш ва улардан ҳужайранинг янги таркибий қисмини синтезлаш; 2) ҳаёт фаолиятининг сўнгги маҳсулотларини ташқи муҳитга чиқаришдан иборат. Бу процессларнинг биринчиси одатда озиқланиш деб аталади. Микроорганизмлар танасига озиқ моддалар бутун тана юзаси орқали диффузияланиш ёки адсорбланиш йўли билан киради. Бу процессларнинг тезлигига турли факторлар катта таъсир кўрсатади. Булардан хужайра ва унинг атрофидаги озиқ моддалар концентрациясининг ҳар хиллиги ҳамда плазма пўстининг бу моддаларнинг ўтказиш ва уларнинг хужайра

протоплазмасида мураккаб биохимиявий ўзгаришларга учраш қобилияти айниқса катта аҳамиятга эга. Ўсиш процессида ҳосил бўлган тирик протоплазманинг тузилиши учун микроорганизмлар ташқи муҳитдан жуда кўп озиқ моддалар олиши керак. Бу озиқ моддалар маълум миқдорий нисбатда ва муайян сифатли ёки, аниқроғи, аниқ химиявий структурали бўлиши керак. Микроорганизмларда метаболизм ҳосидисалари . Органик кислоталар группасида ҳам худди юқоридагидек ҳолат кузатилади. Битта карбоксил группали ёғ кислоталар тегишли оксикислоталарга нисбатан, бир асосли кислоталар икки асосли кислоталарга нисбатан бирмунча осон киради ва ҳоказо. Дастлабки вақтларда, ҳатто, минерал тузлар тирик хужайрага кира олмайди, деб ҳисоблар эдилар. Фақат кейинчалик, ишқорий ва ишқорий-ер металларининг тузлари ҳужайрага сезиларли тезликда кириши аниқланди. Бу ҳодисаларни изоҳлаш учун ярим ўтказувчан плазма қобиғи мозаик структурали бўлиши мумкии. Бунга асосан плазманинг пўсти липоид протеин таркибли бўлиб, липоид ва протеин молекулалари бирикмасидан иборат. Бундай ҳолда протеинли юза сув ва унда эриган моддаларни, липоидли юза эса липоидларда эрийдиган моддаларни ўтказади. Шунинг учун пўстнинг ҳар қанча юмшаши, унинг протеин фазасининг ҳар қанча бўртиши плазма пўсти фил трацион ўтказувчанлигининг ортишига сабаб бўлади. Филтрациядан ташқари, ҳужайрага озиқ моддаларнинг киришида алмашинувчи адсорбция жуда муҳим аҳамиятга эга. Микрорганизмлар ҳужайраси юзасининг электр заряди озиқ эритмадаги қарама-қарши зарядли ионларни адсорбилаши аниқлангаи. Муҳит реакцияси бунда жуда муҳим фактор ҳисобланади, чунки заряднинг миқдори ва белгисини кўрсатади. Агар муҳит реакцияси протоплазма коллоид системасинииг изоелектрик нуқтасига нисбатан кислотали бўлса, хужайра юзасининг заряди мусбат, реакция мухити ишқорий бўлганда эса манфий хисобланади.

8 . Хулоса қилиб айтиладиган бўлса микроорганизмларда моддалар алмашинуви кўп қирралик, муракаб жараён бўлиб уларнинг содир бўлишида хилма-хил органик ва анорганик моддалар иштирок этар экан. Уларнинг озиқланишлари ҳам хар-хил содир бўлар экан. Моддалар алмашинуви биологик катализаторлар иштирокида содир бўлиб, бу жараёнларда оддий ва муркаб моддалар ҳосил бўлиши парчаланиши ажралиб чиқиши ва ютилиши каби ходисалар амалга ошиши билан микроорганизмлар тириклик хусусиятларини сақлар эканлар.

O'xshashlar

Моддалар ва энергия алмашинуви

Оксиллар алмашинуви

Липидлар алмашинуви

Углеводлар алмашинуви

Нуклеин кислоталар алмашинуви