Цитологиянинг мазмуни - Biologiya - Referatlar

Цитологиянинг мазмуни

Yuklangan vaqt:

20.09.2019

Ko'chirishlar soni:

0

Hajmi:

73.5 KB

Ko'chirib olish

Ц итологиянинг мазмуни ва унинг тарихи Режа: 1. Кириш. 2. Цитологиянинг мазмуни ва унинг вазифалари. 3. Цитологиянинг кискача ривожланиш тарихи.

Цитология ҳужайраларнинг тараккиёти, тузилиши ва фаолиятини урганади. Цитология сузи (лотинча-cellulla, юнонча-cutos) ҳужайра ҳакидаги (logos-фан) таълимот деган маънони билдиради. Бу фаннинг предмети тирик организмлардаги ҳужайралардир. Хужайра-усимлик ва ҳайвон организмларининг такомиллашиши, ривожланиши, тузилиши ва яшаш жараёнининг асоси булиб ҳисобланади. Тирик организмнинг бутун ҳаёт давомидаги ҳаётий жараёнлар: моддалар алмашинуви, ҳужайраларнинг ҳосил булиб, доимо янгиланиб туриши, ирсий белгиларнинг ижро этилиши, насл колдириши ва организмни ташки мухит билан боглаб туриш ҳужайранинг харакатерли ҳусусиятидир. Цитология фанининг асосий вазифаси -ҳужайранинг тузилиши, функцияси, уларда моддалар алмашинуви ,ривожланиши, купайиши ва келиб чикишини ташки муҳит муносабатига богланган ҳолда урганиш ва самарали ютукларни халк хужалигида тадбик этишдир. Булажак ҳар бир биолог жуда купгина биологик фанларни урганади ва бу фанларнинг ҳаммаси тирик организм хусусиятларни урганадиган фанлар булиб, бу организмларнинг асосий тузилиш бирлиги ҳужайралардир. Шундай экан биз урганадиган цитология ана шу ҳужайралар тугрисида булиб, бу фанлар билан бевосита богликдир. Айникса гистология, эмбриология, анатомия, физиология, биокимё, биофизика, генетика ва молекуляр биологик фанлар билан узвий богликдир Цитология фани ҳам, бошка фанлар каби, табиатнинг объектив конуниятларини урганишда замонавий фалсафа, диалектик тушунча асослари билан боглик ҳолда урганилади. Хужайранинг тараккиётини ва тузилишини урганиш Ч.Дарвиннинг эволюция таълимотига асосланиб олиб борилади. Тирик организмнинг танасини ҳосил килувчи ҳужайралар тарихий тараккиёт натижасида оддийликдан мураккабликка эришган, органик табиат яратган эволюцион жараённинг маҳсули деб каралади.

Хужайра фаолиятини урганиш ташки муҳит билан узвий боглик булган организмнинг бир бутунлиги нуктаи назаридан олиб борилади. Цитологияни урганиш ва цитологик урганиш усулларнинг натижалари тиббиёт, кишлок хужалиги, биотехнология, ген инженерияси ва ветеринария соҳаларида кенг куламда кулланилади. Одам организми ҳам ҳужайралардан тузилган экан, барча физиологик, патологик жараёнларни урганиш цитологик асосда олиб борилади. Масалан, касаликларни аниклашда, ҳар бир ҳужайранинг фаолиятини ҳисобга олиш зарур. Шундай экан бу соҳада цитологик текшурув усуллари ва бу фаннинг ютуклар катта урин тутади. Қишлок хужалик экинлари ва ҳайвонларини урганишда ёки улардан самарали фойдаланишда, янги нав ва зотларини яратишда бевосита ҳужайралардаги жараёнлар асос булиб ҳисобланади.Албатта бу борада генетика ва селекция асослари фанида батафсил тухталинади. Умуман олганда цитология фанининг халк хужалиги тармокларини ривожлантиришдаги аҳамияти каттадир. Шу сабабли ҳам бу фан асосида молекуляр биология, биотехнология, ген инженирияси каби янги фанлар тараккий этмокда. Цитология фани уз олдига куйидаги аник асосий вазифаларни куяди: 1- ҳужайраларнинг ультраструктураси, функцияси ва ривожланиш конуниятларини урганиш; 2-усимлик, ҳайвон ва одам организмининг цитологик тузилишидаги экологик шароитга ва ёшга боглик узгаришларни урганади; 3- ҳужайралардаги морфогенез жараёнларни бошкаришда нерв, эндокрин ва иммун системаларнинг ролини аниклаштиради; 4-турли хил биологик, физик, кимёвий ва бошка омиллар таъсирида тирик организм ҳужайраларнинг мосланишивуни, узгаришларни анализ килади; 5- ҳужайраларнинг дифференцияланиш ва регенерацияси конуниятларини урганади.

ЦИТОЛОГИЯНИНГ ҚИСҚАЧА РИВОЖЛАНИШ ТАРИХИ Хужайранинг урганилиши микроскопнинг кашф этилишига богликдир.Биринчи микроскопни кузойнак устаси Захарий Янсен 1590 йилда ясаган. Маълумки XVII аср бошларида Г.Галилей дастлабки телескоп яратди.1609- 1610 йилларда эса соддарок булса ҳам микроскоп конструкциясини ишлаб чикди. Аммо микроскоп ва уни илмий йуналишда кулаш ҳамон олимлар назаридан четда колаверди. Факат XVII асрнинг урталарига келганда инглиз физиги Роберт Гук (1635-1703) 1665 йилга келиб микроскопни такомиллаштиради ва унда усимликларнинг тузилишини урганади. Ундаги майда катакчаларни куриб, уларга ҳужайра деган ном беради. Микроскоп билан кизикиб колган Марчелло Мальпиги (1628-1694) биринчи булиб ҳайвонлар териси, талоги, буйраги ва бошка органларнинг микроскопик тузилиниши урганади. Натижада у биринчи булиб тасвирлаб берган органларнинг айрим структуралари унинг номи билан аталадиган булди. Масалан, Мальпиги буйрак коптокчалари, Мальпиги кавати, Мальпиги таначаси ва бошкалар шулар жумласидандир. Ботаник олим Неемия Грю (1641-1712) тукималар ҳакида тадкикот ишлари олиб бориб, биринчи марта фанга тукима тушунчасини киритди. Айникса 1677 йилга келганда голландиялик ҳаваскор микроскопчи Антон ван Левингук (1632- 1723) объектни 300 марта катталаштириб курсатадиган микроскоп ихтиро килди. Уша давр учун жуда улкан ихтиро булган бу микроскоп ёрдамида у сув точисидаги микроорганизмларни, уларнинг ҳаракатини кундаланг йулли мускуллар, нерв ва пайлар тузилишини урганиб тасвирлаб беради. Бу ишлар уша замон учун нихоятда кизикарли булишига карамай, илмий нуктаи назардан чукур системага солинмаган эди. Шундай булса ҳам

маълумки, микроскопнинг кашф килиниши ва унинг воситасида тукима ҳамда ҳужайранинг ихтиро этилиши организмнинг микроскопик тузилинишни урганишда келажак олимлари учун кенг йул очиб берди. Чех олими Я.Е.Пуркинье (1787-1869) биринчи булиб тухум ҳужайраларнинг мураккаб тузилишини тасвирлайди ва уругланган ҳужайрани урганади. Матиас Шлейден (1804-1881) 1883 йилда усимлик ҳужайраларнинг пайдо булиши назариясининг яратилишида катта роль уйнайди. 1839 йилда немис зоологи Мюллернинг шогирди Теодор Шванн (1810- 1882) ҳайвон ҳужайраларини урганиб “Хайвон ва усимликлар усиши ва тузилишининг мутаносиблигига доир микроскопик тадкикот” китобини босмадан чикаради. Бу китоб эса ҳужайра назариясини таърифлашга асос булди. Шунинг учун ҳам ҳужайра назариясининг асосчиси Т.Шванн булиб колди. Хужайра назариясининг асосий коидалари ҳозирги кунда куйидагилардан иборат: 1.Хаёт асосан ҳужайра шаклида мавжуд булиб, барча организмлар ҳужайралардан ташкил топган. Хужайра тирик табиатнинг бир булаги ва унга тириклик ҳусусиятларнинг барчаси ҳос булиб, ҳужайра модда алмашиш, купайиш, структуравий ва ирсий элементар бирликдир. 2. Хужайра биологик информация руй берадиган ва бу жараён кайта ишланадиган ҳамда хосил булган энергияни йигувчи, сарф килувчи, бошка хил энергияга айлантирувчи мураккаб тузилмадир. 3. Хаётнинг узвийлиги асосан ҳужайралардандир;ҳужайра умуман ирсиятнинг асосини ташкил этади. 4. Хужайра барча тирик мавжудотларнинг элементар бирлигидир, турли организм ҳужайралари умумий тузилишга эга ва улар булиниб янги ҳужайра ҳосил килади. XIX асрнинг охирларида цитология мустакил фан сифатида ривожлана бошлади.

Хужайра назариясининг ривожланишида 1858 йилда чоп этилган немис потолиги Р.Вирховнинг“Целлюляр потолигия” асари катта урин тутади. Р.Вирхов касаликларни ҳужайралар тузилишининг узгариши билан таърифлади. Бу тадкикот янги таълимот-“ҳужайра потологияси”нинг келиб чикишига асос булди. Унинг“ҳужайра- ҳужайрадан” деган ибораси цитологиянинг ривожланишига туртки булди. Бу эса хозирги вактда ҳужайра- ҳужайранинг булиниши натижасида хосил булади маънони англатади. Р.Вирховнинг ҳужайралардан ташкарида ҳаёт йук деган ибораси кадрини йукотгани йук. Аммо Р.Вирховнинг тушунчалари хатодан холи эмас. У потологик жараён алоҳида ҳужайралар йигиндиси деб тушунтирган, яъни организмнинг умумий богликлигини хисобга олмаган. И.Д.Чистяков (1878)кариконез булишнинг айрим томонларни текширди, лекин тулик таърифлаб беролмади. Кариконез булишининг асосий боскичларини биринчи марта Э.Страсбургер узининг “ҳужайралар хосил булиши ва ҳужайралар булинищи тугрисида ” (1875) номли асарида тула тасвирлаб берди. У ҳужайралар булиниш даврида ядро йуколиб кетмасдан, балки узгариб, натижада иккита киз ядро ҳосил булишини аниклади. Лекин у митоз фазаларининг кетма - кетлигини таърифлаб беролмаган. Хайвон ҳужайралари (соматик) ядроларнинг булиниш процессини киевлик олим П.И.Перемежко томонидан (1878) тритон терисининг эпителийси мисолида урганилди. Бирок у ҳам булиниш жараёнининг кетма- кетлигини аниклай олмади. “Кариконез” термини фанга 1879 йилда В.Шлейхер томонидан киритилди. Кариконез булиниш фазаларининг кетма - кетлигини 1879 йилда В.Флеминг тасвирлаб берди. Хужайралар булинишини Оскар Гертвиг туларок тасвирлаб берди. Гервиг ва Страсбургерлар ядронинг ирсий белгиларини авлоддан- авлодга утишдаги ролини аник таърифлай олмади. Микроскопнинг тараккиёти билан бир каторда ҳужайрани урганиш учун кулай булган усуллар, фиксаторлар ҳам мукаммаллашиб борди.

1850 йилда хром кислотаси, 1865 йилда пикрин кислотаси, формалин ва бошка эритмалар кашф этилди. Шу билан бирга микротом кашф этилиб, тукималардан жуда киска кесмалар тайёрлаб, парафин ва желатинага куйиб урганиш татбик этилди. Айникса 1850 йилларда ҳужайрани кармин гемотоксилин ва ҳар - хил аналин буёклар билан буяш усули цитология фанининг ҳар томонлама урганилишига муҳит тайёрлаб, бу фаннинг ривожланиши учун асос булди. 1876 йилда ҳужайра маркази, 1894 йилда митохондрия ва 1898 йилда эса Гольжи аппарати урганилди. Хайвонларда уругланиш жараёнининг (Гертвиг, 1875; Фоль, 1879 ) ва усимликларда уругланиш жараёнининг (Горажанкин, 1883; Навашин, 1898; Гиньяр, 1899; Страсбургер, 1900) урганилиши ҳужайра таълимотини янада юксалтирди. Бу даврга ҳужайранинг ирсий кобилияти нуктаи назардан урганиш учун шароит яратила бошлади. Цитологлар Флемминг (1882 ) ва Страсбургер (1884) томонидан хромосома аникланди. Вальдейер томонидан “хромосома” термини фанга киритилди. 1903 йилда Сэттон генлар ирсий муҳит - хромосомаларда жой олган деган гипотезани олга сурди. Бу гоя ҳужайрани чукур урганишга, айникса хромосомаларни урганишга туртки булди. Сэттон гоясини америкалик олим Томас Морган ва унинг шогирдлари хромосома назариясини (1911 ) яратиш билан тасдиклади. Т.Морганнинг мактаби, хромосома назариясининг яратилиши гинетика фанининг ривожланишига ва ҳужайранинг молекуляр урганилишига асос булди. XХ асрнинг бошлари цитология фанининг ривожланишида уйгониш даври булди. 1928-1931 йилларда электрон микроскопнинг яратилиши биологик тадкикотларнинг кенг куланишга имкон берди.

50-йилларга келиб хромосоманинг микроскопик тузилиши, митоз ва мейоз булинишларнинг ҳусусиятлари урганилади. Ана шу асосда ҳужайра молекуляр асосда урганила бошлади. 1953 йилда Ж.Уотсон ва Ф.Криклар томонидан жахон фанида машҳур булган кашфиёт, ДНК нинг тузилиши модели урганилиб чикилди. 1956- 60 йилларда одам ҳужайрасидаги хромосомаларнинг урганилиши ва цитологияни урганишнинг катор усулларининг такомилланиши бу фаннинг тараккиёти учун катта манба булди. У збекистонлик олимлар ҳам цитология фанининг ривожланишига узларининг муносиб ҳиссаларини кушдилар. Академик Ж. Х. Хамидов рахбарлигида эндокрин безлар ва нейронларга радиация таъсирида буладиган морфофизиологик узгаришларини замонавий илмий усуллар ёрдамида урганилган. Кейинги йилларда нейронларнинг усиши ривожланиши ва диффренцияланишини таъминлайдиган муҳим омиллар, ҳайвон генларинини бошка уругланган тухум ҳужайрага микроинъексия усули билан утказиш ирсият омилларидан фойдаланиб ирсий касалликларни йукотиш ва ҳайвон зотларини танлаш ҳамда ҳужайра инженериясига оид илмий тадкикотларини олиб бормокда. Академик К. А. Зуфаров Узбекистонда биринчи булиб тибииёт соҳасида электронмикроскопик, авторадиография ва цитокимё усулларини жорий етиб, буйрак, ошкозон-ичак тизимининг цитологияси, цитокимёси ва электронмикроскопияси урганилди. Академик Б. О. Тошмухамедов ҳужайра мембранасининг тузилиши ва функцияларига доир кашфиётларини яратди. XXI- асрда цитология молекуляр асосда ривожланиб биология фанларининг янги тармоклари тараккиёти учун хизмат килади.

Фойдаланилган адабиётлар : 1. Трошин А . С ., Браун А . Д ., Вахтин Ю . Б ., Жинкин Л . Н ., Суханова К . Цитология . Москва, “Просвещение”, 1970. 2. Ченцов Ю.С. Общая цитология. МГУ, 1977. 3. Зуфаров К.А. Гистология. Тошкент, “Медицина”, 1982., 4. Альбертс Б., Брей Д., Льюис Ж., Рэфф М., Робертс К., Уотсон Ж. Молекулярная биология клетки. Москва, “Мир”, 1986 5. Рейвн П., Эверт Р., Айкхорн С. Современная ботаника.I том. Москва, “Мир”, 1990. 6. Соттибоев И., Қучкоров К. Усимлик ҳужайраси. Тошкент, “Укитувчи”, 1991. 7. Туракулов Ё. Х. Молекуляр биология. Тошкент, “Укитувчи”, 1993. 8.Қодиров Э. Гистология. Тошкент «Укитувчи», 1994 9. Туракулов Ё. Х. Биохимия. Тошкент, “Узбекистон”, 1996. 10. Холиков П. Х., Шарафиддинхужаев Н. Ш., Олимхужаева П. Р., Рахимов Ж. Р., Тошхужаев П. И Биология. Тошкент, “Ибн Сино”, 1996. 11. Абдуллаев Н. Х., Каримов Х. Ў. Патофизиология. Тошкент « Ибн Сино », 12. Raven Р . Н ., Johnson G.B. Biology updated version, 1995. 13. www.ziyonet.uz

O'xshashlar

Биология укув фанидан янги тахрирдаги ДТС, унинг мазмуни ва мохияти

Биологиядан нашр этилган янги тахрирдаги ДТС асосида яратилган укув дастури,

Тирикликнинг пайдо булиши. Тириклик эволюциясининг асосий белгилари ва боскичлари

Ерда ҳаётнинг пайдо бўлиши, ривожланиш эралари

Биология фанининг предети, максад ва вазифалари