Лойиҳаларни ишлаб чиқиш босқичлари - Arxitektura - Referatlar

Лойиҳаларни ишлаб чиқиш босқичлари

Yuklangan vaqt:

20.09.2019

Ko'chirishlar soni:

0

Hajmi:

101 KB

Ko'chirib olish

Лойиҳаларни ишлаб чиқиш босқичлари Режа: 1. Умумий қисм 2. Намунавий лойиҳа ҳужжатини ишлаш вазифаси ҳақида. 3. Намунавий лойиҳа ҳужжатининг таркиби ва ишлаш тартиби.

Умумий қисм Мазкур йўриқнома корхоналар, саноат, транспорт, алоқа, қишлоқ ва сув хўжалиги бино ва иншоотлари, уй-жой ва жамоат биноларини лойиҳалаш ва қуриш бўйича намунавий лойиҳа ҳужжатларини ишлаб чиқиш, мақбуллаш, мутахассис назоратидан ўтказиш тасдиқлаш, чоп этиш, тарқатиш, кўлланиш, қайта қуриш ва беқор қилишга доир тартибларни ўрнатади. Намунавий лойиҳалар, бино ва иншоотлар алоҳида қисмларининг намунавий лойиҳавий ечимлари, намунавий қурилиш конструкциялари, буюмлари ва тугунларининг чизмалари, намунавий лойиҳа ҳужжатлари сирасига кириб, уларни андозалаштириш ҳақидаги қарор техник иқтисодий асослашлар ёки бошқа мулоҳазаларга кўра қабул қилинади. Намунавий лойиҳалар ҚМҚ, 1.03.01 - 96 "Корхоналар, бинолар ва иншоотларнинг лойиҳа-смета ҳужжатлари таркиби, ишлаб чикиш тартиби, мақбуллаш ва тасдиқлашга доир йўриқнома" ҳамда мазкур йўриқнома талабларига мувофиқ равишда ишлаб чиқилади. Намунавий лойиҳалар яратиш ҳуқуқи етакчи ва ихтисослаштирилган лойиҳа ташкилотларига берилади. Намунавий лойиҳалар такроран қуриладиган ишлаб чиқариш бинолари ва ёрдамчи иншоотлар, мунтазам технологияга эга бўлган бутун корхоналар, шунингдек уй-жой, жамоат бинолари ва иншоотлари, қишлоқ хўжалиги объектлари қурилишида кўп маротаба фойдаланиш учун ишлаб чиқилади. Ишлаб чиқариш технологияси тез-тез ўзгариб турадиган, аммо қатор такрорланувчи қурилиш ва технологик ечимга эга бўлган корхоналар қурилиши учун қурилиш - технологик секция, блок - секция, технологик йўллар ва бошқалар бўйича намунавий лойиҳавий ечимлари ишлаб чиқилиши лозим. Намунавий қурилиш конструкциялари, буюмлари ва тугунларининг чизмалари бино ва иншоотларини лойиҳалаш ва қуришда, шунингдек, конструкция ва буюмларни кўплаб тайёрлашда кўп маротаба қўлланиладиган қилиб ишланиши зарур.

Белгиланган тартибда тасдиқдан ўтган, лойиҳалаштириладиган объектларнинг йиллик рўйхати намунавий лойиҳа ҳужжатларини тайёрлашда асос вазифасини ўтайди. Намунавий лойиҳалар ва намунавий лойиҳавий ечимлари бир ва икки босқичда ишланади: техника жиҳатидан унча мураккаб бўлмаган корхоналар, бинолар ва иншоотларнинг ишчи лойиҳаси смета билан биргаликда бир босқичда; техника жиҳатидан мураккаб бўлган корхоналар, бинолар ва иншоотлар қийматининг смета ҳисоби, бажарилган лойиҳа ва смета билан бирга ишчи ҳужжатлар - икки босқичда ишланади. Бино ва иншоотларнинг намунавий лойиҳаларига киритиладиган тузатишлар уларнинг ишчи ҳужжатлари - бир босқичда бажарилади. Меъморий - режавий ечимларга аниқлик киритиш учун лойиҳадан аввалги босқичда қоралама лойиҳалар ишланиши мумкин. Намунавий қурилиш конструкциялари, буюмлари ва тугунларининг чизмалари ҳам бир ва икки босқичда ишланади: конструкция, буюм ва тугунларнинг номенклатураси ва қўлланиш соҳаси аниқ бўлиб, вариантлар бўйича ишлаш талаб этилмаса, ишчи чизмалар - бир босқичда; - номенклатураси ва рационал қўлланиш соҳасини аниқлаш, шунингдек вариантлар буйича ишлаш талаб этилса (мутлақо янги конструктив ечимлар учун), техникавий ечим ва ишчи чизмалари - икки босқичда амалга оширилади. Намунавий лойиҳа ҳужжатларини тайёрлашдаги босқичлар сони объектларни лойиҳалаштиришнинг йиллик рўйхатида кўрсатилади. Намунавий лойиҳа ҳужжатларини ишлаб чиқиш энг мақбул ечимни танлаш имконини берадиган кўп вариантли услубга асосланиши лозим. Зарур бўлган ҳолларда, ишлаб чиқиш топшириғига мувофиқ равишда, намунавий лойиҳа ҳужжати қурилишнинг маҳаллий шароитини, турли

конструктив ечимларни ҳисобга оладиган бир қанча вариантларда ишланиши лозим. Халк хўжалиги аҳамиятига эга бўлган муҳим объектлар, шунингдек алоҳида технологик, конструктив, меъморий ва бошқа ечимлар бир қанча вариантларда ишланиб, танлов асосида қабул қилиниши мумкин. Мутахассис текшируви ва тасдиқлаш учун тақдим этиладиган намунавий лойиҳа ҳужжати майда изоҳларсиз, қабул қилинадиган ечимни асослаш, ишлар ҳажмларини, смета қийматини, жиҳозларга, конструкцияларга ва материалларга бўлган талабни аниқлаш учун етарли бўлган қисқа ҳажм ва таркибга эга бўлиб, мазкур йўриқноманинг 3 қисми талабларига мос равишда ишланиши зарур. Намунавий лойиҳа ҳужжатларида ихтиролардан фойдаланилса, лойиҳанинг уша қисмидаги изоҳномада, ихтиро учун берилган муаллифлик гувоҳномасининг тартиб рақами кўрсатилиши лозим. Лойиҳа ишларини бажаришда замонавий иктисодий - математик усуллардан, ҳисоблаш ва ташкил этиш техникасидан, шунингдек бошқа илғор усул ҳамда ишлаб чиқиш, кўпайтириш, сақлаш ва лойиҳавий материалларини излаш, лойиҳалаштириш муддати ва харажатларини қисқартириш, лойиҳа ташкилоти ходимларининг меҳнат унумдорлиги ва лойиҳа-смета ҳужжатларининг сифатини ошириш имконини берадиган техник воситалардан фойдаланиш зарур. Намунавий лойиҳа ҳужжатларининг буюртмачиси, мулкчилик шаклидан катъий назар, вазирликлар, идоралар ва юридик шахслар бўлиши мумкин. Намунавий лойиҳавий ишларининг молиявий таъминоти марказлаштирилган маблағ (бюджет) ёки вазирликлар, идоралар ва бошқа юридик шахслар маблағи ҳисобига амалга оширилиши мумкин. Намунавий лойиҳа ҳужжатлари бир неча ташкилотлар томонидан тайёрланса, буюртмачи етакчи лойиҳавий ташкилоти ва ҳам ижрочиларни

лойиҳавий ҳужжатининг тегишли қисмларини бажарадиган, ихтисослашган ташкилотларни белгилайди. Саноат объектларининг намунавий лойиҳаларини (лойиҳавий ечимларини) ишлашда етакчилик вазифаси - технологик ечимлар устида ишлайдиган лойиҳа ташкилотига; - уй-жой ва жамоат бинолари лойиҳалашда - шу объект буйича асосий лойиҳа ишларини бажарувчи ташкилотга; - намунавий қурилиш конструкциялари буюмлари ва тугунларининг чизмаларини тайёрлашда - шундай конструкцияларни лойиҳавийлаштиришда катта тажрибага эга бўлган ташкилотга юкланади. Етакчи лойиҳа ташкилотлари ва уларнинг ҳам ижрочилари лойиҳалаштириладиган объектларнинг йиллик руйхатида кўрсатилади. Етакчи лойиҳавий ташкилот ҳам ижрочи ташкилотларнинг ишини мувофиқлаштиради, намунавий лойиҳавий ҳужжатларини мутахассислар текширувига ва тасдиқлашга ҳавола этади ҳамда нашр этиш ва тарқатиш учун намунавий лойиҳа ҳужжатлари фондига топширади. Етакчи лойиҳавий ташкилоти лойиҳалаштирилаётган ҳар бир корхона, бино ва иншоот учун лойииҳанинг бош муҳандиси ёки бош архитекторини тайинлайди. Лойиҳанинг алоҳида қисмини лойиҳалаштирилаётган ихтисослашган лойиҳа ташкилоти, лойиҳанинг шу қисми учун бош муҳандис ёки бош архитектор тайинлайди. Лойиҳанинг бош муҳандиси (бош архитектори) Ўзбекистон Республикаси Давархитектқурилиш қумитаси томонидан тасдиқланган бош муҳандиси (бош архитектор) ҳақидаги Низомда кўзда тутилган тартибда иш юритади. Намунавий лойиҳа ҳужжатининг буюртмачиси, етакчи лойиҳа ташкилотининг ва ҳам ижрочи ташкилотларнинг директорлари ва бош муҳандислари, лойиҳавийнинг бош муҳандиси ва бош архитектори мазкур ҳужжатни бутун лойиҳалаштириш даврида ва ундан кейинги қўлланиш

мобайнида унинг сифати, ўз вақтида ишланиши, ишланаётган ҳужжатларнинг бутлиги ҳамда белгиланган тартибга кўра ва ҚМҚ 1.03.01-96 нинг 1.13 бандига мувофиқ равишда алмаштириш ва қайта ишлаш учун масъулдирлар. Намунавий лойиҳа ҳужжатини ишлашда лойиҳавий ишлари сметаси К = 1,4 коэфициент билан тузилади. Намунавий лойиҳа ҳужжатининг буюртмачиси лойиҳавий ташкилотига бериладиган вазифани ўз вақтида тайёрлаш, тасдиқлаш ва топшириш учун вазифада келтирилган техник - иқтисодий кўрсаткичларнинг прогрессивлиги ва асосланганлиги учун шунингдек бу ҳужжатни ўз вақтида тасдиқланиши учун масъулдир. Лойиҳа ташкилоти лойиҳалаштирилган объектларнинг ишончлилигига, хавфсизлигига кўпга чидамлигига, атроф табиат муҳитини ва меҳнаткашлар соғлигини муҳофаза қилиш учун кўлланган чора - тадбирларнинг тўлиқ ва мукаммаллигига, намунавий лойиҳавий ҳужжатини ишлашда ва кўллашда мазкур йўриқнома ва бошқа меъёрий ҳужжатларнинг талабларига амал килинишига масъулдир. Илмий - тадқиқот ташкилоти лойиҳалаштириш учун берган дастлабки маълумотларининг янги технологик жараёнлар, ускуналар ва материалларнинг илғор илмий - техника тараққиёти даражасига мос келишига масъулдир. Намунавий лойиҳа ҳужжатининг сифати ва баёнининг яхлитлигига ҳамда уни, мазкур йўриқноманинг талабларига мувофиқ, бутунлигича расмийлаштирилишига етакчи лойиҳавий ташкилоти масъулдир. Ҳам ижрочи лойиҳавий ташқиклоти, ўзи тайёрлаган материалнинг сифатига жавоб беради. Намунавий лойиҳа ҳужжатини ишлаш вазифаси Намунавий лойиҳа ҳужжатини ишлаш вазифаси етакчи лойиҳа ташкилоти, зарур бўлган ҳолларда, ҳам ижрочи - илмий-тадқиқот, конструкторлик ва лойиҳа ташкилотларини жалб қилган ҳолда буюртмачи томонидан тузилади.

Намунавий лойиҳавий ҳужжатларини ишлаш учун бериладиган вазифада янги техника ва илғор тажрибани жорий этиш, қурилишнинг материал ва меҳат талаблилигини пасайтириш, меҳнат унумдорлигини ошириш; хом ашё, моддий ва энергетик ресурслардан тежаб фойдаланиш, ишлаб чиқариш чиқиндилари ва иккиламчи энергия ресурсларидан қайта фойдаланиш буйича талаблар, шунингдек лойиҳалаштирилаётган корхона, бино ёки иншоотнинг асосий техник – иктисодий кўрсаткичлари белгилаб қўйилиши зарур. Намунавий лойиҳа ҳужжатини ишлаш учун бериладиган вазифанинг мазмунига қўйиладиган умумий талаблар мазкур йўриқноманинг 1, 2 ва 3- иловаларида келтирилган. Намунавий лойиҳа (намунавий лойиҳа ечимлари) ишлаш учун берилган вазифада қурилиш шароитига доир маълумотлар (иклим шароити, грунтлар ва б.) берилиши лозим. Агар намунавий лойиҳа ҳужжатини ишлаш учун бериладиган вазифада маълум туман қурилишига доир маълумотларни бериш имконияти булмаса, у ҳолда: - ташқи ҳавонинг ҳисобий харорати-15 °С , - шамол босими W 0 =0,45 кПа (45 кгк/кв.м), - қор катлами вазни S 0 =0,5 кПа (50 кгк/кв.м), - ер рельефи текис, - ер ости сувлари йўқ, - грунтлар кўпчимайди, чўкмайди; - меъёрий характеристикалари қуйидагича: - меъёрий ички ишқаланиш бурчаги ф н =0,42 рад ёки 24°; - меъёрий солиштирма ёпишиш Сн=13 кПа(0,13 кгк/кв.см); - грунтларнинг деформация модули Е=16,0 мПа (160 кгк/кв.см); - грунт бўйича ишончлилик коэфициенти у д =1, деб олинади. Намунавий лойиҳавий ҳужжатларини ишлаш буйича бериладиган вазифада зарурий ҳолларда, мазкур йўриқноманинг 1.6 бандита мувофиқ, вариантлар ишлашга доир талаблар белгиланади.

Намунавий лойиҳавий ҳужжатини ишлаш учун бериладиган вазифатопширик, мазкур йуриқноманинг 4.3 бандида келтирилган тартиб асосида тасдиқланади. Намунавий лойиҳавий ҳужжатининг таркиби ва уни ишлаш тартиби Мазкур қисмда намунавий лойиҳавий ҳужжатига қўйиладиган талаблар унинг ҳажми ва келтириладиган маълумотларнинг таркиби энг кай даражада булишини назарда тутади, чунки лойиҳавий ҳужжати объектнинг хусусиятига қараб, буюртмачи томонидан равшанлаштирилиши ва қисқартирилиши мумкин; шунда мутахассислар текшируви ва тасдиқ учун бериладиган ҳужжатнинг ҳажми мазкур йўриқноманинг 1.7 бандига моc келади. Мутахассислар текшируви ва тасдиқлаш учун тақдим этиладиган ҳужжатлар таркибида қурилиш конструкциялари, ускуналар, қурилиш монтаж ишлари ҳажми, моддий ва бошқа ресурсларга булган талаблар ҳисоби киритилмайди. Санаб ўтилган материаллар лойиҳавий ташкилотида сақланади ва буюртмачининг талабига кўра унга вақтинча фойдаланиш учун берилиши мумкин. Лойиҳа материаллари ва техникавий ечимлар қабул қилинган лойиҳавий ечимини тавсифлаш ва асослаши лозим, келтирилган кўрсаткичлар ва якуний ҳисоб натижалари жадвал кўринишида берилиши керак. Лойиҳа - Намунавий лойиҳавий ва намунавий лойиҳавий ечимлари қуйидаги қисмлардан ташкил топиши лозим: а) умумий изоҳнома қуйидагиларни уз ичига олади: лойиҳалаштириш учун дастлабки маълумотлар; намунавий лойиҳавийларнинг қўлланиш соҳаси; объектнинг қисқача тавсифи; объектнинг лойиҳавий қуввати ҳақида маълумот; маҳсулотнинг номенклатураси сифати ва техникавий даражаси ҳақида маълумотлар; ёқилги, сув, иссиқлик ва электр энергияси, меҳнат ресурсларига булган талаб ҳақида маълумотлар; бажарилган иктисодий ҳисоблар натижалари ва лойиҳада келтирилган техник - иктисодий кўрсаткичлар баҳоси, шунингдек ушбу кўрсаткичларни ватанимиз ва чет

элдаги энг яхши объектлар билан таққослаш натижалари; ишлаб чиқариш иктисоди ва лойиҳавийда фан ва техника ютуқларидан фойдаланганлик ҳақида маълумотлар; қабул қилинган ечимлар юзасидан олиб борилган келишувлар ва меъёрлар, қоидалар, йўриқномалар, давлат стандартлари талабларига, шу жумладан портлаш ва ёнғин хавфсизлиги меъёрларига амал қилишлик ҳақидаги маълумотлар; бош план, ички майдон транспорти, муҳандислик тармоқлари ва коммуникациялари тархларининг асосий ечимлари ҳақида маълумотлар; фуқаролар муҳофазаси тадбирлари; қурилишни самарали ташкил этиш ҳақида тавсиялар, намунавий лойиҳа ҳужжатини амалда қўлланиш муддати. Изоҳномада яна ер ости бойликларидан, ишлаб чиқариш чикиндиларидан, иккиламчи энергия ресурсларидан комплекс ва самарали фойдаланишга йуналтирилган асосий ечимлар ҳақида, шунингдек меҳнат моддий ва энергетик ресурслардан самарали ва тежамли фойдаланиш туғрисида маълумотлар; маҳсулот бирлиги ишлаб чиқарилиш, бунёд этилаётган кувват бирлигига бўлган солиштирма харажат кўрсаткичлари ҳамда уларни ватанимиз ва чет эллардаги энг яхши объектлар билан, шунингдек намунавий лойиҳа ҳужжатини ишлаш учун берилган вазифа кўрсаткичлари билан таққослаш натижалари баён этилиши зарур. Изоҳнома ўз таркибига атроф табиат муҳитини муҳофаза қилишга доир чора тадбирлар, окар сувлар микдори ва таркиби, ишлаб чиқариш чикиндилари, шунингдек кўзда тутилаётган чора тадбирлар ва лойиҳавийлаштирилаётган иншоотларнинг самарадорлиги ҳақидаги маълумотларни қамраб олади. Изоҳномага қўшиб бериладиган асосий чизма - бинолар, шунингдек ички майдон йуллари, трасс коммуникациялар, ободончилик ва кўкаламлаштириш объектларининг оптимал жойлашувини ўзида акс эттирган бош план тархидир. б) технологик ечимлар қуйидагилардан ташкил топади: маҳсулот ишлаб чиқариш, хизмат кўрсатиш буйича ҳисобий дастур, ишлаб чиқариш

технологияси, маҳсулот тайёрлашнинг меҳнат талаблиги ва асбоб- талаблиги, технологик жараёнлар ва ишлаб чиқаришни механизациялаш ва автоматлаштиришнинг қискача тавсифи ва ечимларни асослаш, буларни ватанимиз ва чет эл илғор техникавий ечимлари билан таққослаш натижалари; маҳсулот сифатини текширишга доир таклифлар; танланган ускуналар таркиби ва уларнииг прогрессивлиги баҳоси ҳамда ишлатилиши кўрсаткичлар; цех ва цехлараро коммуникацияларнинг тавсифи; ишчилар сонини асослаш (ушбу маълумотлар яхлит корхона ва алоҳида цехлар буйича келтирилади); иссиклик ва электр таъминоти, электр жиҳозлари, электр асбобларидан фойдаланиш усуллари; агар намунавий лойиҳа ҳужжатини ишлаш учун берилган вазифада замонавий ҳисоблаш техникаси базасида автоматлаштирилган бошқарув тизими билан қуролланган янги технологик жараёнлар кўзда тутилган булса, автоматлаштирилган технологик жараёнлар буйича ечимлар; атроф табиат муҳитини муҳофаза қилиш чора-тадбирлари; таъмирлаш хужалигини ташкил этишга доир ечимлар; ишлаб чиқаришдаги қаттиқ, суюк ва газсимон чиқиндиларни ҳисобга олганда технологик жараёндаги иссиклик - энергетика ва моддий баланслар; чиқиндиларнинг хар қайсисидан тулароқ фойдаланишга доир ечимлар; асосий чизмалар - технологик жараёнлар ва ишлаб чихаришни механизациялашнинг принципиал тархи (схемалари); йирик ускуналар ва транспорт воситалари жойлашувини узида акс этдирган қорпуслар (цехлар) буйича технологик жойлаштириш; юк оқимлари тархи; вазифавий тузилиш тархи; ташкилий тузилиш тархи; техника воситалари комплекси тузилишинг тархи; технологик жараёнларни автоматлаштириш тархи; (майдон ичкарисида) электр ва иссиклик билан таъминлашнинг принципиал тархи; (майдон ичкарисида) алоқа ва сигналларни ташкил этиш тархи; в) қурилиш ечимлари қуйида гилердан ташкил топади: ҳар бир бино ва иншоот буйича асосий архитектура-қурилиш ечимининг қисқача изоҳи ва асосномаси ечимларнинг прогрессивлиги баҳоси; иш ўринларини ёритиш, ишлаб чиқариш шовқин ва тебранишларини пасайтириш, ишчиларга санитар

ва маиший хизмат кўрсатишнинг принципиал ечимларининг асосномаси; электр портлаш ва ёнғин хавфидан сақланиш чоралари, қурилиш конструкцияларини коррозиядан муҳофаза қилиш; сув билан таъминлаш, канализация, иситиш, ҳаво вентиляцияси ва мўътадиллаштириш буйича асосий ечимлар; фуқаролар мудофааси объектлари буйича ечимлар (белгиланган тартибда расмийлаштирилади); қурилишни ташкил этишнинг асосий коидалари; асосий чизмалар - асосий юк кўтарувчи ва тўсувчи конструкцияларнинг схематик тасвири кўрсатилган бино ва иншоотларнинг тархлари ва қирқимлари, бино фасадлари; қурилиш конструкцияларини коррозиядан сақлашга доир (эскиз) қоралама ечимлар. Эслатма. Иситиш ҳаво вентиляцияси ва уни мўтадиллаштириш системаси мураккаб бўлган ишлаб чиқариш бинолари учун, кўрсатилган системаларни акс эттирган ҳолда тарх (план) ва қирқимлар, шунингдек водопровод ва канализация асосий иншоотларининг тархи ва қирқими ҳамда тармоқ ва иншоотларнинг коррозияга қарши қоралама ечимларини ишлашга рухсат этилади. Намунавий лойиҳа ҳужжатини ишлаш учун берилган топширикда кузда тутилган ҳолларда меъморий-фазовий ечим (макет) ёки бошқа намойиш материаллари ҳам такдим этилади. г) смета ҳужжатлари - мазкур йўриқноманинг 3. 8. бандида кўрсатилган таркиб ва ҳажмда ишланади. Лойиҳада (унинг тегишли қисмларида) якка тартибда ишланадиган ускуналар учун дастлабки талаблар келтирилиши лозим, нонамунавий ва ностандарт ускуналар ҳам шулар жумласидандир. Турар жой, жамоат биноси ва иншоотнинг намунавий лойиҳа таркиби мазкур Йўриқноманинг 4- иловасида келтирилган. Ишчи ҳужжатлар - Намунавий лойиҳалар, намунавий лойиҳавий ечимлари таркиби қуйидагилардан ташкил топиши лозим: - изоҳнома, ишчи чизмалар, ускуналар руйхати, материалларга бўлган талаблар ведомости;

- мазкур йўриқноманинг 3.8. бандида мувофиқ разишда тузилган сметалар; "Методические указания по составлению и оформлению каталожных листов на типовую проектную документацию для строительства" номли услубий кўрсатма асосида тайёрланган каталог варағи. Ишчи ҳужжатларни тайёрлашда лойиҳа ташкилоти тасдиқланган лойиҳада қабул қилинган технологик, архитектура-қурилиш ва бошқа ечимларни охирига етказиши ва конкретлаштириши лозим. Ишчи лойиҳа - Намунавий лойиҳа ва намунавий лойиҳавий ечимлари қабул қилинган ечимлар ҳақида қисқача маълумот берувчи изоҳномадан умумий ва (мазкур йўриқноманинг 3.4 бандига мувофиқ бажариладиган) ишчи ҳужжатлардан ташкил топиши лозим. Намунавий қурилиш конструкциялари, буюмлари ва тугунларининг техникавий ечимлари таркибига қуйидагилар киради: а) лойиҳалаштириш учун дастлабки маълумотлар, ўхшаш конструкциялар, буюмлар ва тугунларни лойиҳалаш, тайёрлаш ва қўллаш буйича мавжуд тажрибалар ҳақида қисқача маълумотларни уз ичига олган изоҳнома; ҳисоблаш тархлари, катталиклар ва ҳисобий юклаш жамламаси ва уларнинг асосномаси; конструктив ечим вариантларининг қисқача тавсифи ва қабул қилинган вариантнинг асосномаси; конструкция ва буюмларнинг номенклатураси ва қўлланиш соҳаси; конструкция ва буюмларни тайёрлаш, тахлаш, ташиш ва монтаж қилиш усуллари, уларни коррозиядан ҳимоя қилиш, ўтга чидамлилигини таъминлаш ҳақида қисқача баённома; асосий техник - иктисодий кўрсаткичлар (шу жумладан тайёрлаш меҳнат талаблиги ва монтаж буйича ва уларни ўхшаш кўрсаткичлар билан; б) асосий чизмалар - жойлаштириш тархлари, конструкция, буюм, тугунлар, уларнинг асосий таркибий қисмлари, туташув тугунларининг умумий кўриниши чизмалари, йиғма чизмалардан ташқари, лойиҳавий ечимига баҳо бериш учун зарур булган бошқа чизмалар.

Ишчи чизмалар - Намунавий қурилиш конструкциялари , буюмлари ва тугунларининг ишчи чизмалари таркиби, уларни комплектлаш ва расмийлаштириш давлат стандартлари талабига мувофиқ булиши лозим.

Фойдаланилган адабиёт: 1. ШНК 1.03.04-97. “Намунавий лойиҳалашга доир йўриқнома”.

O'xshashlar

Қурилишда лойиҳалаш ҳужжатларини ишлаб чиқиш тартиби

Қурилишда лойиҳалаш ҳужжатларини ишлаб чиқиш тартиби ва тасдиқланиши

Смета ҳужжатларини тузиш тартиби

Керамик материаллар ва уларни ишлаб

Корхоналарда ишлаб чиқариладиган буюмлари. Сифатини текшириш