Шеър тизимлари - Adabiyot - Referatlar

Шеър тизимлари

Yuklangan vaqt:

08.09.2022

Ko'chirishlar soni:

0

Hajmi:

79.5 KB

Ko'chirib olish

Шеър тизимлари Режа: 1. "Шеър тизими" ва "вазн" тушунчалари ҳақида. 2. Шеърий тизимлар. 3. Бармоқ шеър тизими. 4. Эркин шеър (сарбаст) ҳақида

Маълумки, илмий термин (истилоҳ) муайян фан тармо/и доирасида фақат битта тушунчани англатиши лозим. Шунга қарамай, амалиётда бу қоидадан чекинилган ҳолларга бот-бот дуч келамиз: баъзан тушунмаганликдан, баъзан сўзнинг анъанавий ишлатилишига эргашиб истилоҳий чалкашликларга йўл қўямиз. Масалан, биз аниқ бир ғ азал ҳақида "аруз вазнида ёзилган" дейишимиз ҳам, адабиёт тарихи ҳақида гапиратуриб "аруз вазни мусулмон шарқ шеъриятида етакчи мавқени эгаллаган" қабилида фикрлашимиз ҳам мумкин. Ҳолбуки, конкрет ғ азал "аруз вазни"да эмас, арузнинг "фалон вазнида" (рамали мусаммани мақсур, хазажи мусаммани махзуф ва ҳоказо) ёзилган бўлади, яъни, вазн конкрет шеърда намоён бўладиган ҳодиса, у конкрет шеърнинг ўлчовини билдиради. Шунга биноан, иккинчи ҳолда "аруз вазни мусулмон шарқи шеъриятида етакчи мавқени эгаллаган" дейилганда "вазн" эмас, балки вазнлар системаси - шеър тизими назарда тутилган. Кўринадики, биз "вазн" терминини ҳам конкрет шеърнинг ўлчови (метр) маъносида, ҳам "шеър системаси" маъносида ишлатяпмиз ва шу боис ҳам терминологик чалкашлик юзага келмоқда. Мутахассис сифатида биз бу хил чалкашликдан қочишимиз лозим бўлади. Шу боис ҳам биз "шеър тизими деганда муайян ўлчов тамойилларга асосланган вазнлар мажмуини тушунамиз. Масалан, "аруз тизими" дейилганда мисраларда чўзиқ ва қисқа ҳижоларнинг маълум тартибда такрорланиб келишига асосланган "шеърий ситема" тушуниладики, бу тизим юзлаб конкрет вазнларни ўз ичига олади. Маълум бўлдики, "шеър тизими" шеър тузилишининг асосини, асосий қонуниятларини белгилаб беради. Ҳар бир халқ шеъриятидаги "шеърий тизим" ўша халқ тилининг ўзига хос хусусиятларидан келиб чиқади. Мавжуд шеър тизимларининг ҳаммасида асосий ўлчов бирлиги сифатида бўғин олинган. Бўғин эса, маълумки, турли тилларда турлича сифатий ва миқдорий кўрсаткичларга эга. Шунга кўра, жаҳон халқлари шеъриятида мавжуд шеърий системалар бўғиннинг миқдори (силлабик шеър тизими), ур ғ ули ёки ур ғ усизлиги (тоник), чўзиқ ёки қисқалиги (метрик), баланд ёки

паст талаффуз қилиниши (мелодик) каби жиҳатларни ўлчов асоси қилиб олади. Метрик шеър тизими мисраларда чўзиқ ва қисқа ҳижоларнинг муайян тартибда (рукн, стопа) такрорланиб келишига асосланади. Бу шеър тизими унлилари чўзиқ қисқалиги жиҳатидан сезиларли фарқланувчи тилларга кўпроқ хосдир. Масалан, қадимги юнон ва рим шеърияти метрик системага асосланган. Шу боис ҳам метрик система қадимдаёқ тугал система сифатида шаклланиб, ўшандаёқ унинг назарий асослари, қатъий қоидалари ишлаб чиқилган. Антик адабиётдаги метрик системада қисқа ҳижо ( v ) мора деб номланиб, у энг кичик ўлчов бирлиги саналган. Чўзиқ ҳижо (-) икки морага ( v v ) тенг деб қаралган. Шунинг ўзиёқ метрик шеър тизимида мисралардаги бўғинлар сони турлича бўлса-да, уларнинг талаффуз вақти тенг бўлганлигини, ва айни шу нарса изометрияни (изохрония асосида) таъминлаганини кўрсатади. Шарқ шеъриятида етакчи ўрин тутган аруз ҳам метрик системанинг бир кўринишидир. Силлабик шеър тизимида мисралардаги бўғинлар миқдорининг тенглиги ўлчов асоси саналиб, бу тизим бўғинлари сифат жиҳатидан сезиларли фарқланмайдиган тилларга хосдир. Масалан, ўзбек тилида бўғин чўзиқ қисқалиги жиҳатидан (мас., араб тилидаги сингари) сезиларли фарқ қилмайди, ур ғ у ҳам тур ғ ун (асосан, сўз охирида) характерга эга. Шунинг учун ҳам силлабик шеър тизими ўзбек тили хусусиятларига кўпроқ мувофиқ келади - шеъриятимизда қадимда (мас., фольклор) ва ҳозирги кунда бармоқнинг етакчилик қилиши шу билан изоҳланади. Силлабик шеър системаси поляк, серб ва хорват шеъриятларида ҳам етакчи ўрин тутади. Шу ўринда шеър тизими тилнинг табиатига мос бўлиши зарурлигининг ёрқин мисолини келтириб ўтиш жоиз. Рус шеъриятида поляк шеърияти таъсирида XYIII асргача силлабик шеър тизими қўлланган. Ур ғ уси тур ғ ун бўлган бу тизим ур ғ у ўрни муқим бўлмаган рус тили табиатига мос эмас эди, шу боис ҳам у рус шеъриятида узоқ яшай олмади.

Тоник шеъриятда мисралардаги ур ғ улар миқдори ўлчов асоси қилиб олинади. Яъни, бу тизимда мисралардаги бўғинлар миқдори аҳамиятсиз, ур ғ улар миқдори тенг бўлса кифоя. Биласизки, сўзлар турли бўғинлардан таркиб топади, уларнинг айримлари ур ғ у олмайди. Демак, тоник шеърнинг мисралари бир-биридан кескин фарқланиши, ташқи кўриниши жиҳатидан насрий нутққа ўхшаб кетиши мумкин. Тоник шеъриятнинг алоҳида бир кўриниши сифатида силлабо-тоник шеър тизимини кўрсатишимиз мумкин. Бу шеър тизими XYIII аср ўрталаридан бошлаб рус шеъриятида қарор топа бошлаган ва ҳозирда унда етакчи мавқе эгаллайди. Унда мисраларда ур/ули бўғинларнинг муайян тартибда ( бешта асосий туроқ шаклида: - v , v -, - - v , v - -, - v - ) такрорланиб келиши ўлчов асоси саналади. Ҳозирги ўзбек шеъриятининг етакчи шеър тизими - бармоқ, юқорида айтилганидек, мисралардаги бўғинлар сонининг тенглигига асосланади. А.Фитрат бармоқ вазнини миллий вазн деб атаркан, шундай ёзади: "Миллий вазнимизда асос сўз бў ғ имларининг сано ғ идир. Бир байтнинг биринчи мисраъи неча бў/им эса, иккинчи мисраъи ҳам шунча бў/им бўладир. Бў/имларнинг ҳарф, чўз ғ и сонларига эса аҳамият берилмайдир",- деб ёзади. Фитратнинг бармоқни "миллий вазн" деб аташига асос шуки, бармоқ тизими ўзбек тили табиатига, унинг товуш хусусиятларига мувофиқ келади. Шу боис ҳам ўзбек халқ о ғ заки ижоди намуналари асосан бармоқда яратилган. Кейинроқ, араб истилосидан кейин ёзма адабиётда аруз қарор топган бўлса-да, халқ о ғ заки ижодининг асосий шеър тизими бармоқ бўлиб қолаверди. Бу, биринчи галда, бармоқнинг ўзбек тили хусусиятларига тўла мувофиқлиги билан изоҳланади. ХХ аср бошларидан, жадид шоирлар Чўлпон, Фитрат, Ҳамзаларнинг ижоди билан шеъриятимизда яна бармоқнинг етакчилик даври бошланди. Бармоқ шеър тизимида мутахассислар 4 бўғинлидан тортиб 16 бўғинлигача бўлган вазнлар тарқалганини таъкидлайдилар. Вазн ҳар бир конкрет шеърда юзага чиқадиган ҳодиса саналиб, уни метр(ўлчов) деб ҳам

номланади. Бармоқдаги ўлчов белгиланганда аввало бўғинлар сони, кейин туроқланиш тартиби кўрсатилади. Масалан: Юзларингни / майлига яшир, 9 (4 + 5) Керак эмас / нозлар, имолар. 9 (4 + 5) Гўзалликнинг / қ ошида ахир, 9 (4 + 5) Чўкка тушган / ҳатто худолар. 9 (4 + 5) Оддий машинани / кўрса болалар 11 (6 + 5) Ҳайратга тушишни / канда +илмайди.11 (6 + 5) Олис юлдузларда / улкан кемалар 11 (6 + 5) Учиб юрганини / улар билмайди. 11 (6 + 5) Суратимни / чизмо қ учун 8 (4 + 4) Оппо қ бўё қ / танладинг. 8 (4 + 4) Ва дунёга / нега келиб 8 (4 + 4) Кетганимни / англадинг. 8 (4 + 4) Мисрадаги бў ғ инлар сони ва уларнинг қай тартибда туроқлангани шеърнинг ритмик интонацион хусусиятларига сезиларли таъсир қилади. Шунинг ҳисобига бармоқ тизимида вазнлар ранг-баранглиги юзага келади. Масалан, бў ғ инлар сони кам бўлган вазнларда ўйноқи, бироз шиддатли оҳанг юзага келади: Кейин не бўлди, (2+3) Кейин тўй бўлди, (2+3) Қолмади сирлар (3+2) Жийда тагида... (2+3)

Бунинг зидди ўлароқ, кўп бў ғ инли вазнларда вазмин оҳанг ҳосил бўладики, чуқур фалсафий мазмунли шеърларнинг аксари шундай вазнларда ёзилади: Мен бу чўллар қўйнида ту ғ илиб топдим камол, (7+7) Кўҳна сардобаларда кўмилиб қолди дардим. (7+7) Лекин нар арс(и)лондан сут талаб қилган мисол (7+7) Олис шаҳар, то ғ лардан илҳомимни ахтардим. (7+7) Шуни ҳам унутмаслик керакки, бў ғ инлар сони бир хил бўлгани холда турлича туроқланган шеърларнинг оҳангдорлик жиҳатидан сезиларли фарқи бўлади. Юқоридаги ўн тўрт бў ғ инлик шеърда 7+7 тарзидаги туроқланиш бўлгани учун ҳам унда фалсафий мушоҳадага мос вазмин, ўйчан оҳанг юзага келган бўлса, ўзгачароқ тарзда туроқланган ўн тўрт бў ғ инли қуйидаги парчада энди буткул бошқача - шиддаткор ўйноқи оҳанг ҳосил бўлади: Қуш бўлиб қочар бўлсанг, тарлон бўлиб қувгайман, (3+4/4+3) То/ларда шаршарадек ғ уборингни ювгайман. (3+4/4+3) Ҳар мушкул,ҳар хатарда ҳар балодан сақлагум, (3+4/4+3) Қайрилсанг-қайрилмасанг ўлгунча ардоқлагум. (3+4/4+3) Туроқланиш тартибининг ритм ва оҳангни ҳосил қилишдаги ролини яна ҳам ёрқинроқ тасаввур қилиш учун шеъриятимизда анча кенг тарқалган ўн бир бў ғ инли шеърларнинг турлича туроқланган кўринишларига эътибор қилинг: 1) Оддий машинани кўрса болалар 11 (6+5) Ҳайратга тушишни канда қилмайди. 11 (6+5)

2) Кўнглимга чў ғ солди, чў ғ солди, нетай, 11 (6+3+2) Жавдираб-жавдираб жайрон боқиши. 11 (6+2+3) Ханжарсиз жон олди, жон олди, нетай, 11 (6+3+2) Ўша нозик адо, жонон боқиши. 11 (6+2+3) 3) Мен йўқман. Ёл ғ онлар мени йўқотди. 11 (3+3+5) Чин гаплар севгимга қилмади карам. 11 (3+3+5) 4) Оҳиста-оҳиста ё ғ ади ём ғ ир, 11 (3+3+3+2) Оҳиста-оҳиста қўз ғ алар шамол. 11 (3+3+3+2) Оҳиста-оҳиста тўкар юмшоқ нур 11 (3+3+2+3) Булутлар ба ғ ридан кўринган ҳилол. 11 (3+3+3+2) 5) Кўнглим қолгани йўқ ёру ғ оламдан, 11 (6+2+3) Хаёлимда йўқдир на виқор, на кин. 11 (6+3+2) Барибир бир куни сиздан кетаман - 11 (6+2+3) Қайга кетганимни билмайди ҳеч ким. 11 (6+3+2) 6) Кузакнинг бесоҳиб кечаларида 11 (3+3+5) Из ғ иринлар елар, ём ғ ирлар эзар... 11 (6+5) Дунёнинг хўлзулмат кўчаларида, 11 (3+3+5) Тентираб кезинар ёл ғ из дераза. 11 (6+5) Эътибор берилса, юқоридаги шеърларда мисралардаги бўғинлар сонининг тенг бўлгани ҳолда, мисралардаги туроқланишнинг ўзаро муносабати турлича: мисралардаги туроқларнинг айнан мос келиши (1,3), жуфт ва тоқ мисралардаги туроқларнинггина ўзаро мос келиши (2,5,6), учинчи мисрадаги туроқланишнинг бироз фарқли бўлгани ҳолда қолганларининг айнан мос келиши (4) каби ҳолларни кузатамиз.

Туроқланишнинг мисралараро муносабатидаги бу хил турличалик шеърлардаги оҳангнинг фарқли, ўзига хос бўлишига хизмат қилади. Ўзбек адабиётшунослигида бармоқ тизимидаги вазнларнинг содда ва қўшма турлари ажратилади. Содда вазндаги шеърларга юқоридагилар мисол бўлиб, уларнинг мисраларидаги бўғинлар сони ўзаро тенг бўлади. Қўшма вазндаги шеърда эса мисралардаги бўғинлар сони бир хил эмас: Қоқилади / хор ғ ин отлар 8(4 + 4) Ғ ижирлайди / арава. 7 (4 + 3) Ғ илдираклар / изи йўлда 8 (4 + 4) Тўз ғ иётган / калава 7 (4 + 3) Ушбу шеър вазнининг қўшма вазн дейилишига сабаб шуки, агар унинг иккита мисрасини бирлаштирсак, гўё мисралардаги бўғинлар сонининг тенглиги тикланади: Қоқилади / хор ғ ин отлар, / Ғ ижирлайди / арава. 15(4+4+4+3) Ғ илдираклар / изи йўлда / Тўз ғ иётган / калава. 15(4+4+4+3) Кўрамизки, мазкур шеър ҳам моҳият эътибори билан бармоқ тизимига мансуб, фақат унинг мисралари бўлинган-да, алоҳида сатрга чиқарилган. Мисраларнинг қатъий тартибда бўлингани шеърнинг ритмик хусусиятларига, оҳангига муайян ўзгаришлар киритади ва унинг таъсирдорлигини оширади. Демак, қўшма вазн деганда мисралар қўшилганда изосиллабизм (бў ғ инлар миқдорининг тенглиги) тикланадиган шеърларни тушуниш лозим экан. Шуниси ҳам борки, қўшма вазн бармоқдан сарбаст (эркин шеър) томон силжишдаги илк қадам саналиши мумкин. Бу силжишдаги кейинги қадам сифатида бармоқда ёзилган гетрометрик шеърларни олиш мумкин. Гетрометкрик шеърларнинг қўшма вазнли шеърлардан фарқи шуки, уларда изосиллабизм бандлараро сатхда намоён

бўлади. Масалан, Миртемирнинг "Қўшиқлар" туркумига кирувчи қўшма вазнда ёзилган шеърларидан бири тубандагича бандлардан таркиб топса: Бармоқлар ўч торига, 7 Оқшом чо ғ ида. 5 Дил роз айтар ёрига 7 Висол бо ғ ида. 5 "Қоя" номли гетрометрик шеъри қуйидагича бандлардан таркиб топади: Толзор куз рангида ва салқин. 9 Дарахтларда япроқлар олтин. 9 То/дан эсар ел оқин-оқин, 9 Та/ин бўлур тин. 5 Биринчи шеърда бармоқ тизимига хос изосиллабизм мисраларни қўшиш ҳисобига, банд ичида юзага келади. Иккинчи шеърда эса банд ичида изосиллабизм мавжуд эмас, у шеър бутунлигида намоён бўлади, яъни, бу шеърнинг ҳар бир банди 32 бў ғ индан ташкил топган бўлиб, уларнинг мисралараро тақсимланиши 9-9-9-5 тарзида амалга ошади. Бу хил вазнларнинг юзага келиши бармоқ тизимининг ритмик имкониятларини кенгайтиргани шубҳасиз. Ва, шуни ҳам таъкидлаш керакки, ҳали бармоқ тизимининг ритмик-интонацион имкониятлари тўла рўёбга чиқарилган эмас. Шу билан бирга, ХХ ас ўзбек шеъриятида етакчилик қилган бу шеърий тизим ўтган вақт давомида сезиларли сифат ўзгаришларини бошдан кечирди, ўзининг бир талай ритмик-имкониятларини намоён эта олди. Мазкур масалани махсус тадқиқот объекти сифатида ўрганиш адабиётшунослигимизнинг галдаги вазифаларидан бўлиб турибди. Умид қиламизки, юқоридаги мулоҳазаларимиз сизга бармоқ тизими жуда содда, жўн ("бармоқ билан бў ғ инлар санаб қўйилса бўладиган") ҳодиса эмаслигини

аён қилди ва сиз бу масалани мустақил тарзда чуқурроқ ўрганишга ҳаракат қиласиз. Ҳозирги ўзбек шеъриятида анча кенг қўлланилаётган шеър шаклларидан бири сарбаст(эркин шеър)дир. Эркин шеър ўзбек адабиётида ХХ асрдан бошлаб оммалаша бошлаган. Эркин шеър ўзбек шеъриятида бармоқ асосида юзага келган бўлса-да, уни ўзига хос бир ҳодиса, алоҳида шеър тизими сифатида шаклланиш босқичидаги ҳодиса санаш мумкин. Эркин шеърда мисралардаги бў ғ инлар сони ҳам, уларнинг чўзиқ қисқалиги ҳам, туроқланиш ёхуд қофияланиш тартиби ҳам эркиндир. Сарбастда оҳангдорлик кўпроқ интонация ҳисобига юзага чиқади: Аввал яшашни ўрган, Кейин ўлишни. Кейин Сочилган суякларингни йи ғ иб, Яна жон ато қил ўзингга-ўзинг. Сўнгра ўлимнинг кўзига тик қара. Жонингни олса олибди-да! Сарбастда ёзилган шеърнинг анъанавий бармоқ ёки аруздаги шеърдан фарқли жиҳатларидан бири шундаки, бундаги оҳангдорлик аввал бошдан маълум маромга солинмайди, муайян маромга мос кечинмалар ифодаланмайди. Аксинча, бунда фикр-туй/уга мос оҳанг сўзнинг маъноси асосида юзага келади, яъни бу ўринда маъно асосида ўқиймиз ва сўзларни шунга мос оҳангларга ўраймиз.

Адабиётлар: 1. Фитрат. Адабиёт қоидалари. Т., 1995 2. У.Тўйчиев. Ўзбек шеър системалари.-Т.,1981. 3. Тўйчиев У. А.Яссавий ва ўзбек шеър тузилиши// Ўзбек тили ва адабиёти.-1999 №2. Б.15-18. 4. Муҳаммадиева Ш. Фитрат ва Чўлпон эркин вазннинг асосчилари// Ўзбек тили ва адабиёти. 1998. №6.-Б.42-43. 5. Литературный энциклопедический словарь.-М.,1987 6 . www.ziyonet.uz

O'xshashlar

Бадиий асар тили 2

Бадиий асар узвлари

Шеърий тизимлaр вa шеърий жaнрлaр

Тарбия ва гўзаллик илми

Лирик асарларни ўрганиш