Ijtimoiy-madaniy hayot va baxshilar ijrochiligi - Adabiyot - Referatlar

Ijtimoiy-madaniy hayot va baxshilar ijrochiligi

Yuklangan vaqt:

11.09.2022

Ko'chirishlar soni:

0

Hajmi:

75 KB

Ko'chirib olish

Ijtimoiy-madaniy hayot va baxshilar ijrochiligi Baxshichilik qadimiy san’at turlaridan biri bo‘lib, xalqimizning uzoq asrlik tarixi, urf-odati, ruhiy va etnopedagogik xususiyatlarini ajdodlardan avlodlarga o‘tkazishda muhim rol o‘ynadi. Xalq idealidagi o‘lmas qahramonlar, ularning vatanparvarlik, ona-yurt ozodligi uchun bahodirona kurashlari dostonlarlarda xalqona asosda yuksak badiiy kuylanib kelindi. Bu kabi tasvirlar uzoq asrlik an’analar ruhi asosida sayqallashtirilib, baxshi auditoriyasining kengayishiga, jonli ijroda yanada keng tus olishiga sabab bo‘lgan. Baxshichilik san’ati asrlar osha ijtimoiy-tarixiy jarayonlarda rivoj topib, o‘ziga xos estetik ahamiyat kasb etib kelgan bo‘lsada, uning gullab yashnashi, jonli epik an’analarda rivoj topishi XIX asr va XX asr boshlarida ko‘zga tashlanadi. Bu davrda yashagan bir qator baxshi- shoirlarimizning kuchli quvvayi hofizasi, noyob iste’dodi, badihago‘ylik mahorati qadim dostonlarimizning jonli ijrolarda kuylanib kelishiga va keyingi avlod baxshilariga o‘tkazilishida muhim o‘rin egalladi.Baxshi-shoirlarning haqiqiy epik an’analar ijrochisi sifatida shakllanishi, dostonchilik maktablariga xos usul va yo‘llarning tom ma’noda rivoj topishi ham ana shu davrlarga to‘g‘ri keladi. Shuning uchun ham rus folklorshunosi Yu.A.Novikov rus bilinalarining XIX va XX asr boshlari kuylovchilari o‘rtasidagi ustoz-shogirdlik munosabatiga bo‘lgan an’ana haqida fikr yuritib, shunday deydi: “XIX-XX asrning ko‘pchilik aytuvchilari uchun ajdodlarning ijodiy merosiga ehtiyotkorona hurmat bilan munosabatda bo‘lish xosdir. Epik qo‘shiqlar ular tomonidan xalqning yozilmagan tarixi sifatida qabul qilingan. An’ananing nufuzi shu qadar kuchli ediki, ko‘pgina qo‘shiqchi-badihago‘ylar o‘zlarining ijodkorliklarini ko‘z-ko‘z qilmaslikni afzal bilishardi. Eposga bunday munosabat ancha qadimgi davrlarda ham ustunlik qilgan”. 1 An’anaviy epos usullariga bunday yondoshuv jarayoni janubiy voha baxshilari o‘rtasida ham ancha shakllangan edi. Voha dostonchiligi haqida fikr yuritganda shuni alohida ta’kidlash kerakki, bu hududda dostonchilik an’anasi ancha kuchli va qadimiy xususiyatlarini saqlagan holda rivojlanib, baxshilar 1 Novikov Y u. A. Skazitel i bilinnaya traditsiya. – SP b.,2000.str.15

auditoriyasining kengayishiga sabab bo‘lgan. Ustoz va shogird, baxshi shaxsi va uning doston ijrosi, an’ana va badiha, jamoa va individual ijod, soz va so‘zning badiiy ta’sir kuchiga e’tibor kabi masalalar voha baxshilarining o‘ziga xos uslub yo‘nalishlaridan hisoblangan. Shuni alohida ta’kidlash joizki, dostonchilik maktablarining yuzaga kelishi, taraqqiyoti va ijro usullari baxshichilik san’atining ijtimoiy-madaniy jarayonlarda ommalashuvi bilan bog‘liq holatlardandir. Har bir dostonchilik maktabining yuzaga kelishi, shakllanishi va poetik ifoda kasb etishi badihago‘y baxshilar faoliyati bilan bog‘liq bo‘lganligini janubiy vohadagi Sherobod, Boysun, Beshqo‘ton, Chiroqchi, Qamay dostonchilik maktablarining ijodkor baxshilari misolida ko‘rib o‘tsak. Folklorshunos A.Qahhorov Janubiy O‘zbekiston baxshilari ijro jarayonlarini uzoq yillik kuzatuvlari natijasida dostonchilik maktablaridagi an’anaviy ustoz-shogirdlik munosabatlarini o‘rganib, ular shajarasini tuzishga muvaffaq bo‘ldi. Olimning aniqlashicha, Sherobod dostonchilik maktabi shajarasining boshida Bobo shoir bo‘lib (XIX asrning birinchi yarmi), u juda ko‘plab shogirdlar yetishtirgani, shu maktabga xos ijro belgilari ham uning nomi bilan bog‘langanligini ta’kidlaydi. Bobo shoir Qosimko‘r, Shernazar Berdinazar o‘g‘li, Xolmurod Qosim o‘g‘li, Azim yuzboshi kabi iqtidorli baxshi shogirdlar tayyorladiki, ana shu shogirdlar so‘z va sozda, shogird tayyorlash an’anasida Sherobod dostonchilik maktabining taraqqiyotiga munosib ulush qo‘shdilar. Bobo shoir shogirdlaridan Shernazar Berdinazar o‘g‘lining jonli epik an’ananing talantli ijrochisi sifatida o‘rni beqiyosdir. Hattoki, Sherobod dostonchiligining asoschisi sifatida unga nisbat berilishi ham bejiz emas. Bu borada folklorshunos M.Afzalov “O‘zbek xalq shoirlari” maqolasida alohida fikr bildiradi: “Sherna o‘z davrining eng chechan, so‘zga boy san’atkor shoirlaridan bo‘lib, shogird yetishtirishda ham Shernaga tenglashadigan ustoz bo‘lmagan. Shernazar shoir Surxondaryo va Qashqadaryo hatto Turkmanistonning ayrim shahar va qishloqlariga borib, doston aytib, tinglovchilarni hayratga qoldirgan. Xalq orasida o‘z dostonlari bilan ma’lum va mashhur bo‘lgan Mardonaqul Avliyoqul o‘g‘li, Ahmad yuzboshi, Saodat yuzboshi, Normurod Shernazar o‘g‘li, Jo‘ra Eshmurod o‘g‘li va boshqa iste’dodli xalq shoirlarini

tarbiyalab yetishtirgan Shernazar Berdinazar o‘g‘lidir”. 2 Yoxud Boysun, Behsq o ‘ton, Chiroqchi, Qamay dostonchiligi haqida ham xuddi shunday fikr yuritish mumkin. Chiroqchi dostonchilik maktabi haqida so ‘ z ketganda, bu maktabning o ‘ ziga xos usul va yo ‘ nalishi haqidagi xususiylik bevosita Rajab shoir (XIX asr boshlari), Xolnazar shoir (XIX asr o ‘ rtalari), Iskandar shoir (XIX asr o’rtalari), To ‘ ra shoir (XIX asr boshi), Abdulla shoir Nurali o ‘ g ‘ li (1874 - 1957), Hamro shoir Ergash o ‘ g ‘ li va boshqa ko ‘ plab ustoz baxshilar nomini tilga olish bilan bog ‘ liqdir. Qamaylik baxshilardan Berdimurod shoir, Murod baxshi Xo ‘ jayor o ‘ g ‘ li, Abdukarim juyruq, Xidir shoir, Boysari baxshi, Mulla Xolnazar, Sa’dulla Hakimov, Mulla Bozor shoir va juda ko ‘ plab baxshilar shajarasini ana shu maktabdagi ustoz – shogirdlik munosabati va ularning epik ijroga bo ‘ lgan umumiyliklari birlashtirib turadi. Bu dostonchilik maktabi baxshilarining so’z va sozni sayratish, noyob badihago ‘ ylik talantlari haqida juda ko ‘ plab naql va rivoyatlar xalq orasida bugungi kunlargacha saqlanib qolgan. Bu kabi baxshilarimiz xalqimizning qadimiy urf – odatlari, ruhiyati va bahodirlik hislatlarini “Alpomish”, “Go ‘ ro ‘ g ‘ li”, “Rustamxon” kabi go ‘ zal dostonlarda ko ‘ ylab, tinglovchilar auditoriyasini jalb etishga harakat qilganlar. Jonli ijroda badihago ‘ ylik salohiyatlarini namoyish qilib, ma’naviy barkamollikning yuksalishiga xizmat qilganlar. Xuddi shunday umumiylik Beshqo ‘ ton, Boysun dostonchilik maktabi baxshilari repertuariga ham xos bo ‘ lib, juda ko ‘ plab an’anaviy dostonlarni ijro etib, xalqimiz olqishiga sazovor bo ‘ lganlar. Abdurasul yuzboshi, Sherdan Mardonaqul, Alim yuzboshi, Eshmurod Sherdan o ‘ g ‘ li, Normurod Poyon o ‘ g ‘ li, Boymurod Boymat o ‘ g ‘ li, Eshqobil Qo ‘ shoq, Mulla Ermamat Badalov va boshqa ko ‘ plab baxshilar xuddi shu maktablarning iste’dodli ijodkor baxshilaridandir. Shu bilan bir qatorda ushbu maktab lar ning g‘oyaviy yo‘nalishi va repertuar birligi umumiy ko‘rinishda bo‘lsa - da, ijro usullari, poetik ifodadagi o‘ziga xos jihatlari bilan bir-biridan farq qilganlar. Buni professor H.Zarifov Sherobod dostonchiligi misolida ko‘rsatib bergan edi: “Sherobod 2 Afzalov M. O‘zbek xalq shoirlari// Sharq yulduzi, jurnal. 194 6 . № 10 140-144-betlar.

baxshilari doimiy ravishda og‘zaki traditsiyani davom ettirib kelganlar. Ular o‘zlarining repertuarlari va ijro usullari jihatidan bizga ma’lum dostonchilar bilan umumiy tomonlarga ega. Shu bilan birga ularning ba’zi bir o‘zlariga xos xususiyatlari ham mavjud, repertuarida boshqa viloyatlarda bo‘lmagan ayrim dostonlar, jumladan, Go‘ro‘g‘lining o‘limi haqida doston bor”. 3 Haqiqatan ham Sherobod dostonchilik maktabi “...boshqa joylarda noma’lum bir qator sujetlarni, ayrim qadimiy motiv va tasavvurlarini saqlab qolganligi bilan ahamiyatlidir”. 4 Bugungi dostonchilikning Janubiy O‘zbekistonda davom etishi, saqlanishida shu maktabning Umir shoir Safarov, Mardonaqul Avliyoqul o‘g‘li kabi badihago‘y baxshilarning Qodir Rahimov, Xushvaqt Mardonaqulov, Qora va Chori Umirovlar, Chorshanbi Rahmatullayev kabi shogirdlarni tarbiyalab yetishtirganliklari bo‘ldi, desak xato bo‘lmas. An’anaviy doston ijro etish usullarini, yo‘llarini puxta o‘zlashtirgan bu kabi baxshilar ustozlari an’anasiga sodiq qolgan holda Shoberdi Boltayev, Boborayim Mamatmurodov, Abdunazar Poyonov, Ro‘zi Qulto‘rayev, Qahhor Rahimov, Jovli Tangirov, Abdusalom Ergashev, Abduqahhor Umirov, Abdumurod Qodir o‘g‘li va boshqa bir qator baxshilarni yetishtirdilarki, ular bugungi jonli ijroda dostonlar kuylab kelmoqdalar. Qamay dostonchilik maktabi baxshilari “xalq dostonlarining lirik yo‘nalishiga alohida e’tibor bergan” 5 bo‘lsalar, Chiroqchi dostonchilik maktabi baxshilari uchun xos usullardan biri doston matnlarini sho‘x, quvnoq kuylashdan iboratligidadir. Ushbu maktabning so‘nggi vakili bo‘lmish Shomurod Tog‘ay o‘g‘li, Azim baxshi Xo‘jayevlar repertuarida hozirgi kunda ham ana shu maktabga xos ijro usullari oz bo‘lsada, saqlanib qolgan. Vohadagi Boysun va Beshqo‘ton dostonchilik maktabi baxshilari ham ijroda o‘zlariga xos poetik usullar bilan alohida ajralib, xalqimizning ma’naviy-ruhiy kamolotini yuksaltirishga munosib ulush qo‘shganlar. Ayni vaqtda Janubiy O‘zbekiston dostonchilik maktabi baxshilari o‘z hududlarida va respublikamizning boshqa joylaridagi dostonchilik maktabi 3 Zarifov H. O‘zbek folkloristikasi tarixidan // O‘zbek folklori masalalari. – T . :Fan.1970.-264-bet. 4 Mirzayev T. Xalq baxshilarining epik repertuari. - T.:Fan 1979 .38-bet. 5 Mirzayev T. Xalq baxshilarining epik repertuari. - T.: Fan, 1979. 39-bet.

baxshilari bilan ijodiy aloqada bo‘lishganki, bunday uchrashuvlar baxshilar repertuarining boyishiga, badiiy salohiyatining kengayishiga katta ta’sir ko‘rsatgan. H.Zarifov ta’kidlaganidek: “...Qashqadaryo, Surxondaryo va Janubiy Tojikiston baxshilari o‘rtasida qadimdan aloqa bo‘lgan. Bir necha Qashqadaryo baxshilari Sherobod dostonchilari o‘rtasida tarbiyalangan. Bular orasida zamonaviy termalarda muhim asarlar, hatto epik asarlar yaratgan talantlilari anchaginadir”. 6 Dostonchilik maktablari o‘rtasidagi o‘zaro munozaralar, tortishuvlar, bir-biriga bo‘lgan tanqidiy yondoshuvlar baxshilar san’ati va mahoratining o‘sishida muhim ahamiyatga ega bo‘lgan. Chiroqchilik Mardon shoirning Samarqand viloyatida o‘nga yaqin shogird yetishtirgani, narpaylik Islom shoirning Qashqadaryoga tez-tez kelib turishi fikrimizni isbotlaydi. Bu haqda shoirning o‘zi shunday deydi: To‘y qilsa chaqirgan Arg‘onning cho‘li, Qo‘ymay mehmon qilgan Qashqaning eli, Xo‘p qidirdim Qarshi, Qo‘ng‘irot yog‘iga, Uch kun turib o‘tdim Qorabog‘iga, To‘rt kundan so‘ng o‘tdim Langar tog‘iga 7 . Baxshilar o‘rtasidagi bunday o‘zaro uchrashuvlar, aloqalar qadimdan mavjud bo‘lib, ular repertuari va ijro mahoratining shakllanishiga turtki bo‘lgan. Bunday holatlar respublikamizning boshqa hududlaridagi dostonchilik maktabi baxshilari o‘rtasida ham davom etgan. Baxshichilik san’atida ustoz-shogirdlik an’anasi, doston ijro etish, dostonchilik an’analariga rioya qilish har doim muhim masalalardan hisoblangan. Shu sababli ham baxshilar asrlar davomida dostonchilik an’analariga qat’iy amal qilib kelganlar. Ustozlari orqali o‘rgangan doston namunalarini xalq oldida namoyish qilib, repertuarni mukammallashtirishga har doim intilganlar.Natijada baxshini hamma tinglar, olqishlar, uning san’ati xalq uchun madaniyat o‘chog‘i vazifasini o‘tagan. Ana shu asriy orzular asosida baxshilar badiiy mukammal dostonlar kuylab, tinglovchilar auditoriyasini jalb 6 Zarifov H. O‘zbek folkloristikasi tarixidan // O‘zbek folklori masalalari . T.: Fan,1970.-264 bet. 7 Islom shoir Nazar o‘g‘li. Hasanxon. Doston. O‘zbek xalq ijodi, ko‘p tomlik. – T. , 1976.-40-bet.

etishga harakat qilganlar. Og‘zaki epik an’ana har doim soz va so‘z mutanosibligi asosida amalga oshirilgan. Soz va so‘z birgalikda jonli ijroda muhim hisoblangan. Yozib olingan matn esa uning bir tomoni, xolos. Ammo baxshining ruhiy hissiyoti, dramatik rol bajarishi, do‘mbiraning ming bir kuyi tinglovchiga faqat jonli ijrodagina zavq bag‘ishlaydi. Demak, baxshichilik san’atida soz va so‘z asosiy o‘rin tutar ekan, ustoz o‘z shogirdiga an’anaviy doston kuylash usullarini og‘zaki (yodlatish) asosida amalga oshirgan. Hattoki, ayrim baxshilarning savodxonligi ham bunga monelik qila olmagan. Chunki “Epik kuylovchi tug‘iladi, o‘sadi, o‘z san’atini o‘rganib, repertuarini yaratadi va oxir oqibatda tinglovchilar oldida muntazam chiqish uchun usta baxshi bo‘lib shakllanadi”. 8 Shu asosda baxshichilik san’ati qat’iy epik an’analarda shakllandi, o‘ziga xos jonli ijroda yashab keldi.Ko‘plab an’anaviy doston namunalarining ijro etilishi ham baxshichilik san’atidagi ijodiy jarayonlar bilan bog‘liq holatlardandir. Ana shunday ijodiy jarayonlar ma’lum davr uchun muhim ahamiyatga ega bo’lgan bo’lsa-da, XX asrda kechgan ilmiy-texnikaviy rivojlanish, globallashuv, axborot almashinuvining tezlashgani, xalqimiz ommaviy savodxonlik darajasining oshgani, yozma adabiyot va boshqa san’at turlarining xalq madaniy hayotidan keng o‘rin olgani baxshichilik san’atining avvalgi mavqeyini ancha sustlashtirdi. Jonli og‘zaki ijro va an’analarning ma’lum ma’noda o‘zgarishiga olib keldi. Doston va uning ijrochilari dunyoqarashiga, ijro usuliga o‘zgacha yondoshuv holatlarini shakllantirdi. Bunday o‘zgarishlar baxshichilik san’atidagi qadimiy an’anaviy ijro jarayonlarini susaytirdi. Ijroda yangicha talqin va sahnaviy shakllar yuzaga keldi. Natijada baxshi tor doiradagina doston kuylaydigan bo‘lib qoldi. Izlanishlar natijasi Surxondaryo-Qashqadaryo ijrochiligiga doira, ba’zan chanqovuzni olib kirishga sabab bo‘ldi. Endilikda baxshilar to‘ylarda do‘mbiraga mikrofonni ulab, doira jo‘rligida sho‘x-sho‘x termalar, dostonlardan parchalar ayta boshladilar. Do‘mbira va doira jo‘rligida sho‘x ohanglar, davradagilar harakatini doston matniga qo‘shib aytish yoxud eposdagi o‘ynoqi vaznlar va yengil she’riy misralardan foydalanishiga e’tibor qaratildi. Shu asosda doston kuylash usullari o‘zgarib, u 8 Putilov B.N. Epicheskoy skazitelstvo.-M. , 1997.-str.80.

sahnaga ko‘chdi. Bu harakatlar muayyan holatlarda baxshilar auditoriyasini saqlashga imkon yaratdi. Har bir yangilikka qiziquvchi xalqimiz baxshilarni chaqirtirib, butun kecha davomida doston ayttirishga emas, balki ikki-uch soat davom etadigan to‘yning tomosha qismida baxshilarga ham vaqt ajratib o‘n, o‘n besh minut dostonlardan parchalar, termalar eshitishga ko‘nika boshladi. Buning uchun baxshilar davrani qizitish va o‘zlariga jalb ettirish maqsadida sho‘x matnlar, o‘ynoqi kuylar topishi lozim edi. Shu asosda baxshilar “Alpomish”, “Go‘ro‘g‘li”, “Kelinoy” dostonlaridan parchalar kuyla b , yangicha usullar da doston ijro etish yo‘llarin i shakllantirdilar . Natijada dostonlardan bunday parchalar va termalar kuylash vohada keng tarqaldi, hamda ayrim o‘zgarishlar bilan keng ijro etish taomiliga kirdi. Ana shunday izlanishlar natijasida baxshini yoshlar ham tinglar, u kuylayotgan davrada o‘yinchilar ham chiqadigan bo‘ldi. Ammo endi doston aytish an’anasi, usul va yo‘llari buzilgan, matnlar sayozlashib qolayotgan edi. Bunday yo‘l 70-80 - yillarda Qashqadaryo-Surxondaryodagi baxshilar orasida ommalashdi. Natijada ashulachilar singari baxshi-otarchilar guruhi shakllandi. Endilikda baxshilar yoshlarni ushbu san’atga jalb etish, qiziqtirish yo‘llarini izlay boshladilar. Izlanishlar natijasi ma’lum ma’noda baxshichilik san’atining jonli ijroda davom etishiga sabab bo‘lgan bo‘lsa- da, ammo doston kuylash usullari o‘zgarib, u zamonaviylashdi. Boshqacha aytganda “Qashqadaryo va Surxondaryo vohasida eposning jonli an’analarida “jonlanish” ko‘zga tashlandi. Bunday jarayon iste’dodli dostonchilarning (masalan, qashqadaryolik Qodir Rahimov kabi) yetishib chiqishi va ularning ijodiy faoliyati bilan bog‘liq, albatta. Ammo uni epos jonli og‘zaki an’analarining yangilanishi yoki ko‘hna an’analarning rivoji tarzida qarash mumkin emas. Chunki ko‘p asrlik dostonchilik epik an’analarining asta- sekinlik bilan tadrijiy davomli ravishda so‘na boshlashi juda ham murakkab dialektik jarayon bo‘lib, ijtimoiy-iqtisodiy va ma’naviy omillar ta’sirida turli yerlarda turlicha kechadi. Shunday ekan, Sherobod dostonchilik maktabidagi (Qodir Rahimov, Xushvaqt Mardonaqulov, Chori Umirov, Shoberdi Boltayev, Boborayim Mamatmurodov kabi baxshilar faoliyatidagi) jonlanish ham epos og‘zaki an’analari inqiroz davrining o‘ziga xos bir ko‘rinishi bo‘lib, uning asta-

sekinlik bilan so‘na borishi qonuniy holdir”. 9 Shu asosda ijtimoiy-madaniy jarayonlardagi o‘zgarishlar baxshilarning keng auditoriyasini cheklab qo‘ydi. Shogird baxshilarning ustozlar an’anasini davom ettira olmasligi bu qadimiy san’atning uzoq davom etmasligini ko‘rsatmoqda. Baxshichilik so‘nish davrida har bir poetik maktabning vakillari shu maktabning o‘ziga xos xususiyatlarini ko‘rsatishga harakat qilardilarki, bunga Ergash Jumanbulbul o‘g‘li, Fozil shoir, Po‘lkan shoir, Bekmurod Jo‘raboy o‘g‘li, Umir Safarovlarning ijodi guvoh. Janubiy O‘zbekistonda og‘zaki an’anani og‘zaki asosda o‘rganib, uni keyingi avlodlarga yetkazishda ham Umir shoir Safarovdek baxshilarning o’rni beqiyosdir. Umir baxshi dostonchilikda dong taratgan, an’anaviy doston kuylash usul va yo‘llarini puxta o‘zlashtirgan, o‘ziga xos soz kuylashi, yoqimli ovozi, voqealarni qiziqarli va obrazli ta’riflashi bilan alohida ajralib turgan. Bir qator talantli baxshi shogirdlarning tarbiyalanishiga sabab bo‘lgan. Hattoki, o‘z davrining so‘zga chechan baxshisi bo‘lgan Qodir baxshidek dostonchilar ham tog‘alari va bobosi taniqli baxshilar bo‘lishiga qaramasdan Umir shoirga shogird tushishga harakat qilgan. Bu haqda baxshining o‘zi shunday hikoya qilgan: “Men yetti yoshlarimda qishlog‘imizda to‘y bo‘ldi. Biz ham barcha bolalar kabi o‘yin-kulgilar bilan mashg‘ul edik. Shunda odamlar: baxshi keldi, deb qolishdi uydan gilam poyondoz chiqarishdi. Qorabayir otdan qora soqolli, chaqnoq ko‘zli, qorin qo‘ygan etdor odam tushib, xurjundan do‘mbirasini olishi bilan odamlar oyog‘i ostiga poyondoz to‘shab, uygacha oyog‘ini quruq yerga bostirmay olib kirdi. Baxshining atrofidagilar bilan salomlashib, ko‘rishishiga ham qo‘yishmadi. Shu yerdayoq murg‘ak qalbimda bunchalik izzat-hurmat boisi nima, katta bo‘lsam men ham shunday e’tiborda bo‘larmikanman, degan o‘y keldi. Bir zumda vujudimga ichkaridan taralayotgan do‘mbira ohanglari kira boshladi”. 10 Ana shunday havas, orzu-istak Qodir baxshini Umir shoirga shogird bo‘lishga yetakladi. Ikki yil ustozi davrasida yurib, doston kuylash usul va yo‘llarini o‘rgandi. Bunday holat Janubiy O‘zbekiston an’anaviy baxshichilik san’atidagi oxirgi ustoz-shogirdchiliklardan 9 Mirzayev T. O‘zbek dostonchiligi va “Alpomish” dostonining Bekmurod Jo‘raboy o‘g‘li varianti haqida// Alpomish. Doston. Bekmurod Jo‘raboy o‘g‘li varianti.-T. , 1999.-5-bet. 10 Murodov M., Ergashev A. Alpomishnoma. Surxondaryo talqini.-T. : Mehnat.,1999.-300-bet.

edi. Endi ustozlar shogirdlarini o‘z uylarida ikki, uch yil olib yurmas, bilganlarini doimiy ravishda o‘rgatib, sinov sharti bilan talantini aniqlash, duo berish tugagan edi. Endilikda baxshilar shogird tayyorlashda yillar mobaynida emas, balki do‘mbira chaldirish, terma va dostonlardan parchalar ayttirish asosida baxshichilik san’atini yoshlarga o‘rgata bordilar. Natijada yosh baxshilar to‘y va ma’rakalarda dostonlardan o‘rgangan parcha hamda termalardan namunalar aytar, kunlar, oylar mobaynida ijro etilgan “Alpomish”dek dostonlar ma’lum daqiqalar asosida ijroga moslashdi. Shu asosda an’anaviy doston kuylashdagi xalqona estetik munosabatlar o’zgardi. Baxshichilik san’atidagi qadimiy an’anaviy ijro jarayonlari susaydi, uning sahnaviy shakllari yuzaga kela boshladi. Bu davrda ko‘pchilik savodli baxshilarning yozma adabiyot namunalari bilan tanishuvlari, nashr etilgan doston variantlarini o‘qib o‘zlashtirishlari va jahon adabiyoti namoyondalari ijodidan bahramand bo‘lishlari ular kuylagan dostonlarning g‘oyaviy-mazmuniy talqinlarida o‘zgachaliklarni yuzaga keltirdi. Baxshilar ijroda faqatgina ustozlari orqali o‘rgangan doston variantlari bilan kifoyalanmasdan, turli-tuman manbalar orqali repertuarlarini shakllantirib bordilar. Natijada dostonchilik maktablariaro ayirmalar, ularning har biriga xos ijro yo‘llari, usullari umumlasha boshladi. Bir maktabga xos dostonlar ikkinchi maktab baxshilari tomonidan o‘zlashtirildi. Bir vaqtlar “Yozma adabiyot namunalari bilan tanishish, boshqa xalqlar folkloridan sujet o‘zlashtirish va hamkorlik, qissaxonlarni tinglash va kitobxonlik yig‘inlarida ishtirok etish, hofizlar, ashulachilar va muzikachilar davrasida bo‘lish, an’anaviy doston motivlarini yangi ijtimoiy-iqtisodiy sharoitlarda yangicha kombinatsiyalarda berish asosida yoki o‘zlari yashab turgan davrning ijtimoiy- maishiy masalalarini tasvirlovchi yangi-yangi asarlar yaratishga intilish, ertak sujetlarini qayta ishlash kabilar epik repertuarning boyib borishidagi asosiy omillar” 11 bo‘lib, ijobiy ahamiyat kasb etgan edi. Chunki bu davrlarda dostonchilikning og‘zaki barqaror an’analari davom etayotgan edi. Yozma adabiyot sujetlari asosida an’anaviy dostonlar yaratish dostonchilik gullab yashnagan davrda baxshilar repertuarida ijodiy qo‘llanilgan. Ayniqsa, baxshilar 11 Mirzayev T. Folklor ijodkorlari va ijrochilari.//. O‘zbek folklori ocherklari. – T.: Fan,1989. 23-bet.

mumtoz adabiyot namunalari bo‘lmish “Farhod va Shirin”, “Layli va Majnun”, “Bahrom va Gulandom” kabi asarlar asosida an’anaviy dostonlar yaratganlar. Shu bilan bir qatorda ertak sujeti asosida ham romanik dostonlar ijro etganlar. Masalan, “Zevarxon” dostonida mavjud kompozitsion qurilishning tashkil topishida an’anaviy ertak sujeti va motivlari, obrazlar sistemasi, monolog va dialoglar yetakchi rol o‘ynagan. Bu doston mazmuni, asosan, “Ozodachehra”, “Malikayi Husnobod”, “Tuhmatga uchragan kelin” kabi ertak sujetlariga yaqin bo‘lib, g‘oyaviy-tematik xususiyatlari jihatidan aynanlikka ega”. 12 Bunday sujetlar asosida dostonlar yaratish epik an’analar rivojlanishiga va baxshilar repertuar i ning ma’lum darajada boyishiga turtki bo‘lgan. Ular ko‘pchilik baxshilar tomonidan o‘zlashtirilgan va jonli og‘zaki epik an’anada keng tarqalgan. Hattoki, epik an’anani ustozidan og‘zaki o‘rgangan ba’zi baxshilar repertuаrida ham dostonlarni o‘qib o‘zlashtirish holatlari ijobiy natija bergan. Ularda an’anaviy uslub va ijro mutanosibligi buzilmagan. Misol uchun o‘z davrining badihago‘y baxshisi bo‘lmish Qodir baxshi repertuaridagi “Kuntug‘mish” dostoni haqida ham shunday fikr bildirish mumkin. Dostonchilik gullab yashnagan, epik an’analarga rioya qilingan bir vaqtlarda baxshilar faqat poetik maktablar doirasida dostonlar ijro etganlar. Bir maktabga xos doston namunalari boshqa maktab baxshilari repertuarida o‘zlashmagan. Masalan, Qo‘rg‘on dostonchilik maktabi haqida fikr yuritganimizda bevosita “Go‘ro‘g‘lining tug‘ilishi”, “Dalli”, “Xushkeldi”, “Qunduz bilan Yulduz”, “Ravshan”, “Kuntug‘mish” va boshqa shu kabi dostonlarni ko‘z oldimizda gavdalantiramiz. Hattoki, “Ravshan” o‘zining badiiy yuksak ijro xususiyatlari bilan Jumanbulbulning “uch haydalgan shudgori” deb, unga nisbat beriladi. “Alpomish”, “Malika ayyor”, “Intizor”, “Zulfizar bilan Avazxon” kabi dostonlar haqida fikr yuritilganda esa Bulung‘ur dostonchilik maktabi baxshilari nomi tilga olinadi. Bu maktab baxshilarining poetik ifodadagi go‘zal badiiy xususiyatlari ana shu dostonlarning shu maktab nomi bilan bog‘lanishiga sabab bo‘lgan. Janubiy O‘zbekiston dostonchiligida ham “Alpomish”, “Go‘ro‘g‘li”, 12 Imomov K. Dostonlarda ertak motivlari// O‘zbek xalq ijodi bo‘yicha tadqiqotlar. 3-kitob.-T.:Fan,1973. 97-bet.

“Rustamxon”, “Avazxon”, “Nurali” va boshqa turkumdagi ko‘plab dostonlar sevib kuylangan. Ammo umumo‘zbek dostonchilik maktabi baxshilari repertuarida uchramaydigan “Ollonazar Olchinbek”, “Oychinor”, “Kelinoy”, “Oltin qovoq”, “Zayidqul”, “Malla savdogar”, “Shahidnoma” kabi dostonlar borligi va ijro etilishi bilan alohida ahamiyat kasb etgan. Ayniqsa, “Go‘ro‘g‘li” turkumiga mansub dostonlar voha baxshilari repertuarida alohida joy olishi bilan bir qatorda Go‘ro‘g‘lining asrandi farzandi Avaz va uning o‘g‘li Nurali haqidagi dostonlar ommalashgan. Hattoki, “Nurali” dostonlari alohida turkumlikni tashkil etgan. “Nurali” turkumidagi dostonlarning ko‘plab namunalari vohadagi dostonchilik maktablari nomi bilan bog‘liqdir. Shunday bo‘lishiga qaramasdan bu vohada “Hasanxon” turkumi, “Kuntug‘mish”, “Murodxon” singari dostonlar ko‘p ijro etilmagan. Ammo ba’zi baxshilarning savodxonligi, chop ettirilgan doston variantlarini o‘qib o‘zlashtirishlari bu voha dostonchiligida ham ana shunday dostonlarning ijro etilishiga sabab bo‘lgan. Birgina yuqorida ko‘rsatilgan doston namunalarining Qodir Rahimov repertuaridan joy olishi ham shu bilan izohlanadi. Bu fikrni Qodir baxshining quyidagi so‘zlaridan ham anglash mumkin: “-Men “Kuntug‘mish” dostonini ustozlarimdan to‘liq eshitib o‘rganganim yo‘q. Dostonning kitob bo‘lib chiqqanini o‘qib o‘zlashtirganman. Ergash shoir Jumanbulbul o‘g‘li aytgan bu dostonni o‘qib qoyil qolganman va bir o‘qishdayoq yodlab olganman. Umrimda eng ko‘p aytgan dostonlarimdan birinchisi “Alpomish” bo‘lsa, ikkinchisi “Kuntug‘mish”, lekin “Kuntug‘mish”ni qog‘ozga tushirib o‘tirmanglar, chunki uni Ergash ota shunday mukammal, yuksak darajada ijro etganki, men bu darajada qiyomiga yetkazib ijro eta olmayman. Ergash otadagi go‘zal she’riyat, qahramonlar dardini yorita olish menga yoqadi”. 13 Haqiqatdan ham, Ergash Jumanbulbul o‘g‘li kuylagan bu doston o‘zining, “...tasviriy vositalarga boyligi, tilining jozibadorligi, lirik yo‘nalishining ustunligi, badiiy go‘zalligi, kompozitsion pishiqligi bilan ajralib turadi”. 14 Qodir baxshi Ergash shoir aytgan sujet chizig‘ini, kompozitsion qurilishni saqlagan holda ko‘pgina misralarni badiha asosida qayta ijro qilgan, ba’zi 13 Murodov M. , Ergashev A. Alpomishnoma. Surxondaryo talqini. 1-kitob.-T.: Mehnat.1999. 314-bet. 14 Mirzayev T. Xalq baxshilarining epik repertuari.-T.:Fan,1979. 118-bet.

holatlarda o‘zgarishlar yuzaga kelgan. Bir qator she’riy parchalar aynan saqlangan. Masalan: Ikkovimiz birday yetim, Bog‘da ochilgan gulday yetim, Jannatdagi hurday yetim, Ikki yetim bir bo‘laylik. 15 Ko‘pgina o‘rinlarda bandlar qayta ishlangan va o‘zgarishga uchragan. Biz an’anaviy dostonlarning baxshilar ustozlaridan og‘zaki o‘rganishi emas, balki kitob orqali o‘rganib, repertuarida o‘zlashtirishi, ana shunday holatda ijroda qanday o‘zgarishlar yuzaga keldi-yu, qanday badiha usullari shakllanganligini ikki baxshi repertuaridagi ba’zi epizodlarni tahlil qilish asosida ko‘rib chiqsak.Bu Xolbekaning savdogarlarga asir tushib, farzandlarini emizish uchun ulardan ruxsat so‘rash iltijosidir: “...savdogarlar mol-mulkini ortib ketayapti. Xolbeka endi ketarini, ikki bolasini qolishini bilib, asta tuyaning ustiga turib, turgan savdogarlarga qarab: “- Og‘ajonim, ochilmay gulim so‘lami, ajal paymonam to‘lami, men ketadigan kishi, ikki bolam qolami, shu ikki bolamga rahm qilinglar?”, - deb savdogarlarga qarab, Xolbekaning yig‘lab turgan joyi: Ertan bilan bolalarim turgan yo‘q, Naylay endi taqdiriga ko‘ngan yo‘q. Hech bo‘lmasa, bir emizib kelayin, Ikki bolam tani hali emgan yo‘q. Yoshlar oqar naylay endi ko‘zimdan, Tikanaklar o‘sib kelar izimdan. Erta bilan go‘daklarim turgan yo‘q, Hech bo‘lmasa bir o‘payin yuzidan. Shu holat Ergash Jumanbulbul o‘g‘lida quyidagicha beriladi: Erta bilan uyqusidan turgan yo‘q, 15 Kuntug‘mish. Doston. Aytuvchi Qodir baxshi Rahimov. Magnitofon yozuvi.

Hali och-da, oq sutimga to‘ygan yo‘q. Ikki nodon begunohga rahm ayla, Yangi turdi, nodonlarim emgan yo‘q O‘zi nodon, alvon-alvon do‘ngan yo‘q, Hali bular yetimlikka ko‘ngan yo‘q. Qancha edi norastamning gunohi Qorni ochdir, erta bilan turgan yo‘q. 16 ( 198-bet) Har ikkala baxshida band tuzilishi, qofiyalanishi, bo‘g‘inlar soni, ifodalanayotgan fikr bir xil. Baxshilar farzandlaridan ayrilayotgan, hadsiz zulmga duchor bo‘lgan onaning ruhiy iztirobini badiiy yuksak tarzda bera olgan. Ammo Qodir baxshida “Taqdirga ko‘ngan yo‘q” deyilsa, Ergash shoirda “Yetimlikka ko‘ngan yo‘q” deyiladi. Bu ikki tushuncha bir xil emas. Ergash shoirda xususiylashtirish (individuallashtirish) ko‘zga tashlansa, Qodir baxshida umumlashtiriladi, ma’no kengaytiriladi. Ergash shoirda bolalar dardiga, alamiga, ular boshiga tushgan kulfatga urg‘u berilsa, Qodir baxshida onaning og‘ir ruhiy holati kuchliroq. Chunki hali bolalar taqdirida nima borligini ham, u chekayotgan azobni ham tushunmaydi. Hadsiz kulfatlarga duchor bo‘layotganini sezgan ona “Tikanaklar o‘sib kelar izimdan” iborasi orqali so‘nggi qismatini his etar ekan, hech bo‘lmasa farzand yuzidan bir o‘pishini iltijo qiladi. Emizishga rozi bo‘lmagan dushmandan o‘pishga ruxsat so‘rash, vaqt, fursat muammosi bilan bog‘liq. Shu ikki bandning qiyosi shuni ko‘rsatadiki, Qodir baxshi ikkinchi bandni boshqacharoq tasvirda berganligiga qaramay, umumiy badiiylik qonuniyatlari jihatidan qaraganda Ergash shoir matni ancha ustundir. Buning ustiga Qodir baxshi “ketayin” so‘zi o‘rniga “kelayin” so‘zini noto‘g‘ri qo‘llagan. Mantiq ushbu misraning “Hech bo‘lmasa bir emizib ketayin” tarzida bo‘lishini taqozo etadi. Shu epizodning so‘nggi bandida Ergash shoir bu misrani xuddi shunday kuylagan: Bandadirman, Olloni yod etayin, 16 Kuntug‘mish. Doston.//Orzigul: O‘zbek xalq ijodi. Ko‘p tomlik. (Misollarni shu nashrdan olib, qavs ichida sahifasini ko‘rsatamiz).

Yolborib, haqqa munojot etayin. Ko‘ngli qattiq, bag‘ri toshdan, zolimlar, Hech bo‘lmasa, bir emizib ketayin. (199-bet). Har ikki varianda karvondagilar Xolbekaning ko‘z yoshlariga, ohu-nolasiga toqat qilolmay, karvonboshini Xolbeka bolalarining qisqa vaqt emizishiga ruxsat olishadi. Ammo, hali uyqudagi go‘daklar emmoqchi emas, ular uchun dushman azobi ham, onaning ko‘z yoshlari ham ahamiyatsiz. Shunda ona ularga iltijo qiladi. Ergash shoirda: Bolalarim, eminglarda to‘yinglar, Bu kundan kay ona derni qo‘yinglar, Bu kundan kay ona senga qaydadir, Oxirat libosin endi kiyinglar. (100-bet). Qodir baxshida: S h o‘rlik bolam, emib norday to‘yinglar, Bu kundan qay ena derni qo‘yinglar, Bu kundan qay ena senga qaydadir, Ajal kafan bugun senga teginar. Ushbu har ikki to‘rtlikda mantiqan bir fikr, bir ruhiy holat mavjud. Faqat misralardagi ayrim so‘zlar almashgan xolos. Ammo bir so‘z o‘rniga uning sinonimini qo‘llash ma’noga ta’sir etmaydi degani emas. Chunki har bir so‘zning o‘z ma’no nozikligi bor va shu badiiyatga ta’sir qilishi tabiiy. Qodir baxshi Ergash shoir aytgan “Kuntug‘mish” dostonini o‘qib o‘zlashtirgan, hamda uni og‘zaki ijod qonuniyatlariga ko‘ra sayqallashtirgan. “Bolalarim, eminglarda to‘yinglar”, misrasini “Sho‘rlik bolam, emib norday to‘yinglar” tarzida qo‘llar ekan, misradagi bo‘g‘inlar soniga, qofiyaga o‘zgartirish kiritmaydi. Baxshining mahorati tinglovchiga ruhiy ta’sir qilishdan iborat. Shu bois, og‘ir kunda qolayotgan farzandlarini “sho‘rlik” sifatlashi bilan ifodalaydi. Hozir bola g‘amda qolayotgan

bo‘lsa ham, u ona uchun norday kuchli, qudratlidir. Oxirgi misradagi “oxirat libosi” va “ajal kafan” bir xil ma’noga yaqin bo‘lsa-da, misra so‘ngidagi “kiyinglar” va “teginar” so‘zlari farqlanadi. Birinchisida qat’iy xulosa berilsa, ikkinchisida avaylash, asrash, omon qolishga ishonch istagi mavjud. Demoqchiki, o‘lim xavfi boru, ammo xavf o‘tib ketishi mumkin. Bunday qiyoslarni keltirish orqali biz Qodir baxshining Ergash Jumanbulbul o‘g‘lidek baxshichilik an’analarini o‘zlashtirgani, epik xotirada saqlaganligi va badiha qila olish mahoratining yuksak shakllanganligini ko’rsatishdir. Shu boisdan ham dostondagi sujet va kompozitsion izchillik saqlangan, мeyor va mutanosiblik buzilmagan. Bunday xususiyatlar Qodir baxshidek iste’dodli epos ijrochiligini o‘zlashtirishda barqaror uzviylik qoidalariga amal qilgan baxshilar ijodi uchun xos bo‘lgan holatlardandir. Ammo baxshichilik san’ati so‘nishi jarayonida an’anaviy epos ijrochiligiga sun’iy yondoshuv holatlari oqibatida repertuarni yozma manbalar asosida boyitishga urinish sun’iy, ijodkorlik an’analarining buzilishiga olib keldi. Bunday namunalarni u yoki bu baxshi tajribasidagi yakka hodisalar sifatida baholash zarur. Bu jarayon bevosita an’anaviy dostonchilik usuliga bo‘lgan sun’iy ijodkorlik hodisasi bo‘lib, ko‘proq Ro‘zi baxshi Qulto‘rayev kabi professional ta’lim olmagan baxshilar repertuarida ko‘rina boshlandi. Ro‘zi Qulto‘rayev oliy ma’lumotli pedagog, “...u dastlab havaskor shoir sifatida ijod qildi. She’rlari tuman matbuotida ko‘p bor chop etilgan. 70-yillarda tengdosh do‘sti, marhum Qodir baxshi bilan hamkorlikda bo‘lishi dostonchilik davralarida ko‘p bor ishtirok etishi Ro‘zi Qulto‘ra o‘g‘lining baxshichilik iqtidorini yuzaga chiqardi”. 17 Ko‘rinib turibdiki, Ro‘zi Qulto‘rayev doston kuylash usullarini maxsus ustoz ta’limi asosida emas, faqat dostonchilar davrasida qatnashib o‘rgangan. Shu boisdan ham bu kabi baxshilar ijrosida epos ijrochiligiga xos yo‘l va usullar an’anaviy xususiyatlarini yo‘qotar ekan. Chunki, “Epik an’ana har doim ham ayrim qobiliyatli va maxsus ta’lim olgan shaxslarga (baxshilarga-N.O.) tegishli 17 Sohibqironning tug‘ilishi. Doston. Aytuvchi Ro‘zi baxshi Qulto‘rayev. Nashrga tayyorlovchi va so‘z boshi mualliflari A.Qahhorov., A.Ershgashev. – Qarshi.1993. 3-bet

bo‘lgan” 18 ligini davrining mashhur badihago‘y baxshilari Ergash Jumanbulbul o‘g‘li, Fozil shoir, Po‘lkan shoir, Islom shoir, Umir shoir Safarov va boshqa talantli baxshilar repertuaridagi ana’naviy dostonlar asosida ko‘rish mumkin. Maxsus ustoz tarbiyasini ko‘rgan, an’anaviy doston kuylash usullarini puxta o‘zlashtirgan baxshilar o‘zlari bilgan dostonlarni ijro jarayonida boyitib, badihago‘ylik sirlarini namoyon qilganlar. Shuningdek, o‘zlari maxsus o‘rganmagan dostonni repertuarlarida o‘zlashtirmaganlar. Buni biz Ergash shoirdan yozib olingan “Oysuluv” dostonining bayoni misolida ko‘rishimiz mumkin. “Oysuluv” – tarixiy-qahramonlik doston namunasi sifatida Qo‘rg‘on dostonchilik maktabi baxshilari repertuaridan joy olgan. Davrining so‘zga chechan baxshisi Tilla kampirning sevib kuylagan dostonlaridan biri hisoblangan. Ergash shoirga otasi Jumanbulbulning aytishicha, “Tilla kampirning bir dostoni bor. Uni men ham bilmayman, Jossoq ham aytganini eshitmadim. Tilla kampir yosh vaqtida qo‘shiq qilib aytar ekan, qarigan so‘ng ertak qilib aytar edi. Men ko‘pda quloq ham solmas edim, ertak-da, deb ketaverar edim”. Bir kun: “Tilla kampirning ertagini aytib bering”, - dedim otamga. Shunda shoir kulib: “Men momongday aytolmayman-da, bilganimni aytsam, aytib berayin”, - deb yonboshlab yotib naql qilib edi”. Ergash shoir aytgan ushbu mulohazadan shunday xulosa chiqarish mumkinki, baxshilar an’anaviy dostonlarni ustozlaridan to‘liq o‘rganmasalar uni ijro etmaganlar. “Oysuluv”dostoni misolida ham shunday fikr bildirish mumkin. Dostonning sujeti, obrazlar xususiyatidagi o‘xshash holatlar qadimgi O‘rta Osiyo xalqlari tomonidan yaratilgan “To‘maris” rivoyatiga yaqin turadi. Qahramonlik, mardlik, ona-Vatanга bo‘lgan cheksiz muhabbat, dushmanga nafrat tuyg‘ulari bilan aks ettirilgan ushbu rivoyat keyinroq xalq baxshilari repertuarida doston shaklida ijro etila boshlangan. Natijada rivoyat shaklidagi hikoyat doston namunasi sifatida ommalashgan bo‘lsa-da, ijtimoiy-maishiy jarayonlar asosida XIX asrda baxshilar repertuaridan tushib qolgan. Uning badiiy mukammal og‘zaki ijroda kuylangan matni bizgacha yetib kelmagan. Dostonning mazmuni, hikoyat 18 Putilov B.N. Epicheskoy skaz i telstvo. – M.,1997. str-80.

shaklidagi matni ota-bola Jumanbulbul va Ergash shoirlar orqali bizgacha yetib kelgan. Ro‘zi Qulto‘rayev esa Ergash shoir aytgan bayon asosida undan doston yaratgan, hamda sun’iylikka yo‘l qo‘ygan. Undan yozib olingan dostonning boshlamasidayoq an’anaviy dostonlarga xos epik boshlanmaning buzilish holatlarini ko‘rishimiz mumkin. Doston boshlanmasida: “Burungi zamonda Eron degan mamlakat bilan Turon degan mamlakat bir-biri bilan g‘ash bo‘ldi”. 19 An’anaviy dostonlar boshlamasida ifoda etilayotgan voqeaning uzoq o‘tmishga oid ekanligi, voqelik o‘rni, qahramonlar shajarasi haqida fikr yuritilsa, Ro‘zi baxshi ijrosida dastlab voqealar boshlamasi ekspozitsion tuzilmalarida yuzaga keladi. Yoki dostondagi epik voqelikni tasvirlashda yozma adabiyot namunalaridagi tasvir elementlari ko‘zga tashlanadi. Chunki, epos qonuniyatlariga ko‘ra baxshi ijro etayotgan doston matnini do‘mbira jo‘rligida ma’lum an’analar asosida kuylagan. Do‘mbira harakatining ma’lum tebranishi matnning ruhiy jarayonda ifodalanishiga asos bo‘lgan. Baxshilar shu asosda xotiradagi epik voqelikni ijroda mukammallashtirgan. Ro‘zi baxshi ijrosidagi dostonda bunday xususiyatlar ko‘zga tashlanmaydi. Shunday bo‘lishiga qaramasdan, unda an’anaviy dostonlarga xos bandlar shakllantirilishi, ba’zan go‘zal misralar to‘qish hollari ham mavjudki, ular alohida o‘rganishni talab qiladi. Masalan: To‘zon qilib Qaynarbuloq dashini, Men olarman sonsiz yovning boshini, Shunda ko‘rsin Oysuluvning ishini, Qirmiz qonga bo‘yay tog‘ning toshini. Dostonda bunday go‘zal tashbehlar bilan ifodalangan misralar ko‘plab o‘rinlarda uchrasada, ammo u baxshichilik san’atining so‘nish jarayonida yuzaga kelgan hodisa sifatida ahamiyatlidir. Shu boisdan ham ushbu doston boshqa baxshilar repertuarida o‘zlashmadi va buni biz Ro‘zi Qulto‘rayev ijodidagi yakka hodisa sifatida baholaymiz. Baxshi repertuaridagi “Sohibqironning tug‘ilishi” 19 Oysuluv. Doston. Aytuvchi Ro‘zi baxshi Qulto‘rayev. Yozib oluvchilar A.Qahhorov. , A.Ergashev. Qo‘lyozma. 3O‘FA inv. №1816.

dostoni haqida ham xuddi shunday fikr bildirish mumkin. Doston “Temurnoma” qissasi sujeti asosida ijro qilingan. Bizning davrimizda baxshilarning chop ettirilgan asarlar sujeti asosida Amir Temur haqida doston kuylash holatlari yuzaga kela boshladi. Bu kabi xususiyatlar ma’lum hudud baxshilari ijrosida bo‘lmagan dostonlarning o‘sha baxshilar yashagan hududda tarqalishiga sabab bo‘ldi. Ayniqsa, Amir Temur haqida (ilmiy, badiiy) asarlarning ko‘plab nusxalarda nashr qilinishi Janubiy O‘zbekiston dostonchiligida ilgari mavjud bo‘lmagan epos namunalarining ijro etilishi yuzaga keldi. “Sohibqironning tug‘ilishi” (Ro‘zi Qulto‘rayev), “Amir Temurning tug‘ilishi va yoshligi” (Chori baxshi Umirov), “Temur va Boyazid” (Qahhor Rahimov) kabilar shunday dostonlardandir. XX asrning boshlarida an’anaviy dostonchilik gullab yashnagan, baxshilarning epik ijroga munosabati kuchli bir paytlarda ham Amir Temur haqida dostonlar borligi qayd etilmagan. Shu bilan bir qatorda 40-60-yillar davomida respublikamizning epik an’analari rivojlangan hududlariga uyushtirilgan folklor ekspeditsiyalarida Amir Temur haqida dostonlar yozib olinganligini uchratmadik. Ammo buyuk sarkarda haqida ertak namunalari yozib olingan. Baxshilar repertuarida tarixiy mavzudagi “Shayboniyxon”, “Oychinor” va boshqa shu kabi dostonlarning mavjudligi hamda yozib olinganligi shuni ko‘rsatadiki, bir vaqtlar epik repertuarda Amir Temur haqida ham dostonlar bo‘lgan bo‘lishi kerak. Yozma adabiyotdagi ayrim qissalar, Salohiddin Toshkandiyning “Temurnoma” si shundan dalolat beradi. Ushbu qissaning chop ettirilishi esa baxshilar repertuarida Amir Temur siymosi bilan bog‘liq dostonlarning ijro etilishi va jonlanishiga sabab bo‘ldi. Natijada biz yuqorida tilga olgan sarkarda haqidagi dostonlar yasaldi va ijro etildi. Bunday holatlarni biz “Temurnoma” va “Sohibqironning tug‘ilishi” dostonlari misolida ko ‘ rsat sak. Ma’lumki, “Temurnoma” 20 asari Salohiddin Toshkandiy qalamiga mansub bo‘lib, u dastlab 1908-yilda toshbosma asosida, 1990-yilda esa adabiyotshunos olim P.Ravshanov tahririda qayta nashr qilindi. Asarda Amir Temurning tug‘ilishi bilan bog‘liq voqelik quyidagi sujet 20 Salohiddin Toshkandiy. Temurnoma. – T.:Cho‘lpon, 1990.

yo‘nalishida tasvirlanadi: Amir Temurning otasi To‘rag‘ay bahodirning kelib chiqishi Qorachor no‘yonlaridan bo‘lib, Shahrisabz xalqi orasida juda katta obro‘ga ega edi. To‘rag‘ay bahodir ov qilib yurganida bir kiyikka ko‘zi tushadi, kiyik qo‘ylarning ichida yurar edi. To‘rag‘ayning cho‘poni tush ko‘rib, tushida yashil kiyimli kishi To‘rag‘ay bahodirga aytginki, “Shayx-ul a’lam qoshiga borib, uning qizini olsin”, - deydi. Voqealar rivoji To‘rag‘ay bahodirning Buxoroga borishi, Shayx-ul a’lamning shartlarini bajarib, Tegina mohga uylanib uni Shahrisabzga olib kelishi kabi tasvirlar bilan davom etadi. Oradan ko‘p vaqt o‘tmay, Bayonqulixon O‘g‘lon Qashg‘arni musodara qilganini, To‘rag‘ay bahodir Karkondan qo‘shin olib, O‘g‘lon lashkariga qarshi jang qilishga borishi kerakligi haqida maktub jo‘nattiradi. Vatan himoyasi uchun otlangan To‘rag‘ay bahodir esa sevimli yorini Yo‘qun xotinga topshirib, o‘zi O‘g‘lon lashkari bilan jang qilish uchun ketadi. Dushman uchun qo‘l kelgan, voqealar rivojiga kontrast holat yaratgan Yo‘qun xotin Tegina mohni o‘ldirish uchun turli xil yovuz niyatlar bilan Moydun quldan foydalanadi. Ana shunday qiziqarli epizodlarni qamrab olgan “Temurnoma” asarining sujet yo‘nalishi diniy rivoyatlar, afsonalar asosida keskin tus oladi. Amir Temurning quduqda ilohiy tug‘ilishi, Choki arab xonadonida ulg‘ayishi, yetti iqlim hukmdorlarining undan xabar topishi va Bayonqulixonga elchi yuborib, Sohibqironning dunyoga kelganligi, qutulish choralarini izlashini aytadilar. Sarosimaga tushgan Bayonqulixon qur’ado‘zlarni ishga solib, sohibqiron ulg‘ayayotgan manzilni aniqlash, uni o‘ldirish uchun qo‘shinni yuboradi. An’anaviy doston qahramonlari kabi go‘dak A.Temur ham piri shayx-ul a’lam tomonidan ilohiy tarzda saqlanib qolinadi. Asar yechimida esa To‘rag‘ay bahodirning urushdan g‘alaba bilan qaytishi, xotini Tegina moh va o‘g‘li Temur bilan topishishi epizodlari ko‘rsatiladi. Yaxshilik-ezgulikning g‘alabasi, yomonlik- qabohatning iskanjasi kabi tushunchalarni ifodalovchi Amir Temurning tug‘ilishi va bolaligini aks ettiruvchi ushbu asar ana shunday qiziqarli voqealar bilan yakunlanadi. Ro‘zi baxshi Qulto‘rayev repertuaridan joy olgan “Sohibqironning tug‘ilishi” dostoni aynan “Temurnoma”dagi sujet chizig‘i yo‘nalishida tasvirlangan.

Dostonda keskin va ziddiyatli asosda davom etgan voqealar rivojining yechilishi, asosiy konfliktning sodir bo‘lishida Oychaman boshliq To‘rag‘ay xotinlari amalga oshirgan razil niyatlarining puchga chiqishi, doston final qismida esa qahramonlarning bir-biri bilan topishishi tasvirlanadi. Garchi “Sohibqironning tug‘ilishi” dostoni “Temurnoma” qissasi sujeti asosida ijro etilgan bo‘lsa-da, epik voqelikning tasvirlanishi jihatidan hajman katta. Ayrim obrazlar xususiyati, kompozitsion tuzilishdagi lavhalar, epik tuzilmadagi nasr va nazmning mutanosib kelishi jihatidan alohida ajralib turadi.Shunday bo‘lishiga qaramasdan, “Oysuluv”, “Sohibqironning tug‘ilishi” kabi dostonlar Ro‘zi baxshi Qulto‘rayev repertuarida yakka hodisa sifatida qolib ketdi va baxshilar ijrosida o‘zlashmadi. Hatto, “Sohibqironning tug‘ilishi” nashr etilgan bo‘lsa-da, jonli epik an’anada tarqalmadi. Chunki, ularning dostonchilik og‘zaki an’analari keng rivojlangan davrdagi matnlari bizgacha yetib kelmagan. Doston sujetining to‘liq bo‘lmagan holda saqlanib qolgan rivoyaviy ko‘rinishlari (Ergash shoir bayoni va “Temurnoma”dagi rivoyat) asosida uni yangidan yaratishda yasamalikka yo‘l qo‘yilgan. Hattoki, bu kabi dostonlarni baxshining o‘zidan ham ikkinchi marta so‘ralganda boshdan oxir og‘zaki ravishda kuylab bera olmasligi mumkin. Chunki, ular oldindan o‘ylanib, yozib chiqilgan bir martalik akt sifatida yuzaga kelgan. Bunday hodisalar dostonchilikda og‘zaki epik an’analarning so‘na boshlagan davri uchun qonuniy bir holdir. Umuman olganda,ijtimoiy madaniy hayotimizga kirib kelgan radio, televideniye va zamonaviy san’at turlari baxshichilik san’atining avvalgi mavqeyini ancha sustlashtirdi.Baxshilarning jonli epik an’analar asosida ijro qilishga imkon yaratmadi. Hattoki, bu davrda yashagan Qora va Chori Umirovlar, Chorshanbi Rahmatullayev, Xushvaqt Mardonaqulov, Abdunazar Poyonov, Shoberdi Boltayev, Bobomurod Mamatmurodov, Qahhor Rahimov kabi ustoz ko‘rgan, ancha tanilgan baxshilar repertuaridagi dostonlarda ham kitobiylik, yasama ijodkorlik, bir dostonga xos xususiyatlarni ikkinchisi bilan aralashtirish kabi holatlar ustunlik qiladi. Ularda o ‘zlarini u yoki bu dostonning muallifi darajasida his q ilish holatlari kuchayib bormo q da. Bunday holat yoppasiga soxta ijodkorlikka intilishni kuchaytirdiki, natijada dostonlarning an’anaviy matnlariga

bo‘lar-bo‘lmas, asossiz o‘zgartirishlar kiritishga olib keldi.

O'xshashlar

Baxshilar ijrochiligida epik xotira, bilim va dunyoqarashning o‘rni

An`anaviy folklor muammolari

Hayot va adabiyot

Xalq eposida zamonaviylik

Doston