Izonit texnikasi asosida tasvirlar yaratish 4 sinf - Texnika va texnologiya - Slaydlar (maktab darsliklari bo'yicha)

Izonit texnikasi asosida tasvirlar yaratish 4 sinf

Yuklangan vaqt:

06.04.2023

Ko'chirishlar soni:

0

Hajmi:

6005.5 KB

Ko'chirib olish

Izonit texnikasi asosida tasvirlar yaratish 4-sinf texnologiya darsligi asosida 13-mavzu:

Izonit — amaliy-dekorativ san’atning bir turi bo‘lib, u bizga Angliyadan kirib kelgan. Ingliz to‘quvchilari ipdan to‘qishning maxsus usulini o‘ylab topganlar. Ular taxtaga mix qoqib, mixga ma’lum bir ketma-ketlikda ipni tortib, jimjimador to‘r hosil qilganlar.

Hosil bo‘lgan tasvirni turar joy binolarini bezatishda ishlatganlar. Keyinchalik bu texnologiya takomillashib, o‘zgarishlar kiritilib, kartonni deb nomlanadi.

Bu juda noyob san’at asari hisoblanadi. Izonit texnikasi bilan tasvir karton yoki baxmal qog‘ozga jun, ipak, mulina iplar yordamida tayyorlanadi.

Izonit texnikasini o‘zlashtirish uchun yaratish texnologiyalarini yaxshi bilib olishingiz lozim.

Birinchi texnologiya — bu burchakni to‘ldirish tartibi. Burchakni ip bilan to‘ldirishni amalga oshirish uchun karton, qalam, chizg‘ich, rangli ip, bigiz, igna va yelim kerak bo‘ladi.

Birinchi qoida. Kartonning orqa tomonining o‘rtasiga qalam bilan uzunligi 10 santimetr bo‘lgan burchak chizamiz. Burchakning har bir santimetrini qalin nuqtalar bilan belgilaymiz.

Ikkinchi qoida. Nuqtalarni belgilashda ularning teng uzunlikda joylanishiga va har ikki tomonining nuqtalari soni bir xil bo‘lishiga e’tibor bering. Chizma suratda ko‘rsatilgan ko‘rinishda bo‘lishi lozim.

Uchinchi qoida. Igna bilan ishlash oson bo‘lishi uchun bigiz yordamida har bir nuqtani teshib chiqamiz. Shuningdek, nuqtalarni raqamlar bilan belgilaymiz.

Rangli ipni ignaga o‘tkazib, oxirgi uchini tugib bog‘laymiz va igna bilan orqa tomondan 1 raqamli nuqtaga joylashtiramiz. So‘ngra ipni old tomonga o‘tkazib, burchakning boshqa tomonidagi birinchi raqami bilan bog‘laymiz, bu yo‘riqnomada “1–1” deb yoziladi.

Endi ipni ikkinchi raqamga o‘tkazamiz. Esingizda tursin: burchakning old tomoniga uzun, orqa tomonida yoniga qisqa tikuv qilamiz.

Ishni bajarish quyidagicha ko‘rinadi: 1–1 nuqtalarni bog‘lang (old tomonda), qisqa tikuv 1–2 (orqa tomonda), uzun tikuv 2–2 (old tomonda), 2–3 qisqa tikuv (orqa tomonda) uzun tikuv 3–3 va boshqalar

Ikkinchi texnologiya — bu doira ichini to‘ldirish tartibi Karton qog‘ozning orqa tomoniga doira chizing. Uni 6 ta teng bo‘lakka bo‘ling. Ushbu bo‘laklarda bigiz yordamida teshiklar hosil qilib, raqamlang. Ish birinchi raqamga igna kiritishdan boshlanadi, shundan so‘ng quyidagi harakatlar ketma-ketligi amalga oshiriladi: tashqi tomondan 1 va 5-sonli belgilar o‘rtasida tikuv, orqa tomonda – 5 va 6-sonlar orasida.

Keyin 6 va 2-raqamlar orasida katta tikuv yasaladi. Old va orqa tomonlari bo‘ylab, mos ravishda, 3 va 7, 7 va 8, 8 va 4 kabi davom ettiriladi. Eslatma. Nuqtalar orasidagi masofa qancha kichik bo‘lsa, ish yanada nozik va qiziqarli bo‘ladi.

O'xshashlar

Pape-mashe texnikasi asosida idishlar yasash 4 sinf

Pape-mashe texnikasi asosida likopcha yasash 4 sinf

Quyosh pannosini yaratish 4 sinf

Qog‘ozdan chizma asosida avtomobil 4 sinf

22-23-mavzu Kvilling usulida kompozitsiya yaratish 4 sinf