Buyumlarni tashqi ko'rinishini o'rganish va yasash 4 sinf - Texnika va texnologiya - Slaydlar (maktab darsliklari bo'yicha)

Buyumlarni tashqi ko'rinishini o'rganish va yasash 4 sinf

Yuklangan vaqt:

06.04.2023

Ko'chirishlar soni:

0

Hajmi:

1015 KB

Ko'chirib olish

4-sinf texnologiya darsligi asosida 3-mavzu:

Siz o‘zingizga tanish bo‘lgan buyumlardan birini ko‘rib chiqing. U qanday materialdan yaratilgan, chiroylimi, foydalanish uchun qulaymi? O‘ylab ko‘ring, uning tuzilishiga o‘zgartirish kiritishni xohlar edingizmi?

Suratga diqqat bilan qarang. Chidamliligi, qulayligi va bejirimligini sinfdoshlaringiz bilan muhokama qiling. Qanday xulosaga keldingiz?

Ijodiy ish. Kartondan karavot yasashning texnologik jarayoni. Siz biror narsa yasamoqchi bo‘lsangiz, nimani bilaman, nima qila olaman va nimani o‘rganishni xohlayman kabi savollarga javob topishingiz lozim. Siz bilan kartondan oddiy karavot yasash loyihasini birgalikda bajaramiz. Mahsulot yaratishdan avval men qanday mahsulot yasashni xohlayman savoliga javob bering. Buning uchun ijodiy loyiha tuzing. Loyiha ingliz tilida “oldindan o‘ylangan reja” degan ma’noni anglatadi. Insonning texnologik faoliyati, ishlab chiqaradigan mahsuloti loyihaga asoslanadi. Loyihani ishlab chiqish bir necha bosqichdan iborat.

Birinchi bosqich g‘oya deb ataladi. Har qanday usta muhandis, quruvchi, rassom o‘z ijodini boshlashdan avval uning qanday bo‘lishi, undan qayerda va qanday foydalanilishini xayoldan o‘tkazadi. Shunday qilib g‘oya tug‘ilib va qanday buyum yasash lozimligi xayolan hal qilinadi. Uning xomaki rasmi chizib olinadi.

Ikkinchi bosqichda buyumni yasash loyihasi tuziladi. Loyiha rejasi, buyum eskizi, qism chizmalari tayyorlanadi. Biz ham siz bilan yasashga oid reja tuzib olamiz.

Reja: 1. Buyum chizmasi va eskizini tayyorlash. 2. Kerakli xomashyoni hozirlash. 3. Ishlatiladigan asboblarni tayyorlash. 4. Chizmalar asosida buyum qismlari andazalarini tayyorlash. 5. Xomashyodan buyum qismlarini tayyorlash. 6. Qismlarni birlashtirish. 7. Mahsulotni bezatish. 8. Mahsulotga baho berish.

Eskizni yaratishdan avval quyidagi savollarga javob beramiz. Eskiz deb nimaga aytiladi? U qanday tuziladi?

Eskiz deb, bir marta foydalanish uchun chizmachilik asboblarisiz va masshtabga rioya qilmay, lekin buyum o‘lchamlarining nisbatini saqlagan holda bajarilgan chizmaga aytiladi.

Topshiriq. Karavotchaning eskizi va chizmasini tayyorlab oling. Eskiz bilan chizmani solishtirib, bir- biridan farqini ayting.

Uchinchi bosqichda kerakli xomashyo va asboblarni tayyorlang. Tayyorlagan chizmangiz asosida andaza tayyorlab oling. Kartonga andazani qo‘yib, chizing va qirqing.

Qirqishda texnika xavfsizligi qoidalariga rioya qiling. Yasash bosqichlari bo‘yicha yo‘llanma asosida ishni bajaring.

To‘rtinchi bosqichda tayyorlangan buyumga bezak beriladi. Siz yasagan karavotingizni ushbu shaklda qoldirishingiz ham mumkin. Chiroyli qilishni xohlasangiz, kattalar ko‘magida yostiq va ko‘rpachalar tikib, choyshablar bilan bezating. Beshinchi bosqichda buyumning sifatiga qarab baho beriladi. Bajargan ishingizni sinfdoshlaringiz bilan muhokama qiling.

Topshiriq. Chizma va eskiz asosida mustaqil yasab ko‘ring.

O'xshashlar

Harakatlanuvchi o'yinchoqlar yasash 4 sinf

Yuruvchi robot yasash 4 sinf

Robot maketini yasash 4 sinf

Avtomobil modelini yasash 4 sinf

Kartondan kema yasash 4 sinf