18-mavzu Kitob maketi 7-sinf - Tasviriy san'at - Slaydlar (maktab darsliklari bo'yicha)

18-mavzu Kitob maketi 7-sinf

Yuklangan vaqt:

19.09.2022

Ko'chirishlar soni:

0

Hajmi:

446 KB

Ko'chirib olish

7-sinf tasviriy san’at darsligi asosida 18-mavzu:

Kitobning badiiy-grafik elementlari haqida to'liq ma'lumot olgach, o'zingizga ma'qul bo'lgan biror bir asarga maket ishlab ko'ring. Bu asar she'riy to'plam, kichik hikoya, ertak yoki qadimiy rivoyat, afsona, multfilm bo'lishi mumkin. Ularni bajarib bo'lgach, jamlab kitob holiga keltirasiz.

Shu tariqa o'zingiz yaratgan kitobga ega bo'lishingiz mumkin. Bu ishlami bajarib bo'lgach, kitobning yaratilishi naqadar mashaqqatli, murakkab ish ekanligini teranroq anglaysiz.

Ba'zi kitoblar ko'p yoki noto'g'ri ishlatilganligi bois buzilib ketadi. Avvalo, ularning muqovasi yirtiladi. Muqovasi yirtiq kitobni esa varaqlari tezda buklanib ketadi.

Shunday kitoblarni 67-rasmda ko'rsatilganday muqova yasab, ta'mirlab qo'ysangiz, uning umrini yanada uzaytirgan bo'lasiz va bu kitob ukalaringiz va singillaringizga ham uzoq yillar xizmat qilishi mumkin. Xuddi shunday ishni jurnallar bilan ham bajarish mumkin.

Ularning muqovalari ham yupqa bo'lganligi uchun uzoq yillar foydalanishga yaroqsiz. Shuning uchun ularning hajmiga qarab, bir yilligini 1 yoki 2 ta jild bilan muqovalab qo'yilsa, uzoq yillar turaveradi. Demak, eski kitobni ham, jurnallarni ham bir xil usulda muqovalash mumkin.

Buning uchun kitob (jurnal) o'lchamidagi ikki bukilgan qog'ozni buklangan holda pastidan 20-30 mm qismiga yelim surtib, unga shu o'lchamda mato yopishtirib chiqamiz. Mato ham yelimlanib blokka yopishtiriladi. Matoning bir qismi blokka yopishtirilgan bo'lsa, ikkinchi qismi muqovaga forzatsni birinchi (chap) varag'iga yopishtirish uchun qoldiriladi.

So'ng uning 4 joyidan bir xil masofada teshib, ip bilan mahkam tortib blokni birlashtirasiz. Lekin kitobning matn qismini qo'shib tikib yubormaslik lozim. Endi mana shu blok o'lchamidan kattaroq o'lchamda karton muqova tayyorlaysiz. Bu karton kitobning blokidan 3-4 mm kattaroq bo'lishi lozim. Shundagina ular kitob blokini yaxshi himoyalaydi. Demak, muqova uchun tayyorlangan karton pastki butun qismi, qalinligi, qalinligidan blok tikilgan joyigacha va 1,2 mm oraliq qoldirilgan ustki qismidan iborat bo'ladi.

Ularni shu tartibda har tomonidan buklab yopishtirish uchun yetarli bo'lgan matoga yoki chidamli qog'ozga yopishtirib chiqamiz. Matoning to'rtta burchagi 45 qiyalikda qirqib tashlanadi va buklab, kartonning orqa tomoniga yopishtiriladi. Tayyor bo'lgan muqovani blokka kiygizib, awal forzatsning chap tomoni uchun qoldirilgan matoni, so'ng forzatsni yopishtirib, 1-2 soatga bostirib qo'yamiz.

Tayyor bo'lgan muqovani kitobning mazmuniga mos tarzda bezak, yozuv bilan bezatishimiz ham mumkin. Bunday kitob uzoq yillar o'zining sifatini saqlab qoladi. Shuningdek, muqovalangan jurnallar ham ishonchli himoyalangan bo'ladi.

Xuddi shuning uchun ham yirik kutubxonalarda kitoblar vaqti-vaqti bilan ta'mirlab turiladi, jurnallar ham bir necha soni birlashtirilgan holda qalin muqovada saqlanadi.

O'tilgan mavzuni mustahkamlash uchun savollar: 1. Maket nima, u nima uchun tayyorlanadi? 2. Kitob uzoq vaqt yaxshi saqlanishi uchun nima qilish kerak? 3. Muqovalarning qanday turlari mavjud?

O'xshashlar

17-mavzu Kitob illustratsiyasi 7-sinf

15-mavzu O'zbekiston kitob grafikasi san'ati 7-sinf

16-mavzu Kitob grafikasi san'atining badiiy-grafik elementlari 7-sinf

9-mavzu Dizayn san'ati 7-sinf

14-mavzu Kitobat san'ati 7-sinf