Yevropada reformatsiya. Germaniyada dehqonlar urushi. 8- sinf - Tarix - Slaydlar (maktab darsliklari bo'yicha)

Yevropada reformatsiya. Germaniyada dehqonlar urushi. 8- sinf

Yuklangan vaqt:

08.10.2019

Ko'chirishlar soni:

0

Hajmi:

5948.708984375 KB

Ko'chirib olish

Yevropada reformatsiya. Germaniyada dehqonlar urushi 8-sinf Jahon tarixi fani darsligi asosida 4-mavzu

Reformatsiya haqida. Reformatsiya - XVI asrda katolik cherkovi ta'limotini isloh qilish maqsadida Germaniyada bo'lib o'tgan va XVII asrning birinchi yarmida G'arbiy Yevropaning qator davlatlariga ham yoyilgan ijtimoiy harakatdir.

Bu harakat oqibatida katolik cherkovida bo'linish yuz berdi. Protestantlik Zamon ruhiga mos, mutaassiblik va aqidaparastlikdan xoli, isloh qilingan yangi oqim - protestantlik vujudga keldi

Reformatsiyaning shart-sharoiti. XVI asrda Angliya va Fransiya qirollari mutlaq hokimiyatga ega bo'lib olgan bo'lsalar, Germaniyada siyosiy tarqoqlik hukm surardi.

Germaniya imperatori amalda real hokimiyatga ega bo'lmagan. Shuning uchun ham Germaniyada katolik cherkovining ta'siri hamon qudratliligicha qolayotgan edi.

Arxiyepiskop va yepiskoplar esa amalda mustaqil knyazlar sanalardi. Germaniya imperatorini saylab qo'yadigan 7 nafar eng qudratli knyazning 3 nafari arxiyepiskoplar edi.

Imperatorning esa Rimga yuboriladigan soliqlar miqdorini kamaytirishga kuchi yetmagan. Qolaversa, katolik cherkovi Germaniya taraqqiyoti to'sig'iga aylangan siyosiy tarqoqlik va krepostnoylik munosabatlarining tayanchi ham edi.

Martin Lyuterning faoliyati. Reformatsiya 1517- yilda Germaniya aholisining katolik cherkovini isloh (reforma) qilishni talab qilib chiqishidan boshlandi. Reformatsiyani knyazlarning bir qismi, shaharliklar va dehqonlar qo'llab-quvvatladilar.

Reformatsiya to'lqinining kuchayishiga Vittenberg universitetida ilohiyotdan dars beruvchi Martin Lyuter ta'limoti katta ta'sir ko'rsatdi. U 1517- yili cherkov eshigiga o'zining dindorlarga qarata yozgan mashhur «95 tezis» deb atalgan xitobnomasini yopishtirib qo'ydi. Martin Lyuter

Xitobnomada indulgensiya savdosi qattiq qoralangan, Germaniyadagi cherkovni Rim Papasi qaramog'idan ozod etish talab etilgan, cherkovning esa «kam chiqim cherkov» bo'lishi yoqlangan edi. Martin Lyuterning «95 tezis»i butun Germaniyani to'lqinlantirib yubordi.

Katolik cherkovidagi bo'linish. Reformatsiya natijasida Rim katolik cherkovida bo'linish yuz berdi. Xo'sh, bu qanday sodir bo'ldi? Tez orada Germaniyada katolik cherkovining zulmiga va zo'ravonligiga qarshi boshlangan harakat ommaviy tus oldi.

1526- yilda Germaniya reyxstagi Lyuterchi- knyazlar talabi bilan har bir nemis knyazi o'zi va fuqarosi uchun xohlagan dinni tanlash huquqiga ega ekanligi to'g'risida qaror qabul qildi.

Biroq 1529- yilda Reyxstag bu qarorni bekor qildi. Bunga qarshi imperiyaning bir qancha shaharlari va 5 knyazi protest (norozilik) bildirishgan.

Protestant knyazlar 1555- yilda Rim Papasi bilan bitim tuzishga muvaffaq bo'ldilar. Unga ko'ra, endi har bir knyaz o'z fuqarolari uchun istagan dinni, ya'ni yo protestantlikni, yoki katoliklikni tanlash huquqiga ega bo'lganlar.

Savol va topshiriqlar 1. Reformatsiya harakati qay tariqa vujudga keldi? 2. Nega Germaniya reformatsiya vatani bo'ldi? 3. Martin Lyuter ta'limoti mazmunining asosiy jihatlarini aniqlang. 4. Nega xristianlikning yangi lyuterchilik oqimi protestantlik deb ham ataladi?

O'xshashlar

Yevropada Uyg'onish davri madaniyati. 8- sinf

Angliyada fuqarolar urushi va uning oqibatlari. 8- sinf

Ikkinchi jahon urushi. 5 - sinf

Birinchi jahon urushi. 5 - sinf

Yevropada ilm-fan kashfiyotlari. 5 - sinf