Turkistonda 1916-yilgi qo‘zg‘olonning boshlanishi 9 -sinf - Tarix - Slaydlar (maktab darsliklari bo'yicha)

Turkistonda 1916-yilgi qo‘zg‘olonning boshlanishi 9 -sinf

Yuklangan vaqt:

09.09.2020

Ko'chirishlar soni:

0

Hajmi:

2069.0927734375 KB

Ko'chirib olish

Turkistonda 1916-yilgi qo‘zg‘olonning boshlanishi 9-sinf O’zbekiston tarixi fani darsligi asosida 30- mavzu

Qo’zg’olonning boshlanish sabablari Imperator Nikolay II front ortidagi xizmatlar uchun aholining mardikorlikka olinishi to‘g‘risidagi farmoniga muvofiq Turkiston o‘lkasining Sirdaryo viloyatidan 87 ming, Samarqanddan 38 ming, Farg‘onadan 50 ming kishini mardikorlikka yuborish belgilandi. 22 02 07 08 270B 20 17

Belgilangan miqdorlar viloyatlar bo‘yicha aholi o‘rtasida taqsimlandi. Farg‘ona viloyatida belgilangan mardikorlarni to‘plash uchun viloyatdagi xonadonlarning har beshtasidan bir kishini olishga to‘g‘ri kelgan.

Xalq bundan qattiq norozi bo‘lgan. Turkiston erkaklarining o‘z oilasini tashlab ketishi ularni ochlikka mahkum etdi. Ayniqsa, qishloq aholisining safarbar qilinishi qishloq xo‘jaligini inqirozga olib keldi.

Mardikorlikka boradiganlarning ro‘yxatini tuzishda Turkiston mahalliy ma’muriyati vakillari adolatsizliklarga yo‘l qo‘ydilar. Hatto oilada bir nechta erkak bo‘lishiga qaramasdan badavlat xonadon vakillari pora berib ro‘yxatga yozilmasdi. 32 0308 20 11 330B 14 23

Mahalliy aholi o‘rtasida mardikorlikka olishga qarshi keng ommaviy chiqishlar boshlanib ketdi. 1916-yil da mardikorlikka olinadiganlar ro‘yxatini tuzadigan mahalliy boshqaruv vakillari tomonidan aholini zo‘rlash, tazyiq o‘tkazish kabi holatlar avj oldi. 1916 yil Toshkentdagi qo’zg’olon.

Norozilik harakatlarida dehqonlar, hunarmandlar, mayda savdogarlar, ishchilar va aholining boshqa ijtimoiy qatlamlari vakillari ishtirok etdi. Mardikorlikka qarshi harakatlarning keng ommaviy tus olishidan mustamlaka hukumati, o‘lka va viloyat ma’murlari xavotirga tushdi.

Lekin markaziy hokimiyat viloyat gubernatori A. Gippiusning xavotiri va g‘alayonlarning oldini olish to‘g‘risidagi ma’lumotlarini «podsho farmonlarini bajarmaslik, kechiktirish, qarshi chiqish» deb hisoblab, uni viloyat gubernatori lavozimidan ozod qiladi.A. Gippius

1916-yil 4-iyulda Xo‘jand shahrida norozilik bildirib ko‘p sonli aholi yig‘ildi. Ular mardikorlikdan bosh tortdilar. 5-iyulda Samarqandning Urgut qishlog‘ida, keyinchalik Siyob, Mahalla, Xo‘ja Ahror, Angorda, 7 -iyulda Dahbedda norozilik chiqishlari bo‘lib o‘tdi.

Qo’zg’olonning Turkiston bo’ylab tarqalishi Mardikorlikka qarshi qaratilgan norozilik harakatlari bir necha kun ichida butun o‘lkaga yoyildi. Qo‘zg‘olonchilar mustamlakachi hukumat tomonidan kuch bilan tarqatilib, qarshilik qilganlar qattiq jazolandi.

Qo‘zg‘olon iyul oyining o‘rtalarida Farg‘ona viloyatining Qo‘qon, Rishton, Marg‘ilon, Andijon, Namangan uyezdlarida keskin tus oldi.

10-iyulda Eski Marg‘ilonda taxminan 25 ming kishi norozilik bildirib, bozor atrofiga yig‘ildi. Qo‘zg‘olonchilar mardikorlikni bekor qilishni talab qilib mahalliy ma’muriyat idoralariga kirdilar. 0D1F 20 0B07 20 20

Shahrixonda ham qo‘zg‘olonchilardan 16 ta kishi o‘ldirildi, ko‘pchilik yarador bo‘ldi. 11-iyulda Namanganda ko‘tarilgan qo‘zg‘olon ham jiddiy tus oldi. Labbaytog‘a dahasida yig‘ilgan 1500 dan ortiq kishilarga qarshi kuchli qurollangan rota tashlandi va qo‘zg‘olonchilar tarqatib yuborildi.

Savol va topshiriqlar 1. Qo‘zg‘olon boshlanishiga nima sabab bo‘lgan? 2. Qo‘zg‘olonchilar, asosan, qaysi jarayonga qarshi chiqdilar? 3. Turkistondagi 1916-yilgi qo‘zg‘olonlar dastlab qayerlarda boshlandi? 4. Qo‘zg‘olon ishtirokchilari, asosan, qaysi tabaqa vakillari bo‘lgan?

O'xshashlar

Turkistonda 1916-yilgi voqealarning oqibatlari va ahamiyati 9 -sinf

Turkistonda milliy-ozodlik harakatlarining boshlanishi va uning sabablari 9 -sinf

Birinchi jahon urushi va Turkiston. 5 - sinf

1916-1917-yillardagi urush harakatlari 9 - sinf

Turkistonda ilm-fan taraqqiyoti 9 -sinf