logo
  1. Bosh sahifa
  2. Slaydlar (maktab darsliklari bo'yicha)
  3. Tarix
  4. Gitler Germaniyasi ustidan qozonilgan g‘alabaga O‘zbekistonning qo‘shgan hissasi. 5 - sinf

Gitler Germaniyasi ustidan qozonilgan g‘alabaga O‘zbekistonning qo‘shgan hissasi. 5 - sinf

Yuklangan vaqt:

08.10.2019

Ko'chirishlar soni:

0

Hajmi:

2810.2392578125 KB
Ko'chirib olish
Gitler Germaniyasi ustidan qozonilgan g‘alabaga O‘zbekistonning qo‘shgan hissasi 5-sinf Tarix fani darsligi asosida 43-mavzu O‘zbekiston xalqining mehnat jasoratlari. Ikkinchi jahon urushi yillarida O‘zbekiston hali sobiq Sovet Ittifoqi tarkibida edi. Binobarin, 1941-yilning 22-iyunida Gitler Germaniyasi sobiq Sovet Ittifoqiga hujum qilgach, O‘zbekiston ham urushga tortildi. Sobiq Sovet Ittifoqi hukumati Germaniya bosib olishi mumkin bo‘lgan hududlarda joylashgan sanoat korxonalarining yuzdan ortig‘ini O‘zbekistonga ko‘chirdi. O‘zbekiston urush yillarida frontga 2100 ta samolyot, 1700 donadan ortiq samolyot motori, 2 milliondan ortiq aviabomba, 330 ming dona parashyut va boshqa qurol- yarog‘ hamda harbiy anjomlar yetkazib berdi. O‘zbekiston mehnatkashlari tomonidan yasalgan tanklar. Qishloq mehnatkashlarining jasorati. O‘zbekistonning qishloq aholisi esa frontni zarur oziq-ovqat va kiyim-kechak bilan ta’minlashda ulkan fidoyilik ko‘rsatdi. Erkaklar urushga safarbar etilgani uchun qishloq xo‘jaligida ishchi kuchi yetishmay qoldi. Ularning o‘rnini ayollar va bolalar egallashdi. Xalqimiz ana shunday og‘ir vaziyatda kunni kun, tunni tun demasdan, mashaqqatli mehnat qilib, front uchun, g‘alaba uchun munosib hissa qo‘shdilar. Ulkan saxovat. Gitler Germaniyasiga qarshi kurashda O‘zbekiston aholisi ham ulkan saxovat ko‘rsatdi. Chunonchi, ular mamlakat mudofaa jamg‘armasiga 650 mln. so‘mdan ziyod pul, 55 kg ga yaqin tilla va boshqa qimmatbaho buyumlar topshirdilar. Sobiq Sovet Ittifoqi hukumati mamlakat hududining urush harakatlari ketayotgan joylarida yashovchi tinch aholining bir qismini mamlakat ichkarisiga ko‘chirdi. Shulardan bir milliondan ortig‘I O‘zbekistonga keltirildi. O‘zbekistonlik askarlarning frontdagi jasoratlari. Ikkinchi jahon urushi frontlariga yuborilgan bir yarim milliondan ko‘proq O‘zbekistonlik askarlar dushmanga qarshi mardona jang qildilar. Gitler Germaniyasining hujumini birinchilardan bo‘lib qarshi olgan Germaniyaga chegaradosh Brest qal’asi bo‘ldi. Qal’ani himoya qilganlar orasida o‘zbekistonliklar ham bor edi. Ikkinchi jahon urushi yillarida 500 mingga yaqin o‘zbekistonlik askar halok bo‘ldi. 60 mingdan ortiq askar esa nogiron, mayib-majruh bo‘lib qoldi. Xotira abadiydir. Ikkinchi jahon urushi frontlarida halok bo‘lganlarning xotirasini abadiylashtirish uchun 1998- yilda O‘zbekistonda Gitler Germaniyasi ustidan qozonilgan g‘alaba kuni – 9-may umummilliy «Xotira va qadrlash kuni» deb belgilandi. «Motamsaro ona» haykali. Savol va topshiriqlar 1. Urush yillarida o‘zbekistonlik ishchilar ko‘rsatgan mehnat jasoratlari haqida so‘zlab bering. 2. O‘zbekiston qishloq mehnatkashlari urush yillarida qanday muvaffaqiyatlarga erishdilar? 3. O‘zbekiston xalqining urush yillarida ko‘rsatgan bag‘rikengligi va saxovatpeshaligi haqida nimalarni bilib oldingiz? 4. O‘zbekistonlik askarlarning jang maydonlarida ko‘rsatgan qahramonliklariga misollar keltiring. 5. Ikkinchi jahon urushida halok bo‘lgan o‘zbekistonlik askarlar xotirasini abadiylashtirish borasida qanday ishlar amalga oshirildi?

O'xshashlar

O‘zbekistonning tarixiy shaharlari. 5 - sinf
O‘zbekistonning tarixiy-me’moriy yodgorliklari. 5 - sinf
Ikkinchi jahon urushi. 5 - sinf
Ikkinchi jahon urushining boshlanishi hamda O‘zbekistonning urush girdobiga tortilishi. 10- sinf
Muzeylar. 5 - sinf