Amerika Qo'shma Shtatlarining tashkil topishi. 8- sinf - Tarix - Slaydlar (maktab darsliklari bo'yicha)

Amerika Qo'shma Shtatlarining tashkil topishi. 8- sinf

Yuklangan vaqt:

08.10.2019

Ko'chirishlar soni:

0

Hajmi:

3252.8125 KB

Ko'chirib olish

Amerika Qo'shma Shtatlarining tashkil topishi 8-sinf Jahon tarixi darsligi asosida 14-mavzu

Shimoliy Amerikadagi ingliz mustamlakalari. XVIII asrning o'rtalaridan boshlab Buyuk Britaniyaning mustamlakasi bo'lgan Shimoliy Amerikada yagona ichki bozor shakllana boshladi, savdo aloqalari rivojlandi.

Hududning umumiyligi, mustamlakalarning iqtisodiy va xo'jalik manfaatlari, til va dinning yagonaligi yangi xalq - amerika xalqining shakllanishiga olib keldi.

Mustaqillik uchun kurash. Buyuk Britaniya qirollik hukumati mustamlakalardan olinadigan daromadni tobora ko'paytirishga urindi. Bu esa metropoliya va mustamlaka shtatlar o'rtasidagi nizoni tobora kuchaytira boshladi.

1763- yilda qirol mustamlakalardagi yevropaliklarning Amerika g'arbiga siljishini taqiqlovchi qaror chiqardi. Bu qaror mahalliy hindular bilan urush kelib chiqishining oldini olishi kerak edi. Mamlakat g'arbida juda ko'p yerlar bo'sh yotardi.

Metropoliyaning mustamlakachilik siyosatiga qarshi kurashish maqsadida 1765- yilda amerikalik inglizlar «Ozodlik farzandlari» deb ataluvchi tashkilot tuzdilar. Bu tashkilot metropoliyadan olib kelinayotgan ingliz tovarlarini boykot qilish harakatini boshqarib turdi. 2E1B 1C 30 23 0C

Mustaqillik uchun urushning boshlanishi. 1774- yilda 13 shtat vakillari Filadelfiya shahrida I Kontinental Kongressga yig'ilishdi. 1774- yilda 13 shtat vakillari Filadelfiya shahrida I Kontinental Kongressga yig'ilishdi. Kongress metropoliyaning majbur etuvchi qonunlariga itoat etish majburiy emasligi haqida qaror qabul qildi.

Qirol hukumati mustamlaka shtatlar hukumatlari bilan kelishuv yo'lini izlash o'rniga mustamlakalarni taslim etish siyosatini yuritdi va 1775- yilning aprelida qirol qo'shinlari ularga qarshi urush harakatlarini boshladi.

Kongress qatnashchilari urush boshlashga ovoz berdilar va virginiyalik polkovnik Jorj Vashingtonni (1732 - 1799) Amerika Qurolli Kuchlarining Bosh qo'mondoni etib tayinladilar . Shu tariqa mustaqillik uchun urush boshlandi. Jorj Vashington

Mustaqillik Deklaratsiyasi. 1776- yilning 4- iyulida e'lon qilingan bu hujjat «Mustaqillik Deklaratsiyasi» deb ataldi. Deklaratsiya yangi davlat - Amerika Qo'shma Shtatlarining tuzilganligini butun dunyoga ma'lum qildi.

Urushning tugallanishi. 1782- yilda Amerika va Fransiya qo'shinlari Buyuk Britaniya asosiy kuchlarini taslim etdi. Natijada Buyuk Britaniya qiroli hukumati muzokaralar boshlashga majbur bo'ldi. Shu tariqa urush tugadi.

AQSH Konstitutsiyasining qabul qilinishi. 1787- yili Filadelfiya shahrida mamlakat shtatlari vakillarining Ta'sis Konventi chaqirildi. Uning ishida barcha shtatlardan saylangan 55 nafar vakil qatnashdi. 1787- yilda AQSH Konstitutsiyasi qabul qilindi. Ular AQSH Konstitutsiyasini tayyorlash ishini nihoyasiga yetkazishlari lozim edi.

Davlat tuzumi. Konstitutsiya AQSHda respublika tuzumini o'rnatdi. Ijro etuvchi hokimiyatni 4 yil muddatga saylanadigan Prezident boshqaradigan bo'ldi. 1789- yilda Jorj Vashington AQSHning birinchi Prezidenti etib saylandi. Oliy Qonun chiqaruvchi hokimiyatning ikki palatali Kongress tomonidan amalga oshirilishi belgilandi.

Yuqori palata «Senat» , quyi palata esa «Vakillar palatasi» deb ataldi. Senatga har bir shtatdan ikki kishi, Vakillar palatasiga esa deputatlar shtatlar aholisining soniga mos ravishda saylanardi.

Savol va topshiriqlar 1. Ingliz burjua inqilobi va Amerika burjua inqiloblarining o'xshash hamda o'ziga xos belgilarini, oqibatlarini, yakunlarini aniqlang. 2. Buyuk Britaniyaning Shimoliy Amerikadagi mustamlakalari qay tariqa tashkil etildi? 3. Nega Yevropa (asosan, Buyuk Britaniya)dan ko'chib borib o'rnashgan yevropaliklar Buyuk Britaniya tarkibida qolishni istamay qolganlar? 4. AQSH qay tariqa tashkil etildi? 5. Shimoliy Amerikadagi mustaqillik urushi qanday natija bilan tugadi? 6. AQSH Konstitutsiyasining qabul qilinishi haqida nimalarni bilib oldingiz? 7. Amerika burjua inqilobining tarixiy ahamiyati nimalardan iborat?

O'xshashlar

Qo'qon xonligining tashkil topishi 8-sinf

Xiva xonligining tashkil topishi 8-sinf

Rossiya imperiyasining tashkil topishi. 8- sinf

Buxoro xonligi Xonlikning tashkil topishi 8-sinf

O‘zbekiston SSRning tashkil topishi. 10- sinf