Mafkuraviy immunitet 9 - sinf - Milliy istiqlol g'oyasi - Slaydlar (maktab darsliklari bo'yicha)

Mafkuraviy immunitet 9 - sinf

Yuklangan vaqt:

26.12.2019

Ko'chirishlar soni:

0

Hajmi:

2314.7626953125 KB

Ko'chirib olish

Mafkuraviy immunitet 9-sinf Milliy istiqlol g’oyasi va ma’naviyat asoslari fani darsligi asosida 6-mavzu

Insonning qalbi va ongini egallashga qaratilgan zararli ta’sirlar turli xil jozibali shior va g‘oyalar bilan niqoblangani uchun bir qarashda ularning qanchalik xavfli ekanini sezish oson emas.

Masalan, oddiy o‘yinchoq, multfilm yoki kompyuter o‘yinlari vositasida bolalar shafqatsizlikka, insonga mehr emas, nafrat bilan qarashga o‘rgatilishi mumkin.

Ma’lumki, qalb va ong inson hayotining ma’no-mazmunini belgilaydi, sezgilar, fikr va axborotlar orqali uning butun vujudini boshqarib turadi.

Bu dunyoda eng kuchli muhabbat – ota-onaga, oilaga, Vatanga bo‘lgan muhabbatdir. Eng mustahkam e’tiqod – ona yurtga bo‘lgan e’tiqoddir.

Insonning dunyoqarashi qalb va ongdagi fikr va såzgilar asosida shakllanadi.Ong-u tafakkur insonning fikrlash, o‘ylash, tahlil etish va xulosalar chiqarish qobiliyatini bildiradi.

O‘z oilasi, Vatani va xalqining baxtini o‘ylab, butun insoniyatga ezgulik tilab yashashga asoslangan dunyoqarash eng kuchli dunyoqarashdir.

Yoshlarning qalbi va tafakkurida shakllanish jarayoni kechayotgani uchun ularda hali qat’iy e’tiqod va dunyoqarash mustahkamlanib ulgurmagan bo‘ladi.

Vatanimiz ham, xuddi ota-onamiz kabi, faqat bizning baxtimizni o‘ylaydi. Bizni bugungi dunyoda tobora keng yoyilib borayotgan salbiy ta’sirlardan asrashga harakat qiladi.

Milliy g‘oyamizning asosiy tushuncha va tamoyillari aynan shu maqsadda ishlab chiqilgan.

Yomonlikka qarshi nafrat, yaxshilikka nisbatan muhabbat va xayrixohlik, kindik qoni tomgan qadrdon zaminga fidoyilik – ma’naviy immunitetning asosiy belgilaridir.

Ogohlik – dunyodan, yon-atrofda bo‘layotgan o‘zgarishlardan, odamlar va xalqlarning orzu-intilishlaridan doimiy boxabar bo‘lib yashashdir.

Xususan, buyuk mutafakkir bobomiz Alisher Navoiy ogoh odam shoh kabi katta imkoniyatlarga ega ekani, ya’ni u dunyoda nimalar sodir bo‘lishini oldindan ko‘rib turishini ta’kidlab, bunday degan: Alisher Navoiy Erursen shoh – agar ogohsen sen, Agar ogohsen sen – shohsen sen.

Mamlakatimizda ta’lim tizimida amalga oshirilayotgan ulkan ishlar, xalqimiz ma’naviyatini yuksaltirish, sog‘lom avlodni tarbiyalash borasida qilinayotgan sa’y- harakatlar – barchasi bilimli, ma’rifatli va ongli insonni voyaga yetkazishga qaratilgani bilan ayniqsa e’tiborlidir.

Savol va topshiriqlar: 1. Bugungi kunda nima sababdan inson qalbi va ongini egallash uchun kurash kuchayib bormoqda? 2. Qalb va ongning xususiyatlari nimalardan iborat? 3. «Immunitet» so‘zining lug‘aviy ma’nosi nimani anglatadi? 4. «Mafkuraviy immunitet» tushunchasini sharhlab bering. 5. Mafkuraviy immunitetning asosiy xususiyatlari nimalardan iborat? 6. Jaholatga qarshi ma’rifat asosida kurashish hozirgi paytda qanday ahamiyat kasb etmoqda? 7. Bugungi kunda jamiyatimiz hayotiga chetdan xavf solib turgan mafkuraviy tahdidlar haqida gapirib bering.

O'xshashlar

Mafkuraviy poligon 9 - sinf

Dunyoning mafkuraviy manzarasi 9 - sinf

Ma’naviy jasorat 9 - sinf

G‘oyaviy bo‘shliq 9 - sinf

Ma’naviyat qo‘rg‘oni 9 - sinf