Jamiyatga xavf soladigan illatlar 7 - sinf - Milliy istiqlol g'oyasi - Slaydlar (maktab darsliklari bo'yicha)

Jamiyatga xavf soladigan illatlar 7 - sinf

Yuklangan vaqt:

08.12.2019

Ko'chirishlar soni:

0

Hajmi:

1620 KB

Ko'chirib olish

Jamiyatga xavf soladigan illatlar 7-sinf Milliy istiqlol g’oyasi va ma’naviyat asoslari fani asosida 11-mavzu

«Ko‘zga ko‘rinmas xatarlar» mavzusida xalqimizning ongi va ruhiga chetdan tajovuz qilayotgan mafkuraviy illatlarga ko‘proq to‘xtalgan edik.

Xudbinlik – odamning faqatgina o‘zini o‘ylashi, boshqalarning manfaatlari bilan hisoblashmasligi, o‘z istaklarini qondirish yo‘lida o‘zgalarni oyog‘osti qilib ketishdan ham qaytmaslikdek salbiy illat hisoblanadi. Xudbinlik

Xudbinlik kasaliga yo‘liqqan kishi uchun go‘yo hamma u bilangina hisoblashishi, barcha ishlar unga yoqadigan tarzda amalga oshishi, barcha masala faqat uning foydasiga hal bo‘lishi lozim.

Bunday odamlar, afsuski, bizning oramizda ham uchrab turadi. Ular davlatdan, jamiyatdan, xalqdan hamma narsani talab qiladi-yu, o‘zlari o‘sha jamiyat, davlat va xalqqa biror narsa bilan foydam tegdimi, deb o‘ylab ham ko‘rmaydi.230E02 1E 0D1D0C 10 1E

O‘zi tug‘ilib o‘sgan yurtda bo‘layotgan voqea-hodisalar, o‘zgarishlar, muammolarning ularga hech qanday aloqasi yo‘qdek, faqat o‘z hayoti ichiga «qamalib olishadi».

Xudbin shaxs nafaqat jamiyat muammolariga nisbatan loqayd, balki o‘z atrofidagi tengdoshlari, hamkasblari, hatto oilasi a’zolariga nisbatan ham o‘zini xuddi yotdek, begonadek tutadi.

Bu xil insonlar odam bolasiga shafqat nazari bilan qarash, yordamga muhtojlarga najot qo‘lini cho‘zish, o‘zgalar tashvishi yo‘lida oromidan kechishdek ezgu amallarni hatto o‘ylashmaydi ham.

Jamiyatimizga jiddiy tahdid tug‘diruvchi illatlardan yana biri loqaydlikdir. Yurtboshimiz bu illatning qanchalar xavfli ekani to‘g‘risida «Yuksak ma’naviyat – yengilmas kuch» asari da nihoyatda ibratli, asosli mulohazalarni bildirib o‘tadi.

Shu o‘rinda O‘zbekiston xalq shoiri Iqbol Mirzoning quyidagi da’vatkor satrlari yodga tushadi:Dunyo bugun boshqa dunyo, niqobi turli, Ko‘nglidagi gapi turli, xitobi turli. Yuragingni uyg‘ot, do‘stim, qalbingni uyg‘ot! G‘ofillarning rohati yo‘q, azobi turli. Bu kurashda o‘z o‘rningni tanladingmi, hey?! O‘zliging va kimligingni angladingmi, hey?! Bu binolar ko‘kdan bino bo‘lib tushmagan, Bu lochinlar o‘z-o‘zidan ko‘kka uchmagan. Qanday odam sanash mumkin loqayd kimsani, Faqat ulush olgan, elga ulush qo‘shmagan. Bu kurashda o‘z o‘rningni tanladingmi, hey?! O‘zliging va kimligingni angladingmi, hey?!

Ogoh bo‘lishimiz, saqlanishimiz lozim bo‘lgan yana bir illat urug‘- aymoqchilikka zo‘r berish, hamma narsadan shu manfaatni ustun qo‘yishdir.

Mahalliychilik – kishilarda o‘zlari tug‘ilib o‘sgan joy bilan bog‘liq holda shakllanadigan hududiy yaqinlik tuyg‘usining salbiy ko‘rinishda namoyon bo‘lishidir.

Bizning odobimizga ko‘rk qo‘shadigan fazilatlardan biri kamtarlik bo‘lsa, Kishining ko‘rkini buzadigan, boshqalarni bizdan bezdiradigan illat manmanlik va boshqalarni mensimaslikdir. Manmanlik

Haqiqiy bilimdon bola o‘zini ko‘z-ko‘z qilib chiranmaydi, boshqalarning ustidan kulmaydi. Aksincha, u do‘stlarining ham o‘ziga yetib olishi, butun sinf uning bilimidan bahramand bo‘lishini istaydi.

Kamtarin odam atrofdagilardan o‘ziga nisbatan munosabatda ortiqcha izzat-ikrom, alohida ehtirom talab qilmaydi, izzattalab bo‘lmaydi, muvaffaqiyatlaridan kibr-u havoga berilib, maqtanchoqlik qilmaydi.

Savol va topshiriqlar 1. Milliy ma’naviyatga qarshi qaratilgan qanday tashqi va ichki tahdidlarni bilasiz? 2. Xudbinlik illatiga chalinmaslik uchun kishidan nimalar talab qilinadi, deb o‘ylaysiz? 3. Ayrim paytlarda o‘zingizda ham xudbinlik alomatlarini sezganmisiz? Undan to‘liq qutulganman, deya olasizmi? 4. Nima uchun loqayd kimsa dushmandan ham xavfli bo‘ladi? 5. Mahalliychilikka berilgan ta’rifni o‘z tilingizda izohlashga harakat qiling. 6. Manmanlik, kibri havoga berilish oqibatida yuzaga kelayotgan xunuk hayotiy misollardan keltiring. 7. Hasad, hasadgo‘ylik tuyg‘usi insonda qanday paydo bo‘lishi va nima oqibatlarga olib kelishi haqida so‘zlang.

O'xshashlar

Zararli g‘oyalar 7 - sinf

Shaxs tarbiyasi 7 - sinf

Inson qalbiga yo‘l 7 - sinf

Hushyorlik va ogohlik 7 - sinf

Fikr va g‘oya 7 - sinf