Insonparvarlik – xalqimizning ezgu fazilati 7 - sinf - Milliy istiqlol g'oyasi - Slaydlar (maktab darsliklari bo'yicha)

Insonparvarlik – xalqimizning ezgu fazilati 7 - sinf

Yuklangan vaqt:

08.12.2019

Ko'chirishlar soni:

0

Hajmi:

4296.1884765625 KB

Ko'chirib olish

Insonparvarlik – xalqimizning ezgu fazilati 7-sinf Milliy istiqlol g’oyasi va ma’naviyat asoslari fani asosida 14-mavzu

Insonparvarlik – odamzot qadri, uning erkinligi va qobiliyatlarining har tomonlama namoyon bo‘lishi uchun kurashish, kishilarning baxt-saodati, teng huquqliligi, adolatli hayotini ta’min etishga intilishini ifodalaydigan g‘oya va qarashlar tizimi.

Sharq xalqlari ijtimoiy tafakkurida insonparvarlik g‘oyalari qadimiy ildizlarga ega.

G‘arbda esa u o‘rta asrlarda minglab kishilarning qatl etilishiga sabab bo‘lgan johil dindorlar va ularni qo‘llab- quvvatlagan feodallarga qarshi kurash sifatida namoyon bo‘la boshlagan.

Insonparvarlik keng ijtimoiy fikrni qamrab olib, adabiyot, falsafa, san’at va boshqa sohalarda namoyon bo‘ldi va Yevropada «gumanizm» nomi bilan ataldi.

Ko‘hna tarix o‘zbek xalqining insonparvarlik xislatini juda ko‘p sinovdan o‘tkazgan. Bu o‘rinda birgina Ikkinchi jahon urushi (1939– 1945-y.) yillarini eslash kifoya.

Fashizmga qarshi urushga o‘zbek xalqining ham minglab o‘g‘lonlari safarbar etilgan. Yurtimizda qolgan aholi – ayollar va bolalar, keksalar va nogironlar kun-u tun mehnat qilib, jangchilarga zarur narsalarni yetkazib berib turishgan.

Mana shunday sharoitda urush bo‘layotgan joylardan yuz minglab aholi O‘zbekistonga ko‘chirib keltirilgan.

O‘zbek xalqi ularning barchasiga uyining va qalbining to‘ridan joy berdi. O‘z bolalariga yetmayotgan nonidan ushatib, ularga tutdi, shuncha insonning hayotini saqlab qoldi. 34 1110070C 341F 0A 05 18 0B 04 1A 0C

Mashhur «Sen yetim emassan» filmini ko‘rgan bo‘lsangiz kerak. O‘n to‘rtta yetim bolani oq yuvib, oq taragan film qahramonlari hayotda ham oddiy temirchilar oilasi edi.

Chunki, bag‘rikenglik, o‘zgalar dardiga sherik bo‘lib, ularga shafqat ko‘rsatishdek insonparvarlik tuyg‘ulari xalqimiz tabiatiga azaldan xosdir.

Mamlakatimiz Prezidenti Islom Karimov: «Biz shunchaki demokratik jamiyat emas, demokratik odil jamiyat qurmoqchimiz. Adolat va haqiqatga intilish esa xalqimiz tabiatining muhim fazilatlaridan biridir», deb ta’kidlaydi.

Demak, yurtimizning buguni va ertangi kuni qanday bo‘lishi bizning qanday bo‘lishimizga uzviy bog‘liq ekanini chuqur anglasakkina, shu yurtga munosib farzand bo‘la olamiz.

2004-yil mamlakatimizda «Mehr va muruvvat yili» deb atalgan edi. Bundan ko‘zlangan maqsad – xalqimiz orasida mehr-muruvvat tuyg‘ularini yanada kuchaytirish, yordamga muhtoj keksalar, nogironlar, boquvchisini yo‘qotgan oilalar, yetim-yesirlarga har tomonlama yordam berish.

Savol va topshiriqlar 1. O‘zbek xalqining insonparvarlik xislatlarini yorqin namoyon etgan qanday voqealarni bilasiz? 2. Qaysi badiiy asarlarda insonparvarlik tuyg‘usi ulug‘lanadi, unga zid hodisalar esa qoralanadi? 3. Adolatga amal qilinmasa, jamiyatda qanday salbiy holatlar yuzaga kelishi mumkin, deb o‘ylaysiz? 4. «Samoviy mehmon, besh donishmand va farrosh kampir qissasi» asari asosida suratga olingan multfilmni ko‘rgan bo‘lsangiz, taassurotingizni sinfdoshlaringizga so‘zlab bering? Fikringizni dalillashga harakat qiling. 5. Xalqimizning mehr-muruvvatli, saxovatli ekanini ko‘rsatadigan hayotiy dalillarni eslab ko‘ring.

O'xshashlar

Milliy g‘oya – ezgu orzu-intilishlar ifodasi 7 - sinf

Zararli g‘oyalar 7 - sinf

Shaxs tarbiyasi 7 - sinf

Inson qalbiga yo‘l 7 - sinf

Hushyorlik va ogohlik 7 - sinf