Elementlarning oksidlanish darajasi. 8 - sinf - Kimyo - Slaydlar (maktab darsliklari bo'yicha)

Elementlarning oksidlanish darajasi. 8 - sinf

Yuklangan vaqt:

02.10.2019

Ko'chirishlar soni:

0

Hajmi:

2139.5986328125 KB

Ko'chirib olish

Elementlarning oksidlanish darajasi 8-sinf Kimyo fani darsligi asosida 21-mavzu0102030403 0C0D0E 0F07080711070E

Qutbli kovalent va ionli birikmalarda kimyoviy bog‘lanishda ishtirok etayotgan elektronlar elektrmanfiyligi katta atomga tomon siljigan yoki butunlay o‘tib ketgan bo‘ladi.

Elektronlarni o‘zidan siljitgan atomlarni “elektron bergan” atomlar, elektronlarni o‘ziga tortgan atomlarni “elektron olgan” atomlar deb ataladi.

Atomlarning bergan yoki olgan elektronlar soni shu atomning oksidlanish darajasi deb ataladi.

Agar element: 1 ta elektron bersa +1, olsa –1, 2 ta elektron bersa +2, olsa –2, 3 ta elektron bersa +3, olsa –3 oksidlanish darajalarini hosil qiladi.

Elementlarning oksidlanish darajasini yozishda esa oksidlanish darajasi qiymati “+” yoki “–” ishoralaridan keyin yoziladi. Masalan, Na+1, Al+3, S –2 va hokazo.

Qutbsiz kovalent bog‘lanishli moddalar ya’ni oddiy moddalarda elementning oksidlanish darajasi nolga teng, chunki bunda atomlar orasida hosil bo‘lgan umumiy juft elektronlar hech qaysi atomga tomon siljimagan.

Kimyoviy birikmalarni tashkil etuvchi atomlarning oksidlanish darajalari yig‘indisi hamisha nolga teng bo‘ladi. Oksidlanish darajalari Element

Metallmaslardan ftor faqat – 1 oksidlanish darajasiga ega. Qolgan metallmaslar ham manfiy, ham musbat oksidlanish darajasini namoyon qila oladi.280C 0C 09

Oltingugurt atomi aluminiyga nisbatan elektrmanfiy, u tashqi qavatiga ikkita elektron olib –2 oksidlanish darajasini hosil qiladi.

Kislorod atomi esa ftorga elektron beradi va +2, qolgan birikmalarida –2 oksidlanish darajasini hosil qiladi. 2F06 27 15

Asosiy guruhcha elementlarining yuqori oksidlanish darajasi, shu elementning guruh raqamiga teng: Na+, Mg +2, Al +3, Si +4, P +5, S +6, Cl +7.

Qo‘shimcha guruhcha elementlarining yuqori oksidlanish darajasi ham guruh raqamiga teng bo‘ladi.

Elementning quyi oksidlanish darajasi sakkizdan valent elektronlarining ayirmasiga teng.

Masalan, oltingugurt VI guruh elementi bo‘lib, valent elektroni oltita. Demak, oltingugurt quyi oksidlanish darajasi (8 — 6 = 2) – 2 ga teng.

O'xshashlar

Oksidlanish qaytarilish reaksiyalari. 8 - sinf

Kimyoviy elementlarning dastlabki toifalanishi. 8 - sinf

Kimyoviy elementlarning davriy qonuni. 8 - sinf

Kimyoviy elementlarning tabiiy oilalari. 8 - sinf

Kimyoviy elementlarning nisbiy elektrmanfiyligi. 8 - sinf