Photoshopda qatlamlar va ulardan foydalanish 11-sinf - Informatika va AT - Slaydlar (maktab darsliklari bo'yicha)

Photoshopda qatlamlar va ulardan foydalanish 11-sinf

Yuklangan vaqt:

08.02.2020

Ko'chirishlar soni:

0

Hajmi:

3906.169921875 KB

Ko'chirib olish

PhotoShopning bugungi kundagi muvaffaqiyati kalitlaridan biri bu uning qatlamlar bilan ishlay olishidir. Qatlam bu shaffof qog‘oz bo‘lib, PhotoShopda qatlamga qo‘shimcha tasvir joylash mumkin.

Qatlamlar ustma-ust joylashib, yaxlit bir tasvir hosil qiladi. Har bir qatlamdagi tasvirni boshqa qatlamdagi tasvirlardan alohida tahrirlash mumkin.

Qatlamlardan biz yuqorida foydalangan edik. “O‘zbekiston” mehmonxonasi suratiga to‘rtta avtomashinani joylaganimizda ularning har biri alohida qatlamda joylashgan edi.

Bu avtomashinalardan birortasining joyini o‘zgar- tirmoqchi bo‘lsak, u joylashgan qatlamni tanlab, undagi tasvirni surishning o‘zi yetarli. Bunda boshqa avtomashinalar va mehmonxona surati o‘zgarmaydi.

PhotoShop suratga qo‘shilgan yangi tasvirlarni avtomatik tarzda yangi qatlamga joylaydi. PhotoShop da bir vaqtda 50 dan ortiq qatlam bilan ishlash mumkin.

Qatlamlar bilan ishlash uchun asosiy menyuning Слои (Qatlamlar) bo‘limida joylashgan buyruqlardan foydalanish mumkin. Lekin Слои (Qatlamlar) palitrasidan foydalanish yanada qulay.

Bu palitrani ekranga chiqarish uchun asosiy menyuning Okho (Oyna) bo'limidagi Слои (Qatlamlar) bandini tanlash yoki klaviaturada F7 funksional tugmasini bosish kerak.

Qatlamlardan birinchisi fon deb ataladi. U boshqalaridan pastda turadi va uning joyini o‘zgartirib bo‘lmaydi. Boshqa qatlamlaming o‘rnini almashtirish mumkin. Yuqorida turgan qatlamdagi tasvir pastdagilarini berkitib qo'yadi.

Qatlamga niqob qatlam qo'shish mumkin. Qatlamning niqob bilan berkitilgan qismini o‘zgartirib bo‘lmaydi. Bu qatlamning bir qismini o‘zgartirish kerak bo‘lganda juda qulay.

Tasvirda qatlamlar soni ortgan sari ular bilan ishlash qiyinlashadi. Bunday paytda bir necha qatlamni bitta guruhga birlashtirish va bu guruh bilan bitta qatlam bilan ishlagandek ishlash mumkin.

Noutbuk va mehmonxona rasmlarini yuklab olamiz. Mehmonxona tasvirini to‘liq ajratib (Ctrl+A qo'shtugmasi), undan nusxa olamiz (Ctrl+C). Noutbuk rasmiga o‘tib, unga nusxani joylaymiz (Ctrl+V).

Mehmonxona tasviri burchaklarida maxsus markerlar paydo bo‘ladi. Ulardan birini sudrab, noutbuk ekrani burchagiga olib kelamiz (2-rasm). Mehmonxona tasvirining qolgan uchlaridagi markerlami sichqoncha bilan sudrab, kerakli joyga olib kelamiz (3-, 4- va 5-rasmlar).

Yon oynadagi mototsiklchilarning tasvirini oddiy arqon yoki magnitli arqon uskunasi bilan ajratib olamiz. Klaviaturadagi Delete tugmasini bosib, ajratilgan bo'lakni o‘chirib tashlaymiz

Savol va topshiriqlar 1. Mehmonxona suratini boshqa suratdagi kompyuter ekraniga joylang. 2. Mehmonxona suratini boshqa suratdagi avtomashinaning yon oynasiga joylang. 3. Yon oynasida mehmonxona rasmi bo’lgan avtomobil rasmini suratdagi kompyuter ekraniga joylang. 4. Kublarni boshqa usullarda joylab, yangi tasvirlar yarating.

O'xshashlar

Photoshopda rang tizimlari 11-sinf

Photoshopda ranglar bilan ishlash 11-sinf

Photoshopda grafik obyekt fayllari bilan ishlash 11-sinf

Photoshopda tasvirning geometrik shakl ko’rinishidagi qismini ajratib olish 11-sinf

Photoshopning uskunalar paneli va palitralari 11-sinf