Hujjat hosil qilish va saqlash 6-sinf - Informatika va AT - Slaydlar (maktab darsliklari bo'yicha)

Hujjat hosil qilish va saqlash 6-sinf

Yuklangan vaqt:

02.03.2020

Ko'chirishlar soni:

0

Hajmi:

1206.78515625 KB

Ko'chirib olish

Логотип 6-sinf Informatika va axborot texnologiyalari fani asosida 3-mavzuHujjat hosil qilish va saqlash

Matnli hujjat tayyorlash uchun, avvalo, yangi sahifa (ish sohasi) hosil qilinadi. 1) Ishga tushirilgan dastur nomi bilan yangi hujjat hosil qilishni taklif etadi; 2) Fayl menyusidan Hosil qilish ( Создать ) buyrug‘i tanlanadi. Natijada matn terish uchun yangi sahifa hosil bo‘ladi. Microsoft Word matn protsessorida yangi sahifa hosil qilish, masalan, quyidagilardan biri asosida amalga oshirilishi mumkin:

Matn gaplardan, gaplar so‘zlardan, so‘zlar esa harflardan tashkil topadi. Bundan tashqari, matnda tinish belgilari va maxsus belgilar ham ishlatiladi. Bu belgilarning hammasi klaviaturada mavjud.

Shu sababli mazkur klavishlarning klaviaturada joylashish tartibini qanchalik yaxshi bilsangiz, matn terish ham shunchalik oson bo‘ladi. Buning uchun kerakli belgili klavishlarni ketma-ket bosish kifoya. Bosilgan klavishga mos belgi ish sohasining yurgich ko‘rsatib turgan yeriga yoziladi va yurgich bir belgi o‘ngga suriladi.

Ba’zi klavishlar ustiga bir nechta belgi tasviri tushirilgan bo‘ladi (5-sinf). Bu tasvirlar, odatda, yoki harfl arni, yoki maxsus belgilarni ifodalaydi. Masalan: Bu klavishlardan biri bosilganda, unda tasvirlangan harf yoki maxsus belgilardan qaysi biri hujjatda aks etishi klaviatura ishlayotgan til holatiga bog‘liq. 35 0D0C 0D 0B 1E0C 35 0D0C 11 12 1C

Masalalar paneli ning o‘ng tomonida joylashgan til panelida aks etadi. Til panelida yuqoridagi 3 til holatiga mos yoki , yoki tugmalaridan biri aks etib turadi.

Klaviatura til holatlaridan tashqari «quyi registr» yoki «yuqori registr » holatlaridan birida bo‘ladi. Kompyuter ishga tushirilganda, odatda, klaviatura quyi registr holatida bo‘ladi.

Quyi registr holatida klavish bosilganda til holatiga mos ravishda alifboning kichik harfl ari yoki klavishning quyi qismida aks etgan maxsus belgi ekranga chiqariladi.

Belgilarni yuqori registr holatida ekranga chiqarish uchun Shift klavishini bosib turib kerakli klavishlar bosiladi. Demak, klaviatura yuqori registr holatiga faqat Shift klavishi bosib turilganda o‘tadi.

Ba’zan matnning katta qismini faqat bosh harfl arda yozishga to‘g‘ri keladi. Bunday holda, odatda, Caps Lock klavishidan foydalaniladi.

Bu klavish bosilganda klaviaturaning o‘ng yuqori qismida Caps Lock indikatori yonadi va klaviatura faqat bosh harflarni kiritish holatiga (yuqori registr holatiga emas!) o‘tadi. Caps Lock klavishi qaytadan bosilsa, Caps Lock indikatori o‘chadi hamda klaviatura yana kichik harflarni kiritish holatiga qaytadi.

Hujjatni saqlash Hosil qilingan hujjatni xotirada saqlab qo‘yish lozim. Buning uchun hujjatni oxirigacha yozib bo‘lishni kutish shart emas. Odatda, matn kiritilishi boshlanishi bilan uni diskda saqlab, matn yozib bo‘linguncha vaqti-vaqti bilan joriy saqlab turish maqsadga muvofiq.

Aytib o‘tilganidek, hujjatni saqlash uchun, agar u birinchi marta saqlanayotgan bo‘lsa, Fayl menyusidan Saqlash ( Сохранить) yoki «...kabi saqlash» (Сохранить как …) buyrug‘i tanlanadi. Natijada Paint dasturidagi kabi ekranda Saqlash muloqot oynasi hosil bo‘ladi.

Yangi saqlanayotgan hujjatga joriy papkada avval saqlab qo‘yilgan hujjat nomi berilganda dasturning « Заменить» ( Almashtirilsin) taklifi qabul qilinsa, avvalgi hujjat o‘chib ketadi va o‘rniga yangi hujjat yoziladi!

Savol va topshiriqlar 1. Word dasturida yangi hujjat hosil qilish uchun qanday amallar bajariladi? 2. Qaysi menyu yordamida yangi hujjat uchun sahifa hosil qilinadi? 3. Yangi hujjat hosil qilish usullarini amalda ko‘rsatib bering. 4. Klaviatura qanday holatlarda bo‘lishi mumkin? 5. Klavish bosilganda undagi qaysi belgi ekranga chiqadi? 6. Quyi registr va yuqori registr holatlarida ishlashni amalda ko‘rsating.

O'xshashlar

Hujjatlarni tahrir qilish 6-sinf

Hujjatlarda shakllar va chizmalar 6-sinf

Matn muharrirlari 6-sinf

Hujjatni formatlash 6-sinf

WordART obyekti 6-sinf