18-mavzu Geometrik jismlar va ularning proyeksiyalarini yasash 8-sinf - Chizmachilik - Slaydlar (maktab darsliklari bo'yicha)

18-mavzu Geometrik jismlar va ularning proyeksiyalarini yasash 8-sinf

Yuklangan vaqt:

28.09.2022

Ko'chirishlar soni:

0

Hajmi:

976 KB

Ko'chirib olish

8-sinf chizmachilik darsligi asosida 18-mavzu:Geometrik jismlar va ularning proyeksiyalarini yasash

Har qanday detal ma'lum tartibda joylashgan geometrik jismlardan tuzil gan bo'ladi. Masalan, rezbasi o'yilmagan boltni olaylik. Boltning kallagi oltiburchakli prizma, sterjeni silindr, silindr uchidagi faskasi kesik konuslardan tuzilgan. Fikran har bir geometrik jismni bir-biridan ajratib, ya'ni har birini alohida tasavvur qilib ko'ramiz (18.1-chizma). Shunda bolt prizma, silindr va konusdan tuzilganligi ma'lum bo'ladi.

Geometrik jism o'zining sof ko'rinishida ham uchraydi. Masalan, g'isht -parallelepiped (prizma), qalam - prizma yoki silindr, quvur - silindr, koptok-shar va hokazo. Shulardan ko'rinib turibdiki, turmushimizda atrofimizni o'rab turgan narsalar turli geometrik jismlar ko'rinishida, ma'lum tartibda ularaing yig'indisidan tuzilgan.

Oddiy geometrik jismlarga quyidagilar kiradi: prizma (kub, parallelepiped), silindr, konus, piramida, shar. Ko'pyoqliklar. Bir xil yoki turli ko'rinishdagi ko'pburchakliklardan tu zilgan geometrik jism ko'pyoqlik deyiladi. Ulardan faqat kub, parallelepiped, prizma, piramidalar o'rganiladi.

Ko'pyoqliklardan piramida (tetraedr) va uning elementlari 18.2-chizmada ko'rsatilgan. S, A, B, C - uchlari, ABC - asos, SAB, SAC, SBC - yoqlari, AS, BS, CS, AB, AC, BC - qirralari hisoblanadi. Demak, yoqlarining o'zaro kesishayotgan chiziqlari - qirralar, qirralarning o'zaro kesishayotgan nuqtalari - uchlar, qirralari orqali chegaralanayotgan tekis shakllar - yoqlar deyiladi.

Kub. Kub ko'pyoqlik turkumiga kiradi va u oltita bir xil kattalikdagi kvadratlardan tashkil topadi. 18.3-chizma, a da kubni H, V, W tekisliklariga proyeksiyalash ko'rsatilgan. Uning uchala (balandligi, kengligi va uzunligi) o'lchamlari (a) bir xil. Shuning uchun, uning chizmasida o'zaro teng bo'lgan uchta kvadrat tasvirlanmoqda (18.3-chizma, b).

Kub o'n ikkita qirradan tashkil topadi va har to'rtta o'zaro parallel qirralari H, V, W ga perpendikular bo'lgani uchun nuqta ko'rinishida, qolganlari paral lel vaziyatda bo'lganligi uchun o'zining haqiqiy kattaligida proyeksiyalanadi.

Parallelepiped . Parallelepiped ko ' pyoqliklarning bir ko ' rinishi hisoblanib , proyeksiyalar tekisliklariga to ' g ' ri to ' rtburchak shaklida proyeksiyalanadi (18.4- chizma ). Lekin uning uchala o'lchamlari har xil: balandligi h, kengligi a, qalinligi b bo'ladi.

Prizma . Ko ' pyoqliklardan biri hisoblangan prizma turli ko ' rinishda bo ' ladi . Prizmaning muntazam oltiburchakligi texnik detallarda ko'p uchraydi. Masalan, bolt, gayka kabilar.

Muntazam oltiburchakli prizma H tekisligiga muntazam oltiburchak, V tekis-ligiga ikki yon yog'i bilan parallel joylashganligi uchun o'sha yoqlari haqiqiy kattaligida, qolganlari qisqarib proyeksiyalanadi (18.5-chizma). Bunday prizmani chizmada eng oldin ustdan ko'rinishi, ya'ni H dagi gorizontal proyeksiyasini chizishdan boshlash lozim.

Shunda uning V wa W dagi yoqlarim tasvirlashda xatolikka yo'l qo'yilmaydi. Bunday prizma, asosan, ikkita D - diametr, ya'ni hamma qirralari uchlariga urinma aylana va balandligi h o'lchamga ega bo'ladi. Bu prizma simmetrik jism bo'lgani uchun V da oldingi yoqlari orqasidagi yoqlarini to'sib proyeksiyalanadi. W da ikkita yon yog'i unga perpendikular bo'lgani uchun to'g'ri chiziq, oldingi ikkita yog'i orqasidagi ikkita yog'ini to'sib proyeksiyalanadi (18.5-chizma, a, b).

O'xshashlar

9-10-mavzu Geometrik naqsh - girih chizish 8-sinf

6-mavzu Geometrik yasashlar. Turli xil chiziqlar chizish 8-sinf

28-mavzu Tekis shakllarning aksonometriyalarini frontal dimetriya va izometriyada yasash 8-sinf

4-5-mavzu Chizma shriftlari va ularning o'lchamlari 8-sinf

19-20-mavzu Ko'pyoqliklarning yoyilmalari 8-sinf