MAQTANCHOQ AYIQ - O'qish - Dars ishlanmalar

MAQTANCHOQ AYIQ

Yuklangan vaqt:

01.10.2019

Ko'chirishlar soni:

0

Hajmi:

167 KB

Ko'chirib olish

O’ZBEKISTON RESPUBLIKASI XALQ TA’LIMI VAZIRLIGI Mirishkor tumanidagi 39-umumiy o’rta ta’lim maktabining boshglang’ich sinf o’qituvchisi Husanov Ahmadning o’qish fanidan bir soatlik Qarshi -2010

MAVZU: MAQTANCHOQ AYIQ Darsning maqsadi: a) O`quvchilarni o`rmon hayvonlari bilan tanishtirish va ular haqida to`liq ma’lumot berish. b) Maqtanchoqlik yomon illat ekanligini o`quvchilar ongiga singdirish. Dars jihozlari: 2-sinf o`qish kitobi, ayiq o`yinchoqlari. Darsni tashkil etish: Bolalar bilan salomlashib navbatchi o`quvchi so`raladi. Navbatchidan uning vazifasi so`raladi. O`qituvchi o`quvchilarni ikki guruhga ajratib oladi. Har bir guruh sardorlari o`z nomlari bilan tanishtiradilar. 1 - guruh: «Bobur Mirzo» 2 - guruh: «Amir Temur» O`qituvchi o`quvchilardan: - Qani biz o`quvchilar qoidasini ham bilamizmi? – deb so`raydi. 1 - o`quvchi. Qunt bilan o`qish 2- o`quvchi. Tirishqoqlik bilan mehnat qilish. 3- o`quvchi. Tabiatni muhofaza qilish 4- o`quvchi. Kitob o`qish, rasm chizish, musiqa tinglash va shaxsiy gegenik qoidalarga rioya qilish. 5- o`quvchi. Ota-ona so`ziga quloq solish. 6- o`quvchi. Yo`l harakati qoidalariga rioya qilish. O`qituvchi: Yaxshi o`quvchilar. Qani Vatan deganda nimani tushunasiz? 1 - o`quvchi. Vatan deganda kindik qoni to`kilgan, to`g`ilib o`sgan joyi qishlog`ini Vatan deb tushunamiz. 2 - o`quvchi. Yasha Vatan hur Vatan Dunyoga mashhur Vatan Istiqlolga erishding Davru davron sur Vatan. O`qituvchi: Hozir darsimiz qanday dars? O`quvchilar: O`qib-o`qib o`rganib Ta’sirlarni bilamiz Istiqlolga yuz tutib Sharof va shon topamiz. O`qituvchi: Qani o`qish faniga quyilgan talablar nimalardan iborat? 1. Harflarni to`g`ri talaffuz qilish. 2. Gap ohangiga rioya qilgan holda ravon va obrazli o`qish. 3. Gapdagi tinish belgilarni aks ettirish. 4. Bir daqiqada 40-50 ta so`z o`qish. 5. 10 daqiqada 4-5 sahifani o`qib qayta hikoya qilish.

O`qituvchi: Qani biz maqollar ham yod olganmizmi? O`quvchilar mehnat, ona, odob, bilim haqida maqollar aytishadi. O`qituvchi: Qani bu yil qanday yil deb e’lon qilindi? O`quvchi: 2005 yil «Sihat-salomatlik» yili. 1–o`quvchi: Shifokor kiyimida chiqib, qo`g`irchoqlarni sog`lig`ini tekshiradi. SHundan keyin o`quvchilar mavzuni rollarga bo`lib o`qiydilar. Dam olish vaqtida 1- o`quvchi «Qo`zichoq» qo`shig`ini aytadi. O`qituvchi bolalarga test savollarini beradi. 1 – savol. Bahor qaysi oydan boshlanadi? a) fevral b) mart d) aprel 2 – savol. Bahor she’rining muallifi kim? a) Uyg`un b) Z. Diyor d) Q. Muhammadiy 3 – savol. Ibn Sino bobomiz kim bo`lganlar? a) shoir b) shoh d) mashhur hakim 4 – savol. Kuy sehri ertagida Gulpari yovni qanay yengan? a) qurol bilan b) aldov bilan d) kuy bilan MAQTANCHOQ AYIQ Bir bor ekan, bir yo`q ekan. Badahshon degan joyda, qalin o`rmonzorda katta qung`ir ayiqpolvon yashar ekan. U juda kuchli, epchil ekan, lekin u doimo men «polvonman», deb maqtanar ekan. Bir kuni u do`stlarini to`plab: - Meni shu yerda kutinglar, sizlarni mehmon qilaman! – debdi do`rillab. Do`stlari uni sahiyligidan sevinib: - Nima bilan mehmon qilasan, polvon? – deyishibdi. - Olib kelganimda ko`rasizlar, hayratdan og`zingiz ochilib qoladi, - debdi maqtanchoq ayiq. Do`stlari uni uzoq kutishibdi. Qorinlari juda ochibdi – Bir vaqt yuz-ko`zi shishgan, yunglari hurpayib ketgan «polvon» qup-quruq qaytib kelibdi. Do`stlari voqeani surushtiribdi. U bo`lsa sir boy bermay: - Qo`shni qishloqqa bo`ri qo`ylarga hujum qilayotgan ekan, men ularni qutqardim,-debdi. Farosatli ayiqlar uning yolg`on gapirayotganligini bilib, nega yuz-ko`zing shishgan? – deb so`rashibdi. Ayiq nima deyishini bilmay indamay turgan ekan, birdan bir to`da ari galasi guvullab uchib kelib «polvon»ni talay boshlabdi. Do`stlari voqeaga tushunib, uning qilgan ishidan or qilib o`rmonga kirib ketishibdi. «Polvon» esa uzoq vaqt arilarga talanib, oxiri o`zini suvga tashlab qutulibdi va qilgan ishiga pyshaymon bo`lib, do`stlaridan uzr so`ragani o`rmonga kirib ketibdi. Matn bilan tanishgandan so`ng o`qituvchi maqtanchoq haqida so`zlab beradi. Bolalarni o`qish tezligini sinab ko`radi. O`quvchilar bilan birgalikda «Oltin toj» o`yini o`ynaladi. Uch o`quvchi ishtirok etadi. Dars davomida faol ishtirok etgan o`quvchilar rag`batlantiriladi.

Mavzuni umumlashtirish. Uyga vazifa. Maqtanchoq ayiq mavzusini ravon va ifodali o`qib so`zlab berish.

O'xshashlar

Alifbe

2-sinf. O`qish

Fel yuzasidan o'tilganlarni takrorlash

2-sinf. 8-martga. multimedia

2-sinf. O`qish