Сариқ иситма - Медицина - Презентации

Сариқ иситма

Загружено в:

03.05.2023

Скачано:

0

Размер:

2056 KB

САРИҚ ИСИТМА Сариқ иситма - (амариллез) (синонимлари: yellow fever - англ.; gelb fieber - нем.; fievr ejaune - франц.; fiebr eamarilla, vomi tonegro - исп.) — ўткир геморрагик трансмиссив касаллик бўлиб, иситма, ўткир интоксикация тромбогеморрагик синдром билан ўтиб буйрак, жигар фаолиятига зарар етказади. Ушбу касаллик тропик зооантропаноз касаллик бўлиб Африка ва жанубий Америка ҳудудларида учрайди. Касаллик вирусини чивинлар тарқатади.

Тарихи  Сариқ иситманинг клиник белгилари биринчи марта 1648 й. жанубий Америкада бўлган эпидемияда ёзиб қолдирилган.  XVII-XIX асрларда ушбу касалликнинг Африка ва Жанубий Америкада кўплаб эпидемиялари рўй бериб ушбу эпидемия натижасида Европанинг жанубий ҳудудларига тарқалишига сабаб бўлган.  К. Финлей (1881) сариқ иситма вирусининг трансмиссив йўл билан Aedes aegypti чивини тарқатишини аниқлаган. Ушбу вирус этиологиясини У. Рид и Д. Кэрроллар (1901) батафсил ўрганишган.  Сариқ иситма касаллиги табиий ўчоғида маймунларнинг ўрнининг аҳамиятини Стоукса (1928) и Соупера авторлар билан. (1933) аниқлашган.  1936 й. Ллойд ўз ходимлари билан сариқ иситмага қарши вакцинани ишлаб чиққан.

Сариқ иситма билан зарарланиш ҳавфи юқори бўлган ҳудудлар  Африка ва Лотин Американинг 45 давлатларида сариқ иситманинг ҳавфли эндемик ўчоқлари мавжуд. Ушбу ҳудудларда 900 миллиондан кўпроқ аҳоли истиқомад қилади. Африканинг 32 давлатлари эндемик ўчоқларида 508 миллиондан ортиқ аҳоли яшаса, қолган 13 давлат аҳолиси Лотин Америкасига тўғри келади. Жумладан Боливия, Бразилия, Колумбия, Перу ва Эквадор ҳудудлари ушбу касаллик вирусининг тарқалиши бўйича юқори ҳавфли ҳудудларга киради. Ҳар йили дунёда аҳоли орасида сариқ иситма билан касалланиш холатлари 200 000 атрофида рўйхатга олинса шулардан 30 000 га яқини ўлим билан тугайди. Баъзида касаллик вирусидан озод ҳудудларга сариқ иситма вирусининг келиб қолиш холатлари учраб туради. Аммо ханузгача ушбу вируснинг Осиё давлатларига келиб қолиш холатлари учрамаган.

Сариқ иситманинг тарқалиш ҳудудлари

Этиологияси  Сариқ иситма қўзғатувчиси - РНК сақловчи вирус Viscerophilustropicus тур Flavivirus оиласи Flaviviridae. Вирус диаметри- 17-25 нм. Япон энцефалити ва денге иситмаси вируси антигени билан ўхшаш. Маймун, оқ сичқон ва денгиз чўчқаси учун патоген хисобланади. Музлатилган холатда бир йилдан ортиқ мобайнида сақланишиб, 60°С хароратда 10 дақиқа ичида фаолланади. Ультрабинафша нур, эфир, хлор сақловчи препаратлар таъсирида тезда ўлади.

Эпизоотологияси ва эпидемиологияси  Хар йили дунёда 200 мингга яқин одам сариқ иситма билан касалланади ва улардан 30 минг атрофида инсонлар вафот этади. Ушбу касалликнинг 90% Африка қитъаси аҳолиси орасида учрайди.  Сариқ иситма халқаро таснифга кўра ўта ҳавфли инфекцияларнинг карантин касалликлар гурухига киради. Касалланиш холатлари кўпроқ тропик худуларда рўйхатга олинади, аммо вирус ташувчилари мавжуд бўлган барча жойларда сариқ иситма учрайди. Эндемик худулардан бошқа худуларга вируснинг тарқалиши юк ташиш вақтида чивинлар ёки касалланган бемор одамлар орқали ўтиши мумкин. Сариқ иситманинг одамларда учрайдиган уч тури мавжуд: 1. Жунгли иситмаси (қишлоқ варианти); 2. Шахар варианти; 3.Оралиқ варианти.

Инфекция манбаи ва ташувчилари  Асосий тарқатувчилар Aedes чивинлар ҳисобланади. Шунингдек, турли хайвонлар (маймун, типратикон, баъзида каламушлар халталилар, ва б.). Вирус ташувчилари бўлмаганда бемор одам ҳавфли хисобланмайди.

Юқтириш омиллари  Трансмиссив. Тарқатувчиси – Наетаgogus (Америка ҳудудида) ва Aedes, асосан A. aegypti (Африка ҳудудида) чивин турлари ҳисобланиб, улар аҳоли худудларига мослашган. Касаллик вирусини тарқатувчи чивинлар асосан ариқ, ботқоқ, қамишзор ва сув манбалари яқин жойларда кўпаяди. Одамларга тез-тез хужужм қилади. Чивинлар касаллик вируси билан зарарланган қон билан тўйингач 25°С хароратда 9-12 кундан, 37°С хароратда эса 4 кундан сўнг ҳудудда яшовчи аҳоли учун ҳавфли хисобланади. 18°С паст хароратда эса вирус тарқатиш хусусиятини йўқотади. Шунингдек вирус тери бутунлигини йўқотган жойга ёки шиллиқ қаватга тушган холатда ҳам касаллик чақиради.

Патогенези  Вирус одам организмига зарарланган чивин чақиши натижасида юқади. Лаборатория шараоитида хаво-томчи йўли билан юқиши ҳам тасдиқланган. Касаллик вируси организмга тушгач лимфа тугунларида кўпаяди. Вирус 3-5 кун ўтгач лимфа тугунлари орқали қонга ўтади. Ушбу вақтда қон намунаси текширилганда касаллик қўзғатвчисини аниқлаш мумкин. Вирус қон орали турли органларга жумладан жигар, талоқ, буйрак, суяк кўмиги, лимфа тугунларига тарқалади ва зарарлайди. Натижада одам аъзолари қон томирларида ўзгаришлар пайдо бўлиб, тромбогеморрагик синдром билан кечувчи жараёнлар бошланади. Жигар катталашади ва жигар тўқималарида катта бўлмаган некрозли ўчақлар хосил бўлади. Жигар фаолиятининг бузилиши сариқликнинг пайдо бўлишига олиб келади. Шунингдек, талоқ, лимфа тугунлари, буйраклар фаолиятининг бузилиши натижасида танада шиш, қон кетиш, буйрак каналлари некрози пайдо бўлади. Касалликни ўтказиб бўлгач организмда турғун иммунитет ҳосил бўлади.

Эпидемияга қарши чора-тадбирлар ва профилактикаси  Сариқ иситма билан аниқланган беморлар юқумли касалликлар шифохонасига ётқизилади. Сув ва хаво транспортида бемор аниқланса биринчидан ушбу бемор йўловчилардан алохидаланади. Сариқ иситмага нисбатан эпидемик ҳавфи юқори бўлган ҳудуддан келган ҳар қандай транспорт воситаси дезинфекция қилинганлиги тўғрисида маълумоти бўлиши зарур. Эндемик ҳудудлардан келган ва сариқ иситмага гумон қилинган бемор 9 кун мабойнида алохидаланган ҳолда тиббий назоратда бўлмоғи шарт. Сариқ иситманинг аҳоли орасида тарқалиши кузатилган вақтда аҳолини ялпи эмлаш ишларини ўтказиш зарур.

 Сариқ иситма касаллигининг одамларда аниқланиши билан аҳоли орасида қарши кўрсатмаларни этиборга олган холда умумий эмлаш ишларини ўтказиш.  Ушбу инфекция билан касалланиш холатлари учраганда амалдаги халқаро санитария қоидаларига риоя қилган холда хар бир касалланиш тўғрисида маълумот бериш.  Вирусни ўрганиш ва режалаштирилган эпидемияга қарши чора-тадбирлар, XX асрнинг ўрталарида Америка аҳолиси орасида сариқ иситманинг эпидемия тарзида тарқалишининг олди олинди.

Давоми  Касалликнинг эндемик ҳудудларига борувчи шахслар ушбу касалликка қарши эмланади. Вакцинада фаоллиги суст бўлган 17D вирус штаммидан фойдаланилади. Сариқ иситма вакцинаси вакциналогия тарихидаги дунёда энг ҳавфсиз ва самарадорлиги юқори бўлган ишончли вакцина ҳисобланади. Эмлашдан сўнг 1 хафта ўтгач одам организмида 30-35 йиллик (балким бир умрлик) иммунитет ҳосил бўлади. Хозирги вақтда кўпгина давлатларда ҳар 10 йилда сариқ иситмага қарши реовакцинация ўтказилади.  Касал бўлиб ўтган бемор ва табиий иммунизация қилинган маймун қон зардоблари бемор одамни даволашда таъсир доираси етарли эмас. Сабаби вирус хужайра ичи паразити ҳисобланади.

Клиникаси  Касалликнинг яширин даври 3-6 кунгача баъзида 10 кунгача давом этиши мумкин.  Касалликнинг клиник даври 2 фазали кўринишда бўлади.  Касаллик, холсизлик, кучли бош оғриғи, иштахасизлик, тананинг елка ва бўғим мушакларида оғриқ, кўнгил айниш ҳамда қайт қилиш, танада 39—41°С хароратнинг кўтарилиши билан бошланади. Беморнинг ташқи кўринишида жигар фаолиятининг бузилиши натижасида танада сарғайиш аломатлари, юз қисмининг қизариши пайдо бўлади. Сўнг бемор ахволи оғирлашиб геморрагик синдром билан ўткир буйрак етишмаслиги натижасида шок холатига тушади. Даво чоралари яхши натижа бермаса 3-4 кун ўтгач бемор ўлади.  Беморлар орасида ўлим кўрсаткичи 5—10 % дан 15—20 % гача, касалликнинг эпидемик чақнаш шаклида эса 50—60 %гача бўлиши мумкин.  Ушбу касалликнин ўтказган одамда бир умрлик иммунитет ҳосил бўлади.

Таш ҳ исоти  Сариқ иситма вирусини ажратиб олиш учун беморда касалликнинг 3-4 кунлари олинган қон зардоби ёки бемор ўлганда унинг жигаридан намуна олиб янги туғилган сичқон боласи, чивин ва культура тўқимасида зарарлаш орқали ўтказилади.

 Сариқ иситмага қарши вакцинация ўтказиладиган давлатлар рўйхати:  1. Бенин  2. Буркина-Фасо  3. Габон  4. Гана  5. Конго Демократик Республикаси  6. Камерун  7. Конго  8. Кот-д'Ивуар  9. Либерия  10. Мавритания  11. Мали  12. Нигер  13. Перу  14. Руанда  15. Сан-Томе ва Принсипи  16. Того  17. Француз Гвианаси  18. Марказий Африка Республикаси  19. Боливия

 Сариқ иситмага қарши эмланганлиги тўғрисида Халқаро гувохнома талаб қилувчи Давлатлар рўйхати: Жанубий Америка давлатлари: 1. Венесуэла 2. Боливия 3. Бразилия 4. Гайана 5. Колумбия 6. Панама 7. Суринам 8. Эквадор

 Африка давлатлари: 1. Ангола 2. Бурунди 3. Гамбия 4. Гвинея 5. Гвинея-Бисау 6. Замбия 7. Кения 8. Нигерия 9. Сенегал 10. Сомали 11. Судан 12. Сьерра-Леоне 13. Танзания 14. Уганда 15. Чад 16. Гвинея экваториаси 17. Эфиопия

 Эмлаш учун қарши кўрсатмалар:  ёши 9 ойгача (эпидемия даврида 6 ойгача) бўлган болалар;  хомиладор аёллар;  тухум оқсилига кучли аллергияси мавжуд шахслар;  Организмда иммун танқислиги синдроми вирусини юқтирган ва касалланганлар ЎзР ССВ Вирусология ИТИ Тузувчилар : Шерматов В.А., Умурзаков Ш.Д., Миркасимова Х.Х. , Шермухамедова Д.А., Брянцева Е.В., Эгамбердиев М.М. Байназаров М.М., Калугина Л.Г., Юсупова Л.О. Тақризчи: Сапаров Х.Б.

Похожие

Юқумли жараён ва юқумли касаллик хақида тушунча

Безгак (малярия, malaria)

Болаларда ўткир ревматик иситмада хамширалик жараёни

Ич терлама – қорин тифи (typhus abdominalis)

Болаларда лимфапролифератив касалликлар