logo
  1. Главная страница
  2. Презентации
  3. Медицина
  4. Agglutinatsiya reaksiyasi

Agglutinatsiya reaksiyasi

Загружено в:

18.12.2024

Скачано:

0

Размер:

245.5078125 KB
Скачать
Agglutinatsiya reaksiyasi Reja: 1. Agglutinatsiya reaksiyasining mohiyati. 2. Agglutinatsiya reaksiyasining turli usullari (probirkali, tomchili va h.) o’rganish. Reaksiyalarning natijasini baholash. 1. Antigenlar - genetik begona moddalar, hayvon organizmiga parenteral yo’1 bilan yuborilganda sensibilizatsiya, tolerantlik va antitelolar ishlab chiqarish kabi javob reaksiyasini paydo qilib, antitelolar bilan in vivo va in vitro sharoitida maxsus o’zaro ta’sirlashadi. Korpuskular, hujayrali (bakteriyalar, eritrotsitlar) va eruvchi (molekular- dispersli) antigenlar farqlanadi. Antigenlarni polivalentli - antitelolar bilan bog’ hosil qiluvchi bir qancha determinantli retseptorlari bor. To’liq qiymatli antigenlardan tashqari gaptenlar, ya’ni oqsilsiz polisaxaridlar, mikrob hujayrasi somatik antigenining lipopolisaxarid kompleksi antigenlik xususiyatiga ega. Antitelo - qon zardobi globulinli fraksiyasining yuqori molekulali maxsus oqsillari (immunoglobulinlar). Antigen va antitelolaming in vitro o’zaro ta’siri bo’yicha - cho’kmali (agglutinin, pretsipitin), erituvchi (bakteriolizin, gemolizin) va neytrallovchi (toksinlarni zararsizlantiradi) reaksiyalar, antitelolar farqlanadi. Diagnostik maqsadda qo’llanadigan serologik reaksiyalarda komponentlarning bittasi ma’lum bo’lishi kerak, u orqali maxsusligi tufayli boshqa komponentning borligi aniqlanadi. Serologik reaksiyalar fiziologik eritmada qo’yiladi, chunki antigen va antitelo kuchsiz elektrolit muhitda bog’lanadi. Agglutinatsiya reaksiyasining mohiyati - qon zardobi tarkibidagi antitelo (agglutinin) maxsus antigen (agglutinogen) bilan yopishib, cho’kma (agglutinat) paydo qiladi va probirka tubida xarakterli shaklda joylashadi. Mikrob hujayrasining antigen tuzilishiga bog’liq ravishda O - somatik antigenlar mayda donador, xivchinli H- antigenlar yirik donador cho’kma paydo qiladi. Veterinariya amaliyotida AR brutselloz, listerioz, Ieptospiroz, kampilobakterioz, saimonelloz, kolibakterioz va h.k. kasalliklariga diagnoz qo’yishda ishlatiladi. 2. Agglutinatsiya reaksiyasi bir nechta usullarda qo’yiladi: probirkali (klassik) usul, tomchili, qon-tomchili, plastinkali Roz-bengal, sut-halqali. mikroagglutinatsiya usullari. Probirkali klassik usulda AR ni qo’yish texnikasi infeksiyaga bo’liq pavishda zardoblar yo’riqnomaga asosan suyultiriladi. Yirik shoxli hayvonlar brutsellozida quyidagicha. Ishlatiladigan komponentlar: tekshirilayotgan zardob, standart brutselloz antigeni, elektrolit muhit - fiziologik eritma (0,85% li NaCl). Y.sh.h. zardobi 1:50,1:100, 1:200, 1:400 nisbatda suyultiriladi. Shtativga birinchi qatorga 5 ta probirka terib, raqamlanadi. Birinchisida asosiy suyultirish nisbati 1:25 tayyorlanadi: 0,1 ml zardob+2,4 ml fiziologik eritma. Qolgan to’rtta probirkalarga bir xilda 1 ml dan fiziologik eritma quyiladi. Keyin maxsus pipetkada ketma-ket suyultiriladi - asosiy eritmadan 1 ml ikkinchisiga, undan uchinchi va oxirgi probirkadan dezinfiksiyalovchi eritmali idishga quyiladi. Ikkinchidan boshlab hamma probirkalarga bir xilda 0,05 ml dan antigen quyiladi (1 ml da 10 mlrd mikrob hisobidan). Komponentlarning umumiy hajmi 1 ml bo’ladi. Har bir komponent uchun alohida pipetka ishlatiladi. Probirkalar yaxshilab silkitib aralashtiriladi va 37 °C da 4-6 soat termostatda keyin 14-16 soat uy haroratida turadi. Bir vaqtda nazorat reaksiyasi qo’yilishi shart: 1. Ijobiy brutselloz zardobi + standart brutselloz antigeni natija - (++++) ijobiy. 2. Normal zardob + standart brutselloz antigeni natija (-) manfiy. 3. Standart brutselloz antigeni + fiziologik eritma natija (-) manfiy. Natijani hisobga olish nazoratli probirkalardan boshlanadi. 1. Cho’kma soyabon shaklida, suyuqlik tiniq - 100% agglutinatsiya (++++). 2. Cho’kma soyabon shaklida, suyuqlik salgina loyqa - 75 % agglutinatsiya (+++). 3. Suyuqlik loyqa, soyabon yaxshi hosil bo’lmagan - 50 % agglutinatsiya (++). 4. Cho’kma tugma shaklida, suyuqlik loyqa - 25 % agglutinatsiya 5. Suyuqlik loyqa, soyabon hosil bo’lmagan - agglutinatsiya yo’q (-) 1:100 nisbatda agglutinatsiya (++) dan kam bo’lmasa natija ijobiy; 1:50 da gumonli hisoblanadi. Tomchili AR usuli. Mikrob turini aniqlash va uni farqlash uchun ishlatiladi. Buning uchun buyum oynachasiga aniq maxsus zardob va fiziologik eritmadan (nazorat uchun) alohida tomchilar olinadi. Har bir tomchiga tekshirilayotgan mikrob bakterial ilmoqda olib qo’shiladi, aralashtiriladi. 5-10 daqiqada natija aniq bo’ladi. Ijobiy natijada suyuqlik tiniq, cho’kma donador bo’ladi. Bu usulda ko’proq kolibakterioz, salmonelloz qo’zg’atuvchilari tipizatsiya qilinadi. Qon-tomchili AR usuli. Ko’pincha pulloroz, brutsellozga tekshirishda qo’llanadi. Yog’sizlantirilgan buyum oynasiga bir tomchi qon olib unga bir tomchi kerakli antigen (gemotoksilin bilan bo’yalgan) qo’shiladi va shisha tayyoqcha bilan aralashtiriladi. Musbat natijada 30-60 soniyadan keyin agglutinat paydo bo’ladi. Sut halqali reaksiya. Y.sh.h. brutsellozga tekshirishda ishlatiladi. Probirkalarga 2- 3 mldan sut olib, 0,2 mldan (2 tomchi) gemotoksilin bilan bo’yalgan antigen qo’shiladi. Sut bir xil bo’yalguncha aralashtiriladi va 37 Cda 45-60 daqiqa-saqlanadi. Sutda antitelo bo’lsa, antigen-antitelo kompleksi hosil bo’lib yog’ tomchilariga adsorblanadi va yuziga ko’tarilib ko’k halqa paydo bo’ladi, sut rangsizlanadi. Manfiy natijada sut ko’k rangda qoladi, halqa hosil bo’lmaydi . Asosiy adabiyotlar 1. Вербицкий А.А., Алешкевич В.Н и др. Микробиология и иммунология. Учебное пособие Минск-2019. 2. Salimov X. va boshqalar. Epizootologiya. Darslik. Toshkent, 2016 yil . Xorijiy adabiyotlar 1. Fenner’s. Veterinary Virology (United States of America 2016 year). 2. M.Jackson Veterinary clinical pathology. America 2010 year. Qo’shimcha adabiyotlar 1. Mirziyoyev SH.M. Erkin va farovon demokratik O’zbekiston davlatini birgalikda barpo etamiz. Toshkent, “O’zbekiston” NMIU, 2017. – 29 b. 2. Mirziyoyev SH.M. Qonun ustuvorligi va inson manfaatlarini ta’minlash yurt taraqqiyoti va xalq farovonligining garovi.“O’zbekiston” NMIU, 2017.– 47 b. 3 . Bazarov X.K., Abdulakimova A.B. Veterinariya virusologiyasidan o ’ quv qo ’ llanma. Samarqand 2016 y. 4. Самуйленко А.Я., “Инфекционная патология животных” Том 1 Москва 2009. 5. Петров Р.В. Иммунология. Учебник. Москва 1983 й Internet saytlari : 1 . www.Ziyo.net.uz . 2. www.vetjurnal.uz 3. www.sea@mail.net21 4. www.veterinariy.actavis 5. www. fvat@.academy.uzsci.net

Похожие

Immunofluoressensiya reaksiyasi
Gemagglyutinatsiya reaksiyasi
Gemadsorbsiya reaksiyasi va gemadsorbsiyani to’xtatish reaksiyasi
Bilvosita gemagglyutinatsiya reaksiyasi
Gemagglyutinatsiyani to’xtatish reaksiyasi