Qashqadaryo muzeylari - История - Презентации

Qashqadaryo muzeylari

Загружено в:

23.09.2019

Скачано:

0

Размер:

161.19921875 KB

Qashqadaryo muzeylari

QASHQADARYO MUZEYLARI  Reja :  1. Qashqadaryo viloyat o‘lkani o‘rganish muzeyi  2. Muzey kolleksiyalari.  3. Qashqadaryo viloyat Shahrisabz shahar Amir Temur nomli moddiy madaniyat tarixi muzeyi

Qashqadaryo viloyat o‘lkani o‘rganish muzeyi  Qashqadaryo viloyat O‘lkani o‘rganish muzeyi 1909 yilda qurilgan Xo‘ja Abdulaziz madrasasida 1975 yildan 2007 yilga qadar faoliyat ko‘rsatib kelgan. Muzeyda 4 ta bo‘lim tarix, Halq amaliy san’ati, tabiat xamda “Xotira va qadriyat” bo‘limlari faoliyat ko‘rsatgan. 2004 yil 24 –sentyabrdagi O‘zbekiston Respublikasi Vazirlar Mahkamasining 452- sonli Qarshi shahrining 2700 yillik yubileyiga tayyorgarlik ko‘rish va o‘tkazish to‘g‘risidagi qaroriga asosan Viloyat o‘lkani o‘rganish muzeyi faoliyat ko‘rsatib kelgan Xo‘ja Abdulaziz madrasasi ham qayta ta’mirlash dasturiga kiritilgan bo‘lib, ta’mirlash ishlari olib borildi. Muzeyning barcha eksponatlari madrasa yonidagi binoga, ya’ni fondga joylashtirildi.

 Muzey 2007 yil 23- fevraldan boshlab A.Navoiy nomidagi istirohat bog‘i xududida joylashgan yangi binoda o‘z faoliyatiini davom ettirdi. Unda Qarshi shahrining 2700 yilligiga bag‘ishlangan ko‘rgazmasi, Xalqaro o‘zbek-grek madaniyat ko‘maklari jamg‘armasi bilan hamkorlikda tayyorlandi. Muzeyda hozirgi kunda 4 ta – tarix, Xalq amaliy san’ati, ilmiy - ma’rifiy hamda “SKM-muzey” bo‘limlari faoliyat ko‘rsatib kelmoqda. QASHQADARYO VILOYAT O`LKASHUNOSLIK MUZEYI

Muzey kolleksiyalari.  Muzeyning arxeologiya bo‘yicha kolleksiyalarini sanab o‘tadigan bo‘lsak, Qarshining qadimgi manzili bo‘lgan Yerqo‘rg‘on yodgorligidan topilgan sopol buyumlar (sopol idishlar, sopol quvurlar) kolleksiyasi mavjud. Bundan tashqari muzey fondida polyak rassomi Apelbaumning yuzdan ortiq noyob kartinalari kolleksiyasi mavjud. Kartinalar akvarumda va moybuyoqda ishlangan bo‘lib, unda 1947 – 1957 yillar davomida rassom tomonidan ishlangan ijod namunalarini tashkil etadi. Rassom yuqorida ko‘rsatib o‘tilgan davrlarda Qashqadaryo Shahrisabz vohasidagi me’moriy obidalar, ularning elementlari, dekorativ shakllari, usta hunarmandlarning ishlaridan namunalar, amaliy san’at buyumlarini san’at darajasida ishlangan shakllari aks etgan kartinalar tashkil etadi. Rassom kartinalariga qarab bizgacha yetib kelmagan me’moriy obidalar haqida, noyob amaliy san’at buyumlari haqida ma’lumotga ega bo‘lishimiz mumkin.

 Qashqadaryo vohasida qadimdan kulolchilik maktablari rivojlanib kelgan. Muzeyda Kitob kulolchilik maktabi ustalarining XX asr 50 – 60 yillarda ishlagan kulolchilik buyumlari namunalari ham o‘rin olgan. Ayollarning qo‘lda to‘qilgan shoyi, adras olachadan tikilgan kaltachalari va kuylaklari XIX asr oxiri XX asr boshlari. Qashqadaryoning Shahrisabz va Kitob tumanlarida iroqi usulida qo‘lda tikilgan erkaklar va ayollar do‘ppilari, qopchiq (kashelyok ) lar, ularning tanvor (zagatovka) lari, oyoq kiyimlar tanvorlari XX asr 20 – 70 yillariga ta’luqli.

Amir Temur tug‘ilgan qishloqda unga atab muzey ochiladi  Qashqadaryo viloyat Shahrisabz shahar Amir Temur nomli moddiy madaniyat tarixi muzeyi shahar hokimining 1996 yil 8 maydagi № X– 136/5 –sonli qarori asosida tashkil etilgan bo‘lib, Madaniyat va sport ishlari vazirligi tarkibiga kiradi. Muzey YUNESKO ning “Jahon merosi” kitobi ro‘yxatiga kiritilgan XVI asrga oid Chubin madrasasi majmuida joylashgan.

 O‘rta asrlarda “Yashil shahar” sifatida mashhur bo‘lgan Shahrisabz shahrining tarixiy xududi (220 ga.) Buyuk sohibqiron Amir Temurning ona yurti bo‘lib, u o‘z siyosiy faoliyatini Shahrisabz xokimi sifatida boshlagan va shaharning ko‘klamlashtirilishi, obodonchiligi aynan uning faoliyati bilan bog‘liq. Shahrisabz shahri o‘rta asrlarda “Qubbatul ilm val adab” yani, Ilm va odob qubbasi (markazi) unvoniga ega bo‘lib, tarixiy manbalarda shaharda ilmi-g‘saboq beradigan 40 dan ziyod madrasalar faoliyat yuritgani qayd etiladi.

 Shu sababli ham muhtaram Prezidentimiz I. A. Karimov 1996 yilda YUNESKO rahnamoligida Amir Temurning 660 yillik yubileyini o‘tkazish, shaharning tarixiy xududida Amir Temurga muhtasham xaykal o‘rnatish tashabbuskori bo‘ldi. Shahrisabz shahri Amir Temur ordeni bilan mukofotlandi. Muzey ham mahalliy ziyollilarning tashabbusi bilan 1996 yilda tashkil etilgani uchun O‘zbekiston Fanlar Akademiyasining arxeologiya instituti, O‘zbekiston Milliy unversiteti va Madaniyat ishlari vazirligining kelishuviga asosan Shahrisabz shahar Amir Temur nomli moddiy madaniyat tarixi muzeyi deb nomlandi.

 Bugungi kunlarda muzey fondida 35.500 dan ziyod asori-atiqalar to‘plangan va namoyish etilmoqda. Muzey ko‘rgazmalarining xronologik davri eramizdan oldingi VIII asrdan boshlanib, XX asrning birinchi yarmigacha uzluksiz davom etgan tarixiy madaniy jarayonlarni aks ettiradi.

Похожие

Toshkent muzeylari

Namangan muzeylari

Jahon muzeylari

Buxoro muzeylari

Andijon muzeylari